Marko 12
12
I parabola bašo lošna lozajra
1Togaš o Isus počmingja te vakerel ko parabole: “Jekh manuš sadingja drakha hem čhigja ograda, randla dupka hem kergja than kote so šaj kerela pe i mol, hem kergja kula te šaj pazinena i drakh. Togaš dengja le ki kirija nesave lozarenge hem gelo peske. 2I koga alo vreme te kheden i drakh, bičhalgja pe sluga ko lozajra te lel jekh delo. 3Ama o lozajra astarge, marge le hem bičhalge le palal čuče vastencar. 4Ov bičhalgja javere sluga ki lende, a ola pharage leskoro šero hem ladžakerge le. 5Ov bičhalgja panda jekhe sluga ama le da mudarge. Bičhalgja panda but džene, a o lozajra jekhen marge a javeren mudarge.
6Ačhilo le panda jekhe te bičhavel, pe mangle čhave, ki krajka le da bičhalgja hem vakergja: ‘Ka poštojnen me čhave.’
7Ama o lozajra vakerge maškar peste: ‘Akavaj o nasledniko. Ajde te mudara le hem sa o nasledstvo ka ačhol amenge.’ 8Astarge, mudarge le hem frdinge le avrik taro adava than. 9So ka kerel o gazda e drakhakoro? Ka avel, ka mudarel e lozaren hem ka del i drakh javerenge.
10Na čitingjen li akava ko Sveto Lil:
‘O bar so sine frdimo taro zidajra
adava bar ulo najvažno bar e khereskoro.
11Adava kergja le o Gospodari
hem buti šužo anglo amare jakha’?”#12:11 Ps 118:22-23
12Togaš o Evrejska vodačija dikhena sine sar te astaren e Isuse, soske džange deka adaja parabola vakerdi tani protiv lende, ama ola darandile e narodostar. Mukhle le hem gele peske.
Bašo platibe danok e Cezareske
13Palo adava o Evrejska vodačija bičhalge nesave farisejen hem e Irodoskere manušen te šaj te astaren e Isuse ko lafi.
14Ola ale uza leste hem phenge: “Učitele, džanaja deka vakereja o čačipe hem na ikereja nikaskiri strana, soske na dikheja koj tano koj, nego čače sikaveja o drumo e Devleskoro. Trebela li te da e Cezareske o danok ili na? Te da ili na?”
15A o Isus džangja deka tane dujmujale, i phengja lenge: “Soske mangena te mestinen man? Anen mange jekh dinari te dikhav.”
16Ola ange leske o dinari, a ov pučlja len: “Kaskiri slika hem kaskoro anav tano ko dinari?”
Ola phenge: “E Cezareskoro.”
17Togaš o Isus vakergja lenge: “Adava soj e Cezareskoro, den le e Cezareske, a adava soj e Devleskoro, den le e Devleske.”
Hem ola čudinena pe sine taro leskere lafija.
O Isus vakerela bašo uštibe taro mule
18Togaš ale o sadukeja, so vakerena sine deka nane uštibe taro mule, i pučle e Isuse: 19“Učitele, o Mojsej pišingja amenge, ako mulo jekh manuš hem mukhla pala peste romni bizo čhave, leskoro phral trebela te le pe bojra romnake, te šaj oj te bijanel čhave so ka ovel nasledniko e muleskoro.
20Sine efta phrajla. O prvo lela romni hem mulo, a pala peste na mukhla čhaven. 21O dujto phral lela pe phraleskere romna, hem ov da mulo, a pala peste na mukhla čhaven. Hem agjar ulo e tritone phraleja. 22I ki krajka nijekh taro efta phrajla na mukhle pala peste čhaven. Palo adava muli i romni da. 23Koga ka uštel pe taro mule, kaskiri romni ka ovel oj, a sa o phrajla ikerge la?”
24O Isus odgovoringja lenge: “Hovavdilen, soske na džanena o Sveto Lil hem i sila e Devleskiri. 25Koga ka ušten taro mule, o manuša nane te len pe, nego ka oven sar angejla ko nebo. 26A bašo uštibe taro mule, na čitingjen li ko Lil e Mojsijaskoro, so pišinela sine baši grmuška so thablola sine, kote o Devel phengja e Mojsijaske: ‘Me sijum o Devel e Avraameskoro, e Isakoskoro hem e Jakoveskoro?’ 27Ov nane Devel e mulengoro, nego e dživdengoro. But hovavdilen.”
I najbari zapoved
28Togaš alo jekh taro učitejla e Zakoneskere hem šungja len sar kerena lafi. Dikhla deka o Isus šukar odgovorinela lenge, i pučlja le: “Koja tani i najbari zapoved taro sa o zapovedija?”
29O Isus odgovoringja leske: “Akaja tani i najbari:
‘Šun, Izraele! O Gospodari, amaro Devel, tano jekh Gospodari!
30Mang te Gospodare te Devle sa te srceja, sa te dušaja, sa te gogjaja hem sa te silaja.’
31A i dujto tani:
‘Mang te pašutne sar tut so mangeja.’
Nane pobare zapovedija akalendar.”
32O učiteli e Zakoneskoro vakergja: “Šukar vakergjan učitele. Ko pravo sijan so pheneja deka jekh i o Devel hem nane javer sar leste. 33Te mange le sa te srceja, sa te gogjaja hem sa te silaja, hem te mange te pašutne sar tut so mangeja, tano považno taro sa o žrtve sepalenice hem taro sa o javera žrtve.”
34Koga dikhla o Isus deka šukar odgovorinela, vakergja leske: “Na sijan dur taro carstvo e Devleskoro.”
Palo adava nikoj više na alo te pučel le.
O pučibe bašo Hristos
35Dži kote o Isus sikavela sine e manušen ko Hrami pučlja len: “Soske o učitejla e Zakoneskere vakerena deka o Hristos tano e Davideskoro čhavo? 36Adaleske so korkori o David preku o Sveti Duh vakergja:
‘O Gospodari phengja me Gospodareske:
Beš tari mi desno strana
dži kote na čhivava te dušmanen
telo te pre.’
37Korkori o David vikingja le ‘Gospode’ sar šaj togaš o Hristos te ovel leskoro čhavo?”
A but džene šunena le sine kjefeja.
Bašo učitejla e Zakoneskere
38Dži kote sikavela len sine, o Isus vakergja: “Pazinen tumen taro učitejla e Zakoneskere. Ola mangena te phiren uravde ko skupo šeja, hem te pozdravinen len o manuša ko pazari. 39Mangena te bešen ko prva thana ko sinagoge hem ko najšukar thana ko hajbe pijbe. 40Ola hana o barvalipe e udovicengoro hem molinena pe bare molitve. Akala manuša ka oven but silno kaznime.”
I čoroli udovica dengja najviše
41Palo adava o Isus bešla karši hem dikhela sine o narodo sar mukhena pare ki kasa e Hrameskiri. I but barvale manuša mukhena sine but pare. 42Ama jekh čoroli udovica ali hem mukhla duj bakarna pare, so vredinena sine but hari.
43Togaš o Isus vikingja pe učenikon hem phengja lenge: “Čače vakerava tumenge, akaja čoroli udovica mukhla sarinendar najviše. 44Soske sarinen denge taro adava so isi len poviše, ama oj, koja tani čoroli, dengja sa so sine la.”
ទើបបានជ្រើសរើសហើយ៖
Marko 12: MAR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Marko 12
12
I parabola bašo lošna lozajra
1Togaš o Isus počmingja te vakerel ko parabole: “Jekh manuš sadingja drakha hem čhigja ograda, randla dupka hem kergja than kote so šaj kerela pe i mol, hem kergja kula te šaj pazinena i drakh. Togaš dengja le ki kirija nesave lozarenge hem gelo peske. 2I koga alo vreme te kheden i drakh, bičhalgja pe sluga ko lozajra te lel jekh delo. 3Ama o lozajra astarge, marge le hem bičhalge le palal čuče vastencar. 4Ov bičhalgja javere sluga ki lende, a ola pharage leskoro šero hem ladžakerge le. 5Ov bičhalgja panda jekhe sluga ama le da mudarge. Bičhalgja panda but džene, a o lozajra jekhen marge a javeren mudarge.
6Ačhilo le panda jekhe te bičhavel, pe mangle čhave, ki krajka le da bičhalgja hem vakergja: ‘Ka poštojnen me čhave.’
7Ama o lozajra vakerge maškar peste: ‘Akavaj o nasledniko. Ajde te mudara le hem sa o nasledstvo ka ačhol amenge.’ 8Astarge, mudarge le hem frdinge le avrik taro adava than. 9So ka kerel o gazda e drakhakoro? Ka avel, ka mudarel e lozaren hem ka del i drakh javerenge.
10Na čitingjen li akava ko Sveto Lil:
‘O bar so sine frdimo taro zidajra
adava bar ulo najvažno bar e khereskoro.
11Adava kergja le o Gospodari
hem buti šužo anglo amare jakha’?”#12:11 Ps 118:22-23
12Togaš o Evrejska vodačija dikhena sine sar te astaren e Isuse, soske džange deka adaja parabola vakerdi tani protiv lende, ama ola darandile e narodostar. Mukhle le hem gele peske.
Bašo platibe danok e Cezareske
13Palo adava o Evrejska vodačija bičhalge nesave farisejen hem e Irodoskere manušen te šaj te astaren e Isuse ko lafi.
14Ola ale uza leste hem phenge: “Učitele, džanaja deka vakereja o čačipe hem na ikereja nikaskiri strana, soske na dikheja koj tano koj, nego čače sikaveja o drumo e Devleskoro. Trebela li te da e Cezareske o danok ili na? Te da ili na?”
15A o Isus džangja deka tane dujmujale, i phengja lenge: “Soske mangena te mestinen man? Anen mange jekh dinari te dikhav.”
16Ola ange leske o dinari, a ov pučlja len: “Kaskiri slika hem kaskoro anav tano ko dinari?”
Ola phenge: “E Cezareskoro.”
17Togaš o Isus vakergja lenge: “Adava soj e Cezareskoro, den le e Cezareske, a adava soj e Devleskoro, den le e Devleske.”
Hem ola čudinena pe sine taro leskere lafija.
O Isus vakerela bašo uštibe taro mule
18Togaš ale o sadukeja, so vakerena sine deka nane uštibe taro mule, i pučle e Isuse: 19“Učitele, o Mojsej pišingja amenge, ako mulo jekh manuš hem mukhla pala peste romni bizo čhave, leskoro phral trebela te le pe bojra romnake, te šaj oj te bijanel čhave so ka ovel nasledniko e muleskoro.
20Sine efta phrajla. O prvo lela romni hem mulo, a pala peste na mukhla čhaven. 21O dujto phral lela pe phraleskere romna, hem ov da mulo, a pala peste na mukhla čhaven. Hem agjar ulo e tritone phraleja. 22I ki krajka nijekh taro efta phrajla na mukhle pala peste čhaven. Palo adava muli i romni da. 23Koga ka uštel pe taro mule, kaskiri romni ka ovel oj, a sa o phrajla ikerge la?”
24O Isus odgovoringja lenge: “Hovavdilen, soske na džanena o Sveto Lil hem i sila e Devleskiri. 25Koga ka ušten taro mule, o manuša nane te len pe, nego ka oven sar angejla ko nebo. 26A bašo uštibe taro mule, na čitingjen li ko Lil e Mojsijaskoro, so pišinela sine baši grmuška so thablola sine, kote o Devel phengja e Mojsijaske: ‘Me sijum o Devel e Avraameskoro, e Isakoskoro hem e Jakoveskoro?’ 27Ov nane Devel e mulengoro, nego e dživdengoro. But hovavdilen.”
I najbari zapoved
28Togaš alo jekh taro učitejla e Zakoneskere hem šungja len sar kerena lafi. Dikhla deka o Isus šukar odgovorinela lenge, i pučlja le: “Koja tani i najbari zapoved taro sa o zapovedija?”
29O Isus odgovoringja leske: “Akaja tani i najbari:
‘Šun, Izraele! O Gospodari, amaro Devel, tano jekh Gospodari!
30Mang te Gospodare te Devle sa te srceja, sa te dušaja, sa te gogjaja hem sa te silaja.’
31A i dujto tani:
‘Mang te pašutne sar tut so mangeja.’
Nane pobare zapovedija akalendar.”
32O učiteli e Zakoneskoro vakergja: “Šukar vakergjan učitele. Ko pravo sijan so pheneja deka jekh i o Devel hem nane javer sar leste. 33Te mange le sa te srceja, sa te gogjaja hem sa te silaja, hem te mange te pašutne sar tut so mangeja, tano považno taro sa o žrtve sepalenice hem taro sa o javera žrtve.”
34Koga dikhla o Isus deka šukar odgovorinela, vakergja leske: “Na sijan dur taro carstvo e Devleskoro.”
Palo adava nikoj više na alo te pučel le.
O pučibe bašo Hristos
35Dži kote o Isus sikavela sine e manušen ko Hrami pučlja len: “Soske o učitejla e Zakoneskere vakerena deka o Hristos tano e Davideskoro čhavo? 36Adaleske so korkori o David preku o Sveti Duh vakergja:
‘O Gospodari phengja me Gospodareske:
Beš tari mi desno strana
dži kote na čhivava te dušmanen
telo te pre.’
37Korkori o David vikingja le ‘Gospode’ sar šaj togaš o Hristos te ovel leskoro čhavo?”
A but džene šunena le sine kjefeja.
Bašo učitejla e Zakoneskere
38Dži kote sikavela len sine, o Isus vakergja: “Pazinen tumen taro učitejla e Zakoneskere. Ola mangena te phiren uravde ko skupo šeja, hem te pozdravinen len o manuša ko pazari. 39Mangena te bešen ko prva thana ko sinagoge hem ko najšukar thana ko hajbe pijbe. 40Ola hana o barvalipe e udovicengoro hem molinena pe bare molitve. Akala manuša ka oven but silno kaznime.”
I čoroli udovica dengja najviše
41Palo adava o Isus bešla karši hem dikhela sine o narodo sar mukhena pare ki kasa e Hrameskiri. I but barvale manuša mukhena sine but pare. 42Ama jekh čoroli udovica ali hem mukhla duj bakarna pare, so vredinena sine but hari.
43Togaš o Isus vikingja pe učenikon hem phengja lenge: “Čače vakerava tumenge, akaja čoroli udovica mukhla sarinendar najviše. 44Soske sarinen denge taro adava so isi len poviše, ama oj, koja tani čoroli, dengja sa so sine la.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល