LUKE 21
21
Bidhova Ekjoni Laga Daan
1Jisu he ghurai kene saise aru dhoni manuh khan pora ahhi kene daan diya boksa te toka poisa hali diya dekhise, 2aru tar pora bidhova ekjoni pora bhi duita naya poisa hali diya dekhise. 3Aru Tar pora koise, “Hosa Moi tumikhan ke koi ase, Eitu dukhiya bidhova pora he tarkhan sob pora besi dise. 4Kilemane tarkhan sob pora besi thaka pora olop dise, kintu eitu bidhova, tai nathakile bhi tai ki thakise eitu sob anikene dise.”
Girja Ghor Nosto hobole Aage Te Jisu He Koi diya
5Aru konuba pora girja ghor laga kotha ulai kene koise, eitu dam laga pathor khan aru daan ani diya pora gaurab kori kene kiman bhi sundor dekhi ase, Jisu he koise, 6“Tumikhan pora dekhi thaka eitu khan karne tu, din ahhi ase, ketiya eitu pathor khan ekta upor te ekta nagiri kene nathakibo.” 7Aru tarkhan pora hudise, “Guru-ji, eitu ketiya hobo, aru eitu khan hobo nimite sign tu ki hobo?” 8Aru Tar pora koise, “Tumikhan ke bhi nathogabo karne hushier koribi. Kilemane Moi laga nam te besi manuh ahhibo, aru kobo, ‘Moi he Tar ase!’ Aru ‘Homoi tu pongchise!’ Kintu taikhan piche te najabi. 9Aru ketiya tumikhan pora larai aru gondogol laga khobor hunibo, bhoi nakoribi, kilemane eitu khan he pahila hobo lagibo, kintu hekh din tu loge loge nahobo.”
Zati majot te Birudh Hobo
10Tetiya Tar pora tarkhan ke koise, zati ekta pora ekta upor te birudh hobo, aru rajyo ekta pora ekta upor te birudh koribo. 11Tetiya dangor bhomi kompo hobo, aru jaga jaga te akal ulabo aru mora laga bemar ulabo. Aru besi bhoi aru dangor sign akash pora dekhai dibo. 12Kintu eitu khan sob naha aage te tarkhan pora tumikhan upor te haat uthabo aru tarona dibo, aru tumikhan ke girja ghor aru bandhi ghor te hali dibo, aru moi laga nam nimite raja aru rajyopal khan aage te tumikhan ke loi jabo. 13Tetiya eitu Moi laga sakhi dibole tumikhan karne bhall homoi hobo. 14Eitu karne ki jawab dibo eneka mon te bhabna kori nathakibi, 15kilemane dushman khan pora eku jawab dibo napara aru dhoribo napara eneka gyan kotha Moi tumikhan ke dibo. 16Nijor amaa baba aru bhai khan, khandan aru saathi khan pora bhi morai dibole dushman haat te didibo. 17Moi laga nam karne sob manuh pora tumikhan ke ghin koribo. 18Hole bhi chuli ekta bhi tumikhan laga matha pora harai najabo. 19Tumikhan dhorjo kori uthibi, aru nijor laga jivon bachabo.
Jerusalem Nosto Hobo Laga Jisu he aage te kua
20“Kintu tumikhan pora ketiya Jerusalem tu dushman khan pora gherai lua dhekhibo, tetiya janibi, eitu pura khotom hobole pongchise. 21Tetiya kon Judea te thakibo pahar phale polai jabi, aru kon sohor bhitor te thakibo, shari kene jai jabi, aru kon nagor phale thakibo, sohor te ghurai najabi, 22kilemane eitu din tu, likhi thaka hidho hobo karne, beya ghurai diya din ase. 23Eitu din te bacha bukhi thaka tiruta khan aru kesua ke dudh khilai thaka amaa khan karne besi dukh kosto hobo! Kilemane prithibi te besi dangor kosto aru manuh khan upor te khong ahhibo. 24Tarkhan taruwal pora girai dibo aru dhori kene zati khan sob majot te loi jabo, aru Jerusalem tu porjati khan theng pora, tarkhan laga homoi tu napongcha tak chapai dibo.
Manuh Laga Putro Ahha
25“Surjyo, Chandro aru Tara khan sob majot te alag sign ulabo, aru samundor dhou mara awaz huni kene prithibi te zati khan besi bhoi hoi kene mon dukh hobo, 26Prithibi upor te ki ahhi ase eitu khan dekhi kene manuh khan bihus hoi jabo. Kilemane akash laga shakti hili jabo. 27Tetiya taikhan pora Manuh laga Putro megh te shakti aru dangor gaurab te ahha dekhibo. 28Etiya eitu khan sob shuru hua homoi te, tayar koribi, kilemane tumikhan udhar koribole homoi usor te ahhise.”
Dimoru Gos Pora Sikha
29Aru Tar pora dristanto ekta tarkhan ke koise: “Dimoru gos, aru dusera gos sob tu sabi. 30Eitu khan pata notun ula loge loge, gorom din usor te ahhi jaise eneka tumikhan nijor pora jani loi. 31Eitu karne, ketiya eitu khan shuru hua tumikhan pora dekhibo, Isor laga rajyo usor te ahhise eneka tumikhan pora janibi. 32Moi hosa tumikhan ke kobo, eitu khan sob nahua tak eitu jugh par kori najabo. 33Sorgo aru prithibi par kori jabo, kintu Moi laga kotha tu par kori najabo.
Tumikhan Nijor Hushier Koribi
34“Kintu tumikhan modhu pi lua, aru jivon thakibo karne chinta kora, eitu khan pora tumikhan mon tani kene loi najabo karne hushier koribi, kilemane achanak eitu din tu porikhya nisna apunikhan upor te ahhibo. 35Kilemane prithibi upor te thaka manuh khan sob laga upor te eitu ahhibo. 36Kintu homoi sob te hushier kori thakibi, aru ki hobole ase, eitu khan sob pora bachai kene thakibo karne, aru Manuh laga Putro aage te jabo paribo karne, prathana kori thakibi.”
37Aru hodai din te Tar girja ghor te sikhai thakise, kintu raati te Tar jai kene Olivet eneka kua pahar jaga te ghumai thakise. 38Aru ekdom phujor homoi te manuh khan girja ghor te Tar kua kotha hunibole jama korise.
ទើបបានជ្រើសរើសហើយ៖
LUKE 21: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
LUKE 21
21
Bidhova Ekjoni Laga Daan
1Jisu he ghurai kene saise aru dhoni manuh khan pora ahhi kene daan diya boksa te toka poisa hali diya dekhise, 2aru tar pora bidhova ekjoni pora bhi duita naya poisa hali diya dekhise. 3Aru Tar pora koise, “Hosa Moi tumikhan ke koi ase, Eitu dukhiya bidhova pora he tarkhan sob pora besi dise. 4Kilemane tarkhan sob pora besi thaka pora olop dise, kintu eitu bidhova, tai nathakile bhi tai ki thakise eitu sob anikene dise.”
Girja Ghor Nosto hobole Aage Te Jisu He Koi diya
5Aru konuba pora girja ghor laga kotha ulai kene koise, eitu dam laga pathor khan aru daan ani diya pora gaurab kori kene kiman bhi sundor dekhi ase, Jisu he koise, 6“Tumikhan pora dekhi thaka eitu khan karne tu, din ahhi ase, ketiya eitu pathor khan ekta upor te ekta nagiri kene nathakibo.” 7Aru tarkhan pora hudise, “Guru-ji, eitu ketiya hobo, aru eitu khan hobo nimite sign tu ki hobo?” 8Aru Tar pora koise, “Tumikhan ke bhi nathogabo karne hushier koribi. Kilemane Moi laga nam te besi manuh ahhibo, aru kobo, ‘Moi he Tar ase!’ Aru ‘Homoi tu pongchise!’ Kintu taikhan piche te najabi. 9Aru ketiya tumikhan pora larai aru gondogol laga khobor hunibo, bhoi nakoribi, kilemane eitu khan he pahila hobo lagibo, kintu hekh din tu loge loge nahobo.”
Zati majot te Birudh Hobo
10Tetiya Tar pora tarkhan ke koise, zati ekta pora ekta upor te birudh hobo, aru rajyo ekta pora ekta upor te birudh koribo. 11Tetiya dangor bhomi kompo hobo, aru jaga jaga te akal ulabo aru mora laga bemar ulabo. Aru besi bhoi aru dangor sign akash pora dekhai dibo. 12Kintu eitu khan sob naha aage te tarkhan pora tumikhan upor te haat uthabo aru tarona dibo, aru tumikhan ke girja ghor aru bandhi ghor te hali dibo, aru moi laga nam nimite raja aru rajyopal khan aage te tumikhan ke loi jabo. 13Tetiya eitu Moi laga sakhi dibole tumikhan karne bhall homoi hobo. 14Eitu karne ki jawab dibo eneka mon te bhabna kori nathakibi, 15kilemane dushman khan pora eku jawab dibo napara aru dhoribo napara eneka gyan kotha Moi tumikhan ke dibo. 16Nijor amaa baba aru bhai khan, khandan aru saathi khan pora bhi morai dibole dushman haat te didibo. 17Moi laga nam karne sob manuh pora tumikhan ke ghin koribo. 18Hole bhi chuli ekta bhi tumikhan laga matha pora harai najabo. 19Tumikhan dhorjo kori uthibi, aru nijor laga jivon bachabo.
Jerusalem Nosto Hobo Laga Jisu he aage te kua
20“Kintu tumikhan pora ketiya Jerusalem tu dushman khan pora gherai lua dhekhibo, tetiya janibi, eitu pura khotom hobole pongchise. 21Tetiya kon Judea te thakibo pahar phale polai jabi, aru kon sohor bhitor te thakibo, shari kene jai jabi, aru kon nagor phale thakibo, sohor te ghurai najabi, 22kilemane eitu din tu, likhi thaka hidho hobo karne, beya ghurai diya din ase. 23Eitu din te bacha bukhi thaka tiruta khan aru kesua ke dudh khilai thaka amaa khan karne besi dukh kosto hobo! Kilemane prithibi te besi dangor kosto aru manuh khan upor te khong ahhibo. 24Tarkhan taruwal pora girai dibo aru dhori kene zati khan sob majot te loi jabo, aru Jerusalem tu porjati khan theng pora, tarkhan laga homoi tu napongcha tak chapai dibo.
Manuh Laga Putro Ahha
25“Surjyo, Chandro aru Tara khan sob majot te alag sign ulabo, aru samundor dhou mara awaz huni kene prithibi te zati khan besi bhoi hoi kene mon dukh hobo, 26Prithibi upor te ki ahhi ase eitu khan dekhi kene manuh khan bihus hoi jabo. Kilemane akash laga shakti hili jabo. 27Tetiya taikhan pora Manuh laga Putro megh te shakti aru dangor gaurab te ahha dekhibo. 28Etiya eitu khan sob shuru hua homoi te, tayar koribi, kilemane tumikhan udhar koribole homoi usor te ahhise.”
Dimoru Gos Pora Sikha
29Aru Tar pora dristanto ekta tarkhan ke koise: “Dimoru gos, aru dusera gos sob tu sabi. 30Eitu khan pata notun ula loge loge, gorom din usor te ahhi jaise eneka tumikhan nijor pora jani loi. 31Eitu karne, ketiya eitu khan shuru hua tumikhan pora dekhibo, Isor laga rajyo usor te ahhise eneka tumikhan pora janibi. 32Moi hosa tumikhan ke kobo, eitu khan sob nahua tak eitu jugh par kori najabo. 33Sorgo aru prithibi par kori jabo, kintu Moi laga kotha tu par kori najabo.
Tumikhan Nijor Hushier Koribi
34“Kintu tumikhan modhu pi lua, aru jivon thakibo karne chinta kora, eitu khan pora tumikhan mon tani kene loi najabo karne hushier koribi, kilemane achanak eitu din tu porikhya nisna apunikhan upor te ahhibo. 35Kilemane prithibi upor te thaka manuh khan sob laga upor te eitu ahhibo. 36Kintu homoi sob te hushier kori thakibi, aru ki hobole ase, eitu khan sob pora bachai kene thakibo karne, aru Manuh laga Putro aage te jabo paribo karne, prathana kori thakibi.”
37Aru hodai din te Tar girja ghor te sikhai thakise, kintu raati te Tar jai kene Olivet eneka kua pahar jaga te ghumai thakise. 38Aru ekdom phujor homoi te manuh khan girja ghor te Tar kua kotha hunibole jama korise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.