JOHN 16
16
1“Tumikhan nagiribo nimite Moi eitu khan sob koise. 2Tarkhan pora tumi ke nam ghor pora hatai dibo. Hosa pora bhi homoi tu ahhi ase ketiya konuba pora tumikhan ke morai dile, tar pora Isor nimite te seva kora nisna bhabna koribo. 3Aru tarkhan pora eitu koribo, kilemane tarkhan pora Pitri nahole Moi ke bhi najane. 4Kintu tumikhan ke Moi eitu khan koi di ase, ketiya homoi ahhibo tetiya Moi eitu khan laga koise eneka tumikhan pora yaad koribo.
Pobitro Atma Laga Kam
“Shuru pora Moi eitu kotha tumikhan logot te kua nai, kilemane Moi tumikhan logot te thakise. 5Kintu kon pora Moi ke pathaise Tar logot te he Moi jai ase, aru tumikhan kon pora bhi, ‘Apuni kot jai ase?’ eneka nahude. 6Kintu Moi eitu kotha kua karne, tumikhan mon kosto pora bhorta hoi ase. 7Eneka hole bhi, Moi hosa kotha tumikhan ke koi ase: Moi jua tu tumikhan karne lab ase, kilemane jodi Moi najai, tetiya madad kora ekjon, Tar nahhibo. Kintu jodi Moi jai, Moi Tar ke pathai dibo. 8Aru ketiya Tar ahhibo tetiya tar pora prithibi paap laga galti, aru dharmik kam laga, aru Isor pora bichar kora eitu khan sob manuh khan ke janai dibo: 9Paap laga galti, kilemane tarkhan pora Moi ke biswas kora nai; 10Dharmik kam laga, kilemane Moi Pitri logot te jai ase, aru tumikhan pora Moi ke aru nadekhibo; 11Isor pora bichar kora laga, kilemane eitu prithibi laga odhikar ke bichar kori loise.
12“Moi arubhi tumikhan ke kobole besi ase, kintu tumikhan pora etiya sob tu lobole naparibo. 13Ketiya hoityo laga Atma ahhibo, Tar pora eitu hoityo kotha sob tu dekhai dibo, kilemane Tar he nijor laga odhikar pora nahoi, kintu Tar pora ki huni ase eitu he kobo, aru ki hobole ase eitu laga kotha khan sob Tar pora janai dibo. 14Tar pora Moi ke mahima koribo, kilemane Moi laga ki ase eitu Tar pora loi kene tumikhan ke janai dibo. 15Pitri laga ki ase eitu sob Moi laga he ase; eitu karne Moi koise, Moi laga ki ase eitu loi kene tumikhan ke janai dibo.
Tumi Laga Mon Dukh Ghurai kene Khushi Hobo
16“Olop homoi pasot te, tumikhan pora Moi ke aru nadekhibo; arubhi olop homoi pasot te tumikhan pora Moi ke dekhibo.” 17Eitu karne chella khan ekjon ekjon majot te koise, “Tar pora amikhan ke kua eitu ki ase, ‘Olop homoi pasot te tumikhan pora Moi ke nadekhibo, aru olop homoi pasot te tumikhan pora Moi ke dekhibo’; aru eitu bhi koise, ‘Kilemane Moi Pitri logot te jai ase’?” 18Eitu karne tarkhan pora koi thakise, “‘Olop homoi pasot te’ eneka kua tu ki ase? Tar ki koi ase eitu amikhan pora nabuje.” 19Tarkhan pora hudibole monn ase eneka Jisu he janise, eitu karne tarkhan ke koise, “Moi koise, ‘Olop homoi pasot te tumikhan pora Moi ke nadekhibo aru olop homoi pasot te tumikhan pora Moi ke dekhibo.’ Eitu he tumikhan majot te hudi ase na? 20Hosa kotha, Moi tumikhan ke kobo, tumikhan kandi kene mon dukh thakibo, kintu prithibi anando koribo. Tumikhan mon bhorta kosto thakibo, kintu tumikhan laga kosto tu anando pora bodli hobo. 21Ketiya tiruta ekjoni jonom kori diye, tai kosto hoi jai, kilemane tai laga homoi ahhi jaise, kintu ketiya bacha ke jonom diye, tetiya prithibi te manuh ekjon jonom kori diya laga khushi pora tai laga kosto sob tu yaad nakore. 22Eitu nisna tumikhan etiya kosto ase, kintu Moi aru tumikhan ke dekhibo aru tumikhan laga mon khushi hobo, aru tumikhan laga khushi tu kon pora bhi loi jabo naparibo. 23Eitu din te tumikhan pora Moi ke eku namangibo. Hosa kotha Moi tumikhan ke koi ase, Moi laga nam te tumikhan pora Pitri logot ki mangibo, Tar pora tumikhan ke eitu dibo. 24Etiya tak tumikhan pora Moi laga nam te eku manga nai. Mangibi, aru tumikhan pora pabo, tetiya tumikhan laga anando pura-puri hobo.
Moi Prithibi Jiti Loise
25“Eitu kotha khan sob Moi dristanto loi kene kotha koise. Etiya homoi ahhise, Moi aru dristanto pora kotha nakobo, kintu Pitri laga sidha-sidhi kotha kobo. 26Eitu din te tumikhan pora Moi laga nam te hudibo, aru tumikhan nimite Moi Pitri ke hudi dibo eneka nahoi; 27kilemane Pitri nijor pora tumikhan ke prem kori loise, kilemane tumikhan pora Moi ke prem korise aru Moi Isor pora ahhise eneka biswas kori loise. 28Moi Pitri pora prithibi te ahhi jaise, aru etiya Moi prithibi shari kene Pitri logot te jai ase.”
29Tar chella khan pora koise, “Ah, etiya Apuni dristanto naloi kene sidha-sidhi koi ase! 30Apuni sob jane ase eneka amikhan pora etiya jani ase aru kon pora bhi Apuni ke prosno koribole nai; eitu nimite he Apuni Isor pora ahhise eneka amikhan pora biswas kori ase.” 31Jisu pora tarkhan ke jawab dise, “Tumikhan pora etiya biswas kori ase na? 32Sabi, homoi ahhi ase, hosa bhi eitu ahhi jaise, ketiya tumikhan sob nijor nijor laga ghor te alag alag hoi kene jai jabo, aru Moi ke ekela shari dibo. Kintu Moi ekela nahoi, kilemane Pitri Moi logot te ase. 33Moi eitu kotha tumikhan ke koi di ase, tetiya Moi logot te tumikhan anando pabo. Prithibi te hole tumikhan tarona ase. Kintu khushi hobi, Moi prithibi jiti loise.”
ទើបបានជ្រើសរើសហើយ៖
JOHN 16: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
JOHN 16
16
1“Tumikhan nagiribo nimite Moi eitu khan sob koise. 2Tarkhan pora tumi ke nam ghor pora hatai dibo. Hosa pora bhi homoi tu ahhi ase ketiya konuba pora tumikhan ke morai dile, tar pora Isor nimite te seva kora nisna bhabna koribo. 3Aru tarkhan pora eitu koribo, kilemane tarkhan pora Pitri nahole Moi ke bhi najane. 4Kintu tumikhan ke Moi eitu khan koi di ase, ketiya homoi ahhibo tetiya Moi eitu khan laga koise eneka tumikhan pora yaad koribo.
Pobitro Atma Laga Kam
“Shuru pora Moi eitu kotha tumikhan logot te kua nai, kilemane Moi tumikhan logot te thakise. 5Kintu kon pora Moi ke pathaise Tar logot te he Moi jai ase, aru tumikhan kon pora bhi, ‘Apuni kot jai ase?’ eneka nahude. 6Kintu Moi eitu kotha kua karne, tumikhan mon kosto pora bhorta hoi ase. 7Eneka hole bhi, Moi hosa kotha tumikhan ke koi ase: Moi jua tu tumikhan karne lab ase, kilemane jodi Moi najai, tetiya madad kora ekjon, Tar nahhibo. Kintu jodi Moi jai, Moi Tar ke pathai dibo. 8Aru ketiya Tar ahhibo tetiya tar pora prithibi paap laga galti, aru dharmik kam laga, aru Isor pora bichar kora eitu khan sob manuh khan ke janai dibo: 9Paap laga galti, kilemane tarkhan pora Moi ke biswas kora nai; 10Dharmik kam laga, kilemane Moi Pitri logot te jai ase, aru tumikhan pora Moi ke aru nadekhibo; 11Isor pora bichar kora laga, kilemane eitu prithibi laga odhikar ke bichar kori loise.
12“Moi arubhi tumikhan ke kobole besi ase, kintu tumikhan pora etiya sob tu lobole naparibo. 13Ketiya hoityo laga Atma ahhibo, Tar pora eitu hoityo kotha sob tu dekhai dibo, kilemane Tar he nijor laga odhikar pora nahoi, kintu Tar pora ki huni ase eitu he kobo, aru ki hobole ase eitu laga kotha khan sob Tar pora janai dibo. 14Tar pora Moi ke mahima koribo, kilemane Moi laga ki ase eitu Tar pora loi kene tumikhan ke janai dibo. 15Pitri laga ki ase eitu sob Moi laga he ase; eitu karne Moi koise, Moi laga ki ase eitu loi kene tumikhan ke janai dibo.
Tumi Laga Mon Dukh Ghurai kene Khushi Hobo
16“Olop homoi pasot te, tumikhan pora Moi ke aru nadekhibo; arubhi olop homoi pasot te tumikhan pora Moi ke dekhibo.” 17Eitu karne chella khan ekjon ekjon majot te koise, “Tar pora amikhan ke kua eitu ki ase, ‘Olop homoi pasot te tumikhan pora Moi ke nadekhibo, aru olop homoi pasot te tumikhan pora Moi ke dekhibo’; aru eitu bhi koise, ‘Kilemane Moi Pitri logot te jai ase’?” 18Eitu karne tarkhan pora koi thakise, “‘Olop homoi pasot te’ eneka kua tu ki ase? Tar ki koi ase eitu amikhan pora nabuje.” 19Tarkhan pora hudibole monn ase eneka Jisu he janise, eitu karne tarkhan ke koise, “Moi koise, ‘Olop homoi pasot te tumikhan pora Moi ke nadekhibo aru olop homoi pasot te tumikhan pora Moi ke dekhibo.’ Eitu he tumikhan majot te hudi ase na? 20Hosa kotha, Moi tumikhan ke kobo, tumikhan kandi kene mon dukh thakibo, kintu prithibi anando koribo. Tumikhan mon bhorta kosto thakibo, kintu tumikhan laga kosto tu anando pora bodli hobo. 21Ketiya tiruta ekjoni jonom kori diye, tai kosto hoi jai, kilemane tai laga homoi ahhi jaise, kintu ketiya bacha ke jonom diye, tetiya prithibi te manuh ekjon jonom kori diya laga khushi pora tai laga kosto sob tu yaad nakore. 22Eitu nisna tumikhan etiya kosto ase, kintu Moi aru tumikhan ke dekhibo aru tumikhan laga mon khushi hobo, aru tumikhan laga khushi tu kon pora bhi loi jabo naparibo. 23Eitu din te tumikhan pora Moi ke eku namangibo. Hosa kotha Moi tumikhan ke koi ase, Moi laga nam te tumikhan pora Pitri logot ki mangibo, Tar pora tumikhan ke eitu dibo. 24Etiya tak tumikhan pora Moi laga nam te eku manga nai. Mangibi, aru tumikhan pora pabo, tetiya tumikhan laga anando pura-puri hobo.
Moi Prithibi Jiti Loise
25“Eitu kotha khan sob Moi dristanto loi kene kotha koise. Etiya homoi ahhise, Moi aru dristanto pora kotha nakobo, kintu Pitri laga sidha-sidhi kotha kobo. 26Eitu din te tumikhan pora Moi laga nam te hudibo, aru tumikhan nimite Moi Pitri ke hudi dibo eneka nahoi; 27kilemane Pitri nijor pora tumikhan ke prem kori loise, kilemane tumikhan pora Moi ke prem korise aru Moi Isor pora ahhise eneka biswas kori loise. 28Moi Pitri pora prithibi te ahhi jaise, aru etiya Moi prithibi shari kene Pitri logot te jai ase.”
29Tar chella khan pora koise, “Ah, etiya Apuni dristanto naloi kene sidha-sidhi koi ase! 30Apuni sob jane ase eneka amikhan pora etiya jani ase aru kon pora bhi Apuni ke prosno koribole nai; eitu nimite he Apuni Isor pora ahhise eneka amikhan pora biswas kori ase.” 31Jisu pora tarkhan ke jawab dise, “Tumikhan pora etiya biswas kori ase na? 32Sabi, homoi ahhi ase, hosa bhi eitu ahhi jaise, ketiya tumikhan sob nijor nijor laga ghor te alag alag hoi kene jai jabo, aru Moi ke ekela shari dibo. Kintu Moi ekela nahoi, kilemane Pitri Moi logot te ase. 33Moi eitu kotha tumikhan ke koi di ase, tetiya Moi logot te tumikhan anando pabo. Prithibi te hole tumikhan tarona ase. Kintu khushi hobi, Moi prithibi jiti loise.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.