Marko 10
10
Bašo brako hem o razvod
1O Isus iklilo taro Kapernaum hem gelo ko thana tari Judeja hem tari javer strana tari reka Jordan. I palem ali bari gužva ki leste, hem počmingja palem te sikavel len, sar sekat so kerela sine.
2I ale uza leste o fariseja te iskušinen le hem pučle le: “Dozvolimo li o rom te mukhel pe romna?”
3A ov pučlja len: “Savi naredba dengja tumen o Mojsej?”
4Ola vakerge: “O Mojsej dozvolingja e manušeske te del pe romnake razvodno lil hem te mukhel la.”
5O Isus phengja lenge: “O Mojsej pišingja tumenge adaja naredba adaleske so sijen inačije. 6Ama ko početok, koga o Devel kergja sa, ‘ov kergja len murš hem džuvli.’ 7‘Adaleske o manuš ka mukhel pe dade hem pe daja, hem ka ovel jekh pe romnaja, 8hem ola duj ka oven jekh telo.’ Agjar ola nane više duj, nego jekh telo. 9Adaleske, o Devel so phandla, o manuš ma te odvojnel.”
10Koga ale palem ko kher, o učenikija pučle le bašo adava. 11I o Isus vakergja lenge: “Koj ka mukhel pe romna hem ka lel javera romnake, ov kerela preljuba upro late. 12Ili i romni ako mukhla pe rome hem lela javere romeske, oj da kerela preljuba.”
O Isus blagoslovinela e tikne čhaven
13O manuša anena sine pumare čhaven anglo Isus te čhivel pe vasta upro lende, ama o učenikija zaptinge len.
14Koga o Isus dikhla adava, holangja hem phengja lenge: “Mukhen e čhaven te aven ki mande hem ma zaptinen len, soske asavkjenge pripadinela o carstvo e Devleskoro. 15Čače phenava tumenge, koj na priminela o carstvo e Devleskoro sar tikno čhavo, nikat nane te khuvel ki leste.” 16Togaš lela e čhaven ki angali, čhigja pe vasta upro lende hem blagoslovingja len.
O Isus hem o barvalo manuš
17Koga o Isus iklilo ko drumo, prastandilo ki leste jekh manuš, pelo ko kočaka angli leste hem pučlja le:
“Šukar učitele, so trebela te kerav te šaj dobinava o večno životo?”
18A o Isus phengja leske: “Soske vakereja mange deka sijum šukar? Nikoj nane šukar osven jekh Devel. 19O zapovedija džaneja: ‘Ma mudar, ma ker preljuba, ma čor, ma svedočin hovajbe, ma hovav, poštojn te dade hem te daja.’”
20A o manuš phengja leske: “Učitele, sa adava pazingjum taro mo tiknipe.”
21O Isus dikhla le, i zamangla le hem phengja leske: “Panda jekh falinela tuke. Dža, bikin sa so isi tut hem delin e čorolenge, i ka ovel tut barvalipe upre ko nebo. Togaš ava hem phir pala mande.”
22Koga šungja adava o manuš, razočaringe pe hem gelo peske, soske sine le baro barvalipe.
23O Isus dikhla pe učenikon hem vakergja lenge: “Kozom i pharo e barvalenge te khuven ko carstvo e Devleskoro!”
24A o učenikija čudinge pe taro leskere lafija.
O Isus palem phengja lenge: “Me čhave, kozom i pharo te khuvel pe ko carstvo e Devleskoro! 25Polokhe ka ovel e kamilake te nakhel maškar o kan e suvijakoro, nego e barvaleske te khuvel ko carstvo e Devleskoro.”
26O učenikija poviše čudingje pe hem počminge maškar peste te pučen pe: “Togaš koj šaj te ovel spasimo?”
27O Isus dikhla len hem vakergja lenge: “Akava i nešto so o manuša našti te keren, ama o Devel šaj. O Devel šaj kerela sa.”
28Togaš o Petar phengja leske: “Akje, amen mukhlem sa hem alem pala tute.”
29A o Isus phengja: “Čače phenava tumenge, sekoj so ka mukhel po kher, pe phralen, pe phejnen, pe daja, pe dade, pe čhaven ili pe nive bašo mange hem bašo evangelije, 30ka dobinel šel puti poviše ko akava vreme: khera, phrajla, phenja, daja, čhaven hem o nive – uza sa adava ka ovel progonimo da – a o vreme so avela ka dobinel večno životo. 31Ama but džene soj akana prva ka oven posledna, a o posledna ka oven prva.”
O Isus trito puti vakerela bašo po meribe
32A dži kote džana sine ko Erusalim, o Isus džala sine angli lende, a o učenikija leskere čudinena pe sine, a o manuša so džana sine pala lende, uklingja len dar.
Togaš o Isus cidingja ki strana e dešuduje učenikon hem počmingja te vakerel lenge so ka ovel leja: 33“Akje džaja upre ko Erusalim hem adathe o Čhavo Manušeskoro ka ovel predajmo e prvosveštenikonge hem e učitelenge e Zakoneskere, hem ola ka osudinen le ko meribe, hem ka predajnen le e manušenge so nane Evreja. 34Ka asan leske, ka čhungaren le, ka kamšikujnen le hem ka mudaren le, ama palo trin dive ka uštel taro mule.”
O pučibe e Jakoveskoro hem e Jovaneskoro
35Togaš ale uza ko Isus o Jakov hem o Jovan, e Zavedejeskere čhave, hem vakergje leske: “Učitele, mangaja te kere amenge sa so ka roda tutar.”
36Ov pučlja len: “So mangena te kerav tumenge?”
37Ola odgovoringe: “Mukh amen, koga ka ove ki ti slava, te beša jekh tari ti desno strana, a jekh tari ti levo strana.”
38O Isus phengja lenge: “Na džanena so rodena. Šaj li te pijen tari čaša kotar me so pijava, ili te oven krstime, krstibaja soleja me sijum krstimo?” 39A ola odgovoringe leske: “Šaj.”
Togaš o Isus phengja lenge “Oja, ka pijen tari čaša koja me pijava hem ka oven krstime, krstibaja soleja me sijum krstimo, 40ama nane mlo te vakerav koj ka bešel tari mi desno hem tari mi levo strana. Adala thana ka del pe okolenge kaske soj spremime.”
41Koga šunge adava o javera deš učenikija, holange e Jakoveske hem e Jovaneske.
42A o Isus vikingja sarinen hem pengja lenge: “Džanena deka okola so računinena pe sar vladitejla e narodongere, vladinena upro lende silaja, hem lengere da bare manuša vladinena upro lende. 43Ama akava ma te ovel maškar tumende, a koj mangela te ovel baro maškar tumende, neka ovel tumenge sluga, 44hem koj mangela te ovel prvo maškar tumende, neka ovel robo sarinenge. 45Soske o Čhavo Manušeskoro na alo te služinen leske, nego ov te služinel hem te del po životo sar otkup butenge.”
O Isus saslarela e korole Vartimeje
46I agjar ale ko Erihon. Koga o Isus pe učenikoncar hem bute manušencar iklola sine taro Erihon, ko drumo bešela sine jekh korolo manuš so rodela peske sine pare. Leskoro anav sine Vartimej (so značinela “čhavo e Timejeskoro”). 47Koga šungja deka nakhela o Isus taro Nazaret, vikingja: “Isuse, Čhavo e Davideskoro, ov milostlivo prema mande!”
48But džene zaptinena le sine te na vikinel, ama ov poviše vikinela sine: “Čhavo e Davideskoro, ov milostlivo prema mande!”
49O Isus ačhilo hem vakergja: “Vikinen le.”
I ola vikinge e korole hem vakerge leske: “Ma dara! Ušti, o Isus vikinela tut!”
50O Vartimej frdingja po mantili, uštingja ko pre hem alo anglo Isus.
51I o Isus pučlja le: “So mangeja te kerav tuke?”
O korolo manuš vakergja: “Učitele, mangava te dikhav.”
52A o Isus phengja leske: “Dža tuke, ti vera sasljargja tut.”
O manuš odma dikhla hem počmingja te džal palo Isus.
ទើបបានជ្រើសរើសហើយ៖
Marko 10: MAR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Marko 10
10
Bašo brako hem o razvod
1O Isus iklilo taro Kapernaum hem gelo ko thana tari Judeja hem tari javer strana tari reka Jordan. I palem ali bari gužva ki leste, hem počmingja palem te sikavel len, sar sekat so kerela sine.
2I ale uza leste o fariseja te iskušinen le hem pučle le: “Dozvolimo li o rom te mukhel pe romna?”
3A ov pučlja len: “Savi naredba dengja tumen o Mojsej?”
4Ola vakerge: “O Mojsej dozvolingja e manušeske te del pe romnake razvodno lil hem te mukhel la.”
5O Isus phengja lenge: “O Mojsej pišingja tumenge adaja naredba adaleske so sijen inačije. 6Ama ko početok, koga o Devel kergja sa, ‘ov kergja len murš hem džuvli.’ 7‘Adaleske o manuš ka mukhel pe dade hem pe daja, hem ka ovel jekh pe romnaja, 8hem ola duj ka oven jekh telo.’ Agjar ola nane više duj, nego jekh telo. 9Adaleske, o Devel so phandla, o manuš ma te odvojnel.”
10Koga ale palem ko kher, o učenikija pučle le bašo adava. 11I o Isus vakergja lenge: “Koj ka mukhel pe romna hem ka lel javera romnake, ov kerela preljuba upro late. 12Ili i romni ako mukhla pe rome hem lela javere romeske, oj da kerela preljuba.”
O Isus blagoslovinela e tikne čhaven
13O manuša anena sine pumare čhaven anglo Isus te čhivel pe vasta upro lende, ama o učenikija zaptinge len.
14Koga o Isus dikhla adava, holangja hem phengja lenge: “Mukhen e čhaven te aven ki mande hem ma zaptinen len, soske asavkjenge pripadinela o carstvo e Devleskoro. 15Čače phenava tumenge, koj na priminela o carstvo e Devleskoro sar tikno čhavo, nikat nane te khuvel ki leste.” 16Togaš lela e čhaven ki angali, čhigja pe vasta upro lende hem blagoslovingja len.
O Isus hem o barvalo manuš
17Koga o Isus iklilo ko drumo, prastandilo ki leste jekh manuš, pelo ko kočaka angli leste hem pučlja le:
“Šukar učitele, so trebela te kerav te šaj dobinava o večno životo?”
18A o Isus phengja leske: “Soske vakereja mange deka sijum šukar? Nikoj nane šukar osven jekh Devel. 19O zapovedija džaneja: ‘Ma mudar, ma ker preljuba, ma čor, ma svedočin hovajbe, ma hovav, poštojn te dade hem te daja.’”
20A o manuš phengja leske: “Učitele, sa adava pazingjum taro mo tiknipe.”
21O Isus dikhla le, i zamangla le hem phengja leske: “Panda jekh falinela tuke. Dža, bikin sa so isi tut hem delin e čorolenge, i ka ovel tut barvalipe upre ko nebo. Togaš ava hem phir pala mande.”
22Koga šungja adava o manuš, razočaringe pe hem gelo peske, soske sine le baro barvalipe.
23O Isus dikhla pe učenikon hem vakergja lenge: “Kozom i pharo e barvalenge te khuven ko carstvo e Devleskoro!”
24A o učenikija čudinge pe taro leskere lafija.
O Isus palem phengja lenge: “Me čhave, kozom i pharo te khuvel pe ko carstvo e Devleskoro! 25Polokhe ka ovel e kamilake te nakhel maškar o kan e suvijakoro, nego e barvaleske te khuvel ko carstvo e Devleskoro.”
26O učenikija poviše čudingje pe hem počminge maškar peste te pučen pe: “Togaš koj šaj te ovel spasimo?”
27O Isus dikhla len hem vakergja lenge: “Akava i nešto so o manuša našti te keren, ama o Devel šaj. O Devel šaj kerela sa.”
28Togaš o Petar phengja leske: “Akje, amen mukhlem sa hem alem pala tute.”
29A o Isus phengja: “Čače phenava tumenge, sekoj so ka mukhel po kher, pe phralen, pe phejnen, pe daja, pe dade, pe čhaven ili pe nive bašo mange hem bašo evangelije, 30ka dobinel šel puti poviše ko akava vreme: khera, phrajla, phenja, daja, čhaven hem o nive – uza sa adava ka ovel progonimo da – a o vreme so avela ka dobinel večno životo. 31Ama but džene soj akana prva ka oven posledna, a o posledna ka oven prva.”
O Isus trito puti vakerela bašo po meribe
32A dži kote džana sine ko Erusalim, o Isus džala sine angli lende, a o učenikija leskere čudinena pe sine, a o manuša so džana sine pala lende, uklingja len dar.
Togaš o Isus cidingja ki strana e dešuduje učenikon hem počmingja te vakerel lenge so ka ovel leja: 33“Akje džaja upre ko Erusalim hem adathe o Čhavo Manušeskoro ka ovel predajmo e prvosveštenikonge hem e učitelenge e Zakoneskere, hem ola ka osudinen le ko meribe, hem ka predajnen le e manušenge so nane Evreja. 34Ka asan leske, ka čhungaren le, ka kamšikujnen le hem ka mudaren le, ama palo trin dive ka uštel taro mule.”
O pučibe e Jakoveskoro hem e Jovaneskoro
35Togaš ale uza ko Isus o Jakov hem o Jovan, e Zavedejeskere čhave, hem vakergje leske: “Učitele, mangaja te kere amenge sa so ka roda tutar.”
36Ov pučlja len: “So mangena te kerav tumenge?”
37Ola odgovoringe: “Mukh amen, koga ka ove ki ti slava, te beša jekh tari ti desno strana, a jekh tari ti levo strana.”
38O Isus phengja lenge: “Na džanena so rodena. Šaj li te pijen tari čaša kotar me so pijava, ili te oven krstime, krstibaja soleja me sijum krstimo?” 39A ola odgovoringe leske: “Šaj.”
Togaš o Isus phengja lenge “Oja, ka pijen tari čaša koja me pijava hem ka oven krstime, krstibaja soleja me sijum krstimo, 40ama nane mlo te vakerav koj ka bešel tari mi desno hem tari mi levo strana. Adala thana ka del pe okolenge kaske soj spremime.”
41Koga šunge adava o javera deš učenikija, holange e Jakoveske hem e Jovaneske.
42A o Isus vikingja sarinen hem pengja lenge: “Džanena deka okola so računinena pe sar vladitejla e narodongere, vladinena upro lende silaja, hem lengere da bare manuša vladinena upro lende. 43Ama akava ma te ovel maškar tumende, a koj mangela te ovel baro maškar tumende, neka ovel tumenge sluga, 44hem koj mangela te ovel prvo maškar tumende, neka ovel robo sarinenge. 45Soske o Čhavo Manušeskoro na alo te služinen leske, nego ov te služinel hem te del po životo sar otkup butenge.”
O Isus saslarela e korole Vartimeje
46I agjar ale ko Erihon. Koga o Isus pe učenikoncar hem bute manušencar iklola sine taro Erihon, ko drumo bešela sine jekh korolo manuš so rodela peske sine pare. Leskoro anav sine Vartimej (so značinela “čhavo e Timejeskoro”). 47Koga šungja deka nakhela o Isus taro Nazaret, vikingja: “Isuse, Čhavo e Davideskoro, ov milostlivo prema mande!”
48But džene zaptinena le sine te na vikinel, ama ov poviše vikinela sine: “Čhavo e Davideskoro, ov milostlivo prema mande!”
49O Isus ačhilo hem vakergja: “Vikinen le.”
I ola vikinge e korole hem vakerge leske: “Ma dara! Ušti, o Isus vikinela tut!”
50O Vartimej frdingja po mantili, uštingja ko pre hem alo anglo Isus.
51I o Isus pučlja le: “So mangeja te kerav tuke?”
O korolo manuš vakergja: “Učitele, mangava te dikhav.”
52A o Isus phengja leske: “Dža tuke, ti vera sasljargja tut.”
O manuš odma dikhla hem počmingja te džal palo Isus.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល