JOHN 14
14
Moi He Raasta Aru Hoityo Aru Jivon Ase
1“Tumikhan laga mon kosto nakoribi. Isor logot te biswas koribi; aru Moi ke bhi biswas koribi. 2Moi laga Pitri ghor te thakibole jaga besi ase. Jodi eneka hua nai hole, Moi tumikhan ke kobole thakise, Moi tumikhan karne jaga ekta jugar koribole jai ase. 3Aru Moi jai kene jaga jugar korile, Moi aru ahhi kene Moi logot te thakibole tumikhan ke loi jabo, tetiya Moi kot ase tate tumikhan bhi thakibo. 4Aru Moi kot jai ase eitu raasta tumikhan pora jani ase.” 5Thomas pora Tar ke koise, “Prabhu, Apuni kot jai ase, amikhan pora najane. Keneka amikhan pora raasta janibo?” 6Jisu pora tar ke koise, “Moi he raasta aru hoityo aru jivon ase. Moi darai nahole konu manuh bhi Pitri logot te ahhibo naparibo. 7Tumikhan pora jodi Moi ke jani loise, tetiya tumikhan pora Pitri ke bhi jani loise. Etiya pora tumikhan he Tar ke janise aru dekhi loise.”
8Philip pora Tar ke koise, “Prabhu, amikhan ke Pitri dekhai dibi, aru eitu kafi hobo.” 9Jisu pora tar ke koise, “Moi tumikhan logot te iman din thakise, aru etiya tak tumi Moi ke najane neki, Philip? Kon kon pora Moi ke dekhise, Pitri ke bhi dekhise. Keneka hoi kene, ‘amikhan ke Pitri dekhai dibi’ eneka koi ase? 10Moi Pitri logot te ase, aru Pitri Moi logot te ase, eitu kotha tumikhan pora biswas nakori neki? Ki kotha Moi tumikhan logot te koi ase, eitu Moi nijor odhikar pora kua nahoi, kintu Pitri kon Moi logot te thaki ase, Tar pora nijor kam kori ase. 11Moi Pitri logot te ase aru Pitri Moi logot te ase eneka Moi kua te biswas koribi, nahole ki kam Moi kori ase tate pora hole bhi biswas kori lobi.
12“Hosa kotha Moi tumikhan ke koi ase, kon pora Moi ke biswas kore, tar pora bhi Moi ki kori ase eitu koribo; aru eitu pora bhi besi dangor kam koribo, kilemane Moi Pitri logot te jai ase. 13Moi laga nam te ki ki hudi ase, eitu Moi di dibo, tetiya Putro logot te Pitri mahima dekhibo. 14Jodi tumikhan pora Moi laga nam te kiba mangile Moi eitu koribo.
Jisu He Pobitro Atma Laga Protigya Dise
15“Jodi tumikhan pora Moi ke prem kore, tetiya Moi laga hukum manibi. 16Aru Moi Pitri ke hudibo aru Tar pora dusera madad kora Ekjon hodai tumikhan logot te thakibo nimite te dibo, 17Tar he Atma tu ase, kon ke prithibi pora janibole napare, kilemane prithibi pora Tar ke najane aru nadekhi. Tumikhan pora tu tar ke jani ase, kilemane tumikhan logot te tar thaki ase aru tumikhan laga hobo.
18“Moi tumikhan ke amaa baba nathaka nisna nasharibo; Moi tumikhan logot te ahhibo. 19Kintu olop thaki kene prithibi pora tu Moi ke aru nadekhibo, kintu tumikhan pora tu dekhibo. Kilemane Moi jinda ase, aru tumikhan bhi jinda thakibo. 20Heitu din te tumikhan pora janibo, Moi Pitri logot te ase, aru tumikhan Moi logot te ase, aru Moi tumikhan logot te ase. 21Kon-kon pora Moi laga hukum loi ase aru mani ase, tarkhan pora Moi ke prem kori ase. Aru kon pora Moi ke prem kore, Pitri pora bhi prem koribo aru Moi tar ke prem koribo aru Moi nijor tar logot te dekhai dibo.” 22Judas (Iscariot nahoi) pora Tar ke koise, “Prabhu, keneka hoi kene Apuni nijor Prithibi logot te nahoi kene amikhan ke he dekhai dibo?” 23Jisu he tar ki jawab dise, “Jodi konuba pora Moi ke prem korile, tar pora Moi laga kotha manibo, aru Moi laga Pitri pora tar ke prem koribo, aru amikhan tar logot te ahhibo aru amikhan laga ghor tar logot te bonabo. 24Kon pora Moi ke prem nakori, Moi laga kotha bhi namane. Aru ki kotha tumikhan pora huni ase, eitu Moi laga nahoi, kintu kon pora Moi ke pathaise Tar laga ase.
25“Eitu kotha khan Moi tumikhan logot te thaka homoi te koi di ase. 26Kintu madad kora Tar tu Pobitro Atma, Kon Pitri pora Moi laga nam te pathabo, tar pora sob sikhai dibo aru Moi ki koi ase eitu khan sob yaad koribole dibo. 27Anando Moi tumikhan logot te rakhi di ase; Moi laga anando tumikhan ke di ase. Moi diya tu prithibi pora diya nisna nahoi. Tumikhan laga mon kosto nahobi, nahole bhoi bhi nakoribi. 28Moi eitu kua tumikhan pora hunise, ‘Moi jai ase, aru Moi tumikhan logot te ahhi jabo.’ Jodi tumikhan pora Moi ke prem kore, tumikhan pora khushi hobo, kilemane Moi Pitri logot te jai ase, aru Pitri he Moi pora dangor ase. 29Aru eku nahua aage te Moi eitu tumikhan ke koi di ase, tetiya he eitu ketiya hobo, tumikhan pora Moi ke biswas koribo. 30Moi aru besi kotha nakobo, kilemane eitu prithibi laga odhikar khan ahhi ase. Moi upor te tar eku bhi tagot nai, 31kintu Moi Pitri ke prem kore eneka prithibi pora janibo nimite, Pitri pora ki hukum dise eitu he Moi kori ase. Uthibi, amikhan iyate pora jabo.
ទើបបានជ្រើសរើសហើយ៖
JOHN 14: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
JOHN 14
14
Moi He Raasta Aru Hoityo Aru Jivon Ase
1“Tumikhan laga mon kosto nakoribi. Isor logot te biswas koribi; aru Moi ke bhi biswas koribi. 2Moi laga Pitri ghor te thakibole jaga besi ase. Jodi eneka hua nai hole, Moi tumikhan ke kobole thakise, Moi tumikhan karne jaga ekta jugar koribole jai ase. 3Aru Moi jai kene jaga jugar korile, Moi aru ahhi kene Moi logot te thakibole tumikhan ke loi jabo, tetiya Moi kot ase tate tumikhan bhi thakibo. 4Aru Moi kot jai ase eitu raasta tumikhan pora jani ase.” 5Thomas pora Tar ke koise, “Prabhu, Apuni kot jai ase, amikhan pora najane. Keneka amikhan pora raasta janibo?” 6Jisu pora tar ke koise, “Moi he raasta aru hoityo aru jivon ase. Moi darai nahole konu manuh bhi Pitri logot te ahhibo naparibo. 7Tumikhan pora jodi Moi ke jani loise, tetiya tumikhan pora Pitri ke bhi jani loise. Etiya pora tumikhan he Tar ke janise aru dekhi loise.”
8Philip pora Tar ke koise, “Prabhu, amikhan ke Pitri dekhai dibi, aru eitu kafi hobo.” 9Jisu pora tar ke koise, “Moi tumikhan logot te iman din thakise, aru etiya tak tumi Moi ke najane neki, Philip? Kon kon pora Moi ke dekhise, Pitri ke bhi dekhise. Keneka hoi kene, ‘amikhan ke Pitri dekhai dibi’ eneka koi ase? 10Moi Pitri logot te ase, aru Pitri Moi logot te ase, eitu kotha tumikhan pora biswas nakori neki? Ki kotha Moi tumikhan logot te koi ase, eitu Moi nijor odhikar pora kua nahoi, kintu Pitri kon Moi logot te thaki ase, Tar pora nijor kam kori ase. 11Moi Pitri logot te ase aru Pitri Moi logot te ase eneka Moi kua te biswas koribi, nahole ki kam Moi kori ase tate pora hole bhi biswas kori lobi.
12“Hosa kotha Moi tumikhan ke koi ase, kon pora Moi ke biswas kore, tar pora bhi Moi ki kori ase eitu koribo; aru eitu pora bhi besi dangor kam koribo, kilemane Moi Pitri logot te jai ase. 13Moi laga nam te ki ki hudi ase, eitu Moi di dibo, tetiya Putro logot te Pitri mahima dekhibo. 14Jodi tumikhan pora Moi laga nam te kiba mangile Moi eitu koribo.
Jisu He Pobitro Atma Laga Protigya Dise
15“Jodi tumikhan pora Moi ke prem kore, tetiya Moi laga hukum manibi. 16Aru Moi Pitri ke hudibo aru Tar pora dusera madad kora Ekjon hodai tumikhan logot te thakibo nimite te dibo, 17Tar he Atma tu ase, kon ke prithibi pora janibole napare, kilemane prithibi pora Tar ke najane aru nadekhi. Tumikhan pora tu tar ke jani ase, kilemane tumikhan logot te tar thaki ase aru tumikhan laga hobo.
18“Moi tumikhan ke amaa baba nathaka nisna nasharibo; Moi tumikhan logot te ahhibo. 19Kintu olop thaki kene prithibi pora tu Moi ke aru nadekhibo, kintu tumikhan pora tu dekhibo. Kilemane Moi jinda ase, aru tumikhan bhi jinda thakibo. 20Heitu din te tumikhan pora janibo, Moi Pitri logot te ase, aru tumikhan Moi logot te ase, aru Moi tumikhan logot te ase. 21Kon-kon pora Moi laga hukum loi ase aru mani ase, tarkhan pora Moi ke prem kori ase. Aru kon pora Moi ke prem kore, Pitri pora bhi prem koribo aru Moi tar ke prem koribo aru Moi nijor tar logot te dekhai dibo.” 22Judas (Iscariot nahoi) pora Tar ke koise, “Prabhu, keneka hoi kene Apuni nijor Prithibi logot te nahoi kene amikhan ke he dekhai dibo?” 23Jisu he tar ki jawab dise, “Jodi konuba pora Moi ke prem korile, tar pora Moi laga kotha manibo, aru Moi laga Pitri pora tar ke prem koribo, aru amikhan tar logot te ahhibo aru amikhan laga ghor tar logot te bonabo. 24Kon pora Moi ke prem nakori, Moi laga kotha bhi namane. Aru ki kotha tumikhan pora huni ase, eitu Moi laga nahoi, kintu kon pora Moi ke pathaise Tar laga ase.
25“Eitu kotha khan Moi tumikhan logot te thaka homoi te koi di ase. 26Kintu madad kora Tar tu Pobitro Atma, Kon Pitri pora Moi laga nam te pathabo, tar pora sob sikhai dibo aru Moi ki koi ase eitu khan sob yaad koribole dibo. 27Anando Moi tumikhan logot te rakhi di ase; Moi laga anando tumikhan ke di ase. Moi diya tu prithibi pora diya nisna nahoi. Tumikhan laga mon kosto nahobi, nahole bhoi bhi nakoribi. 28Moi eitu kua tumikhan pora hunise, ‘Moi jai ase, aru Moi tumikhan logot te ahhi jabo.’ Jodi tumikhan pora Moi ke prem kore, tumikhan pora khushi hobo, kilemane Moi Pitri logot te jai ase, aru Pitri he Moi pora dangor ase. 29Aru eku nahua aage te Moi eitu tumikhan ke koi di ase, tetiya he eitu ketiya hobo, tumikhan pora Moi ke biswas koribo. 30Moi aru besi kotha nakobo, kilemane eitu prithibi laga odhikar khan ahhi ase. Moi upor te tar eku bhi tagot nai, 31kintu Moi Pitri ke prem kore eneka prithibi pora janibo nimite, Pitri pora ki hukum dise eitu he Moi kori ase. Uthibi, amikhan iyate pora jabo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.