JOHN 13
13
Jisu He Chella Khan Laga Theng Dhulai Diya
1Eitu homoi te Par-Hua porokh aage te ketiya Jisu pora eitu prithibi shari kene Pitri logot te jabole homoi ahhise eneka janise, Tar nijor laga prithibi te kon thakise tarkhan ki hekh din tak prem korise. 2Raati laga bhojon homoi, Jisu ke thogai dibole saitan pora Simon laga putro Judas Iscariot laga mon te ketiya kam kori kene thakise, 3Eitu homoi te Jisu pora eitu khan sob tu Pitri pora Tar laga haat te di dise, aru Tar Isor pora ahhise aru Isor logot te he ghurai jai ase eneka janise, 4Tetiya Tar bhojon pora uthise. Tar pora lagai thaka upor pindha kapoor ulai kene rakhi dise, aru ekta gamusa loi kene komor te bandhi loise. 5Tetiya Tar pora chilemchi ekta te paani halise aru chella khan laga theng dhulai kene komor te bandhi thaka gamusa pora mushi dibole shuru hoise. 6Tar Simon Peter logot te ahhise, kon pora Tar ke koise, “Prabhu, moi laga bhuri nadholabi?” 7Jisu pora tar ke jawab dise, “Moi ki kori ase, tumi etiya nabujibo, kintu piche te tumi eitu buji lobo.” 8Peter pora Tar ke koise, “Apuni moi laga bhuri dhula bole ketiya bhi nahoi.” Jisu pora tar ke jawab dise, “Jodi Moi tumi ke nadhulai, tumi Moi logot te eku bhag nai.” 9Simon Peter pora Tar ke koise, “Prabhu, tenehole moi laga bhuri he nahoi kene haat aru matha bhi dhulai dibi!” 10Jisu pora tar ke koise, “Kon manuh gau dhulai kene ase, tar eitu khan safa kori bole nalage, khali bhuri he safa lage, dusera tu sob safa he ase. Aru tumikhan safa ase, kintu sob tu nahoi.” 11Kilemane kon pora Tar ke thogabole ase eitu Tar jani; eitu nimite koise, “Tumikhan sob tu safa nahoi.”
12Ketiya tarkhan sob laga bhuri dhulai dise, tetiya Tar upor pindha kapoor lagai loise aru nijor laga jaga te bohise aru Tar pora tarkhan ke koise, “Tumikhan logot te Moi ki korise eitu tumikhan pora bujise na? 13Tumikhan pora Moi ke Guruji aru Prabhu eneka mate, aru eitu thik ase, kilemane Moi eneka ase. 14Tetiya jodi Moi, tumikhan laga guruji aru Prabhu pora tumikhan laga bhuri dhulai di dise, tumikhan pora bhi ekjon he ekjon laga bhuri dhulai dibo lagibo. 15Kilemane Moi keneka korise, tumikhan bhi eneka koribole, Moi ekta udaharan tumikhan karne di dise. 16Hosa kotha Moi tumikhan ke kobo, nokor ekjon tar laga guru pora dangor nahoi, nahole khobor bukha manuh ekjon khobor pathai diya manuh pora dangor nahoi. 17Jodi tumikhan pora eitu jani kene tumikhan pora eitu korile ashish pabo. 18Moi tumikhan sob laga kotha kua nahoi; Moi kon ke basi kene ase eitu Moi jane. Kintu Hastro tu hidho hobole lagibo, ‘Kon pora Moi laga roti khai ase tar pora Moi upor te tar laga thapor uthaise’ 19Moi aage pora tumikhan ke eitu koi ase, eneka hole he, ketiya eitu hobo tetiya tumikhan pora Moi tu Tar he thakise eneka biswas koribo. 20Hosa kotha Moi tumikhan ke koi ase, kon pora Moi pathai diya manuh ke grohon kore, eitu Moi ke grohon kori ase, aru kon pora Moi ke grohon kore, Kon pora Moi ke pathaise, Tar ke grohon kori ase.”
Tumikhan Ekjon Pora Moi Ke Thogai Dibo
21Eitu khan kua pasot te, Jisu nijor atma te kosto hoise, aru sob ke janai dise, “Hosa kotha Moi tumikhan ke koi ase, tumikhan ekjon pora Moi ke thogai dibo.” 22Chella khan pora kon ke koi ase eitu najane kene, ekjon he ekjon ke saise. 23Chella khan majot te ekjon, kon ke Jisu he prem korise, tar mez te Jisu usor te thakise, 24eitu karne kon laga kotha koi ase eitu hudibole Simon Peter pora tar ke koise. 25Eitu karne heitu chella pora Jisu usor te jai kene hudise, “Prabhu eitu kon ase?” 26Jisu he jawab dise, “Sobji paani te eitu roti bhijai kene Moi kon ke di dibo eitu tar ase.” Eitu karne Tar pora roti tu sobji paani te bhijai kene Simon Iscariot laga putro Judas ke dise. 27Tetiya eitu roti khua pasot te, tar laga mon te Saitan humai jaise. Jisu he tar ke koise, “Tumi ki koribole ase joldi kori lobi.” 28Eitu homoi te mez te bohi thaka khan kon pora bhi, kile Jisu pora Judas ke eitu koise eitu buja nai. 29Konuba pora bhabise, Judas pora toka poisa jhola dhori thaka pora, Jisu he tar ke koise, “Amikhan bhojon karne ki lage eitu kinibi,” nahole dukhiya khan ke kiba di dibi, eneka bhabise. 30Eitu karne roti tu khua pasot te tar loge loge ulai jaise. Aru eitu raati thakise.
