Luka 13
13
Wikalukhasie, oleshe okhutiba
1Haho khunduukho yeneyo bali nibaliho abandi abamuboolela akabaGalilaya abo aba Pilato yeebeenia amatsayi kabwe, nikatsokana nende akemisango chiabwe. 2Naye nakalusia, nabareeba ari Mukaala mbu abaGalilaya abo na boonooni okhushila abaGalilaya bosi, shichila basaalila khumakhuwa ako? 3Emukaania mbu tawe; ne nimureekalukhasia ta, mwesi mulatiba muri nanwa. 4Kata abo ekhumi namunaane, aba omunaara kwakwila eSiloamu, nikubeera, mukaala mbu bali aboonooni okhushila abandu bosi abamenyanga eYerusalemu? 5Emukaania mbu tawe; ne nimureekalukhasia ta mwesi mulatiba murio.
Oluchelo Iwomukhuyu omukumba
6Naboopela oluchelo luno: mbu Omundu undi yali nende omukhuyu okwa yali niyaraaka mumukundakwe kwemitsabibu; ne yatsiayo nakhaabakhwo ebiamo, narabinyoola ta. 7Mana yasunjila omulindi wemitsabibuchie ari Lola, bulaano nemiyika chitaru ninzitsanga nikhaaba ebiamo khumukhuyu kuno, nindanyoolangakhwo ta; okureme; mbushiina nikusasinjia butswa liloba? 8Naye nakalusia, namusunjila mbu Omwami, lekha kube omuyika kuno khandi, okhuula olwa ndalakulimila niraho amasingo; 9mana olunyuma nikuba nikwama ebiamo, nobulayi; ne nikuraama ta, olakurema.
Omukhasi omuteshele yahonibwa khuSabato
10Ne yali niyeechesinjia musinagogi yindi khunyanga yaSabato. 11Ne lola, omukhasi owalinji neiroho yobuteshele emiyika ekhumi namunaane; nali niyeekota muno, naranyala okhuchinguukha ta. 12Ne olwa Yesu yamulola, yamulanga, namusunjila mbu Mama, wakhabohololwa mubuteshelebwo. 13Mana namurakhwo amakhono; ne nonoho yakololokha, namwitsoomia Nyasaye. 14Naye omukhulundu weisinagogi, olwa yasinyikha muno shichila Yesu ahoniye omundu khuSabato, yakalusia nasunjila abomukanda ari Tsiliho tsindaalo tsisasaba etsia abandu bakhoyile okhukholelamwo emilimo; kho mwitsenje mutsienetsio muhonibwe, ne khunyanga yaSabato tawe. 15Nebutswa Omwami nakalusia, namusunjila mbu Inywe abeekaatii, buli mundu khwinywe shiabohololanga ing'ombeye kata isishiliye mukhonje khuSabato, wachiyila mumwalo okhunywa? 16Kata omukhasi uno, olwa ali omwitsukhulu waAburahamu, owa Setani yaboha emiyika chino ekhumi namunaane, shiakhoyile okhubohololwa mububohe obwo khunyanga yaSabato? 17Ne olwa yasunganga amakhuwa ako, abamayinjebe bosi bafwimbwa emirwe; abomukanda bosi nibasangaalila amakhuwa koluyali ako kosi akakholwa ninaye.
Oluchelo Iwolufwa Iwelisaatsi
(Mat. 13.31-32; Mk. 4.30-32)
18Kho mana naboola mbu Obwami bwaNyasaye bufwanana nende shiina? Kata nembuchelasie nende shiina? 19Bufwana shinga imoni ndala yolufwa Iwelisaatsi, eya omundu yabukula nafuuba mushirundushie; nayo niyikhula, niyiikhola omusaala; amanyonyi akokhwikulu nako nikeekhala mumasaka kakwo.
Oluchelo lwamamela
(Mat. 13.33)
20Nasunga khandi, ari Nenjelasie nende shiina obwami bwaNyasaye? 21Bufwana shinga amamela, aka omukhasi undi yabukula natsokasia mubimwelo bitaru biobusie, okhuula bwosi olwa bwafwimba.
Eshilibwa eshinyelele
(Mat. 7.13-14,21-23)
22Ne yabira mumatookho nende amataala, niyeechesinjia, natsiilililanga okhuula eYerusalemu. 23Oundi namureeba ari Omwami, abahonibungwa nabatuutu noho? 24Naye nabasunjila ari Mwitinyilisie okhwinjila nimubirila mumuliango omunyelele; shichila emuboolela mbu nabanji abalakhaaba okhwinjilamwo, ne shibalanyala ta. 25Olwa omwenengo alaba namalile okhusinjila, niyeekaale omuliango, inywe nimuchaaka okhusinjila elwanyi nokhukhong'onda khumuliango, nimuboola muri Omwami, okhwikulile; naye nakalusia namusunjila ari Shimumanyile ewa murulile ta; 26mana mulachaaka okhuboola muri Khwaliitsanga nikhunywa noliho, khandi wayeechesienje mumataala keefwe; 27naye alasunga ari Emuboolela mbu Shimanyilekhwo ewa murula tawe; mu'rulekhwo, inywe abakholi bobumayaanu mwesi. 28Khulibayo okhulila nokhulumaasia ameeno olwa mulilola Aburahamu nende Isaka nende Yakobo, nende abanabii bosi, mubwami obwomwikulu, neenyu abeene nimusukunwa elwanyi. 29Ne baliitsa nibarula ebukwe nende mumbo, khandi okhurula enotsi nende esautsi, nibeekhala mubwami bwaNyasaye. 30Ne lole, baliho abeinyuma abalaba abambeli, khandi baliho abambeli abalaba abeinyuma.
Yesu yeekhuulila Yerusalemu
(Mat. 23.37-39)
31Khushise shieneshio abaFarisayo bandi nibeetsa, nibamusunjila bari Rula, ohweho; okhuba Herode yeenya okhukhwira. 32Naye nabakalusia mbu Tsie muboolele libwe mwenoyo, muri Lola, erusia amadimoni nende okhuhonia abalwale leelo, nende mukamba, ne khulwakhataru ekholwa omulamba. 33Nebutswa ekhoyile okhutsiililila leelo nende mukamba nende mukamba kwokhubili; okhuba shikanyalikha omunabii okhufwila elwanyi weYerusalemu ta.
34E Yerusalemu, Yerusalemu, iwe owiranga abanabii nobalasa namachina abo abakhurumilwa! Nakhandi akhanji nimbeelenje ninzenya okhukhung'aasia abaanabo halala, shinga inyafusi olwa yikhung'aasia ebimiinywi biayo mumbaha tsiayo; ne shimwafuchiilila ta! 35Lole, inzu yeenywe yimulesheelwe niyili likunda; nasi emusunjila mbu shimulindolakhwo khandi ta okhuula olwa muliboola mbu Owitsa muliira liOmwami yeetsoomibwe!
ទើបបានជ្រើសរើសហើយ៖
Luka 13: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
