Lomɛ́ŋ Moónyi mɔ́túɔkɔnɔkɔnɛ́ɛ ɔ́ kúɔ́p ɔmbɔp ú Polomɛ́ŋ
Moónyi mɔ́túɔkɔnɔkɔnɛ́ɛ ɔ́ kúɔ́p ɔmbɔp ú Polomɛ́ŋ
Póol mɔɔ́ŋɔ́n peétépí pe Yésus Kilíis pámaápá Loma. É kiénsi kí kutúan kuám é piénsi piát no kímoómí, weékeekenyi pɔ́ pinɔ́k pí ínŋónyítónyí ó pusíó pu kuátap, weekenyée pɔ pulinsí ɛ́ɛ́ pɛɛnd peem áápianɛɛ́ péku á kiákí pɔ́mɔlɔkɛ́n Támbákɛ́ɛ. Támbák éétíínyenyi peseé wɛɛyɛ́ ɛ́ɛ́ epe páátapanɛ́ɛ Yésus Kilíise wééyi pɔ́ indɛ́ndɛnɛ, Yésuse úmaátáŋáp á nuak inséésítényí imaápá kɔ́ɔ́p ó pusíó. Kikotí éétíínyenyi kifal kíɔ́p ni indɛ́ndɛnɛ i Támbák, maná kuátap kúsóótosíé mɔɔnd kútipá iŋɔ́pinɔ ó kikotí. Támbák éékeekenyi siki eŋétépie Emfúnukufúúmɛ ɛ́ɛ́ pɔ́sɔ́tɔn á nunamá nú Yésus. A kuamaná póol ɔ́ɔ́kɔɔyɔ aná peétépí mɛ́nyɛɛsíkɛ́nɛ́n kuɛndɛ peseé póyooson epú Támbák mɛɛ́lɛ́ kɔ́ɔ́p ó pusíó. Tuɛ́kɛɛ́nɛn Póole kɔ ɔmbɔp ú Meelíe mé petúmí, wɔɔ́kɔɔyɔ kupíkúŋɔn kúɛ́yɛ́ wɔ́ umaápá okóyikoyi u insɔ́m yi indámb, wɛ́ɛ́yi etúmí upékenée yɛ́ɛ kúúsí kitikit. Aká umɔɔ́ŋɔ́ ɔmbɔp ewe á pálɛ́k u Kolɛnt, póol mapasa utiyɔɔ́k Loma, Pálɛ́k wɔɔkɔ́n ekue e kúúsí. Umopílɔ́ɔ́ŋɔ́ kuyɔɔk é kuelumén ni imbúl sí peétépí umɔɔ́ŋɔ́n pɔ́ ɔmbɔp ewe. Umapá ukanyɛɛ́ emenyén pómotí, á kuamaná kú ɔmbɔp weépíkélikeli pɔ́ kitikite wɔɔpɔ́.
ទើបបានជ្រើសរើសហើយ៖
Lomɛ́ŋ Moónyi mɔ́túɔkɔnɔkɔnɛ́ɛ ɔ́ kúɔ́p ɔmbɔp ú Polomɛ́ŋ: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL