Yohana 13
13
Yesu yoosia abeechi ebiletlie
1Ne lisabo liaPasaka olwa liali nilishili, Yesu olwa yali namanyile mbu eshiseshie shimalile okhuula olwa yakheenyokha narula mushialo shino natsia ewaSamwana, khandi olwa yali naheelile abebe abali mushialo, yabaheelela elala. 2Nolwa bali nibalitsanga ebiliibwa biamungoloobe, olwa Setani yali namalile okhwinjisia likhuwa mumwoyo kwaYuda Osikariote waSimoni mbu amukhobane; 3Yesu, namanyile mbu Samwana yali nahaanile kosi mumakhonoke, khandi mbu yarula ewaNyasaye khandi atsia ewaNyasaye 4yarula khubiliibwa, nara tsingubotsie elubeke, nabukula itawulo, niyeeboha. 5Mana yatsukha amatsi mubeseni, nachaaka okhwosia abeechi ebilenje, nabieya nende itawulo tsana eya yali niyeeboheele. 6Kho niyoola khuSimoni Petero. Naye namusunjila ari Omwami, khane unzosie ebilenje bianje? 7Yesu nakalusia, namusunjila ari Elia ekhola, shiolimanya bulaano ta; ne olamanya eshisina olunyumakhwo. 8Naye Petero namusunjila ari Shiolanzosia ebilenje bianje nahatuutu ta. Yesu namukalusia ari Nimba nindakhwosia ta, shiolaba neshisango ninasi tawe. 9Simoni Petero namusunjila ari Omwami, ebilenje bionyene ta, habula nende amakhono kanje nomurwe biosi. 10Yesu namuboolela mbu Ouba namalile okhwisinga shiatamba eshindi ta, habula okhwosia ebilenje bionyene, mana aba omulafu omubili kwosi; neenyu muli abalafu, ne mwesi ta. 11Okhuba yamanya oyo owakhamukhoba; niko akachila nasunga mbu Shimuli abalafu mwesi ta.
12Kho olwa yali niyakhaboosia ebilenje, niyakhabukula tsingubotsie, niyakheekhala khandi yabareeba ari Mumanyile elia emukholilekhwo shinga olwa lili? 13Inywe munanga mbu Omwechesia, khandi mbu Omwami; ne muboolanga bulayi; shichila nilwo olwa endi. 14Kho isie, Omwami khandi Omwechesia, nimba nimwosiye ebilenje, neenyu mukhoyile okhwosaninjia ebilenje. 15Okhuba emuheele eshilolelo, mbu nineenywe mukhoyile okhukholanga shinga isie olwa emukholeele. 16Toto mwene, emusunjila mbu omusumba shiashila omwamiwe ta; kata omurume shiashila oyo owamuruma tawe. 17Nimuba nimumanyile amakhuwa kano, muli abeikhabi nimuba nimukakhola. 18Shimboola khwinywe mwesi ta; emanyile abo aba ndalobola; habula mbu amahandiiko koosibwe, mbu Ouliitsanga khubiliibwa bianje, yanjinguulila eshisisilo. 19Okhurula olwa leelo emuboolela nikashili okhwikhola, mbu olwa kalaba nikeekholile, munyale okhusuubila mbu ISIE NISIE. 20Toto mwene, emusunjila mbu oumwinjisia omundu yesi owa eruma, yanzinjisia isie; nounzinjisia isie, amwinjisia oyo owaruma.
Yesu yaboola khale akokhukhobwakhwe
(Mat. 26.20-25; Lk. 14.17-21; Lk. 22.21-23)
21Olwa Yesu yali nasunjile ario, yanyakhana muno mumwoyo, narumbukha, nasunga ari Toto mwene, emusunjila mbu mulala khwinywe alakhoba. 22Abeechi abo nibahengana, nibakanakania mbu niwina owa aboolakhwo. 23Ne yaliho hameesa mulala owokhubeechibe, nakonile hashilifu shiaYesu, owa Yesu yaheela. 24Kho Simoni Petero yamusima' omwenoyo nomukhono, namusunjila mbu Okhuboolele mbu niwina owa aboolakhwo. 25Naye niyeesetamiye ario, shinga olwa yali, khushilifu shiaYesu, namureeba ari Omwami, niwina? 26Kho Yesu nakalusia mbu Nomwenoyo owa enzitsa okhumutonjela eshironje, nimuheelesia. Mana olwa yali natonjile eshironje, yashibukula namuheelesia Yuda waSimoni Isikariote. 27Mana inyuma weshironje eshio, Setani namwinjilamwo. Kho Yesu namuboolela ari Elia okhola, okhole bwangu. 28Ne yabulaho hameesa owamanya eshiachila namusunjila amakhuwa ako. 29Okhuba olwa Yudu yali nende iloloti, abandi bakaala mbu Yesu yamubiila ari Kula ebindu ebia khutambile khulwa lisabo; kata mbu aheelesie abamanani eshindu. 30Kho ye, namalile okhubukula eshironje, yarula habwene nahabwene; ne shiali eshilo.
