Lúúkas 18
18
Insap i esúmbí moónyi
1Yésuse weetúmin pɔ́ɔ insap é kutíínyi pɔ́ɔ ɛ́ɛ́ pɛ́ɛ́kɛsikɛnɛn kupísókolonyi kisikɛl kitikit, póond pótiotó nuɔ́l. 2Wúu kɔ́ɔ́p ɛ́ɛ́: «Esúmbí moónyi mapá á pálɛ́k omotí; utitííné Támbákɛ́ɛ ufénen pɛɛnd kitikit. 3Kisík kí akáandɔ́ kɛ́kɛ́ɛ́yɛ́ mapá ɛ́ wɛɛ́tɛ pálɛ́k, kíɛndɛ ku esúmbí moónyi, kíɛ́lɛ kɛ́ɛ́yɛ́ ɛ́ɛ́: Sɔ́mb puónyi púámɛ na mɔɔnd inyɛɛ́ kitul nɛɛyɛ́, asɔ́mb ɛ́ɛ́ wɔ́ úmányikuá. 4Tééé esúmbí moónyi éénen. Tɛ nɔ́ɔ, wɛɛ́pí kɛ́ɛ́yɛ́ kɔ́ ɔtɛ́m ɛ́ɛ́: Tɛ inditííné Támbákɛ́ɛ yoond imfénen pɛɛnd kitikit, 5ó pusíó ɛ́ɛ́ kisík ekie ékinséésenyi, yaásumba puónyi púɛ́yɛ́ ɛ́ɛ́ utiansísáná katikatɛ itu.»
6Ɔkɔ́n, andíkɛ́k ɛ́ɛ́: «Ɔ́nupítɔ́líkɛ́n peseé epú kilɔk kí esúmbí moónyi kikáánɛ́ ɔ́ɔ́yɔɔnɛ́ɛ. 7Kúúkɔ́ nupítáákanɛ́ ɛ́ɛ́ Támbákɛ́ɛ, wɔ́, utíɛ́kɛlɛ́ epú púnyɛɛ́ indɛ́ndɛ́nɛ ó pusíó pú pɛɛnd umaáyɔ́ɔ́n pópísókolonyé wɔ́ ne neputúk nɔ nɔpuɔ́sí á? Ukaná enéŋelenyi ó kuondinyi pɔ́ɔ á? 8Yɔɔ́núɔ́yɔn ɛ́ɛ́: ukaná ɛpɛkɛtɛt ɛ́ kuɛl epú púnyɛɛ́ indɛ́ndɛ́nɛ ó pusíó púɔ́p. Maná kɔk aká Muɔ́nɔ́ u mɔɔnd áányandɛɛ́ kuól e kúúsí, weényíkítikenyi kuátap á?»
Insap í Falisiɛ́ŋ nɛɛyɛ́ ne etúúsí lemfúe
9Pɛɛnd pɛ́mɛɛ́píɛ́nɛ́n asɛ indɛ́ndɛ́nɛ sí pɛɛnd póond péfénen pɔsɔ́k pɛɛnduɛ kitikit, Yésuse weetúmin pɔ́ɔ insap eye: 10«Pɛɛnd páandɛ́ pááyɔɔk á kitamb kí Támbák, ó kuopísókólónyi; omotí mapá Falisiɛ́ŋ olotí etúúsí lemfúe. 11Falisiɛ́ŋ mapá etényí, upísókolonyi anɛ nɔ ɔtɛ́m: Ééé Támbák, yeékulémbesi ɛ́ kuɛ́nyɛ́ɛl ɛ́ɛ́ indipá ɛlɛɛ́ pɔsɔ́k pɛɛnduɛ, pɛ́nyɛɛ́ peépi, polokí, peendímusɔm, púnyaánɛ ɛlɛɛ́ etúúsí lemfúe ewe. 12Yoópíkotosi múkunya káandɛ́ ɔ́ sɔ́ndiɛ, puandá kitikit ímányitáŋáp yaákaapa pɔ́ɔ pisal píát, yeeki Támbákɛ́ɛ kisal kímoómí. 13Etúúsí lemfúe, wɔ́, waápínyáŋɛ́t, utiambá tɛ ɛ́ɛ́ umɛlimɛt ó kuyoosin mɛnɛ́mɛnɛ́ɛ, upíkite kisas ni imbúsúnáanɛ, wɔɔyɔ ɛ́ɛ́: Ééé Támbák, íŋɛ́n ɔsɔ́k á kiákí ɛ́ɛ́ inyɛ afalfál. 14Yɔɔ́núɔ́yɔn ɛ́ɛ́: etúúsí lemfúe moondón kuɛyɛ́ Támbákɛ́ɛ mámaná kuéyi wɔ́ indɛ́ndɛ́nɛ, katɛ niaŋ ní Falisiɛ́ŋɛ, á kiákí ɛ́ɛ́ mɔɔnd uményipíméketí péényíseli wɔ́, ewú uményipíselí péényíméketi wɔ́.»
Pulinsí á paápáyɔ́
(Mat 19.13-15; Mál 10.13-16)
15Pɛɛnd mapá póólinon Yésuse ne piendine ɛ́ɛ́ útála píi imbɔk. Popíónyí ɛ́ɛ́nɛn anakáánɛ́, póond á kuánsan pɛɛnd pómoólon ne piendine. 16Yésuse wɔ́ wɔɔyɔn pɛɛnd ɛ́ɛ́ póólinon wɔ́ ne piendine; wɔ́ ó popíónyí pɛ́ɛ́yɛ́ ɛ́ɛ́: «Ánuyapá piendine óólon kuamɛ; nutiandá akányi nɔɔpɔ́, á kiákí ɛ́ɛ́ Pufuŋ pú Támbák ɔ́ɔ́kɔɔ́pinɔn epé pɛ́nyɛɛ́ ɛlɛɛ́ pɔ́ɔ. 17Yɔɔ́núɔ́yɔn kémuémue, ewú utiányípá pókuond ɛlɛɛ́ kiendine ɔ́ kukɔ́l pufuŋ pú Támbák tíépíkín á pɔ́ɔ.»
Inɛ́m i mɔɔnd
(Mat 19.16-30; Mál 10.17-31)
18Ɔkɔ́n ú Pɛyúútɛn omotí woówun Yésuse ɛ́ɛ́: «Oŋónyóonyi, aŋúɛ ɛnyɛɛ́ ɔtɛ́m peseé, kiákí yɛɛsikɛnɛnɛ́ kuɛl á kupia kusɔ́t kú teeníík?» 19Yésuse kɛ́ɛ́yɛ́ ɛ́ɛ́: «Kiákí ɛlɛnɛ ɛ́ɛ́ inyɛ ɔtɛ́m peseé? Tɛ mɔɔnd utipá ɔtɛ́m peseé, ɛsiɛ́ Támbákɛ́ɛ wééŋényí. 20Eémenyen pikotí epie: ɛtiɛndɛ́t isɔm, ɔtiɔ́n mɔɔnd, etiép, ɔtipɔ́ŋɛ́n mɔɔnd puónyi, akán tiɔ no nikóoti ɔ niɔlɔ́.» 21Ɔkúnu upɛyútɛn woondinyi wɔ́ ɛ́ɛ́: «Nípuúpayúɛ yówóónyosi Pikotí pikáánɛ pim.» 22Yésus ɔ́ɔ́pɔn anakáánɛ, wɔ́ kɛ́ɛ́yɛ́ ɛ́ɛ́: «Pumékusiénin puándá táŋ pumoómi ɛ́ɛ́ ɛɛl: puandá kitikit ɛnyɛɛ́ na pu túú, kɔ́l muenyí aapan pɔsúkɔsukɔ, apia punɛ́m putámb mɛnɛ́mɛnɛ́ɛ; oondo kɔk ɔ́ɔŋ káámɛ.» 23Mɔɔnd mɛl wɔ́pɔn anakáánɛ insikíl yepíkin wɔ kɔ́tim, á kiákí ɛ́ɛ́ umapá inɛ́m yáásɔ́ ikuáyakuáya.
24Yésuse wɛɛ́n ɛ́ɛ́ insikíl mapá kɔ́tim u mɔɔnd ukáánɛ, wu ɛ́ɛ́: «Punyɛ imfɛ́lu ɛ́ɛ́ ínimi sí pɛɛnd píkini é Pufuŋ pú Támbák! 25Punyɛ sɔtsɔt akiandákáand kinyam ékupíkin eyéséési yí indɔndɔ kutápɔk inɛ́m í mɔɔnd é kupíkin é Pufuŋ pú Támbák.» 26Pɛɛnd pɔmɔɔ́pitɔ́likɔn ɛ́ɛ́pí ɛ́ɛ́: «Akáánɛ kɔk, ɛniɛ́ Támbák nyɛ́ ukusóóti?» 27Wu kɔ́ɔ́p ɛ́ɛ́: «Epú mɔɔnd tiánipá pɛkuɛl, Támbák ɛ́ɛ́kɛɛlɛ.»
28Píɛl ɛ́ɛ́pí ɛ́ɛ́: «Pasu tuétúmu puandá kitikit tuánipiana kéléme, tuɔkɔŋɔ káwu.» 29Woondinyi pɔ ɛ́ɛ́: «Yɔ́nuɔyɔn kémuémue ɛ́ɛ́ mɔɔnd na mɔɔnd usiáyap kiansi kiɛ́yɛ, akány, paandimán, pepiény pɛ́ɛ́yɛ́ punyáanɛ paán pɛ́ɛ́yɛ́ opusió pu Pufuŋ pú Támbák, 30kapia á kisikɛl ekie, maandá kutápɔk emé umániyapá woond wapiá kusɔ́t ku teeníík mɛnɛ́mɛnɛ́ɛ.»
Yésus météékí kú kusúkin nikú níɛ́yɛ́
(Mat 20.17-19; Mál 10.32-34)
31Yésuse wɛsɛŋɛlɛt na papáátanapáandɛ, wu kɔ́ɔ́p ɛ́ɛ́: «Kuásu kuyɔɔk ekue Yelúsalɛm, kɔ́ɔkɔ́ puandá kitikit puyosoné Muɔ́nɔ́ u mɔɔnd peémimekélíé má Támbák mɔ́ɔŋɔ kɛ́nipiɛl. 32Akiákí ɛ́ɛ́ pɛkɛsɛm wu kí imbɔku si pɛɛnd patiánipá Pɛyúútɛn, pɔɔnɔ wu, ponyókolonyi wu, pakasan wu pitelu; 33pɔɔ́n wɔ́ kɔk ɛ́ɛ́ pamámaná ekite wu no tusoó, ká átatuɛ wɛnyɔk á pilɔ́ŋ.» 34Pɔ tɛ ɛ́ɛ́ pɔ́ɔ́p yandɛ́nd kɔ́ɔk. Nukal nukáánɛ mapá nunɛmbɛ́n kɔ́ɔ́p ó pusíó, petimemenyen epú Yésus maámbá kuɔyɛt.
Yésus méeŋúkí epútepute Yelíko
(Mat 20.29-34; Mál 10.46-52)
35Umɛlɛ́ ukanyɛ mekúye ne Yelíko, epútepute ɔnyɔ́l ámasia mí iŋilí, uyɛ́pɛ. 36Wɔkɔɔ́p elulumine wémbúlu, woówun kiákɛ́ kiluluminené. 37Pɛɛ́pí kɛ́ɛ́yɛ́ ɛ́ɛ́: «Yésuse u Nasalɛ́t utápukanɛ́.» 38Wefeeti ekelú: «Yésus, Muɔ́nu ú Tafíit, iŋɛn ɔsɔk!» 39Pɔsɔ́k pomoófokon ánsan wu ɛ́ɛ́ ulúŋ; weliŋkuliŋ kupókokonyonyi: «Muɔ́nu u Tafíit iŋɛ́n ɔsɔk!» 40Yésuse weetélimit, woówunu ɛ́ɛ́ poólin wɔ́ nɛɛyɛ́. Umɛlɛ́ ukanyɛ mekúye nɛɛyɛ́, Yésuse woówun wɔ́ ɛ́ɛ́: 41«Kiákɛ́ ambanɛ́ yɛ́l kááwɔ ó pusío?» Epútepute woondinyi ɛ́ɛ́: «Ɔkúnu, ɛlɛ́ ɛ́ɛ́ yɛ́ɛ́ninɛn!» 42Yésuse kɛ́ɛyɛ́ ɛ́ɛ́: «Ɛnɛn.» Pipíondínyɔ́tim píáwu mókusoti. 43Kɔ́ɔk nɔ kɔ́ɔk woond ɛ́kuɛ́nɛn, wɔɔŋ é Yésus, ulémbesi Támbákɛ́ɛ. Pɛɛnd kitikit pɛmɛ́ɛn pɔ póond ókuómukosi Támbákɛ́ɛ.
ទើបបានជ្រើសរើសហើយ៖
Lúúkas 18: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Lúúkas 18
18
Insap i esúmbí moónyi
1Yésuse weetúmin pɔ́ɔ insap é kutíínyi pɔ́ɔ ɛ́ɛ́ pɛ́ɛ́kɛsikɛnɛn kupísókolonyi kisikɛl kitikit, póond pótiotó nuɔ́l. 2Wúu kɔ́ɔ́p ɛ́ɛ́: «Esúmbí moónyi mapá á pálɛ́k omotí; utitííné Támbákɛ́ɛ ufénen pɛɛnd kitikit. 3Kisík kí akáandɔ́ kɛ́kɛ́ɛ́yɛ́ mapá ɛ́ wɛɛ́tɛ pálɛ́k, kíɛndɛ ku esúmbí moónyi, kíɛ́lɛ kɛ́ɛ́yɛ́ ɛ́ɛ́: Sɔ́mb puónyi púámɛ na mɔɔnd inyɛɛ́ kitul nɛɛyɛ́, asɔ́mb ɛ́ɛ́ wɔ́ úmányikuá. 4Tééé esúmbí moónyi éénen. Tɛ nɔ́ɔ, wɛɛ́pí kɛ́ɛ́yɛ́ kɔ́ ɔtɛ́m ɛ́ɛ́: Tɛ inditííné Támbákɛ́ɛ yoond imfénen pɛɛnd kitikit, 5ó pusíó ɛ́ɛ́ kisík ekie ékinséésenyi, yaásumba puónyi púɛ́yɛ́ ɛ́ɛ́ utiansísáná katikatɛ itu.»
6Ɔkɔ́n, andíkɛ́k ɛ́ɛ́: «Ɔ́nupítɔ́líkɛ́n peseé epú kilɔk kí esúmbí moónyi kikáánɛ́ ɔ́ɔ́yɔɔnɛ́ɛ. 7Kúúkɔ́ nupítáákanɛ́ ɛ́ɛ́ Támbákɛ́ɛ, wɔ́, utíɛ́kɛlɛ́ epú púnyɛɛ́ indɛ́ndɛ́nɛ ó pusíó pú pɛɛnd umaáyɔ́ɔ́n pópísókolonyé wɔ́ ne neputúk nɔ nɔpuɔ́sí á? Ukaná enéŋelenyi ó kuondinyi pɔ́ɔ á? 8Yɔɔ́núɔ́yɔn ɛ́ɛ́: ukaná ɛpɛkɛtɛt ɛ́ kuɛl epú púnyɛɛ́ indɛ́ndɛ́nɛ ó pusíó púɔ́p. Maná kɔk aká Muɔ́nɔ́ u mɔɔnd áányandɛɛ́ kuól e kúúsí, weényíkítikenyi kuátap á?»
Insap í Falisiɛ́ŋ nɛɛyɛ́ ne etúúsí lemfúe
9Pɛɛnd pɛ́mɛɛ́píɛ́nɛ́n asɛ indɛ́ndɛ́nɛ sí pɛɛnd póond péfénen pɔsɔ́k pɛɛnduɛ kitikit, Yésuse weetúmin pɔ́ɔ insap eye: 10«Pɛɛnd páandɛ́ pááyɔɔk á kitamb kí Támbák, ó kuopísókólónyi; omotí mapá Falisiɛ́ŋ olotí etúúsí lemfúe. 11Falisiɛ́ŋ mapá etényí, upísókolonyi anɛ nɔ ɔtɛ́m: Ééé Támbák, yeékulémbesi ɛ́ kuɛ́nyɛ́ɛl ɛ́ɛ́ indipá ɛlɛɛ́ pɔsɔ́k pɛɛnduɛ, pɛ́nyɛɛ́ peépi, polokí, peendímusɔm, púnyaánɛ ɛlɛɛ́ etúúsí lemfúe ewe. 12Yoópíkotosi múkunya káandɛ́ ɔ́ sɔ́ndiɛ, puandá kitikit ímányitáŋáp yaákaapa pɔ́ɔ pisal píát, yeeki Támbákɛ́ɛ kisal kímoómí. 13Etúúsí lemfúe, wɔ́, waápínyáŋɛ́t, utiambá tɛ ɛ́ɛ́ umɛlimɛt ó kuyoosin mɛnɛ́mɛnɛ́ɛ, upíkite kisas ni imbúsúnáanɛ, wɔɔyɔ ɛ́ɛ́: Ééé Támbák, íŋɛ́n ɔsɔ́k á kiákí ɛ́ɛ́ inyɛ afalfál. 14Yɔɔ́núɔ́yɔn ɛ́ɛ́: etúúsí lemfúe moondón kuɛyɛ́ Támbákɛ́ɛ mámaná kuéyi wɔ́ indɛ́ndɛ́nɛ, katɛ niaŋ ní Falisiɛ́ŋɛ, á kiákí ɛ́ɛ́ mɔɔnd uményipíméketí péényíseli wɔ́, ewú uményipíselí péényíméketi wɔ́.»
Pulinsí á paápáyɔ́
(Mat 19.13-15; Mál 10.13-16)
15Pɛɛnd mapá póólinon Yésuse ne piendine ɛ́ɛ́ útála píi imbɔk. Popíónyí ɛ́ɛ́nɛn anakáánɛ́, póond á kuánsan pɛɛnd pómoólon ne piendine. 16Yésuse wɔ́ wɔɔyɔn pɛɛnd ɛ́ɛ́ póólinon wɔ́ ne piendine; wɔ́ ó popíónyí pɛ́ɛ́yɛ́ ɛ́ɛ́: «Ánuyapá piendine óólon kuamɛ; nutiandá akányi nɔɔpɔ́, á kiákí ɛ́ɛ́ Pufuŋ pú Támbák ɔ́ɔ́kɔɔ́pinɔn epé pɛ́nyɛɛ́ ɛlɛɛ́ pɔ́ɔ. 17Yɔɔ́núɔ́yɔn kémuémue, ewú utiányípá pókuond ɛlɛɛ́ kiendine ɔ́ kukɔ́l pufuŋ pú Támbák tíépíkín á pɔ́ɔ.»
Inɛ́m i mɔɔnd
(Mat 19.16-30; Mál 10.17-31)
18Ɔkɔ́n ú Pɛyúútɛn omotí woówun Yésuse ɛ́ɛ́: «Oŋónyóonyi, aŋúɛ ɛnyɛɛ́ ɔtɛ́m peseé, kiákí yɛɛsikɛnɛnɛ́ kuɛl á kupia kusɔ́t kú teeníík?» 19Yésuse kɛ́ɛ́yɛ́ ɛ́ɛ́: «Kiákí ɛlɛnɛ ɛ́ɛ́ inyɛ ɔtɛ́m peseé? Tɛ mɔɔnd utipá ɔtɛ́m peseé, ɛsiɛ́ Támbákɛ́ɛ wééŋényí. 20Eémenyen pikotí epie: ɛtiɛndɛ́t isɔm, ɔtiɔ́n mɔɔnd, etiép, ɔtipɔ́ŋɛ́n mɔɔnd puónyi, akán tiɔ no nikóoti ɔ niɔlɔ́.» 21Ɔkúnu upɛyútɛn woondinyi wɔ́ ɛ́ɛ́: «Nípuúpayúɛ yówóónyosi Pikotí pikáánɛ pim.» 22Yésus ɔ́ɔ́pɔn anakáánɛ, wɔ́ kɛ́ɛ́yɛ́ ɛ́ɛ́: «Pumékusiénin puándá táŋ pumoómi ɛ́ɛ́ ɛɛl: puandá kitikit ɛnyɛɛ́ na pu túú, kɔ́l muenyí aapan pɔsúkɔsukɔ, apia punɛ́m putámb mɛnɛ́mɛnɛ́ɛ; oondo kɔk ɔ́ɔŋ káámɛ.» 23Mɔɔnd mɛl wɔ́pɔn anakáánɛ insikíl yepíkin wɔ kɔ́tim, á kiákí ɛ́ɛ́ umapá inɛ́m yáásɔ́ ikuáyakuáya.
24Yésuse wɛɛ́n ɛ́ɛ́ insikíl mapá kɔ́tim u mɔɔnd ukáánɛ, wu ɛ́ɛ́: «Punyɛ imfɛ́lu ɛ́ɛ́ ínimi sí pɛɛnd píkini é Pufuŋ pú Támbák! 25Punyɛ sɔtsɔt akiandákáand kinyam ékupíkin eyéséési yí indɔndɔ kutápɔk inɛ́m í mɔɔnd é kupíkin é Pufuŋ pú Támbák.» 26Pɛɛnd pɔmɔɔ́pitɔ́likɔn ɛ́ɛ́pí ɛ́ɛ́: «Akáánɛ kɔk, ɛniɛ́ Támbák nyɛ́ ukusóóti?» 27Wu kɔ́ɔ́p ɛ́ɛ́: «Epú mɔɔnd tiánipá pɛkuɛl, Támbák ɛ́ɛ́kɛɛlɛ.»
28Píɛl ɛ́ɛ́pí ɛ́ɛ́: «Pasu tuétúmu puandá kitikit tuánipiana kéléme, tuɔkɔŋɔ káwu.» 29Woondinyi pɔ ɛ́ɛ́: «Yɔ́nuɔyɔn kémuémue ɛ́ɛ́ mɔɔnd na mɔɔnd usiáyap kiansi kiɛ́yɛ, akány, paandimán, pepiény pɛ́ɛ́yɛ́ punyáanɛ paán pɛ́ɛ́yɛ́ opusió pu Pufuŋ pú Támbák, 30kapia á kisikɛl ekie, maandá kutápɔk emé umániyapá woond wapiá kusɔ́t ku teeníík mɛnɛ́mɛnɛ́ɛ.»
Yésus météékí kú kusúkin nikú níɛ́yɛ́
(Mat 20.17-19; Mál 10.32-34)
31Yésuse wɛsɛŋɛlɛt na papáátanapáandɛ, wu kɔ́ɔ́p ɛ́ɛ́: «Kuásu kuyɔɔk ekue Yelúsalɛm, kɔ́ɔkɔ́ puandá kitikit puyosoné Muɔ́nɔ́ u mɔɔnd peémimekélíé má Támbák mɔ́ɔŋɔ kɛ́nipiɛl. 32Akiákí ɛ́ɛ́ pɛkɛsɛm wu kí imbɔku si pɛɛnd patiánipá Pɛyúútɛn, pɔɔnɔ wu, ponyókolonyi wu, pakasan wu pitelu; 33pɔɔ́n wɔ́ kɔk ɛ́ɛ́ pamámaná ekite wu no tusoó, ká átatuɛ wɛnyɔk á pilɔ́ŋ.» 34Pɔ tɛ ɛ́ɛ́ pɔ́ɔ́p yandɛ́nd kɔ́ɔk. Nukal nukáánɛ mapá nunɛmbɛ́n kɔ́ɔ́p ó pusíó, petimemenyen epú Yésus maámbá kuɔyɛt.
Yésus méeŋúkí epútepute Yelíko
(Mat 20.29-34; Mál 10.46-52)
35Umɛlɛ́ ukanyɛ mekúye ne Yelíko, epútepute ɔnyɔ́l ámasia mí iŋilí, uyɛ́pɛ. 36Wɔkɔɔ́p elulumine wémbúlu, woówun kiákɛ́ kiluluminené. 37Pɛɛ́pí kɛ́ɛ́yɛ́ ɛ́ɛ́: «Yésuse u Nasalɛ́t utápukanɛ́.» 38Wefeeti ekelú: «Yésus, Muɔ́nu ú Tafíit, iŋɛn ɔsɔk!» 39Pɔsɔ́k pomoófokon ánsan wu ɛ́ɛ́ ulúŋ; weliŋkuliŋ kupókokonyonyi: «Muɔ́nu u Tafíit iŋɛ́n ɔsɔk!» 40Yésuse weetélimit, woówunu ɛ́ɛ́ poólin wɔ́ nɛɛyɛ́. Umɛlɛ́ ukanyɛ mekúye nɛɛyɛ́, Yésuse woówun wɔ́ ɛ́ɛ́: 41«Kiákɛ́ ambanɛ́ yɛ́l kááwɔ ó pusío?» Epútepute woondinyi ɛ́ɛ́: «Ɔkúnu, ɛlɛ́ ɛ́ɛ́ yɛ́ɛ́ninɛn!» 42Yésuse kɛ́ɛyɛ́ ɛ́ɛ́: «Ɛnɛn.» Pipíondínyɔ́tim píáwu mókusoti. 43Kɔ́ɔk nɔ kɔ́ɔk woond ɛ́kuɛ́nɛn, wɔɔŋ é Yésus, ulémbesi Támbákɛ́ɛ. Pɛɛnd kitikit pɛmɛ́ɛn pɔ póond ókuómukosi Támbákɛ́ɛ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL