Yohana 11
11
Okhufwa khwaLazaro
1Ne omusaatsa undi yalwala, niye Lazaro oweBetsania, litaala liabwe Mariamu nende Maritsa omukhaana wabwe. 2Neniye Mariamu watsana owamubakha Omwami amafura niyeeya ebileniebie nende liswilie, owa Lazaro omusiani wabwe yalwala. 3Kho abakhaana abo bamuupila omunwa, bari Omwami, lola, owa oheelanga nomulwale. 4Ne olwa Yesu yahulilakhwo, yasunga ari Obulwale buno shibuli obwokhufwa ta, habula obwoluyali lwaNyasaye, mbu Omwana waNyasaye aheebwe oluyali khulwabwo.
5Ne Yesu yaheela Maritsa, nende omukhaana wabwe, nende Lazaro. 6Kho olwa yahulila shinga olwa ali omulwale, habwenaho yahongayo tsindaalo tsibili habundu yaho ewa yali. 7Mana olunyumakhwo yasunjila abeechibe ari Chende khutsie ebuYahudi khandi. 8Abeechibe nibamusunjila bari Rabi, ekulo abaYahudi babeele nibeenya okhukhulasa namachina; nawe otsiayo khandi? 9Yesu nakalusia ari Tsisaa tsieshiteere shitsili ekhumi natsibili? Omundu naba nachenda mushiteere shiyeesichirala ta, shichila alola obulafu bweshialo shino. 10Ne omundu naba nachenda mushilo, yeesichirala, shichila obulafu shibuli muye ta. 11Yaboola amakhuwa ako; mana olunyumakhwo nabasunjila ari Omwitsa weefwe Lazaro akonanga; enzia mbu emubuusie mundoolo. 12Kho abeechibe nibamusunjila bari Omwami, naba nakona tsindoolo, alahona. 13Ne Yesu yali nasunjile khukhufwakhwenabo nibakaala mbu aboolanga khukhuhuluushila mundoolo. 14Mana Yesu nabasunjila habulafu, ari Lazaro umalile okhufwa. 15Nasi esangaalile khulweenywe shinga olwa ndarabeeleho ta, mbu mana musuubile; nebutswa chende khutsie ewa ali. 16Mana Tomasi, owalangwa mbu Mukhwana, yasunjila abeechi bashie ari Chende khutsie neefu, mbu khufwe ninaye halala.
Yesu niye Obulamushi khandi nende Obulamu
17Kho olwa Yesu yoolayo yanyoola mbu umalile okhukona mung'ani tsindaalo tsine. 18Ne Betsania yali ahambikhwo nende Yerusalemu, oluchendo shinga olwetsimailo tsibili; 19nabanji abokhubaYahudi bali nibeetsile ewabo Maritsa nende Mariamu, okhubalemia emioyo khumakhuwa komusiani wabwe. 20Mana olwa Maritsa yahulila mbu Yesu yeetsa, yarula namubukaanila; naye Mariamu yali nashiikhaale munzu. 21Kho Maritsa nasunjila Yesu ari Omwami, olaba niwakhabeeleho, khane omusiani weefwe shiyakhafwile ta. 22Ne kata bulaano emanyile mbu shiosi shiosi eshia olasaba Nyasaye, Nyasaye alakhuheelesia. 23Yesu namuboolela ari Omusiani weenywe alalamukha. 24Maritsa namusunjila ari Emanyile mbu alilamukha khandi mubulamushi bwokhunyanga yobumaliilishi. 25Yesu namusunjila ari Isie nisie obulamushi, khandi nende obulamu; ousuubilila isie, kata olwa afwa, ne alaba omulamu; 26khandi ouli omulamu nasuubilila isie, shialifwakhwo tawe, obushia nobushia. Osuubila orio? 27Naye namukalusia mbu Toto, Omwami; emalile okhusuubila shinga olwa oli Kristo watsana, Omwana waNyasaye, omwenoyo owitsa mushialo.
Yesu yalila amasika
28Ne olwa yali nasunjile ario, yatsia nalanga Mariamu omukhaana wabwe masilisi, ari Omwechesia aliho; akhulanga. 29Naye olwa yahulila ario, yasinjila bwangu, natsia ewa yali. 30Ne Yesu yali nashili okhwinjila mwitaala, ne yali nashili habwenaho ewa Maritsa yamubukaanila. 31Mana abaYahudi abali nibali ninaye munzu, nibamulemia omwoyo, olwa balola shinga Mariamu olwa yasmjila bwangu narula, nibamulondakhwo, nibakaala mbu atsia khushilindwa okhwikhuulayo. 32Kho olwa Mariamu yoola ewa Yesu yali, namulola, yakwa mumakuluke, namusunjila ari Omwami, olaba niwakhabeeleho, khane omusiani weefwe shiyakhafwile ta. 33Ne olwa Yesu yamulola niyeekhuula, nende abaYahudi aba yeetsa ninabo, nabo nibeekhuula bario, nashenya mumwoyo, naba mubunyakhani obunji. 34Nareeba ari Mwamuyabiile heena? Nibamusunjila bari Omwami, yitsa olole. 35Yesu nalila amasika. 36Kho aba Yahudi nibaboola bari Lolekhwo shinga olwa yamuheela. 37Nebutswa abandi khubo nibaboola bari Omundu uno owatimbusi tsimoni tsiomubofu, shiyakhanyalile okhuchila omundu uno oburafwa ta?
Lazaro yalamusibwa
38Mana Yesu nashenya mumwoyokwe khandi, niyoola khushilindwa. Nashio shiali imbinga, lichina nalio niliareelwekhwo. 39Yesu nasunga mbu Murusiekhwo lichina. Maritsa, omukhaana wabwe omufu, namusunjila ari Omwami bulaano ahunya; akhuba netsindaalo tsine nafwile. 40Yesu namusunjila ari Shikhubooleele mbu noba nosuubila, wakhalola oluyali lwaNyasaye? 41Kho nibarusiakhwo lichina. Yesu nachinguula tsimoni, nasunga mbu Papa, ekhuupila orio muno shinga olwa umbuliile. 42Ne emanyile mbu umbulilanga tsindaalo tsiosi; habula khulwa emikanda chiabo abasinjiileho emboolile likhuwa elo, mbu basuubile shinga olwa waruma. 43Ne olwa yali naboolile ario, yalanga nende omwoyo omukhongo, ari Lazaro, rulamwo. 44Omufu oyo narula, naboyilwe amakhono nebilenje nende isanda eyeing'ani, naboyilwe eshitambaya mumoni. Yesu nababiila ari Mumuboholole, atsie.
Abeemilisi basaniila Yesu
(Mat. 26.1-5; Mk. 14.1-2; Lk. 22.1-2)
45Kho abanji abokhubaYahudi abali nibeetsile ewaMariamu, nibalola aka Yesu yakhola, bamusuubilila. 46Nebutswa abandi khubo batsia ewabaFarisayo nibababoolela amakhuwa aka Yesu yali nakholile.
47Mana abakhulundu babakuhani nende abaFarisayo nibakhung'aasia eshiina, nibasunga bari Khukhole khurie? Okhuba omundu uno akholanga ebilolelo ebinji. 48Nikhuba nikhumulekha khurio, abandu bosi balamusuubilila; mana abaRoma baleetsa nibakhubukula habundu weefwe nende lihanga lieefwe. 49Ne oundi khubo, mbu Kayafa, owali Omukuhani Omukhulundu omuyika kwenokwo, yabasunjila ari Shimumanyile likhuwa liosi ta, 50kata shimwitsulila shinga olwa kakaasa mbu omundu mulala afwile abandu bosi, lihanga liosi lileshe okhutiba. 51Ne shiyasunga ako khululwe ta; habula olwa yali Omukuhani Omukhulundu omuyika okwo, yalakula mbu Yesu yakhafwila lihanga; 52ne shikhwali khulwa lihanga elo lionyene ta, habula mbu akhung'aasie halala abaana baNyasaye abali nibasalaanile. 53Kho okhurula khunyanga eyo bamusanjilila mbu bamwire.
54Kho Yesu shiyachenda ebulafu mubaYahudi khandi ta, ne yeenyokha natsia mushibala eshiali ahambi nende eshitsiimi, mwitaala elilangwa mbu Efuraimu; niyeekhalayo halala nende abeechi abo.
55Ne Pasaka yabaYahudi yali ahambi; abanji nibarula mushibala nibatikulukha nibatsia eYerusalemu Pasaka niyishili, mbu beesiiye. 56Kho nibamukhaaba Yesu, nibasungana abeene nabeene nibasinjiile muhekalu, bari Mupaara murie? Mbu shialeetsa khwisabo ta? 57Ne abakhulundu babakuhani nende abaFarisayo bali nibalachilisiye mbu omundu yesi naba namanya ewa ali, abuule, mbu mana bamuhambe.
ទើបបានជ្រើសរើសហើយ៖
Yohana 11: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Yohana 11
11
Okhufwa khwaLazaro
1Ne omusaatsa undi yalwala, niye Lazaro oweBetsania, litaala liabwe Mariamu nende Maritsa omukhaana wabwe. 2Neniye Mariamu watsana owamubakha Omwami amafura niyeeya ebileniebie nende liswilie, owa Lazaro omusiani wabwe yalwala. 3Kho abakhaana abo bamuupila omunwa, bari Omwami, lola, owa oheelanga nomulwale. 4Ne olwa Yesu yahulilakhwo, yasunga ari Obulwale buno shibuli obwokhufwa ta, habula obwoluyali lwaNyasaye, mbu Omwana waNyasaye aheebwe oluyali khulwabwo.
5Ne Yesu yaheela Maritsa, nende omukhaana wabwe, nende Lazaro. 6Kho olwa yahulila shinga olwa ali omulwale, habwenaho yahongayo tsindaalo tsibili habundu yaho ewa yali. 7Mana olunyumakhwo yasunjila abeechibe ari Chende khutsie ebuYahudi khandi. 8Abeechibe nibamusunjila bari Rabi, ekulo abaYahudi babeele nibeenya okhukhulasa namachina; nawe otsiayo khandi? 9Yesu nakalusia ari Tsisaa tsieshiteere shitsili ekhumi natsibili? Omundu naba nachenda mushiteere shiyeesichirala ta, shichila alola obulafu bweshialo shino. 10Ne omundu naba nachenda mushilo, yeesichirala, shichila obulafu shibuli muye ta. 11Yaboola amakhuwa ako; mana olunyumakhwo nabasunjila ari Omwitsa weefwe Lazaro akonanga; enzia mbu emubuusie mundoolo. 12Kho abeechibe nibamusunjila bari Omwami, naba nakona tsindoolo, alahona. 13Ne Yesu yali nasunjile khukhufwakhwenabo nibakaala mbu aboolanga khukhuhuluushila mundoolo. 14Mana Yesu nabasunjila habulafu, ari Lazaro umalile okhufwa. 15Nasi esangaalile khulweenywe shinga olwa ndarabeeleho ta, mbu mana musuubile; nebutswa chende khutsie ewa ali. 16Mana Tomasi, owalangwa mbu Mukhwana, yasunjila abeechi bashie ari Chende khutsie neefu, mbu khufwe ninaye halala.
Yesu niye Obulamushi khandi nende Obulamu
17Kho olwa Yesu yoolayo yanyoola mbu umalile okhukona mung'ani tsindaalo tsine. 18Ne Betsania yali ahambikhwo nende Yerusalemu, oluchendo shinga olwetsimailo tsibili; 19nabanji abokhubaYahudi bali nibeetsile ewabo Maritsa nende Mariamu, okhubalemia emioyo khumakhuwa komusiani wabwe. 20Mana olwa Maritsa yahulila mbu Yesu yeetsa, yarula namubukaanila; naye Mariamu yali nashiikhaale munzu. 21Kho Maritsa nasunjila Yesu ari Omwami, olaba niwakhabeeleho, khane omusiani weefwe shiyakhafwile ta. 22Ne kata bulaano emanyile mbu shiosi shiosi eshia olasaba Nyasaye, Nyasaye alakhuheelesia. 23Yesu namuboolela ari Omusiani weenywe alalamukha. 24Maritsa namusunjila ari Emanyile mbu alilamukha khandi mubulamushi bwokhunyanga yobumaliilishi. 25Yesu namusunjila ari Isie nisie obulamushi, khandi nende obulamu; ousuubilila isie, kata olwa afwa, ne alaba omulamu; 26khandi ouli omulamu nasuubilila isie, shialifwakhwo tawe, obushia nobushia. Osuubila orio? 27Naye namukalusia mbu Toto, Omwami; emalile okhusuubila shinga olwa oli Kristo watsana, Omwana waNyasaye, omwenoyo owitsa mushialo.
Yesu yalila amasika
28Ne olwa yali nasunjile ario, yatsia nalanga Mariamu omukhaana wabwe masilisi, ari Omwechesia aliho; akhulanga. 29Naye olwa yahulila ario, yasinjila bwangu, natsia ewa yali. 30Ne Yesu yali nashili okhwinjila mwitaala, ne yali nashili habwenaho ewa Maritsa yamubukaanila. 31Mana abaYahudi abali nibali ninaye munzu, nibamulemia omwoyo, olwa balola shinga Mariamu olwa yasmjila bwangu narula, nibamulondakhwo, nibakaala mbu atsia khushilindwa okhwikhuulayo. 32Kho olwa Mariamu yoola ewa Yesu yali, namulola, yakwa mumakuluke, namusunjila ari Omwami, olaba niwakhabeeleho, khane omusiani weefwe shiyakhafwile ta. 33Ne olwa Yesu yamulola niyeekhuula, nende abaYahudi aba yeetsa ninabo, nabo nibeekhuula bario, nashenya mumwoyo, naba mubunyakhani obunji. 34Nareeba ari Mwamuyabiile heena? Nibamusunjila bari Omwami, yitsa olole. 35Yesu nalila amasika. 36Kho aba Yahudi nibaboola bari Lolekhwo shinga olwa yamuheela. 37Nebutswa abandi khubo nibaboola bari Omundu uno owatimbusi tsimoni tsiomubofu, shiyakhanyalile okhuchila omundu uno oburafwa ta?
Lazaro yalamusibwa
38Mana Yesu nashenya mumwoyokwe khandi, niyoola khushilindwa. Nashio shiali imbinga, lichina nalio niliareelwekhwo. 39Yesu nasunga mbu Murusiekhwo lichina. Maritsa, omukhaana wabwe omufu, namusunjila ari Omwami bulaano ahunya; akhuba netsindaalo tsine nafwile. 40Yesu namusunjila ari Shikhubooleele mbu noba nosuubila, wakhalola oluyali lwaNyasaye? 41Kho nibarusiakhwo lichina. Yesu nachinguula tsimoni, nasunga mbu Papa, ekhuupila orio muno shinga olwa umbuliile. 42Ne emanyile mbu umbulilanga tsindaalo tsiosi; habula khulwa emikanda chiabo abasinjiileho emboolile likhuwa elo, mbu basuubile shinga olwa waruma. 43Ne olwa yali naboolile ario, yalanga nende omwoyo omukhongo, ari Lazaro, rulamwo. 44Omufu oyo narula, naboyilwe amakhono nebilenje nende isanda eyeing'ani, naboyilwe eshitambaya mumoni. Yesu nababiila ari Mumuboholole, atsie.
Abeemilisi basaniila Yesu
(Mat. 26.1-5; Mk. 14.1-2; Lk. 22.1-2)
45Kho abanji abokhubaYahudi abali nibeetsile ewaMariamu, nibalola aka Yesu yakhola, bamusuubilila. 46Nebutswa abandi khubo batsia ewabaFarisayo nibababoolela amakhuwa aka Yesu yali nakholile.
47Mana abakhulundu babakuhani nende abaFarisayo nibakhung'aasia eshiina, nibasunga bari Khukhole khurie? Okhuba omundu uno akholanga ebilolelo ebinji. 48Nikhuba nikhumulekha khurio, abandu bosi balamusuubilila; mana abaRoma baleetsa nibakhubukula habundu weefwe nende lihanga lieefwe. 49Ne oundi khubo, mbu Kayafa, owali Omukuhani Omukhulundu omuyika kwenokwo, yabasunjila ari Shimumanyile likhuwa liosi ta, 50kata shimwitsulila shinga olwa kakaasa mbu omundu mulala afwile abandu bosi, lihanga liosi lileshe okhutiba. 51Ne shiyasunga ako khululwe ta; habula olwa yali Omukuhani Omukhulundu omuyika okwo, yalakula mbu Yesu yakhafwila lihanga; 52ne shikhwali khulwa lihanga elo lionyene ta, habula mbu akhung'aasie halala abaana baNyasaye abali nibasalaanile. 53Kho okhurula khunyanga eyo bamusanjilila mbu bamwire.
54Kho Yesu shiyachenda ebulafu mubaYahudi khandi ta, ne yeenyokha natsia mushibala eshiali ahambi nende eshitsiimi, mwitaala elilangwa mbu Efuraimu; niyeekhalayo halala nende abeechi abo.
55Ne Pasaka yabaYahudi yali ahambi; abanji nibarula mushibala nibatikulukha nibatsia eYerusalemu Pasaka niyishili, mbu beesiiye. 56Kho nibamukhaaba Yesu, nibasungana abeene nabeene nibasinjiile muhekalu, bari Mupaara murie? Mbu shialeetsa khwisabo ta? 57Ne abakhulundu babakuhani nende abaFarisayo bali nibalachilisiye mbu omundu yesi naba namanya ewa ali, abuule, mbu mana bamuhambe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975