Yohana 12
12
Yesu yabashilwa amafura eBetsania
(Mat. 26.6-13; Mk. 14.3-9)
1Mana olwa tsiali nitsishili tsindaalo tsisasaba okhuula khuPasaka, Yesu yoola eBetsania, ewa Lazaro yali, owa Yesu yalamusia mukhufwa. 2Khonibamukholelayolisabo; naye Maritsa nakhalabana; ne Lazaro yali mulala khubo aba yeekhala ninabo nibaliitsanga. 3Mana Mariamu nabukula iratili yamafura keshing'aari, akobukusi obutinyu, nabakha ebilenje biaYesu, niyeeya ebilenje tsana nendeliswilie; inzu yosi niyiitsulamwo eshiuya shiamafura ako. 4Ne Yuda Isikariote, mulala owokhubeechibe, owali nali okhumukhoba, yasunga ari 5Mbushiina amafura ako nikarakusibwa tsitinari ebikhumi bitaru, natsio nitsihaanilwa abamanani? 6Ne shiyasunga ario shichila yahendela abamanani tawe; habula shichila yali omwibi; ne nali nende iloloti, yali nabukulanga ebiareebungwamwo. 7Kho Yesu naboola ari Lekha akabiishile inyanga yokhuyabilwa khwanje. 8Okhuba abamanani mubeetsanga ninabo tsindaalo tsiosi; nebutswa isie shimuli ninasi tsindaalo tsiosi ta.
Abeemilisi basanjila Lazaro
9Mana obunji bwabandu sbomubaYnhudi baboolelwa shinga olwa yali naliyo; nibeetsa, ne shikhwali khulwa Yesu yenyene ta, habula mbu bamulole Lazaro yesi, owa yali nalamusiye mukhufwa. 10Ne abakhulumdu babakuhani basanjilana mbu bamwire kata Lazaro yesi; 11shichila khululwe abanji abokhubaYahudi barula mubo, nibamusuubilila Yesu.
Yesu yeenjila muYerusalemu nomwikhoyo
(Mat. 21.1-11; Mk. 11.1-11; Lk. 19.28-40)
12Mana mukamba omukanda omukhongo kwabo abali nibeetsile khwisabo, olwa bahulila mbu Yesu yeetsa eYerusalemu, 13nibabukula amasaka kemishindu, nibarula nibatsia okhumwakaanila, nibalanjisia bari Hosana; owitsa muliira liOmwami yeetsoomibwe, niye Omuruchi waIsiraeli. 14Naye Yesu, olwa yali nanyoolile eshimoosi shieisishili, yaniinakhwo; shinga olwa kahandiikwa, mbu 15Oraria ta, iwe omukhaana weSayuni; lola, Omuruchiwo yeetsa, naniinile khushimoosi shieisishili. 16Abeechibe shibatiila khushisina shiamakhuwa ako olwambeli ta; ne olwa Yesu yali niyeemeekhwe muluyali, mana nibeetsulila shinga amakhuwa ako olwa kahandiikwa khuye, khandi shinga olwa bali nibamukholela amakhuwa ako. 17Kho omukanda kwabo abali ninaye olwa yalanga Lazaro arule mung'ani, namulamusia mukhufwa, barumbula akobuloli. 18Khandi niko akachila abomukanda nibatsia okhumwakaanila, okhuba bali nibahuliile shinga olwa yakhola eshilolelo eshio. 19Kho abaFarisayo nibasunga abeene nabeene, bari Muluutsi, mbu shimunyala likhuwa ta; lole, eshialo shiosi shimulondakhwo.
AbaYunani bandi bakhaaba Yesu
20Ne baliho abaYunani bandi mubeenabo abali nibatikuluushe nibatsia okhwinamila Nyasaye mwisabo lienelo; 21abo nibeetsela Filipo, owali weBetsesaida muGalilaya, nibamusaba bari Omwami, khwenya okhumulolakhwo Yesu. 22Filipo natsia namuboolela Anderea; kho Anderea natsia halala nende Filipo, nibamuboolela Yesu. 23Yesu nabakalusia, nasunga mbu Eshise shiulile olwa Omwana wOmundu akhoyile okhwemekhwa muluyali. 24Toto mwene, emusunjila mbu imwo yeingano niyiralakakha mwiloba nende okhufwa ta, yimenyanga eyene yonyene; ne niyiba niyifwa, yiibula ebiamo ebinji. 25Ouheela obulamubwe, abukosia; ne ouchwang'a obulamubwe mushialo shino, alabeetsanga ninabwo okhuula khubulamu bwobumeli. 26Omundu yesi naba niyakhalabanila, yanondekhwo; mana ewa endi isie, habwenaho omukhalabani wanje yesi alabaho; omundu yesi naba niyakhalabanila, Papa alamuheelesia oluyali.
Yesu yaboola akokhufwakhwe
27Ne bulaano omwoyo kwanje kunyakhana muno; esunje endie? Mbu Papa, umbonie mushise shino? Mbula, kano niko akachila ninzula khushise shino. 28Papa, khulunduyia eliiralio. Mana omwoyo nikurula mwikulu, kuri NdalikhuIunduyia, khandi ndalalikhulunduyia. 29Kho abomukanda abali nibasinjiileho nibahulila, basunga mbu likulu likukuume; abandi nibasunga mbu malaika asungaane ninaye. 30Naye Yesu nakalusia, nasunga mbu Omwoyo kuno shikwitsile khulwanje ta, habula khulweenywe. 31Bulaano eshialo shino shikhalachilwa eshiina; bulaano omukhulundu weshialo shino alasukunwa elwanyi. 32Nasi, niba ninjinguulwa ikulu weshialo, ndalakhwesa abandu bosi ewa endi. 33Ne yasunga ako namanyia okhufwakhwe shinga olwa khwitsa okhufwana. 34Mana abomukanda nibamukalusia bari Khwahuliile mumalako mbu Kristo watsana amenyangaho obushia nobushia; nawe oboola orie mbu Omwana wOmundu akhoyile okhuchinguulwa? Omwana wOmundu uno niye wina? 35Kho Yesu nabasunjila ari Obulafu mushili ninabwo eshise eshitiiti butswa. Muchende nimushili nobulafu tsana, eshiilima shileshe okhumunyoolelesia; noyo ouchenda mushiilima shiamanya ewa atsia ta. 36Olwa mushili nobulafu, suubilile obulafu, mbu mana mwikhole abaana bobulafu.
AbaYahudi babule obusuubiili
Yesu yaboola amakhuwa ako, mana niyeenyokha nabeebisakhwo. 37Ne kata olwa yali nakholile ebilolelo ebinji birio imbeli wabwe, ne shibamusuubilila ta, 38mbu likhuwa liaIsaya omunabii liusibwe, olwa yaboola mbu
Omwami, niwina ousuubiile aka khuhuliile if we?
Kata niwina owa omukhono kwOmwami kwafwimbulilwa?
39Niko akachila nibakhaywa okhusuubila, shishila Isaya yasunga khandi, ari
40Yababofusiye tsimoni, naboomia emioyo,
baleshe okhulola netsimoni tsiabwe,
nokhumanya eshisina nemioyo chiabwe,
nibashiukhana nasi nimbahonia.
41Isaya yaboola amakhuwa ako shichila yalola oluyalilwe; khandi yaboola khukeke. 42Nebutswa kata khubakhulundu beene abanji bamusuubilila; ne khulwa abaFarisayo, shibayeeyama ta; bakharusibwa musinagogi; 43okhuba baheela oluyali lwabandu okhushila oluyali lwaNyasaye.
Likhuwa liaYesu nilio eliyaasia
44Mana Yesu yalanjisia, nasunga ari Ousuubilila isie, shiasuubilila isie ta, habula oyo owaruma. 45Kata ouhenga isie amuhenga oyo owaruma. 46Isie ndeetsa embe obulafu mushialo, mbu omundu yesi ousuubilila aleshenje okhumenya mushiilima. 47Ne omundu yesi naba nahulila amasungo kanje narakakhola ta, isie shimuyaasia ta; okhuba shindayeetsa okhuyaasia eshialo ta habula okhuhonia eshialo. 48Oufukula isie, narafuchiilila amasungo kanje ta, ali nende oumuyaasia; likhuwa elia ndaboola, lienelo lilimuyaasia khunyanga yobumaliilishi. 49Shichila shimboolanga khubwanje omwene ta; ne Papa owaruma neniye owandachilisia shinga olwa ndakhaboola khandi shinga olwa ndakhasunga. 50Nasi emanyile mbu lilakolie nilio obulamu bwobumeli; kho amakhuwa aka emboola, shinga Papa olwa yasunjile, nindio emboola.
ទើបបានជ្រើសរើសហើយ៖
Yohana 12: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Yohana 12
12
Yesu yabashilwa amafura eBetsania
(Mat. 26.6-13; Mk. 14.3-9)
1Mana olwa tsiali nitsishili tsindaalo tsisasaba okhuula khuPasaka, Yesu yoola eBetsania, ewa Lazaro yali, owa Yesu yalamusia mukhufwa. 2Khonibamukholelayolisabo; naye Maritsa nakhalabana; ne Lazaro yali mulala khubo aba yeekhala ninabo nibaliitsanga. 3Mana Mariamu nabukula iratili yamafura keshing'aari, akobukusi obutinyu, nabakha ebilenje biaYesu, niyeeya ebilenje tsana nendeliswilie; inzu yosi niyiitsulamwo eshiuya shiamafura ako. 4Ne Yuda Isikariote, mulala owokhubeechibe, owali nali okhumukhoba, yasunga ari 5Mbushiina amafura ako nikarakusibwa tsitinari ebikhumi bitaru, natsio nitsihaanilwa abamanani? 6Ne shiyasunga ario shichila yahendela abamanani tawe; habula shichila yali omwibi; ne nali nende iloloti, yali nabukulanga ebiareebungwamwo. 7Kho Yesu naboola ari Lekha akabiishile inyanga yokhuyabilwa khwanje. 8Okhuba abamanani mubeetsanga ninabo tsindaalo tsiosi; nebutswa isie shimuli ninasi tsindaalo tsiosi ta.
Abeemilisi basanjila Lazaro
9Mana obunji bwabandu sbomubaYnhudi baboolelwa shinga olwa yali naliyo; nibeetsa, ne shikhwali khulwa Yesu yenyene ta, habula mbu bamulole Lazaro yesi, owa yali nalamusiye mukhufwa. 10Ne abakhulumdu babakuhani basanjilana mbu bamwire kata Lazaro yesi; 11shichila khululwe abanji abokhubaYahudi barula mubo, nibamusuubilila Yesu.
Yesu yeenjila muYerusalemu nomwikhoyo
(Mat. 21.1-11; Mk. 11.1-11; Lk. 19.28-40)
12Mana mukamba omukanda omukhongo kwabo abali nibeetsile khwisabo, olwa bahulila mbu Yesu yeetsa eYerusalemu, 13nibabukula amasaka kemishindu, nibarula nibatsia okhumwakaanila, nibalanjisia bari Hosana; owitsa muliira liOmwami yeetsoomibwe, niye Omuruchi waIsiraeli. 14Naye Yesu, olwa yali nanyoolile eshimoosi shieisishili, yaniinakhwo; shinga olwa kahandiikwa, mbu 15Oraria ta, iwe omukhaana weSayuni; lola, Omuruchiwo yeetsa, naniinile khushimoosi shieisishili. 16Abeechibe shibatiila khushisina shiamakhuwa ako olwambeli ta; ne olwa Yesu yali niyeemeekhwe muluyali, mana nibeetsulila shinga amakhuwa ako olwa kahandiikwa khuye, khandi shinga olwa bali nibamukholela amakhuwa ako. 17Kho omukanda kwabo abali ninaye olwa yalanga Lazaro arule mung'ani, namulamusia mukhufwa, barumbula akobuloli. 18Khandi niko akachila abomukanda nibatsia okhumwakaanila, okhuba bali nibahuliile shinga olwa yakhola eshilolelo eshio. 19Kho abaFarisayo nibasunga abeene nabeene, bari Muluutsi, mbu shimunyala likhuwa ta; lole, eshialo shiosi shimulondakhwo.
AbaYunani bandi bakhaaba Yesu
20Ne baliho abaYunani bandi mubeenabo abali nibatikuluushe nibatsia okhwinamila Nyasaye mwisabo lienelo; 21abo nibeetsela Filipo, owali weBetsesaida muGalilaya, nibamusaba bari Omwami, khwenya okhumulolakhwo Yesu. 22Filipo natsia namuboolela Anderea; kho Anderea natsia halala nende Filipo, nibamuboolela Yesu. 23Yesu nabakalusia, nasunga mbu Eshise shiulile olwa Omwana wOmundu akhoyile okhwemekhwa muluyali. 24Toto mwene, emusunjila mbu imwo yeingano niyiralakakha mwiloba nende okhufwa ta, yimenyanga eyene yonyene; ne niyiba niyifwa, yiibula ebiamo ebinji. 25Ouheela obulamubwe, abukosia; ne ouchwang'a obulamubwe mushialo shino, alabeetsanga ninabwo okhuula khubulamu bwobumeli. 26Omundu yesi naba niyakhalabanila, yanondekhwo; mana ewa endi isie, habwenaho omukhalabani wanje yesi alabaho; omundu yesi naba niyakhalabanila, Papa alamuheelesia oluyali.
Yesu yaboola akokhufwakhwe
27Ne bulaano omwoyo kwanje kunyakhana muno; esunje endie? Mbu Papa, umbonie mushise shino? Mbula, kano niko akachila ninzula khushise shino. 28Papa, khulunduyia eliiralio. Mana omwoyo nikurula mwikulu, kuri NdalikhuIunduyia, khandi ndalalikhulunduyia. 29Kho abomukanda abali nibasinjiileho nibahulila, basunga mbu likulu likukuume; abandi nibasunga mbu malaika asungaane ninaye. 30Naye Yesu nakalusia, nasunga mbu Omwoyo kuno shikwitsile khulwanje ta, habula khulweenywe. 31Bulaano eshialo shino shikhalachilwa eshiina; bulaano omukhulundu weshialo shino alasukunwa elwanyi. 32Nasi, niba ninjinguulwa ikulu weshialo, ndalakhwesa abandu bosi ewa endi. 33Ne yasunga ako namanyia okhufwakhwe shinga olwa khwitsa okhufwana. 34Mana abomukanda nibamukalusia bari Khwahuliile mumalako mbu Kristo watsana amenyangaho obushia nobushia; nawe oboola orie mbu Omwana wOmundu akhoyile okhuchinguulwa? Omwana wOmundu uno niye wina? 35Kho Yesu nabasunjila ari Obulafu mushili ninabwo eshise eshitiiti butswa. Muchende nimushili nobulafu tsana, eshiilima shileshe okhumunyoolelesia; noyo ouchenda mushiilima shiamanya ewa atsia ta. 36Olwa mushili nobulafu, suubilile obulafu, mbu mana mwikhole abaana bobulafu.
AbaYahudi babule obusuubiili
Yesu yaboola amakhuwa ako, mana niyeenyokha nabeebisakhwo. 37Ne kata olwa yali nakholile ebilolelo ebinji birio imbeli wabwe, ne shibamusuubilila ta, 38mbu likhuwa liaIsaya omunabii liusibwe, olwa yaboola mbu
Omwami, niwina ousuubiile aka khuhuliile if we?
Kata niwina owa omukhono kwOmwami kwafwimbulilwa?
39Niko akachila nibakhaywa okhusuubila, shishila Isaya yasunga khandi, ari
40Yababofusiye tsimoni, naboomia emioyo,
baleshe okhulola netsimoni tsiabwe,
nokhumanya eshisina nemioyo chiabwe,
nibashiukhana nasi nimbahonia.
41Isaya yaboola amakhuwa ako shichila yalola oluyalilwe; khandi yaboola khukeke. 42Nebutswa kata khubakhulundu beene abanji bamusuubilila; ne khulwa abaFarisayo, shibayeeyama ta; bakharusibwa musinagogi; 43okhuba baheela oluyali lwabandu okhushila oluyali lwaNyasaye.
Likhuwa liaYesu nilio eliyaasia
44Mana Yesu yalanjisia, nasunga ari Ousuubilila isie, shiasuubilila isie ta, habula oyo owaruma. 45Kata ouhenga isie amuhenga oyo owaruma. 46Isie ndeetsa embe obulafu mushialo, mbu omundu yesi ousuubilila aleshenje okhumenya mushiilima. 47Ne omundu yesi naba nahulila amasungo kanje narakakhola ta, isie shimuyaasia ta; okhuba shindayeetsa okhuyaasia eshialo ta habula okhuhonia eshialo. 48Oufukula isie, narafuchiilila amasungo kanje ta, ali nende oumuyaasia; likhuwa elia ndaboola, lienelo lilimuyaasia khunyanga yobumaliilishi. 49Shichila shimboolanga khubwanje omwene ta; ne Papa owaruma neniye owandachilisia shinga olwa ndakhaboola khandi shinga olwa ndakhasunga. 50Nasi emanyile mbu lilakolie nilio obulamu bwobumeli; kho amakhuwa aka emboola, shinga Papa olwa yasunjile, nindio emboola.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975