Notun Hukum Ekta
31Ketiya tar jai jaise, Jisu he koise, “Etiya Manuh laga Putro mahima hoi jaise, aru Tar logot te Isor mahima dekhai ase. 32Jodi Tar logot te Isor he mahima kori ase, tetiya Isor logot te Tar bhi mahima koribo, aru eitu hodai karne hobo. 33Huru bacha khan, olop homoi he tumikhan logot te Moi thakibo. Tumikhan pora Moi ke bisaribo kintu Jews khan logot te kua nisna, Moi etiya tumikhan logot te koi ase, ‘Moi kot te jai ase, tumikhan tate ahhibo naparibo.’ 34Notun hukum ekta Moi tumikhan ke di ase, tumikhan ekjon pora ekjon ke prem koribi: moi keneka tumikhan ke prem korise, thik eitu nisna tumikhan bhi ekjon he ekjon ke prem koribi. 35Jodi tumikhan pora ekjon he ekjon ke prem kore, eitu pora he manuh khan sob pora tumikhan hosa bhi Moi laga chella ase eneka janibo.”
Peter He Jisu Oshikar Kora
36Simon Peter pora Tar ke koise, “Prabhu, Apuni kot te jabo?” Jisu he tar ke jawab dise, “Moi kot te jai ase tate tumi etiya ahhibole naparibo, kintu piche te tu tumi bhi ahhibo.” 37Peter pora Tar ke koise, “Prabhu, moi kile etiya ahhibo naparibo? Apuni karne moi laga jivon bhi dibo.” 38Jisu he jawab dise, “Moi karne tumi jivon dibo neki? Hosa kotha Moi tumi ke koi ase, tumi tin-bar Moi ke oshikar nakora tak murga pora dag nadibo.
ទើបបានជ្រើសរើសហើយ៖
JOHN 13: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
JOHN 13
13
Jisu He Chella Khan Laga Theng Dhulai Diya
1Eitu homoi te Par-Hua porokh aage te ketiya Jisu pora eitu prithibi shari kene Pitri logot te jabole homoi ahhise eneka janise, Tar nijor laga prithibi te kon thakise tarkhan ki hekh din tak prem korise. 2Raati laga bhojon homoi, Jisu ke thogai dibole saitan pora Simon laga putro Judas Iscariot laga mon te ketiya kam kori kene thakise, 3Eitu homoi te Jisu pora eitu khan sob tu Pitri pora Tar laga haat te di dise, aru Tar Isor pora ahhise aru Isor logot te he ghurai jai ase eneka janise, 4Tetiya Tar bhojon pora uthise. Tar pora lagai thaka upor pindha kapoor ulai kene rakhi dise, aru ekta gamusa loi kene komor te bandhi loise. 5Tetiya Tar pora chilemchi ekta te paani halise aru chella khan laga theng dhulai kene komor te bandhi thaka gamusa pora mushi dibole shuru hoise. 6Tar Simon Peter logot te ahhise, kon pora Tar ke koise, “Prabhu, moi laga bhuri nadholabi?” 7Jisu pora tar ke jawab dise, “Moi ki kori ase, tumi etiya nabujibo, kintu piche te tumi eitu buji lobo.” 8Peter pora Tar ke koise, “Apuni moi laga bhuri dhula bole ketiya bhi nahoi.” Jisu pora tar ke jawab dise, “Jodi Moi tumi ke nadhulai, tumi Moi logot te eku bhag nai.” 9Simon Peter pora Tar ke koise, “Prabhu, tenehole moi laga bhuri he nahoi kene haat aru matha bhi dhulai dibi!” 10Jisu pora tar ke koise, “Kon manuh gau dhulai kene ase, tar eitu khan safa kori bole nalage, khali bhuri he safa lage, dusera tu sob safa he ase. Aru tumikhan safa ase, kintu sob tu nahoi.” 11Kilemane kon pora Tar ke thogabole ase eitu Tar jani; eitu nimite koise, “Tumikhan sob tu safa nahoi.”
12Ketiya tarkhan sob laga bhuri dhulai dise, tetiya Tar upor pindha kapoor lagai loise aru nijor laga jaga te bohise aru Tar pora tarkhan ke koise, “Tumikhan logot te Moi ki korise eitu tumikhan pora bujise na? 13Tumikhan pora Moi ke Guruji aru Prabhu eneka mate, aru eitu thik ase, kilemane Moi eneka ase. 14Tetiya jodi Moi, tumikhan laga guruji aru Prabhu pora tumikhan laga bhuri dhulai di dise, tumikhan pora bhi ekjon he ekjon laga bhuri dhulai dibo lagibo. 15Kilemane Moi keneka korise, tumikhan bhi eneka koribole, Moi ekta udaharan tumikhan karne di dise. 16Hosa kotha Moi tumikhan ke kobo, nokor ekjon tar laga guru pora dangor nahoi, nahole khobor bukha manuh ekjon khobor pathai diya manuh pora dangor nahoi. 17Jodi tumikhan pora eitu jani kene tumikhan pora eitu korile ashish pabo. 18Moi tumikhan sob laga kotha kua nahoi; Moi kon ke basi kene ase eitu Moi jane. Kintu Hastro tu hidho hobole lagibo, ‘Kon pora Moi laga roti khai ase tar pora Moi upor te tar laga thapor uthaise’ 19Moi aage pora tumikhan ke eitu koi ase, eneka hole he, ketiya eitu hobo tetiya tumikhan pora Moi tu Tar he thakise eneka biswas koribo. 20Hosa kotha Moi tumikhan ke koi ase, kon pora Moi pathai diya manuh ke grohon kore, eitu Moi ke grohon kori ase, aru kon pora Moi ke grohon kore, Kon pora Moi ke pathaise, Tar ke grohon kori ase.”
Tumikhan Ekjon Pora Moi Ke Thogai Dibo
21Eitu khan kua pasot te, Jisu nijor atma te kosto hoise, aru sob ke janai dise, “Hosa kotha Moi tumikhan ke koi ase, tumikhan ekjon pora Moi ke thogai dibo.” 22Chella khan pora kon ke koi ase eitu najane kene, ekjon he ekjon ke saise. 23Chella khan majot te ekjon, kon ke Jisu he prem korise, tar mez te Jisu usor te thakise, 24eitu karne kon laga kotha koi ase eitu hudibole Simon Peter pora tar ke koise. 25Eitu karne heitu chella pora Jisu usor te jai kene hudise, “Prabhu eitu kon ase?” 26Jisu he jawab dise, “Sobji paani te eitu roti bhijai kene Moi kon ke di dibo eitu tar ase.” Eitu karne Tar pora roti tu sobji paani te bhijai kene Simon Iscariot laga putro Judas ke dise. 27Tetiya eitu roti khua pasot te, tar laga mon te Saitan humai jaise. Jisu he tar ke koise, “Tumi ki koribole ase joldi kori lobi.” 28Eitu homoi te mez te bohi thaka khan kon pora bhi, kile Jisu pora Judas ke eitu koise eitu buja nai. 29Konuba pora bhabise, Judas pora toka poisa jhola dhori thaka pora, Jisu he tar ke koise, “Amikhan bhojon karne ki lage eitu kinibi,” nahole dukhiya khan ke kiba di dibi, eneka bhabise. 30Eitu karne roti tu khua pasot te tar loge loge ulai jaise. Aru eitu raati thakise.
Notun Hukum Ekta
31Ketiya tar jai jaise, Jisu he koise, “Etiya Manuh laga Putro mahima hoi jaise, aru Tar logot te Isor mahima dekhai ase. 32Jodi Tar logot te Isor he mahima kori ase, tetiya Isor logot te Tar bhi mahima koribo, aru eitu hodai karne hobo. 33Huru bacha khan, olop homoi he tumikhan logot te Moi thakibo. Tumikhan pora Moi ke bisaribo kintu Jews khan logot te kua nisna, Moi etiya tumikhan logot te koi ase, ‘Moi kot te jai ase, tumikhan tate ahhibo naparibo.’ 34Notun hukum ekta Moi tumikhan ke di ase, tumikhan ekjon pora ekjon ke prem koribi: moi keneka tumikhan ke prem korise, thik eitu nisna tumikhan bhi ekjon he ekjon ke prem koribi. 35Jodi tumikhan pora ekjon he ekjon ke prem kore, eitu pora he manuh khan sob pora tumikhan hosa bhi Moi laga chella ase eneka janibo.”
Peter He Jisu Oshikar Kora
36Simon Peter pora Tar ke koise, “Prabhu, Apuni kot te jabo?” Jisu he tar ke jawab dise, “Moi kot te jai ase tate tumi etiya ahhibole naparibo, kintu piche te tu tumi bhi ahhibo.” 37Peter pora Tar ke koise, “Prabhu, moi kile etiya ahhibo naparibo? Apuni karne moi laga jivon bhi dibo.” 38Jisu he jawab dise, “Moi karne tumi jivon dibo neki? Hosa kotha Moi tumi ke koi ase, tumi tin-bar Moi ke oshikar nakora tak murga pora dag nadibo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.