JOHN 12
12
Bethany Te Mary Pora Jisu Ke Abishek Kora
1Par-Hua Porokh laga soi din aage te Jisu Bethany te ahhise, kon jaga te Tar pora Lazarus mora pora jinda uthai dise. 2Eitu nimite Jisu karne tarkhan pora tate raati laga bhojon ekta dise. Martha pora seva korise, aru Lazarus bhi Tar usor mez te boha khan majot te ekjon thakise. 3Tetiya Mary pora besi dam laga dawai, asol nard laga tel, pound ekta loi anise aru Jisu laga theng te lagai dise aru tai laga chuli pora mushi dise. Aru ghor sob tu eitu laga gundh pora bhorta hoise. 4Kintu chella khan majot te ekjon, Judas Iscariot (kon pora Tar ke thogai dibole thakise) tar pora koise, 5“Kile eitu tel tu tinso denarii pora bikiri kori kene dukhiya khan ke diya nai?” 6Tar pora eitu kua tu, dukhiya khan madad koribo karne nahoi, kintu tar choor manuh thakise, kilemane toka poisa jhola tu tar pora bukhi thakise aru jama kora toka poisa pora ulai kene nijor nimite bhi cholai thakise. 7Jisu he koise, “Tai ke ene shari dibi Moi ke moidam dibo karne tai pora jugar koribo dibi. 8Dukhiya khan hodai tumikhan logot te thakibo, kintu tumikhan pora Moi hodai nathakibo.”
Lazarus Ki Morai Dibole Budhi
9Ketiya genti napara Jews khan pora Jisu tate ase eneka hunise tarkhan ahhise, khali Tar karne nahoi kintu Lazarus kon mora pora jinda Tar pora uthaise tar sabole karne ahhise. 10Eitu karne prodhan puruhit khan pora Lazarus bhi morai dibole budhi bonaise, 11kilemane tar nimite he Jews manuh khan besi pora jai kene Jisu ke biswas kori jaise.
Jiti Kene Jerusalem Te Jua
12Aage din te genti napara manuh khan, kon Jerusalem te porokh nimite te ahhi kene thakise, taikhan pora Jisu Jerusalem te ahhi ase eneka hunise. 13Eitu karne taikhan pora palm gos laga daal loise aru Tar ke log koribole jaise aru awaz dangor te chillai kene koise, “Hosanna! Prabhu laga nam te Kon ahhi ase Tar ke ashish, Israel laga Raja ke ashish!” 14Aru Jisu he gadho puali ekta paise aru tate bohise, likhi thaka nisna,
15“Bhoi nakoribi Zion laga putri;
Sabi, ekta gadho te bohi kene,
tumi laga Raja ahhi ase!”
16Tar laga chella khan pora aage te eitu khan buja nai kintu ketiya Jisu mahima hoi uthi jaise tetiya eitu likhi thaka khan sob tu Tar laga thakise aru eneka he Tar logot te eitu sob hidho hoise eneka tarkhan pora yaad hoise. 17Aru genti napara manuh khan kiman jon pora Jisu he Lazarus moidam pora mati kene jinda uthai diya homoi te thakise, tarkhan pora eitu khobor karne sakhi di kene jaise. 18Eitu genti napara manuh khan Tar ke log koribole jua tu Tar pora asorit sign kora huna karne jaise. 19Eitu karne pharisees khan ekjon he ekjon ke koise, “Tumi dekhi ase ne, etiya amikhan pora eku koribo napare. Sabi, prithibi sob Tar laga piche te jai ase.”
Greek Manuh Konuba Pora Jisu Bisarise
20Heitu homoi te Jerusalem te aradhana koribole jua majot te konuba Greek manuh khan bhi thakise. 21Taikhan Philip logot te ahhise, kon Galilee laga Bethsaida pora thakise, aru tar ke koise, “Sahab, amikhan pora Jisu ke log koribole monn ase.” 22Philip jai kene Andrew ke koise; Andrew aru Philip jai kene Jisu ke koise. 23Aru Jisu he tarkhan ke jawab di koise, “Manuh laga Putro karne mahima hobole homoi tu ahhi jaise. 24Hosa kotha Moi tumikhan ke koi ase, gehu dhan bijon ekta maati te giri kene namorile, eitu ekta he thakibo; kintu jodi eitu mori jai eitu pora phol besi dhori loi. 25Kon pora nijor jivon prem kore eitu harai jabo, aru kon pora eitu prithibi te nijor jivon ghin kore ananta jivon te ghurai pabo. 26Jodi konuba pora Moi ke seva kore Moi laga piche te ahhibo lage; aru Moi kot te thakibo tate Moi laga nokor bhi thakibo. Jodi konuba pora Moi ke seva kore tetiya Pitri pora tar ke sonman dibo.
Manuh laga Putro Uthai Dibo Lagibo
27“Etiya Moi atma te kosto ase. Aru Moi ki kobo? ‘Pitri, eitu homoi pora Moi ke bachai rakhibi’? Kintu eitu udeshyo nimite he Moi eitu homoi tak ahhise. 28Pitri apuni mahima hobi.” Tetiya awaz ekta sorgo pora ahhise: “Moi eitu mahima kori loise, arubhi Moi eitu mahima kori dibo.” 29Besi manuh khara kori thaka pora eitu awaz huni kene koise, megh garjan awaz hoise. Dusera pora koise, “Sorgo dut ekjon pora Tar logot te kotha korise.” 30Jisu he uttar di koise, “Eitu awaz tu tumikhan nimite he ahhise, Moi karne nahoi. 31Etiya prithibi bichar homoi ase; etiya eitu prithibi laga odhikar khan khedai dibo. 32Aru ketiya eitu prithibi pora Moi ke uthai dibo, tetiya Moi phale manuh khan sob tanilobo.” 33Tar pora eitu kua tu keneka niyom te Tar moribole ase, eitu dekhai diya thakise. 34Eitu karne manuh khan pora jawab dise, “Amikhan pora kanoon te likhi thaka eneka hunise, Khrista tu hodai thakibo. Keneka hoi kene Apuni koi ase, Manuh laga Putro tu uthai dibo? Eitu Manuh laga Putro tu kon ase?” 35Eitu karne Jisu he tarkhan ke koise, “Puhor tu tumikhan logot te olop homoi he thakibo. Puhor thaka homoi te tumikhan berabi, nahole andhera pora tumikhan pongchi jabo. Kon manuh he andhera te berai ase tar kot te jai ase eitu najane. 36Ketiya tumikhan logot te puhor ase, puhor logot te biswas koribi, tetiya tumikhan bhi puhor laga putro khan hobo.”
Manuh Khan Laga Obiswas
Ketiya Jisu pora eitu khan koise, Tar jai kene tarkhan pora lukai jaise. 37Jisu he tarkhan aage te asorit sign besi korile bhi, tarkhan pora biswas kora nai, 38Tetiya Isaiah bhavobadi pora koi thaka kotha hidho hoise:
“Prabhu, amikhan pora kua kotha kon pora biswas korise,
aru kon ke Isor laga shakti prokahit kori dekhaise?”
39Eitu karne tarkhan pora biswas koribo para nai. Kilemane Isaiah pora arubhi koise,
40“Tar pora tarkhan laga soku andha kori dise,
aru tarkhan laga mon tan kori dise,
nahole tarkhan soku pora dekhibo,
aru tarkhan laga mon te bujibo, aru ghurabo,
aru moi hustho kori dibo.”
41Isaiah pora eitu khan koise, kilemane tar pora Jisu laga mahima dekhise aru Jisu laga he koi dise. 42Eneka hole bhi odhikar manuh khan aru dusera besi manuh pora Tar ke biswas korise, kintu pharisees khan pora tarkhan girja ghor pora hatai dibole bhoi kora karne tarkhan pora shikhar kora nai, 43kilemane tarkhan pora Isor pora diya mahima nahoi kene manuh pora diya mahima he prem korise.
Prithibi Bachabole Jisu Ahhise
44Aru Jisu he dangor awaz pora chillai kene koise, “Kon kon pora Moi ke biswas kore Moi ke nahoi kene Kon pora Moi ke pathaise Tar ke biswas kori ase. 45Aru kon pora Moi ke dekhi ase Moi nahoi, kintu Kon pora Moi ke pathaise Tar ke dekhi ase. 46Moi prithibi te puhor nisna ahhise, tetiya kon pora Moi ke biswas kore tarkhan andhera te nathakibo. 47Jodi konuba pora Moi laga kotha huni kene eitu namane, Moi tar ke bichar nakoribo; kilemane Moi prithibi bichar koribole ahha nahoi, kintu prithibi bachabole he ahhise. 48Kon pora Moi ke ninda korise aru Moi laga kotha naloi tar karne bichar korta ekjon ase; Moi ki kotha koise eitu khan pora hekh din te tar ke bichar koribo. 49Kilemane Moi nijor odhikar pora eku kua nai, kintu Pitri, Kon pora Moi ke pathaise, Tar pora, ki kotha kobo aru keneka kobo eitu hukum Moi paise. 50Aru Moi jane, Tar laga hukum te ananta jivon ase. Eitu karne Moi ki koi ase, eitu Pitri pora ki koise eitu he koi ase.”
ទើបបានជ្រើសរើសហើយ៖
JOHN 12: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
JOHN 12
12
Bethany Te Mary Pora Jisu Ke Abishek Kora
1Par-Hua Porokh laga soi din aage te Jisu Bethany te ahhise, kon jaga te Tar pora Lazarus mora pora jinda uthai dise. 2Eitu nimite Jisu karne tarkhan pora tate raati laga bhojon ekta dise. Martha pora seva korise, aru Lazarus bhi Tar usor mez te boha khan majot te ekjon thakise. 3Tetiya Mary pora besi dam laga dawai, asol nard laga tel, pound ekta loi anise aru Jisu laga theng te lagai dise aru tai laga chuli pora mushi dise. Aru ghor sob tu eitu laga gundh pora bhorta hoise. 4Kintu chella khan majot te ekjon, Judas Iscariot (kon pora Tar ke thogai dibole thakise) tar pora koise, 5“Kile eitu tel tu tinso denarii pora bikiri kori kene dukhiya khan ke diya nai?” 6Tar pora eitu kua tu, dukhiya khan madad koribo karne nahoi, kintu tar choor manuh thakise, kilemane toka poisa jhola tu tar pora bukhi thakise aru jama kora toka poisa pora ulai kene nijor nimite bhi cholai thakise. 7Jisu he koise, “Tai ke ene shari dibi Moi ke moidam dibo karne tai pora jugar koribo dibi. 8Dukhiya khan hodai tumikhan logot te thakibo, kintu tumikhan pora Moi hodai nathakibo.”
Lazarus Ki Morai Dibole Budhi
9Ketiya genti napara Jews khan pora Jisu tate ase eneka hunise tarkhan ahhise, khali Tar karne nahoi kintu Lazarus kon mora pora jinda Tar pora uthaise tar sabole karne ahhise. 10Eitu karne prodhan puruhit khan pora Lazarus bhi morai dibole budhi bonaise, 11kilemane tar nimite he Jews manuh khan besi pora jai kene Jisu ke biswas kori jaise.
Jiti Kene Jerusalem Te Jua
12Aage din te genti napara manuh khan, kon Jerusalem te porokh nimite te ahhi kene thakise, taikhan pora Jisu Jerusalem te ahhi ase eneka hunise. 13Eitu karne taikhan pora palm gos laga daal loise aru Tar ke log koribole jaise aru awaz dangor te chillai kene koise, “Hosanna! Prabhu laga nam te Kon ahhi ase Tar ke ashish, Israel laga Raja ke ashish!” 14Aru Jisu he gadho puali ekta paise aru tate bohise, likhi thaka nisna,
15“Bhoi nakoribi Zion laga putri;
Sabi, ekta gadho te bohi kene,
tumi laga Raja ahhi ase!”
16Tar laga chella khan pora aage te eitu khan buja nai kintu ketiya Jisu mahima hoi uthi jaise tetiya eitu likhi thaka khan sob tu Tar laga thakise aru eneka he Tar logot te eitu sob hidho hoise eneka tarkhan pora yaad hoise. 17Aru genti napara manuh khan kiman jon pora Jisu he Lazarus moidam pora mati kene jinda uthai diya homoi te thakise, tarkhan pora eitu khobor karne sakhi di kene jaise. 18Eitu genti napara manuh khan Tar ke log koribole jua tu Tar pora asorit sign kora huna karne jaise. 19Eitu karne pharisees khan ekjon he ekjon ke koise, “Tumi dekhi ase ne, etiya amikhan pora eku koribo napare. Sabi, prithibi sob Tar laga piche te jai ase.”
Greek Manuh Konuba Pora Jisu Bisarise
20Heitu homoi te Jerusalem te aradhana koribole jua majot te konuba Greek manuh khan bhi thakise. 21Taikhan Philip logot te ahhise, kon Galilee laga Bethsaida pora thakise, aru tar ke koise, “Sahab, amikhan pora Jisu ke log koribole monn ase.” 22Philip jai kene Andrew ke koise; Andrew aru Philip jai kene Jisu ke koise. 23Aru Jisu he tarkhan ke jawab di koise, “Manuh laga Putro karne mahima hobole homoi tu ahhi jaise. 24Hosa kotha Moi tumikhan ke koi ase, gehu dhan bijon ekta maati te giri kene namorile, eitu ekta he thakibo; kintu jodi eitu mori jai eitu pora phol besi dhori loi. 25Kon pora nijor jivon prem kore eitu harai jabo, aru kon pora eitu prithibi te nijor jivon ghin kore ananta jivon te ghurai pabo. 26Jodi konuba pora Moi ke seva kore Moi laga piche te ahhibo lage; aru Moi kot te thakibo tate Moi laga nokor bhi thakibo. Jodi konuba pora Moi ke seva kore tetiya Pitri pora tar ke sonman dibo.
Manuh laga Putro Uthai Dibo Lagibo
27“Etiya Moi atma te kosto ase. Aru Moi ki kobo? ‘Pitri, eitu homoi pora Moi ke bachai rakhibi’? Kintu eitu udeshyo nimite he Moi eitu homoi tak ahhise. 28Pitri apuni mahima hobi.” Tetiya awaz ekta sorgo pora ahhise: “Moi eitu mahima kori loise, arubhi Moi eitu mahima kori dibo.” 29Besi manuh khara kori thaka pora eitu awaz huni kene koise, megh garjan awaz hoise. Dusera pora koise, “Sorgo dut ekjon pora Tar logot te kotha korise.” 30Jisu he uttar di koise, “Eitu awaz tu tumikhan nimite he ahhise, Moi karne nahoi. 31Etiya prithibi bichar homoi ase; etiya eitu prithibi laga odhikar khan khedai dibo. 32Aru ketiya eitu prithibi pora Moi ke uthai dibo, tetiya Moi phale manuh khan sob tanilobo.” 33Tar pora eitu kua tu keneka niyom te Tar moribole ase, eitu dekhai diya thakise. 34Eitu karne manuh khan pora jawab dise, “Amikhan pora kanoon te likhi thaka eneka hunise, Khrista tu hodai thakibo. Keneka hoi kene Apuni koi ase, Manuh laga Putro tu uthai dibo? Eitu Manuh laga Putro tu kon ase?” 35Eitu karne Jisu he tarkhan ke koise, “Puhor tu tumikhan logot te olop homoi he thakibo. Puhor thaka homoi te tumikhan berabi, nahole andhera pora tumikhan pongchi jabo. Kon manuh he andhera te berai ase tar kot te jai ase eitu najane. 36Ketiya tumikhan logot te puhor ase, puhor logot te biswas koribi, tetiya tumikhan bhi puhor laga putro khan hobo.”
Manuh Khan Laga Obiswas
Ketiya Jisu pora eitu khan koise, Tar jai kene tarkhan pora lukai jaise. 37Jisu he tarkhan aage te asorit sign besi korile bhi, tarkhan pora biswas kora nai, 38Tetiya Isaiah bhavobadi pora koi thaka kotha hidho hoise:
“Prabhu, amikhan pora kua kotha kon pora biswas korise,
aru kon ke Isor laga shakti prokahit kori dekhaise?”
39Eitu karne tarkhan pora biswas koribo para nai. Kilemane Isaiah pora arubhi koise,
40“Tar pora tarkhan laga soku andha kori dise,
aru tarkhan laga mon tan kori dise,
nahole tarkhan soku pora dekhibo,
aru tarkhan laga mon te bujibo, aru ghurabo,
aru moi hustho kori dibo.”
41Isaiah pora eitu khan koise, kilemane tar pora Jisu laga mahima dekhise aru Jisu laga he koi dise. 42Eneka hole bhi odhikar manuh khan aru dusera besi manuh pora Tar ke biswas korise, kintu pharisees khan pora tarkhan girja ghor pora hatai dibole bhoi kora karne tarkhan pora shikhar kora nai, 43kilemane tarkhan pora Isor pora diya mahima nahoi kene manuh pora diya mahima he prem korise.
Prithibi Bachabole Jisu Ahhise
44Aru Jisu he dangor awaz pora chillai kene koise, “Kon kon pora Moi ke biswas kore Moi ke nahoi kene Kon pora Moi ke pathaise Tar ke biswas kori ase. 45Aru kon pora Moi ke dekhi ase Moi nahoi, kintu Kon pora Moi ke pathaise Tar ke dekhi ase. 46Moi prithibi te puhor nisna ahhise, tetiya kon pora Moi ke biswas kore tarkhan andhera te nathakibo. 47Jodi konuba pora Moi laga kotha huni kene eitu namane, Moi tar ke bichar nakoribo; kilemane Moi prithibi bichar koribole ahha nahoi, kintu prithibi bachabole he ahhise. 48Kon pora Moi ke ninda korise aru Moi laga kotha naloi tar karne bichar korta ekjon ase; Moi ki kotha koise eitu khan pora hekh din te tar ke bichar koribo. 49Kilemane Moi nijor odhikar pora eku kua nai, kintu Pitri, Kon pora Moi ke pathaise, Tar pora, ki kotha kobo aru keneka kobo eitu hukum Moi paise. 50Aru Moi jane, Tar laga hukum te ananta jivon ase. Eitu karne Moi ki koi ase, eitu Pitri pora ki koise eitu he koi ase.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.