Málúkus 2
2
Kiéŋukie kí kinsɛ́kɛlinɛ Kafalanawúum
(Mat 9.1-8; Lúk 5.17-26)
1Metúk na pusɔ́mb ne pukeli, Yésuse woond Kafalanawúum. Niɔy níayɔɔk ɛ́ɛ́ unyɛ á nuya. 2Pɛɛnd póówóon á kiansi, tɛ kiás kí nipíkínín. Wɔɔyɔn pɔ́ Mekélíe má Támbák. 3Pɛɛnd péni póólin wɔ́ nɛ kinsɛ́kɛlinɛ. 4Aná pɛɛnd maásaká kɔ́ɔm, nipísíítínín Yésuse tɛ níɛ. Páámákatɛn á muyáp ó kuofolún punɛk é kuseli kinsɛ́kɛlinɛ á nuambálɛ́n kɔɔ́mɔ Yésus maápá. 5Yésuse wɛɛ́n pipíóndínyí ɔtɛ́m piɔ́pɔ́. Wɔ́ ɛ́ kinsɛ́kɛlinɛ ɛ́ɛ́: «Muɔ́nɔ́, imákuyapɛ́n á pifal píáwɔ.» 6Pomotí pemenyí pikotí kɔ́ɔk, pópíówon kí itɛ́m ɛ́ɛ́: 7«Kiákí unyɛɛ́ pikandɔ́ anɛ? Ɛ́nyɛ́ omotí unyɛɛ́ ukuyapɛn mɔɔnd á pifal katiɛ́ Támbákɛ́ɛ wééŋényí? Waásikan Támbákɛ́ɛ» 8Yésuse weemeny nɔ niɔ́kɔ́tɔ́n puandá pámaápitááka. Wɔ kɔ́ɔ́p ɛ́ɛ́: «Ó pusíó pú kiákɛ́ nunyɛɛ́ na sikáánɛ́ imbítáákítɛ́n? 9Púnín púnyɛɛ́ sɔtsɔt ɔ́ kuɔyɛt: imákuyapɛ́n á pifal piáwɔ éy, púnyɛ́ anɛ atɔ́kɛ́n, kɔ́l nuambálɛ́n nuáwɔ, pál ambaná? 10Ɛ́ɛ́ númenyi ɛ́ɛ́ iŋúɛ, Muɔ́nɔ́ u mɔɔnd, inyɛ na pukaaka pú kuyap pifal pí mɔɔnd e kúúsí ekue: 11kinsɛ́kɛlinɛ, yɛɛ́pí kááwɔ ɛ́ɛ́: atúkɛ́n, kɔ́l nuambálɛ́n nuáwɔ, ondó kuawɔ.» 12Yá akáánɛ́ nɔ niɔ́kɔ́tɔ́n, ɛ́ kikɛtɛ́kɛtɛ́ɛ kiɔ́pɔ́, pɛmɛɛlɛ́ pɛ́ɛ́ninɛ: kakat, kinsɛ́kɛlinɛ máatukɛn, kímɔ́kɔ́l nuambálɛ́n núɛ́yɛ́, kímáam. Púápíányɛn pɔ. Póond ó kuómokosi Támbákɛ́ɛ, nɔ muɔ́nɛ́: «Píímbiénée imapásɛ indiɛ́n puandá pilɔŋ epie!»
Yésus mápílíkɛ́n Léfie
(Mat 9.9-13; Lúk 5.27-32)
13Yésuse waand ayɔɔk á kiŋɛndɛŋɛnd kí asáá ú Kalilée. Embúl ɔ́ɔ́ŋɔn, woónyonyi pɔ. 14Kí iŋilí, wɛɛ́n Léfie, muɔ́nɔ́ u Alifée, ɔnyɔ́l á kiansi petuénené lemfúe. wɔ́ kɛ́ɛ́yɛ́ ɛ́ɛ́: «Ɔŋɔ́ káámɛ». Léfie wɔɔŋ kɛ́ɛ́yɛ́. 15Páátáaŋ Yésuse á nuyá nú Léfi. Puólíkóoli pú petúúsi lemfúe na pafalfal pɔ́ɔ́nyɔ́mbɛt ɔlɔŋ ne Yésus no popíónyí pɛ́ɛ́yɛ́ á kunyáan. Á kiákí ɛ́ɛ́ nunamá nú pɛɛnd nukáánɛ mapá kutek númɔɔ́ŋɔn é Yésus. 16Pemenyí pikotí pɔ́ kiɔ́p kí Pafalisiɛ́ŋ pɛɛ́n Yésus nyáan ɔlɔŋ na pafalfal ne petúúsi lemfúe. Pɔ́ ó popíónyí pé Yésus ɛ́ɛ́: «Ó pusíó pú kiákí unyáanɛ ɔlɔŋ ne petúúsi lemfúe na pafalfal é?» 17Yésuse wɔɔ́pɔ aná pámaákála. Woondinyi pɔ́ ɛ́ɛ́: «Pekilikile tipá insaná ne epúkí, pánúmanɛ́ pɛnyɛɛ́ insaná ne epúkí. Indiól á kuasipílíkɛ́n pííndɛ́ndɛ́nɛ, pafalfal yóónyól kɔ́ɔpɔ́ ó pusíó.»
Kipíkotio kí múkunya
(Mat 9.14-17; Lúk 5.33-39)
18Epué puɔ́s, popíónyí pí Isáaŋ Etuúsí na Pafalisiɛ́ŋ póópíkoti múkunya. Pɛɛnd pókoosiówún Yésuse ɛ́ɛ́: «Ó pusíó pú kiákí popíónyí pí Isáaŋ Etuúsí na pa Pafalisiɛ́ŋ píkotosíe múkunya, pááwɔ tiɛlɛ́ nɔ?» 19wɔ́ kɔ́ɔpɔ́ ɛ́ɛ́: «Pɛɛnd pásiápílan ɔ́ nuɔ́ndɔ́n nyɛ pókupíkoti púkunyá kisikɛl mɔɔnd usiókoonyiki nyɛ́ nɔɔpɔ́ á? Ááko! Kisikɛl kitikit mɔɔnd usiókoonyiki nyɛ́ nɔɔpɔ́, pátipá kupíkoti púkunya. 20Puɔ́sí púmotí, páányásiátɔ́n pɔ́ na mɔɔnd usiókoonyiki. Puɔ́sí pukáánɛ́ pónyípíkotié múkunya. 21Pátipá pékíte kilaá kiilunén ne kiénsi kí kilaá kiikɔs. Índɛ ɛsiɛl nɔ, kiénsi kiikɔs ɔ́kɔ́ɔ́kɔ kilaá kiilunén kíond kílaf kɛ́ɛ; kilafíkɛ́n kíínsúá yɔkɔn. 22Andíkɛ́k ɛ́ɛ́ pátipá páákan makɛp mɔɔkɔ́si á pipááŋ piilunén. Índɛ ɛsiɛl nɔ, makɛp kaná epúse, másán pipááŋ: aáyɛn na makɛp na pipááŋ. Púɛ́kɛɛsikɛnɛn ɛ́ɛ́ páákan makɛp mɔɔkɔ́si á pipááŋ piikɔ́si!»
Ne Yésus na sápat
(Mat 12.1-8; Lúk 6.1-5)
23Epué puɔ́s pú sápat#2.23 Kisiɛ́n nɛ nuyúútɛnɛ kí puɔ́s pukatíndatɔneémue Támbák moókoti Pɛyúútɛn mukɔt, pɔpiɔyitɔn á pɔ., Yésus matápúkán putiɛ́pulɛ́, á pisɔ́mb pí pelé. Popíónyí pɛ́ɛ́yɛ́ póond á kukanda pelé. 24Pafalisiɛ́ŋ ɛ́ɛ́pí é Yésus ɛ́ɛ́: «Ó pusíó pú kiákí pɛɛnd pááwɔ ɛ́ɛlɛnɛ́ epú pikotí píásɔ́ kányanɛ́ puɔ́s pú kupiɔ́yɛt?» 25Wɔ kɔ́ɔ́p ɛ́ɛ́: «Numapásɛ nutianɔ́n epú Tafíit mɛɛ́lɛ́ puɔ́s púmotí insaná mɛɛ́tikɛ́n wɔ́ nɛ pɛɛnd pámaápá nɛɛyɛ́ á? 26Ɛ́ kiɛ́tɛ kisikɛl, Apiatálɛ umaápá ɔkɔ́n u pɔkɔ́n pá pafunɔ́fɔn pá Támbák. Tafíite weepíkin kí isúŋ í Támbák, waanyá pilɛ́ɛt pómoópoóki Támbákɛ́ɛ. Pikotí píásɔ́ ékeekenyi pafunɔ́fɔn pééŋényí pukaaka pú kunyáan pilɛ́ɛt pikáánɛ́. Tɛ nɔ, Tááfite wɔɔkɔ́l pɛ waanya woond weeki pɛɛnd pámaápá nɛɛyɛ́.» 27wɔ́ andá kɔ́ɔpɔ́ ɛ́ɛ́: «Támbák mɛtɛ́k sápat ó pusíó pú mɔɔnd, utimaluŋa mɔɔnd ó pusíó pú sápat. 28Púú pukáánɛ iŋúɛ, Muɔ́nɔ́ u mɔɔnd, niŋúɛ inyɛɛ́ muɛ́t sápat.»
ទើបបានជ្រើសរើសហើយ៖
Málúkus 2: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Málúkus 2
2
Kiéŋukie kí kinsɛ́kɛlinɛ Kafalanawúum
(Mat 9.1-8; Lúk 5.17-26)
1Metúk na pusɔ́mb ne pukeli, Yésuse woond Kafalanawúum. Niɔy níayɔɔk ɛ́ɛ́ unyɛ á nuya. 2Pɛɛnd póówóon á kiansi, tɛ kiás kí nipíkínín. Wɔɔyɔn pɔ́ Mekélíe má Támbák. 3Pɛɛnd péni póólin wɔ́ nɛ kinsɛ́kɛlinɛ. 4Aná pɛɛnd maásaká kɔ́ɔm, nipísíítínín Yésuse tɛ níɛ. Páámákatɛn á muyáp ó kuofolún punɛk é kuseli kinsɛ́kɛlinɛ á nuambálɛ́n kɔɔ́mɔ Yésus maápá. 5Yésuse wɛɛ́n pipíóndínyí ɔtɛ́m piɔ́pɔ́. Wɔ́ ɛ́ kinsɛ́kɛlinɛ ɛ́ɛ́: «Muɔ́nɔ́, imákuyapɛ́n á pifal píáwɔ.» 6Pomotí pemenyí pikotí kɔ́ɔk, pópíówon kí itɛ́m ɛ́ɛ́: 7«Kiákí unyɛɛ́ pikandɔ́ anɛ? Ɛ́nyɛ́ omotí unyɛɛ́ ukuyapɛn mɔɔnd á pifal katiɛ́ Támbákɛ́ɛ wééŋényí? Waásikan Támbákɛ́ɛ» 8Yésuse weemeny nɔ niɔ́kɔ́tɔ́n puandá pámaápitááka. Wɔ kɔ́ɔ́p ɛ́ɛ́: «Ó pusíó pú kiákɛ́ nunyɛɛ́ na sikáánɛ́ imbítáákítɛ́n? 9Púnín púnyɛɛ́ sɔtsɔt ɔ́ kuɔyɛt: imákuyapɛ́n á pifal piáwɔ éy, púnyɛ́ anɛ atɔ́kɛ́n, kɔ́l nuambálɛ́n nuáwɔ, pál ambaná? 10Ɛ́ɛ́ númenyi ɛ́ɛ́ iŋúɛ, Muɔ́nɔ́ u mɔɔnd, inyɛ na pukaaka pú kuyap pifal pí mɔɔnd e kúúsí ekue: 11kinsɛ́kɛlinɛ, yɛɛ́pí kááwɔ ɛ́ɛ́: atúkɛ́n, kɔ́l nuambálɛ́n nuáwɔ, ondó kuawɔ.» 12Yá akáánɛ́ nɔ niɔ́kɔ́tɔ́n, ɛ́ kikɛtɛ́kɛtɛ́ɛ kiɔ́pɔ́, pɛmɛɛlɛ́ pɛ́ɛ́ninɛ: kakat, kinsɛ́kɛlinɛ máatukɛn, kímɔ́kɔ́l nuambálɛ́n núɛ́yɛ́, kímáam. Púápíányɛn pɔ. Póond ó kuómokosi Támbákɛ́ɛ, nɔ muɔ́nɛ́: «Píímbiénée imapásɛ indiɛ́n puandá pilɔŋ epie!»
Yésus mápílíkɛ́n Léfie
(Mat 9.9-13; Lúk 5.27-32)
13Yésuse waand ayɔɔk á kiŋɛndɛŋɛnd kí asáá ú Kalilée. Embúl ɔ́ɔ́ŋɔn, woónyonyi pɔ. 14Kí iŋilí, wɛɛ́n Léfie, muɔ́nɔ́ u Alifée, ɔnyɔ́l á kiansi petuénené lemfúe. wɔ́ kɛ́ɛ́yɛ́ ɛ́ɛ́: «Ɔŋɔ́ káámɛ». Léfie wɔɔŋ kɛ́ɛ́yɛ́. 15Páátáaŋ Yésuse á nuyá nú Léfi. Puólíkóoli pú petúúsi lemfúe na pafalfal pɔ́ɔ́nyɔ́mbɛt ɔlɔŋ ne Yésus no popíónyí pɛ́ɛ́yɛ́ á kunyáan. Á kiákí ɛ́ɛ́ nunamá nú pɛɛnd nukáánɛ mapá kutek númɔɔ́ŋɔn é Yésus. 16Pemenyí pikotí pɔ́ kiɔ́p kí Pafalisiɛ́ŋ pɛɛ́n Yésus nyáan ɔlɔŋ na pafalfal ne petúúsi lemfúe. Pɔ́ ó popíónyí pé Yésus ɛ́ɛ́: «Ó pusíó pú kiákí unyáanɛ ɔlɔŋ ne petúúsi lemfúe na pafalfal é?» 17Yésuse wɔɔ́pɔ aná pámaákála. Woondinyi pɔ́ ɛ́ɛ́: «Pekilikile tipá insaná ne epúkí, pánúmanɛ́ pɛnyɛɛ́ insaná ne epúkí. Indiól á kuasipílíkɛ́n pííndɛ́ndɛ́nɛ, pafalfal yóónyól kɔ́ɔpɔ́ ó pusíó.»
Kipíkotio kí múkunya
(Mat 9.14-17; Lúk 5.33-39)
18Epué puɔ́s, popíónyí pí Isáaŋ Etuúsí na Pafalisiɛ́ŋ póópíkoti múkunya. Pɛɛnd pókoosiówún Yésuse ɛ́ɛ́: «Ó pusíó pú kiákí popíónyí pí Isáaŋ Etuúsí na pa Pafalisiɛ́ŋ píkotosíe múkunya, pááwɔ tiɛlɛ́ nɔ?» 19wɔ́ kɔ́ɔpɔ́ ɛ́ɛ́: «Pɛɛnd pásiápílan ɔ́ nuɔ́ndɔ́n nyɛ pókupíkoti púkunyá kisikɛl mɔɔnd usiókoonyiki nyɛ́ nɔɔpɔ́ á? Ááko! Kisikɛl kitikit mɔɔnd usiókoonyiki nyɛ́ nɔɔpɔ́, pátipá kupíkoti púkunya. 20Puɔ́sí púmotí, páányásiátɔ́n pɔ́ na mɔɔnd usiókoonyiki. Puɔ́sí pukáánɛ́ pónyípíkotié múkunya. 21Pátipá pékíte kilaá kiilunén ne kiénsi kí kilaá kiikɔs. Índɛ ɛsiɛl nɔ, kiénsi kiikɔs ɔ́kɔ́ɔ́kɔ kilaá kiilunén kíond kílaf kɛ́ɛ; kilafíkɛ́n kíínsúá yɔkɔn. 22Andíkɛ́k ɛ́ɛ́ pátipá páákan makɛp mɔɔkɔ́si á pipááŋ piilunén. Índɛ ɛsiɛl nɔ, makɛp kaná epúse, másán pipááŋ: aáyɛn na makɛp na pipááŋ. Púɛ́kɛɛsikɛnɛn ɛ́ɛ́ páákan makɛp mɔɔkɔ́si á pipááŋ piikɔ́si!»
Ne Yésus na sápat
(Mat 12.1-8; Lúk 6.1-5)
23Epué puɔ́s pú sápat#2.23 Kisiɛ́n nɛ nuyúútɛnɛ kí puɔ́s pukatíndatɔneémue Támbák moókoti Pɛyúútɛn mukɔt, pɔpiɔyitɔn á pɔ., Yésus matápúkán putiɛ́pulɛ́, á pisɔ́mb pí pelé. Popíónyí pɛ́ɛ́yɛ́ póond á kukanda pelé. 24Pafalisiɛ́ŋ ɛ́ɛ́pí é Yésus ɛ́ɛ́: «Ó pusíó pú kiákí pɛɛnd pááwɔ ɛ́ɛlɛnɛ́ epú pikotí píásɔ́ kányanɛ́ puɔ́s pú kupiɔ́yɛt?» 25Wɔ kɔ́ɔ́p ɛ́ɛ́: «Numapásɛ nutianɔ́n epú Tafíit mɛɛ́lɛ́ puɔ́s púmotí insaná mɛɛ́tikɛ́n wɔ́ nɛ pɛɛnd pámaápá nɛɛyɛ́ á? 26Ɛ́ kiɛ́tɛ kisikɛl, Apiatálɛ umaápá ɔkɔ́n u pɔkɔ́n pá pafunɔ́fɔn pá Támbák. Tafíite weepíkin kí isúŋ í Támbák, waanyá pilɛ́ɛt pómoópoóki Támbákɛ́ɛ. Pikotí píásɔ́ ékeekenyi pafunɔ́fɔn pééŋényí pukaaka pú kunyáan pilɛ́ɛt pikáánɛ́. Tɛ nɔ, Tááfite wɔɔkɔ́l pɛ waanya woond weeki pɛɛnd pámaápá nɛɛyɛ́.» 27wɔ́ andá kɔ́ɔpɔ́ ɛ́ɛ́: «Támbák mɛtɛ́k sápat ó pusíó pú mɔɔnd, utimaluŋa mɔɔnd ó pusíó pú sápat. 28Púú pukáánɛ iŋúɛ, Muɔ́nɔ́ u mɔɔnd, niŋúɛ inyɛɛ́ muɛ́t sápat.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL