Ro 12
12
Da'me dalaĝaic 'noyaĝac
1Chane'eja, ami yaqaya'olqa, yajouaĝat da'me lichoĝodenataĝanaĝac ñe'me Dios, ami ñachoĝodenouelo da'me 'noota qom mach'e ami auec'achiya joñe'me Dios ena'am ta'le najaqajec jo'ne nec'aletaye, ja 'nalegue jo'ne jama ga'me laetayaĝac 'me qoyanem ñe'me Dios. Naqaena jena'me 'nemaĝac 'me yataqatelegue auañem joñe'me. 2Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.
3Chiyaqayi da'me lichoĝodenataĝanaĝac ñe'me Dios, 'uo da'me 'ñelopaguec jo'ne jayem qoyamaĝalegue, da'me ami ja'aĝatema da'me 'noota qom qaya'te gamachaqaega mach'e nenatetapela't napacalegue ga'me jo'ne nalo'taguet da'me uenate'ta. 'Noota da'me onolqa'tape ja yaguegue ga'me nelnataĝac da'me nenatetapela't, nalo'taguet q'aen ga'me mach'e Dios en nemeyaĝac 'uaĝayet q'aen da'me lepe'e. 4Qa'a naq'aeta da'me onolec ga'me qadapachidiyaĝac qayoĝode' gaa'me qadajouaĝaje'te, nataq'aen ja yemeda gaa'me qadoĝoje'te yemeda'ague da'me lajoĝo'j, 5qama'le naq'aeta da'me nach'e ena'am qo'mi, mate mane'e qo'mi qayoĝode', qademaye ga'me onolec napat mach'e Cristo, nataq'aen onolqa'tape qo'mi joqotaĝaguet ena'am ta'le qademaye ga'me onolec napat.
6Qa'a da'me lichoĝodenataĝanaĝac ñe'me Dios mach'e chiyoqochigui da'me qo'mi qoyanema yodapecache q'aen ga'me qanemeyaĝac, naq'aeta ga'me jo'ne ñe'me naloqotenaĝa'teguet onolqa'tape. Chane'eja qom Dios qo'mi yanema da'me qo'mi 'laqataĝanaĝanaqa qama'le ja'aĝataqatac qom naq'aeta da'me qadepe'e jo'ne qo'mi uetauelo. 7Qom qo'mi yanema da'me qaneme da'me yecochaĝalo gaa'me qadaqaya', jeyamaĝataqatac da'me je'etaq. Ga'me jo'ne qoyanem da'me ch'e nemeyaĝac da'me qaedi dapaĝaguenataĝan, 'noota qom yalemaqa'teguet da'me lapaĝaguenataĝanaĝac. 8Ga'me jo'ne qoyanem da'me qoyen nemeyaĝac qaedi 'yañaqate'tape ga'me laqaya, 'noota qom yalemaqa'teguet da'me 'yañaqate'tape joga'me. Ga'me jo'ne 'uo ga'me yanegue, 'noota qom ja jematatac da'me ya'uo; ga'me jo'ne da'me 'nonatac jo'ne qayoĝode' gaa'me yelapelo'te, 'noota qom netela da'me ye'et da'me 'nelopaguec; ga'me jo'ne lecochiyalo jogaa'me choĝodayaqolqa, 'noota qom matac da'me ye'et da'me dojo'.
Da'me onaĝayaqa 'lonataqa jogaa'me jo'ne p'etaqadayaqa
9'Noota qom qaya'te lale'gue da'me onolqa'tape anoqopichiyapega't. A'uoitapeguet joda'me ja no'en nataq'aen anaviquila't joda'me 'noota. 10Ena'am da'me mach'e adanogaĝa'u gaa'me adaqayadi' da'me yataqachiñe adoqopichiyalo, 'uo da'me auepaquitapegalo nale nataq'aen nach'e eta't auaquiya ga'me adaqaya.
11'Noota qom a'nañaĝachi, ena'te ami choĝolaĝayaqa nataq'aen a'uonataĝañiuo'o ñe'me Jaliaĝanec auomachiya naa'me adai'lidi'.
12Ami made'tape nale qa'a 'uo da'me adajoĝonataĝanaĝaqui 'me ami uetauelo; 'noota qom auacoñiyeguet da'me at'añaĝaqui nale uo'oe gaa'me adachoĝodequi; ena'te anaĝañiyañi da'me anetamenaĝaqui.
13Gaa'me louenaĝanaĝaco gaa'me Dios lec'oqo'tepi 'me ja 'nalo'te, 'noota qom anaviquila't; a'nonaĝachiyeguilo gaa'me jo'ne ami dejapichiyalo.
14Gaa'me jo'ne ami yecaa'tape 'noota qom avichoĝodeñi'. Auachiyalo'te da'me 'noota nataq'aen ena'te auejoueñi'tape.
