Málúkus 3
3
Kiéŋuke puɔ́s pu sápat
(Mat 12.9-14; Lúk 6.6-11)
1Yésuse waand epíkin á kiansi kí Pɛyúútɛn kí imbísókóli. Mɔɔnd mapá kɔ́ɔk nɔ ɔmbɔk ekuén. 2Pafalisiɛ́ŋ fɛ́ɛ́fɛ Yésuse ɛ́ kuɛ́n índɛ ukaná kuéŋuki wɔ puɔ́s pú sápat. Á kiákí ɛ́ɛ́ pámaambá kusɔ́mɔn wɔ. 3Yésus ɛ́ɛ́pí á mɔɔnd umaápá nɔ ɔmbɔk ekuén ɛ́ɛ́: «Atukɛn! Óló akɛ, ké eŋis yɛ pɛɛnd peem.» 4Woówun pɛɛnd pámaápá akáánɛ́ póyooson, wɔ kɔ́ɔ́p ɛ́ɛ́: «Pikotí píásɔ́ ɔ́ɔ́kɔɔyɔ ɛ́ɛ́ kiakí? Puɔ́sí pú sápat, tuɛ́kɛɛsikɛnɛn kuɛlɛ peseé éé kilɔk? kusóti mɔɔnd éé kuɔ́n wɔ?» Pééluŋ yééwú, tɛ ɛ́ɛ́ póóndinyi. 5Yésuse watámb pɔ́ eŋis ni ilópi kɔ́ ɔtɛ́m, púond púékenyi wɔ́ insíkíl aná itɛ́m siɔ́pɔ́ maápá kulal. Wɔ á mɔɔnd wɛɛ́tɛ ɛ́ɛ́: «Kaánɔ́n ɔmbɔk wááwɔ.» Waakanɔn, ɔmbɔk úmaánuma, weéŋuk. 6Pafalisiɛ́ŋ páákaam, pááyɔɔk nɔ niɔ́kɔ́tɔ́n kí insumbú nɛ pɛɛnd pe Elóot á kunukɛn Yésuse ikɔ́n ɛ́ɛ́ pɔɔ́n wɔ.
Yésuse nɔ kitɔɔt kí pɛɛnd
(Mat 4.25; 12.15-16; Lúk 6.17-19)
7Yésuse waayɔɔk no popíónyí pɛ́ɛ́yɛ́ á kiŋɛndɛŋɛnd kí asáá ú Kalilée. Pɛɛnd puólíkóoli pɔ́ɔŋ kɛ́ɛ́yɛ́ aná pɔ́mɔɔ́pɔ́n maandá umɛɛ́lɛ. Pómoólinón ɔ́ kitɔŋ kí Kalilée, ne kí Yuté, 8na pálɛ́k kisiɛ́n ɛ́ɛ́ Yelúsalɛm, nɔ kitɔŋ kí Itumé, na kí nakúnɛ u Sulutɛ́ŋ, nɔ kitɔŋ kí Tíil ne Sitɔ́ŋ. 9Yésuse wɔɔyitɛn popíónyí pɛ́ɛ́yɛ́ ɛ́ɛ́ páambitɛn wɔ́ kitóóŋ, páákɛn wɔ kɛ́ɛ mekúye, emenyí embúl ú pɛɛnd ɔ́ɔ́tɔ wɔ. 10Á kiákí ɛ́ɛ́, aná umaápa weéŋukesi pɛɛnd kutek, epé pámaánúmá pínɔtikɔn wɔ; páamba kupíkɔ́ɔ́tɔn wɔ. 11Pɛɛnd pɔ́ pilɔk pí piliínditíe nɛ kuɛ́n wɔ, pésukenin wɔ tunúú e kúúsí póond péseekenyi wɔ, pɔ́ɔ́yɔ ɛ́ɛ́: «Anyi Muɔ́nɔ́ u Támbák!» 12Yésus kálan pɔ́ ni imɛ́ny, ukányan nɔɔpɔ́ ɛ́ɛ́ pétitéékí wɔ.
Kiyúunɛ kí Papáátanapaandiɛ
(Mat 10.1-4; Lúk 6.12-16)
13É kélém kúɛ́yɛ́ Yésuse waamákat kɔ́ ɔkɛ́l. Waapílikɛn pɛɛnd ɔtɛ́m wɛ́ɛ́yɛ́ mɔɔ́lɔŋɔ. Pɔ́ɔ́nyɔwɔɔ́kɛ́n wɔ. 14Weeténikenyi páátanapaandɛ́, ɛ́ɛ́ pápá nɛɛyɛ́, ɛ́ɛ́ útúman pɔ́ ó kuól kúkémé insɔ́m yi indámb, 15na kukúúŋa pilɔk pí piliínditíe kɛ́ɛ́yɛ́ á pukaaka. 16Pisiɛ́n pí pɛɛ́tɛ Papáátanapaandiɛ epie: Símune (Yésuse waalɔk wɔ́ ɛ́ɛ́ Píɛlɛ), 17Sáakɛ na andimán wɛɛyɛ́ Isáaŋ, paán pe Sépeté (Yésuse weeki pɔ kisiɛ́n kí punɔ́k ɛ́ɛ́ Puanɛ́lkɛsɛ, anakáánɛ́ kunyɛɛ́: paán pí imbalamandá), 18Endelée, Fílipe, Patelemíe, Matíasɛ, Túmasɛ, Sáakɛ muɔ́nɔ́ u Alifée, Taatée, Símune umɔɔ́yɔ kitɔŋ kíɛ́yɛ́ puólíkóoli, 19na Yútas Isikalióte umaákálɛ́n Yésuse ikɔ́n.
Ne Yésus nɛ Pɛ́ɛlsepúle
(Mat 12.24-32; Lúk 11.15-23; 12.10)
20Yésuse woond á nuya. Nɛɛyɛ́ no popíónyí pɛ́ɛ́yɛ́ tɛ ninyɛ́n puandá ɛ́ɛ́, á kiákí ɛ́ɛ́ kitɔɔt kí pɛɛnd maanda kuasisaká kusak kɔ́ɔm. 21Pɛɛnd pé nikúli ní Yésus mɛɛlɛ́ pɔ́ɔ́pɔn anakáánɛ́, pááyɔɔk ɔ́ kuɔkɔ́l wɔ, á kiákí ɛ́ɛ́ pámapá pɛɛlɛ ɛ́ɛ́: «Waápál tuélél!» 22Pemenyí pikotí pómoólín Yelúsalɛm ɔ́ɔ́yɔ ɛ́ɛ́: «Unyi nɛ Pɛ́ɛlsepúle, ɔkɔ́n u pilɔk pi piliínditíe», «wɔ́ weekenyée wɔ́ pukaaka pú kukúúŋa pilɔk pí piliínditíe.» 23Yésuse waapílikɛn pɔ, woond á kukálan pɔ́ kí insap. Wɔ kɔ́ɔ́p ɛ́ɛ́: «Tiɛkiɛ́ Sátanɛ, ɔkɔ́n u pilɔk pi piliínditíe, nyɛ́ pákupíkúúŋit é? 24Índɛ pɛɛnd pɔ́ kitɔŋ kímoómí siond á kunuanan pitíí pɔ́ nɔ pɔ, kitɔŋ kikáánɛ tipá pákupaápɛt, páákata kíi wɔ́ɔ́sí. 25Índɛ pɛɛnd pé nikúli nímoómí siond á kunuanan pɔ́ nɔ pɔ, nikúli nikáánɛ́ ɛ́ɛ́sɛ́lukɛn. 26Índɛ kɔk Sáátan épínuenesi, unyi apísalá, pukaaka púɛ́yɛ́ áásákinan, yá anɛ wúú muɛ́t. 27Atipá pékupíkin na pukaaka á kiansi kí mɔɔnd u imbekí oond asak punɛ́m púɛ́yɛ́ kati ɛ́ɛ́ amátúán kukútikan wɔ. Aman akúta wɔ́ maná asaka kiansi kíɛ́yɛ́. 28Yɔɔ́nuɔ́yɔn kémuémue ɛ́ɛ́: Támbák kayapɛn pɛɛnd pé kúúsí peem á pifal piɔ́p piim, tɛ píteke; tɛ ewú usikanɛ́ wɔ. 29Ɛsiɛ́ kifal kí kufénen Emfúnukufúúmɛ Támbák ɛ́nyɛ́ɛ́lɛɛ́ útiyapá kíi tɛ puɔ́s. Mɔɔnd úmányipítúúkɛn kikáánɛ kifal ɔ́nyílɔp na kíi é teeníík.» 30Yésus makálá anakáánɛ́ é pemenyí pikotí á kiákí ɛ́ɛ́ pámapá pɔ́ɔ́yɔ ɛ́ɛ́: «Unyɛ nɔ kilɔk kí kiliínditíe.»
Nikúli ní Yésus ní kémuémue
(Mat 12.46-50; Lúk 8.19-21)
31Paandimán pé Yésus no yóótí páásiám kɔɔ́mɔ umaápá, pɔɔlɔp kɔ ɔɔ́nd. Páátɔ́m mɔɔnd á kuapílíkɛ́n wɔ. 32Pɛɛnd puólíkóoli mapá pɔnyɔ́l, pɔ́pɔŋɔ wɔ. Pɔ́ kɛ́ɛ́yɛ́ ɛ́ɛ́: «Nikóótíe na paandimán pááwɔ nyɛ kɔ́ ɔɔ́nd, páákuamba.» 33Wɔ kɔ́ɔ́p ɛ́ɛ́: «Ɛ́nyɛ́ unyɛɛ́ íyɛɛ́, Pénín pɛ́nyɛɛ́ paandimán páámɛ?» 34Wooyoosin pɛɛnd pámaápá pɔnyɔ́l, pɔpɔŋɔ́ wɔ. Wɔ́ kɔ́ɔpɔ́ ɛ́ɛ́: «Íyɛɛ́ na paandimán páámɛ epe. 35Á kiákí ɛ́ɛ́ ewú wɔɔ́pinɔnɛ́ Támbákɛ́ɛ, wɔ unyɛ́ andimán áámɛ, íyɛɛ́.»
ទើបបានជ្រើសរើសហើយ៖
Málúkus 3: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Málúkus 3
3
Kiéŋuke puɔ́s pu sápat
(Mat 12.9-14; Lúk 6.6-11)
1Yésuse waand epíkin á kiansi kí Pɛyúútɛn kí imbísókóli. Mɔɔnd mapá kɔ́ɔk nɔ ɔmbɔk ekuén. 2Pafalisiɛ́ŋ fɛ́ɛ́fɛ Yésuse ɛ́ kuɛ́n índɛ ukaná kuéŋuki wɔ puɔ́s pú sápat. Á kiákí ɛ́ɛ́ pámaambá kusɔ́mɔn wɔ. 3Yésus ɛ́ɛ́pí á mɔɔnd umaápá nɔ ɔmbɔk ekuén ɛ́ɛ́: «Atukɛn! Óló akɛ, ké eŋis yɛ pɛɛnd peem.» 4Woówun pɛɛnd pámaápá akáánɛ́ póyooson, wɔ kɔ́ɔ́p ɛ́ɛ́: «Pikotí píásɔ́ ɔ́ɔ́kɔɔyɔ ɛ́ɛ́ kiakí? Puɔ́sí pú sápat, tuɛ́kɛɛsikɛnɛn kuɛlɛ peseé éé kilɔk? kusóti mɔɔnd éé kuɔ́n wɔ?» Pééluŋ yééwú, tɛ ɛ́ɛ́ póóndinyi. 5Yésuse watámb pɔ́ eŋis ni ilópi kɔ́ ɔtɛ́m, púond púékenyi wɔ́ insíkíl aná itɛ́m siɔ́pɔ́ maápá kulal. Wɔ á mɔɔnd wɛɛ́tɛ ɛ́ɛ́: «Kaánɔ́n ɔmbɔk wááwɔ.» Waakanɔn, ɔmbɔk úmaánuma, weéŋuk. 6Pafalisiɛ́ŋ páákaam, pááyɔɔk nɔ niɔ́kɔ́tɔ́n kí insumbú nɛ pɛɛnd pe Elóot á kunukɛn Yésuse ikɔ́n ɛ́ɛ́ pɔɔ́n wɔ.
Yésuse nɔ kitɔɔt kí pɛɛnd
(Mat 4.25; 12.15-16; Lúk 6.17-19)
7Yésuse waayɔɔk no popíónyí pɛ́ɛ́yɛ́ á kiŋɛndɛŋɛnd kí asáá ú Kalilée. Pɛɛnd puólíkóoli pɔ́ɔŋ kɛ́ɛ́yɛ́ aná pɔ́mɔɔ́pɔ́n maandá umɛɛ́lɛ. Pómoólinón ɔ́ kitɔŋ kí Kalilée, ne kí Yuté, 8na pálɛ́k kisiɛ́n ɛ́ɛ́ Yelúsalɛm, nɔ kitɔŋ kí Itumé, na kí nakúnɛ u Sulutɛ́ŋ, nɔ kitɔŋ kí Tíil ne Sitɔ́ŋ. 9Yésuse wɔɔyitɛn popíónyí pɛ́ɛ́yɛ́ ɛ́ɛ́ páambitɛn wɔ́ kitóóŋ, páákɛn wɔ kɛ́ɛ mekúye, emenyí embúl ú pɛɛnd ɔ́ɔ́tɔ wɔ. 10Á kiákí ɛ́ɛ́, aná umaápa weéŋukesi pɛɛnd kutek, epé pámaánúmá pínɔtikɔn wɔ; páamba kupíkɔ́ɔ́tɔn wɔ. 11Pɛɛnd pɔ́ pilɔk pí piliínditíe nɛ kuɛ́n wɔ, pésukenin wɔ tunúú e kúúsí póond péseekenyi wɔ, pɔ́ɔ́yɔ ɛ́ɛ́: «Anyi Muɔ́nɔ́ u Támbák!» 12Yésus kálan pɔ́ ni imɛ́ny, ukányan nɔɔpɔ́ ɛ́ɛ́ pétitéékí wɔ.
Kiyúunɛ kí Papáátanapaandiɛ
(Mat 10.1-4; Lúk 6.12-16)
13É kélém kúɛ́yɛ́ Yésuse waamákat kɔ́ ɔkɛ́l. Waapílikɛn pɛɛnd ɔtɛ́m wɛ́ɛ́yɛ́ mɔɔ́lɔŋɔ. Pɔ́ɔ́nyɔwɔɔ́kɛ́n wɔ. 14Weeténikenyi páátanapaandɛ́, ɛ́ɛ́ pápá nɛɛyɛ́, ɛ́ɛ́ útúman pɔ́ ó kuól kúkémé insɔ́m yi indámb, 15na kukúúŋa pilɔk pí piliínditíe kɛ́ɛ́yɛ́ á pukaaka. 16Pisiɛ́n pí pɛɛ́tɛ Papáátanapaandiɛ epie: Símune (Yésuse waalɔk wɔ́ ɛ́ɛ́ Píɛlɛ), 17Sáakɛ na andimán wɛɛyɛ́ Isáaŋ, paán pe Sépeté (Yésuse weeki pɔ kisiɛ́n kí punɔ́k ɛ́ɛ́ Puanɛ́lkɛsɛ, anakáánɛ́ kunyɛɛ́: paán pí imbalamandá), 18Endelée, Fílipe, Patelemíe, Matíasɛ, Túmasɛ, Sáakɛ muɔ́nɔ́ u Alifée, Taatée, Símune umɔɔ́yɔ kitɔŋ kíɛ́yɛ́ puólíkóoli, 19na Yútas Isikalióte umaákálɛ́n Yésuse ikɔ́n.
Ne Yésus nɛ Pɛ́ɛlsepúle
(Mat 12.24-32; Lúk 11.15-23; 12.10)
20Yésuse woond á nuya. Nɛɛyɛ́ no popíónyí pɛ́ɛ́yɛ́ tɛ ninyɛ́n puandá ɛ́ɛ́, á kiákí ɛ́ɛ́ kitɔɔt kí pɛɛnd maanda kuasisaká kusak kɔ́ɔm. 21Pɛɛnd pé nikúli ní Yésus mɛɛlɛ́ pɔ́ɔ́pɔn anakáánɛ́, pááyɔɔk ɔ́ kuɔkɔ́l wɔ, á kiákí ɛ́ɛ́ pámapá pɛɛlɛ ɛ́ɛ́: «Waápál tuélél!» 22Pemenyí pikotí pómoólín Yelúsalɛm ɔ́ɔ́yɔ ɛ́ɛ́: «Unyi nɛ Pɛ́ɛlsepúle, ɔkɔ́n u pilɔk pi piliínditíe», «wɔ́ weekenyée wɔ́ pukaaka pú kukúúŋa pilɔk pí piliínditíe.» 23Yésuse waapílikɛn pɔ, woond á kukálan pɔ́ kí insap. Wɔ kɔ́ɔ́p ɛ́ɛ́: «Tiɛkiɛ́ Sátanɛ, ɔkɔ́n u pilɔk pi piliínditíe, nyɛ́ pákupíkúúŋit é? 24Índɛ pɛɛnd pɔ́ kitɔŋ kímoómí siond á kunuanan pitíí pɔ́ nɔ pɔ, kitɔŋ kikáánɛ tipá pákupaápɛt, páákata kíi wɔ́ɔ́sí. 25Índɛ pɛɛnd pé nikúli nímoómí siond á kunuanan pɔ́ nɔ pɔ, nikúli nikáánɛ́ ɛ́ɛ́sɛ́lukɛn. 26Índɛ kɔk Sáátan épínuenesi, unyi apísalá, pukaaka púɛ́yɛ́ áásákinan, yá anɛ wúú muɛ́t. 27Atipá pékupíkin na pukaaka á kiansi kí mɔɔnd u imbekí oond asak punɛ́m púɛ́yɛ́ kati ɛ́ɛ́ amátúán kukútikan wɔ. Aman akúta wɔ́ maná asaka kiansi kíɛ́yɛ́. 28Yɔɔ́nuɔ́yɔn kémuémue ɛ́ɛ́: Támbák kayapɛn pɛɛnd pé kúúsí peem á pifal piɔ́p piim, tɛ píteke; tɛ ewú usikanɛ́ wɔ. 29Ɛsiɛ́ kifal kí kufénen Emfúnukufúúmɛ Támbák ɛ́nyɛ́ɛ́lɛɛ́ útiyapá kíi tɛ puɔ́s. Mɔɔnd úmányipítúúkɛn kikáánɛ kifal ɔ́nyílɔp na kíi é teeníík.» 30Yésus makálá anakáánɛ́ é pemenyí pikotí á kiákí ɛ́ɛ́ pámapá pɔ́ɔ́yɔ ɛ́ɛ́: «Unyɛ nɔ kilɔk kí kiliínditíe.»
Nikúli ní Yésus ní kémuémue
(Mat 12.46-50; Lúk 8.19-21)
31Paandimán pé Yésus no yóótí páásiám kɔɔ́mɔ umaápá, pɔɔlɔp kɔ ɔɔ́nd. Páátɔ́m mɔɔnd á kuapílíkɛ́n wɔ. 32Pɛɛnd puólíkóoli mapá pɔnyɔ́l, pɔ́pɔŋɔ wɔ. Pɔ́ kɛ́ɛ́yɛ́ ɛ́ɛ́: «Nikóótíe na paandimán pááwɔ nyɛ kɔ́ ɔɔ́nd, páákuamba.» 33Wɔ kɔ́ɔ́p ɛ́ɛ́: «Ɛ́nyɛ́ unyɛɛ́ íyɛɛ́, Pénín pɛ́nyɛɛ́ paandimán páámɛ?» 34Wooyoosin pɛɛnd pámaápá pɔnyɔ́l, pɔpɔŋɔ́ wɔ. Wɔ́ kɔ́ɔpɔ́ ɛ́ɛ́: «Íyɛɛ́ na paandimán páámɛ epe. 35Á kiákí ɛ́ɛ́ ewú wɔɔ́pinɔnɛ́ Támbákɛ́ɛ, wɔ unyɛ́ andimán áámɛ, íyɛɛ́.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL