LUKE 20
20
Jisu laga Odhikar Prosno Kora
1Ekdin Jisu he manuh khan ke sikhai di kene aru Susamachar prachar kori thakise, tetiya prodhan puruhit khan, pondit khan aru bridho khan uthi ahhise 2aru Tar ke koise, “Amikhan ke kobi, tumi ki laga odhikar loi kene eitu khan sob kori ase, nahole kon pora tumi ke odhikar dise.” 3Tar pora tarkhan ke jawab di koise, “Moi bhi tumikhan ke ekta prosno hudibo. Etiya kobi, 4John pora Baptisma diya kam tu manuh pora na nahole sorgo pora ahhise?” 5Aru tarkhan pora ekjon ekjon majot te alusona korise, aru koise, “Jodi amikhan pora koi, ‘sorgo pora,’ tetiya Tar pora kobo, ‘kile tumikhan pora tar ke biswas kora nai?’ 6Kintu jodi amikhan pora koi, ‘Manuh pora ahhise,’ manuh khan sob he pathor pora mari kene amikhan ke morai dibo, kilemane John tu bhavobadi ekjon thakise, eneka taikhan sob pora biswas kori ase.” 7Eitu karne tarkhan pora, eitu kot pora ahhise najane eneka koise. 8Aru Jisu he tarkhan ke koise, “Tetiya Moi bhi ki odhikar pora eitu khan kori ase, eitu nakobo.”
Kheti Kora Manuh Laga Dristanto
9Aru Tar pora manuh khan ke eitu dristanto kobole shuru hoise: “Manuh ekjon pora angur gos lagaise aru eitu kheti kora manuh ke di kene, dusera desh ekta te besi din karne jaise. 10Ketiya homoi ahhise, tar pora kheti kora khan usor te angur bagan pora ulai lua phol pabo nimite nokor ekjon ke pathaise. Kintu kheti kora khan pora tar ke pitise, aru khalli haat pathaise. 11Aru tar pora dusera nokor ekjon ke bhi pathaise. Kintu tar ke bhi pitise aru besi sorom khilai kene khalli haat pathaise. 12Aru tar pora arubhi tritiyo nokor ke pathaise. Tar ke bhi jokhom korise aru khedai dise. 13Tetiya, eitu angur kheti malik pora koise, ‘Moi etiya ki koribo? Moi laga priyo putro ke moi pathabo; ki jane tarkhan pora tar ke sonman koribo.’ 14Kintu ketiya kheti kora khan pora tar ke dekhise, tarkhan majot te koise, ‘Eitu he uttarodhikari heijon tu ase. Amikhan pora tar ke morai dibo, tetiya sampoti sob tu amikhan laga hobo.’ 15Aru tarkhan pora tar ke angur kheti pora ulai dise aru morai dise. Tenehole etiya angur kheti malik pora tarkhan ke ki koribo? 16Tar ahhi kene eitu kheti kora khan ke nosto koribo aru angur kheti tu dusera ke dibo.” Ketiya taikhan pora eitu hunise, taikhan pora koise, “Eneka hobole nadibi!” 17Kintu Tar pora taikhan ke sidha sai kene koise, “Tenehole eneka likhi thaka tu ki ase:
“‘Pathor kon tu ghor bona manuh khan pora shari dise,
eitu he ghor khara kora asol bhetimul hoise’?
18Aru eitu pathor upor te kon manuh giri jai tukura hoi kene bhangi jabo, aru eitu konuba upor te eitu pathor girile mihin kori dibo.”
Caesar Ke Khajana Diya
19Heitu homoi te Pondit khan aru prodhan puruhit khan pora Tar ke dhoribole monn thakise, kilemane eitu dristanto tu taikhan ke koi ase eneka taikhan pora janise, kintu taikhan pora manuh khan ke bhoi korise. 20Eitu karne taikhan pora Tar ke dhoribole homoi rukhi thakise, aru konuba chalak pora pathaise, kon pora tarkhan mon sidha te ahha nisna dekhaise, kintu Tar kua kotha te dhori lobo nimite pathaise, tetiya tar kotha te dhori lobo aru sorkar odhikar manuh aru rajyopal haat te di dibo. 21Eitu karne tarkhan pora hudise, “Guruji, amikhan pora jane, apuni hosa kotha koi aru teneka sikhai diye, aru kon logot bhi mukh sai kene kam nakore, kintu hosa Isor laga raasta sikhai ase. 22Etiya, Caesar ke khajana dibole eitu kanoon te koi ase na nai?” 23Kintu taikhan laga chalak tu jani kene Jisu he taikhan ke koise, 24“Moi ke ekta denarius dekhai dibi. Iyate kon laga protima aru kon laga nam likhi kene ase?” Tarkhan pora koise, “Caesar laga.” 25Tar pora tarkhan ke koise, “Tenehole ki Caesar laga ase, eitu Caesar ke dibi, aru ki Isor laga ase, eitu Isor ke dibi.” 26Aru manuh khan sob aage te Tar pora ki koise tate tarkhan pora eku dhoribole para nai, kintu Tar laga jawab te ekdom asorit hoi kene chup-chap hoise.
Sadducees Pora Ponuruthan Laga Hudise
27Konuba Sadducees, kon pora ponuruthan nai eneka koi, tarkhan pora Tar usor te ahhise, 28aru ekta prosno Tar logot te hudise, “Guruji, Moses pora amikhan karne likhi dise, jodi manuh ekjon bacha napai kene patni ke shari kene morise, tetiya tar laga patni tu bhai kokai konuba pora lobo lage, aru tar karne hontan uthai dibo lage. 29Etiya, satta kokai bhai khan thakise. Prothom bhai pora patni ekjoni ke saadi korise, aru bacha napai kene morise. 30Aru ditiyo pora bhi eneka hoise, 31aru tritiyo pora tai ke loise aru eitu nisna sat jon pora bhi eitu tiruta ke loise, aru bacha napai kene sob morise. 32Eitu pasot te tiruta bhi morise. 33Tenehole, ponuruthan din te eitu tiruta tu kon laga patni hobo? Kilemane tarkhan satta bhai pora bhi tai ke patni loise.”
34Aru Jisu he taikhan ke koise, “Eitu prithibi laga putro khan pora he saadi kore nahole saadi koribole di ase, 35Kintu kon pora heitu ponuruthan hua din nahole heitu din pabole jugyo ase, tate saadi bhi nakore aru saadi koribole bhi nadibo, 36tate taikhan namoribo kilemane taikhan sob sorgo dut khan nisna he hobo aru ponuruthan hua karne taikhan sob Isor laga bacha khan hobo. 37Kintu mora manuh khan jinda uthi ase kilemane ghans majot te jui joli thaka khisa te eneka koise, Abraham laga Isor, Isaac laga Isor aru Jacob laga Isor. 38Etiya Isor tu mora khan laga Isor nahoi, kintu jinda thaka laga Isor ase, kilemane sob tar logot te jinda thake.” 39Tetiya konuba pondit khan pora Jawab dise, “Guruji apuni bhall pora koi dise.” 40Kilemane tarkhan pora aru hudibole himat pua nai.
Khrista tu Kon Laga Putro Ase?
41Kintu Tar pora tarkhan ke koise, “Keneka hoi kene tarkhan pora Khrista tu David laga putro bulli koise? 42Kilemane, Geetmala kitab te David nijor pora koise,
“‘Prabhu pora moi laga Prabhu ke koise,
jetiya tak tumi laga dushman ke Moi tumi laga theng rakha choki nabonai,’
43Tetiya tak moi laga daina haat phale bohibi.
44David pora Tar ke Prabhu eneka matile, tetiya keneka Tar tu David laga putro hobo?”
Pondit Khan Karne Hushier Koribi
45Aru sob manuh kan pora huni kene Tar laga chella khan ke koise, 46“Pondit khan karne hushier koribi, kon pora upor pindha kapoor lamba lagai kene berabole bhall lage, aru bazar jaga phale sonman pua tu bhall lage, aru bhoj te aru girja ghor te sob pora bhall jaga aru sonman diya jaga te bohibole bisare, 47kon pora bidhova khan laga sampoti nili diye aru lamba prathana kori di ase. Tarkhan he besi dangor ninda pabo.”
