Luka 15
15
Oluchelo lwelikondi eliakora
(Mat. 18.10-14)
1Abasololi bobushuru nende aboonooni bosi bali nibamusitilanga ahambi okhuhulila akeke. 2Ne abaFarisayo nende abahandiichi bosi nibabuuluula, bari Omundu uno yeenjisinjia aboonooni, khandi alia ninabo. 3Mana naboopela oluchelo luno, ari 4Nimundu shiina mwinywe ouba nali nende amakondi eshikhumi, elala khuko nilikorile, ne naralekha kalia amakhumi shienda nashienda mushitsiimi, walondachilila lienelo elikorile, okhuula olwa alinyoola? 5Ne olwa aba nalinyoolile, alireetsanga khumabeka, niyeekhoya. 6Ne olwa yoola hango, alanga abeetsabe nende abamenyanibe halala, nabasunjila ari Mwikhoye ninasi, okhuba enyoolile likondi lianje elibeele nilikorile. 7Emuboolela mbu nilwo olwa khulabaho okhwikhoya mwikulu khulwa omwonooni mulala owikalukhasia, okhushila abandu abalunjishi amakhumi shienda nashienda abaratakha okhwikalukhasia ta.
Oluchelo Iweishilingi eyakora
8Kata nimukhasi shiina ouba nali nende tsishilingi ekhumi, ndala khutsio niyimukorakhwo, ne narahambia itaha wachieya inzu nakhaaba butinyu okhuula olwa achinyoola? 9Ne olwa aba nachinyoolile, alanga abeetsabe nende abamenyanibe halala, nasunga ari Mwikhoye ninasi, okhuba enyoolile ishilingi eyibeele niyingorilekhwo. 10Emuboolela mbu nindio okhwikhoya khubeetsangaho ewa abamalaika baNyasaye bali khulwa omwonooni mulala owikalukhasia.
Oluchelo Iwomusiani owakora
11Nasunga mbu Yaliho omusaatsa owali nende abaanabe abasiani babili; 12omushe namusunjila samwana ari Papa, umbeelesie omukabo okwokhumianduchio okwitsa okhungwila. Naye nabakabila biosi ebia yakheekhoonyeelenje. 13Mana olunyuma lwetsindaalo tsinduutu omushe oyo yakhung'aasia biosi, nabuusia oluchendo okhutsia mushialo shiehale; ne ebweneyo yasalaasia emianduchie mubikhole biobwilaasi. 14Ne olwa yali nachimalile chiosi, inzala ikhongo niyiinjila mushialo eshio; naye nachaaka okhutamba. 15Kho yatsia niyeeyunga khumundu undi weshialo eshio; naye namuruma mubwayilo okhwaya tsimbiitsi. 16Ne yeekombanga okhwikura khumakhoba aka tsimbiitsi tsiali nitsiliitsanga; ne yabulaho owamuheelesia eshindu. 17Ne olwa yalaba tsimoni, yaboola mbu Abakholi bapapa nabanji butswa abali nebiliibwa ebibahela nibishilaana, nasi nifwilanga hano inzala. 18Ndalarula nimutsiila papa, nimusunjila mbu Papa, ndayoonoona imbeli welikulu nende mumonitsio; 19shingwanile okhulangwa omwanawo khandi ta; ukhole embe shinga mulala owokhubakholibo. 20Kho narula, natsia ewasamwana. Ne olwa yali nashili ehale, samwana yamulola, eshisa nishimuhamba, niyeelukha, nakwa mwikosilie, namutsunzuuna. 21Omwanawe namusunjila mbu Papa, ndayoonoona imbeli welikulu nende mumonitsio; shingwanile okhulangwa omwanawo khandi ta. 22Nebutswa samwana nasunjila abasumbabe ari Khole bwangu, muleere ikanzu indayi, mumufwale; mana mure ingaka khumukhonokwe, nende ebilaaro mubilenje; 23khandi muleere eshimoosi shilia eshianesibwa, mushiire, khulie nikhutsatsahala; 24okhuba omwana wanje uno yali nafwile, ne ulamuushe; yali niyakora, ne unyooleeshe. Nibachaaka okhutsatsahala.
25Ne omwanawe omukhulundu yali nali mumukunda. Ne olwa yeetsa nasita ahambi neinzu, yahulila obukhana nende okhushina. 26Mana nalanga mulala khubakholi, nareeba mbu kakhali karie? 27Naye namuboolela mbu Omusiani weenywe witsile; mana so wirile eshimoosi shilia eshianesibwa, shichila amunyoolile nali omuIamba. 28Naye nasinyikha, naloba okhwinjila; mana samwana niyeetsa namusaaya. 29Ne yakalusia nasunjila samwana ari Lola, emiyika chino eminji ekhukhalabanilanga, kata shikhayile lilakolio kata elala tawe; nebutswa shiwayambeelesiakhwo eshimeeme, mbu enzatsahale halala nende abeetsa banje, ta. 30Ne uno omwanawo olwa yeetsile owahululila mubatamba ebia wakheekhoonyeelenje, omwiriile eshimoosi shilia eshianesibwa. 31Naye namusunjila mbu Mwana wanje, khubeetsanga ninawe tsindaalo tsiosi, ne biosi ebia endi ninabio nebibio. 32Ne kakhoyeele okhutsatsahala nokhusangaala; okhuba uno omwana weenywe yali nafwile, ne ulamuushe; yali niyakora, ne unyooleeshe.
ទើបបានជ្រើសរើសហើយ៖
Luka 15: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
