Lúúkas 17
17
Yésus méékí popíónyí pɛ́ɛ́yɛ́ kumeny
(Mat 18.6,7; Mál 9.42)
1Yésus ɛ́ɛ́pí ó popíónyí pɛ́ɛ́yɛ́ ɛ́ɛ́: «Maandá mékuusenyé mɔɔnd á kifal tiésúk tɛ puɔ́s. Maná kɔk inyɔmɔ táásɛ ne ewú púkoónóólin kɛ́ɛ́yɛ́. 2Ɛ́ɛ́ utikuúsí á kifal yiítáyɔ́táyɔ́ táŋ ímoómí á tuútáyɔ́táyɔ́ etue, peseé nɛɛyɛ́ ɛ́ɛ́ pátɔ́ŋ wɔ́ nitányí niikɔ́n á kimɛn póond pómbin wɔ́ ká asaá. 3Énupíkeŋényésí kɔɔ́mɔ nutálanɛ́ kikɔ́nd.
(Mat 18.15,21-22)
«Andimán ááwɔ kuɛl puandá púmɛ́nyikuɛlɛ́ kutɛ́ɛ́ kɔ́ ɔtɛ́m, kálítɛ́n wɔ́ kɔ́ɔk nɔ kɔ́ɔk; índɛ usiɔŋɛn kuyap, yapɛn wɔ́. 4Ukuɛl kilɔk kátíndatɔ́ neémue ɔ́ puɔ́s woond kátíkátí woól wɛɛl kááwɔ ɛ́ɛ́: imɛ́ɛ́l kilɔk, íyapɛn, ɛɛ́kɛɛsikɛnɛn kuyapɛn wɔ́.»
(Mat 17.20)
5Petúmí ɛ́ɛ́pí kɔ́ Ɔkɔ́n ɛ́ɛ́: «Ɔ́yíkɛ́n kuátap kúásɔ́.» 6Ɔkɔ́n ɛ́ɛ́pí kɔ́ɔ́p ɛ́ɛ́: «Nusíákápián kuátap kuɔmb ɛlɛɛ́ embu ú andásia, nusíɛl á putɛ́ epue ɛ́ɛ́: Pálɛk áápíkɔ́n ká asaá púond púnúɔ́pɛn.
Eŋelí puólí úmɛ́nyɛɛlín yá ó puólí púɛ́yɛ́
7«Unín káanɔ́ kɔ́ ɔlɔŋ unyɛɛ́ pákupian eŋelípuólí usiáyɔɔk kí iyɔkɔ́ putíɛ́púlɛ́ɛ púnyaánɛ ekííkí melúk, wɔ́ no kuosiondó putíɛ́púlɛ́ɛ ɛɛl kɛ́ɛ́yɛ́ ɛ́ɛ́: Kɔnyɔ́mbɛ́t kuɛ́kɛt é tépéle? 8Ɛtíɛ́kɛlɛ́ kɛ́ɛ́yɛ́ ɛ́ɛ́: Yɔɔ́k é kísin kinámbán ínya; píséndí pilaá índáaŋ; íman anyáan, ímbúwá maná aŋúɛ kákááwɔ ányá óond ápúwa? 9Ukaná elémbi eŋelípuólí á kiákí ɛ́ɛ́ umɛ́ɛ́l puólí pɛ́siɛ́kɛl kɛ́ɛ́yɛ́ ɛ́ɛ́ wɛ́ɛl á? 10Aákóo! Puandá púmoómí naanɔ́, aká númányimaná puólí kitikit péésiénúéki ɛ́ɛ́ núɛl, ɛ́nuɛlɛ́ ɛ́ɛ́: Tunyɛ peelímoólí pɛ́sɛkisɛk. Tumɛ́ɛl kɔ́ɔ́m epú túmɛ́nyɛɛsíkɛ́nɛ́n kuɛl.»
Yésus mééŋúkí pekúnúkun páát
11Aná Yésus maáyuúkán Yelúsalɛm, wɛɛndɛn ɔ́ kiɔ́ndiɔ kinyɛɛ́ na Samalí na Kalilée. 12Umɛɛlɛ́ upíken ɔ́ kitɔŋ kímotí, pekúnúkun páát pááyɔɔk é kulumen nɛɛyɛ́. Péétélimit kaáyɛ́ɛ 13péémi ekelú ɛ́ kuɛl é Yésus ɛ́ɛ́: «Yésus, oŋónyóonyi, túɛ́n ɔsɔk.» 14Umɛɛlɛ́ nɛ kuɛ́nɛn pɔ́ɔ, Yésus ɛ́ɛ́pí kɔ́ɔ́p ɛ́ɛ́: «Ánuupɔ́ kuepítíínyí á pafunɔ́fɔn.» Pɛ́mɛɛlɛ́ pámanyi kí iŋilí é kuepítíínyí, pééŋuk. 15Ekúnúkun omoómí kɔ́ɔ́p ɔ́ kiɔ́p ɛ́ɛ́nɛn ɛ́ɛ́ umééŋúk, woond ne kélém woól úlémbésí Támbákɛ́ɛ ne ekelú mɔkɔ́n. 16Weesukin Yésuse tunuu ɔ́ pikɔ́nd, wɔɔlɔŋɛk ɛtɔ kuám aná pusíó púɛ́yɛ́ méékííki kúúsí, ulémbesi wɔ; mɔɔnd ukáánɛ́ mapá mɔnɔ́ Samalí. 17Yésuse kanyi kɔk ɛ́ɛ́: «Peem páát timééŋúk á? Epe pánamanɛ́ neémue, naánɛ́ pɛ́nyɛɛ́? 18Mɔɔnd timɛ́ɛ́nɛ́k kɔ́ɔ́p ɔ́ kiɔ́p ɛ́ wóond ne kélém é kuesilémbí Támbákɛ́ɛ: ɛsiɛ́ eŋenyí ewe!» 19Wɔ́ ɔ́ mɔnɔ́ Samalí ukáánɛ́ ɛ́ɛ́: «Atúkɛn, yɔɔk. Pipíóndínyí ɔ́tɛ́m píáwɔ méékuéŋuki.»
Kuól kú Pufuŋ pú Támbák
20Pafalisiɛ́ŋ póówun Yésuse ɛ́ɛ́: «Níík kɔk Pufuŋ pú Támbák óónyóólonée?» Woondinyi pɔ ɛ́ɛ́: «Pufuŋ pú Támbák tipá púólon asɛ puandá ɛnyɛɛ́ pɛ́kuɛ́n né eŋis. 21Pɛ́tíɛ́kɛɛlɛ́ ɛ́ɛ́: “Púúpue” kúnyaánɛ “Púúpúnóo”. Á kiákí ɛ́ɛ́ Pufuŋ pú Támbák nyɛ káánɔ́ ɛ́ kikɛtɛ́kɛtɛ́ɛ.»
Puɔ́sí pú Muɔ́nɔ́ u mɔɔnd
22Yésus ɛ́ɛ́pí kɔk ó popíónyí ɛ́ɛ́: «Metúk óókoólon insaná kaányípá naanɔ́ ɛ́ɛ́ insí tɛ puɔ́s púmoómí numáand apá naamɛ, iŋúɛ, muɔ́nɔ́ u mɔɔnd, tɛ ɛ́ɛ́ núɛ́n púɛ.
(Mat 24.26-27)
23«Pɛ́kɛɛl káánɔ́ ɛ́ɛ́: Wuukáánɛ́, wuúwe. Nutiyɔɔ́k púúmépúúme. 24Á kiákí ɛ́ɛ́, aná imbalamandá teekenyé mɛnɛ́mɛnɛ́ɛ kitikit kuám ɛ́ nuliɛ, yá anakáánɛ́ pɛɛnd kitikit ɛ́ɛ́nyɛ́ɛ́nɛɛ́ Muɔ́nɔ́ u mɔɔnd puɔ́s woónyóósiondónée. 25Maná ukatúan wɛ́ɛ́n iŋɛ́n pɛɛnd pí ínanɔ óond pétúm wɔ́ kélém.
(Mat 24.37-39)
26«Aká Muɔ́nɔ́ u mɔɔnd áányandɛ́ kuól é kúúsí, kusɔ́t woónyíkóókie áányípá ɛlɛɛ́ ekú kúmaápá á kisikɛl kí Nowé: 27pámapá pányáan, pápúwáan, pálata tuɔ́ndɔ́n, kuám puɔ́s Nowé meépíkín ó kitóŋ kiikɔ́n; iŋum yiiŋɔ́n yaanuanan, moomb méémenyi mányɛ́ɛn kúúsí, mɔɔ́nɔ pɛɛnd kitikit. 28Púnyɛ aná kusɔ́t maápá á kisikɛl kí Lóot: pámapá pányáan, pápúwáan, pɔ́ɔ́ndɔ, pétúénen, pákúna, páwááka; 29Maná, puɔ́s Lóot maám Sɔtɔ́ɔm, Támbákɛ́ɛ weekuusi nupɔ́l nú yiik ni indusú wɔɔ́n pɛɛnd kitikit pámaápá Sɔtɔ́ɔm. 30Yá aná púányípáánɛ́ nɔ́ɔ puɔ́s Muɔ́nɔ́ u mɔɔnd ényípitíínyée.
31«Pukáánɛ́ puɔ́s, mɔɔnd waányípáánɛ́ kí insɛkɛ́ mɛnɛ́mɛnɛ́ɛ tiselé ɔ́ kuɔsikɔ́l puandá á kiansi nɛkɛtɛ́ɛ; puandá púmoómí ne ewú waányípáánɛ́ putíɛ́púlɛ́ɛ, utiondó á nuya. 32Ánupítáákɛ́t akányí Lóot. 33Ewú waambanɛ́ kukááka kusɔ́t kúɛ́yɛ́ é kúúsí ekue kenyími kɔ́ɔ, ewú ukaányáátap ɛ́ɛ́ únyími kɔ, katáŋap kusɔ́t kú teeníík. 34Yɔɔ́núɔ́yɔn ɛ́ɛ́, putúk pukáánɛ́ pɛɛnd páandɛ́ áányípá papɛ́t kikɔkɔ́ kímoómí, Támbák kɔ́l omoómí olotí lɔp. 35Pakáandɔ́ páandɛ́ áányípá pákula moso ɔlɔŋ: Támbák kɔ́l omoómí, olotí lɔp.» [36]
37Popíónyí póówun wɔ́ ɛ́ɛ́: «Ɔkɔ́n, naánɛ́ kɔk púɛ́nyípíɛ́lɛɛ́?» Wɔ́ kɔ́ɔ́p ɛ́ɛ́: «Kɔɔ́mɔ kikú áányípáánɛ́ɛ, kɔ́ɔ́kɔ́ɔ tukóli tuukɔ́n áányípíkúsanɛ́ɛ.»
ទើបបានជ្រើសរើសហើយ៖
Lúúkas 17: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Lúúkas 17
17
Yésus méékí popíónyí pɛ́ɛ́yɛ́ kumeny
(Mat 18.6,7; Mál 9.42)
1Yésus ɛ́ɛ́pí ó popíónyí pɛ́ɛ́yɛ́ ɛ́ɛ́: «Maandá mékuusenyé mɔɔnd á kifal tiésúk tɛ puɔ́s. Maná kɔk inyɔmɔ táásɛ ne ewú púkoónóólin kɛ́ɛ́yɛ́. 2Ɛ́ɛ́ utikuúsí á kifal yiítáyɔ́táyɔ́ táŋ ímoómí á tuútáyɔ́táyɔ́ etue, peseé nɛɛyɛ́ ɛ́ɛ́ pátɔ́ŋ wɔ́ nitányí niikɔ́n á kimɛn póond pómbin wɔ́ ká asaá. 3Énupíkeŋényésí kɔɔ́mɔ nutálanɛ́ kikɔ́nd.
(Mat 18.15,21-22)
«Andimán ááwɔ kuɛl puandá púmɛ́nyikuɛlɛ́ kutɛ́ɛ́ kɔ́ ɔtɛ́m, kálítɛ́n wɔ́ kɔ́ɔk nɔ kɔ́ɔk; índɛ usiɔŋɛn kuyap, yapɛn wɔ́. 4Ukuɛl kilɔk kátíndatɔ́ neémue ɔ́ puɔ́s woond kátíkátí woól wɛɛl kááwɔ ɛ́ɛ́: imɛ́ɛ́l kilɔk, íyapɛn, ɛɛ́kɛɛsikɛnɛn kuyapɛn wɔ́.»
(Mat 17.20)
5Petúmí ɛ́ɛ́pí kɔ́ Ɔkɔ́n ɛ́ɛ́: «Ɔ́yíkɛ́n kuátap kúásɔ́.» 6Ɔkɔ́n ɛ́ɛ́pí kɔ́ɔ́p ɛ́ɛ́: «Nusíákápián kuátap kuɔmb ɛlɛɛ́ embu ú andásia, nusíɛl á putɛ́ epue ɛ́ɛ́: Pálɛk áápíkɔ́n ká asaá púond púnúɔ́pɛn.
Eŋelí puólí úmɛ́nyɛɛlín yá ó puólí púɛ́yɛ́
7«Unín káanɔ́ kɔ́ ɔlɔŋ unyɛɛ́ pákupian eŋelípuólí usiáyɔɔk kí iyɔkɔ́ putíɛ́púlɛ́ɛ púnyaánɛ ekííkí melúk, wɔ́ no kuosiondó putíɛ́púlɛ́ɛ ɛɛl kɛ́ɛ́yɛ́ ɛ́ɛ́: Kɔnyɔ́mbɛ́t kuɛ́kɛt é tépéle? 8Ɛtíɛ́kɛlɛ́ kɛ́ɛ́yɛ́ ɛ́ɛ́: Yɔɔ́k é kísin kinámbán ínya; píséndí pilaá índáaŋ; íman anyáan, ímbúwá maná aŋúɛ kákááwɔ ányá óond ápúwa? 9Ukaná elémbi eŋelípuólí á kiákí ɛ́ɛ́ umɛ́ɛ́l puólí pɛ́siɛ́kɛl kɛ́ɛ́yɛ́ ɛ́ɛ́ wɛ́ɛl á? 10Aákóo! Puandá púmoómí naanɔ́, aká númányimaná puólí kitikit péésiénúéki ɛ́ɛ́ núɛl, ɛ́nuɛlɛ́ ɛ́ɛ́: Tunyɛ peelímoólí pɛ́sɛkisɛk. Tumɛ́ɛl kɔ́ɔ́m epú túmɛ́nyɛɛsíkɛ́nɛ́n kuɛl.»
Yésus mééŋúkí pekúnúkun páát
11Aná Yésus maáyuúkán Yelúsalɛm, wɛɛndɛn ɔ́ kiɔ́ndiɔ kinyɛɛ́ na Samalí na Kalilée. 12Umɛɛlɛ́ upíken ɔ́ kitɔŋ kímotí, pekúnúkun páát pááyɔɔk é kulumen nɛɛyɛ́. Péétélimit kaáyɛ́ɛ 13péémi ekelú ɛ́ kuɛl é Yésus ɛ́ɛ́: «Yésus, oŋónyóonyi, túɛ́n ɔsɔk.» 14Umɛɛlɛ́ nɛ kuɛ́nɛn pɔ́ɔ, Yésus ɛ́ɛ́pí kɔ́ɔ́p ɛ́ɛ́: «Ánuupɔ́ kuepítíínyí á pafunɔ́fɔn.» Pɛ́mɛɛlɛ́ pámanyi kí iŋilí é kuepítíínyí, pééŋuk. 15Ekúnúkun omoómí kɔ́ɔ́p ɔ́ kiɔ́p ɛ́ɛ́nɛn ɛ́ɛ́ umééŋúk, woond ne kélém woól úlémbésí Támbákɛ́ɛ ne ekelú mɔkɔ́n. 16Weesukin Yésuse tunuu ɔ́ pikɔ́nd, wɔɔlɔŋɛk ɛtɔ kuám aná pusíó púɛ́yɛ́ méékííki kúúsí, ulémbesi wɔ; mɔɔnd ukáánɛ́ mapá mɔnɔ́ Samalí. 17Yésuse kanyi kɔk ɛ́ɛ́: «Peem páát timééŋúk á? Epe pánamanɛ́ neémue, naánɛ́ pɛ́nyɛɛ́? 18Mɔɔnd timɛ́ɛ́nɛ́k kɔ́ɔ́p ɔ́ kiɔ́p ɛ́ wóond ne kélém é kuesilémbí Támbákɛ́ɛ: ɛsiɛ́ eŋenyí ewe!» 19Wɔ́ ɔ́ mɔnɔ́ Samalí ukáánɛ́ ɛ́ɛ́: «Atúkɛn, yɔɔk. Pipíóndínyí ɔ́tɛ́m píáwɔ méékuéŋuki.»
Kuól kú Pufuŋ pú Támbák
20Pafalisiɛ́ŋ póówun Yésuse ɛ́ɛ́: «Níík kɔk Pufuŋ pú Támbák óónyóólonée?» Woondinyi pɔ ɛ́ɛ́: «Pufuŋ pú Támbák tipá púólon asɛ puandá ɛnyɛɛ́ pɛ́kuɛ́n né eŋis. 21Pɛ́tíɛ́kɛɛlɛ́ ɛ́ɛ́: “Púúpue” kúnyaánɛ “Púúpúnóo”. Á kiákí ɛ́ɛ́ Pufuŋ pú Támbák nyɛ káánɔ́ ɛ́ kikɛtɛ́kɛtɛ́ɛ.»
Puɔ́sí pú Muɔ́nɔ́ u mɔɔnd
22Yésus ɛ́ɛ́pí kɔk ó popíónyí ɛ́ɛ́: «Metúk óókoólon insaná kaányípá naanɔ́ ɛ́ɛ́ insí tɛ puɔ́s púmoómí numáand apá naamɛ, iŋúɛ, muɔ́nɔ́ u mɔɔnd, tɛ ɛ́ɛ́ núɛ́n púɛ.
(Mat 24.26-27)
23«Pɛ́kɛɛl káánɔ́ ɛ́ɛ́: Wuukáánɛ́, wuúwe. Nutiyɔɔ́k púúmépúúme. 24Á kiákí ɛ́ɛ́, aná imbalamandá teekenyé mɛnɛ́mɛnɛ́ɛ kitikit kuám ɛ́ nuliɛ, yá anakáánɛ́ pɛɛnd kitikit ɛ́ɛ́nyɛ́ɛ́nɛɛ́ Muɔ́nɔ́ u mɔɔnd puɔ́s woónyóósiondónée. 25Maná ukatúan wɛ́ɛ́n iŋɛ́n pɛɛnd pí ínanɔ óond pétúm wɔ́ kélém.
(Mat 24.37-39)
26«Aká Muɔ́nɔ́ u mɔɔnd áányandɛ́ kuól é kúúsí, kusɔ́t woónyíkóókie áányípá ɛlɛɛ́ ekú kúmaápá á kisikɛl kí Nowé: 27pámapá pányáan, pápúwáan, pálata tuɔ́ndɔ́n, kuám puɔ́s Nowé meépíkín ó kitóŋ kiikɔ́n; iŋum yiiŋɔ́n yaanuanan, moomb méémenyi mányɛ́ɛn kúúsí, mɔɔ́nɔ pɛɛnd kitikit. 28Púnyɛ aná kusɔ́t maápá á kisikɛl kí Lóot: pámapá pányáan, pápúwáan, pɔ́ɔ́ndɔ, pétúénen, pákúna, páwááka; 29Maná, puɔ́s Lóot maám Sɔtɔ́ɔm, Támbákɛ́ɛ weekuusi nupɔ́l nú yiik ni indusú wɔɔ́n pɛɛnd kitikit pámaápá Sɔtɔ́ɔm. 30Yá aná púányípáánɛ́ nɔ́ɔ puɔ́s Muɔ́nɔ́ u mɔɔnd ényípitíínyée.
31«Pukáánɛ́ puɔ́s, mɔɔnd waányípáánɛ́ kí insɛkɛ́ mɛnɛ́mɛnɛ́ɛ tiselé ɔ́ kuɔsikɔ́l puandá á kiansi nɛkɛtɛ́ɛ; puandá púmoómí ne ewú waányípáánɛ́ putíɛ́púlɛ́ɛ, utiondó á nuya. 32Ánupítáákɛ́t akányí Lóot. 33Ewú waambanɛ́ kukááka kusɔ́t kúɛ́yɛ́ é kúúsí ekue kenyími kɔ́ɔ, ewú ukaányáátap ɛ́ɛ́ únyími kɔ, katáŋap kusɔ́t kú teeníík. 34Yɔɔ́núɔ́yɔn ɛ́ɛ́, putúk pukáánɛ́ pɛɛnd páandɛ́ áányípá papɛ́t kikɔkɔ́ kímoómí, Támbák kɔ́l omoómí olotí lɔp. 35Pakáandɔ́ páandɛ́ áányípá pákula moso ɔlɔŋ: Támbák kɔ́l omoómí, olotí lɔp.» [36]
37Popíónyí póówun wɔ́ ɛ́ɛ́: «Ɔkɔ́n, naánɛ́ kɔk púɛ́nyípíɛ́lɛɛ́?» Wɔ́ kɔ́ɔ́p ɛ́ɛ́: «Kɔɔ́mɔ kikú áányípáánɛ́ɛ, kɔ́ɔ́kɔ́ɔ tukóli tuukɔ́n áányípíkúsanɛ́ɛ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL