Lúúkas 20
20
Iŋówúnín i pɛɛnd pé Etúl ú Pɛyúútɛn
(Mat 21.23-27; Mál 11.27-33)
1Puɔ́si pumotí kɔk, aná Yésus maápá wónyonyi pɛɛnd á kitamb kí Támbák woond ukéme Insumu Yí indámbu, pafunɔ́fɔn pɔɔkɔ́n, pemenyípikotí nɔ pɔkɔ́n pɔ kitɔŋ páasiám. 2Pɔ kɛ́ɛ́yɛ́ ɛ́ɛ́: «A pukaaka puány ɛlɛnɛ́ pukáánɛ epú ɛlɛnɛ́, punyáanɛ ɛniɛ́ wánikufá puɛ́tɛ pukaaka?» 3Woondinyi pɔ ɛ́ɛ́: «Iŋú kákámɛ inyɛ niŋówúnín kánu ó pusíó. Ɔ́nuŋɔyitin: 4Ɛniɛ́ umaátɔ́m Isáaŋɛ ɛ́ɛ́ útuenin, Támbákɛ́ɛ éé pɛɛnd pe kúúsí?» 5Paanun pɔ nɔ pɔ: «Indi tusiɛl ɛ́ɛ́: “Támbákɛ́ɛ,” ukanákuɛl ɛ́ɛ́: “Opusió pu kiákɛ́ nuɛ́niɛ́l nutiátáp mekélíe mí Isáaŋ?” 6Indɛ kɔk tusiɛl ɛ́ɛ́: “Pɛɛnd,” pɛɛnd pɔ kitɔŋ pɛnyɛ́ akɛ kaná atutúútan atány, á kiákí ɛ́ɛ́ pɔ pemenyen ɛ́ɛ́ Isáaŋ mapá eŋémímekélíe má Támbák.» 7Poondinyi kɔk Yésuse ɛ́ɛ́ patipápemenyen mɔɔnd umaátumu Isáaŋɛ. 8Wu kɔ́ɔpu ɛ́ɛ́: «Tɛ iŋúɛ indipá inúɔyɔn apukaaka puány yɛlɛnɛ́ maandá eme.»
Insap í pemí makɛp
(Mat 21.33-46; Mál 12.1-12)
9Yésuse wetúmin pɛɛnd pɔ kitɔŋu insap eye: «Mɔɔnd wapundɔ kisíén kí masamɔ́ má makɛp, weekeeki kí épemímakɛp ɛ́ɛ́ pɛlɛ́ɛndɛ woond wayuuku kɛ́ ɛŋɛnd umɛɛ́sikɛnɛn kupáápit á wɔ. 10Kisikɛl mɛl kinimikanan, watúm eŋelípuólí wɛɛyɛ́ ku pemímakɛp ɛ́ɛ́ patumin wu niɛ́yɛ niap ni maandá me kisíén; pemímakɛp poondi wu imbɔku ní imbɔku kɔk pamámaná ekite wu. 11Wand atúmin pɔ eŋelípuólí olotí; wu kɛ́kɛ́yɛ peesupiti wu, paásikan wu pond poondi wu imbɔ́ku ní imbɔku. 12Wand atúmɛn pɔ eŋelípuóli ukátáátuɛ; wu kɛ́kɛ́yɛ pakaákan wu imféŋ pond pakúúŋit wu. 13Muɛ́t kisíén ɛ́ɛ́pí kɛ́ɛ́yɛ́ kɔtim ɛ́ɛ́: “Yɛ́ɛl tiɛkiɛ? Yátuman kokeé waamɛ u muɔ́nɔ́. Wu, pɔkɔkɔ́l wu ɔ niɔlɔ́.” 14Pɛmɛl pɛɛ́nɛn muɔ́nɔ umuɛ́tkisíén, pemímakɛ́p paanun pɔ nɔ pɔ anɛ: “wɔ́ usiénené apiyáya. Ɛniɛ́ tuɔ́nu wu ɛ́ɛ́ kisé tuɔ́pɛn!” 15Paatál wu imbɔku paatuutu wu ɔmindɛ́ u kisíén nakúnɛ póond pɔɔ́n. Kiákɛ́ kɔk muɛ́tkisíén kɛɛ́niɛl pɔ? 16Ukoól, wɔ́n pemímakɛ́p pakáánɛ woond weeki kisíén ɔpɔsɔ́k pólotí.»
Pɛɛnd ɔ́ɔ́pɔn anakáánɛ pɛɛ́pí ɛ́ɛ́: «Aáko, tɛ puɔ́s!» 17Yésuse woyosini pɔ sóóŋ, wɔ kɔ́ɔpu ɛ́ɛ́:
«Kiákɛ́ kɔk nukál enue émekélíe má Támbák ambanɛ́ kuɔyɛt:
Nitány pewéékí moómbó,
ni nimɛ́niɛ́yi ɛtɛ́n ú kiansi?
18Mɔɔnd na mɔɔnd umánikɔɔ́n á nitányí nikáánɛ ákandakand, ewú nikánikɔɔn wu, nikakula wu.»
19Pemenyípikotí na pafunɔ́fɔn pɔɔkɔ́n amba ɛ́ɛ́ insí památal wu imbɔ́ku nɔniɔ́kɔ́tɔn, á kiákí ɛ́ɛ́ pememenyí ɛ́ɛ́ Yésus meétúmíni pɛɛnd insap ikáánɛ kɔ́ɔ́p opusió; tɛ ɛ́ɛ́ kɔk pɛɛl nɔ, peetíini embúlu ú pɛɛnd.
Páátámba Yésuse
(Mat 22.15-22; Mál 12.13-17)
20Póond kɔ́ɔm, pɛ́fɛ́ɛ́fɛ Yésuse. Páátúmɛn wɔ́ pɛɛnd póyoosinoné asi pányɛ indɛ́ndɛ́nɛ ɛ́ɛ́ pátámba wɔ. Pámambá ɛ́ɛ́ kilémbi kí Yésus pínan, pɛ́píɛ́tikinɛn kɔ́ɔk ɛ́ kuɛsɛmɛ́ wɔ́ ku ɔŋgɔ́mɔn. 21Poówun wu iŋówúnín eye: «Oŋónyóonyi, tuémenyen ɛ́ɛ́ aákála ond oónyonyi aná puɛ́sikɛnɛnɛ, atipá eeye pɛɛnd, atipá etííne mɔɔnd, oókónyonyi piáŋ pi Támbák ne kémuémue. 22Kikotí kiásu ákátapan ɛ́ɛ́ tupíkata éé tutipíkata lemfúe u Efuŋ wɔɔkɔ́n, Sesálɛ, unyɛ́ Lóma?» 23Yésuse wemeny nunɛ́m nuɔ́p, wu kɔ́ɔpu ɛ́ɛ́: 24«Enundinyi kikɔŋ. Pusió puány nɛ kisiɛ́n kiány kinyɛ́ á kikɔŋ?» Poondinyi wu ɛ́ɛ́: «Sesálɛ.» 25Wu kɔ́ɔpu ɛ́ɛ́: «Ɛhɛ́ɛŋ! Onuondinyi Sesálɛ epú puɔ́pinɔnɛ́ Sesálɛ, Támbákɛ́ɛ epú puɔ́pinɔnɛ́ Támbákɛ́ɛ.» 26Tɛ ɛ́ɛ́ paaminin ɛ́kuɛtikin Yésus átukál umeémenyi ké eŋís yɛ́ pɛɛnd; peesímile iŋondinyínyí i Yésus ikáánɛ, yeefuuku pɔ́ eŋíít.
Iŋówúnín í pa Satuseɛ́ŋ
(Mat 22.23-33; Mál 12.18-27)
27Nikál ni pa Satuseɛ́ŋ níepisíítin Yésuse. Pɔ́ɔ pɛ́kɛɛlɛɛ́ pilɔ́ŋ tipá píɛnyukɛn. Póókoówun wɔ́ ɛ́ɛ́: 28«Oŋónyónyi, Moyíis mɔɔ́ŋ káásɔ́ ó kikotí ɛ́ɛ́: Índɛ mɔɔnd sieku uyap kisíki katɛ muɔ́nɛ, andimán wɛɛyɛ́ wɛɛnúmɛndɔ́ ɛ́ɛ́kɛɛsikɛnɛn kupítikɛn kisíki kí andimán ɛ́ɛ́, alúŋɔ́ tisúk mɔɔnd ɛ́ píɛ́yɛ́ piyááya. 29Kúúkɔ pinɔ́k pitíndatɔ́ neémue maápá paán pa mɔɔnd. Ukutúan waapítikɛn akáandɔ́, weekú tɛ ɛ́ɛ́ úyap muɔ́nɔ́ ɛ́ɛ́. 30Ukáandiɛ, 31yá aná ukátátúɛ páápítikɛn kisík kikáánɛ, kuám peem pátíndatɔ́ neémue: peem péékú tɛ ɛ́ɛ́ omoómí máyapá muɔ́nɔ́ ɛ́ɛ́. 32Á kuamaná kisíki kɛ́kɛ́ɛ́yɛ́ kíeku. 33Aká pilɔ́ŋ ɛ́ɛ́nyɛ́ɛ́nyukɛnɛ́ɛ, unín waányípáanɛ́ ɔnɛ́m akáandɔ́ ukáánɛ, aná peem maápitíkɛ́n wɔ?»
34Yésus ɛ́ɛ́pí kɔ́ɔ́p ɛ́ɛ́: «Pɛnúmɛndɔ́ na pakáandɔ́ pé kúúsí ekue áápítikanɛn. 35Epé Támbák súmbanɛ́ ɛ́ɛ́ pɔ́ pɛ́kɛɛsikɛnɛn kuɛnyɔk á pilɔ́ŋ ɔ́ kusɔ́tɔn e kúúsí kuólonée, pɔ́ɔ pátíápitikanɛn. 36Á kiákí ɛ́ɛ́ pátiányand eku, pɔ́ɔ́nyísɔ́tɔn ɛlɛɛ́ Peéŋele. Pákanyɛ paán pá Támbák á kiákí ɛ́ɛ́ pɛ́ɛ́nyɛ́ɛ́nyɔk á pilɔ́ŋ. 37Á kiáyí kí pilɔ́ŋ píɛ́nyukɛnɛ́, Moyíis metíínyi ɛ́ɛ́ pilɔ́ŋ ɛ́ɛ́nyɛ́ɛ́nyukɛn. Kɛ́ɛ́yɛ́ á kálatɛ wɔɔyɔɔnɛ́ɛ kisíme kí nuaŋanyɛ́ numɔɔ́kɔ́l yiik tɛ́ ɛ́ɛ́ nupikɛ, waápílan Ɔkɔ́n ɛ́ɛ́ Támbakɛ́ɛ u Ápilaháam, Támbákɛ́ɛ u Ísak na Támbákɛ́ɛ u Yákɔp. 38Támbák nyɛ Támbákɛ́ɛ u pɔɔkɔ́siɛ, utipá Támbákɛ́ɛ u piku, á kiákí ɛ́ɛ́, ó pusíó pú Támbák Ápilahámɛ, Ísákɛ na Yákɔp nyɛ ɔ́ kusɔ́t.» 39Nikál ni pemenyí pikotí pamaápá kɔ́ɔk ɛ́ɛ́pí é Yésus ɛ́ɛ́: «Oŋónyónyi, amákálɛ́t peseé.» 40Pɔ́mɔɔyɛ́t nɔ́ɔ á kiákí ɛ́ɛ́ tɛ omoómí utimaand apímakan kuówún wɔ́ iŋówúnín á yandɛ́ɛ́nd.
Kilíise, muɔ́nɔ nɔ́ Ɔkɔ́n ú Tááfit
(Mat 22.41-45; Mál 12.35-37)
41Yésuse kɔk kɔ́ɔ́p ɛ́ɛ́: «Tiɛkiɛ́ pɛɛnd nyɛ́ pɛ́kuɛl ɛ́ɛ́ Kilíise nyɛ muɔ́nɔ ú Tafíit, 42á kiákí ɛ́ɛ́ Tafíite wɔ́ muɛ́t ɔ́ɔ́kɔɔyɔ á kálatɛ u Pilɛ́l ɛ́ɛ́: Ɔkɔ́n mɔɔyítɛ́n Ɔkɔ́n waamɛ ɛ́ɛ́: Nyɔmbiti káámɛ kí inyɛ́ŋ yi inɛm, 43kuám aká iŋeényééyi pokóyikoy pááwɔ putálɛ́n pikɔ́nd píáwɔ? 44Tafíit ápilan wɔ́ ɛ́ɛ́ Ɔkɔ́n. Tiɛkiɛ́ kɔk unyɛɛ́ kinɔ́k kíɛ́yɛ́?»
Énupíkeŋényési pemenyípikotí
(Mál 12.37-40)
45Ké eŋis yɛ́ pɛɛnd kitikit pɔ́mɔɔ́pitɔ́likɔ́n wɔ, Yésus ɛ́ɛ́pí ó popíónyí pɛ́ɛ́yɛ́ ɛ́ɛ́: 46«Énupíkeŋényésí pemenyí pikotí; pɔ́ɔ́kɔyɔ kupíómbon pinyuŋa, pákáŋala na pɛ, póond páamba ɛ́ɛ́ insí pémépíkélíkélí pɔ́ kɔɔ́mɔ pɛɛnd nyɛɛ́ kutek asɛ nionyí, pɔ́ɔyɔ ɔnyɔ́l yó pusíó á piansi pí Pɛyúútɛn pí imbísókólí, nɔ ɔnyɔ́l yó pusíó kɔɔ́mɔ kupíyak nyɛ́ɛ. 47Páányáanɛn pisík pí pakáándɔ́ póond aká pópísókolonyé, pɛɛlɛ imbísókólí siɔ́p kuya é kupitíínyenyi. Maná Támbák énisésitenyi pɔ kitákatak.»
ទើបបានជ្រើសរើសហើយ៖
Lúúkas 20: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Lúúkas 20
20
Iŋówúnín i pɛɛnd pé Etúl ú Pɛyúútɛn
(Mat 21.23-27; Mál 11.27-33)
1Puɔ́si pumotí kɔk, aná Yésus maápá wónyonyi pɛɛnd á kitamb kí Támbák woond ukéme Insumu Yí indámbu, pafunɔ́fɔn pɔɔkɔ́n, pemenyípikotí nɔ pɔkɔ́n pɔ kitɔŋ páasiám. 2Pɔ kɛ́ɛ́yɛ́ ɛ́ɛ́: «A pukaaka puány ɛlɛnɛ́ pukáánɛ epú ɛlɛnɛ́, punyáanɛ ɛniɛ́ wánikufá puɛ́tɛ pukaaka?» 3Woondinyi pɔ ɛ́ɛ́: «Iŋú kákámɛ inyɛ niŋówúnín kánu ó pusíó. Ɔ́nuŋɔyitin: 4Ɛniɛ́ umaátɔ́m Isáaŋɛ ɛ́ɛ́ útuenin, Támbákɛ́ɛ éé pɛɛnd pe kúúsí?» 5Paanun pɔ nɔ pɔ: «Indi tusiɛl ɛ́ɛ́: “Támbákɛ́ɛ,” ukanákuɛl ɛ́ɛ́: “Opusió pu kiákɛ́ nuɛ́niɛ́l nutiátáp mekélíe mí Isáaŋ?” 6Indɛ kɔk tusiɛl ɛ́ɛ́: “Pɛɛnd,” pɛɛnd pɔ kitɔŋ pɛnyɛ́ akɛ kaná atutúútan atány, á kiákí ɛ́ɛ́ pɔ pemenyen ɛ́ɛ́ Isáaŋ mapá eŋémímekélíe má Támbák.» 7Poondinyi kɔk Yésuse ɛ́ɛ́ patipápemenyen mɔɔnd umaátumu Isáaŋɛ. 8Wu kɔ́ɔpu ɛ́ɛ́: «Tɛ iŋúɛ indipá inúɔyɔn apukaaka puány yɛlɛnɛ́ maandá eme.»
Insap í pemí makɛp
(Mat 21.33-46; Mál 12.1-12)
9Yésuse wetúmin pɛɛnd pɔ kitɔŋu insap eye: «Mɔɔnd wapundɔ kisíén kí masamɔ́ má makɛp, weekeeki kí épemímakɛp ɛ́ɛ́ pɛlɛ́ɛndɛ woond wayuuku kɛ́ ɛŋɛnd umɛɛ́sikɛnɛn kupáápit á wɔ. 10Kisikɛl mɛl kinimikanan, watúm eŋelípuólí wɛɛyɛ́ ku pemímakɛp ɛ́ɛ́ patumin wu niɛ́yɛ niap ni maandá me kisíén; pemímakɛp poondi wu imbɔku ní imbɔku kɔk pamámaná ekite wu. 11Wand atúmin pɔ eŋelípuólí olotí; wu kɛ́kɛ́yɛ peesupiti wu, paásikan wu pond poondi wu imbɔ́ku ní imbɔku. 12Wand atúmɛn pɔ eŋelípuóli ukátáátuɛ; wu kɛ́kɛ́yɛ pakaákan wu imféŋ pond pakúúŋit wu. 13Muɛ́t kisíén ɛ́ɛ́pí kɛ́ɛ́yɛ́ kɔtim ɛ́ɛ́: “Yɛ́ɛl tiɛkiɛ? Yátuman kokeé waamɛ u muɔ́nɔ́. Wu, pɔkɔkɔ́l wu ɔ niɔlɔ́.” 14Pɛmɛl pɛɛ́nɛn muɔ́nɔ umuɛ́tkisíén, pemímakɛ́p paanun pɔ nɔ pɔ anɛ: “wɔ́ usiénené apiyáya. Ɛniɛ́ tuɔ́nu wu ɛ́ɛ́ kisé tuɔ́pɛn!” 15Paatál wu imbɔku paatuutu wu ɔmindɛ́ u kisíén nakúnɛ póond pɔɔ́n. Kiákɛ́ kɔk muɛ́tkisíén kɛɛ́niɛl pɔ? 16Ukoól, wɔ́n pemímakɛ́p pakáánɛ woond weeki kisíén ɔpɔsɔ́k pólotí.»
Pɛɛnd ɔ́ɔ́pɔn anakáánɛ pɛɛ́pí ɛ́ɛ́: «Aáko, tɛ puɔ́s!» 17Yésuse woyosini pɔ sóóŋ, wɔ kɔ́ɔpu ɛ́ɛ́:
«Kiákɛ́ kɔk nukál enue émekélíe má Támbák ambanɛ́ kuɔyɛt:
Nitány pewéékí moómbó,
ni nimɛ́niɛ́yi ɛtɛ́n ú kiansi?
18Mɔɔnd na mɔɔnd umánikɔɔ́n á nitányí nikáánɛ ákandakand, ewú nikánikɔɔn wu, nikakula wu.»
19Pemenyípikotí na pafunɔ́fɔn pɔɔkɔ́n amba ɛ́ɛ́ insí památal wu imbɔ́ku nɔniɔ́kɔ́tɔn, á kiákí ɛ́ɛ́ pememenyí ɛ́ɛ́ Yésus meétúmíni pɛɛnd insap ikáánɛ kɔ́ɔ́p opusió; tɛ ɛ́ɛ́ kɔk pɛɛl nɔ, peetíini embúlu ú pɛɛnd.
Páátámba Yésuse
(Mat 22.15-22; Mál 12.13-17)
20Póond kɔ́ɔm, pɛ́fɛ́ɛ́fɛ Yésuse. Páátúmɛn wɔ́ pɛɛnd póyoosinoné asi pányɛ indɛ́ndɛ́nɛ ɛ́ɛ́ pátámba wɔ. Pámambá ɛ́ɛ́ kilémbi kí Yésus pínan, pɛ́píɛ́tikinɛn kɔ́ɔk ɛ́ kuɛsɛmɛ́ wɔ́ ku ɔŋgɔ́mɔn. 21Poówun wu iŋówúnín eye: «Oŋónyóonyi, tuémenyen ɛ́ɛ́ aákála ond oónyonyi aná puɛ́sikɛnɛnɛ, atipá eeye pɛɛnd, atipá etííne mɔɔnd, oókónyonyi piáŋ pi Támbák ne kémuémue. 22Kikotí kiásu ákátapan ɛ́ɛ́ tupíkata éé tutipíkata lemfúe u Efuŋ wɔɔkɔ́n, Sesálɛ, unyɛ́ Lóma?» 23Yésuse wemeny nunɛ́m nuɔ́p, wu kɔ́ɔpu ɛ́ɛ́: 24«Enundinyi kikɔŋ. Pusió puány nɛ kisiɛ́n kiány kinyɛ́ á kikɔŋ?» Poondinyi wu ɛ́ɛ́: «Sesálɛ.» 25Wu kɔ́ɔpu ɛ́ɛ́: «Ɛhɛ́ɛŋ! Onuondinyi Sesálɛ epú puɔ́pinɔnɛ́ Sesálɛ, Támbákɛ́ɛ epú puɔ́pinɔnɛ́ Támbákɛ́ɛ.» 26Tɛ ɛ́ɛ́ paaminin ɛ́kuɛtikin Yésus átukál umeémenyi ké eŋís yɛ́ pɛɛnd; peesímile iŋondinyínyí i Yésus ikáánɛ, yeefuuku pɔ́ eŋíít.
Iŋówúnín í pa Satuseɛ́ŋ
(Mat 22.23-33; Mál 12.18-27)
27Nikál ni pa Satuseɛ́ŋ níepisíítin Yésuse. Pɔ́ɔ pɛ́kɛɛlɛɛ́ pilɔ́ŋ tipá píɛnyukɛn. Póókoówun wɔ́ ɛ́ɛ́: 28«Oŋónyónyi, Moyíis mɔɔ́ŋ káásɔ́ ó kikotí ɛ́ɛ́: Índɛ mɔɔnd sieku uyap kisíki katɛ muɔ́nɛ, andimán wɛɛyɛ́ wɛɛnúmɛndɔ́ ɛ́ɛ́kɛɛsikɛnɛn kupítikɛn kisíki kí andimán ɛ́ɛ́, alúŋɔ́ tisúk mɔɔnd ɛ́ píɛ́yɛ́ piyááya. 29Kúúkɔ pinɔ́k pitíndatɔ́ neémue maápá paán pa mɔɔnd. Ukutúan waapítikɛn akáandɔ́, weekú tɛ ɛ́ɛ́ úyap muɔ́nɔ́ ɛ́ɛ́. 30Ukáandiɛ, 31yá aná ukátátúɛ páápítikɛn kisík kikáánɛ, kuám peem pátíndatɔ́ neémue: peem péékú tɛ ɛ́ɛ́ omoómí máyapá muɔ́nɔ́ ɛ́ɛ́. 32Á kuamaná kisíki kɛ́kɛ́ɛ́yɛ́ kíeku. 33Aká pilɔ́ŋ ɛ́ɛ́nyɛ́ɛ́nyukɛnɛ́ɛ, unín waányípáanɛ́ ɔnɛ́m akáandɔ́ ukáánɛ, aná peem maápitíkɛ́n wɔ?»
34Yésus ɛ́ɛ́pí kɔ́ɔ́p ɛ́ɛ́: «Pɛnúmɛndɔ́ na pakáandɔ́ pé kúúsí ekue áápítikanɛn. 35Epé Támbák súmbanɛ́ ɛ́ɛ́ pɔ́ pɛ́kɛɛsikɛnɛn kuɛnyɔk á pilɔ́ŋ ɔ́ kusɔ́tɔn e kúúsí kuólonée, pɔ́ɔ pátíápitikanɛn. 36Á kiákí ɛ́ɛ́ pátiányand eku, pɔ́ɔ́nyísɔ́tɔn ɛlɛɛ́ Peéŋele. Pákanyɛ paán pá Támbák á kiákí ɛ́ɛ́ pɛ́ɛ́nyɛ́ɛ́nyɔk á pilɔ́ŋ. 37Á kiáyí kí pilɔ́ŋ píɛ́nyukɛnɛ́, Moyíis metíínyi ɛ́ɛ́ pilɔ́ŋ ɛ́ɛ́nyɛ́ɛ́nyukɛn. Kɛ́ɛ́yɛ́ á kálatɛ wɔɔyɔɔnɛ́ɛ kisíme kí nuaŋanyɛ́ numɔɔ́kɔ́l yiik tɛ́ ɛ́ɛ́ nupikɛ, waápílan Ɔkɔ́n ɛ́ɛ́ Támbakɛ́ɛ u Ápilaháam, Támbákɛ́ɛ u Ísak na Támbákɛ́ɛ u Yákɔp. 38Támbák nyɛ Támbákɛ́ɛ u pɔɔkɔ́siɛ, utipá Támbákɛ́ɛ u piku, á kiákí ɛ́ɛ́, ó pusíó pú Támbák Ápilahámɛ, Ísákɛ na Yákɔp nyɛ ɔ́ kusɔ́t.» 39Nikál ni pemenyí pikotí pamaápá kɔ́ɔk ɛ́ɛ́pí é Yésus ɛ́ɛ́: «Oŋónyónyi, amákálɛ́t peseé.» 40Pɔ́mɔɔyɛ́t nɔ́ɔ á kiákí ɛ́ɛ́ tɛ omoómí utimaand apímakan kuówún wɔ́ iŋówúnín á yandɛ́ɛ́nd.
Kilíise, muɔ́nɔ nɔ́ Ɔkɔ́n ú Tááfit
(Mat 22.41-45; Mál 12.35-37)
41Yésuse kɔk kɔ́ɔ́p ɛ́ɛ́: «Tiɛkiɛ́ pɛɛnd nyɛ́ pɛ́kuɛl ɛ́ɛ́ Kilíise nyɛ muɔ́nɔ ú Tafíit, 42á kiákí ɛ́ɛ́ Tafíite wɔ́ muɛ́t ɔ́ɔ́kɔɔyɔ á kálatɛ u Pilɛ́l ɛ́ɛ́: Ɔkɔ́n mɔɔyítɛ́n Ɔkɔ́n waamɛ ɛ́ɛ́: Nyɔmbiti káámɛ kí inyɛ́ŋ yi inɛm, 43kuám aká iŋeényééyi pokóyikoy pááwɔ putálɛ́n pikɔ́nd píáwɔ? 44Tafíit ápilan wɔ́ ɛ́ɛ́ Ɔkɔ́n. Tiɛkiɛ́ kɔk unyɛɛ́ kinɔ́k kíɛ́yɛ́?»
Énupíkeŋényési pemenyípikotí
(Mál 12.37-40)
45Ké eŋis yɛ́ pɛɛnd kitikit pɔ́mɔɔ́pitɔ́likɔ́n wɔ, Yésus ɛ́ɛ́pí ó popíónyí pɛ́ɛ́yɛ́ ɛ́ɛ́: 46«Énupíkeŋényésí pemenyí pikotí; pɔ́ɔ́kɔyɔ kupíómbon pinyuŋa, pákáŋala na pɛ, póond páamba ɛ́ɛ́ insí pémépíkélíkélí pɔ́ kɔɔ́mɔ pɛɛnd nyɛɛ́ kutek asɛ nionyí, pɔ́ɔyɔ ɔnyɔ́l yó pusíó á piansi pí Pɛyúútɛn pí imbísókólí, nɔ ɔnyɔ́l yó pusíó kɔɔ́mɔ kupíyak nyɛ́ɛ. 47Páányáanɛn pisík pí pakáándɔ́ póond aká pópísókolonyé, pɛɛlɛ imbísókólí siɔ́p kuya é kupitíínyenyi. Maná Támbák énisésitenyi pɔ kitákatak.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL