Amos 6
6
1Kapianarmek ilimasungitut Zioneme, terliktullo Samariab ᴋakᴋangane, erᴋanartut inôᴋatigêksuit angajoᴋângit, Israêlib ᴋitorngangita aivigijangit.
2Kalnemut aileritse ulernairtuiluselo; tagvangallo Hamatemut angijomut ingeraritse; Gatemullo atersâritse Filisterit nunanganêtomut; tâpkoa pioluarᴋât nâlegauvingnit makkonangât? Miksângillo anginersauvât miksâpsingnît?
3Ilipse ungasiktitsijose ilipsingnit uvlormik idluitomik, iksivavingmiglo idluituliviksamik ᴋanilertitsijose;
4Inangavingne tôgâjane inangajose, nalajoselo nalangavipsingne, nerriluse saugâranik saukanit katimgajunit, tuktuvâraniglo tuktuvaᴋautimit;
5Imgertoselo imgerusernik tukkeᴋangitunik nipjautib nippinganut ilagijauvluse; nipliajorutiliortose atoraksapsingnik Davidetut;
6Vainetortose ᴋajûtanit, mingoartoselo ilipsingnik mingoarutinut pionerpânut; kiksauteᴋangitosele Josefib kapiasuktitauninganik.
7Tamanna pivlugo aularutijaulârput aularutijaujunut sivorlerpânut, nalangajullo pervaludlarningat sorairomârpok.
8Nâlegak Nâlegaujok ingminik taivlune oᴋarsimamarikpok, oᴋarpok Nâlegak, Gûde Zebaot: Jâkob pingijaidlarninga maᴋojugivara, igloksoangillo ômigivakka; tamanna pivlugo iglugasaksuit tamaitalo takamanêtut allaromavakka.
9Pijomârporlo, anguteᴋaraloarpat 10nik iglome atautseme, toᴋojuksauvut.
10Inûblo ilangata tigujartorpago, sauningit anitsomavlugit ikitsomavlugit, iglûblo ilulerpânganêtomut oᴋarune: Sulle ilingnêtoᴋarᴋâ? Tâmnalo aukârpat: oᴋalerpok tagva: Nipangertuinarit, Nâlekab atinga taijaksarilunginaptigo.
11Ahâk, Nâlegak perᴋojivok, iglolo angijok ᴋopaᴋadlaromârpok, iglolo mikijok annêneᴋaromârpok.
12Horsit pangalisôngovât ᴋairtunê? Tagvanelônêt makperteraijoᴋarniarᴋâ tuktuvangnût? Idluarsainek mumigapsiuk sungartut ilingatilugo, idluarnerublo paungangit sungârnitotut;
13Ilipse sunaungitomik ᴋuviasuteᴋartose, oᴋartose: Pitsartuniptingnut nakjutâlungilagût?
14Ahâk, inôᴋatigêksuit makititsomârpakka ilipsingnut, ilipse Israêlib ᴋitorngangit, oᴋarpok Nâlegak, Gûde Zebaot; tâpkoalo kapiasuktitsomârpâse Hamatib miksânit kôk Araba tikidlugo.
ទើបបានជ្រើសរើសហើយ៖
Amos 6: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.