Marko 13
13
O Hrami ka ovel rušimo
1Koga o Isus iklola sine taro Hrami, jekh taro leskere učenikija vakergja leske: “Učitele, dikh save bara! Kozom i šuže o gradbe!”
2O Isus odgovoringja leske: “Dikheja li sa akala bare gradbe? Nijekh bar upro bar nane te ačhol akate. Sa ka oven rušime.”
O znakija taro bare nevojle
3Dži kote bešela sine o Isus ki Maslinovo Gora pe učenikoncar, karši o Hrami, o Petar, o Jakov, o Jovan hem o Andrej, ale korkori ki leste, hem pučle le: 4“Vaker amenge, koga ka ovel sa akava? Hem savo ka ovel o znako bašo sa akava te phergjol?”
5O Isus odgovoringja: “Pazinen, ma te hovavel tumen nekoj. 6Soske but džene ka aven ko mo anav, hem ka vakeren: ‘Me sijum o Hristos,’ hem ka hovaven buten. 7Koga ka šunen deka isi vojne hem glasija taro maribe, ma daran. Soske sa adava mora te ovel, ama panda nane o krajo. 8Ka ušten narodo protiv narodo, hem carstvo protiv carstvo. Ka oven zemijotresija ko but thana, hem bokhalipe. Akavaj samo o početok taro bijanibaskere dukha.
9Arakhen tumen! Soske ka predajnen tumen ko sudo hem ka kamšikujnen tumen ko sinagoge. Ka tergjoven anglo vlastija hem cajra baši mange, sar svedokija lenge. 10A ko sa o narodija najanglal mora te propovedinel pe o evangelije. 11Koga ka astaren te legaren tumen ko sudije, ma sekirinen tumen angleder so ka vakeren. Samo vakeren so ka del pe tumenge ko adava sati, soske nane tumen te vakeren, nego o Sveti Duh. 12O phral pe phrale ka predajnel ko meriba, a o dad pe čhave. O čhave ka oven protiv pumare roditejla, hem ka predajnen len ko meriba. 13Sarine ka mrzinen tumen baši mange, ama adava so ka ačhol dži ko krajo ka ovel spasimo.”
I bari bejla
14“Koga ka dikhen ‘o gadno so uništinela sa’ sar tergjola kote so nane leskoro than – koj čitinela neka svatinel – togaš okola, soj tane ki Judeja, neka našen ko planine. 15Koj tano ko krovi, te na hulel tele hem te khuvel ko kher te lel nešto andral! 16A koj tano ki niva te na iranel pe khere te le pe šeja! 17Ama pharo ka ovel ko adala dive e khamne romnenge hem adalenge so dena thud! 18Molinen tumaro našiba te na ovel ko jeven, 19soske ko adala dive ka ovel but pharipe, sar dži akana so na sine taro početok, koga o Devel kergja o sveto, hem nikat poviše nane te ovel isto.
20Ako o Gospodari na čhinagja adala dive, nikoj našti sine te ovel spasimo. Ama, bašo o birime, so biringja len, čhinagja adala dive. 21Togaš ako nekoj vakergja tumenge: ‘Akje, o Hristos akate tano!’ ili: ‘Akje, okote tano!’ ma verujnen len. 22Soske ka pojavinen pe hovavne hristosija hem hovavne prorokija, so ka keren znakija hem čudija te hovaven, ako šaj, adalen da soj birime taro Devel. 23Adaleske pazinen tumen. Akje, vakergjum tumenge sa angleder.”
O ajbe e Isuseskoro
24“Ama ko adala dive, palo adala mukje:
‘O kham ka temningjovel
hem i mesečina nane te del pi svetlina;
25o čerejnja ka peren taro nebo
hem o nebesna sile ka oven potresime.’#Isa 13:10.
26Hem togaš o manuša ka dikhen o Čhavo Manušeskoro, sar avela upro oblakija bare silaja hem slavaja. 27Togaš ka bičhavel pe angelen hem ka khedel pe birime taro štar strane e svetoskere, taro krajo e phuvijakoro dži ko krajo e neboskoro.”
I sporedba e smokvaja
28“A tari smokva sikloven sar te sporedinen: Koga lakere granke ka oven kovle hem ka iklon listija, džanen o nilaj tano paše. 29Hem agjar tumen, koga ka dikhen deka sa adava ovela, džanen o vreme i paše, anglo udar! 30Čače vakerava tumenge: Akaja generacija nane te nakhel dži kote sa akava na ovela. 31O nebo hem i phuv ka nakhen, ama me lafija nikat nane te nakhen.”
O dive hem o sati nikoj na džanela
32“Ama bašo adava dive hem sati nikoj na džanela, ni o angejla soj ko nebo, ni o Čhavo – samo o Dad. 33Oven džangavde hem arakhen tumen! Soske na džanena koga ka avel adava sati. 34Adavaj sar jekh manuš, koga džala ko drumo, hem mukhela po kher: Dela vlast pe slugjengje, hem dela sekaske buti, hem naredinela okoleske soj ko udar te ovel džangavdo hem te pazinel. 35Adaleske oven džangavde, soske na džanena koga ka iranel pe o gospodari e khereskoro, dali rakjate, ili ki ekvaš rat, ili koga o bašne ka gilaven, ili sabajleja. 36Te na avel ov taro jekh puti, hem te arakhel tumen sar sovena.
37Akava so vakerava tumenge, vakerava sarinenge: Oven džangavde!”
ទើបបានជ្រើសរើសហើយ៖
Marko 13: MAR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Marko 13
13
O Hrami ka ovel rušimo
1Koga o Isus iklola sine taro Hrami, jekh taro leskere učenikija vakergja leske: “Učitele, dikh save bara! Kozom i šuže o gradbe!”
2O Isus odgovoringja leske: “Dikheja li sa akala bare gradbe? Nijekh bar upro bar nane te ačhol akate. Sa ka oven rušime.”
O znakija taro bare nevojle
3Dži kote bešela sine o Isus ki Maslinovo Gora pe učenikoncar, karši o Hrami, o Petar, o Jakov, o Jovan hem o Andrej, ale korkori ki leste, hem pučle le: 4“Vaker amenge, koga ka ovel sa akava? Hem savo ka ovel o znako bašo sa akava te phergjol?”
5O Isus odgovoringja: “Pazinen, ma te hovavel tumen nekoj. 6Soske but džene ka aven ko mo anav, hem ka vakeren: ‘Me sijum o Hristos,’ hem ka hovaven buten. 7Koga ka šunen deka isi vojne hem glasija taro maribe, ma daran. Soske sa adava mora te ovel, ama panda nane o krajo. 8Ka ušten narodo protiv narodo, hem carstvo protiv carstvo. Ka oven zemijotresija ko but thana, hem bokhalipe. Akavaj samo o početok taro bijanibaskere dukha.
9Arakhen tumen! Soske ka predajnen tumen ko sudo hem ka kamšikujnen tumen ko sinagoge. Ka tergjoven anglo vlastija hem cajra baši mange, sar svedokija lenge. 10A ko sa o narodija najanglal mora te propovedinel pe o evangelije. 11Koga ka astaren te legaren tumen ko sudije, ma sekirinen tumen angleder so ka vakeren. Samo vakeren so ka del pe tumenge ko adava sati, soske nane tumen te vakeren, nego o Sveti Duh. 12O phral pe phrale ka predajnel ko meriba, a o dad pe čhave. O čhave ka oven protiv pumare roditejla, hem ka predajnen len ko meriba. 13Sarine ka mrzinen tumen baši mange, ama adava so ka ačhol dži ko krajo ka ovel spasimo.”
I bari bejla
14“Koga ka dikhen ‘o gadno so uništinela sa’ sar tergjola kote so nane leskoro than – koj čitinela neka svatinel – togaš okola, soj tane ki Judeja, neka našen ko planine. 15Koj tano ko krovi, te na hulel tele hem te khuvel ko kher te lel nešto andral! 16A koj tano ki niva te na iranel pe khere te le pe šeja! 17Ama pharo ka ovel ko adala dive e khamne romnenge hem adalenge so dena thud! 18Molinen tumaro našiba te na ovel ko jeven, 19soske ko adala dive ka ovel but pharipe, sar dži akana so na sine taro početok, koga o Devel kergja o sveto, hem nikat poviše nane te ovel isto.
20Ako o Gospodari na čhinagja adala dive, nikoj našti sine te ovel spasimo. Ama, bašo o birime, so biringja len, čhinagja adala dive. 21Togaš ako nekoj vakergja tumenge: ‘Akje, o Hristos akate tano!’ ili: ‘Akje, okote tano!’ ma verujnen len. 22Soske ka pojavinen pe hovavne hristosija hem hovavne prorokija, so ka keren znakija hem čudija te hovaven, ako šaj, adalen da soj birime taro Devel. 23Adaleske pazinen tumen. Akje, vakergjum tumenge sa angleder.”
O ajbe e Isuseskoro
24“Ama ko adala dive, palo adala mukje:
‘O kham ka temningjovel
hem i mesečina nane te del pi svetlina;
25o čerejnja ka peren taro nebo
hem o nebesna sile ka oven potresime.’#Isa 13:10.
26Hem togaš o manuša ka dikhen o Čhavo Manušeskoro, sar avela upro oblakija bare silaja hem slavaja. 27Togaš ka bičhavel pe angelen hem ka khedel pe birime taro štar strane e svetoskere, taro krajo e phuvijakoro dži ko krajo e neboskoro.”
I sporedba e smokvaja
28“A tari smokva sikloven sar te sporedinen: Koga lakere granke ka oven kovle hem ka iklon listija, džanen o nilaj tano paše. 29Hem agjar tumen, koga ka dikhen deka sa adava ovela, džanen o vreme i paše, anglo udar! 30Čače vakerava tumenge: Akaja generacija nane te nakhel dži kote sa akava na ovela. 31O nebo hem i phuv ka nakhen, ama me lafija nikat nane te nakhen.”
O dive hem o sati nikoj na džanela
32“Ama bašo adava dive hem sati nikoj na džanela, ni o angejla soj ko nebo, ni o Čhavo – samo o Dad. 33Oven džangavde hem arakhen tumen! Soske na džanena koga ka avel adava sati. 34Adavaj sar jekh manuš, koga džala ko drumo, hem mukhela po kher: Dela vlast pe slugjengje, hem dela sekaske buti, hem naredinela okoleske soj ko udar te ovel džangavdo hem te pazinel. 35Adaleske oven džangavde, soske na džanena koga ka iranel pe o gospodari e khereskoro, dali rakjate, ili ki ekvaš rat, ili koga o bašne ka gilaven, ili sabajleja. 36Te na avel ov taro jekh puti, hem te arakhel tumen sar sovena.
37Akava so vakerava tumenge, vakerava sarinenge: Oven džangavde!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល