Yohana 10
10
Oluchelo lweikhonje yamakondi
1Toto mwene emusunjila mbu Oureenjila nabirila mushilibwa shieikhonje yamakondi ta, ne naniinila haundi, omwenoyo nomwibi khandi omunyaka. 2Ne owinjila nabirila mushilibwa niye omwayi wamakondi. 3Omulindi weshilibwa yeekulilanga omwenoyoamakondi nikahulila omwoyokwe; naye akalanga amakondike ameera kako, nakasamusia. 4Olwa aba nakarusiye kosi akali akeke, akeemililanga, amakondi nako nikamulondakhwo; okhuba kamanya omwoyokwe. 5Nebutswa omucheni, shikalamulondakhwo ta, habula kalamwilukha; okhuba shikamanya emioyo chiabacheni ta. 6Yesu yabachelela oluchelo luno; nabo nibaratiila khushisina, mbu namakhuwa shiina aka ababooleele, ta.
Yesu niye Ontwayi omulayi
7Kho Yesu nababoolela khandi, ari Toto mwene, emusunjila mbu isie nisie eshilibwa shiamakondi. 8Bosi aba'ranjilila nabeebi khandi nabanyaka; ne amakondi shikabahulila ta. 9Isie nisie eshilibwa; omundu yesi naba niyeenjila nabirila khwisie, alahona; mana aleenjilanga nende okhurula, nanyoola obwayilo. 10Omwibi shiyeetselanga likhuwa lindi ta, habula khulwa okhwiba, nende okhwira, nende okhwonoonia isie ndeetsa mbu babe nende obulamu, khandi babe ninabwo obushilaanile. 11Isie nisie omwayi omulayi; omwayi omulayi ahaana obulamubwe khulwa amakondi. 12Ouli omukholi butswa, narali omwayi mwene ta, kata ourali omwene makondi ta, alola eshisuutse nishiitsa, nalekha amakondi niyeelukha, mana eshisuutse nishikeetsumba, nishikasalaasia. 13Yeelukha shichila akholelanga omushaara, narateebakhwo likhuwa khumakondi ta. 14Isie nisie omwayi omulayi; ne emanyile akali akanje, nako akanje ka'manya. 15Shinga Papa olwa ya'manya, nasi nimumanya Papa; ne ehaana obulamu bwanje khulwa amakondi. 16Nendi nende amakondi kandi, akarali akeikhonje yino ta; kakhoyeele mbu engaleere ako nako; nako kalahulila omwoyo kwanje; mana kaleekhola lituuli elala, omwayi mulala. 17Kano niko akachila Papa yaheelanga, mbu ehaana obulamu bwanje, mbu mana embubukule khandi. 18Abulaho oumbuyiniakhwo, nebutswa omwene embuhaana. Endi nobunyali okhubuhaana, nendi nobunyali okhububukula khandi. Lilako lino ndalakwa nende Papa.
19Obwahukhani nibwikhola khandi mubaYahudi khulwa amakhuwa ako. 20Abanji mubo nibaboola bari Ali nelidimoni khandi alaluushe; nimumuhulila? 21Abandi nibaboola bari Kano shikali amasungo komundu ouli nelidimoni, tawe. Lidimoni linyala okhutimbusia tsimoni tsiababofu noho?
Yesu yalobwa nabaYahudi
22Ne tsiali tsindaalo tsieLisabo liObwahulwi eYerusalemu; khandi tsiali tsindaalo tsiomunyiri. 23Naye Yesu yali nachenda muhekalu, mushirookoola shiaSulemani. 24Kho abaYahudi nibeetsa nibamubotokhana, nibamureeba bari Olachilanga nikhukanakania okhuula liina? Noba noli iwe Kristo, okhuboolele katong'ane. 25Yesu nabakalusia ari Ndamuboolela, ne shimusuubila ta; emilimo echia ekholanga muliira liaPapa nichio echindumbulilanga akobuloli. 26Neenyu shimusuubila, shichila shimuli abokhumakondi kanje tawe. 27Amakondi kanje kahulilanga omwoyo kwanje; nasi engamanyile, nako kanondangakhwo. 28Khandi engaheelesia obulamu bwobumeli; kata shikalitibakhwo tawe, kata abulaho oulakarimula mumukhono kwanje ta. 29Papa owakambeelesia ashila bosi; ne abulaho ounyala okhukarimula mumukhono kwaPapa ta. 30Isie nende Papa khuli mulala.
31AbaYahudi nibatoola amachina khandi mbu bamulase. 32Yesu nabakalusia mbu Ndamumanyiye emilimo eminji emilayi echirula khuPapa; nomulimo shiina muchio okhuchila nimundasa namachina? 33Nabo abaYahudi nibamukalusia bari Shikuli omulimo omulayi okuchila nikhukhulasa namachina ta, habula obunyechi; khandi okhuba iwe, olwa oli omundu, wikholanga omwene okhuba Nyasaye. 34Yesu nabakalusia ari Shikahandiikwa mumalako keenywe mbu Isie ndasunga mbu muli abanyasaye? 35Naba niyabalanga mbu abanyasaye, abeenabo aba likhuwa liaNyasaye lieetsela, ne amahandiiko shikanyala okhutendeyibwa ta; 36kho munyala murie okhusunga khumwenoyo owa Papa yaahula namuruma mushialo, muri Okhola obunyechi, shichila esunjile mbu Endi Omwana waNyasaye? 37Nimba nindakhola emilimo chiaPapa, mura'suubila ta. 38Ne nimba ninjikhola, kata olwa murasuubila isie ta, suubile emilimo chiene; mbu mumanye nimutiila khushisina shielikhuwa lino, mbu Papa ali mwisie, nasi endi muPapa. 39Nibeenya khandi okhumuhamba; naye narula mumikhono chiabwe.
40Narulayo khandi, natsia injelekha weYorodani, habundu yaho ewa Yohana yali niyabatisilinjia olwambeli; niyeekhalayo. 41Abanji nibatsia ewa yali, nibasunga bari Toto, Yohana shiyakhola eshilolelo shiosi ta; ne kosi aka Yohana yaboola khumundu uno nakatoto. 42Abanji nibamusuubilila habwenaho.
ទើបបានជ្រើសរើសហើយ៖
Yohana 10: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Yohana 10
10
Oluchelo lweikhonje yamakondi
1Toto mwene emusunjila mbu Oureenjila nabirila mushilibwa shieikhonje yamakondi ta, ne naniinila haundi, omwenoyo nomwibi khandi omunyaka. 2Ne owinjila nabirila mushilibwa niye omwayi wamakondi. 3Omulindi weshilibwa yeekulilanga omwenoyoamakondi nikahulila omwoyokwe; naye akalanga amakondike ameera kako, nakasamusia. 4Olwa aba nakarusiye kosi akali akeke, akeemililanga, amakondi nako nikamulondakhwo; okhuba kamanya omwoyokwe. 5Nebutswa omucheni, shikalamulondakhwo ta, habula kalamwilukha; okhuba shikamanya emioyo chiabacheni ta. 6Yesu yabachelela oluchelo luno; nabo nibaratiila khushisina, mbu namakhuwa shiina aka ababooleele, ta.
Yesu niye Ontwayi omulayi
7Kho Yesu nababoolela khandi, ari Toto mwene, emusunjila mbu isie nisie eshilibwa shiamakondi. 8Bosi aba'ranjilila nabeebi khandi nabanyaka; ne amakondi shikabahulila ta. 9Isie nisie eshilibwa; omundu yesi naba niyeenjila nabirila khwisie, alahona; mana aleenjilanga nende okhurula, nanyoola obwayilo. 10Omwibi shiyeetselanga likhuwa lindi ta, habula khulwa okhwiba, nende okhwira, nende okhwonoonia isie ndeetsa mbu babe nende obulamu, khandi babe ninabwo obushilaanile. 11Isie nisie omwayi omulayi; omwayi omulayi ahaana obulamubwe khulwa amakondi. 12Ouli omukholi butswa, narali omwayi mwene ta, kata ourali omwene makondi ta, alola eshisuutse nishiitsa, nalekha amakondi niyeelukha, mana eshisuutse nishikeetsumba, nishikasalaasia. 13Yeelukha shichila akholelanga omushaara, narateebakhwo likhuwa khumakondi ta. 14Isie nisie omwayi omulayi; ne emanyile akali akanje, nako akanje ka'manya. 15Shinga Papa olwa ya'manya, nasi nimumanya Papa; ne ehaana obulamu bwanje khulwa amakondi. 16Nendi nende amakondi kandi, akarali akeikhonje yino ta; kakhoyeele mbu engaleere ako nako; nako kalahulila omwoyo kwanje; mana kaleekhola lituuli elala, omwayi mulala. 17Kano niko akachila Papa yaheelanga, mbu ehaana obulamu bwanje, mbu mana embubukule khandi. 18Abulaho oumbuyiniakhwo, nebutswa omwene embuhaana. Endi nobunyali okhubuhaana, nendi nobunyali okhububukula khandi. Lilako lino ndalakwa nende Papa.
19Obwahukhani nibwikhola khandi mubaYahudi khulwa amakhuwa ako. 20Abanji mubo nibaboola bari Ali nelidimoni khandi alaluushe; nimumuhulila? 21Abandi nibaboola bari Kano shikali amasungo komundu ouli nelidimoni, tawe. Lidimoni linyala okhutimbusia tsimoni tsiababofu noho?
Yesu yalobwa nabaYahudi
22Ne tsiali tsindaalo tsieLisabo liObwahulwi eYerusalemu; khandi tsiali tsindaalo tsiomunyiri. 23Naye Yesu yali nachenda muhekalu, mushirookoola shiaSulemani. 24Kho abaYahudi nibeetsa nibamubotokhana, nibamureeba bari Olachilanga nikhukanakania okhuula liina? Noba noli iwe Kristo, okhuboolele katong'ane. 25Yesu nabakalusia ari Ndamuboolela, ne shimusuubila ta; emilimo echia ekholanga muliira liaPapa nichio echindumbulilanga akobuloli. 26Neenyu shimusuubila, shichila shimuli abokhumakondi kanje tawe. 27Amakondi kanje kahulilanga omwoyo kwanje; nasi engamanyile, nako kanondangakhwo. 28Khandi engaheelesia obulamu bwobumeli; kata shikalitibakhwo tawe, kata abulaho oulakarimula mumukhono kwanje ta. 29Papa owakambeelesia ashila bosi; ne abulaho ounyala okhukarimula mumukhono kwaPapa ta. 30Isie nende Papa khuli mulala.
31AbaYahudi nibatoola amachina khandi mbu bamulase. 32Yesu nabakalusia mbu Ndamumanyiye emilimo eminji emilayi echirula khuPapa; nomulimo shiina muchio okhuchila nimundasa namachina? 33Nabo abaYahudi nibamukalusia bari Shikuli omulimo omulayi okuchila nikhukhulasa namachina ta, habula obunyechi; khandi okhuba iwe, olwa oli omundu, wikholanga omwene okhuba Nyasaye. 34Yesu nabakalusia ari Shikahandiikwa mumalako keenywe mbu Isie ndasunga mbu muli abanyasaye? 35Naba niyabalanga mbu abanyasaye, abeenabo aba likhuwa liaNyasaye lieetsela, ne amahandiiko shikanyala okhutendeyibwa ta; 36kho munyala murie okhusunga khumwenoyo owa Papa yaahula namuruma mushialo, muri Okhola obunyechi, shichila esunjile mbu Endi Omwana waNyasaye? 37Nimba nindakhola emilimo chiaPapa, mura'suubila ta. 38Ne nimba ninjikhola, kata olwa murasuubila isie ta, suubile emilimo chiene; mbu mumanye nimutiila khushisina shielikhuwa lino, mbu Papa ali mwisie, nasi endi muPapa. 39Nibeenya khandi okhumuhamba; naye narula mumikhono chiabwe.
40Narulayo khandi, natsia injelekha weYorodani, habundu yaho ewa Yohana yali niyabatisilinjia olwambeli; niyeekhalayo. 41Abanji nibatsia ewa yali, nibasunga bari Toto, Yohana shiyakhola eshilolelo shiosi ta; ne kosi aka Yohana yaboola khumundu uno nakatoto. 42Abanji nibamusuubilila habwenaho.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975