Málúkus 5
5
Yésus mééŋúkí epélítúputia é Tekapóol
(Mat 8.28-34; Lúk 8.26-39)
1Yésuse no popíónyí pɛ́ɛ́yɛ́ páanyaám nakúnɛ u asaá ú Kalilée, ɔ́ kitɔŋ kí Peselaseniɛ́ŋ. 2Yésus mɛɛlɛ́ uselen ó kitóóŋ, mɔɔnd omotí, nɔ kilɔk kí kiliínditíe, áminan ó munyoó, woólin wɔ. 3Unyɔ́mbitɔn yá ó munyoó. Patimapá pákuand akútikan wɔ tɛ na pikásɔ́kás tɛ ne mesuŋ. 4Á kiákí ɛ́ɛ́ tɛ páák wɔ pilu ɔ́ pikɔ́nd, pákúta wɔ́ ne mesuŋ umana akása. Mɔɔnd timaand apian pukaaka pú kukútikan wɔ. 5Putúk ɛlɛ́ɛ puɔ́s, puɔ́s ɛlɛ́ɛ putúk, uteŋele á pipɛ́l ni ikɛ́l, upóko, upítɔ́sunɔ na atány. 6Umɛɛlɛ́ umanyi kááyɛ́, wɛɛ́n Yésuse. Wɔsɔ́k ɔtɛ́t, weenyesukín wɔ́ tunúú ó pusío. 7Wɔɔ́mbɔlɛt: «Kiákɛ́ iŋambanɛ́, Yésus, Muɔ́nɔ́ u Támbákɛ́ɛ u isáánupúlɛ́? Yókupísokolonyi, ɛ́ kisiɛ́n kí Támbák, etiesíínsésítényi.» 8Á kiákí ɛ́ɛ́ Yésus mɛɛlɛ́ ɔ́ kilɔk kí kiliínditíe ɛ́ɛ́: «Aŋúɛ kilɔk kí kiliínditíe, ám ɔ́ nuɔ́l nú mɔɔnd ewe!» 9Yésuse woówun kí ɛ́ɛ́: «Kisiɛ́n kíáwɔ kinyɛɛ́ ɛ́nyɛ?» Kíóndinyi wɔ ɛ́ɛ́: «Kíámɛ kinyɛɛ́ Punyakuteke, á kiákí ɛ́ɛ́ tunyi kutekekétek.» 10kíond ɛ́ kupíyɛ́kɛlɛn wɔ́ ɛ́ɛ́ utiémí pɛ́ɛ ɔ́ kitɔŋ kikáánɛ. 11Pulɔŋkɔ́lɔŋ pú iŋunɛ́p file kúúsí akáánɛ á kuamba múkunya á piindɛ́ pí ɔkɛ́l. 12Pilɔk pi piliínditíe píyɛ́kɛlɛn Yésuse, piɔ́yɔn wɔ ɛ́ɛ́: «Síkoli, tutɔ́ɔ́m tuépiken kí iŋunɛ́p esíné.» 13Yésuse waátapɛn pɛ. Píákaam, píépíken kí iŋunɛ́p. Pulɔŋ pú iŋunɛ́p púenyekutúk á piindɛ́ pí ɔkɛ́l púonyopíómbín ká asaá. Siim símeényím ká asaá mapá síkuam tukɔ́n túandɛ́. 14Pekííkí iŋunɛ́p ɛ́ɛ́nɛn nɔ́ɔ, pumbú ni itɛ́t. Póond á mukɔnd na palɛ́k, pápísáákinan pɛɛnd. Póókoól á kuasiyíkíná puandá púmányaámɛ́n pɔ́ɔ. 15Pɛɛnd páányaámɛ́n Yésuse. Péékítikenyi epélítuputia ɔnyɔ́l, ɛpílɛŋɛ́ peseé, elúŋén yééwú; wɔ ewú umaápá na punyakuteke. Púɛkɛɛl pɔ́ puwaá. 16Petétúnyí ɔ́ɔyɔn pɛɛnd puandá púmaámɛn epélítúputia ni iŋunɛ́p. 17Póond ó kupísókolonyi Yésuse ɛ́ɛ́ wáám kɔ́ɔ́p ɔ́ kitɔŋ. 18Yésuse waapípɔndɔn. Úmákat ó kitóóŋe, ewú umaápá epélítúputia woopísókoliti wɔ ɛ́ɛ́ payɔɔk. 19Yésuse wasáŋɔn. wɔ́ kɛ́ɛ́yɛ́ ɛ́ɛ́: «Ondó kááwɔ á nuya, ku pekúlíkuli pááwɔ. Ɔ́ɔyɔn pɔ́ epú kitikit Ɔkɔ́n mɛ́nyɛɛlɛ́ kááwɔ ó pusíó, kɛ́ɛ́yɛ́ ɛ́ niɛ́nɛ ɔsúkɛ.» 20Mɔɔnd waayɔɔk ó kuól kuɔ́yɔ, e kúúsí kuum kú Tekapóol, epú kitikit Yésus mɛɛ́lɛ́ kɛ́ɛyɛ́ ó pusíó. Pɛɛnd peem símile.
Akáandɔ́ mééŋuk; Yésus méenyí ɔmbɔ́l u Sáyilus
(Mat 9.18-26; Lúk 8.40-56)
21Yésuse waasapɛn asaá nakɔn ó kitóóŋ. Umapá umanyi etényí á kiŋɛndɛŋɛnd kí asaá, kitɔɔt kí pɛɛnd kíɔpɔŋ wɔ. 22Ɔkɔ́n omotí u kiansi kí Pɛyúútɛn kí imbísókólí, kisiɛ́n ɛ́ɛ́ Sáyiluse, waasiám. Umɛɛlɛ́ wɛɛ́nɛn Yésuse, waasikɔɔ́n wɔ́ ɔ́ pikɔ́nd. 23Wapífiak wɔ nɛ kuyɛ́pɛn wɔ imbɔk; wɔ kɛ́ɛ́yɛ́ ɛ́ɛ́: «Muɔ́nɔ́ áámɛ waakáandɔ́, umanyɛɛ́ kiendine, nyɛ mekúye ne niku; síkoli óló asítál wɔ́ imbɔk ɛ́ɛ́ ósóti wɔ́, wééŋuk.» 24Yésuse waayɔɔk ɔlɔŋ nɛɛyɛ́. Kitɔɔt kí pɛɛnd ɔ́ɔ́ŋɔn kɛ́ɛ́yɛ́, pátáta wɔ. 25Akáandɔ́ omotí mapá akáánɛ, tuɔŋ túát na túandɛ́ wɛɛ́nɛn oólí útisɔ́mbsɔmb. 26Wɔɔpɔŋ pɔtɔ́pitɛ ne pepúki káá, wɛɛ́nɛn muyú táásɛ á nupɔk. Pikɔ́ŋ kitikit umaápian yuukan á nupɔk, tɛ kukéliti. Kunúma fáámfa. 27Akáandɔ́ ukáánɛ ɔ́ɔ́pɔn pɛɛnd ɔ́ɔ́yɔ maandá Yésus mɛɛ́lɛ. Woólin wɔ́ iŋélémée, ɔ́ kitɔɔt nɛkɛtɛ́ɛ, wɔɔpíkɔ́ɔ́tɛn indífɔnɔ́ yɛɛyɛ́. 28Á kiákí ɛ́ɛ́ umapá wɔɔyɔ kɛ́ɛ́yɛ́ kí iŋɔnyɛ́ ɛ́ɛ́: «Índɛ insiɔpíkɔ́ɔ́tɛn kupíkɔ́ɔ́tɛn indífɔnɔ́ yɛɛyɛ́, iŋaná kuéŋuk.» 29Manɔ́ŋ mamaáman wɔ máásúmbɛk nɔ niɔ́kɔ́tɔ́n, wɔpiɔ́p ɛ́ɛ́ umééŋuk. 30Kɔ́ɔk nɔ kɔ́ɔk Yésuse wɔpiɔ́p ɛ́ɛ́ pukaaka púmotí máam kɛ́ɛ́yɛ́ ɔ́ nuɔ́l. Wɛɛpíkɛkɛlɛt ɛ́ kikɛtɛ́kɛtɛ́ɛ kí kitɔɔt, wɔ́ ɛ́ɛ́: «Ɛ́nyɛ́ úmɔ́nyipíkɔ́ɔ́tɛ́n indífɔnɔ́ yaam?» 31Popíónyí pɛ́ɛ́yɛ́ póondinyi wɔ́ ɛ́ɛ́: «Ɛɛ́kɛɛ́nɛn aná kitɔɔt kí pɛɛnd kutátanɛ́ piáy piim oond oówon ɛ́ɛ́: Ɛ́nyɛ́ umɔ́nyimbíkɔ́ɔ́tɛn?» 32Tɛ nɔ́ɔ, Yésuse woond ó kuyooson, waamba ne eŋis ɛ́ kuɛ́n ewú úmɔ́nyipíkɔ́ɔ́tɛn wu. 33Akáandɔ́ wɛɛ́tɛ menyen epú púmányitápɔ́k kɛ́ɛ́yɛ́ ɔ́ nuɔ́l. Takitakitak, waasikɔɔ́n Yésuse ɔ́ pikɔ́nd. wɔ́ kuɔyɛt puandá kitikit. 34Yésus ɛ́ɛ́pí kɛ́ɛ́yɛ́ ɛ́ɛ́: «Ɔmbúl waamɛ, pipíóndinyí ɔtɛ́m píáwɔ mɔ́kuɔkɔ́. Apá ne kiyeéwe kɔ́ ɔtɛ́m, nuɔ́l nuáwɔ pá kuwa.» 35Umɛɛlɛ́ umaákála, pɛɛnd pónyoólín á nuyá nú ɔkɔ́n u kiansi kí imbísókólí. Pɔ́ kɛ́ɛ́yɛ́ ɛ́ɛ́: «Muɔ́nɔ́ ááwɔ méku. Atiandá esésitenyi Ɔkɔ́n.» 36Yésuse wɛɛl ɛlɛɛ́ utimɔ́ɔ́p, wɔ́ á Sáyilus ɛ́ɛ́: «Etitíín, piá pipíóndínyí ɔtɛ́m.» 37Utimaátap ɛ́ɛ́ mɔɔnd olotí tílikin wɔ, ɛsiɛ́ nɛ Píɛl, na Sáak ni Isáaŋ andimán Sáak. 38Panyaám á nuyá nú ɔkɔ́n u kiansi kí imbísókólí. Yésuse wekítikenyi kiyɔkɔt. Pɛɛnd paŋa, pópóko. 39Weepíkin á kiansi, wɔ́ kɔ́ɔ́p ɛ́ɛ́: «Kiákí nuyɔkɔtɔnɛ́ɛ nupaŋa? Muúŋayɔ́ tipá ekuén, unyɛ ɔ́ tunɔ.» 40Póond ɔ́ kuɔnɔ wɔ. Weekeémi pɔ́ peem, wɔɔkɔ́l pepiény pá muúŋayɔ́ nɔ pɔsɔ́k pémeésítílíkén wɔ. Weepíkin nɔɔpɔ́ kɔɔ́mɔ muúŋayɔ́ maápá. 41Wɛɛtikɛn wɔ́ kɔ́ ɔmbɔk, wɔ́ kɛ́ɛ́yɛ́ ɛ́ɛ́: «Talíta kum!» anakáánɛ́ kunyɛɛ́: «Ɔmbɔ́l, yɛɛ́pí kááwɔ ɛ́ɛ́ atukɛn!» 42Kakat, muúŋayɔ́ akáandɔ́ waatukɛn, woond ɛ́ kuɛndɛ (umapá tuɔŋ túát na túandɛ́). Púélési pɔ. 43Yésuse wɔɔsɔkɔ pɔ́ itú ɛ́ɛ́ pɔ́tiɔyitɛ́n mɔɔnd. wɔ́ kɔ́ɔ́p ɛ́ɛ́: «Ánutááŋ ɔmbɔ́l ewe.»
ទើបបានជ្រើសរើសហើយ៖
Málúkus 5: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Málúkus 5
5
Yésus mééŋúkí epélítúputia é Tekapóol
(Mat 8.28-34; Lúk 8.26-39)
1Yésuse no popíónyí pɛ́ɛ́yɛ́ páanyaám nakúnɛ u asaá ú Kalilée, ɔ́ kitɔŋ kí Peselaseniɛ́ŋ. 2Yésus mɛɛlɛ́ uselen ó kitóóŋ, mɔɔnd omotí, nɔ kilɔk kí kiliínditíe, áminan ó munyoó, woólin wɔ. 3Unyɔ́mbitɔn yá ó munyoó. Patimapá pákuand akútikan wɔ tɛ na pikásɔ́kás tɛ ne mesuŋ. 4Á kiákí ɛ́ɛ́ tɛ páák wɔ pilu ɔ́ pikɔ́nd, pákúta wɔ́ ne mesuŋ umana akása. Mɔɔnd timaand apian pukaaka pú kukútikan wɔ. 5Putúk ɛlɛ́ɛ puɔ́s, puɔ́s ɛlɛ́ɛ putúk, uteŋele á pipɛ́l ni ikɛ́l, upóko, upítɔ́sunɔ na atány. 6Umɛɛlɛ́ umanyi kááyɛ́, wɛɛ́n Yésuse. Wɔsɔ́k ɔtɛ́t, weenyesukín wɔ́ tunúú ó pusío. 7Wɔɔ́mbɔlɛt: «Kiákɛ́ iŋambanɛ́, Yésus, Muɔ́nɔ́ u Támbákɛ́ɛ u isáánupúlɛ́? Yókupísokolonyi, ɛ́ kisiɛ́n kí Támbák, etiesíínsésítényi.» 8Á kiákí ɛ́ɛ́ Yésus mɛɛlɛ́ ɔ́ kilɔk kí kiliínditíe ɛ́ɛ́: «Aŋúɛ kilɔk kí kiliínditíe, ám ɔ́ nuɔ́l nú mɔɔnd ewe!» 9Yésuse woówun kí ɛ́ɛ́: «Kisiɛ́n kíáwɔ kinyɛɛ́ ɛ́nyɛ?» Kíóndinyi wɔ ɛ́ɛ́: «Kíámɛ kinyɛɛ́ Punyakuteke, á kiákí ɛ́ɛ́ tunyi kutekekétek.» 10kíond ɛ́ kupíyɛ́kɛlɛn wɔ́ ɛ́ɛ́ utiémí pɛ́ɛ ɔ́ kitɔŋ kikáánɛ. 11Pulɔŋkɔ́lɔŋ pú iŋunɛ́p file kúúsí akáánɛ á kuamba múkunya á piindɛ́ pí ɔkɛ́l. 12Pilɔk pi piliínditíe píyɛ́kɛlɛn Yésuse, piɔ́yɔn wɔ ɛ́ɛ́: «Síkoli, tutɔ́ɔ́m tuépiken kí iŋunɛ́p esíné.» 13Yésuse waátapɛn pɛ. Píákaam, píépíken kí iŋunɛ́p. Pulɔŋ pú iŋunɛ́p púenyekutúk á piindɛ́ pí ɔkɛ́l púonyopíómbín ká asaá. Siim símeényím ká asaá mapá síkuam tukɔ́n túandɛ́. 14Pekííkí iŋunɛ́p ɛ́ɛ́nɛn nɔ́ɔ, pumbú ni itɛ́t. Póond á mukɔnd na palɛ́k, pápísáákinan pɛɛnd. Póókoól á kuasiyíkíná puandá púmányaámɛ́n pɔ́ɔ. 15Pɛɛnd páányaámɛ́n Yésuse. Péékítikenyi epélítuputia ɔnyɔ́l, ɛpílɛŋɛ́ peseé, elúŋén yééwú; wɔ ewú umaápá na punyakuteke. Púɛkɛɛl pɔ́ puwaá. 16Petétúnyí ɔ́ɔyɔn pɛɛnd puandá púmaámɛn epélítúputia ni iŋunɛ́p. 17Póond ó kupísókolonyi Yésuse ɛ́ɛ́ wáám kɔ́ɔ́p ɔ́ kitɔŋ. 18Yésuse waapípɔndɔn. Úmákat ó kitóóŋe, ewú umaápá epélítúputia woopísókoliti wɔ ɛ́ɛ́ payɔɔk. 19Yésuse wasáŋɔn. wɔ́ kɛ́ɛ́yɛ́ ɛ́ɛ́: «Ondó kááwɔ á nuya, ku pekúlíkuli pááwɔ. Ɔ́ɔyɔn pɔ́ epú kitikit Ɔkɔ́n mɛ́nyɛɛlɛ́ kááwɔ ó pusíó, kɛ́ɛ́yɛ́ ɛ́ niɛ́nɛ ɔsúkɛ.» 20Mɔɔnd waayɔɔk ó kuól kuɔ́yɔ, e kúúsí kuum kú Tekapóol, epú kitikit Yésus mɛɛ́lɛ́ kɛ́ɛyɛ́ ó pusíó. Pɛɛnd peem símile.
Akáandɔ́ mééŋuk; Yésus méenyí ɔmbɔ́l u Sáyilus
(Mat 9.18-26; Lúk 8.40-56)
21Yésuse waasapɛn asaá nakɔn ó kitóóŋ. Umapá umanyi etényí á kiŋɛndɛŋɛnd kí asaá, kitɔɔt kí pɛɛnd kíɔpɔŋ wɔ. 22Ɔkɔ́n omotí u kiansi kí Pɛyúútɛn kí imbísókólí, kisiɛ́n ɛ́ɛ́ Sáyiluse, waasiám. Umɛɛlɛ́ wɛɛ́nɛn Yésuse, waasikɔɔ́n wɔ́ ɔ́ pikɔ́nd. 23Wapífiak wɔ nɛ kuyɛ́pɛn wɔ imbɔk; wɔ kɛ́ɛ́yɛ́ ɛ́ɛ́: «Muɔ́nɔ́ áámɛ waakáandɔ́, umanyɛɛ́ kiendine, nyɛ mekúye ne niku; síkoli óló asítál wɔ́ imbɔk ɛ́ɛ́ ósóti wɔ́, wééŋuk.» 24Yésuse waayɔɔk ɔlɔŋ nɛɛyɛ́. Kitɔɔt kí pɛɛnd ɔ́ɔ́ŋɔn kɛ́ɛ́yɛ́, pátáta wɔ. 25Akáandɔ́ omotí mapá akáánɛ, tuɔŋ túát na túandɛ́ wɛɛ́nɛn oólí útisɔ́mbsɔmb. 26Wɔɔpɔŋ pɔtɔ́pitɛ ne pepúki káá, wɛɛ́nɛn muyú táásɛ á nupɔk. Pikɔ́ŋ kitikit umaápian yuukan á nupɔk, tɛ kukéliti. Kunúma fáámfa. 27Akáandɔ́ ukáánɛ ɔ́ɔ́pɔn pɛɛnd ɔ́ɔ́yɔ maandá Yésus mɛɛ́lɛ. Woólin wɔ́ iŋélémée, ɔ́ kitɔɔt nɛkɛtɛ́ɛ, wɔɔpíkɔ́ɔ́tɛn indífɔnɔ́ yɛɛyɛ́. 28Á kiákí ɛ́ɛ́ umapá wɔɔyɔ kɛ́ɛ́yɛ́ kí iŋɔnyɛ́ ɛ́ɛ́: «Índɛ insiɔpíkɔ́ɔ́tɛn kupíkɔ́ɔ́tɛn indífɔnɔ́ yɛɛyɛ́, iŋaná kuéŋuk.» 29Manɔ́ŋ mamaáman wɔ máásúmbɛk nɔ niɔ́kɔ́tɔ́n, wɔpiɔ́p ɛ́ɛ́ umééŋuk. 30Kɔ́ɔk nɔ kɔ́ɔk Yésuse wɔpiɔ́p ɛ́ɛ́ pukaaka púmotí máam kɛ́ɛ́yɛ́ ɔ́ nuɔ́l. Wɛɛpíkɛkɛlɛt ɛ́ kikɛtɛ́kɛtɛ́ɛ kí kitɔɔt, wɔ́ ɛ́ɛ́: «Ɛ́nyɛ́ úmɔ́nyipíkɔ́ɔ́tɛ́n indífɔnɔ́ yaam?» 31Popíónyí pɛ́ɛ́yɛ́ póondinyi wɔ́ ɛ́ɛ́: «Ɛɛ́kɛɛ́nɛn aná kitɔɔt kí pɛɛnd kutátanɛ́ piáy piim oond oówon ɛ́ɛ́: Ɛ́nyɛ́ umɔ́nyimbíkɔ́ɔ́tɛn?» 32Tɛ nɔ́ɔ, Yésuse woond ó kuyooson, waamba ne eŋis ɛ́ kuɛ́n ewú úmɔ́nyipíkɔ́ɔ́tɛn wu. 33Akáandɔ́ wɛɛ́tɛ menyen epú púmányitápɔ́k kɛ́ɛ́yɛ́ ɔ́ nuɔ́l. Takitakitak, waasikɔɔ́n Yésuse ɔ́ pikɔ́nd. wɔ́ kuɔyɛt puandá kitikit. 34Yésus ɛ́ɛ́pí kɛ́ɛ́yɛ́ ɛ́ɛ́: «Ɔmbúl waamɛ, pipíóndinyí ɔtɛ́m píáwɔ mɔ́kuɔkɔ́. Apá ne kiyeéwe kɔ́ ɔtɛ́m, nuɔ́l nuáwɔ pá kuwa.» 35Umɛɛlɛ́ umaákála, pɛɛnd pónyoólín á nuyá nú ɔkɔ́n u kiansi kí imbísókólí. Pɔ́ kɛ́ɛ́yɛ́ ɛ́ɛ́: «Muɔ́nɔ́ ááwɔ méku. Atiandá esésitenyi Ɔkɔ́n.» 36Yésuse wɛɛl ɛlɛɛ́ utimɔ́ɔ́p, wɔ́ á Sáyilus ɛ́ɛ́: «Etitíín, piá pipíóndínyí ɔtɛ́m.» 37Utimaátap ɛ́ɛ́ mɔɔnd olotí tílikin wɔ, ɛsiɛ́ nɛ Píɛl, na Sáak ni Isáaŋ andimán Sáak. 38Panyaám á nuyá nú ɔkɔ́n u kiansi kí imbísókólí. Yésuse wekítikenyi kiyɔkɔt. Pɛɛnd paŋa, pópóko. 39Weepíkin á kiansi, wɔ́ kɔ́ɔ́p ɛ́ɛ́: «Kiákí nuyɔkɔtɔnɛ́ɛ nupaŋa? Muúŋayɔ́ tipá ekuén, unyɛ ɔ́ tunɔ.» 40Póond ɔ́ kuɔnɔ wɔ. Weekeémi pɔ́ peem, wɔɔkɔ́l pepiény pá muúŋayɔ́ nɔ pɔsɔ́k pémeésítílíkén wɔ. Weepíkin nɔɔpɔ́ kɔɔ́mɔ muúŋayɔ́ maápá. 41Wɛɛtikɛn wɔ́ kɔ́ ɔmbɔk, wɔ́ kɛ́ɛ́yɛ́ ɛ́ɛ́: «Talíta kum!» anakáánɛ́ kunyɛɛ́: «Ɔmbɔ́l, yɛɛ́pí kááwɔ ɛ́ɛ́ atukɛn!» 42Kakat, muúŋayɔ́ akáandɔ́ waatukɛn, woond ɛ́ kuɛndɛ (umapá tuɔŋ túát na túandɛ́). Púélési pɔ. 43Yésuse wɔɔsɔkɔ pɔ́ itú ɛ́ɛ́ pɔ́tiɔyitɛ́n mɔɔnd. wɔ́ kɔ́ɔ́p ɛ́ɛ́: «Ánutááŋ ɔmbɔ́l ewe.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL