Málúkus 4
4
Nsap i epuúsí
(Mat 13.1-9; Lúk 8.4-8)
1Yésuse waand kuond ó kuónyonyi pɛɛnd á kiŋɛndɛŋɛnd kí asaá ú Kalilée. Kitɔɔt kí pɛɛnd mapá kutek kíɔ́pɔŋ wɔ petényí mekúye nɛɛyɛ́. Aná pamaápá sol kutek, wɔɔnyɔnyɔ́mbɛ́t ó kitóóŋ. Kitóóŋ ó moomb, pɛɛnd peem á kiŋɛndɛŋɛnd, mosió yooson asaá. 2Woónyonyi pɔ́ maandá kutek kí insap. Wɔɔyɔn pɔ́ kɛ́ɛ́yɛ́ kí iŋónyítónyí ɛ́ɛ́: 3«Ánutámb itu! Epué puɔ́s, epuúsí weesik. 4Woond é kupuenen imbu. Ewe embu wáákua kí iŋilí, munoní múasakitan. 5Ómotí wáákɔɔn á tusákáy, insáánɔ katɛ kúsolée. Wɛ́ɛsɛnɔk kuɛ́kɛt á kiákí ɛ́ɛ́ kúúsí timapá kuyuum. 6Ɔɔ́ny mɛɛlɛ́ úkaalaŋána, pisɔ́ɔ́kɔsɔ́ɔ́kɔ píɔ́yɔ́ɔ́yitɛn, píákɔt á katɛ iŋaŋɛ́. 7Ómotí wáákɔɔn kí insɛ́ndí. Insɛ́nd síoópo, síányɛn pisɔ́ɔ́kɔsɔ́ɔ́kɔ. Pisɔ́ɔ́kɔsɔ́ɔ́kɔ pikáánɛ tɛ kuóm insamɔ́. 8Embu ómotí wáákɔɔn ɔ́ nulɔp nuutámb. Pisɔ́ɔ́kɔsɔ́ɔ́kɔ óópo, píómo insamɔ́. Eye indín insamɔ́ nitín na síát, eye etín átátɔ́, eye ne etín átáánɔ.» 9É kuesúkín, Yésuse kɔ́ɔ́p ɛ́ɛ́: «Ewú unyɛɛ́ ni itú wɔɔp!»
Kiákí Yésus túmené insap
(Mat 13.10-15; Lúk 8.9-10)
10Yésus mɛɛlɛ́ na kuátukan nɔ kitɔɔt kí pɛɛnd, weesíen na Pápaátanapáandiɛ ne epé pámaápá pɔ́ɔŋɔn kɛ́ɛ́yɛ́, póond ó kuówon wɔ́ iŋówúnín kí insap umeétúm. 11Wɔ́ kɔ́ɔpɔ́ ɛ́ɛ́: «Panɔ́, pɛ́ɛ́núfɛɛlunɛn maandá mɛɛnɛmbɛ́n mé Pufuŋ pú Támbák. Ɔ́ pɔsɔ́k pólotí, maandá makáánɛ nyɛ mɛnɛmbɛ́n. 12Ɛ́ɛ́ tɛ póyooson pɛ́tiɛ́n puandá, tɛ pɔ́pítɔ́likɔn pɔ́tiɔ́p, emenyí pápíkúŋɔn itɛ́m, Támbák yapɛn pɔ́ á pifal piɔ́pɔ.» 13Wɔ kɔ́ɔ́p ɛ́ɛ́: «Nutipá nuɔ́pɔn insap eye á? Nukɔɔ́p sílotí tiɛkiɛ?
Kisɛɛkunɛ kí insap i epuúsí
(Mat 13.18-23; Lúk 8.11-15)
14«Epuúsí upuenenée nyɛ ewú upékené Mekélíe ma Támbák. 15“Iŋilí” embu siákɔɔn á yíi nyɛ pilɔŋ pí pɛɛnd písiɔ́pítɔ́likɔn Mekélíe ma Támbák. Okóyikoy másilakɔ́n mɔ́ nɔ niɔ́kɔ́tɔ́n kɔ́ɔ́p kí itɛ́m. 16“Tusákáy” embu siákɔɔn á tɔ́ɔ nyɛ pɛɛnd pɛ́nyɛ́ ɛ́ɛ́ pɔ́ɔ nɔ kupítɔ́likɛn Mekélíe má Támbák, páátap mɔ́ na anyamɔ́. 17Pátipá kɔk páyapan Mekélíe málua iŋaŋá kɔ́ɔ́p kí itɛ́m. Pányɛ pɛɛnd pɔ́ muɔ́nɔ́ u kisikɛl, Nɔ kuɔ́p muyu tɛ inséésítényí ó pusíó pú Mekélíe, pɛ́yɛ́kɛlɛt. 18“Nulɔp nunyɛɛ́ ni insɛ́ndí” embu siákɔɔn á nɔ́ɔ, nyɛ pɛɛnd pɔ́pítɔ́likɔnɛ́ Mekélié má Támbák. 19Maná, muyú mú kúúsí, pitɔ́ndɔ pí punɛ́m ni imbísemie asiákan Mekélíe moóko kɔ́ɔ́p kí itɛ́m, mótióm insamɔ́. 20“Nulɔp nuutámb” imbu siákɔɔn á nɔ́ɔ nyɛ pɛɛnd pɔ́pítɔ́likɔnɛ́ Mekélíe má Támbák. Páátap mɔ. Póómo insamɔ́. Ewe, insamɔ́ nitín na siát, ewe insamɔ́ etín átátɔ, ewe insamɔ́ etín átáánɔ.»
Insap yí ilámba
(Mat 5.15; 10.26; Lúk 8.16-18; 11.33; 6.38)
21Yésus ɛ́ɛ́pí kɔ́ɔ́p andíkɛ́k ɛ́ɛ́: «Ɛ́nyɛ́ utúmené ilámba woond ukindikin yɛ́ɛ nɔ ɔluŋɔ́ púnyaánɛ wáák yɛ́ɛ kɔ ɔtínyɔ́ɔ? Tíkɛ waáfakikan yɛ́ɛ kɛ́ ɛŋuɛ́ny é pukít mɛnɛ́mɛnɛ́ɛ á? 22Puuŋɔsíkɔ́n puum ányáám kɔ́ ɔɔ́nd. Insipit tipá kɔ́ɔk pɛ́nyɛ́ɛ́lɛɛ́ pétimenyí. 23Ewú upianɛ́ itú sí kuɔ́p, ɛ́ɛ́kɛɛsikɛnɛn kuɔ́p epú yɔɔyɔnɛ́ɛ!» 24wɔ́ kɔ́ɔ́p andíkɛ́k ɛ́ɛ́: «Ánuanúná peseékepese epú nupítɔlikɔnɛ́ɛ. Pufɛkɛ́n epú ɛfɛkɛnɛ́ pɔsɔ́k na pú, púú pɛ́ɛ́nyíkufɛkɛnɛ́ kɔ́ɔk na pitál. 25Á kiákí ɛ́ɛ́ pɔ́nyɔ́ɔ́yikinɛn ewú unyɛɛ́ na puandá. Ewú utiánipá na pɔ, tɛ puukétíkétie epú upianɛ́ pɔ́ɔ́nyíkɔ́l kɛ́ɛ́yɛ́.»
Insap i Embu úpísɔ́kinɔnɛ́ɛ
26Yésus ɛ́ɛ́pí andíkɛ́k ɛ́ɛ́: «Pufuŋ pú Támbák nyɛ ɛlɛɛ́ mɔɔnd upuenené imbu kɛ́ɛ́yɛ́ é kisíén. 27Tɛ upítiman, tɛ unyɛ ɛŋɛnyɔ́, nene putúk nɔnɔ puɔ́s, imbu sɔ́ɔ́kɔ, pisɔ́ɔ́kɔsɔ́ɔ́kɔ kuman, utimenyí aná púpíɛ́lɛnɛ́ɛ. 28Kúúsí kúú muɛ́t átúan kuémi indín i pusamɔ́ na pianyi pu na kukɔm puomo insamɔ́, púlɛnŋɛ. 29Insamɔ́ nakukúnɛn, muɛ́t kisíén táan niok.»
Insap i ansamɔ́ ɛlɛɛ́ ú pukúm
(Mat 13.31-32; Lúk 13.18-19)
30Wɔ́ andá ɛ́ɛ́: «Kiákí tunyɛɛ́ pékuketi Pufuŋ pú Támbák á kɛ́ɛ? Ni insap inín tunyɛɛ́ pékutíínyi aná púnyɛɛ́? 31Púnyɛ ɛlɛɛ́ embu ómotí únyɛɛ́ ɛlɛɛ́ ansamɔ́ ú pukúm. Aká pépuenené wɔ, únyɛ pukétikétie. É kúúsí kuum embu ólotí tipá pukétí ɛlɛɛ́ wɔ. 32Ne kupuu wɔ, úsɔ́ɔk, úkuman kukányɛn pisɔ́ɔ́kɔsɔ́ɔ́kɔ pí kisíén piim wóond útaŋa pikas. Mononí áásiwááká kɛ́ɛ́yɛ́ ó moóko.»
Yésus ókoónyonyi ni insap
(Mat 13.34-35)
33Yésus mapá woónyonyi pɛɛnd Mekélíe má Támbák ni insap kutek ɛlɛɛ́ esie, á kitáám ekí pámaápá pɔ́kuɔp. 34Utimapá ukála kɔ́ɔ́p kati insapɛ. Aká úményisién no popíónyí pɛ́ɛ́yɛ́, usɛɛkunɛn pɔ́ puandá kitikit.
Yésus mélúŋí emfún wɔɔkɔ́n
(Mat 8.18, 23-27; Lúk 8.22-25)
35Puɔ́sɛ́ pukáánɛ, kuɔ́m sɛ́ndɛnɛ, Yésus ɛ́ɛ́pí kɔ́ɔ́p ɛ́ɛ́: «Ɛnyɛɛ́ tutápɔk nakúnɛ u asaá.» 36Páakaátukan nɔ kitɔɔt kí pɛɛnd. Popíónyí páayɔɔk nɛɛyɛ́ ó kitóóŋ umaápá á kɛ́ɛ. Pitóóŋ pílotí pimaápá kɛ́ɛ́yɛ́ á masia píápálɔk káká pɛ́ɛ. 37Kikaaka kí emfún kíond é kufúke. Moomb átukan, mopióton ó kitóóŋ nɛkɛtɛ́ɛ. Kíetúm ó kuwóónon. 38Yésus pítiman é kélém nɛkɛtɛ́ɛ u kitóóŋ, ɛtɔ atálán kí iŋáta. Popíónyí péekenyi wɔ, popóko na puwaá. Pɔ kɛ́ɛ́yɛ́ ɛ́ɛ́: «Oŋónyóony, tuméku, pútipá púkuɛlɛ puandá?» 39Wɛɛnyukɛnɛ, waánsitɛn emfun, wɔ́ ká asaá ɛ́ɛ́: «Lúŋ, Yééwú!» Emfún wéeluŋ. Kuɔ́m kuésien siímbílíkítíkítí. 40wɔ́ kɔ́ɔ́p ɛ́ɛ́: «Kiákí puwaá nuɛ́lɛnɛ́ anɛ? Numanyi nutipiá pipíóndínyí ɔtɛ́m á?» 41Puwaá puukɔ́n púɛ́tikɛn pɔ, pópíówunon pɔ́ɔ nɔ pɔ́ɔ ɛ́ɛ́: «Kasɛ́ puundɛ unyɛɛ́, ɛ́ɛ́ tɛ emfún tɛ asaá ɔ́ɔ́pinɔn wɔ?»
ទើបបានជ្រើសរើសហើយ៖
Málúkus 4: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Málúkus 4
4
Nsap i epuúsí
(Mat 13.1-9; Lúk 8.4-8)
1Yésuse waand kuond ó kuónyonyi pɛɛnd á kiŋɛndɛŋɛnd kí asaá ú Kalilée. Kitɔɔt kí pɛɛnd mapá kutek kíɔ́pɔŋ wɔ petényí mekúye nɛɛyɛ́. Aná pamaápá sol kutek, wɔɔnyɔnyɔ́mbɛ́t ó kitóóŋ. Kitóóŋ ó moomb, pɛɛnd peem á kiŋɛndɛŋɛnd, mosió yooson asaá. 2Woónyonyi pɔ́ maandá kutek kí insap. Wɔɔyɔn pɔ́ kɛ́ɛ́yɛ́ kí iŋónyítónyí ɛ́ɛ́: 3«Ánutámb itu! Epué puɔ́s, epuúsí weesik. 4Woond é kupuenen imbu. Ewe embu wáákua kí iŋilí, munoní múasakitan. 5Ómotí wáákɔɔn á tusákáy, insáánɔ katɛ kúsolée. Wɛ́ɛsɛnɔk kuɛ́kɛt á kiákí ɛ́ɛ́ kúúsí timapá kuyuum. 6Ɔɔ́ny mɛɛlɛ́ úkaalaŋána, pisɔ́ɔ́kɔsɔ́ɔ́kɔ píɔ́yɔ́ɔ́yitɛn, píákɔt á katɛ iŋaŋɛ́. 7Ómotí wáákɔɔn kí insɛ́ndí. Insɛ́nd síoópo, síányɛn pisɔ́ɔ́kɔsɔ́ɔ́kɔ. Pisɔ́ɔ́kɔsɔ́ɔ́kɔ pikáánɛ tɛ kuóm insamɔ́. 8Embu ómotí wáákɔɔn ɔ́ nulɔp nuutámb. Pisɔ́ɔ́kɔsɔ́ɔ́kɔ óópo, píómo insamɔ́. Eye indín insamɔ́ nitín na síát, eye etín átátɔ́, eye ne etín átáánɔ.» 9É kuesúkín, Yésuse kɔ́ɔ́p ɛ́ɛ́: «Ewú unyɛɛ́ ni itú wɔɔp!»
Kiákí Yésus túmené insap
(Mat 13.10-15; Lúk 8.9-10)
10Yésus mɛɛlɛ́ na kuátukan nɔ kitɔɔt kí pɛɛnd, weesíen na Pápaátanapáandiɛ ne epé pámaápá pɔ́ɔŋɔn kɛ́ɛ́yɛ́, póond ó kuówon wɔ́ iŋówúnín kí insap umeétúm. 11Wɔ́ kɔ́ɔpɔ́ ɛ́ɛ́: «Panɔ́, pɛ́ɛ́núfɛɛlunɛn maandá mɛɛnɛmbɛ́n mé Pufuŋ pú Támbák. Ɔ́ pɔsɔ́k pólotí, maandá makáánɛ nyɛ mɛnɛmbɛ́n. 12Ɛ́ɛ́ tɛ póyooson pɛ́tiɛ́n puandá, tɛ pɔ́pítɔ́likɔn pɔ́tiɔ́p, emenyí pápíkúŋɔn itɛ́m, Támbák yapɛn pɔ́ á pifal piɔ́pɔ.» 13Wɔ kɔ́ɔ́p ɛ́ɛ́: «Nutipá nuɔ́pɔn insap eye á? Nukɔɔ́p sílotí tiɛkiɛ?
Kisɛɛkunɛ kí insap i epuúsí
(Mat 13.18-23; Lúk 8.11-15)
14«Epuúsí upuenenée nyɛ ewú upékené Mekélíe ma Támbák. 15“Iŋilí” embu siákɔɔn á yíi nyɛ pilɔŋ pí pɛɛnd písiɔ́pítɔ́likɔn Mekélíe ma Támbák. Okóyikoy másilakɔ́n mɔ́ nɔ niɔ́kɔ́tɔ́n kɔ́ɔ́p kí itɛ́m. 16“Tusákáy” embu siákɔɔn á tɔ́ɔ nyɛ pɛɛnd pɛ́nyɛ́ ɛ́ɛ́ pɔ́ɔ nɔ kupítɔ́likɛn Mekélíe má Támbák, páátap mɔ́ na anyamɔ́. 17Pátipá kɔk páyapan Mekélíe málua iŋaŋá kɔ́ɔ́p kí itɛ́m. Pányɛ pɛɛnd pɔ́ muɔ́nɔ́ u kisikɛl, Nɔ kuɔ́p muyu tɛ inséésítényí ó pusíó pú Mekélíe, pɛ́yɛ́kɛlɛt. 18“Nulɔp nunyɛɛ́ ni insɛ́ndí” embu siákɔɔn á nɔ́ɔ, nyɛ pɛɛnd pɔ́pítɔ́likɔnɛ́ Mekélié má Támbák. 19Maná, muyú mú kúúsí, pitɔ́ndɔ pí punɛ́m ni imbísemie asiákan Mekélíe moóko kɔ́ɔ́p kí itɛ́m, mótióm insamɔ́. 20“Nulɔp nuutámb” imbu siákɔɔn á nɔ́ɔ nyɛ pɛɛnd pɔ́pítɔ́likɔnɛ́ Mekélíe má Támbák. Páátap mɔ. Póómo insamɔ́. Ewe, insamɔ́ nitín na siát, ewe insamɔ́ etín átátɔ, ewe insamɔ́ etín átáánɔ.»
Insap yí ilámba
(Mat 5.15; 10.26; Lúk 8.16-18; 11.33; 6.38)
21Yésus ɛ́ɛ́pí kɔ́ɔ́p andíkɛ́k ɛ́ɛ́: «Ɛ́nyɛ́ utúmené ilámba woond ukindikin yɛ́ɛ nɔ ɔluŋɔ́ púnyaánɛ wáák yɛ́ɛ kɔ ɔtínyɔ́ɔ? Tíkɛ waáfakikan yɛ́ɛ kɛ́ ɛŋuɛ́ny é pukít mɛnɛ́mɛnɛ́ɛ á? 22Puuŋɔsíkɔ́n puum ányáám kɔ́ ɔɔ́nd. Insipit tipá kɔ́ɔk pɛ́nyɛ́ɛ́lɛɛ́ pétimenyí. 23Ewú upianɛ́ itú sí kuɔ́p, ɛ́ɛ́kɛɛsikɛnɛn kuɔ́p epú yɔɔyɔnɛ́ɛ!» 24wɔ́ kɔ́ɔ́p andíkɛ́k ɛ́ɛ́: «Ánuanúná peseékepese epú nupítɔlikɔnɛ́ɛ. Pufɛkɛ́n epú ɛfɛkɛnɛ́ pɔsɔ́k na pú, púú pɛ́ɛ́nyíkufɛkɛnɛ́ kɔ́ɔk na pitál. 25Á kiákí ɛ́ɛ́ pɔ́nyɔ́ɔ́yikinɛn ewú unyɛɛ́ na puandá. Ewú utiánipá na pɔ, tɛ puukétíkétie epú upianɛ́ pɔ́ɔ́nyíkɔ́l kɛ́ɛ́yɛ́.»
Insap i Embu úpísɔ́kinɔnɛ́ɛ
26Yésus ɛ́ɛ́pí andíkɛ́k ɛ́ɛ́: «Pufuŋ pú Támbák nyɛ ɛlɛɛ́ mɔɔnd upuenené imbu kɛ́ɛ́yɛ́ é kisíén. 27Tɛ upítiman, tɛ unyɛ ɛŋɛnyɔ́, nene putúk nɔnɔ puɔ́s, imbu sɔ́ɔ́kɔ, pisɔ́ɔ́kɔsɔ́ɔ́kɔ kuman, utimenyí aná púpíɛ́lɛnɛ́ɛ. 28Kúúsí kúú muɛ́t átúan kuémi indín i pusamɔ́ na pianyi pu na kukɔm puomo insamɔ́, púlɛnŋɛ. 29Insamɔ́ nakukúnɛn, muɛ́t kisíén táan niok.»
Insap i ansamɔ́ ɛlɛɛ́ ú pukúm
(Mat 13.31-32; Lúk 13.18-19)
30Wɔ́ andá ɛ́ɛ́: «Kiákí tunyɛɛ́ pékuketi Pufuŋ pú Támbák á kɛ́ɛ? Ni insap inín tunyɛɛ́ pékutíínyi aná púnyɛɛ́? 31Púnyɛ ɛlɛɛ́ embu ómotí únyɛɛ́ ɛlɛɛ́ ansamɔ́ ú pukúm. Aká pépuenené wɔ, únyɛ pukétikétie. É kúúsí kuum embu ólotí tipá pukétí ɛlɛɛ́ wɔ. 32Ne kupuu wɔ, úsɔ́ɔk, úkuman kukányɛn pisɔ́ɔ́kɔsɔ́ɔ́kɔ pí kisíén piim wóond útaŋa pikas. Mononí áásiwááká kɛ́ɛ́yɛ́ ó moóko.»
Yésus ókoónyonyi ni insap
(Mat 13.34-35)
33Yésus mapá woónyonyi pɛɛnd Mekélíe má Támbák ni insap kutek ɛlɛɛ́ esie, á kitáám ekí pámaápá pɔ́kuɔp. 34Utimapá ukála kɔ́ɔ́p kati insapɛ. Aká úményisién no popíónyí pɛ́ɛ́yɛ́, usɛɛkunɛn pɔ́ puandá kitikit.
Yésus mélúŋí emfún wɔɔkɔ́n
(Mat 8.18, 23-27; Lúk 8.22-25)
35Puɔ́sɛ́ pukáánɛ, kuɔ́m sɛ́ndɛnɛ, Yésus ɛ́ɛ́pí kɔ́ɔ́p ɛ́ɛ́: «Ɛnyɛɛ́ tutápɔk nakúnɛ u asaá.» 36Páakaátukan nɔ kitɔɔt kí pɛɛnd. Popíónyí páayɔɔk nɛɛyɛ́ ó kitóóŋ umaápá á kɛ́ɛ. Pitóóŋ pílotí pimaápá kɛ́ɛ́yɛ́ á masia píápálɔk káká pɛ́ɛ. 37Kikaaka kí emfún kíond é kufúke. Moomb átukan, mopióton ó kitóóŋ nɛkɛtɛ́ɛ. Kíetúm ó kuwóónon. 38Yésus pítiman é kélém nɛkɛtɛ́ɛ u kitóóŋ, ɛtɔ atálán kí iŋáta. Popíónyí péekenyi wɔ, popóko na puwaá. Pɔ kɛ́ɛ́yɛ́ ɛ́ɛ́: «Oŋónyóony, tuméku, pútipá púkuɛlɛ puandá?» 39Wɛɛnyukɛnɛ, waánsitɛn emfun, wɔ́ ká asaá ɛ́ɛ́: «Lúŋ, Yééwú!» Emfún wéeluŋ. Kuɔ́m kuésien siímbílíkítíkítí. 40wɔ́ kɔ́ɔ́p ɛ́ɛ́: «Kiákí puwaá nuɛ́lɛnɛ́ anɛ? Numanyi nutipiá pipíóndínyí ɔtɛ́m á?» 41Puwaá puukɔ́n púɛ́tikɛn pɔ, pópíówunon pɔ́ɔ nɔ pɔ́ɔ ɛ́ɛ́: «Kasɛ́ puundɛ unyɛɛ́, ɛ́ɛ́ tɛ emfún tɛ asaá ɔ́ɔ́pinɔn wɔ?»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL