Ro 10
10
Jogaa'me Israel c'oqo'tepi nataq'aen da'me dojo' onaĝaic 'naqataĝanaĝac
1Ami yaqaya'olqa, da'me lamaic jena'me yeuel nataq'aen daa'me ñetamenaĝaco nale jajelaĝanot ñe'me Dios qaedi ga'me Israel c'oqo'tepi yovidalegue da'me lec'alaĝa'j. 2Da'me ami jotaua'n, yataqata jayaten da'me ami jalcote 'uo da'me adamaiqui ta'le a'uonataĝañiuo'o joñe'me Dios; jaldata da'me dojo' adamaiqui ja chiyoqotelegue da'me yataqatelegue natetonaĝanaĝac. 3Qa'a ja auatetoñiyeguet da'me nach'eñe naqaeñe ñe'me Dios da'me e'n yataqatelo'te gaa'me jiyaĝa'u, qama'te aueñetapela't mach'e ami yataqatelo'te. Qama'le naq'aeta da'me ja uetedo'ot da'me jo'ne joote Dios 'yaeñi qaedi qo'mi yataqatelo'te q'ae'n. 4Qa'a daa'me namaĝajoĝonaĝaco mach'e loiquiaqa'yaĝac da'me yovita ñe'me Cristo, qama'le naq'aeta da'me ena'uaque qom 'uo da'me lepe'e' yaqanate't da'me yataqatelo'te q'ae'n.
Yema jaqanatetaq da'me qo'mi qonec'alaĝatedegue
5Da'me chimaqachiñe 'me chiyoqotelegue da'me namaĝajoĝonaĝaco, Moisés yediñe da'me dojo': “Ga'me jiyaĝaua jo'ne que'teguelo daa'me namaĝajoĝonaĝaco chiyaqayi da'me 'loyaĝac daa'me.” 6Da'me yataqatelegue jo'ne chiyoqotelegue da'me nepe'e, qo'eet'oi: “Ena'te eetojo' ga'me adelnataĝac: «¿Jach'e ga'me yaqanatet ta'le yec'adije'ma di'me piyem?»” Dojo' aue'tem da'me qaedi Cristo nenochiñe. 7“Uotaĝa: «¿Jach'e ga'me yaqanatet da'me ta'ñgui ga'me qaya'ñgui?»” Dojo' aue'tem da'me qaedi Cristo nec'adijeguem chiyaqauelo gaa'me napa'lpi.
8Chane'eja, ¿jach'e ga'me eeta da'me 'yaĝatetac? “Da'me 'naqatac am davi'teguet, na'me anedegaĝat nataq'aen na'me adelnataĝac.” Jenjo' 'naqatac nach'eda 'yaĝatetac da'me nepe'e jo'ne japaĝaguenataĝanaĝac. 9Ta'le na'me anedegaĝat yatetoneguet da'me Jesús mach'e Jaliaĝanec, nataq'aen na'me adelnataĝac p'iya'a da'me Dios 'niyelaĝachijeguem, male auovidalegue da'me nec'alaqataĝanaĝac. 10Qa'a da'me nelnataĝac 'uo da'me lepe'e qaedi yovidalegue da'me lec'alaĝac, nataq'aen naa'me qanedegaqa'te yechoĝo't ñe'me Jesucristo qaedi jovidaqalegue da'me qadec'alaĝac.
11Naa'me nedii's eet'oi: “Ga'me jo'ne p'iya'a joñe'me, ja qoyoqovitac joga'me.” 12Ga'me judiopi le'ec ja napacalegue ga'me ja judiopi le'ec, qa'a nach'eñe ñe'me Jaliaĝanec nataq'aen lejaliaĝane'j ena'uac jogaa'me, nataq'aen ja jematatapeguem da'me 'uo ga'me yanem ga'me jo'ne 'yaĝatetac joñe'me. 13Qa'a nach'eda dojo' jo'ne 'yaĝatetac: “Ena'uaque gaa'me jo'ne 'yaĝatetedac da'me lenaĝat ñe'me Jaliaĝanec, yovidedalegue da'me qonec'alaĝatedegue.” 14Qalaĝaja ¿teua'atoqo' 'yaĝatetedac, qom ja p'iida'a joñe'me? Nataq'aen ¿teua'atoqo' p'iida'a joñe'me, qom ja domachita da'me qo'yaĝatetac joñe'me? Nataq'aen ¿teua'atoqo' domachita, qom qaya'te ga'me jo'ne 'yaĝatetapema da'me 'naqataĝanaĝac? 15Nataq'aen ¿teua'atoqo' 'yaĝatetedac da'me 'naqataĝanaĝac, qom ja namaĝa's? Nataq'aeta 'yaĝatetac naa'me nedii's jo'ne qoyedidiñe ca'li: “¡Da'me lovidaĝac ga'me yachitac da'me onaĝaic nep'iquinataĝanaĝac, yataqachiñe 'uo da'me li'yoĝodic!”
16Qalaĝaja ja ena'uaque yacoteguet da'me onaĝaic 'naqataĝanaĝac. Ena'am da'me Isaías 'yaĝatetac: “Jaliaĝanec, ¿jach'e ga'me 'yamaqaten da'me domachiya ga'me qat'aqataĝanaĝac?” 17Chane'eja da'me niyiñe da'me nepe'e yajouaĝat da'me qodomachiya da'me 'naqataĝanaĝac, qama'le da'me 'naqataĝanaĝac chiyoĝoguet daa'me 'laqataqa ñe'me Cristo.
18Qalaĝaja, jayem 'uo da'me yachimaqataĝanaĝac: ¿ja domachita jeele da'me 'naqataĝanaĝac? ¡Qa'ejo' domachita! Qa'a naa'me nedii's eet'oi:
“Daa'me lejamaqa' jogaa'me
nelagaĝatelegue yema jena'me aleua;
chayovida'alo gaa'me p'atedegue lael jena'me aleua,
yovida'alo daa'me 'laqataqa.”
19Qama'le yitaĝa ja'uo yachimaqataĝanaĝac: ¿jeele gaa'me Israel c'oqo'tepi, qaya ga'me letadenataĝanaĝa'j joona joca'li? Cha'li je'uauaĝañe da'me dojo', Moisés enaac:
“Jayem ami janema da'me 'uo ga'me anetotaĝaqui
qom auañiya ga'me noic 'me ja yalaqapi.
Ami je'etema da'me aualemataitapega ga'me noic jo'ne ja jetaque tadenataĝan.”
20Ua'edi, Isaías lichiquetelegue enaac:
“Jogaa'me jo'ne ja jayem 'te yelotedaque,
jayem yauata.
Qama'le ñaloĝonegueta gaa'me
jo'ne ja jayem 'te nataĝatedaque.”
21Qama'le da'me taya'a da'me 'laqatac jogaa'me Israel c'oqo'tepi, Isaías enaac:
“Yema ga'me nolo' jachetalo'te naa'me youa'
ga'me noic jo'ne ja jayem 'te yoqo'cha nataq'aen ja damita.”
ទើបបានជ្រើសរើសហើយ៖
Ro 10: TSN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testament Toba del Oeste © 2010 Sociedad Bíblica Argentina
Ro 10
10
Jogaa'me Israel c'oqo'tepi nataq'aen da'me dojo' onaĝaic 'naqataĝanaĝac
1Ami yaqaya'olqa, da'me lamaic jena'me yeuel nataq'aen daa'me ñetamenaĝaco nale jajelaĝanot ñe'me Dios qaedi ga'me Israel c'oqo'tepi yovidalegue da'me lec'alaĝa'j. 2Da'me ami jotaua'n, yataqata jayaten da'me ami jalcote 'uo da'me adamaiqui ta'le a'uonataĝañiuo'o joñe'me Dios; jaldata da'me dojo' adamaiqui ja chiyoqotelegue da'me yataqatelegue natetonaĝanaĝac. 3Qa'a ja auatetoñiyeguet da'me nach'eñe naqaeñe ñe'me Dios da'me e'n yataqatelo'te gaa'me jiyaĝa'u, qama'te aueñetapela't mach'e ami yataqatelo'te. Qama'le naq'aeta da'me ja uetedo'ot da'me jo'ne joote Dios 'yaeñi qaedi qo'mi yataqatelo'te q'ae'n. 4Qa'a daa'me namaĝajoĝonaĝaco mach'e loiquiaqa'yaĝac da'me yovita ñe'me Cristo, qama'le naq'aeta da'me ena'uaque qom 'uo da'me lepe'e' yaqanate't da'me yataqatelo'te q'ae'n.
Yema jaqanatetaq da'me qo'mi qonec'alaĝatedegue
5Da'me chimaqachiñe 'me chiyoqotelegue da'me namaĝajoĝonaĝaco, Moisés yediñe da'me dojo': “Ga'me jiyaĝaua jo'ne que'teguelo daa'me namaĝajoĝonaĝaco chiyaqayi da'me 'loyaĝac daa'me.” 6Da'me yataqatelegue jo'ne chiyoqotelegue da'me nepe'e, qo'eet'oi: “Ena'te eetojo' ga'me adelnataĝac: «¿Jach'e ga'me yaqanatet ta'le yec'adije'ma di'me piyem?»” Dojo' aue'tem da'me qaedi Cristo nenochiñe. 7“Uotaĝa: «¿Jach'e ga'me yaqanatet da'me ta'ñgui ga'me qaya'ñgui?»” Dojo' aue'tem da'me qaedi Cristo nec'adijeguem chiyaqauelo gaa'me napa'lpi.
8Chane'eja, ¿jach'e ga'me eeta da'me 'yaĝatetac? “Da'me 'naqatac am davi'teguet, na'me anedegaĝat nataq'aen na'me adelnataĝac.” Jenjo' 'naqatac nach'eda 'yaĝatetac da'me nepe'e jo'ne japaĝaguenataĝanaĝac. 9Ta'le na'me anedegaĝat yatetoneguet da'me Jesús mach'e Jaliaĝanec, nataq'aen na'me adelnataĝac p'iya'a da'me Dios 'niyelaĝachijeguem, male auovidalegue da'me nec'alaqataĝanaĝac. 10Qa'a da'me nelnataĝac 'uo da'me lepe'e qaedi yovidalegue da'me lec'alaĝac, nataq'aen naa'me qanedegaqa'te yechoĝo't ñe'me Jesucristo qaedi jovidaqalegue da'me qadec'alaĝac.
11Naa'me nedii's eet'oi: “Ga'me jo'ne p'iya'a joñe'me, ja qoyoqovitac joga'me.” 12Ga'me judiopi le'ec ja napacalegue ga'me ja judiopi le'ec, qa'a nach'eñe ñe'me Jaliaĝanec nataq'aen lejaliaĝane'j ena'uac jogaa'me, nataq'aen ja jematatapeguem da'me 'uo ga'me yanem ga'me jo'ne 'yaĝatetac joñe'me. 13Qa'a nach'eda dojo' jo'ne 'yaĝatetac: “Ena'uaque gaa'me jo'ne 'yaĝatetedac da'me lenaĝat ñe'me Jaliaĝanec, yovidedalegue da'me qonec'alaĝatedegue.” 14Qalaĝaja ¿teua'atoqo' 'yaĝatetedac, qom ja p'iida'a joñe'me? Nataq'aen ¿teua'atoqo' p'iida'a joñe'me, qom ja domachita da'me qo'yaĝatetac joñe'me? Nataq'aen ¿teua'atoqo' domachita, qom qaya'te ga'me jo'ne 'yaĝatetapema da'me 'naqataĝanaĝac? 15Nataq'aen ¿teua'atoqo' 'yaĝatetedac da'me 'naqataĝanaĝac, qom ja namaĝa's? Nataq'aeta 'yaĝatetac naa'me nedii's jo'ne qoyedidiñe ca'li: “¡Da'me lovidaĝac ga'me yachitac da'me onaĝaic nep'iquinataĝanaĝac, yataqachiñe 'uo da'me li'yoĝodic!”
16Qalaĝaja ja ena'uaque yacoteguet da'me onaĝaic 'naqataĝanaĝac. Ena'am da'me Isaías 'yaĝatetac: “Jaliaĝanec, ¿jach'e ga'me 'yamaqaten da'me domachiya ga'me qat'aqataĝanaĝac?” 17Chane'eja da'me niyiñe da'me nepe'e yajouaĝat da'me qodomachiya da'me 'naqataĝanaĝac, qama'le da'me 'naqataĝanaĝac chiyoĝoguet daa'me 'laqataqa ñe'me Cristo.
18Qalaĝaja, jayem 'uo da'me yachimaqataĝanaĝac: ¿ja domachita jeele da'me 'naqataĝanaĝac? ¡Qa'ejo' domachita! Qa'a naa'me nedii's eet'oi:
“Daa'me lejamaqa' jogaa'me
nelagaĝatelegue yema jena'me aleua;
chayovida'alo gaa'me p'atedegue lael jena'me aleua,
yovida'alo daa'me 'laqataqa.”
19Qama'le yitaĝa ja'uo yachimaqataĝanaĝac: ¿jeele gaa'me Israel c'oqo'tepi, qaya ga'me letadenataĝanaĝa'j joona joca'li? Cha'li je'uauaĝañe da'me dojo', Moisés enaac:
“Jayem ami janema da'me 'uo ga'me anetotaĝaqui
qom auañiya ga'me noic 'me ja yalaqapi.
Ami je'etema da'me aualemataitapega ga'me noic jo'ne ja jetaque tadenataĝan.”
20Ua'edi, Isaías lichiquetelegue enaac:
“Jogaa'me jo'ne ja jayem 'te yelotedaque,
jayem yauata.
Qama'le ñaloĝonegueta gaa'me
jo'ne ja jayem 'te nataĝatedaque.”
21Qama'le da'me taya'a da'me 'laqatac jogaa'me Israel c'oqo'tepi, Isaías enaac:
“Yema ga'me nolo' jachetalo'te naa'me youa'
ga'me noic jo'ne ja jayem 'te yoqo'cha nataq'aen ja damita.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testament Toba del Oeste © 2010 Sociedad Bíblica Argentina