Lúúkas 19
19
Támbák mósóóti inɛ́m í mɔɔnd
1Yésuse wepíkini á páliki kisiɛ́n ɛ́ɛ́ Yelíko, usuŋuna ɛŋɛnd wɛ́ɛ́yɛ́. 2Mɔɔnd omotí kisiɛ́n ɛ́ɛ́ Sasé waniátɔ́ɔ́k; umapá ɔkɔ́n omoómí ɔ́ pɔkɔ́n pé petúúsi lemfúe, inim í mɔɔnd. 3Umaambá kuɛ́n mɔɔnd unyɛ́ Yésuse; aná embúlu ú pɛɛnd meékeŋeliti Yésuse, utimapá pɛkuɛ́n wu akiáki ɛ́ɛ́ wɔ́ Sasé, umapá pukuy. 4Wofook ké embulu waamákat áputi papílanɛ ɛ́ɛ́ sikɔmɔ́ɔl, ámasiá mí iŋilí Yésus mɛɛ́ndɛ́ ayɛ, ɛ́kuɛ́n wɔ́ aká ukanátápukanɛ́. 5Yésus ásiámána ɔkɔɔ́m kakáánɛ wɛɛmɛlimɛt, wu á Sasé ɛ́ɛ́: «Sasé, selé kuɛ́kɛt: yɛ́kɛsikɛnɛn kupítimini kuawu ínanu.» 6Sasé wesel kuɛ́kɛt wokóli Yésuse kɛ́ɛ́yɛ́ á kiansi nanyamɔ́ kɔ́tim. 7Pɛɛnd ɛ́nɛn anakáánɛ pond ekupíŋunye; pɔyɔ ɛ́ɛ́: «Wákapítímán kú afalfál.» 8Sasé watukɛn, wɔ́ kɔ Ɔkúnu ɛ́ɛ́: «Ɔkunu, imásalá punɛ́m puámɛ ɛ́kikɛtɛ́kɛtɛ; iméekí niap nimoómi ɔ́pɔsúkɔsukɔ, andíkɛ́k indi imɔkɔ́l muenyí mú mɔɔnd yesuut, imóondinyí wɔ́ kéni.» 9Yésuse ɛ́ɛ́pí ɛ́ɛ́: «Kisóótio mépíkin á kiansi ekie ínanu, á kiákí ɛ́ɛ́ mɔɔnd ewe kɛkɛ́yɛ nyɛ muɔ́nɔ́ u Ápilaháam. 10Akiákí ɛ́ɛ́ Muɔ́nu u mɔɔnd óól ókuól kuámbá epé pemeényim okusóóti pɔ.»
Insap í muɔ́nɔ́ u efuŋ
11Aná pɛɛnd maápá pɔmɔɔ́pitɔ́likɔn wu, Yésuse wand etúmin pɔ insap, akiáki ɛ́ɛ́ umapá ukanyi mekúye ne Yelúsalɛm, pɔ papitáaka ɛ́ɛ́ Pufuŋ pu Támbák ókólon akáánɛ nɔ niɔ́kɔ́tɔ́n. 12wɔ́ kɔk ɛ́ɛ́: «Kiandá kí mɔɔnd kí motí kíayuuku kɛ́ŋɛnd kaáyɛ ɔ́kitɔŋ kimotí ɛ́ɛ́ wɔɔkɔ́l pufuŋ maná wónd kɛ́ɛ́yɛ́ ɔ́kitɔŋ. 13Épeelímoólí pɛ́yɛ waapílikɛn páát, waman kuapan pɔ muenyí, siki mɔɔndɛ kikɔ́ŋ kímoómí, wɔ́ kɔ́ɔpu ɛ́ɛ́: Muenyí mukáánɛ, énusién nuɛlɛ́ nionyí mupiéne kuáma aká yóniósiondóne. 14Maná, pɔkuɔ́p pɔ́kitɔŋ mapá pɛfɛmɛ wɔ; umɛl uyuukan pesíen patumu pɛɛnd kɛ́ɛ́yɛ́ ékéléme ɔ́kuɔyitɛ́n epé pɛmɛɛ́tɛ́kɛ wɔ́ efuŋu ɛ́ɛ́: Tutipá tuátapana kipia kiɛ́yi. 15Aká kɔk mɔɔnd ukáánɛ mɛɛ́l wosiondon, umámaná kuɔkɔ́lɔ́n pufuŋ, wapílikin peelímoólí pɛ́yɛ umaápan pɔ muenyí, ekumeny puóli pu sikmuundɛ. 16Ukutúan weetélimit wu ɛ́ɛ́: Ɔkunu, muenyí muáwu épíén káát. 17wɔ́ kɛ́ɛ́yɛ́ ɛ́ɛ́: peseé ukáánɛ, anyɛ kinɔ́k kieŋelípuóli; aná ɔmɔ́nikɔtɛt peseé á puandá puketiketie, imékueki pukaaka ɛ́ɛ́ apiana papálɛ́k páát. 18Ukáandiɛ móól umételimit, wɔ́ ɛ́ɛ́: Ɔkɔ́n, muenyí muáwɔ épíén kátáan. 19Efuŋu ɛ́ɛ́pí kɛ́ɛ́yɛ́ ɛ́ɛ́: Aŋuɛ́ iméekuekí pukaaka ɛ́ɛ́ apiana papálɛ́k pátáan. 20Olotí woól, wɔ́ ɛ́ɛ́: Ɔkɔ́n, muenyí muáwɔ emue, imakútá mu é kiénsi kínsunú yɛnɛk. 21Akiákí ɛ́ɛ́ ímekutííne opusió ɛ́ɛ́ anyɛ ɔtim kulal: ɔɔ́kɔ́lɔn epú ɛsiɛ́kɛl atipitikɛn ond ooko epú ɛsiɛ́kɛl atinyimɛ́. 22Efuŋu kɛ́ɛ́yɛ́ ɛ́ɛ́: Anúnúnɔn ewe, átukál túmániáma káwu é nííti iŋaná ɔkusósosíe. Eémenyén ɛ́ɛ́ inyɛ ɔtimkulal, yɔ́kɔ́lɔn epú insiɛ́kɛl indipitikɛn yond yoko epú insiɛ́kɛl indinyimɛ́. 23Kiákí kɔk ɛniɛ́l atiák muenyí muámɛ ó nukolopóŋ? Insiɛ́l yosiondon, yɔkɔ́l mɔ na pitál. 24Efuŋu ɛ́ɛ́pí ɛ́ pɛɛnd pamaápá kɔ́ɔk ɛ́ɛ́: Ɔnukɔ́l muenyí mukáánɛ kɛ́ɛ́yɛ́, nueki éŋelípuólí wɔ́nikɔtɛ́t kutápɔk pɔsɔ́k. 25Pɔ́ kɛ́ɛ́yɛ́ ɛ́ɛ́: “Ɔkunu, ukanyi namú puólikol” 26Yɔ́nuɔyɔn ɛ́ɛ́: Mɔɔnd na mɔɔnd unyɛ́ na puandá, pɔkɔ́yikɛn úpia kutápɔk; ewú kɔk utiánipá na puandá, tɛ epú unyɛɛ́ na pɔ pɔkɔkɔ́l pu kɛ́ɛ́yɛ́. 27Kámɛ ópokóyikoy, pɛniɛ́l patiambá ɛ́ɛ́ ímbian pɔ, onuól nɔpɔ́ akɛ nuond nusike pɔ kimɛn kámɛ ó pusío.» 28Yésus mɛl úmáaman akála, wɔɔkɔ́l iŋilí á kuyɔɔk Yelúsalɛm, popióny pɛ́ɛ́yɛ́ ól pɔŋɔn né embúlu ú pɛɛnd.
Kupíkin kú Yésus Yelúsalɛm
(Mat 21.1-11,15-17; Mál 11.1-10; Isŋ 12.12-16)
29Umɛl ukanyɛ mekúye ná papáliki epe paándɛ pápílanɛ́ɛ ɛ́ɛ́ Pɛtifasé na Petaní, kuyuukan kiaáyi kí imbul í poolifíé, watumu popióny páándɛ 30wɔ́ kɔ́ɔpu ɛ́ɛ́: «Anupɔ́ ɔ́kitɔŋ kinyɛ́ kásu ó pusío; nuɛl nupíken nukítikenyi muɔ́nɔ́ wapaŋpipiɛ asuúkán, mɔɔnd mapásɛ utimákat á wu. Enusulúnu nuólo na wɔ. 31Mɔɔnd núówun ɛ́ɛ́: Ó pusíó púkiákɛ́ nusulunené wɔ? nuóndinyi ɛ́ɛ́: Ó pusíó ɛ́ɛ́ Ɔkunu nyɛ nsaná na wɔ.» 32Pɛɛnd pamaátɔ́m paayuuku póond peekitikenyi maandá yáaná Yésus mɔ́ɔyitini pɔ. 33Pɛmɛl pakanyɛ́ esulune muɔ́nɔ wapaŋpipia, pɛɛ́tipulúk kanyɛ kɔ́ɔ́p ɛ́ɛ́: «Ó pusíó púkiák nusulunené muɔ́nɔ wapaŋpipiɛ ukáánɛ?» 34Poondinyi ɛ́ɛ́: «Opusió ɛ́ɛ́ Ɔkunu nyɛ nsaná na wɔ.» 35Poólin Yésuse nɔ muɔ́nɔ wapaŋpipiɛ; pekéŋenyi nsunú pamaápitalinan paatála si é kilindi kí pulúk, peepúliki Yésuse. 36Pulúk mɛl pukanyɛ́ kuɛndɛ nɛɛyɛ́, pɛɛnd pɛnɛ indífɔnɔ́ siɔ́p kí iŋilí. 37Umɛl ukanyɛ mekúye ne kitúnukie kí imbɔl í polifíé, popióny kitikit, nanyamɔ́ kɔ́ ɔtim táásɛ léŋ, poondo okuómukosi Támbákɛ́ɛ ekelú mɔkɔ́n ó pusíó pú pisey kitikit pɛmɛɛ́nɛn. 38Pɛɛl ɛ́ɛ́:
«Peseé ne efuŋ wólone ɛ́kisiɛ́n kí Ɔkunu!
Kiyeéwe pá mɛnɛ́mɛnɛ́ɛ, nuúmu na Támbák u insaánupulɛ́!»
39Nikál ni Pafalisiɛ́ŋ, akáánɛ ké embul, ɛ́ɛ́pí é Yésus ɛ́ɛ́: «Oŋónyóonyi, ánsítini popióny páwu ɛ́ɛ́ peluŋu!» 40Woondinyi ɛ́ɛ́: «Yɔ́nuɔyɔn ɛ́ɛ́: índɛ pesieluŋ, atány kaná epéke.»
Yésus ápaŋa ó pusíó pú Yelúsalɛm
41Yésus mɛl úmáasiám mekúye ne Yelúsalɛm, ukanyɛ́ kuɛ́nɛn piansi, woond á kupaŋa kɛ́ɛ́yɛ́ ó pusíó. 42Wɔyɔ ɛ́ɛ́: «Aŋú kákáwu esiékéményen inanu epú pukuekenyé kiyeéwe! Maná pɛ́ɛ́nɛmbinɛn eŋis yááwɔ pɔ! 43Metúkú ókuólinon eme pokóyikoy páwu ɔ́nikupɔŋɔnɛ́ na maandá ɛ́ɛ́ mɔɔnd tiám utipíkín á páliki; pekukéŋeliti ékukunuenesi; 44paánikukula, nawu nɛ pɛɛnd pɛnyɛ́ káwu kɔ́ ɔmindɛ́; patiániyapá nitányí nimoómi nitálána ɔ́ sɔ́k, á kiákí ɛ́ɛ́ osóóti wawu óól tɛ ɛ́ɛ́ emeny wɔ́ ɛ́ɛ́.»
Yésus mépíkin á kitamb kí Támbák
(Mat 21.12-13; Mál 11.15-19; Isŋ 2.13-16)
45Yésuse wepíkini á kitamb kí Támbák woond á kukúúŋa petúúsi maandá. 46Wɔyɔn pɔ ɛ́ɛ́: «Mekélíe ma Támbák ɔkɔyɔ ɛ́ɛ́: Kiansi kiámɛ ánipá kiansi kí imbísókólí; panɔ́ kɔk nunyɛ peéyesi kɛ́ɛ embíki ú peépi.» 47Yésus ónyonyi siki puɔ́síɛ á kitamb kí Támbák. Pafunúfɔn pɔɔkɔ́n ne pemenyípikotí nɔ pɔkɔ́n pɔ kitɔŋ ámba ɛ́ɛ́ kasi pɔmɔ́ɔnin pɔ́ɔ Yésuse. 48Petimenyí aná pɛ́niɛ́pɛkuɛl pɔ, á kiákí ɛ́ɛ́ pɛɛnd maambá yá kupitɔlikɔn wɔ.
ទើបបានជ្រើសរើសហើយ៖
Lúúkas 19: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Lúúkas 19
19
Támbák mósóóti inɛ́m í mɔɔnd
1Yésuse wepíkini á páliki kisiɛ́n ɛ́ɛ́ Yelíko, usuŋuna ɛŋɛnd wɛ́ɛ́yɛ́. 2Mɔɔnd omotí kisiɛ́n ɛ́ɛ́ Sasé waniátɔ́ɔ́k; umapá ɔkɔ́n omoómí ɔ́ pɔkɔ́n pé petúúsi lemfúe, inim í mɔɔnd. 3Umaambá kuɛ́n mɔɔnd unyɛ́ Yésuse; aná embúlu ú pɛɛnd meékeŋeliti Yésuse, utimapá pɛkuɛ́n wu akiáki ɛ́ɛ́ wɔ́ Sasé, umapá pukuy. 4Wofook ké embulu waamákat áputi papílanɛ ɛ́ɛ́ sikɔmɔ́ɔl, ámasiá mí iŋilí Yésus mɛɛ́ndɛ́ ayɛ, ɛ́kuɛ́n wɔ́ aká ukanátápukanɛ́. 5Yésus ásiámána ɔkɔɔ́m kakáánɛ wɛɛmɛlimɛt, wu á Sasé ɛ́ɛ́: «Sasé, selé kuɛ́kɛt: yɛ́kɛsikɛnɛn kupítimini kuawu ínanu.» 6Sasé wesel kuɛ́kɛt wokóli Yésuse kɛ́ɛ́yɛ́ á kiansi nanyamɔ́ kɔ́tim. 7Pɛɛnd ɛ́nɛn anakáánɛ pond ekupíŋunye; pɔyɔ ɛ́ɛ́: «Wákapítímán kú afalfál.» 8Sasé watukɛn, wɔ́ kɔ Ɔkúnu ɛ́ɛ́: «Ɔkunu, imásalá punɛ́m puámɛ ɛ́kikɛtɛ́kɛtɛ; iméekí niap nimoómi ɔ́pɔsúkɔsukɔ, andíkɛ́k indi imɔkɔ́l muenyí mú mɔɔnd yesuut, imóondinyí wɔ́ kéni.» 9Yésuse ɛ́ɛ́pí ɛ́ɛ́: «Kisóótio mépíkin á kiansi ekie ínanu, á kiákí ɛ́ɛ́ mɔɔnd ewe kɛkɛ́yɛ nyɛ muɔ́nɔ́ u Ápilaháam. 10Akiákí ɛ́ɛ́ Muɔ́nu u mɔɔnd óól ókuól kuámbá epé pemeényim okusóóti pɔ.»
Insap í muɔ́nɔ́ u efuŋ
11Aná pɛɛnd maápá pɔmɔɔ́pitɔ́likɔn wu, Yésuse wand etúmin pɔ insap, akiáki ɛ́ɛ́ umapá ukanyi mekúye ne Yelúsalɛm, pɔ papitáaka ɛ́ɛ́ Pufuŋ pu Támbák ókólon akáánɛ nɔ niɔ́kɔ́tɔ́n. 12wɔ́ kɔk ɛ́ɛ́: «Kiandá kí mɔɔnd kí motí kíayuuku kɛ́ŋɛnd kaáyɛ ɔ́kitɔŋ kimotí ɛ́ɛ́ wɔɔkɔ́l pufuŋ maná wónd kɛ́ɛ́yɛ́ ɔ́kitɔŋ. 13Épeelímoólí pɛ́yɛ waapílikɛn páát, waman kuapan pɔ muenyí, siki mɔɔndɛ kikɔ́ŋ kímoómí, wɔ́ kɔ́ɔpu ɛ́ɛ́: Muenyí mukáánɛ, énusién nuɛlɛ́ nionyí mupiéne kuáma aká yóniósiondóne. 14Maná, pɔkuɔ́p pɔ́kitɔŋ mapá pɛfɛmɛ wɔ; umɛl uyuukan pesíen patumu pɛɛnd kɛ́ɛ́yɛ́ ékéléme ɔ́kuɔyitɛ́n epé pɛmɛɛ́tɛ́kɛ wɔ́ efuŋu ɛ́ɛ́: Tutipá tuátapana kipia kiɛ́yi. 15Aká kɔk mɔɔnd ukáánɛ mɛɛ́l wosiondon, umámaná kuɔkɔ́lɔ́n pufuŋ, wapílikin peelímoólí pɛ́yɛ umaápan pɔ muenyí, ekumeny puóli pu sikmuundɛ. 16Ukutúan weetélimit wu ɛ́ɛ́: Ɔkunu, muenyí muáwu épíén káát. 17wɔ́ kɛ́ɛ́yɛ́ ɛ́ɛ́: peseé ukáánɛ, anyɛ kinɔ́k kieŋelípuóli; aná ɔmɔ́nikɔtɛt peseé á puandá puketiketie, imékueki pukaaka ɛ́ɛ́ apiana papálɛ́k páát. 18Ukáandiɛ móól umételimit, wɔ́ ɛ́ɛ́: Ɔkɔ́n, muenyí muáwɔ épíén kátáan. 19Efuŋu ɛ́ɛ́pí kɛ́ɛ́yɛ́ ɛ́ɛ́: Aŋuɛ́ iméekuekí pukaaka ɛ́ɛ́ apiana papálɛ́k pátáan. 20Olotí woól, wɔ́ ɛ́ɛ́: Ɔkɔ́n, muenyí muáwɔ emue, imakútá mu é kiénsi kínsunú yɛnɛk. 21Akiákí ɛ́ɛ́ ímekutííne opusió ɛ́ɛ́ anyɛ ɔtim kulal: ɔɔ́kɔ́lɔn epú ɛsiɛ́kɛl atipitikɛn ond ooko epú ɛsiɛ́kɛl atinyimɛ́. 22Efuŋu kɛ́ɛ́yɛ́ ɛ́ɛ́: Anúnúnɔn ewe, átukál túmániáma káwu é nííti iŋaná ɔkusósosíe. Eémenyén ɛ́ɛ́ inyɛ ɔtimkulal, yɔ́kɔ́lɔn epú insiɛ́kɛl indipitikɛn yond yoko epú insiɛ́kɛl indinyimɛ́. 23Kiákí kɔk ɛniɛ́l atiák muenyí muámɛ ó nukolopóŋ? Insiɛ́l yosiondon, yɔkɔ́l mɔ na pitál. 24Efuŋu ɛ́ɛ́pí ɛ́ pɛɛnd pamaápá kɔ́ɔk ɛ́ɛ́: Ɔnukɔ́l muenyí mukáánɛ kɛ́ɛ́yɛ́, nueki éŋelípuólí wɔ́nikɔtɛ́t kutápɔk pɔsɔ́k. 25Pɔ́ kɛ́ɛ́yɛ́ ɛ́ɛ́: “Ɔkunu, ukanyi namú puólikol” 26Yɔ́nuɔyɔn ɛ́ɛ́: Mɔɔnd na mɔɔnd unyɛ́ na puandá, pɔkɔ́yikɛn úpia kutápɔk; ewú kɔk utiánipá na puandá, tɛ epú unyɛɛ́ na pɔ pɔkɔkɔ́l pu kɛ́ɛ́yɛ́. 27Kámɛ ópokóyikoy, pɛniɛ́l patiambá ɛ́ɛ́ ímbian pɔ, onuól nɔpɔ́ akɛ nuond nusike pɔ kimɛn kámɛ ó pusío.» 28Yésus mɛl úmáaman akála, wɔɔkɔ́l iŋilí á kuyɔɔk Yelúsalɛm, popióny pɛ́ɛ́yɛ́ ól pɔŋɔn né embúlu ú pɛɛnd.
Kupíkin kú Yésus Yelúsalɛm
(Mat 21.1-11,15-17; Mál 11.1-10; Isŋ 12.12-16)
29Umɛl ukanyɛ mekúye ná papáliki epe paándɛ pápílanɛ́ɛ ɛ́ɛ́ Pɛtifasé na Petaní, kuyuukan kiaáyi kí imbul í poolifíé, watumu popióny páándɛ 30wɔ́ kɔ́ɔpu ɛ́ɛ́: «Anupɔ́ ɔ́kitɔŋ kinyɛ́ kásu ó pusío; nuɛl nupíken nukítikenyi muɔ́nɔ́ wapaŋpipiɛ asuúkán, mɔɔnd mapásɛ utimákat á wu. Enusulúnu nuólo na wɔ. 31Mɔɔnd núówun ɛ́ɛ́: Ó pusíó púkiákɛ́ nusulunené wɔ? nuóndinyi ɛ́ɛ́: Ó pusíó ɛ́ɛ́ Ɔkunu nyɛ nsaná na wɔ.» 32Pɛɛnd pamaátɔ́m paayuuku póond peekitikenyi maandá yáaná Yésus mɔ́ɔyitini pɔ. 33Pɛmɛl pakanyɛ́ esulune muɔ́nɔ wapaŋpipia, pɛɛ́tipulúk kanyɛ kɔ́ɔ́p ɛ́ɛ́: «Ó pusíó púkiák nusulunené muɔ́nɔ wapaŋpipiɛ ukáánɛ?» 34Poondinyi ɛ́ɛ́: «Opusió ɛ́ɛ́ Ɔkunu nyɛ nsaná na wɔ.» 35Poólin Yésuse nɔ muɔ́nɔ wapaŋpipiɛ; pekéŋenyi nsunú pamaápitalinan paatála si é kilindi kí pulúk, peepúliki Yésuse. 36Pulúk mɛl pukanyɛ́ kuɛndɛ nɛɛyɛ́, pɛɛnd pɛnɛ indífɔnɔ́ siɔ́p kí iŋilí. 37Umɛl ukanyɛ mekúye ne kitúnukie kí imbɔl í polifíé, popióny kitikit, nanyamɔ́ kɔ́ ɔtim táásɛ léŋ, poondo okuómukosi Támbákɛ́ɛ ekelú mɔkɔ́n ó pusíó pú pisey kitikit pɛmɛɛ́nɛn. 38Pɛɛl ɛ́ɛ́:
«Peseé ne efuŋ wólone ɛ́kisiɛ́n kí Ɔkunu!
Kiyeéwe pá mɛnɛ́mɛnɛ́ɛ, nuúmu na Támbák u insaánupulɛ́!»
39Nikál ni Pafalisiɛ́ŋ, akáánɛ ké embul, ɛ́ɛ́pí é Yésus ɛ́ɛ́: «Oŋónyóonyi, ánsítini popióny páwu ɛ́ɛ́ peluŋu!» 40Woondinyi ɛ́ɛ́: «Yɔ́nuɔyɔn ɛ́ɛ́: índɛ pesieluŋ, atány kaná epéke.»
Yésus ápaŋa ó pusíó pú Yelúsalɛm
41Yésus mɛl úmáasiám mekúye ne Yelúsalɛm, ukanyɛ́ kuɛ́nɛn piansi, woond á kupaŋa kɛ́ɛ́yɛ́ ó pusíó. 42Wɔyɔ ɛ́ɛ́: «Aŋú kákáwu esiékéményen inanu epú pukuekenyé kiyeéwe! Maná pɛ́ɛ́nɛmbinɛn eŋis yááwɔ pɔ! 43Metúkú ókuólinon eme pokóyikoy páwu ɔ́nikupɔŋɔnɛ́ na maandá ɛ́ɛ́ mɔɔnd tiám utipíkín á páliki; pekukéŋeliti ékukunuenesi; 44paánikukula, nawu nɛ pɛɛnd pɛnyɛ́ káwu kɔ́ ɔmindɛ́; patiániyapá nitányí nimoómi nitálána ɔ́ sɔ́k, á kiákí ɛ́ɛ́ osóóti wawu óól tɛ ɛ́ɛ́ emeny wɔ́ ɛ́ɛ́.»
Yésus mépíkin á kitamb kí Támbák
(Mat 21.12-13; Mál 11.15-19; Isŋ 2.13-16)
45Yésuse wepíkini á kitamb kí Támbák woond á kukúúŋa petúúsi maandá. 46Wɔyɔn pɔ ɛ́ɛ́: «Mekélíe ma Támbák ɔkɔyɔ ɛ́ɛ́: Kiansi kiámɛ ánipá kiansi kí imbísókólí; panɔ́ kɔk nunyɛ peéyesi kɛ́ɛ embíki ú peépi.» 47Yésus ónyonyi siki puɔ́síɛ á kitamb kí Támbák. Pafunúfɔn pɔɔkɔ́n ne pemenyípikotí nɔ pɔkɔ́n pɔ kitɔŋ ámba ɛ́ɛ́ kasi pɔmɔ́ɔnin pɔ́ɔ Yésuse. 48Petimenyí aná pɛ́niɛ́pɛkuɛl pɔ, á kiákí ɛ́ɛ́ pɛɛnd maambá yá kupitɔlikɔn wɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL