Genesis 8
8
Okhwakama khwomuyembo
1Mana Nyasaye yeetsulila Noa, nende shia eshili mwoyo shiosi, nende tsisolo tsiosi etsia yali ninatsio musafina; Nyasaye naleera omuyeka okhuhuutsa khushialo, amatsi nikalenjeela; 2tsimoni tsiamatsi tsiosi etsiomulusiba nende amatirisha akomwikulu nikeekalwa, ifula eyirula mwikulu nayo niyiikalilwa; 3ne amatsi kali nikakalushilanga nikarula khushialo; mana olwa tsindaalo eshikhumi nende amakhumi karaano tsiali nitsihweele, amatsi nikatiitiha. 4Ne mumwesi kwomusaafu nikuli ekhumi namusaafu, isafina yeerenjekha khubikulu biaArarati. 5Amatsi nako kali nikatiitihanga okhuula khumwesi kwelikhumi; ne khunyanga yambeli yomwesi kwelikhumi obutenje bwebikulu bwalolekha.
6Mana olunyuma lwetsindaalo amakhumi kane Noa yeekula eshianzwi shieisafina eshia yali niyalomba; 7narusiamwo likhookho, nalio nilirula nilibira eyi nende eyi, okhuula olwa amatsi kali nikakhamile khushibala. 8Khandi narusiamwo lihuusi lilole amatsi nikaba nikaangulukhaane khushibala. 9Ne lihuusi shilianyoolakhwo habundu aha linyala okhuseena eshilenje ta, nilimukalushila musafina, shichila amatsi kali nikashili khushialo shiosi; naye nakololosia omukhono, nalibukula naliiniisia musafina aha yali. 10Nalindakhwo tsindaalo tsindi musaafu; mana narusia lihuusi khandi musafina; 11lihuusi nalio nilimukalushila khubwile; ne khumunwa kwalio liali neli saafu liomutseituni elinochilwe; kho Noa namanya khar e amatsi kali nikaangulukhaane okhurula mushialo. 12Khandi nalinda tsindaalo tsindi musaafu, mana narusia lihuusi; nalio niliramukalushila khandi ta.
13Kho mumuyika kwebikhumi bisasaba nende mulala, mumwesi kwambeli, khunyanga yambeli yakwo, amatsi kali nikakhamile khushialo; Noa nafuunula eshilama shieisafina, nahenga, khane liloba liumile. 14Nomumwesi kwakhabili, khunyanga yamakhumi kabili namusaafu mukwo, eshialo shiali nishihangalaale.
15Nyasaye nasunjila Noa ari 16Murule musafina, iwe, nende omukhasiwo, nende abaanabo, nende abakhasi babaanabo, aba oli ninabo. 17Rulamwo halala nende shia eshili mwoyo eshia oli ninashio khubino biosi, mbu amanyonyi nende tsisolo nende buli shindu eshimoolanga khwiloba; mbu biselasele mushibala nibiibulana, nibiinjiha khushibala. 18Kho Noa narula nende abaanabe, nende omukhasiwe, nende abakhasi babaanabe aba yali ninabo; 19shia isolo yosi, shia eshimoolanga, nende shia linyonyi; buli shindu eshichendanga khushibala, tsimbia tsiabio shinga olwa tsiali, nibirula musafina.
20Noa naye niyoombashila OMWAMI eshimalilo shiemisango; nabukula khushia isolo isiiyikhu nende khushia linyonyi lisiiyikhu, namala emisango emisambe khushimalilo. 21OMWAMI nahulila isiakakha; mana OMWAMI yasunga mumwoyokwe ari Shindilifwolakhwo eshialo khandi khulwa abandu tawe, kata okhuyililisia okhwomumioyo chiabwe nikhuli okhubii okhurula khubwana bwabwe; kata shindilikhupakhwo buli shindu eshili mwoyo khandi shinga olwa ndakholile, tawe. 22Eshialo nishishiliho, liraaka nende lichesa, khandi obushindu nende oluuya, khandi irootso nende eshiubwe, khandi eshiteere nende eshilo, shibiliakama ta.
ទើបបានជ្រើសរើសហើយ៖
Genesis 8: OUV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Oluluyia Union Version © Bible Society of Kenya 1975