Yohana 9
9
Yesu yahonia otnundu oweebulwa nali omubofu
1Ne olwa yali nabiranga, yalola omundu owalinji omubofu okhurula niyeebulwa. 2Abeechibe nibamureeba bari Rabi, owoonoona niwina, omundu uno noho abeebulibe, mbu yeebulwa ario omubofu? 3Yesu nakalusia mbu Omundu uno shiyayoonoona, kata abeebulibe tawe; ne mbu emilimo chiaNyasaye chilolosilibwe muye. 4Khukhoyile okhukhola emilimo chia oyo owaruma olwa shishili eshiteere; eshilo shiitsanga olwa omundu yesi aranyala okhukhola omulimo ta. 5Olwa endi mushialo, isie nisie obulafu bweshialo. 6Olwa yali naboolile ario, yafutsa hasi, nakhola amare ako litoyi, namubakha litoyi elo khumoni, 7namubiila mbu Tsia wiyosie mwitiba liaSiloamu; obukalulwi bwalio, mbu Okhurumwa. Kho yatsia ario, niyeeyosia, nakalukha nalolanga. 8Mana abashie, nende abo abamulola khale, mbu nomumanani ousabanga ebindu, basunga bari Uno shiali ye oweekhalanga nasaba ebindu? 9Abandi bari Niye; nabandi bari, Tawe, habula afwanana butswa shinga ye. Omwene nasunga mbu Isie nisie. 10Kho nibamureeba bari Kho tsimonitsio tsikhatimbuushe tsirie? 11Naye nakalusia mbu Omundu oyo oulangwa mbu Yesu akholile litoyi, niyambakha tsimoni, niyambiila ari Otsie eSiloamu, wiyosie; mana ninzia, nindiyosia, ninyalilwa okhulola. 12Nibamureeba bari Ali heena? Naye ari, Shimanyile ta.
AbaFarisayo bareebelesia akokhuhonia okhwo
13Nibamuyila oyo owalinji omubofu imbeli wabaFarisayo. 14Ne inyanga eyo yali eyaSabato, olwa Yesu yakhola litoyi namutimbusia tsimoni. 15Kho abaFarisayo bosi nibamureeba khandi shinga olwa anyaliilwe okhulola. Naye nabasunjila ari Yara litoyi khumoni tsianje, nasi nindiyosia, ne bulaano endolanga. 16Mana abandi abokhubaFarisayo abo nibaboola mbu Omundu uno shiyarula ewaNyasaye, shichila shialindanga Sabato tawe. Ne abandi baboola mbu Omundu omwonooni anyala arie okhukhola ebilolelo ebifwana biri nanwa? Mana obwahukhani nibwikhola mubo. 17Kho nibamureeba omubofu khandi, bari Nawe oboola orie khuye, olwa akhutimbusiye tsimoni? Naye nasunga Nomunabii. 18Ne abaYahudi abo shibasuubila amakhuwake, mbu yalinji omubofu, kata mbu yanyalilwa okhulola, tawe; okhuula olwa balanga abeebuli ba oyo owanyalilwa okhulola, 19nibabareeba bari Uno niye omwana weenywe, owa muboolanga mbu yeebulwa nali omubofu? Kho bulaano anyaliilwe arie okhulola? 20Abeebulibe nibakalusia, nibasunga mbu Khumanyile mbu uno nomwana weefwe, khandi mbu yeebulwa nali omubofu; 21ne shinga olwa alolanga bulaano, shikhumanyilekhwo ta; kata oumutimbusiye tsimoni, shikhumanyilekhwo ta; mumureebe; nomundu oukhulile; omwene aboole khululwe. 22Abeebulibe baboola amakhuwa ako shichila bali nibariile abaYahudi; shichila abaYahudi bali nibamalile okhufuchilisania mbu omundu yesi naba niyeeyama shinga olwa ali Kristo, arusibwe musinagogi. 23Niko akachila abeebulibe nibasunga mbu Nomundu oukhulile; mumureebe.
24Kho nibamulanga olwakhabili, omundu oyo owalinji omubofu, nibamusunjila bari Heelesia Nyasaye oluyali; khumanyile mbu omundu oyo nomwonooni. 25Naye nakalusia mbu Naba nali omwonooni, isie shimanyile ta; emanyile likhuwa elala, mbu ndalinji omubofu, ne bulaano endolanga. 26Kho nibamureeba bari Akhukholeele shiina? Atimbusiye tsimonitsio arie? 27Nabakalusia mbu Ndakhamuboolela bulaano, nimurahulila ta; mbushiina nimwenya okhukahulila khandi? Mwesi mwenya okhwikhola abeechibe noho? 28Nabo nibamunyeka, nibasunga bari Iwe niwe omwechiwe; ifwe khuli abeechi baMusa. 29Khumanyile mbu Nyasaye yasungana nende Musa; ne omundu oyo, shikhumanyile ewa yarula ta. 30Omusaatsa oyo nakalusia, nabasunjila mbu Mbula, ako nakamakana; mbu shimumanyilekhwo ewa yarula ta, ne khane yandimbusiye tsimoni. 31Khumanyile mbu Nyasaye shiahulilanga aboonooni ta; ne omundu naba namwinamilanga Nyasaye, nende okhukhola aka yeenya, amuhulilanga oyo. 32Okhurula khumusuule shikahuliilikha mbu omundu yesi yatimbusia tsimoni tsiomundu oweebulwa nali omubofu ta. 33Ne omundu uno naba nararula ewaNyasaye ta, khane shiyakhanyalile okhukhola likhuwa liosi tawe. 34Nabo nibakalusia, nibamusunjila bari Atse, iwe weebulilwa mubionoono butswa; khane okhwechesia ifwe? Nibamusukuna elwanyi.
Obubofu obwomumwoyo
35Naye Yesu yahulila shinga olwa bali nibamusukuune elwanyi; mana namunyoola, nareeba mbu Osuubililanga Omwana waNyasaye? 36Naye nakalusia, nasunga mbu Ne niye wina, Omwami, mbu emusuubilile? 37Yesu namuboolela mbu Omuluutsi, khandi niye ousungananga ninawe. 38Naye nasunga ari Omwami, esuubiile. Namwinamila. 39Yesu naboola mbu Obuyaasii nibwo obwachila ninzitsa mushialo shino, mbu abaralolanga ta balole, khandi mbu abalolanga babofuhale. 40AbokhubaFarisayo abaliho ninaye bahulila amakhuwa ako, nibamureeba bari Nineefwe khuli ababofu noho? 41Naye Yesu nabasunjila mbu Nimuba nimwakhabeele ababofu, khane shimwakhwabeele nende obwonooni ta; nebutswa bulaano olwa muboolanga muri Khulola, obwonooni bweenywe bumenyaho.
ទើបបានជ្រើសរើសហើយ៖
Yohana 9: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975
Yohana 9
9
Yesu yahonia otnundu oweebulwa nali omubofu
1Ne olwa yali nabiranga, yalola omundu owalinji omubofu okhurula niyeebulwa. 2Abeechibe nibamureeba bari Rabi, owoonoona niwina, omundu uno noho abeebulibe, mbu yeebulwa ario omubofu? 3Yesu nakalusia mbu Omundu uno shiyayoonoona, kata abeebulibe tawe; ne mbu emilimo chiaNyasaye chilolosilibwe muye. 4Khukhoyile okhukhola emilimo chia oyo owaruma olwa shishili eshiteere; eshilo shiitsanga olwa omundu yesi aranyala okhukhola omulimo ta. 5Olwa endi mushialo, isie nisie obulafu bweshialo. 6Olwa yali naboolile ario, yafutsa hasi, nakhola amare ako litoyi, namubakha litoyi elo khumoni, 7namubiila mbu Tsia wiyosie mwitiba liaSiloamu; obukalulwi bwalio, mbu Okhurumwa. Kho yatsia ario, niyeeyosia, nakalukha nalolanga. 8Mana abashie, nende abo abamulola khale, mbu nomumanani ousabanga ebindu, basunga bari Uno shiali ye oweekhalanga nasaba ebindu? 9Abandi bari Niye; nabandi bari, Tawe, habula afwanana butswa shinga ye. Omwene nasunga mbu Isie nisie. 10Kho nibamureeba bari Kho tsimonitsio tsikhatimbuushe tsirie? 11Naye nakalusia mbu Omundu oyo oulangwa mbu Yesu akholile litoyi, niyambakha tsimoni, niyambiila ari Otsie eSiloamu, wiyosie; mana ninzia, nindiyosia, ninyalilwa okhulola. 12Nibamureeba bari Ali heena? Naye ari, Shimanyile ta.
AbaFarisayo bareebelesia akokhuhonia okhwo
13Nibamuyila oyo owalinji omubofu imbeli wabaFarisayo. 14Ne inyanga eyo yali eyaSabato, olwa Yesu yakhola litoyi namutimbusia tsimoni. 15Kho abaFarisayo bosi nibamureeba khandi shinga olwa anyaliilwe okhulola. Naye nabasunjila ari Yara litoyi khumoni tsianje, nasi nindiyosia, ne bulaano endolanga. 16Mana abandi abokhubaFarisayo abo nibaboola mbu Omundu uno shiyarula ewaNyasaye, shichila shialindanga Sabato tawe. Ne abandi baboola mbu Omundu omwonooni anyala arie okhukhola ebilolelo ebifwana biri nanwa? Mana obwahukhani nibwikhola mubo. 17Kho nibamureeba omubofu khandi, bari Nawe oboola orie khuye, olwa akhutimbusiye tsimoni? Naye nasunga Nomunabii. 18Ne abaYahudi abo shibasuubila amakhuwake, mbu yalinji omubofu, kata mbu yanyalilwa okhulola, tawe; okhuula olwa balanga abeebuli ba oyo owanyalilwa okhulola, 19nibabareeba bari Uno niye omwana weenywe, owa muboolanga mbu yeebulwa nali omubofu? Kho bulaano anyaliilwe arie okhulola? 20Abeebulibe nibakalusia, nibasunga mbu Khumanyile mbu uno nomwana weefwe, khandi mbu yeebulwa nali omubofu; 21ne shinga olwa alolanga bulaano, shikhumanyilekhwo ta; kata oumutimbusiye tsimoni, shikhumanyilekhwo ta; mumureebe; nomundu oukhulile; omwene aboole khululwe. 22Abeebulibe baboola amakhuwa ako shichila bali nibariile abaYahudi; shichila abaYahudi bali nibamalile okhufuchilisania mbu omundu yesi naba niyeeyama shinga olwa ali Kristo, arusibwe musinagogi. 23Niko akachila abeebulibe nibasunga mbu Nomundu oukhulile; mumureebe.
24Kho nibamulanga olwakhabili, omundu oyo owalinji omubofu, nibamusunjila bari Heelesia Nyasaye oluyali; khumanyile mbu omundu oyo nomwonooni. 25Naye nakalusia mbu Naba nali omwonooni, isie shimanyile ta; emanyile likhuwa elala, mbu ndalinji omubofu, ne bulaano endolanga. 26Kho nibamureeba bari Akhukholeele shiina? Atimbusiye tsimonitsio arie? 27Nabakalusia mbu Ndakhamuboolela bulaano, nimurahulila ta; mbushiina nimwenya okhukahulila khandi? Mwesi mwenya okhwikhola abeechibe noho? 28Nabo nibamunyeka, nibasunga bari Iwe niwe omwechiwe; ifwe khuli abeechi baMusa. 29Khumanyile mbu Nyasaye yasungana nende Musa; ne omundu oyo, shikhumanyile ewa yarula ta. 30Omusaatsa oyo nakalusia, nabasunjila mbu Mbula, ako nakamakana; mbu shimumanyilekhwo ewa yarula ta, ne khane yandimbusiye tsimoni. 31Khumanyile mbu Nyasaye shiahulilanga aboonooni ta; ne omundu naba namwinamilanga Nyasaye, nende okhukhola aka yeenya, amuhulilanga oyo. 32Okhurula khumusuule shikahuliilikha mbu omundu yesi yatimbusia tsimoni tsiomundu oweebulwa nali omubofu ta. 33Ne omundu uno naba nararula ewaNyasaye ta, khane shiyakhanyalile okhukhola likhuwa liosi tawe. 34Nabo nibakalusia, nibamusunjila bari Atse, iwe weebulilwa mubionoono butswa; khane okhwechesia ifwe? Nibamusukuna elwanyi.
Obubofu obwomumwoyo
35Naye Yesu yahulila shinga olwa bali nibamusukuune elwanyi; mana namunyoola, nareeba mbu Osuubililanga Omwana waNyasaye? 36Naye nakalusia, nasunga mbu Ne niye wina, Omwami, mbu emusuubilile? 37Yesu namuboolela mbu Omuluutsi, khandi niye ousungananga ninawe. 38Naye nasunga ari Omwami, esuubiile. Namwinamila. 39Yesu naboola mbu Obuyaasii nibwo obwachila ninzitsa mushialo shino, mbu abaralolanga ta balole, khandi mbu abalolanga babofuhale. 40AbokhubaFarisayo abaliho ninaye bahulila amakhuwa ako, nibamureeba bari Nineefwe khuli ababofu noho? 41Naye Yesu nabasunjila mbu Nimuba nimwakhabeele ababofu, khane shimwakhwabeele nende obwonooni ta; nebutswa bulaano olwa muboolanga muri Khulola, obwonooni bweenywe bumenyaho.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975