Lilako liyia
31Mana ye olwa yali namalile okhurula, Yesu yasunga mbu Bulaano Omwana wOmundu aheebwa oluyali, khandi Nyasaye aheebwa oluyali muye; 32khandi Nyasaye alamuheelesia oluyali muye omwene, namuheelesia oluyali habwene nahabwene. 33Inywe abaana abatiiti, neshise eshitiiti butswa nishili nineenywe. Mula'khaaba; ne shinga olwa ndasunjila abaYahudi, mbu Ewa enzia, shimunyala okhwitsayo tawe, nolwa emusunjila inywe bulaano. 34Lilako liyia emuheelesia, mbu muheelanenje; shinga isie olwa ndamuheelile inywe, mbu neenyu muheelanenje murio. 35Khwikhuwa lino abandu bosi balamanyilakhwo shinga olwa muli abeechi banje, nimuba nimuli nobuheeli abeene khubeene.
Yesu yaboola khale aka Petero okhtlambakhana
(Mat. 26.31-35; Mk. 14.27-31; Lk. 22.31-34)
36Simoni Petero namureeba ari Omwami, otsia heena? Yesu nakalusia mbu Ewa enzia, shionyala okhunondakhwo bulaano ta; ne wakhanondekhwo olunyumakhwo. 37Petero namusunjila ari Omwami, mbushiina nindanyala okhukhulondakhwo kata bulaano ta? Ndalahaana obulamu bwanje khululwo. 38Yesu nakalusia mbu Olahaana obulamubwo khulwanje? Toto mwene, ekhusunjila mbu itaywa niyirashialakula ta, olaba niundiyambakhaane khataru.
ទើបបានជ្រើសរើសហើយ៖
Yohana 13: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Yohana 13
13
Yesu yoosia abeechi ebiletlie
1Ne lisabo liaPasaka olwa liali nilishili, Yesu olwa yali namanyile mbu eshiseshie shimalile okhuula olwa yakheenyokha narula mushialo shino natsia ewaSamwana, khandi olwa yali naheelile abebe abali mushialo, yabaheelela elala. 2Nolwa bali nibalitsanga ebiliibwa biamungoloobe, olwa Setani yali namalile okhwinjisia likhuwa mumwoyo kwaYuda Osikariote waSimoni mbu amukhobane; 3Yesu, namanyile mbu Samwana yali nahaanile kosi mumakhonoke, khandi mbu yarula ewaNyasaye khandi atsia ewaNyasaye 4yarula khubiliibwa, nara tsingubotsie elubeke, nabukula itawulo, niyeeboha. 5Mana yatsukha amatsi mubeseni, nachaaka okhwosia abeechi ebilenje, nabieya nende itawulo tsana eya yali niyeeboheele. 6Kho niyoola khuSimoni Petero. Naye namusunjila ari Omwami, khane unzosie ebilenje bianje? 7Yesu nakalusia, namusunjila ari Elia ekhola, shiolimanya bulaano ta; ne olamanya eshisina olunyumakhwo. 8Naye Petero namusunjila ari Shiolanzosia ebilenje bianje nahatuutu ta. Yesu namukalusia ari Nimba nindakhwosia ta, shiolaba neshisango ninasi tawe. 9Simoni Petero namusunjila ari Omwami, ebilenje bionyene ta, habula nende amakhono kanje nomurwe biosi. 10Yesu namuboolela mbu Ouba namalile okhwisinga shiatamba eshindi ta, habula okhwosia ebilenje bionyene, mana aba omulafu omubili kwosi; neenyu muli abalafu, ne mwesi ta. 11Okhuba yamanya oyo owakhamukhoba; niko akachila nasunga mbu Shimuli abalafu mwesi ta.
12Kho olwa yali niyakhaboosia ebilenje, niyakhabukula tsingubotsie, niyakheekhala khandi yabareeba ari Mumanyile elia emukholilekhwo shinga olwa lili? 13Inywe munanga mbu Omwechesia, khandi mbu Omwami; ne muboolanga bulayi; shichila nilwo olwa endi. 14Kho isie, Omwami khandi Omwechesia, nimba nimwosiye ebilenje, neenyu mukhoyile okhwosaninjia ebilenje. 15Okhuba emuheele eshilolelo, mbu nineenywe mukhoyile okhukholanga shinga isie olwa emukholeele. 16Toto mwene, emusunjila mbu omusumba shiashila omwamiwe ta; kata omurume shiashila oyo owamuruma tawe. 17Nimuba nimumanyile amakhuwa kano, muli abeikhabi nimuba nimukakhola. 18Shimboola khwinywe mwesi ta; emanyile abo aba ndalobola; habula mbu amahandiiko koosibwe, mbu Ouliitsanga khubiliibwa bianje, yanjinguulila eshisisilo. 19Okhurula olwa leelo emuboolela nikashili okhwikhola, mbu olwa kalaba nikeekholile, munyale okhusuubila mbu ISIE NISIE. 20Toto mwene, emusunjila mbu oumwinjisia omundu yesi owa eruma, yanzinjisia isie; nounzinjisia isie, amwinjisia oyo owaruma.
Yesu yaboola khale akokhukhobwakhwe
(Mat. 26.20-25; Lk. 14.17-21; Lk. 22.21-23)
21Olwa Yesu yali nasunjile ario, yanyakhana muno mumwoyo, narumbukha, nasunga ari Toto mwene, emusunjila mbu mulala khwinywe alakhoba. 22Abeechi abo nibahengana, nibakanakania mbu niwina owa aboolakhwo. 23Ne yaliho hameesa mulala owokhubeechibe, nakonile hashilifu shiaYesu, owa Yesu yaheela. 24Kho Simoni Petero yamusima' omwenoyo nomukhono, namusunjila mbu Okhuboolele mbu niwina owa aboolakhwo. 25Naye niyeesetamiye ario, shinga olwa yali, khushilifu shiaYesu, namureeba ari Omwami, niwina? 26Kho Yesu nakalusia mbu Nomwenoyo owa enzitsa okhumutonjela eshironje, nimuheelesia. Mana olwa yali natonjile eshironje, yashibukula namuheelesia Yuda waSimoni Isikariote. 27Mana inyuma weshironje eshio, Setani namwinjilamwo. Kho Yesu namuboolela ari Elia okhola, okhole bwangu. 28Ne yabulaho hameesa owamanya eshiachila namusunjila amakhuwa ako. 29Okhuba olwa Yudu yali nende iloloti, abandi bakaala mbu Yesu yamubiila ari Kula ebindu ebia khutambile khulwa lisabo; kata mbu aheelesie abamanani eshindu. 30Kho ye, namalile okhubukula eshironje, yarula habwene nahabwene; ne shiali eshilo.
Lilako liyia
31Mana ye olwa yali namalile okhurula, Yesu yasunga mbu Bulaano Omwana wOmundu aheebwa oluyali, khandi Nyasaye aheebwa oluyali muye; 32khandi Nyasaye alamuheelesia oluyali muye omwene, namuheelesia oluyali habwene nahabwene. 33Inywe abaana abatiiti, neshise eshitiiti butswa nishili nineenywe. Mula'khaaba; ne shinga olwa ndasunjila abaYahudi, mbu Ewa enzia, shimunyala okhwitsayo tawe, nolwa emusunjila inywe bulaano. 34Lilako liyia emuheelesia, mbu muheelanenje; shinga isie olwa ndamuheelile inywe, mbu neenyu muheelanenje murio. 35Khwikhuwa lino abandu bosi balamanyilakhwo shinga olwa muli abeechi banje, nimuba nimuli nobuheeli abeene khubeene.
Yesu yaboola khale aka Petero okhtlambakhana
(Mat. 26.31-35; Mk. 14.27-31; Lk. 22.31-34)
36Simoni Petero namureeba ari Omwami, otsia heena? Yesu nakalusia mbu Ewa enzia, shionyala okhunondakhwo bulaano ta; ne wakhanondekhwo olunyumakhwo. 37Petero namusunjila ari Omwami, mbushiina nindanyala okhukhulondakhwo kata bulaano ta? Ndalahaana obulamu bwanje khululwo. 38Yesu nakalusia mbu Olahaana obulamubwo khulwanje? Toto mwene, ekhusunjila mbu itaywa niyirashialakula ta, olaba niundiyambakhaane khataru.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975