LUKE 19
19
Jisu aru Zacchaeus
1Tar Jericho pongchi kene jai thakise. 2Aru tate manuh ekjon Zacchaeus koi kene thakise. Tar tu prodhan khajana tula manuh aru besi dhoni manuh thakise. 3Aru tar pora Jisu ke janibole bisarise, kintu tar khata hua nimite aru eitu logot te manuh besi jama thaka karne tar eku koribo para nai. 4Eitu karne tar aage phale polai jai kene, Jisu ke sabole Sycamore gos ekta te uthise, kilemane Tar eitu raasta phale jai thakise. 5Aru ketiya Jisu he eitu jaga pongchise, Tar pora upor te sai kene tar ke koise, “Zacchaeus, joldi namibi, kilemane moi aji tumi laga ghor te thakibo.” 6Eitu karne tar joldi nami ahhi kene khushi pora Jisu ke swagat korise. 7Aru ketiya manuh khan pora eitu dekhise, taikhan majot te phus phusai kene koise, “Tar alohi hisap te paapi manuh laga ghor te jai ase.” 8Aru Zacchaeus khara kori kene Prabhu ke koise, “Prabhu, moi laga sampoti adha dukhiya khan ke dibo. Aru jodi moi konuba laga jobor josti pora kiba loi thakile moi eitu bhi char guna pora besi ghurai dibo.” 9Aru Jisu he tar ke koise, “Aji eitu ghor te poritran ahhi kene ase, kilemane tar bhi Abraham laga putro ase. 10Kilemane Manuh laga Putro harai thaka khan bisari kene bachabole ahhise.”
Dosta Mina laga Dristanto
11Taikhan pora Jisu laga kotha huna homoi te, Isor laga rajyo tu loge loge hobo eneka bhabna korise, eitu karne Jerusalem usor te thaka homoi te Tar pora ekta dristanto koise, 12Eitu karne Tar pora koise, “Kulin ekjon dur te thaka desh te tar karne rajyo ekta pabo aru eitu pasot te ghurai ahhibo karne jaise. 13Eitu nimite Tar laga nokor dosjon ke mati kene taikhan logot te dosta minas di dise, aru taikhan ke koise, ‘Moi nahha tak eitu bepari kam te cholai thakibi.’ 14Kintu tar laga desh manuh khan pora tar ke ghin korise, aru tar laga piche te khobor loi kene konuba pathaise, aru koise, ‘Amikhan upor te sason koribole eitu manuh nalage.’ 15Tar rajyo pai kene ketiya ghurai ahhise, tar laga nokor khan, kon ke toka poisa cholai thakibole dise, taikhan pora kiman tak lab paise, eitu tar pora janibole taikhan ke mati anibole hukum dise. 16Tar usor te prothom nokor ekjon ahhi kene koise, ‘Prabhu, apuni laga minas pora moi arubhi dosta lab paise.’ 17Aru tar pora tar ke koise, ‘Bhall aru biswas thaka nokor, besi bhall kam korise! Tumi ke olop te he biswas kori thakise, tumi etiya dosta sohor te odhikar thakibo.’ 18Aru ditiyo nokor bhi tar usor te ahhi kene koise, ‘Prabhu, apuni laga minas tu moi arubhi pansta besi bonaise.’ 19Aru tar pora tar ke koise, ‘Tumi bhi pansta sohor upor te odhikar hobo.’ 20Tetiya arubhi ekjon ahhi kene koise, ‘Prabhu, iyate apuni laga mina tu ase, eitu moi rumal kapoor ekta te bandhi kene rakhise; 21kilemane apuni mon tan manuh hua karne moi apuni ke bhoi korise. Apuni ki rakhi diya nai eitu apuni uthai loi, aru apuni kot te bijon hisa nai tate pora dhan kati loi.’ 22Tar pora tar ke koise, ‘Hei beya nokor, Moi tumi nijor laga kotha pora tumi ke ninda kori dibo! Moi beya manuh ase eneka tumi janise, moi ki rakha nai, tate pora uthai loi, aru ki bijon hisa nai, tate pora dhan kati loi? 23Kile moi laga toka-poisa tu tumi bank te rakha nai, eneka korile moi ahha homoi te sood logot eitu pabole thakise?’ 24Aru Tar pora khara kori thaka manuh khan ke koise, ‘Tar pora poisa tu uthai lobi aru kon logot dosta ase tar ke di dibi.’ 25Aru tarkhan pora Tar ke koise, ‘Prabhu tar logot te dosta ase!’ 26‘Moi tumikhan ke koi ase, kon logot te ase arubhi besi dibo, kintu kon logot te nai tar ki ase eitu bhi loi lobo. 27Kintu moi laga dushman eitu khan, kon pora taikhan upor te sason koribole dibo monn nai, taikhan iyate anibi aru moi usor te kati kene morai dibi.’”
Jerusalem te Jiti Kene Jua
28Aru Tar pora eitu kotha koi di kene taikhan aage-aage Tar Jerusalem te jaise. 29Ketiya Tar Bethphage aru Bethany usor te thaka Olives eneka kua pahar ekta te ahhise, Tar he duijon chella ke pathaise, 30aru koise, “Tumikhan aage te thaka bosti te jabi, tate jua homoi te, manuh khan ketiya bhi naboha gadho ekta bandhi kene tumikhan pora thakibo. Eitu khuli kene iyate anibi. 31Jodi konuba pora tumikhan ke hudile, ‘Kile tumikhan pora eitu khuli ase?’ Tumikhan pora eneka kobi, ‘Prabhu nimite eitu lagi ase.’” 32Eitu karne kon ke pathaise, tarkhan jaise aru Tar pora ki koise eitu thik paise. 33Aru tarkhan pora gadho tu khuli thaka homoi te, eitu laga malik khan pora tarkhan ke koise, “Kile tumikhan pora gadho tu khuli ase?” 34Aru tarkhan pora koise, “Prabhu he eitu lagi ase.” 35Aru tarkhan pora eitu Jisu usor te anise, aru tarkhan laga kapoor eitu gadho upor te lagai dise aru taikhan pora Jisu tate bohibole dise. 36Aru Tar gadho upor te bohi kene jua homoi te, taikhan laga kapoor raasta te bichai dise. 37Olives pahar raasta te nami ahhi kene Tar Jerusalem usor te ahhi thaka homoi te genti koribo napara chella khan pora khushi hoi kene Tar pora ki mahan kam kori diya taikhan pora dekhise, eitu nimite Isor ke stuti kori kene jur pora awaz ulaise, 38aru koise, “Prabhu laga nam te ahha Raja ke ashish! Mahima sorgo te shanti aru sob pora uncha sorgo jaga te gaurab hobi!” 39Aru logot te thaka pharisees khan konuba pora Tar ke koise, “Guru-ji apuni laga chella khan ke gali dibi.” 40Tar jawab dise, “Moi tumikhan koi ase, jodi eitu khan chup chap thakile, pathor khan pora hala koribo.”
Jisu He Jerusalem Karne Kandise
41Aru Jerusalem usor te ahhi kene ketiya sohor dekhise eitu nimite Tar kandise, 42aru koise, “Hei tumi, tumi ase na, jodi shanti kot pora ahhe aji eitu tumikhan pora jani kene thakise hole! Kintu etiya tumikhan soku pora eitu khan lukai rakhise. 43Kilemane tumar upor te din ekta ahhi ase, ketiya tumikhan laga dushman pora jaga sob phale bond kori rakhibo aru sob phale pora tumikhan logote jujibo 44taikhan pora tumikhan laga bacha aru tumikhan sob bhangai kene maati te girai dibo. Aru tarkhan pora ekta pathor upor te ekta nasharibo kilemane tumi ke bisari ahha tumikhan pora najane.”
Jisu he Girja Ghor Safa Kora
45Aru girja ghor bhitor te Tar jai kene bikiri kora manuh khan khedai dise, 46aru tarkhan ke koise, “Eitu likhi kene ase, ‘Moi laga ghor tu prathana laga ghor hobo,’ kintu tumikhan pora eitu dacoit laga jaga bonai dise.”
47Aru Tar hodai din girja ghor te sikhai thakise. Tetiya prodhan puruhit khan, pondit khan, aru zati majot te dangor manuh khan sob pora Tar ke morai dibole raasta bisarise, 48kintu tar ke dhoribole eku upai thaka nai, kilemane manuh khan sob pora Tar kotha hunibole bisarise.
ទើបបានជ្រើសរើសហើយ៖
LUKE 19: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 19
19
Jisu aru Zacchaeus
1Tar Jericho pongchi kene jai thakise. 2Aru tate manuh ekjon Zacchaeus koi kene thakise. Tar tu prodhan khajana tula manuh aru besi dhoni manuh thakise. 3Aru tar pora Jisu ke janibole bisarise, kintu tar khata hua nimite aru eitu logot te manuh besi jama thaka karne tar eku koribo para nai. 4Eitu karne tar aage phale polai jai kene, Jisu ke sabole Sycamore gos ekta te uthise, kilemane Tar eitu raasta phale jai thakise. 5Aru ketiya Jisu he eitu jaga pongchise, Tar pora upor te sai kene tar ke koise, “Zacchaeus, joldi namibi, kilemane moi aji tumi laga ghor te thakibo.” 6Eitu karne tar joldi nami ahhi kene khushi pora Jisu ke swagat korise. 7Aru ketiya manuh khan pora eitu dekhise, taikhan majot te phus phusai kene koise, “Tar alohi hisap te paapi manuh laga ghor te jai ase.” 8Aru Zacchaeus khara kori kene Prabhu ke koise, “Prabhu, moi laga sampoti adha dukhiya khan ke dibo. Aru jodi moi konuba laga jobor josti pora kiba loi thakile moi eitu bhi char guna pora besi ghurai dibo.” 9Aru Jisu he tar ke koise, “Aji eitu ghor te poritran ahhi kene ase, kilemane tar bhi Abraham laga putro ase. 10Kilemane Manuh laga Putro harai thaka khan bisari kene bachabole ahhise.”
Dosta Mina laga Dristanto
11Taikhan pora Jisu laga kotha huna homoi te, Isor laga rajyo tu loge loge hobo eneka bhabna korise, eitu karne Jerusalem usor te thaka homoi te Tar pora ekta dristanto koise, 12Eitu karne Tar pora koise, “Kulin ekjon dur te thaka desh te tar karne rajyo ekta pabo aru eitu pasot te ghurai ahhibo karne jaise. 13Eitu nimite Tar laga nokor dosjon ke mati kene taikhan logot te dosta minas di dise, aru taikhan ke koise, ‘Moi nahha tak eitu bepari kam te cholai thakibi.’ 14Kintu tar laga desh manuh khan pora tar ke ghin korise, aru tar laga piche te khobor loi kene konuba pathaise, aru koise, ‘Amikhan upor te sason koribole eitu manuh nalage.’ 15Tar rajyo pai kene ketiya ghurai ahhise, tar laga nokor khan, kon ke toka poisa cholai thakibole dise, taikhan pora kiman tak lab paise, eitu tar pora janibole taikhan ke mati anibole hukum dise. 16Tar usor te prothom nokor ekjon ahhi kene koise, ‘Prabhu, apuni laga minas pora moi arubhi dosta lab paise.’ 17Aru tar pora tar ke koise, ‘Bhall aru biswas thaka nokor, besi bhall kam korise! Tumi ke olop te he biswas kori thakise, tumi etiya dosta sohor te odhikar thakibo.’ 18Aru ditiyo nokor bhi tar usor te ahhi kene koise, ‘Prabhu, apuni laga minas tu moi arubhi pansta besi bonaise.’ 19Aru tar pora tar ke koise, ‘Tumi bhi pansta sohor upor te odhikar hobo.’ 20Tetiya arubhi ekjon ahhi kene koise, ‘Prabhu, iyate apuni laga mina tu ase, eitu moi rumal kapoor ekta te bandhi kene rakhise; 21kilemane apuni mon tan manuh hua karne moi apuni ke bhoi korise. Apuni ki rakhi diya nai eitu apuni uthai loi, aru apuni kot te bijon hisa nai tate pora dhan kati loi.’ 22Tar pora tar ke koise, ‘Hei beya nokor, Moi tumi nijor laga kotha pora tumi ke ninda kori dibo! Moi beya manuh ase eneka tumi janise, moi ki rakha nai, tate pora uthai loi, aru ki bijon hisa nai, tate pora dhan kati loi? 23Kile moi laga toka-poisa tu tumi bank te rakha nai, eneka korile moi ahha homoi te sood logot eitu pabole thakise?’ 24Aru Tar pora khara kori thaka manuh khan ke koise, ‘Tar pora poisa tu uthai lobi aru kon logot dosta ase tar ke di dibi.’ 25Aru tarkhan pora Tar ke koise, ‘Prabhu tar logot te dosta ase!’ 26‘Moi tumikhan ke koi ase, kon logot te ase arubhi besi dibo, kintu kon logot te nai tar ki ase eitu bhi loi lobo. 27Kintu moi laga dushman eitu khan, kon pora taikhan upor te sason koribole dibo monn nai, taikhan iyate anibi aru moi usor te kati kene morai dibi.’”
Jerusalem te Jiti Kene Jua
28Aru Tar pora eitu kotha koi di kene taikhan aage-aage Tar Jerusalem te jaise. 29Ketiya Tar Bethphage aru Bethany usor te thaka Olives eneka kua pahar ekta te ahhise, Tar he duijon chella ke pathaise, 30aru koise, “Tumikhan aage te thaka bosti te jabi, tate jua homoi te, manuh khan ketiya bhi naboha gadho ekta bandhi kene tumikhan pora thakibo. Eitu khuli kene iyate anibi. 31Jodi konuba pora tumikhan ke hudile, ‘Kile tumikhan pora eitu khuli ase?’ Tumikhan pora eneka kobi, ‘Prabhu nimite eitu lagi ase.’” 32Eitu karne kon ke pathaise, tarkhan jaise aru Tar pora ki koise eitu thik paise. 33Aru tarkhan pora gadho tu khuli thaka homoi te, eitu laga malik khan pora tarkhan ke koise, “Kile tumikhan pora gadho tu khuli ase?” 34Aru tarkhan pora koise, “Prabhu he eitu lagi ase.” 35Aru tarkhan pora eitu Jisu usor te anise, aru tarkhan laga kapoor eitu gadho upor te lagai dise aru taikhan pora Jisu tate bohibole dise. 36Aru Tar gadho upor te bohi kene jua homoi te, taikhan laga kapoor raasta te bichai dise. 37Olives pahar raasta te nami ahhi kene Tar Jerusalem usor te ahhi thaka homoi te genti koribo napara chella khan pora khushi hoi kene Tar pora ki mahan kam kori diya taikhan pora dekhise, eitu nimite Isor ke stuti kori kene jur pora awaz ulaise, 38aru koise, “Prabhu laga nam te ahha Raja ke ashish! Mahima sorgo te shanti aru sob pora uncha sorgo jaga te gaurab hobi!” 39Aru logot te thaka pharisees khan konuba pora Tar ke koise, “Guru-ji apuni laga chella khan ke gali dibi.” 40Tar jawab dise, “Moi tumikhan koi ase, jodi eitu khan chup chap thakile, pathor khan pora hala koribo.”
Jisu He Jerusalem Karne Kandise
41Aru Jerusalem usor te ahhi kene ketiya sohor dekhise eitu nimite Tar kandise, 42aru koise, “Hei tumi, tumi ase na, jodi shanti kot pora ahhe aji eitu tumikhan pora jani kene thakise hole! Kintu etiya tumikhan soku pora eitu khan lukai rakhise. 43Kilemane tumar upor te din ekta ahhi ase, ketiya tumikhan laga dushman pora jaga sob phale bond kori rakhibo aru sob phale pora tumikhan logote jujibo 44taikhan pora tumikhan laga bacha aru tumikhan sob bhangai kene maati te girai dibo. Aru tarkhan pora ekta pathor upor te ekta nasharibo kilemane tumi ke bisari ahha tumikhan pora najane.”
Jisu he Girja Ghor Safa Kora
45Aru girja ghor bhitor te Tar jai kene bikiri kora manuh khan khedai dise, 46aru tarkhan ke koise, “Eitu likhi kene ase, ‘Moi laga ghor tu prathana laga ghor hobo,’ kintu tumikhan pora eitu dacoit laga jaga bonai dise.”
47Aru Tar hodai din girja ghor te sikhai thakise. Tetiya prodhan puruhit khan, pondit khan, aru zati majot te dangor manuh khan sob pora Tar ke morai dibole raasta bisarise, 48kintu tar ke dhoribole eku upai thaka nai, kilemane manuh khan sob pora Tar kotha hunibole bisarise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.