JOHN 11
11
Lazarus Mora Laga
1Eitu homoi te Mary aru tai laga bhoni Martha laga bosti Bethany te Lazarus koi kene manuh ekjon bemar thakise. 2Eitu Mary, kon he Prabhu logot te tel lagai dise aru tai laga chuli pora theng mushi dise tai laga bhai Lazarus he bemar thakise. 3Eitu karne bhoni khan pora Prabhu usor te manuh pathai kene koise, “Prabhu, Apuni kon ke prem kore tar bemar hoi ase.” 4Kintu ketiya Jisu pora eitu hunise, Tar he koise, “Eitu bemar tu moribole laga nahoi. Eitu Isor ke mahima koribo karne ase, eitu pora he Manuh laga Putro mahima kori lobo.”
5Jisu pora Martha aru bhoni Mary aru Lazarus ke prem kori thakise. 6Eitu karne ketiya Tar pora Lazarus bemar ase eneka hunise, Tar thaka jaga te arubhi dui din thaki jaise. 7Eitu pasote he Tar pora chella khan logot te koise, “Ahhibi amikhan aru Judea te jabo.” 8Chella khan pora Tar ke koise, “Rabbi, olop aage te he Jews khan pora Apuni ke pathor pora maribole bisarise, aru Apuni tate arubhi jabo neki?” 9Jisu pora jawab dise, “Ekdin te baroh ghonta ase nahoi neki? Jodi konuba pora din te berai, tar theng thokor lagi kene nagire, kilemane prithibi laga puhor pora tar dekhi ase. 10Kintu jodi konuba pora andhera te berai, tar theng te thokor lagi kene giri jai, kilemane puhor tar logot te nai.” 11Eitu kotha kua pasot te Tar pora chella khan ke koise, “Amikhan laga bondhu Lazarus tu bhall pora ghumai jaise, kintu Moi jai kene tar ke uthai dibo.” 12Chella khan pora Tar ke koise, “Prabhu, jodi tar ghumai jaise, tetiya tar bemar bhall hoi jabo.” 13Jisu pora Lazarus mori jua laga kotha koi dise, kintu tarkhan pora ghumai kene aram loi ase eneka bujise. 14Tetiya Jisu he tarkhan ke sidha-sidhi koise, “Lazarus mori jaise, 15aru Moi tate nathaka tu tumikhan nimite khushi pai ase, eneka hole he tumikhan pora biswas koribo. Kintu ahhibi amikhan tar logot te jabo.” 16Eitu karne Thomas, kon ke Didimus eneka bhi mate tar pora dusera chella khan ke koise, “Ahhibi amikhan bhi Tar logot te moribo tate jabo.”
Moi He Ponuruthan Aru Jivon Ase
17Eitu homoi te ketiya Jisu ahhise, Lazarus tu moidam di kene char din hoi thakise. 18Bethany tu Jerusalem pora dui mile nisna usor te thakise, 19aru Jews manuh khan besi ahhi kene Mary aru Martha ke bhai mora karne mon shanti kori di thakise. 20Eitu karne ketiya Martha pora Jisu ahhi ase eneka hunise tai jai kene Jisu ke log korise, kintu Mary tu ghor te he bohi thakise. 21Martha pora Jisu ke koise, “Prabhu, jodi apuni iyate thakile, moi laga bhai tu namoribole thakise. 22Kintu etiya bhi Isor logot te apuni ki mangibo eitu Isor pora apuni ke dibo, eitu moi jane.” 23Jisu pora tai ke koise, “Tumi laga bhai tu ponurai uthi jabo.” 24Martha pora Tar ke koise, “Hekh din te ketiya ponuruthan hobo tetiya tar bhi uthi jabo eitu moi jane.” 25Jisu he tai ke koise, “Moi he ponuruthan aru jivon ase. Jikonu manuh he Moi ke biswas kore tar morile bhi aru jinda hobo, 26aru jikonu manuh jinda thaki kene aru Moi ke biswas kore, ketiya bhi namoribo. Tumi eitu biswas kori ase na nai?” 27Martha pora Jisu ke koise, “Hoi, Prabhu; prithibi te ahhibole thaka Khrista, Isor laga Putro tu Apuni he ase eitu moi biswas kore.”
Jisu Kandise
28Eitu kotha kua pasote Martha jaise aru tai laga bhoni Mary ke mati kene koise, “Guruji iyate ase aru tumi ke mati ase.” 29Aru Mary ketiya eitu hunise, joldi uthi kene Tar log koribole jaise. 30Eitu homoi te Jisu arubhi bosti te nahhi kene kon jaga te Martha log korise tate he thakise. 31Mon shanti kori kene thaka Jews khan pora ketiya Mary joldi uthi kene jaa dekhise taikhan bhi tai laga piche te jaise, kilemane taikhan pora bhabise tai koborsthan te kandibole jai ase. 32Mary ketiya Jisu thaka jaga pongchise, Jisu ke dekhise aru Tar laga theng te athukarhi kene koise, “Prabhu, jodi apuni iyate thakise hole, moi laga bhai namoribole thakise.” 33Ketiya Mary kandi thaka aru tai logote ahha Jews khan bhi kanda Jisu he dekhise Tar laga mon te bhi chuise aru atma te Tar besi dukh hoise. 34Aru Tar pora koise, “Tumikhan pora tar kot rakhise?” Tarkhan pora koise, “Prabhu, ahhibi aru sabi.” 35Jisu kandise. 36Eitu karne Jews khan pora koise, “Sabi, Tar pora Lazarus ke kiman bhi prem thakise!” 37Kintu konuba pora koise, “Kon pora soku andha manuh ke dekhibole dise Tar pora eitu manuh bhi namori kene bachai rakhibole pare thakise nahoi?”
Jisu Pora Lazarus Ke Jiyai Uthai Diya
38Tetiya mon te besi dukh hoi kene Jisu kobor sthan te jaise. Eitu gupha ekta thakise, aru pathor ekta pora eitu bond kori thakise. 39Jisu he koise, “Pathor tu hadai dibi.” Tetiya mora manuh laga bhoni Martha pora Tar ke koise, “Prabhu, etiya tu hole beya gundh ulabo, kilemane tar mori kene char din hoise.” 40Jisu he tai ke koise, “Jodi tumi biswas korile, Isor laga mahima tumi dekhibo eneka Moi kua nai neki?” 41Eitu karne tarkhan pora pathor tu hatai dise. Aru Jisu he Tar laga soku sorgo phale sai kene koise, “Pitri, Apuni Moi ke huni lua karne Moi dhanyabad di ase. 42Moi jane Apuni Moi ke hodai huni loi kintu iyate sob phale khara kori thaka manuh khan nimite, Moi eitu koi ase, eneka hole he apuni pora Moi ke pathaise eneka tarkhan pora biswas koribo.” 43Ketiya Tar pora eitu khan sob koise, Tar laga awaz dangor ulai kene matise, “Lazarus ulai ahhibi.” 44Mori kene thaka manuh tu ulai ahhise, tar laga haat aru theng norom kapoor pora bandhi kene thakise, aru tar laga chehera bhi kapoor pora bandhi kene thakise. Jisu pora tarkhan ke koise, “Tar ke khuli dibi aru jabole dibi.”
Jisu Morai Dibole Budhi
45Jews manuh khan kon Mary logot ahhise, taikhan pora Jisu pora ki korise eitu dekhi kene Tar logot te biswas korise, 46kintu konuba pharisees khan logot te jai kene Jisu pora ki korise eitu tarkhan ke koise. 47Eitu nimite prodhan puruhit aru pharisees khan laga sobha jama kori kene koise, “Amikhan ki koribo? Kilemane eitu manuh pora besi asorit sign dekhai ase. 48Jodi amikhan pora Tar eneka he jabole dile sob manuh pora Tar ke biswas korilobo aru Roman sorkar ahhi kene amikhan laga jaga aru zati sob loi lobo.” 49Kintu tarkhan majot te Caiaphas koi kene ekjon, heitu saal te mahan puruhit thakise tar pora tarkhan ke koise, “Tumikhan pora eku bhi najane, nahole buja bhi nabuji. 50Kilemane zati sob harai jua bodli ekjon manuh mora tu he bhall ase.” 51Tar nijor itcha te eitu kotha kua nahoi, kintu heitu saal te mahan puruhit hisap te tar pora zati karne Jisu moribole ase eneka bhavobani diya thakise, 52aru khali eitu ekta zati karne he nahoi, kintu Isor laga bacha khan sob jaga phale thaka jama kori kene ekta koribole ase. 53Eitu karne heitu din pora tarkhan he Jisu ke morai dibole budhi bonai loise.
54Eitu karne Jisu he Jews khan majot te khula-khula bera nai kintu tate pora jungol phale thaka Ephraim nagor te jaise aru chella khan logot te tate thaki jaise.
55Heitu homoi te Jews laga Par-Hua porokh usor te thakise aru besi manuh khan eitu nagor pora Jerusalem te nijor ke pobitro koribole jaise. 56Tarkhan pora Jisu ke bisarise aru girja ghor te tarkhan jama kora homoi te ekjon he ekjon ke koise, “Tumikhan pora bhi ki bhabna kori ase? Tar eitu porokh te nahhibo neki?” 57Heitu homoi te prodhan puruhit aru Pharisees khan pora hukum di kene thakise, jodi konuba pora Tar kot ase eitu janile tarkhan ke khobor janai dibo lage eneka koi thakise, tetiya tarkhan pora Tar ke dhori lobo.
ទើបបានជ្រើសរើសហើយ៖
JOHN 11: NagaMe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.
JOHN 11
11
Lazarus Mora Laga
1Eitu homoi te Mary aru tai laga bhoni Martha laga bosti Bethany te Lazarus koi kene manuh ekjon bemar thakise. 2Eitu Mary, kon he Prabhu logot te tel lagai dise aru tai laga chuli pora theng mushi dise tai laga bhai Lazarus he bemar thakise. 3Eitu karne bhoni khan pora Prabhu usor te manuh pathai kene koise, “Prabhu, Apuni kon ke prem kore tar bemar hoi ase.” 4Kintu ketiya Jisu pora eitu hunise, Tar he koise, “Eitu bemar tu moribole laga nahoi. Eitu Isor ke mahima koribo karne ase, eitu pora he Manuh laga Putro mahima kori lobo.”
5Jisu pora Martha aru bhoni Mary aru Lazarus ke prem kori thakise. 6Eitu karne ketiya Tar pora Lazarus bemar ase eneka hunise, Tar thaka jaga te arubhi dui din thaki jaise. 7Eitu pasote he Tar pora chella khan logot te koise, “Ahhibi amikhan aru Judea te jabo.” 8Chella khan pora Tar ke koise, “Rabbi, olop aage te he Jews khan pora Apuni ke pathor pora maribole bisarise, aru Apuni tate arubhi jabo neki?” 9Jisu pora jawab dise, “Ekdin te baroh ghonta ase nahoi neki? Jodi konuba pora din te berai, tar theng thokor lagi kene nagire, kilemane prithibi laga puhor pora tar dekhi ase. 10Kintu jodi konuba pora andhera te berai, tar theng te thokor lagi kene giri jai, kilemane puhor tar logot te nai.” 11Eitu kotha kua pasot te Tar pora chella khan ke koise, “Amikhan laga bondhu Lazarus tu bhall pora ghumai jaise, kintu Moi jai kene tar ke uthai dibo.” 12Chella khan pora Tar ke koise, “Prabhu, jodi tar ghumai jaise, tetiya tar bemar bhall hoi jabo.” 13Jisu pora Lazarus mori jua laga kotha koi dise, kintu tarkhan pora ghumai kene aram loi ase eneka bujise. 14Tetiya Jisu he tarkhan ke sidha-sidhi koise, “Lazarus mori jaise, 15aru Moi tate nathaka tu tumikhan nimite khushi pai ase, eneka hole he tumikhan pora biswas koribo. Kintu ahhibi amikhan tar logot te jabo.” 16Eitu karne Thomas, kon ke Didimus eneka bhi mate tar pora dusera chella khan ke koise, “Ahhibi amikhan bhi Tar logot te moribo tate jabo.”
Moi He Ponuruthan Aru Jivon Ase
17Eitu homoi te ketiya Jisu ahhise, Lazarus tu moidam di kene char din hoi thakise. 18Bethany tu Jerusalem pora dui mile nisna usor te thakise, 19aru Jews manuh khan besi ahhi kene Mary aru Martha ke bhai mora karne mon shanti kori di thakise. 20Eitu karne ketiya Martha pora Jisu ahhi ase eneka hunise tai jai kene Jisu ke log korise, kintu Mary tu ghor te he bohi thakise. 21Martha pora Jisu ke koise, “Prabhu, jodi apuni iyate thakile, moi laga bhai tu namoribole thakise. 22Kintu etiya bhi Isor logot te apuni ki mangibo eitu Isor pora apuni ke dibo, eitu moi jane.” 23Jisu pora tai ke koise, “Tumi laga bhai tu ponurai uthi jabo.” 24Martha pora Tar ke koise, “Hekh din te ketiya ponuruthan hobo tetiya tar bhi uthi jabo eitu moi jane.” 25Jisu he tai ke koise, “Moi he ponuruthan aru jivon ase. Jikonu manuh he Moi ke biswas kore tar morile bhi aru jinda hobo, 26aru jikonu manuh jinda thaki kene aru Moi ke biswas kore, ketiya bhi namoribo. Tumi eitu biswas kori ase na nai?” 27Martha pora Jisu ke koise, “Hoi, Prabhu; prithibi te ahhibole thaka Khrista, Isor laga Putro tu Apuni he ase eitu moi biswas kore.”
Jisu Kandise
28Eitu kotha kua pasote Martha jaise aru tai laga bhoni Mary ke mati kene koise, “Guruji iyate ase aru tumi ke mati ase.” 29Aru Mary ketiya eitu hunise, joldi uthi kene Tar log koribole jaise. 30Eitu homoi te Jisu arubhi bosti te nahhi kene kon jaga te Martha log korise tate he thakise. 31Mon shanti kori kene thaka Jews khan pora ketiya Mary joldi uthi kene jaa dekhise taikhan bhi tai laga piche te jaise, kilemane taikhan pora bhabise tai koborsthan te kandibole jai ase. 32Mary ketiya Jisu thaka jaga pongchise, Jisu ke dekhise aru Tar laga theng te athukarhi kene koise, “Prabhu, jodi apuni iyate thakise hole, moi laga bhai namoribole thakise.” 33Ketiya Mary kandi thaka aru tai logote ahha Jews khan bhi kanda Jisu he dekhise Tar laga mon te bhi chuise aru atma te Tar besi dukh hoise. 34Aru Tar pora koise, “Tumikhan pora tar kot rakhise?” Tarkhan pora koise, “Prabhu, ahhibi aru sabi.” 35Jisu kandise. 36Eitu karne Jews khan pora koise, “Sabi, Tar pora Lazarus ke kiman bhi prem thakise!” 37Kintu konuba pora koise, “Kon pora soku andha manuh ke dekhibole dise Tar pora eitu manuh bhi namori kene bachai rakhibole pare thakise nahoi?”
Jisu Pora Lazarus Ke Jiyai Uthai Diya
38Tetiya mon te besi dukh hoi kene Jisu kobor sthan te jaise. Eitu gupha ekta thakise, aru pathor ekta pora eitu bond kori thakise. 39Jisu he koise, “Pathor tu hadai dibi.” Tetiya mora manuh laga bhoni Martha pora Tar ke koise, “Prabhu, etiya tu hole beya gundh ulabo, kilemane tar mori kene char din hoise.” 40Jisu he tai ke koise, “Jodi tumi biswas korile, Isor laga mahima tumi dekhibo eneka Moi kua nai neki?” 41Eitu karne tarkhan pora pathor tu hatai dise. Aru Jisu he Tar laga soku sorgo phale sai kene koise, “Pitri, Apuni Moi ke huni lua karne Moi dhanyabad di ase. 42Moi jane Apuni Moi ke hodai huni loi kintu iyate sob phale khara kori thaka manuh khan nimite, Moi eitu koi ase, eneka hole he apuni pora Moi ke pathaise eneka tarkhan pora biswas koribo.” 43Ketiya Tar pora eitu khan sob koise, Tar laga awaz dangor ulai kene matise, “Lazarus ulai ahhibi.” 44Mori kene thaka manuh tu ulai ahhise, tar laga haat aru theng norom kapoor pora bandhi kene thakise, aru tar laga chehera bhi kapoor pora bandhi kene thakise. Jisu pora tarkhan ke koise, “Tar ke khuli dibi aru jabole dibi.”
Jisu Morai Dibole Budhi
45Jews manuh khan kon Mary logot ahhise, taikhan pora Jisu pora ki korise eitu dekhi kene Tar logot te biswas korise, 46kintu konuba pharisees khan logot te jai kene Jisu pora ki korise eitu tarkhan ke koise. 47Eitu nimite prodhan puruhit aru pharisees khan laga sobha jama kori kene koise, “Amikhan ki koribo? Kilemane eitu manuh pora besi asorit sign dekhai ase. 48Jodi amikhan pora Tar eneka he jabole dile sob manuh pora Tar ke biswas korilobo aru Roman sorkar ahhi kene amikhan laga jaga aru zati sob loi lobo.” 49Kintu tarkhan majot te Caiaphas koi kene ekjon, heitu saal te mahan puruhit thakise tar pora tarkhan ke koise, “Tumikhan pora eku bhi najane, nahole buja bhi nabuji. 50Kilemane zati sob harai jua bodli ekjon manuh mora tu he bhall ase.” 51Tar nijor itcha te eitu kotha kua nahoi, kintu heitu saal te mahan puruhit hisap te tar pora zati karne Jisu moribole ase eneka bhavobani diya thakise, 52aru khali eitu ekta zati karne he nahoi, kintu Isor laga bacha khan sob jaga phale thaka jama kori kene ekta koribole ase. 53Eitu karne heitu din pora tarkhan he Jisu ke morai dibole budhi bonai loise.
54Eitu karne Jisu he Jews khan majot te khula-khula bera nai kintu tate pora jungol phale thaka Ephraim nagor te jaise aru chella khan logot te tate thaki jaise.
55Heitu homoi te Jews laga Par-Hua porokh usor te thakise aru besi manuh khan eitu nagor pora Jerusalem te nijor ke pobitro koribole jaise. 56Tarkhan pora Jisu ke bisarise aru girja ghor te tarkhan jama kora homoi te ekjon he ekjon ke koise, “Tumikhan pora bhi ki bhabna kori ase? Tar eitu porokh te nahhibo neki?” 57Heitu homoi te prodhan puruhit aru Pharisees khan pora hukum di kene thakise, jodi konuba pora Tar kot ase eitu janile tarkhan ke khobor janai dibo lage eneka koi thakise, tetiya tarkhan pora Tar ke dhori lobo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, The Bible Society of India
All rights reserved.