Marko 9
9
1O Isus phengja lenge: “Čače vakerava tumenge, isi nesave maškar tumende so nane te meren, sa dži kote na dikhena o carstvo e Devleskoro sar avela pe silaja!”
O Isus sikavela pi slava pe trine učenikonge
2A palo šov dive, o Isus lela peja e Petare e Jakove hem e Jovane hem gele ki uči gora, kote so ola sine korkori. Adathe angli lende e Isuseskoro izgled promenisalilo. 3Leskere šeja ule doborom parne, so našti sine nijekh manuš ki akaja phuv agjar te parnarel len! 4Hem adathe pojavisalile angli lende o Ilija hem o Mojsej, so kerena sine lafi e Isuseja.
5Togaš o Petar phengja e Isuseske: “Učitele, šukar amenge so sijem akate. Ajde te kera trin šatojra – jekh tuke, jekh e Mojsijaske, hem jekh e Ilijaske.” 6(O Petar tari dar na džangja so te phenel, soske ola but darandile.)
7Togaš alo jekh oblako hem učhargja len, i šundilo glaso taro oblako: “Akava tano mo manglo Čhavo. Le šunen!”
8I taro jekh puti, koga dikhle uza peste na dikhle više nikas, osven e Isuse.
9Koga hulena sine tari gora, o Isus zapovedingja lenge nikaske te na vakeren so dikhle, sa dži kote o Čhavo Manušeskoro na uštela taro mule. 10Ola nikaske na vakerge adava, ama pučle pe maškar peste, so značinela akava: “Te uštel taro mule.”
11A o učenikija pučle le: “Soske o učitejla e Zakoneskere vakerena deka prvo trebela te avel o Ilija?”
12O Isus odgovoringja lenge: “Čače o Ilija ka avel prvo hem ka sredinel sa. Togaš soske i pišimo deka o Čhavo Manušeskoro mora but te cidel hem te ovel otfrlimo? 13Ama vakerava tumenge: Sar soj pišimo lestar, o Ilija više alo hem kerge leske sar ola so mangle.”
O Isus ikalela e čhavestar o lošno duho
14Koga o Isus irangja pe e trine učenikoncar ko okola učenikija, dikhle bute manušen uza lende hem nesave učitejla e Zakoneskere sar akošena pe lencar. 15Sarine samo so dikhle e Isuse, iznenadinge pe hem prastandile te pozdravinen pe leja.
16I o Isus pučlja len: “Soske akošena tumen lencar?”
17Jekh taro manuša odgovoringja leske: “Učitele, angjum ki tute me čhave, so ki leste isi lošno duho so na mukhela le te kerel lafi. 18Hem stalno, koga i te astarel le, peravela le ki phuv hem o čhavo ikalela pena taro muj, steginela pe danda hem kočingjola. I rodingjem te učenikondar te ikalen le, ama ola našti sine te keren adava.”
19O Isus odgovoringja: “O, bez verno generacijo, dži koga ka ovav tumencar? Dži koga ka trpinav tumen? Anen e čhave ki mande!”
20Hem ange le ki leste, i samo so dikhla o duho e Isuse, odma počmingja te frdel e čhave ko sa o strane. Ov pelo tele ki phuv hem počmingja te prakinel hem te ikalel pena taro muj.
21O Isus pučlja leskere dade: “Kozom vreme ov tano asavko?”
O dad odgovoringja: “Taro tiknipe. 22But puti frdela le sine ki jag hem ko pani, te šaj te mudarel le. Ama ako šaj te kere nešto, žalin amen hem pomožin amen!”
23O Isus phengja leske: “Ako šaj? Sa šaj okoleske koj so verujnela!”
24Odma e čhaveskoro dad vikingja: “Verujnava! Pomožin man te verujnav poviše.”
25Koga o Isus dikhla deka but manuša prastana ki lende te dikhen so ka ovel, zapovedingja e lošno duhoske: “Duho laloreja hem kašukeja, zapovedinava tuke, iklov lestar hem nikat ma iran tut ki leste!”
