Ro 11
11
Da'me 'yaeñi ñe'me Dios 'me jetaque ya'uo
1Nayi 'uo ga'me yenataĝanaĝac: ¿Jeele ñe'me Dios yegue'm joga'me lec'oqo'tepi? ¡Qa'ejo' ja naq'aeta! Jayem mach'e jachiyaqaue gaa'me israelpi, lolelaĝaiquipi di'me Abraham nataq'aen ga'me niyaqa'ya lec'oqo'tepi di'me Benjamín. 2Chiyoqochiñe joca'li 'uaechiñe, Dios yaconegueta ga'me Israel c'oqo'tepi da'me lec'oqo'tolqa; qama'le nayi ja de'uotapegueta.
¿Qo'li ja auayachiñe ga'me lediijec di'me Dios 'laqataĝanaĝanec Elías? Queda'me 'uo da'me netamenaĝac ca'li netamenot ñe'me Dios, daloĝonaĝataĝalo'te ga'me Israel c'oqo'tepi, enaac: 3“Jaliaĝanec, qoyala't dia'me at'aqataĝanaĝanaqa nataq'aen qonolaĝachiñe naa'me nec'atoĝonaĝala'te; jaldata jayem 'uo da'me 'yoyaĝac, nataq'aen nach'e ena'am jetaque jayem qoyalat.” 4Qalaĝaja Dios 'yateguet: “Jayem jeyotetapegue'galo ga'me siete mil jiyaĝadipi jo'ne ja yejoidi'ñejopa naa'me leliquetel ñe'me qop'iya'a Baal.”
5Chane'eja nach'eda naq'aeta, nayi 'uo jaleca noque'tac jo'ne chiyaqayi da'me lichoĝodenataĝanaĝac ñe'me Dios: uo'oe gaa'me liquiyaqa. 6Qama'le qom naqaeda da'me Dios lichoĝodenataĝanaĝac jo'ne chiyaqayi, male ja naqaegaua gaa'me 'nonataqa ta'le chiyaqayi, qa'a ta'le naq'aeta da'me lichoĝodenataĝanaĝac, ja nichoĝodenataĝanaĝac.
7Chane'eja ¿je'te eeta? Jogaa'me Israel c'oqo'tepi ja naqachidiñe ga'me jo'ne yelotedaque, qalaĝaja jogaa'me Dios liquiyaqa qamqa'me naqaegaua naqachidiñe. Jogaa'me laqaya' ja qoyadamiaĝate'. 8Naq'aeta 'yaĝatetac naa'me nedii's:
“Dios 'yetema naa'me lepaqa'li da'me ja nometeguet da'me lelnataĝa'j,
qama'le nach'eda naq'aeta da'me 'loyaĝa'j
chayovida'a jena'me jenjo' nolo';
yanema gaa'me 'lae'te jo'ne ja dauanaĝa'n
nataq'aen lequetela laco jo'ne ja domachiya'ape.”
9Nach'e ena'am David enaac:
“'Noota qom nale yauote leualaĝayaĝa'j
taya'a ga'me napogoĝoqui qama'le yejomapiyelo,
qaedi poguelaĝa'n qama'le qoya'uo da'me ne'uaĝanague'j.
10'Noota qom qoyapadelo'te naa'me 'lae'te
qama'le ja dauanaĝa'n.
'Noota qom naa'me lapalatetadi' nale'en da'me qoyeloĝolo'te.”
Da'me nec'alaqataĝanaĝa'j joga'me ja judiopi
11Nayi jachimaqataĝan: ¿Jeele joga'me judiopi da'me poguelaĝa'n, nedo'ta't da'me ja yitaĝa ñidijeguem? ¡Aja'y, ja naq'aeta! Dite da'me ja yoqochi'y joga'me judiopi, laqaya' yaqanate't da'me yovidalegue da'me nec'alaqataĝanaĝac, qaedi ga'me Israel c'oqo'te male netotapiye'ajalo. 12Chane'eja qom da'me poguelaĝa'n nataq'aen da'me lapaenaĝanaĝa'j joga'me judiopi, yelo'teguet da'me lecochaĝanaĝana da'me nachiquiyaĝac yema jena'me aleua, jogaa'me jo'ne ja judiopi, ¡male joote ena'am ta'le jelaqa'a qom yovita da'me yataqachiñe loiquiaqa' qom qoyapetena't!
13Qalaĝaja 'uo ga'tae'me jetaque ami ja'aĝatema, jo'ne ja ami 'te judiopi laje'pi, jo'ne Dios jayem yamaĝalo gaa'me ja judiopi, 'uo da'me let'adaic yauo'chi jenjo' 'yonatac. 14Jepaquetapega ta'le uo'oe gaa'me mach'e 'yachaqadiaĝa'u nometeguet da'me netotaĝa'j jouaĝat ami, qaedi naq'aeta da'me jaueguelo da'me lec'alaĝa'j. 15Qa'a qom da'me qoyemaĝaeta ga'me judiopi chiyaqayi da'me qonauela'ajalo joga'me aleua laje'pi da'me 'viyelaĝatot joñe'me Dios, ¿Qo'li ja nauela'ajalo gaa'me jo'ne qoyaconegueta? ¡Ja ch'e jaleca da'me 'lonaĝa'j qomle gaa'me jo'ne joote yele'u!
16Qa'a qom joote qoyanot ñe'me Dios jaga'me 'uaeñe pan 'me qochiyoĝotaue joga'me nonañejec, qama'le nach'e ena'am yema joga'me nonañejec qoyen ja 'nalegue qa'a male loĝot joñe'me. Nataq'aen qom ga'me pata' jaga'me epaq joote qoyanot ñe'me Dios, qama'le nach'e ena'am yemeda gaa'me lepeel male loqo'te joñe'me.
17Jaga'me epaq jo'ne olivo, nach'ena 'me yelo'tegueta jena'me judiopi, tayapiye uo'oe gaa'me qoyichaĝadegue gaa'me lepeel, qama'le ga'me chiyaqa'ña qoyejechi'ñeguet jaga'me olivo 'me viaĝaje, jo'ne mach'e am. Naq'aeta da'me maqachaĝa anetauana'uo ga'me onolec pata', nataq'aen nach'eda da'me 'loyaĝac jaga'me olivo. 18Qalaĝaja ena'te ani'yoĝodela't, a'uota'tape gaa'me chiyoqochiñe nepeel. Qom naq'aeta aua'uo, anetouetac da'me ja naqa'am da'me auen 'nañaĝañi q'aen ga'me pata', dite da'me nach'ega ga'me pata' jo'ne am 'nañaĝachiñe q'aen.
19Uotaĝa auenaac: “Eja, qalaĝaja uo'oe gaa'me qoyichaĝadegue qaedi jayem qoyejetoue jaga'me Olivo.” 20'Noota da'me auenaac, qalaĝaja qoyichaĝadegue qa'a qaya'te lepi'iyaĝa'j, qama'le am onetaye jaga'me qa'a jaldata da'me 'uo da'me adepe'e. Chane'eja ena'te ani'yoĝodela't, dite da'me 'noota qom at'oiyapega. 21Qa'a qom Dios ja yichoĝode'n ca'li gaa'me lepeel, qama'le nach'e ena'am am ja am 'te yichoĝoden qomle.
22Chane'eja auec'aten: yataqachiñe 'noota ñe'me Dios, mate mane'e yataqachiñe ja damitelegue. Chane'eja ca'li uo'oe gaa'me e'n 'uaĝadiñe, qalaĝaja da'me am yataqata am yichoĝoden. Qalaĝaja 'noota qom nach'e eta't da'me at'oyaĝac uetaue da'me lichoĝodenataĝanaĝac joñe'me, qa'a qom ja naq'aeta nach'e ena'am am qoyichaĝaye qomle.
23Da'me laqaya, qom ga'me judiopi yegue'm da'me loqoleguetaĝanaĝa'j, yitaĝa qoyen nejetedoue; qa'a Dios 'uo da'me lañoqotaĝanaĝac qaedi yitaĝa 'yiyelaĝatedeuo qama'le nejetedoue. 24Qa'a qom am, jo'ne yataqachiñe at'oyaĝac da'me am Olivo 'me viaĝajec am qoyichaĝaye ca'li nataq'aen am qoyejetoue da'me ja yataqachiñe at'oyaĝac jaga'me olivo 'me 'noota, qama'le ¿qo'li ja p'ajaye joga'me judiopi, da'me naqaegaua chiyoqochiñe lepeel jaga'me olivo 'me 'noota, da'me yitaĝa qo'viyelaĝalegue nejetedoue q'ae'n jaga'me olivo 'me chiyoqodayi?
Da'me p'ategue nec'alaqataĝanaĝac 'me qoyanema gaa'me Israel c'oqo'tepi
25Ami yaqaya'olqa, jepaquetapega ta'le ami auayachiñe da'me yoequenataĝanaĝac 'me ja yaloĝonapiye't ñe'me Dios; qaedi ja a'naĝachitapela't ami yatenaĝanaĝayaqa; joga'me Israel c'oqo'tepi ja yemeda jogaa'me ta'le ja damite', ch'e lae jogaa'me, qalaĝaja jaldata qom ena'uaque yenoĝodeuo jogaa'me jo'ne ja Israel c'oqo'tepi. 26Qom yepacalegue da'me dojo', ena'uaque joga'me Israel c'oqo'tepi yovidalegue da'me nec'alaqataĝanaĝac, qa'a naa'me nedii's eet'oi:
“Ñe'me dec'alaqataĝanaĝac chiyoĝogue di'me Sión,
qama'le chiyoĝotaue da'me ja no'en
ñe'me Jacob da'me yiyota'a.
27Qama'le naqaena jena'me niyamaĝac jo'ne janema jogaa'me
qom jegue'm gaa'me loecopi.”
28Qama'le da'me dojo' onaĝaic 'naqataĝanaĝac, joga'me judiopi qoyanetayelo da'me lauteua ñe'me Dios da'me qoya'uo adedaqadi' ami; qalaĝaja Dios maliaĝa noqopitalo jogaa'me, qa'a liquiyaqa dia'me chiyoĝogueta jogaa'me. 29Qa'a ga'me jo'ne Dios yanegue, ja yitaĝa doĝotaĝanec, uotaĝa ta'le 'yiyelaĝat da'me liyaĝanaĝac.
30Gaa'me noloqo'ote 'me yenoĝodegue joca'li, ja auauoyi ga'me yepaquetapega ñe'me Dios, qa'a ja auoqochiiya. Qalaĝaja nayi jogaa'me judiopi, queda'me ja yoqochideta joñe'me, male Dios ami yichoĝode'n. 31Qama'le naq'aeta da'me dojo', jogaa'me ja yoqochideta nayi, qalaĝaja naqaeda qaedi Dios ami yichoĝode'n, nataq'aen qaedi nayi nach'e ena'am Dios yichoĝode'n jogaa'me. 32Qa'a ñe'me Dios ena'uaque 'nañaĝateque jogaa'me chaqaedi da'me ja yoqochideta joñe'me, qaedi qaya'te yiyota'a da'me ena'uaque yichoĝode'n.
Jalcote 'ñonaĝachigui joñe'me Dios
33¡Yataqachiñe qaya'ñgui da'me leuoyaĝac ñe'me Dios, nataq'aen da'me layatenaĝanaĝac nataq'aen da'me latetonaĝanaĝac! Qaya'te yaqanatet da'me doqotenaĝanec naa'me yauapiye, uotaĝa ta'le qoyovita da'me qoyayate'n naa'me ladico. 34Qa'a:
“¿Jach'e jogamaĝa yayaten da'me lauelyaĝac ñe'me Jaliaĝanec?
¿Jach'e ga'me yaqanatet ta'le noqotena joñe'me?
35¿Jach'e ga'me yaqanatet da'me 'uo ga'me 'nataĝanaĝanec
qaedi ua'edi yitaĝa 'yiyelaĝateguet?”
36Qa'a ena'uaque gaa'me di'yo't 'me uo'oe mach'e chiyoqodo'ot ñe'me Dios, di'yo't jogaa'me qa'a 'ye't joñe'me, nataq'aen mach'e loqo'te joñe'me. ¡'Noota qom nach'e eta't qo'nonaĝachigui joñe'me Dios! Jaja'a. Nach'e naq'aeta da'me dojo'.
ទើបបានជ្រើសរើសហើយ៖
Ro 11: TSN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testament Toba del Oeste © 2010 Sociedad Bíblica Argentina
Ro 11
11
Da'me 'yaeñi ñe'me Dios 'me jetaque ya'uo
1Nayi 'uo ga'me yenataĝanaĝac: ¿Jeele ñe'me Dios yegue'm joga'me lec'oqo'tepi? ¡Qa'ejo' ja naq'aeta! Jayem mach'e jachiyaqaue gaa'me israelpi, lolelaĝaiquipi di'me Abraham nataq'aen ga'me niyaqa'ya lec'oqo'tepi di'me Benjamín. 2Chiyoqochiñe joca'li 'uaechiñe, Dios yaconegueta ga'me Israel c'oqo'tepi da'me lec'oqo'tolqa; qama'le nayi ja de'uotapegueta.
¿Qo'li ja auayachiñe ga'me lediijec di'me Dios 'laqataĝanaĝanec Elías? Queda'me 'uo da'me netamenaĝac ca'li netamenot ñe'me Dios, daloĝonaĝataĝalo'te ga'me Israel c'oqo'tepi, enaac: 3“Jaliaĝanec, qoyala't dia'me at'aqataĝanaĝanaqa nataq'aen qonolaĝachiñe naa'me nec'atoĝonaĝala'te; jaldata jayem 'uo da'me 'yoyaĝac, nataq'aen nach'e ena'am jetaque jayem qoyalat.” 4Qalaĝaja Dios 'yateguet: “Jayem jeyotetapegue'galo ga'me siete mil jiyaĝadipi jo'ne ja yejoidi'ñejopa naa'me leliquetel ñe'me qop'iya'a Baal.”
5Chane'eja nach'eda naq'aeta, nayi 'uo jaleca noque'tac jo'ne chiyaqayi da'me lichoĝodenataĝanaĝac ñe'me Dios: uo'oe gaa'me liquiyaqa. 6Qama'le qom naqaeda da'me Dios lichoĝodenataĝanaĝac jo'ne chiyaqayi, male ja naqaegaua gaa'me 'nonataqa ta'le chiyaqayi, qa'a ta'le naq'aeta da'me lichoĝodenataĝanaĝac, ja nichoĝodenataĝanaĝac.
7Chane'eja ¿je'te eeta? Jogaa'me Israel c'oqo'tepi ja naqachidiñe ga'me jo'ne yelotedaque, qalaĝaja jogaa'me Dios liquiyaqa qamqa'me naqaegaua naqachidiñe. Jogaa'me laqaya' ja qoyadamiaĝate'. 8Naq'aeta 'yaĝatetac naa'me nedii's:
“Dios 'yetema naa'me lepaqa'li da'me ja nometeguet da'me lelnataĝa'j,
qama'le nach'eda naq'aeta da'me 'loyaĝa'j
chayovida'a jena'me jenjo' nolo';
yanema gaa'me 'lae'te jo'ne ja dauanaĝa'n
nataq'aen lequetela laco jo'ne ja domachiya'ape.”
9Nach'e ena'am David enaac:
“'Noota qom nale yauote leualaĝayaĝa'j
taya'a ga'me napogoĝoqui qama'le yejomapiyelo,
qaedi poguelaĝa'n qama'le qoya'uo da'me ne'uaĝanague'j.
10'Noota qom qoyapadelo'te naa'me 'lae'te
qama'le ja dauanaĝa'n.
'Noota qom naa'me lapalatetadi' nale'en da'me qoyeloĝolo'te.”
Da'me nec'alaqataĝanaĝa'j joga'me ja judiopi
11Nayi jachimaqataĝan: ¿Jeele joga'me judiopi da'me poguelaĝa'n, nedo'ta't da'me ja yitaĝa ñidijeguem? ¡Aja'y, ja naq'aeta! Dite da'me ja yoqochi'y joga'me judiopi, laqaya' yaqanate't da'me yovidalegue da'me nec'alaqataĝanaĝac, qaedi ga'me Israel c'oqo'te male netotapiye'ajalo. 12Chane'eja qom da'me poguelaĝa'n nataq'aen da'me lapaenaĝanaĝa'j joga'me judiopi, yelo'teguet da'me lecochaĝanaĝana da'me nachiquiyaĝac yema jena'me aleua, jogaa'me jo'ne ja judiopi, ¡male joote ena'am ta'le jelaqa'a qom yovita da'me yataqachiñe loiquiaqa' qom qoyapetena't!
13Qalaĝaja 'uo ga'tae'me jetaque ami ja'aĝatema, jo'ne ja ami 'te judiopi laje'pi, jo'ne Dios jayem yamaĝalo gaa'me ja judiopi, 'uo da'me let'adaic yauo'chi jenjo' 'yonatac. 14Jepaquetapega ta'le uo'oe gaa'me mach'e 'yachaqadiaĝa'u nometeguet da'me netotaĝa'j jouaĝat ami, qaedi naq'aeta da'me jaueguelo da'me lec'alaĝa'j. 15Qa'a qom da'me qoyemaĝaeta ga'me judiopi chiyaqayi da'me qonauela'ajalo joga'me aleua laje'pi da'me 'viyelaĝatot joñe'me Dios, ¿Qo'li ja nauela'ajalo gaa'me jo'ne qoyaconegueta? ¡Ja ch'e jaleca da'me 'lonaĝa'j qomle gaa'me jo'ne joote yele'u!
16Qa'a qom joote qoyanot ñe'me Dios jaga'me 'uaeñe pan 'me qochiyoĝotaue joga'me nonañejec, qama'le nach'e ena'am yema joga'me nonañejec qoyen ja 'nalegue qa'a male loĝot joñe'me. Nataq'aen qom ga'me pata' jaga'me epaq joote qoyanot ñe'me Dios, qama'le nach'e ena'am yemeda gaa'me lepeel male loqo'te joñe'me.
17Jaga'me epaq jo'ne olivo, nach'ena 'me yelo'tegueta jena'me judiopi, tayapiye uo'oe gaa'me qoyichaĝadegue gaa'me lepeel, qama'le ga'me chiyaqa'ña qoyejechi'ñeguet jaga'me olivo 'me viaĝaje, jo'ne mach'e am. Naq'aeta da'me maqachaĝa anetauana'uo ga'me onolec pata', nataq'aen nach'eda da'me 'loyaĝac jaga'me olivo. 18Qalaĝaja ena'te ani'yoĝodela't, a'uota'tape gaa'me chiyoqochiñe nepeel. Qom naq'aeta aua'uo, anetouetac da'me ja naqa'am da'me auen 'nañaĝañi q'aen ga'me pata', dite da'me nach'ega ga'me pata' jo'ne am 'nañaĝachiñe q'aen.
19Uotaĝa auenaac: “Eja, qalaĝaja uo'oe gaa'me qoyichaĝadegue qaedi jayem qoyejetoue jaga'me Olivo.” 20'Noota da'me auenaac, qalaĝaja qoyichaĝadegue qa'a qaya'te lepi'iyaĝa'j, qama'le am onetaye jaga'me qa'a jaldata da'me 'uo da'me adepe'e. Chane'eja ena'te ani'yoĝodela't, dite da'me 'noota qom at'oiyapega. 21Qa'a qom Dios ja yichoĝode'n ca'li gaa'me lepeel, qama'le nach'e ena'am am ja am 'te yichoĝoden qomle.
22Chane'eja auec'aten: yataqachiñe 'noota ñe'me Dios, mate mane'e yataqachiñe ja damitelegue. Chane'eja ca'li uo'oe gaa'me e'n 'uaĝadiñe, qalaĝaja da'me am yataqata am yichoĝoden. Qalaĝaja 'noota qom nach'e eta't da'me at'oyaĝac uetaue da'me lichoĝodenataĝanaĝac joñe'me, qa'a qom ja naq'aeta nach'e ena'am am qoyichaĝaye qomle.
23Da'me laqaya, qom ga'me judiopi yegue'm da'me loqoleguetaĝanaĝa'j, yitaĝa qoyen nejetedoue; qa'a Dios 'uo da'me lañoqotaĝanaĝac qaedi yitaĝa 'yiyelaĝatedeuo qama'le nejetedoue. 24Qa'a qom am, jo'ne yataqachiñe at'oyaĝac da'me am Olivo 'me viaĝajec am qoyichaĝaye ca'li nataq'aen am qoyejetoue da'me ja yataqachiñe at'oyaĝac jaga'me olivo 'me 'noota, qama'le ¿qo'li ja p'ajaye joga'me judiopi, da'me naqaegaua chiyoqochiñe lepeel jaga'me olivo 'me 'noota, da'me yitaĝa qo'viyelaĝalegue nejetedoue q'ae'n jaga'me olivo 'me chiyoqodayi?
Da'me p'ategue nec'alaqataĝanaĝac 'me qoyanema gaa'me Israel c'oqo'tepi
25Ami yaqaya'olqa, jepaquetapega ta'le ami auayachiñe da'me yoequenataĝanaĝac 'me ja yaloĝonapiye't ñe'me Dios; qaedi ja a'naĝachitapela't ami yatenaĝanaĝayaqa; joga'me Israel c'oqo'tepi ja yemeda jogaa'me ta'le ja damite', ch'e lae jogaa'me, qalaĝaja jaldata qom ena'uaque yenoĝodeuo jogaa'me jo'ne ja Israel c'oqo'tepi. 26Qom yepacalegue da'me dojo', ena'uaque joga'me Israel c'oqo'tepi yovidalegue da'me nec'alaqataĝanaĝac, qa'a naa'me nedii's eet'oi:
“Ñe'me dec'alaqataĝanaĝac chiyoĝogue di'me Sión,
qama'le chiyoĝotaue da'me ja no'en
ñe'me Jacob da'me yiyota'a.
27Qama'le naqaena jena'me niyamaĝac jo'ne janema jogaa'me
qom jegue'm gaa'me loecopi.”
28Qama'le da'me dojo' onaĝaic 'naqataĝanaĝac, joga'me judiopi qoyanetayelo da'me lauteua ñe'me Dios da'me qoya'uo adedaqadi' ami; qalaĝaja Dios maliaĝa noqopitalo jogaa'me, qa'a liquiyaqa dia'me chiyoĝogueta jogaa'me. 29Qa'a ga'me jo'ne Dios yanegue, ja yitaĝa doĝotaĝanec, uotaĝa ta'le 'yiyelaĝat da'me liyaĝanaĝac.
30Gaa'me noloqo'ote 'me yenoĝodegue joca'li, ja auauoyi ga'me yepaquetapega ñe'me Dios, qa'a ja auoqochiiya. Qalaĝaja nayi jogaa'me judiopi, queda'me ja yoqochideta joñe'me, male Dios ami yichoĝode'n. 31Qama'le naq'aeta da'me dojo', jogaa'me ja yoqochideta nayi, qalaĝaja naqaeda qaedi Dios ami yichoĝode'n, nataq'aen qaedi nayi nach'e ena'am Dios yichoĝode'n jogaa'me. 32Qa'a ñe'me Dios ena'uaque 'nañaĝateque jogaa'me chaqaedi da'me ja yoqochideta joñe'me, qaedi qaya'te yiyota'a da'me ena'uaque yichoĝode'n.
Jalcote 'ñonaĝachigui joñe'me Dios
33¡Yataqachiñe qaya'ñgui da'me leuoyaĝac ñe'me Dios, nataq'aen da'me layatenaĝanaĝac nataq'aen da'me latetonaĝanaĝac! Qaya'te yaqanatet da'me doqotenaĝanec naa'me yauapiye, uotaĝa ta'le qoyovita da'me qoyayate'n naa'me ladico. 34Qa'a:
“¿Jach'e jogamaĝa yayaten da'me lauelyaĝac ñe'me Jaliaĝanec?
¿Jach'e ga'me yaqanatet ta'le noqotena joñe'me?
35¿Jach'e ga'me yaqanatet da'me 'uo ga'me 'nataĝanaĝanec
qaedi ua'edi yitaĝa 'yiyelaĝateguet?”
36Qa'a ena'uaque gaa'me di'yo't 'me uo'oe mach'e chiyoqodo'ot ñe'me Dios, di'yo't jogaa'me qa'a 'ye't joñe'me, nataq'aen mach'e loqo'te joñe'me. ¡'Noota qom nach'e eta't qo'nonaĝachigui joñe'me Dios! Jaja'a. Nach'e naq'aeta da'me dojo'.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testament Toba del Oeste © 2010 Sociedad Bíblica Argentina