15Nale ovi'tajopa gaa'me jo'ne made'tape, nach'e ena'am 'noota qom ami made'tape, nataq'aen gaa'me noye'tape, nach'e ena'am ami anoyeñitac nale.
16'Noota qom onolqa'tape ami adaloi'ta't qaya'te neyota'ya. Ena'te ami 'yoĝodenaĝayaqa, dite da'me aueñe'tem da'me adaloyetapegueta joga'me jo'ne jaleca da'me letadenataĝanaĝac. Ena'te aueñetapela't ami yatenaĝanaĝayaqa.
17Ena'te gamachaqaega a'viyelaĝachiyeguet da'me ja no'en. Anepogoĝoiñiyapega da'me nach'e eta't a'vichi da'me 'noota nale auajoyiya'agueta gaa'me adaqayadi'. 18Qom maqachaĝa ja qalaq ga'me adaloi'taguet da'me auañema gaa'me adaqayadi', auauoyi ga'me maqachaĝa yaqanate't qaedi onolqa'tape uetedaue da'me 'lemaĝa'j. 19Ami yaqaya'olqa, ena'te mach'e ami a'vichi da'me 'uo ga'me adividi, dite da'me auomachiya'a da'me naqaeñe ñe'me Dios ya'uo da'me ne'uaĝanaguec; qa'a naa'me nedii's eet'oi: “Naqayem yoĝot da'me ja'uo adividi; naqayem jejeten, naqaeda enaac ñe'me Jaliaĝanec.” 20Dojo' nach'e ena'am: “Qom yoqouat ga'me adauteua, auanem ga'me yalic; nataq'aen yelinquip, auanem ga'me laiquip; qom naq'aeta da'me aua'uo qama'le auen nepocoĝolegue da'me lajoĝoc joga'me. 21Ja auajeta da'me am nomat ga'me ja no'en. Ja naq'aeta, dite da'me anomat ga'me ja no'en auedolegue da'me chimaqachiñe.
ទើបបានជ្រើសរើសហើយ៖
Ro 12: TSN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testament Toba del Oeste © 2010 Sociedad Bíblica Argentina
Ro 12
12
Da'me dalaĝaic 'noyaĝac
1Chane'eja, ami yaqaya'olqa, yajouaĝat da'me lichoĝodenataĝanaĝac ñe'me Dios, ami ñachoĝodenouelo da'me 'noota qom mach'e ami auec'achiya joñe'me Dios ena'am ta'le najaqajec jo'ne nec'aletaye, ja 'nalegue jo'ne jama ga'me laetayaĝac 'me qoyanem ñe'me Dios. Naqaena jena'me 'nemaĝac 'me yataqatelegue auañem joñe'me. 2Male ena'te oqui'taguelo gaa'me mach'e yepaquetapegalo naa'me noloqo'ote jo'ne ovitauelo; dite da'me auadalaĝachi' gaa'me adelnataĝacodi' qaedi naqaedi da'me dalaĝaic da'me adajoĝoqui qama'le auovidiya'a da'me male auatetoñi da'me loequenataĝanaĝac ñe'me Dios, dojo' yelo'teguet ga'me jo'ne 'noota, gaa'me jo'ne adiyamaĝaqui, ga'me jo'ne yataqatelegue.
3Chiyaqayi da'me lichoĝodenataĝanaĝac ñe'me Dios, 'uo da'me 'ñelopaguec jo'ne jayem qoyamaĝalegue, da'me ami ja'aĝatema da'me 'noota qom qaya'te gamachaqaega mach'e nenatetapela't napacalegue ga'me jo'ne nalo'taguet da'me uenate'ta. 'Noota da'me onolqa'tape ja yaguegue ga'me nelnataĝac da'me nenatetapela't, nalo'taguet q'aen ga'me mach'e Dios en nemeyaĝac 'uaĝayet q'aen da'me lepe'e. 4Qa'a naq'aeta da'me onolec ga'me qadapachidiyaĝac qayoĝode' gaa'me qadajouaĝaje'te, nataq'aen ja yemeda gaa'me qadoĝoje'te yemeda'ague da'me lajoĝo'j, 5qama'le naq'aeta da'me nach'e ena'am qo'mi, mate mane'e qo'mi qayoĝode', qademaye ga'me onolec napat mach'e Cristo, nataq'aen onolqa'tape qo'mi joqotaĝaguet ena'am ta'le qademaye ga'me onolec napat.
6Qa'a da'me lichoĝodenataĝanaĝac ñe'me Dios mach'e chiyoqochigui da'me qo'mi qoyanema yodapecache q'aen ga'me qanemeyaĝac, naq'aeta ga'me jo'ne ñe'me naloqotenaĝa'teguet onolqa'tape. Chane'eja qom Dios qo'mi yanema da'me qo'mi 'laqataĝanaĝanaqa qama'le ja'aĝataqatac qom naq'aeta da'me qadepe'e jo'ne qo'mi uetauelo. 7Qom qo'mi yanema da'me qaneme da'me yecochaĝalo gaa'me qadaqaya', jeyamaĝataqatac da'me je'etaq. Ga'me jo'ne qoyanem da'me ch'e nemeyaĝac da'me qaedi dapaĝaguenataĝan, 'noota qom yalemaqa'teguet da'me lapaĝaguenataĝanaĝac. 8Ga'me jo'ne qoyanem da'me qoyen nemeyaĝac qaedi 'yañaqate'tape ga'me laqaya, 'noota qom yalemaqa'teguet da'me 'yañaqate'tape joga'me. Ga'me jo'ne 'uo ga'me yanegue, 'noota qom ja jematatac da'me ya'uo; ga'me jo'ne da'me 'nonatac jo'ne qayoĝode' gaa'me yelapelo'te, 'noota qom netela da'me ye'et da'me 'nelopaguec; ga'me jo'ne lecochiyalo jogaa'me choĝodayaqolqa, 'noota qom matac da'me ye'et da'me dojo'.
Da'me onaĝayaqa 'lonataqa jogaa'me jo'ne p'etaqadayaqa
9'Noota qom qaya'te lale'gue da'me onolqa'tape anoqopichiyapega't. A'uoitapeguet joda'me ja no'en nataq'aen anaviquila't joda'me 'noota. 10Ena'am da'me mach'e adanogaĝa'u gaa'me adaqayadi' da'me yataqachiñe adoqopichiyalo, 'uo da'me auepaquitapegalo nale nataq'aen nach'e eta't auaquiya ga'me adaqaya.
11'Noota qom a'nañaĝachi, ena'te ami choĝolaĝayaqa nataq'aen a'uonataĝañiuo'o ñe'me Jaliaĝanec auomachiya naa'me adai'lidi'.
12Ami made'tape nale qa'a 'uo da'me adajoĝonataĝanaĝaqui 'me ami uetauelo; 'noota qom auacoñiyeguet da'me at'añaĝaqui nale uo'oe gaa'me adachoĝodequi; ena'te anaĝañiyañi da'me anetamenaĝaqui.
13Gaa'me louenaĝanaĝaco gaa'me Dios lec'oqo'tepi 'me ja 'nalo'te, 'noota qom anaviquila't; a'nonaĝachiyeguilo gaa'me jo'ne ami dejapichiyalo.
14Gaa'me jo'ne ami yecaa'tape 'noota qom avichoĝodeñi'. Auachiyalo'te da'me 'noota nataq'aen ena'te auejoueñi'tape.
15Nale ovi'tajopa gaa'me jo'ne made'tape, nach'e ena'am 'noota qom ami made'tape, nataq'aen gaa'me noye'tape, nach'e ena'am ami anoyeñitac nale.
16'Noota qom onolqa'tape ami adaloi'ta't qaya'te neyota'ya. Ena'te ami 'yoĝodenaĝayaqa, dite da'me aueñe'tem da'me adaloyetapegueta joga'me jo'ne jaleca da'me letadenataĝanaĝac. Ena'te aueñetapela't ami yatenaĝanaĝayaqa.
17Ena'te gamachaqaega a'viyelaĝachiyeguet da'me ja no'en. Anepogoĝoiñiyapega da'me nach'e eta't a'vichi da'me 'noota nale auajoyiya'agueta gaa'me adaqayadi'. 18Qom maqachaĝa ja qalaq ga'me adaloi'taguet da'me auañema gaa'me adaqayadi', auauoyi ga'me maqachaĝa yaqanate't qaedi onolqa'tape uetedaue da'me 'lemaĝa'j. 19Ami yaqaya'olqa, ena'te mach'e ami a'vichi da'me 'uo ga'me adividi, dite da'me auomachiya'a da'me naqaeñe ñe'me Dios ya'uo da'me ne'uaĝanaguec; qa'a naa'me nedii's eet'oi: “Naqayem yoĝot da'me ja'uo adividi; naqayem jejeten, naqaeda enaac ñe'me Jaliaĝanec.” 20Dojo' nach'e ena'am: “Qom yoqouat ga'me adauteua, auanem ga'me yalic; nataq'aen yelinquip, auanem ga'me laiquip; qom naq'aeta da'me aua'uo qama'le auen nepocoĝolegue da'me lajoĝoc joga'me. 21Ja auajeta da'me am nomat ga'me ja no'en. Ja naq'aeta, dite da'me anomat ga'me ja no'en auedolegue da'me chimaqachiñe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testament Toba del Oeste © 2010 Sociedad Bíblica Argentina