Lúúkas 16
16
Insap i eŋelípuólí umaápá yɛɛ́ndɔ
1Yésuse andíkɛ́k ó popíónyí pɛ́ɛ́yɛ ɛ́ɛ́: «Inɛ́m i mɔɔnd imotí mapián eŋelípuólí, ukííkanɛn wɔ́ punɛ́m púɛ́yɛ́. Pɔ́ɔsisɔ́mɛ́n eŋelípuólí wɛɛyɛ́ kɛ́ɛ́yɛ́ ɛ́ɛ́ woókoól úlɔkɔ́ punɛ́m púɛ́yɛ́. 2Watɔ́m mɔɔnd waanyapílíkínín wɔ́ eŋelípuólí wɛɛyɛ́ ukáánɛ́. Wɔ́ kɛ́ɛ́yɛ́ ɛ́ɛ́: Kiákí ekie yoólé yɔ́ɔ́pɔ́n pɔ́ɔ́yɔ kááwɔ ɛ́ kisiɛ́n? Ííŋɔ́ŋɔ́n kálatɛ utétunyenyé kitáám kí punɛ́m púámɛ, á kiákí ɛ́ɛ́ kutúm inanɔ puólí púáwɔ mámaná. 3Eŋelípuólí píówon kɛ́ɛ́yɛ́ kɔ́ ɔtɛ́m ɛ́ɛ́: yɛ́ɛl tiɛkíɛ́, aná másɛ waamɛ ményiŋélí ó puólí? Íyɔɔk á? Indipá na pukaaka. Yóólo ínsúkúsúk á? Ɛtɔ́ kunúá yáak wɔ́ naání? 4Yeémenyen epú yɛ́ɛ́lɛɛ́, iŋɛl yaatukan ó puólí, pɛɛnd ɛ́ɛ́nɛk píŋólié kuɔpɔ́. 5Weetúmenenyi pɛɛnd kitikit pɔ́mɔɔ́píɔ́lɔ́n maandá má másɛ wɛɛyɛ́ insɔ́m ɛ́ɛ́ póólon omoómí omoómíe; wɔ́ á ukutúan ɛ́ɛ́: ɔlɔ́ wááwɔ nyɛ kiákí é? 6Ewe woondinyi ɛ́ɛ́: eŋíki yɛ́ pisɛŋ ambak. Eŋelípuólí ɛ́ɛ́pí kɛ́ɛ́yɛ́ ɛ́ɛ́: Ɔmbɔp wááwɔ ú ɔɔlɔ́ ewe, nyɔ́mbɛ́t kuɛ́kɛt, ɔ́ɔ́ŋ ɛ́ɛ́ eŋíki etín áandɛ́ na áát. 7wɔ́ ɔ́ sɔ́k olotí ɛ́ɛ́: Aŋú, ɔɔlɔ́ wááwɔ nyɛ kiákí? woondinyi ɛ́ɛ́: Iŋute sí ɔlɛ́k ambak, Eŋelípuólí ɛ́ɛ́pí kɛ́ɛ́yɛ́ ɛ́ɛ́: Índɛ́ ɔmbɔp wááwɔ ú ɔɔlɔ́ ewe, ɔ́ɔ́ŋ etín eni 8Inɛ́m i mɔɔnd mɛɛlɛ́ yɛɛ́nɛn puandá eŋelípuólí u tupúlén mɛɛ́lɛ́, woond é kupísiimesi wɔ á kiákí ɛ́ɛ́ puandá umɛɛ́lɛ́, umɛl pú nɛ yɛɛ́ndɔ. Yɔɔ́kɔyɔ nɔ́ á kiákí ɛ́ɛ́ pɛɛnd pɔ́sɔ́tɔnɛ́ kusɔ́t kú kúúsí ekue nyɛ yɛɛ́ndɔ nɔ pɔ́kúɔ́p kutápɔk pɔsɔ́k pɔ́sɔ́tɔnɛ́ é kisie kí Támbák.»
Muenyí múpúleninée, na punɛ́m pú kémuémue
9Yésuse wɔɔ́yikɛn ɛ́ɛ́: «Kúúkɔ inúɔyɔnɛ́ ɛ́ɛ́: ɔ́nukɔ́lɔ́n Muenyí mú kúúsí ekue kútiányípá indɛ́ndɛ́nɛ, ɔ́nuɔ́kɔnɔkɔn pɛɛnd, nulata pukúl nɔpɔ́ ɛ́ɛ́, indɛ músiaman, pekúl páánɔ́ pakáánɛ nukólosi á piansi pí teeníík pinyɛ́ mɛnɛ́mɛnɛ́ɛ.
10«Mɔɔnd wɛɛsikɛnɛnɛ́ ɛ́ɛ́ popíóndonyi ɔtɛ́m nɛɛyɛ́ á puandá puukétí ɛ́ɛ́kɛɛsikɛnɛn andíkɛ́k ɛ́ɛ́ popíóndonyi ɔtɛ́m nɛɛyɛ́ á puandá puukɔ́n; mɔɔnd utiányípá indɛ́ndɛ́nɛ á puandá puukétí tipá ukupá indɛ́ndɛ́nɛ á puukɔ́n. 11Índɛ kɔk nutipá nuɛsikɛnɛn ɛ́ɛ́ popíóndonyi ɔtɛ́m naanɔ́ é púúpú nuɛlɛnɛ́ɛ na punɛ́m pú kúúsí ekue kútiányípá indɛ́ndɛ́nɛ, ɛ́nyí kueki imfaŋá i punɛ́m? 12Índɛ nutipá nuɛsikɛnɛn ɛ́ɛ́ popíóndonyí ɔtɛ́m naanɔ́ ne epú pútiányípá púnúɔ́pinɔn, ɛ́nyɛ́ ukeényínúeki epú púnúɔ́pinɔnɛ́?
(Mat 6.24)
13«Tɛ eŋelípuólí omoómí utipá pɔ́kukɔtɔn pamásɛ páandɛ: púnyɛ kuɛ́nɛk ɛ́ɛ́ wɛɛ́fɛmɛ ewe, wɔɔyɔ owúnóo, púnyaánɛ ukapá nulátát ne ewe, uyɛɛnɛ owúnóo. Nutipá kukɔtɔn, na Támbák á ne Muenyí.»
No Pikotí pí Moyíis ne Pufuŋ pú Támbák
14Pafalisiɛ́ŋ mapá pɔ́ɔ́yɔ muenyí puólikóoli. Pɛ́mɛɛlɛ́ pámááman ɔpítɔ́likɔn Yésuse, póond ɔ́ kuɔnɔ wɔ. 15Wɔ́ kɔ́ɔ́p ɛ́ɛ́: «Panɔ́ nuɛ́kɛlɛ maandá ké eŋis yɛ́ pɛɛnd é kutíínyi ɛ́ɛ́ nunyɛ indɛ́ndɛ́nɛ, kúúkɔ́ Támbák éémenyen itɛ́m síánɔ: puandá pɛɛnd pe kúúsí yoosoné asɛ kiandákáand nyɛ mɛnyɛnyɔ́ ké eŋis yá Támbák.»
(Mat 11.12,13)
16«Pikotí pí Moyíis ni imfíɔ́ŋ sí peémímekélíé má Támbák éésúkínen kí Isáaŋ Etuúsí; kutúm akáánɛ́, pɛɛnd ókoól pékémé Pufuŋ pú Támbák asɛ Insɔ́m Yi indámb, mɔɔnd kitikit ékeémenyi imbekí yɛɛyɛ́ kitikit ɛ́ɛ́ úpíkin á pɔ.»
(Mat 5.18)
17«Kúúsí nɛ mɛnɛ́mɛnɛ́ɛ ányitápɔk, tɛ muɔ́nɔ́ u ɔmfíɔ́ŋ ó kikotí tiányatɔ́k.»
(Mat 5.32; 19.9; Mál 10.11-12)
18«Mɔɔnd úmányipíátɔ́n na akányí waand apítikɛn olotí, pukáánɛ́ nyɛ isɔm; mɔɔnd pítikɛn akáandɔ́ ɔnɛ́m áányípíátɔ́n wɔ, pukáánɛ́ nyɛ isɔm.»
Insap yi inɛ́m í mɔɔnd nɛɛyɛ́ na Lasáal
19«Mɔɔnd omotí mapá inɛ́m, upíákan indífɔnɔ́ sí tupilɛtupilɛ nɔ pisɔnɔ́ pí muenyí, puɔ́s kitikit wɛɛlɛ putɔ́mbí. 20Ɔsúkɔsukɔ omotí kisiɛ́n ɛ́ɛ́ Lasáalɛ, ɛpísɛ́kɛ́lítɛ́n é nipíkínín ní nuyá nú inɛ́m, pitɔ́ɔ́kɔ nuɔ́l kitikit, 21Ɔtɛ́m wɛ́ɛ́yɛ́ lɔ́ɔ́ŋɔ imfumfí síkuanɛ́ aká inɛ́m nyáánɛ́ɛ; imbúá ɛ́ɛ́silɛ́kɛ́ pitɔ́ɔ́kɔ píɛ́yɛ́ pikáánɛ́. 22Lasáalɛ weeku. Peéŋele pɛ́ɛ́sɛmb wɔ páányapítíkɛ́n wɔ́ kí inyɛ́ŋ i Ápilaháam. Inɛ́m yeeku kɛ́kɛ́ɛ́yɛ́, póónyo yɛ́ɛ. 23Kukáánɛ́ ɔ́ kitɔŋ kí piku, é muyú nɛkɛtɛ́ɛ, inɛ́m mɛ́mɛlimɛt, imɛ́ɛ́n Ápilaháamɛ kaáyɛ́kakaayɛ, Lasáalɛ kɛ́ɛ́yɛ́ kí inyɛ́ŋ. 24Ukanyɛɛ́ opókokonyonyi, “Taatá Ápilaháam oóo, ííŋɛ́n ɔsɔk, tɔ́m Lasáalɛ úyúpi inɛɛ́ yɛ́ɛ́yɛ́ wúndényi itepé í moomb é kilémbi, yɛɛ́kɛɛ́nɛn muyú kilɔk kɔ́lɔk é yiik ínyɛɛ́ akɛ.” 25Ápilaháamɛ kɛ́ɛ́yɛ́ ɛ́ɛ́: “Muɔ́nɔ́, pitááka kááwɔ é meéné ɛ́ɛ́ amápiá punɛ́m púáwɔ kááwɔ ɔ́ kusɔ́t e kúúsí ekue, Lasáal ɔ́ɔ́pɔlɔpɔl ɛ́ kúɛ́yɛ́ kusɔ́t; nínúan unyɛ akɛ ó kiwookitio, aŋúɛ ɛɛ́nɛn iŋɛ́n. 26Andikɛ́k ɛ́ɛ́ kiandákáand kí éŋulúm áátúátuna ɛ́ɛ́ tɛ mɔɔnd utisaápɛn, tɛ oólin kiáyí kinín atitápɔk nakúnɛ.” 27“Inɛ́m kɛ́ɛ́yɛ́ ɛ́ɛ́: síkoli taatá Ápilaháam, tɔ́m Lasáalɛ á nuyá nú taatá, 28paandimán páámɛ pɛɛnúmɛndɔ́ nyɛ kɔ́ɔk patáanɔ. Wéékésítényí pɔ́ɔ ɛ́ɛ́ pɔ́ɔ kɔ́kɔ́ɔ́p pótióló ɔ́ kɔɔ́mɔ kíŋɛ́n akɛ.” 29Ápilaháamɛ woondinyi wɔ́ ɛ́ɛ́: “Imfiɔ́ŋ sí Moyíis nyɛ kɔ́ɔk ne peémímekélíé; ɛ́nyɛɛ́ pɔ́pítɔ́likɔn pɔ́ɔ.” 30Inɛ́m kɛ́ɛ́yɛ́ ɛ́ɛ́: “Aákóo taatá Ápilaháam, índɛ mɔɔnd woóloniné é piku siakálɛt kɔ́ɔ́p, pányɛ kupínúkun itɛ́m.” 31Ápilaháamɛ kɛ́ɛ́yɛ́ ɛ́ɛ́: “Índɛ pɛ́siɛl pɔ́tiɔpɛ́n imfíɔ́ŋ sí Moyíis ne peémímekélíé, tɛ mɔɔnd ɛ́ɛ́nyɔk kuɛnyɔk é piku, pátiákáátáp.”»
ទើបបានជ្រើសរើសហើយ៖
Lúúkas 16: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Lúúkas 16
16
Insap i eŋelípuólí umaápá yɛɛ́ndɔ
1Yésuse andíkɛ́k ó popíónyí pɛ́ɛ́yɛ ɛ́ɛ́: «Inɛ́m i mɔɔnd imotí mapián eŋelípuólí, ukííkanɛn wɔ́ punɛ́m púɛ́yɛ́. Pɔ́ɔsisɔ́mɛ́n eŋelípuólí wɛɛyɛ́ kɛ́ɛ́yɛ́ ɛ́ɛ́ woókoól úlɔkɔ́ punɛ́m púɛ́yɛ́. 2Watɔ́m mɔɔnd waanyapílíkínín wɔ́ eŋelípuólí wɛɛyɛ́ ukáánɛ́. Wɔ́ kɛ́ɛ́yɛ́ ɛ́ɛ́: Kiákí ekie yoólé yɔ́ɔ́pɔ́n pɔ́ɔ́yɔ kááwɔ ɛ́ kisiɛ́n? Ííŋɔ́ŋɔ́n kálatɛ utétunyenyé kitáám kí punɛ́m púámɛ, á kiákí ɛ́ɛ́ kutúm inanɔ puólí púáwɔ mámaná. 3Eŋelípuólí píówon kɛ́ɛ́yɛ́ kɔ́ ɔtɛ́m ɛ́ɛ́: yɛ́ɛl tiɛkíɛ́, aná másɛ waamɛ ményiŋélí ó puólí? Íyɔɔk á? Indipá na pukaaka. Yóólo ínsúkúsúk á? Ɛtɔ́ kunúá yáak wɔ́ naání? 4Yeémenyen epú yɛ́ɛ́lɛɛ́, iŋɛl yaatukan ó puólí, pɛɛnd ɛ́ɛ́nɛk píŋólié kuɔpɔ́. 5Weetúmenenyi pɛɛnd kitikit pɔ́mɔɔ́píɔ́lɔ́n maandá má másɛ wɛɛyɛ́ insɔ́m ɛ́ɛ́ póólon omoómí omoómíe; wɔ́ á ukutúan ɛ́ɛ́: ɔlɔ́ wááwɔ nyɛ kiákí é? 6Ewe woondinyi ɛ́ɛ́: eŋíki yɛ́ pisɛŋ ambak. Eŋelípuólí ɛ́ɛ́pí kɛ́ɛ́yɛ́ ɛ́ɛ́: Ɔmbɔp wááwɔ ú ɔɔlɔ́ ewe, nyɔ́mbɛ́t kuɛ́kɛt, ɔ́ɔ́ŋ ɛ́ɛ́ eŋíki etín áandɛ́ na áát. 7wɔ́ ɔ́ sɔ́k olotí ɛ́ɛ́: Aŋú, ɔɔlɔ́ wááwɔ nyɛ kiákí? woondinyi ɛ́ɛ́: Iŋute sí ɔlɛ́k ambak, Eŋelípuólí ɛ́ɛ́pí kɛ́ɛ́yɛ́ ɛ́ɛ́: Índɛ́ ɔmbɔp wááwɔ ú ɔɔlɔ́ ewe, ɔ́ɔ́ŋ etín eni 8Inɛ́m i mɔɔnd mɛɛlɛ́ yɛɛ́nɛn puandá eŋelípuólí u tupúlén mɛɛ́lɛ́, woond é kupísiimesi wɔ á kiákí ɛ́ɛ́ puandá umɛɛ́lɛ́, umɛl pú nɛ yɛɛ́ndɔ. Yɔɔ́kɔyɔ nɔ́ á kiákí ɛ́ɛ́ pɛɛnd pɔ́sɔ́tɔnɛ́ kusɔ́t kú kúúsí ekue nyɛ yɛɛ́ndɔ nɔ pɔ́kúɔ́p kutápɔk pɔsɔ́k pɔ́sɔ́tɔnɛ́ é kisie kí Támbák.»
Muenyí múpúleninée, na punɛ́m pú kémuémue
9Yésuse wɔɔ́yikɛn ɛ́ɛ́: «Kúúkɔ inúɔyɔnɛ́ ɛ́ɛ́: ɔ́nukɔ́lɔ́n Muenyí mú kúúsí ekue kútiányípá indɛ́ndɛ́nɛ, ɔ́nuɔ́kɔnɔkɔn pɛɛnd, nulata pukúl nɔpɔ́ ɛ́ɛ́, indɛ músiaman, pekúl páánɔ́ pakáánɛ nukólosi á piansi pí teeníík pinyɛ́ mɛnɛ́mɛnɛ́ɛ.
10«Mɔɔnd wɛɛsikɛnɛnɛ́ ɛ́ɛ́ popíóndonyi ɔtɛ́m nɛɛyɛ́ á puandá puukétí ɛ́ɛ́kɛɛsikɛnɛn andíkɛ́k ɛ́ɛ́ popíóndonyi ɔtɛ́m nɛɛyɛ́ á puandá puukɔ́n; mɔɔnd utiányípá indɛ́ndɛ́nɛ á puandá puukétí tipá ukupá indɛ́ndɛ́nɛ á puukɔ́n. 11Índɛ kɔk nutipá nuɛsikɛnɛn ɛ́ɛ́ popíóndonyi ɔtɛ́m naanɔ́ é púúpú nuɛlɛnɛ́ɛ na punɛ́m pú kúúsí ekue kútiányípá indɛ́ndɛ́nɛ, ɛ́nyí kueki imfaŋá i punɛ́m? 12Índɛ nutipá nuɛsikɛnɛn ɛ́ɛ́ popíóndonyí ɔtɛ́m naanɔ́ ne epú pútiányípá púnúɔ́pinɔn, ɛ́nyɛ́ ukeényínúeki epú púnúɔ́pinɔnɛ́?
(Mat 6.24)
13«Tɛ eŋelípuólí omoómí utipá pɔ́kukɔtɔn pamásɛ páandɛ: púnyɛ kuɛ́nɛk ɛ́ɛ́ wɛɛ́fɛmɛ ewe, wɔɔyɔ owúnóo, púnyaánɛ ukapá nulátát ne ewe, uyɛɛnɛ owúnóo. Nutipá kukɔtɔn, na Támbák á ne Muenyí.»
No Pikotí pí Moyíis ne Pufuŋ pú Támbák
14Pafalisiɛ́ŋ mapá pɔ́ɔ́yɔ muenyí puólikóoli. Pɛ́mɛɛlɛ́ pámááman ɔpítɔ́likɔn Yésuse, póond ɔ́ kuɔnɔ wɔ. 15Wɔ́ kɔ́ɔ́p ɛ́ɛ́: «Panɔ́ nuɛ́kɛlɛ maandá ké eŋis yɛ́ pɛɛnd é kutíínyi ɛ́ɛ́ nunyɛ indɛ́ndɛ́nɛ, kúúkɔ́ Támbák éémenyen itɛ́m síánɔ: puandá pɛɛnd pe kúúsí yoosoné asɛ kiandákáand nyɛ mɛnyɛnyɔ́ ké eŋis yá Támbák.»
(Mat 11.12,13)
16«Pikotí pí Moyíis ni imfíɔ́ŋ sí peémímekélíé má Támbák éésúkínen kí Isáaŋ Etuúsí; kutúm akáánɛ́, pɛɛnd ókoól pékémé Pufuŋ pú Támbák asɛ Insɔ́m Yi indámb, mɔɔnd kitikit ékeémenyi imbekí yɛɛyɛ́ kitikit ɛ́ɛ́ úpíkin á pɔ.»
(Mat 5.18)
17«Kúúsí nɛ mɛnɛ́mɛnɛ́ɛ ányitápɔk, tɛ muɔ́nɔ́ u ɔmfíɔ́ŋ ó kikotí tiányatɔ́k.»
(Mat 5.32; 19.9; Mál 10.11-12)
18«Mɔɔnd úmányipíátɔ́n na akányí waand apítikɛn olotí, pukáánɛ́ nyɛ isɔm; mɔɔnd pítikɛn akáandɔ́ ɔnɛ́m áányípíátɔ́n wɔ, pukáánɛ́ nyɛ isɔm.»
Insap yi inɛ́m í mɔɔnd nɛɛyɛ́ na Lasáal
19«Mɔɔnd omotí mapá inɛ́m, upíákan indífɔnɔ́ sí tupilɛtupilɛ nɔ pisɔnɔ́ pí muenyí, puɔ́s kitikit wɛɛlɛ putɔ́mbí. 20Ɔsúkɔsukɔ omotí kisiɛ́n ɛ́ɛ́ Lasáalɛ, ɛpísɛ́kɛ́lítɛ́n é nipíkínín ní nuyá nú inɛ́m, pitɔ́ɔ́kɔ nuɔ́l kitikit, 21Ɔtɛ́m wɛ́ɛ́yɛ́ lɔ́ɔ́ŋɔ imfumfí síkuanɛ́ aká inɛ́m nyáánɛ́ɛ; imbúá ɛ́ɛ́silɛ́kɛ́ pitɔ́ɔ́kɔ píɛ́yɛ́ pikáánɛ́. 22Lasáalɛ weeku. Peéŋele pɛ́ɛ́sɛmb wɔ páányapítíkɛ́n wɔ́ kí inyɛ́ŋ i Ápilaháam. Inɛ́m yeeku kɛ́kɛ́ɛ́yɛ́, póónyo yɛ́ɛ. 23Kukáánɛ́ ɔ́ kitɔŋ kí piku, é muyú nɛkɛtɛ́ɛ, inɛ́m mɛ́mɛlimɛt, imɛ́ɛ́n Ápilaháamɛ kaáyɛ́kakaayɛ, Lasáalɛ kɛ́ɛ́yɛ́ kí inyɛ́ŋ. 24Ukanyɛɛ́ opókokonyonyi, “Taatá Ápilaháam oóo, ííŋɛ́n ɔsɔk, tɔ́m Lasáalɛ úyúpi inɛɛ́ yɛ́ɛ́yɛ́ wúndényi itepé í moomb é kilémbi, yɛɛ́kɛɛ́nɛn muyú kilɔk kɔ́lɔk é yiik ínyɛɛ́ akɛ.” 25Ápilaháamɛ kɛ́ɛ́yɛ́ ɛ́ɛ́: “Muɔ́nɔ́, pitááka kááwɔ é meéné ɛ́ɛ́ amápiá punɛ́m púáwɔ kááwɔ ɔ́ kusɔ́t e kúúsí ekue, Lasáal ɔ́ɔ́pɔlɔpɔl ɛ́ kúɛ́yɛ́ kusɔ́t; nínúan unyɛ akɛ ó kiwookitio, aŋúɛ ɛɛ́nɛn iŋɛ́n. 26Andikɛ́k ɛ́ɛ́ kiandákáand kí éŋulúm áátúátuna ɛ́ɛ́ tɛ mɔɔnd utisaápɛn, tɛ oólin kiáyí kinín atitápɔk nakúnɛ.” 27“Inɛ́m kɛ́ɛ́yɛ́ ɛ́ɛ́: síkoli taatá Ápilaháam, tɔ́m Lasáalɛ á nuyá nú taatá, 28paandimán páámɛ pɛɛnúmɛndɔ́ nyɛ kɔ́ɔk patáanɔ. Wéékésítényí pɔ́ɔ ɛ́ɛ́ pɔ́ɔ kɔ́kɔ́ɔ́p pótióló ɔ́ kɔɔ́mɔ kíŋɛ́n akɛ.” 29Ápilaháamɛ woondinyi wɔ́ ɛ́ɛ́: “Imfiɔ́ŋ sí Moyíis nyɛ kɔ́ɔk ne peémímekélíé; ɛ́nyɛɛ́ pɔ́pítɔ́likɔn pɔ́ɔ.” 30Inɛ́m kɛ́ɛ́yɛ́ ɛ́ɛ́: “Aákóo taatá Ápilaháam, índɛ mɔɔnd woóloniné é piku siakálɛt kɔ́ɔ́p, pányɛ kupínúkun itɛ́m.” 31Ápilaháamɛ kɛ́ɛ́yɛ́ ɛ́ɛ́: “Índɛ pɛ́siɛl pɔ́tiɔpɛ́n imfíɔ́ŋ sí Moyíis ne peémímekélíé, tɛ mɔɔnd ɛ́ɛ́nyɔk kuɛnyɔk é piku, pátiákáátáp.”»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL