Amos 5
5
1Oᴋausek tamanna tigujara ogguarutigijomavlugo pivluse tusarsiuk, ilipse Israêlib ᴋitorngangit.
2Israêlib uigasua pâlaksimavok; makiniarungnaiporlo; nunaminut egitaumavok; makititsijoᴋangilak tâpsominga.
3Imâk oᴋarmat Nâlegak Nâlegaujok: Iglugasaksuit inungit tausendeovlutik anilauktut, hundertinik amiakoᴋalârput, hunderteovlutiglo anilauktut, tenenik amiakoᴋalârput Israêlib ᴋitornganginut.
4Imâk Nâlegak oᴋarmat Israêlib ᴋitornganginut: ᴋeneritse uvamnik, tagva inôjomârpose;
5Betelele ᴋenerniarasiuk, Gilgalemullo iterniarase, Bersabamullo ingerarniarase: Gilgalemêtut aularutijaujomârmatta, Betelelo suksaujungnairomârmat.
6Nâlegak ᴋenersiuk, inôjomârpose tagva; ikomatut ikoâlaliaᴋiᴋonago Josefib ᴋitornganginut, nungûtsilune, ᴋamitisijoᴋarungnartinago Beteleme;
7Ilipse idluarsainermik mumiksijose perortotut sungânitotut ilingatilugo, idluarnermiglo egitsijose nunamut;
8ᴋenersiuk uvloritjanik killulerektunik siaktuniglo sanajok, toᴋub tagganganik ablatsangortitsijok uvlângordlugo, uvlorlo unnuaᴋtut tâᴋtungordlugo; ᴋaiᴋojijok imarbiub imanginik nunablo ᴋânganut kovilugit; Nâlekamik ateᴋartok;
9Tikiutjijok asserornermik tagvainârtomik pitsartujunut, asserornek tikiᴋovlugo taluksoarnut.
10Tâpkoa ômigidlarpait inerterijut itertarvingme, maᴋojugivâllo idluartomik oᴋâlajok.
11Tamanna pivlugo aklujut tullerajarapsigik, aᴋsârapsigiglo sanaugaksanik: igloliorpose ujarᴋanik sanasimatsiartunik, inigijaksarilungilasele; perorsêviliorpose vaineliksatalingnik kajungernartunik, vainingalle imeraksaringilase.
12ᴋaujimagama tapanipse unuktoksôninginik idluitulinipselo angijoksôninginik; ilipse oᴋumaiksartitsijose idluartunik, tigusijose piliusianik pingitsertorutinik, nalangaiveᴋartoselo ajoᴋsartunik itertarvingme (idluarsaivingme).
13Tamanna pivlugo silatojok nipangertuksauvok naliutome taimaitome; neliumiongmat idluitok.
14Idluitok pinago, ajungitok ᴋenersiuk, inôᴋovluse; taimaglo Nâlekab, Gudib Zebaotib, ilaginiarpâse, sorlo oᴋarapse.
15Ajortok ômigisiuk, ajungitok ungagilugo, idluarsainerlo atortautisiuk itertarvingme; immaᴋâ Nâlekab, Gudib Zebaotib, Josefib amiakoa saimarsaivigijomârpait.
16Tamanna pivlugo imâk oᴋarpok Nâlegak, Gûde Zebaot, Nâlegaujok: apᴋosinerne tamaine ogguadlartoᴋaromârpok, apᴋosineâlungnelo tamaine oᴋartoᴋaromârpok: Kappê! Kappê! Perorsêvilerijorlo ᴋaiᴋojomârpât kiksarᴋatauᴋovlugo, ogguarnermiglo ilisimajut ogguarᴋovlugit.
17Perorsêvingnelo vaineliksatalingne tamaine ogguadlartoᴋaromârpok; apᴋutigiluse ingeraromagama, oᴋarpok Nâlegak.
18Kapianarmêk ilipse, Nâlekab uvlunganik ᴋilanârtose! Nâlekab uvlunga suksarivisiûk? Tâkpok, ᴋaumaniolungilak.
19Sorlo loevemit ᴋemâjoᴋartilugo, aklablo pârpâ, ubvalo sorlo iglomut itertoᴋartilugo ᴋarmak ajakparpâ, ᴋuglugiaralublo ᴋêvâ.
20Nâlekab uvlunga tâktuksaungilâk, ᴋaumaluganelô? Ilâ, tâktoᴋsôvlune akkisuteᴋaranelô?
21Uvloᴋsiorvise ômigilugillo naggogivakka, katimaniksaselo kuksasungnartut ᴋuviagingilakka.
22Ilâ, tunerguservigigaloarupsinga tunergutipsingnik ôtaksanik tunergutiniglo nerᴋiksanik, ilalioromangilakka; kamagijomangilakkalônêt tunergutise ᴋujalitiksat nergjutit ᴋoinijut.
23Pêjarᴋit uvamnit imgerutivît pervalungningit; nipjautivît erinangit tusaromanginapkit.
24Idluarsainerle kôlerle imektut, idluarnerlo kôksoatut.
25Atsivigilaukpisingâ tunergutinik ôtaksanik tunergutiniglo nerᴋiksanik inuᴋajuitome jârit 40 nâvlugit, ilipse Israêlib ᴋitorngangît?
26Ilâ, atanipse tupersoanga, inungoaliarijapselo gudingoapse uvloriangoab inigijaksanga, sanajase pivluse, erᴋsulaukpase.
27Tamanna pivlugo aularutijautitsomârpapse Damaskusib ungatânut, oᴋarpok Nâlegak, Gûdemik Zebaotemik atelik.
ទើបបានជ្រើសរើសហើយ៖
Amos 5: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.