ទើបបានជ្រើសរើសហើយ៖
LUKE 20: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 20
20
Jisu laga Odhikar Prosno Kora
1Ekdin Jisu he manuh khan ke sikhai di kene aru Susamachar prachar kori thakise, tetiya prodhan puruhit khan, pondit khan aru bridho khan uthi ahhise 2aru Tar ke koise, “Amikhan ke kobi, tumi ki laga odhikar loi kene eitu khan sob kori ase, nahole kon pora tumi ke odhikar dise.” 3Tar pora tarkhan ke jawab di koise, “Moi bhi tumikhan ke ekta prosno hudibo. Etiya kobi, 4John pora Baptisma diya kam tu manuh pora na nahole sorgo pora ahhise?” 5Aru tarkhan pora ekjon ekjon majot te alusona korise, aru koise, “Jodi amikhan pora koi, ‘sorgo pora,’ tetiya Tar pora kobo, ‘kile tumikhan pora tar ke biswas kora nai?’ 6Kintu jodi amikhan pora koi, ‘Manuh pora ahhise,’ manuh khan sob he pathor pora mari kene amikhan ke morai dibo, kilemane John tu bhavobadi ekjon thakise, eneka taikhan sob pora biswas kori ase.” 7Eitu karne tarkhan pora, eitu kot pora ahhise najane eneka koise. 8Aru Jisu he tarkhan ke koise, “Tetiya Moi bhi ki odhikar pora eitu khan kori ase, eitu nakobo.”
Kheti Kora Manuh Laga Dristanto
9Aru Tar pora manuh khan ke eitu dristanto kobole shuru hoise: “Manuh ekjon pora angur gos lagaise aru eitu kheti kora manuh ke di kene, dusera desh ekta te besi din karne jaise. 10Ketiya homoi ahhise, tar pora kheti kora khan usor te angur bagan pora ulai lua phol pabo nimite nokor ekjon ke pathaise. Kintu kheti kora khan pora tar ke pitise, aru khalli haat pathaise. 11Aru tar pora dusera nokor ekjon ke bhi pathaise. Kintu tar ke bhi pitise aru besi sorom khilai kene khalli haat pathaise. 12Aru tar pora arubhi tritiyo nokor ke pathaise. Tar ke bhi jokhom korise aru khedai dise. 13Tetiya, eitu angur kheti malik pora koise, ‘Moi etiya ki koribo? Moi laga priyo putro ke moi pathabo; ki jane tarkhan pora tar ke sonman koribo.’ 14Kintu ketiya kheti kora khan pora tar ke dekhise, tarkhan majot te koise, ‘Eitu he uttarodhikari heijon tu ase. Amikhan pora tar ke morai dibo, tetiya sampoti sob tu amikhan laga hobo.’ 15Aru tarkhan pora tar ke angur kheti pora ulai dise aru morai dise. Tenehole etiya angur kheti malik pora tarkhan ke ki koribo? 16Tar ahhi kene eitu kheti kora khan ke nosto koribo aru angur kheti tu dusera ke dibo.” Ketiya taikhan pora eitu hunise, taikhan pora koise, “Eneka hobole nadibi!” 17Kintu Tar pora taikhan ke sidha sai kene koise, “Tenehole eneka likhi thaka tu ki ase:
“‘Pathor kon tu ghor bona manuh khan pora shari dise,
eitu he ghor khara kora asol bhetimul hoise’?
18Aru eitu pathor upor te kon manuh giri jai tukura hoi kene bhangi jabo, aru eitu konuba upor te eitu pathor girile mihin kori dibo.”
Caesar Ke Khajana Diya
19Heitu homoi te Pondit khan aru prodhan puruhit khan pora Tar ke dhoribole monn thakise, kilemane eitu dristanto tu taikhan ke koi ase eneka taikhan pora janise, kintu taikhan pora manuh khan ke bhoi korise. 20Eitu karne taikhan pora Tar ke dhoribole homoi rukhi thakise, aru konuba chalak pora pathaise, kon pora tarkhan mon sidha te ahha nisna dekhaise, kintu Tar kua kotha te dhori lobo nimite pathaise, tetiya tar kotha te dhori lobo aru sorkar odhikar manuh aru rajyopal haat te di dibo. 21Eitu karne tarkhan pora hudise, “Guruji, amikhan pora jane, apuni hosa kotha koi aru teneka sikhai diye, aru kon logot bhi mukh sai kene kam nakore, kintu hosa Isor laga raasta sikhai ase. 22Etiya, Caesar ke khajana dibole eitu kanoon te koi ase na nai?” 23Kintu taikhan laga chalak tu jani kene Jisu he taikhan ke koise, 24“Moi ke ekta denarius dekhai dibi. Iyate kon laga protima aru kon laga nam likhi kene ase?” Tarkhan pora koise, “Caesar laga.” 25Tar pora tarkhan ke koise, “Tenehole ki Caesar laga ase, eitu Caesar ke dibi, aru ki Isor laga ase, eitu Isor ke dibi.” 26Aru manuh khan sob aage te Tar pora ki koise tate tarkhan pora eku dhoribole para nai, kintu Tar laga jawab te ekdom asorit hoi kene chup-chap hoise.
Sadducees Pora Ponuruthan Laga Hudise
27Konuba Sadducees, kon pora ponuruthan nai eneka koi, tarkhan pora Tar usor te ahhise, 28aru ekta prosno Tar logot te hudise, “Guruji, Moses pora amikhan karne likhi dise, jodi manuh ekjon bacha napai kene patni ke shari kene morise, tetiya tar laga patni tu bhai kokai konuba pora lobo lage, aru tar karne hontan uthai dibo lage. 29Etiya, satta kokai bhai khan thakise. Prothom bhai pora patni ekjoni ke saadi korise, aru bacha napai kene morise. 30Aru ditiyo pora bhi eneka hoise, 31aru tritiyo pora tai ke loise aru eitu nisna sat jon pora bhi eitu tiruta ke loise, aru bacha napai kene sob morise. 32Eitu pasot te tiruta bhi morise. 33Tenehole, ponuruthan din te eitu tiruta tu kon laga patni hobo? Kilemane tarkhan satta bhai pora bhi tai ke patni loise.”
34Aru Jisu he taikhan ke koise, “Eitu prithibi laga putro khan pora he saadi kore nahole saadi koribole di ase, 35Kintu kon pora heitu ponuruthan hua din nahole heitu din pabole jugyo ase, tate saadi bhi nakore aru saadi koribole bhi nadibo, 36tate taikhan namoribo kilemane taikhan sob sorgo dut khan nisna he hobo aru ponuruthan hua karne taikhan sob Isor laga bacha khan hobo. 37Kintu mora manuh khan jinda uthi ase kilemane ghans majot te jui joli thaka khisa te eneka koise, Abraham laga Isor, Isaac laga Isor aru Jacob laga Isor. 38Etiya Isor tu mora khan laga Isor nahoi, kintu jinda thaka laga Isor ase, kilemane sob tar logot te jinda thake.” 39Tetiya konuba pondit khan pora Jawab dise, “Guruji apuni bhall pora koi dise.” 40Kilemane tarkhan pora aru hudibole himat pua nai.
Khrista tu Kon Laga Putro Ase?
41Kintu Tar pora tarkhan ke koise, “Keneka hoi kene tarkhan pora Khrista tu David laga putro bulli koise? 42Kilemane, Geetmala kitab te David nijor pora koise,
“‘Prabhu pora moi laga Prabhu ke koise,
jetiya tak tumi laga dushman ke Moi tumi laga theng rakha choki nabonai,’
43Tetiya tak moi laga daina haat phale bohibi.
44David pora Tar ke Prabhu eneka matile, tetiya keneka Tar tu David laga putro hobo?”
Pondit Khan Karne Hushier Koribi
45Aru sob manuh kan pora huni kene Tar laga chella khan ke koise, 46“Pondit khan karne hushier koribi, kon pora upor pindha kapoor lamba lagai kene berabole bhall lage, aru bazar jaga phale sonman pua tu bhall lage, aru bhoj te aru girja ghor te sob pora bhall jaga aru sonman diya jaga te bohibole bisare, 47kon pora bidhova khan laga sampoti nili diye aru lamba prathana kori di ase. Tarkhan he besi dangor ninda pabo.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.