JOHN 6
6
Jisu Pora Pans hazar Manuh Khilai Diya
1Eitu pasot te Jisu he Galilee samundor, kon tu Tiberias samundor eneka bhi koi, eitu par kori kene dusera samundor kinar phale jaise. 2Aru genti napara manuh khan Tar piche te jaise, kilemane Tar pora ki asorit sign bemar manuh khan upor te korise eitu tarkhan pora dekhise. 3Tetiya Jisu he pahar te uthi jaise, aru tate chella khan logot te Tar bohise. 4Heitu homoi te, Jews laga Par-Hua Porokh usor te thakise. 5Ketiya Tar soku uthai kene saise aru genti napara manuh khan Tar usor te ahha tu dekhise, Jisu he Philip ke koise, “Eitu manuh khan sob khuai dibole, amikhan roti kot te kinibo?” 6Jisu he tar ke porikhya kori kene eitu hudise, kilemane Tar nijor pora ki koribo eitu jani kene thakise. 7Philip pora Tar ke jawab di koise, “Tarkhan sob karne roti tukura ekta dibo holebhi, dui soh denarii lagibo.” 8Chella khan majot te ekjon, Simon Peter laga bhai Andrew pora Tar ke koise, 9“Iyate ekjon lora laga haat te pansta barley laga roti aru duita maas ase, Kintu iman manuh karne eitu ki koribo?” 10Jisu he koise, “Manuh khan bohibole dibi.” Eitu ghans besi thaka jaga ekta thakise. Eitu karne manuh khan tate bohise, tarkhan mota manuh pans hazar nisna thakise. 11Jisu pora roti tu loise, aru ketiya Tar pora dhanyabad dise, bohi thaka manuh khan majot te bhag koribole dise. Eitu nisna he maas bhi bhag kori dise, aru tarkhan kiman lage iman tak dise. 12Aru ketiya tarkhan sob pet bhorta khaise, Tar pora chella khan ke koise, “Eku nosto nahobo karne, khotom nahoi kene thaka tukura sob jama koribi.” 13Aru tarkhan pora jama korise aru pansta barley laga roti pora manuh khan khai kene bhi tukura jama kora pora barohta tukuri bhorta paise. 14Ketiya manuh khan pora Tar kora asorit sign tu dekhise, tarkhan pora koise, “Eitu hosa pora bhi prithibi te ahhibole thaka bhavobadi tu ase!”
15Tetiya manuh khan pora jobor-josti ahhi kene Tar he Raja hobole dibo, eneka Jisu pora jani kene, Tar ekela pahar te uthi jaise.
Jisu He Samundor Paani Upor te Bera
16ketiya sham homoi ahhise, Tar chella khan samundor phale nami jaise, 17aru nao ekta te bohise, aru samundor par kori kene Capernaum te jabole shuru hoise. Eitu homoi te andhera thakise aru Jisu etiya tak tarkhan logot te napongchi kene thakise. 18Tetiya hava dangor ekta mari kene, samundor te dhou ulaise. 19Ketiya tarkhan pora nao tu cholai kene tin nahole char mile nisna jai thakise tetiya Jisu paani upor te berai kene nao usor te ahha tarkhan pora dekhise aru tarkhan bhoi korise. 20Kintu Tar pora tarkhan ke koise, “Eitu Moi he ase; bhoi nakoribi.” 21Tetiya tarkhan khushi hoi kene nao te bohibole dise, aru loge loge tarkhan kot jai thakise eitu samundor kinar pongchi kene thakise.
Moi He Jivon Laga Roti Ase
22Ahha dinte eitu genti napara manuh khan kon samundor kinar phale thakise taikhan pora tate khali ekta nao he thakise aru eitu nao te chella khan logot te Jisu jua nai, kintu chella khan he jaise eneka janise. 23Tetiya Tiberias pora dusera nao khan ahhise, aru kon jaga te Jisu pora dhanyabad di kene manuh khan ke khilai dise eitu jaga pongchise. 24Eitu karne, ketiya genti napara manuh khan pora Jisu aru Tar laga chella khan tate nai eneka janise, tarkhan arubhi nao te bohi kene Capernaum te Jisu ke bisari kene jaise.
25Ketiya tarkhan pora dusera sagar kinar te Jisu ke dekhise, tarkhan pora koise, “Rabbi, apuni iyate ketiya ahhise?” 26Jisu he jawab di koise, “Hosa kotha moi tumikhan ke koi ase, tumikhan pora moi ke bisara tu, asorit kam dekha karne nahoi, kintu tumikhan pet bhorta roti khabole diya karne he ase. 27Khua lua ki harai jai eitu karne dukh nakoribi, kintu khua lua kon tu ananta jivon tak thakibo eitu karne he bisaribi, aru eitu Manuh laga Putro pora dibo. Kilemane Tar logot te he Pitri Isor pora mohor lagai kene ase.” 28Tetiya tarkhan pora Tar ke koise, “Isor laga kam koribo nimite amikhan pora ki koribo lage?” 29Jisu he jawab di koise, “Isor laga kam tu hole Tar pora Kon pathai kene ase, Tar logot te tumikhan pora biswas kora tu ase.” 30Eitu karne tarkhan pora Tar ke koise, “Tetiya amikhan pora dekhi kene biswas koribole, ki asorit sign apuni koribo? Nahole ki kam dekhai dibo? 31Amikhan laga purush pitri khan pora jungol te manna khaise; eneka likhi thaka nisna, ‘Sorgo pora Tar he khabole roti dise.’” 32Jisu pora taikhan ke koise, “Hosa kotha Moi tumikhan ke koi ase, sorgo pora tumikhan ke roti diya hei tu Moses nahoi, kintu moi laga Pitri pora asol roti sorgo pora tumikhan ke dise. 33Kilemane Isor laga roti tu hole kon sorgo pora nami ahhise tar ase aru prithibi ke jivon di ase.” 34Tarkhan pora koise, “Sahab, eitu roti amikhan ke hodai dibi.”
35Jisu pora tarkhan ke koise, “Moi he jivon roti ase; kon moi logot te ahhe, ketiya bhi bhuk nalagibo, aru kon pora moi ke biswas kore, ketiya bhi piyas nalagibo. 36Kintu moi tumikhan ke koi ase, tumikhan pora moi ke dekhile bhi biswas nakore. 37Pitri pora Moi ke di thaka manuh sob pora moi usor te ahhibo, aru kon Moi usor te ahhe, moi ketiya bhi naphelabo. 38Kilemane Moi sorgo pora nami ahha tu Moi laga itcha nahoi kintu kon pora Moi ke pathaise Tar itcha koribole ahhise. 39Aru Moi ke pathai diya laga itcha tu, Tar pora Moi ke kiman jon di kene ase, taikhan ekta bhi nosto nahobo, kintu hekh din tak taikhan sob ke uthai dibole ase. 40Kilemane Pitri laga itcha tu hole kiman manuh he Putro usor ahhi kene biswas kore, taikhan logot te ananta jivon dibole ase, aru Moi taikhan ke hekh din te uthai dibo.”
41Eitu karne Jews khan pora Tar karne birudhi kotha korise, kilemane Tar koise, “Moi sorgo pora nami ahha roti ase.” 42Tar khan pora koise, “Eitu Joseph laga putro Jisu nahoi neki, kon laga amaa baba amikhan pora jane? Keneka Tar koi, ‘Moi sorgo pora nami ahha ase’?” 43Jisu he tarkhan ke jawab di kene koise, “Tumikhan majot te birudhi kori kene kotha nakoribi. 44Pitri kon he Moi ke pathaise Tar pora nahole, kon bhi Moi usor te nahhibo. Aru hekh din te Moi tar ke uthai dibo. 45Bhavobadi khan pora eitu likhi kene ase, ‘Aru tarkhan sob Isor pora sikhai dibo.’ Kon he Pitri kotha hune, aru Tar ke jani loise tarkhan he moi logot te ahhe. 46Kon pora bhi Isor ke dekha nai, kintu Kon Tar pora pathaise; Tar pora he Pitri ke dekhise. 47Hosa kotha moi tumi khan ke koi ase, kon pora biswas korise, tar he ananta jivon ase. 48Jivon laga roti tu Moi he ase. 49Tumikhan laga purush pitri khan jungol te manna khaise, aru tarkhan morise. 50Kintu sorgo pora nami ahha roti tu eitu ase, aru eitu khua khan namoribo. 51Sorgo pora nami ahha jivon roti Moi ase. Jodi konuba pora eitu roti khai, tar ananta tak thaki jabo. Aru prithibi karne dibole thaka roti tu Moi laga mangso ase.”
52Tetiya Jews khan majot te kotha namila hoise, aru koise, “Eitu manuh pora keneka amikhan ke tar laga mangso khabole dibo?” 53Eitu karne Jisu pora tarkhan ke koise, “Hosa kotha moi tumikhan ke kobo, jetiya tak tumikhan pora Manuh laga Putro mangso nakhai nahole Tar laga khoon napiye tetiya tak tumi logot te jivon nai. 54Kon he moi laga mangso khai aru moi laga khoon piye ase tarkhan ananta jivon ase, aru hekh din te moi tar ke uthai dibo. 55Kilemane moi laga mangso tu he asol roti ase, aru moi laga khoon he asol pibo laga ase. 56Kon pora moi laga mangso khai, aru moi laga khoon piye ase, tarkhan moi logot te thaki ase, aru moi bhi tarkhan logot te thaki ase. 57Jeneka jinda thaka Pitri pora moi ke pathaise, aru Pitri pora he moi bhi jinda ase, eitu nisna kon he moi ke khai ase tar bhi Moi pora jinda thakibo. 58Eitu sorgo pora nami ahha roti tu ase, purush pitri khan pora khai kene mora nisna nahoi. Kon he eitu roti khai ase ketiya bhi namoribo.” 59Eitu kotha sob tu Capernaum te sikhai diya homoi girja ghor te Jisu pora koise.
Ananta Jivon Laga Kotha
60Tetiya chella khan pora ketiya eitu kotha hunise tarkhan pora koise, “Eitu kotha tu besi tan ase; kon pora eitu manibo paribo?” 61Kintu tar chella khan majot te birudhi kori ase eneka Jisu he jani kene, tarkhan logot te koise, “Eitu kotha te tumikhan dukh pai ase neki? 62Tetiya hole jodi manuh laga Putro aage te kot thakise eitu jaga te Tar uthai loi jale keneka hobo? 63Jivon diya tu Atma he ase; gau mangso pora eku bhi nahobo. Ki kotha moi tumikhan logot te koi ase eitu Atma aru jivon ase. 64Kintu tumikhan majot te konuba pora biswas nakore.” (Kilemane kon pora biswas nakore aru kon pora Tar ke thogai dibole ase eitu khan sob aage pora Jisu he jani kene thakise). 65Aru Tar pora koise, “Eitu karne moi tumikhan ke koise, Pitri pora ahhibole nadile, kon manuh bhi moi usor te nahhibo.”
66Eitu pasot te tar laga chella khan besi ghurai jaise aru tar logot te jua nai. 67Tetiya Jisu pora barohjon logot te bhi koise, “Tumikhan bhi ghurai jabole monn ase ne ki?” 68Simon Peter pora jawab di koise, “Prabhu, kon logot te amikhan jabo? Tumi logot te he jivon laga kotha ase, 69aru amikhan pora biswas kori loise, aru jani loise, apuni he Isor laga Pobitro tu ase.” 70Jisu he tarkhan ke jawab di koise, “Moi tumi khan, barohjon ke basi lua nai neki? Kintu ekjon tu hole saitan ase.” 71Tar pora Simon Iscariot laga putro Judas laga kotha koise, kilemane barohjon majot te tar pora, Jisu ke thogai dibole thakise.
ទើបបានជ្រើសរើសហើយ៖
JOHN 6: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
JOHN 6
6
Jisu Pora Pans hazar Manuh Khilai Diya
1Eitu pasot te Jisu he Galilee samundor, kon tu Tiberias samundor eneka bhi koi, eitu par kori kene dusera samundor kinar phale jaise. 2Aru genti napara manuh khan Tar piche te jaise, kilemane Tar pora ki asorit sign bemar manuh khan upor te korise eitu tarkhan pora dekhise. 3Tetiya Jisu he pahar te uthi jaise, aru tate chella khan logot te Tar bohise. 4Heitu homoi te, Jews laga Par-Hua Porokh usor te thakise. 5Ketiya Tar soku uthai kene saise aru genti napara manuh khan Tar usor te ahha tu dekhise, Jisu he Philip ke koise, “Eitu manuh khan sob khuai dibole, amikhan roti kot te kinibo?” 6Jisu he tar ke porikhya kori kene eitu hudise, kilemane Tar nijor pora ki koribo eitu jani kene thakise. 7Philip pora Tar ke jawab di koise, “Tarkhan sob karne roti tukura ekta dibo holebhi, dui soh denarii lagibo.” 8Chella khan majot te ekjon, Simon Peter laga bhai Andrew pora Tar ke koise, 9“Iyate ekjon lora laga haat te pansta barley laga roti aru duita maas ase, Kintu iman manuh karne eitu ki koribo?” 10Jisu he koise, “Manuh khan bohibole dibi.” Eitu ghans besi thaka jaga ekta thakise. Eitu karne manuh khan tate bohise, tarkhan mota manuh pans hazar nisna thakise. 11Jisu pora roti tu loise, aru ketiya Tar pora dhanyabad dise, bohi thaka manuh khan majot te bhag koribole dise. Eitu nisna he maas bhi bhag kori dise, aru tarkhan kiman lage iman tak dise. 12Aru ketiya tarkhan sob pet bhorta khaise, Tar pora chella khan ke koise, “Eku nosto nahobo karne, khotom nahoi kene thaka tukura sob jama koribi.” 13Aru tarkhan pora jama korise aru pansta barley laga roti pora manuh khan khai kene bhi tukura jama kora pora barohta tukuri bhorta paise. 14Ketiya manuh khan pora Tar kora asorit sign tu dekhise, tarkhan pora koise, “Eitu hosa pora bhi prithibi te ahhibole thaka bhavobadi tu ase!”
15Tetiya manuh khan pora jobor-josti ahhi kene Tar he Raja hobole dibo, eneka Jisu pora jani kene, Tar ekela pahar te uthi jaise.
Jisu He Samundor Paani Upor te Bera
16ketiya sham homoi ahhise, Tar chella khan samundor phale nami jaise, 17aru nao ekta te bohise, aru samundor par kori kene Capernaum te jabole shuru hoise. Eitu homoi te andhera thakise aru Jisu etiya tak tarkhan logot te napongchi kene thakise. 18Tetiya hava dangor ekta mari kene, samundor te dhou ulaise. 19Ketiya tarkhan pora nao tu cholai kene tin nahole char mile nisna jai thakise tetiya Jisu paani upor te berai kene nao usor te ahha tarkhan pora dekhise aru tarkhan bhoi korise. 20Kintu Tar pora tarkhan ke koise, “Eitu Moi he ase; bhoi nakoribi.” 21Tetiya tarkhan khushi hoi kene nao te bohibole dise, aru loge loge tarkhan kot jai thakise eitu samundor kinar pongchi kene thakise.
Moi He Jivon Laga Roti Ase
22Ahha dinte eitu genti napara manuh khan kon samundor kinar phale thakise taikhan pora tate khali ekta nao he thakise aru eitu nao te chella khan logot te Jisu jua nai, kintu chella khan he jaise eneka janise. 23Tetiya Tiberias pora dusera nao khan ahhise, aru kon jaga te Jisu pora dhanyabad di kene manuh khan ke khilai dise eitu jaga pongchise. 24Eitu karne, ketiya genti napara manuh khan pora Jisu aru Tar laga chella khan tate nai eneka janise, tarkhan arubhi nao te bohi kene Capernaum te Jisu ke bisari kene jaise.
25Ketiya tarkhan pora dusera sagar kinar te Jisu ke dekhise, tarkhan pora koise, “Rabbi, apuni iyate ketiya ahhise?” 26Jisu he jawab di koise, “Hosa kotha moi tumikhan ke koi ase, tumikhan pora moi ke bisara tu, asorit kam dekha karne nahoi, kintu tumikhan pet bhorta roti khabole diya karne he ase. 27Khua lua ki harai jai eitu karne dukh nakoribi, kintu khua lua kon tu ananta jivon tak thakibo eitu karne he bisaribi, aru eitu Manuh laga Putro pora dibo. Kilemane Tar logot te he Pitri Isor pora mohor lagai kene ase.” 28Tetiya tarkhan pora Tar ke koise, “Isor laga kam koribo nimite amikhan pora ki koribo lage?” 29Jisu he jawab di koise, “Isor laga kam tu hole Tar pora Kon pathai kene ase, Tar logot te tumikhan pora biswas kora tu ase.” 30Eitu karne tarkhan pora Tar ke koise, “Tetiya amikhan pora dekhi kene biswas koribole, ki asorit sign apuni koribo? Nahole ki kam dekhai dibo? 31Amikhan laga purush pitri khan pora jungol te manna khaise; eneka likhi thaka nisna, ‘Sorgo pora Tar he khabole roti dise.’” 32Jisu pora taikhan ke koise, “Hosa kotha Moi tumikhan ke koi ase, sorgo pora tumikhan ke roti diya hei tu Moses nahoi, kintu moi laga Pitri pora asol roti sorgo pora tumikhan ke dise. 33Kilemane Isor laga roti tu hole kon sorgo pora nami ahhise tar ase aru prithibi ke jivon di ase.” 34Tarkhan pora koise, “Sahab, eitu roti amikhan ke hodai dibi.”
35Jisu pora tarkhan ke koise, “Moi he jivon roti ase; kon moi logot te ahhe, ketiya bhi bhuk nalagibo, aru kon pora moi ke biswas kore, ketiya bhi piyas nalagibo. 36Kintu moi tumikhan ke koi ase, tumikhan pora moi ke dekhile bhi biswas nakore. 37Pitri pora Moi ke di thaka manuh sob pora moi usor te ahhibo, aru kon Moi usor te ahhe, moi ketiya bhi naphelabo. 38Kilemane Moi sorgo pora nami ahha tu Moi laga itcha nahoi kintu kon pora Moi ke pathaise Tar itcha koribole ahhise. 39Aru Moi ke pathai diya laga itcha tu, Tar pora Moi ke kiman jon di kene ase, taikhan ekta bhi nosto nahobo, kintu hekh din tak taikhan sob ke uthai dibole ase. 40Kilemane Pitri laga itcha tu hole kiman manuh he Putro usor ahhi kene biswas kore, taikhan logot te ananta jivon dibole ase, aru Moi taikhan ke hekh din te uthai dibo.”
41Eitu karne Jews khan pora Tar karne birudhi kotha korise, kilemane Tar koise, “Moi sorgo pora nami ahha roti ase.” 42Tar khan pora koise, “Eitu Joseph laga putro Jisu nahoi neki, kon laga amaa baba amikhan pora jane? Keneka Tar koi, ‘Moi sorgo pora nami ahha ase’?” 43Jisu he tarkhan ke jawab di kene koise, “Tumikhan majot te birudhi kori kene kotha nakoribi. 44Pitri kon he Moi ke pathaise Tar pora nahole, kon bhi Moi usor te nahhibo. Aru hekh din te Moi tar ke uthai dibo. 45Bhavobadi khan pora eitu likhi kene ase, ‘Aru tarkhan sob Isor pora sikhai dibo.’ Kon he Pitri kotha hune, aru Tar ke jani loise tarkhan he moi logot te ahhe. 46Kon pora bhi Isor ke dekha nai, kintu Kon Tar pora pathaise; Tar pora he Pitri ke dekhise. 47Hosa kotha moi tumi khan ke koi ase, kon pora biswas korise, tar he ananta jivon ase. 48Jivon laga roti tu Moi he ase. 49Tumikhan laga purush pitri khan jungol te manna khaise, aru tarkhan morise. 50Kintu sorgo pora nami ahha roti tu eitu ase, aru eitu khua khan namoribo. 51Sorgo pora nami ahha jivon roti Moi ase. Jodi konuba pora eitu roti khai, tar ananta tak thaki jabo. Aru prithibi karne dibole thaka roti tu Moi laga mangso ase.”
52Tetiya Jews khan majot te kotha namila hoise, aru koise, “Eitu manuh pora keneka amikhan ke tar laga mangso khabole dibo?” 53Eitu karne Jisu pora tarkhan ke koise, “Hosa kotha moi tumikhan ke kobo, jetiya tak tumikhan pora Manuh laga Putro mangso nakhai nahole Tar laga khoon napiye tetiya tak tumi logot te jivon nai. 54Kon he moi laga mangso khai aru moi laga khoon piye ase tarkhan ananta jivon ase, aru hekh din te moi tar ke uthai dibo. 55Kilemane moi laga mangso tu he asol roti ase, aru moi laga khoon he asol pibo laga ase. 56Kon pora moi laga mangso khai, aru moi laga khoon piye ase, tarkhan moi logot te thaki ase, aru moi bhi tarkhan logot te thaki ase. 57Jeneka jinda thaka Pitri pora moi ke pathaise, aru Pitri pora he moi bhi jinda ase, eitu nisna kon he moi ke khai ase tar bhi Moi pora jinda thakibo. 58Eitu sorgo pora nami ahha roti tu ase, purush pitri khan pora khai kene mora nisna nahoi. Kon he eitu roti khai ase ketiya bhi namoribo.” 59Eitu kotha sob tu Capernaum te sikhai diya homoi girja ghor te Jisu pora koise.
Ananta Jivon Laga Kotha
60Tetiya chella khan pora ketiya eitu kotha hunise tarkhan pora koise, “Eitu kotha tu besi tan ase; kon pora eitu manibo paribo?” 61Kintu tar chella khan majot te birudhi kori ase eneka Jisu he jani kene, tarkhan logot te koise, “Eitu kotha te tumikhan dukh pai ase neki? 62Tetiya hole jodi manuh laga Putro aage te kot thakise eitu jaga te Tar uthai loi jale keneka hobo? 63Jivon diya tu Atma he ase; gau mangso pora eku bhi nahobo. Ki kotha moi tumikhan logot te koi ase eitu Atma aru jivon ase. 64Kintu tumikhan majot te konuba pora biswas nakore.” (Kilemane kon pora biswas nakore aru kon pora Tar ke thogai dibole ase eitu khan sob aage pora Jisu he jani kene thakise). 65Aru Tar pora koise, “Eitu karne moi tumikhan ke koise, Pitri pora ahhibole nadile, kon manuh bhi moi usor te nahhibo.”
66Eitu pasot te tar laga chella khan besi ghurai jaise aru tar logot te jua nai. 67Tetiya Jisu pora barohjon logot te bhi koise, “Tumikhan bhi ghurai jabole monn ase ne ki?” 68Simon Peter pora jawab di koise, “Prabhu, kon logot te amikhan jabo? Tumi logot te he jivon laga kotha ase, 69aru amikhan pora biswas kori loise, aru jani loise, apuni he Isor laga Pobitro tu ase.” 70Jisu he tarkhan ke jawab di koise, “Moi tumi khan, barohjon ke basi lua nai neki? Kintu ekjon tu hole saitan ase.” 71Tar pora Simon Iscariot laga putro Judas laga kotha koise, kilemane barohjon majot te tar pora, Jisu ke thogai dibole thakise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.