JOHN 15
15
Moi He Asol Angur Gos
1“Moi asol angur gos ase, aru angur gos lagai diya tu Moi laga Pitri ase. 2Moi logot lagi thaka daal kiman pora phol nadhore, eitu Tar he kati diye, aru kiman daal pora phol dhore eitu Tar pora safa kore, tetiya eitu daal pora arubhi besi phol dhoribo. 3Moi kiman kotha tumikhan ke koi di kene ase, eitu pora Tumikhan tu safa kori dise. 4Moi logot te thakibi, aru Moi tumikhan logot te thakibo. Gos te lagi kene nathakile daal nijor pora phol dhoribo napare, eitu nisna Moi logot nathakile tumikhan pora bhi phol dhoribo naparibo. 5Moi angur gos; tumikhan daal ase. Kon kon Moi logot te ase aru Moi taikhan logot te ase, he jon he phol besi dhore, kilemane Moi pora alag hoi kene tumikhan pora eku koribo naparibo. 6Jodi konuba pora Moi logot te nathake, daal phelai kene sukhi jua nisna hobo; aru eitu daal tu jama kori kene jui te phelai kene jolai diye. 7Jodi tumikhan Moi logot te thake, aru Moi laga kotha tumikhan logot te thake, tumikhan ki lage eitu hudibi, aru tumikhan karne eitu kori dibo. 8Tumikhan phol besi dhori kene hosa bhi Moi laga chella ase eneka sakhi diya pora Moi laga Pitri ke mahima di ase. 9Pitri pora keneka Moi ke prem korise, eitu nisna Moi bhi tumikhan ke prem korise. Moi laga prem te thakibi. 10Keneka Moi Pitri laga hukum mani kene Tar laga prem te thaki ase, eitu nisna jodi tumikhan pora Moi laga hukum mani loi, Tumikhan bhi Moi laga prem te thaki jabo. 11Eitu kotha Moi tumikhan ke koi di ase, tetiya Moi laga anando tumikhan logot te thakibo aru tumikhan anando pura hobo.
12“Moi laga hukum tu eitu ase, tumikhan ekjon he ekjon logot te, Moi keneka prem korise eneka prem koribi. 13Konuba manuh pora bondhu khan karne nijor jivon diya nisna, eitu pora dangor prem eku nai. 14Moi ki hukum dise, jodi tumikhan pora eitu korile Moi laga bondhu ase. 15Moi etiya tumikhan ke nokor eneka namate, kilemane nokor ekjon pora tar malik pora ki kori ase eitu najane; kintu Moi tumikhan ke bondhu eneka mati ase, kilemane Moi ki Pitri pora hunise, eitu sob Moi tumikhan ke janai di dise. 16Tumikhan pora Moi ke basi lua nai, kintu Moi he tumikhan ke basi loise, aru tumikhan jai kene phol dhoribo karne niyuk korise, aru eitu phol hodai karne thakibo, tetiya Moi laga nam te tumikhan pora ki Pitri logot te hudibo, eitu Tar pora di dibo. 17Tumikhan ekjon he ekjon ke prem koribo nimite, Moi eitu hukum di ase.
Prithibi Pora Ghin Koribo
18“Jodi prithibi pora tumikhan ke ghin kore, tetiya tumikhan ke ghin nakora aage te Moi ke ghin kori loise eneka janibi. 19Jodi tumikhan prithibi laga ase, prithibi pora tai laga hisap te prem koribole thakise; kintu tumikhan prithibi laga nahoi, kintu prithibi pora Moi mati loise, eitu karne he prithibi pora ghin kori ase. 20Moi tumikhan ke kua kotha khan yaad koribi: ‘Nokor ekjon malik pora dangor nahoi.’ Jodi tarkhan pora Moi ke tarona dise, tenehole tarkhan pora tumikhan ke bhi tarona dibo. 21Moi laga nam nimite te, eitu khan sob tu tarkhan pora tumikhan upor te koribo, kilemane Moi ke kon pora pathaise tarkhan pora Tar ke najane. 22Jodi Moi ahhi kene tarkhan ke kua nai hole, tarkhan paap laga galti nathaki bole asile, kintu etiya tarkhan nijor paap nimite polabole upai nai. 23Kon pora Moi ke ghin kore Pitri ke bhi ghin kori ase. 24Kon pora bhi nakora kam ki tarkhan majot te Moi korise, eitu jodi Moi nakori kene thakise hole, tarkhan paap laga galti nathakibole thakise; kintu etiya tu tarkhan pora dekhi loise, aru tarkhan pora Moi aru Pitri duijon ke bhi ghin korise. 25Kintu tarkhan laga kanoon te ki likhi kene ase eitu hidho hobo lage: ‘Eku nahole bhi tarkhan pora Moi ke ghin korise.’
26“Kintu Madad kora ekjon ahhi ase, kon ke moi pitri pora pathai dibo, eitu hoityo laga Atma ase, Tar Pitri pora ulai ahhi kene Moi laga sakhi dibo. 27Aru tumikhan pora bhi sakhi dibo, kilemane tumikhan shuru pora Moi logot te thakise.
ទើបបានជ្រើសរើសហើយ៖
JOHN 15: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
JOHN 15
15
Moi He Asol Angur Gos
1“Moi asol angur gos ase, aru angur gos lagai diya tu Moi laga Pitri ase. 2Moi logot lagi thaka daal kiman pora phol nadhore, eitu Tar he kati diye, aru kiman daal pora phol dhore eitu Tar pora safa kore, tetiya eitu daal pora arubhi besi phol dhoribo. 3Moi kiman kotha tumikhan ke koi di kene ase, eitu pora Tumikhan tu safa kori dise. 4Moi logot te thakibi, aru Moi tumikhan logot te thakibo. Gos te lagi kene nathakile daal nijor pora phol dhoribo napare, eitu nisna Moi logot nathakile tumikhan pora bhi phol dhoribo naparibo. 5Moi angur gos; tumikhan daal ase. Kon kon Moi logot te ase aru Moi taikhan logot te ase, he jon he phol besi dhore, kilemane Moi pora alag hoi kene tumikhan pora eku koribo naparibo. 6Jodi konuba pora Moi logot te nathake, daal phelai kene sukhi jua nisna hobo; aru eitu daal tu jama kori kene jui te phelai kene jolai diye. 7Jodi tumikhan Moi logot te thake, aru Moi laga kotha tumikhan logot te thake, tumikhan ki lage eitu hudibi, aru tumikhan karne eitu kori dibo. 8Tumikhan phol besi dhori kene hosa bhi Moi laga chella ase eneka sakhi diya pora Moi laga Pitri ke mahima di ase. 9Pitri pora keneka Moi ke prem korise, eitu nisna Moi bhi tumikhan ke prem korise. Moi laga prem te thakibi. 10Keneka Moi Pitri laga hukum mani kene Tar laga prem te thaki ase, eitu nisna jodi tumikhan pora Moi laga hukum mani loi, Tumikhan bhi Moi laga prem te thaki jabo. 11Eitu kotha Moi tumikhan ke koi di ase, tetiya Moi laga anando tumikhan logot te thakibo aru tumikhan anando pura hobo.
12“Moi laga hukum tu eitu ase, tumikhan ekjon he ekjon logot te, Moi keneka prem korise eneka prem koribi. 13Konuba manuh pora bondhu khan karne nijor jivon diya nisna, eitu pora dangor prem eku nai. 14Moi ki hukum dise, jodi tumikhan pora eitu korile Moi laga bondhu ase. 15Moi etiya tumikhan ke nokor eneka namate, kilemane nokor ekjon pora tar malik pora ki kori ase eitu najane; kintu Moi tumikhan ke bondhu eneka mati ase, kilemane Moi ki Pitri pora hunise, eitu sob Moi tumikhan ke janai di dise. 16Tumikhan pora Moi ke basi lua nai, kintu Moi he tumikhan ke basi loise, aru tumikhan jai kene phol dhoribo karne niyuk korise, aru eitu phol hodai karne thakibo, tetiya Moi laga nam te tumikhan pora ki Pitri logot te hudibo, eitu Tar pora di dibo. 17Tumikhan ekjon he ekjon ke prem koribo nimite, Moi eitu hukum di ase.
Prithibi Pora Ghin Koribo
18“Jodi prithibi pora tumikhan ke ghin kore, tetiya tumikhan ke ghin nakora aage te Moi ke ghin kori loise eneka janibi. 19Jodi tumikhan prithibi laga ase, prithibi pora tai laga hisap te prem koribole thakise; kintu tumikhan prithibi laga nahoi, kintu prithibi pora Moi mati loise, eitu karne he prithibi pora ghin kori ase. 20Moi tumikhan ke kua kotha khan yaad koribi: ‘Nokor ekjon malik pora dangor nahoi.’ Jodi tarkhan pora Moi ke tarona dise, tenehole tarkhan pora tumikhan ke bhi tarona dibo. 21Moi laga nam nimite te, eitu khan sob tu tarkhan pora tumikhan upor te koribo, kilemane Moi ke kon pora pathaise tarkhan pora Tar ke najane. 22Jodi Moi ahhi kene tarkhan ke kua nai hole, tarkhan paap laga galti nathaki bole asile, kintu etiya tarkhan nijor paap nimite polabole upai nai. 23Kon pora Moi ke ghin kore Pitri ke bhi ghin kori ase. 24Kon pora bhi nakora kam ki tarkhan majot te Moi korise, eitu jodi Moi nakori kene thakise hole, tarkhan paap laga galti nathakibole thakise; kintu etiya tu tarkhan pora dekhi loise, aru tarkhan pora Moi aru Pitri duijon ke bhi ghin korise. 25Kintu tarkhan laga kanoon te ki likhi kene ase eitu hidho hobo lage: ‘Eku nahole bhi tarkhan pora Moi ke ghin korise.’
26“Kintu Madad kora ekjon ahhi ase, kon ke moi pitri pora pathai dibo, eitu hoityo laga Atma ase, Tar Pitri pora ulai ahhi kene Moi laga sakhi dibo. 27Aru tumikhan pora bhi sakhi dibo, kilemane tumikhan shuru pora Moi logot te thakise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.