26O lošno duho vikingja, hem silno tresingja e čhave hem iklilo lestar. A o čhavo sine pružimo ki phuv sar mulo, a but džene phenge deka mulo. 27Ama o Isus astargja le taro vas, vazdingja le hem o čhavo uštilo ko pre.
28Koga o Isus khugja ko jekh kher, o učenikija leskere koga sine leja korkori, pučle le: “Soske amen našti sine te ikala le?”
29Ov phengja lenge: “Asavko duho ništoja našti te ikalel pe, samo molitvaja#9:29 molitvaja Nesave rakopisija dodajnena: hem posteja. .”
O Isus dujto puti vakerela bašo po meribe
30Koga iklile adathar, nakhle tari Galileja. A o Isus na mangla nikoj te džanel kaj tane ola, 31soske ov sikavela sine samo pe učenikon. Hem vakergja lenge: “O Čhavo Manušeskoro, ka ovel predajmo ko vasta e manušenge hem ka mudaren le, a palo trin dive ka uštel taro mule.” 32A ola na svatinge so vakergja lenge, a darana sine te pučen le.
Koj tano najbaro
33Palo adava o Isus hem leskere učenikija ale ko Kapernaum, hem koga resle ko kher, o Isus pučlja len: “Baši so akošlen tumen drumaldan?”
34Ama ola kjutinena sine, soske ko drumo akošle pe maškar peste koj tano najbaro.
35O Isus bešla, vikingja e dešudujen učenikon, hem phengja lenge: “Koj mangela te ovel prvo, mora te ovel posledno sarinendar hem te ovel sluga sarinenge!”
36Togaš angja jekhe čhave maškar lende, lela le ki angali, hem phengja lenge: 37“Koj priminela jekh taro akala čhave ko mo anav, priminela man, a koj priminela man, na priminela samo man, nego priminela okole so bičalgja man.”
Koj nane protiv amende, ov tano amencar
38O Jovan phengja e Isuseske: “Učitele, dikhlem nesave manuše sar ikalela demonen ko to anav hem amen na mukhlem le te kerel adava, soske ov na džala amencar pala tute.”
39A o Isus phengja leske: “Mukhen le te kerel adava, soske nikoj so kerela čudija ko mo anav, našti odma te vakerel lošno mandar. 40Soske koj nane protiv amende ov tano amencar. 41Čače vakerava tumenge, sekoj so ka del tumen čaša pani ko mo anav, soske sijen e Hristoskere, nane te našavel pi nagrada.”
O Isus sikavela sar te na pera ko grevo
42“Ako nekoj čhivela jekhe taro akala tikne čhave so verujnena ki mande te perel ko grevo, pošukar leske te phandel pe baro bar ki men hem te ovel frdimo ko more. 43Hem ako to vas čhivela tut ko grevo, čhin le. Pošukar te khuve jekhe vasteja ko večno životo, nego te oven tut o solduj vasta hem te dža ko pekol, ki jag so nikat na ačhola, 44[kote o kirme nikat na merena hem i jag nikat na ačhola]. 45To pro ako čhivela tut ko grevo, čhin le. Pošukar i te khuve bango ko večno životo, nego te oven tut o solduj pre, a te ove frdimo ko pekol, 46[kote o kirme nikat na merena hem i jag nikat na ačhola]. 47Ili ako ti jakh čhivela tut ko grevo, ikal la. Pošukar i te khuve ko carstvo e Devleskoro jekhe jakhaja, nego te oven tut o solduj jakja, a te ove frdimo ko pekol, 48kote o kirme so hana len nikat na merena hem i jag nikat na ačhola. 49Adaleske sarine ka čistinen pe jagaja, sar i žrtva so čistinela pe loneja.
50O lon i šukar, ama ako o lon našagja po vkus, soleja ka iranel pe leskoro vkus? Neka ovel tumen lon ki tumende, hem neka ovel tumen mir maškar tumende.”
ទើបបានជ្រើសរើសហើយ៖
Marko 9: MAR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Marko 9
9
1O Isus phengja lenge: “Čače vakerava tumenge, isi nesave maškar tumende so nane te meren, sa dži kote na dikhena o carstvo e Devleskoro sar avela pe silaja!”
O Isus sikavela pi slava pe trine učenikonge
2A palo šov dive, o Isus lela peja e Petare e Jakove hem e Jovane hem gele ki uči gora, kote so ola sine korkori. Adathe angli lende e Isuseskoro izgled promenisalilo. 3Leskere šeja ule doborom parne, so našti sine nijekh manuš ki akaja phuv agjar te parnarel len! 4Hem adathe pojavisalile angli lende o Ilija hem o Mojsej, so kerena sine lafi e Isuseja.
5Togaš o Petar phengja e Isuseske: “Učitele, šukar amenge so sijem akate. Ajde te kera trin šatojra – jekh tuke, jekh e Mojsijaske, hem jekh e Ilijaske.” 6(O Petar tari dar na džangja so te phenel, soske ola but darandile.)
7Togaš alo jekh oblako hem učhargja len, i šundilo glaso taro oblako: “Akava tano mo manglo Čhavo. Le šunen!”
8I taro jekh puti, koga dikhle uza peste na dikhle više nikas, osven e Isuse.
9Koga hulena sine tari gora, o Isus zapovedingja lenge nikaske te na vakeren so dikhle, sa dži kote o Čhavo Manušeskoro na uštela taro mule. 10Ola nikaske na vakerge adava, ama pučle pe maškar peste, so značinela akava: “Te uštel taro mule.”
11A o učenikija pučle le: “Soske o učitejla e Zakoneskere vakerena deka prvo trebela te avel o Ilija?”
12O Isus odgovoringja lenge: “Čače o Ilija ka avel prvo hem ka sredinel sa. Togaš soske i pišimo deka o Čhavo Manušeskoro mora but te cidel hem te ovel otfrlimo? 13Ama vakerava tumenge: Sar soj pišimo lestar, o Ilija više alo hem kerge leske sar ola so mangle.”
O Isus ikalela e čhavestar o lošno duho
14Koga o Isus irangja pe e trine učenikoncar ko okola učenikija, dikhle bute manušen uza lende hem nesave učitejla e Zakoneskere sar akošena pe lencar. 15Sarine samo so dikhle e Isuse, iznenadinge pe hem prastandile te pozdravinen pe leja.
16I o Isus pučlja len: “Soske akošena tumen lencar?”
17Jekh taro manuša odgovoringja leske: “Učitele, angjum ki tute me čhave, so ki leste isi lošno duho so na mukhela le te kerel lafi. 18Hem stalno, koga i te astarel le, peravela le ki phuv hem o čhavo ikalela pena taro muj, steginela pe danda hem kočingjola. I rodingjem te učenikondar te ikalen le, ama ola našti sine te keren adava.”
19O Isus odgovoringja: “O, bez verno generacijo, dži koga ka ovav tumencar? Dži koga ka trpinav tumen? Anen e čhave ki mande!”
20Hem ange le ki leste, i samo so dikhla o duho e Isuse, odma počmingja te frdel e čhave ko sa o strane. Ov pelo tele ki phuv hem počmingja te prakinel hem te ikalel pena taro muj.
21O Isus pučlja leskere dade: “Kozom vreme ov tano asavko?”
O dad odgovoringja: “Taro tiknipe. 22But puti frdela le sine ki jag hem ko pani, te šaj te mudarel le. Ama ako šaj te kere nešto, žalin amen hem pomožin amen!”
23O Isus phengja leske: “Ako šaj? Sa šaj okoleske koj so verujnela!”
24Odma e čhaveskoro dad vikingja: “Verujnava! Pomožin man te verujnav poviše.”
25Koga o Isus dikhla deka but manuša prastana ki lende te dikhen so ka ovel, zapovedingja e lošno duhoske: “Duho laloreja hem kašukeja, zapovedinava tuke, iklov lestar hem nikat ma iran tut ki leste!”
26O lošno duho vikingja, hem silno tresingja e čhave hem iklilo lestar. A o čhavo sine pružimo ki phuv sar mulo, a but džene phenge deka mulo. 27Ama o Isus astargja le taro vas, vazdingja le hem o čhavo uštilo ko pre.
28Koga o Isus khugja ko jekh kher, o učenikija leskere koga sine leja korkori, pučle le: “Soske amen našti sine te ikala le?”
29Ov phengja lenge: “Asavko duho ništoja našti te ikalel pe, samo molitvaja#9:29 molitvaja Nesave rakopisija dodajnena: hem posteja. .”
O Isus dujto puti vakerela bašo po meribe
30Koga iklile adathar, nakhle tari Galileja. A o Isus na mangla nikoj te džanel kaj tane ola, 31soske ov sikavela sine samo pe učenikon. Hem vakergja lenge: “O Čhavo Manušeskoro, ka ovel predajmo ko vasta e manušenge hem ka mudaren le, a palo trin dive ka uštel taro mule.” 32A ola na svatinge so vakergja lenge, a darana sine te pučen le.
Koj tano najbaro
33Palo adava o Isus hem leskere učenikija ale ko Kapernaum, hem koga resle ko kher, o Isus pučlja len: “Baši so akošlen tumen drumaldan?”
34Ama ola kjutinena sine, soske ko drumo akošle pe maškar peste koj tano najbaro.
35O Isus bešla, vikingja e dešudujen učenikon, hem phengja lenge: “Koj mangela te ovel prvo, mora te ovel posledno sarinendar hem te ovel sluga sarinenge!”
36Togaš angja jekhe čhave maškar lende, lela le ki angali, hem phengja lenge: 37“Koj priminela jekh taro akala čhave ko mo anav, priminela man, a koj priminela man, na priminela samo man, nego priminela okole so bičalgja man.”
Koj nane protiv amende, ov tano amencar
38O Jovan phengja e Isuseske: “Učitele, dikhlem nesave manuše sar ikalela demonen ko to anav hem amen na mukhlem le te kerel adava, soske ov na džala amencar pala tute.”
39A o Isus phengja leske: “Mukhen le te kerel adava, soske nikoj so kerela čudija ko mo anav, našti odma te vakerel lošno mandar. 40Soske koj nane protiv amende ov tano amencar. 41Čače vakerava tumenge, sekoj so ka del tumen čaša pani ko mo anav, soske sijen e Hristoskere, nane te našavel pi nagrada.”
O Isus sikavela sar te na pera ko grevo
42“Ako nekoj čhivela jekhe taro akala tikne čhave so verujnena ki mande te perel ko grevo, pošukar leske te phandel pe baro bar ki men hem te ovel frdimo ko more. 43Hem ako to vas čhivela tut ko grevo, čhin le. Pošukar te khuve jekhe vasteja ko večno životo, nego te oven tut o solduj vasta hem te dža ko pekol, ki jag so nikat na ačhola, 44[kote o kirme nikat na merena hem i jag nikat na ačhola]. 45To pro ako čhivela tut ko grevo, čhin le. Pošukar i te khuve bango ko večno životo, nego te oven tut o solduj pre, a te ove frdimo ko pekol, 46[kote o kirme nikat na merena hem i jag nikat na ačhola]. 47Ili ako ti jakh čhivela tut ko grevo, ikal la. Pošukar i te khuve ko carstvo e Devleskoro jekhe jakhaja, nego te oven tut o solduj jakja, a te ove frdimo ko pekol, 48kote o kirme so hana len nikat na merena hem i jag nikat na ačhola. 49Adaleske sarine ka čistinen pe jagaja, sar i žrtva so čistinela pe loneja.
50O lon i šukar, ama ako o lon našagja po vkus, soleja ka iranel pe leskoro vkus? Neka ovel tumen lon ki tumende, hem neka ovel tumen mir maškar tumende.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល