Isáaŋ Monyí mɔ́túɔ́kɔnɔkɔnɛ́ ɔ́ kuɔ́p ɔmbɔp ú Isáaŋ
Monyí mɔ́túɔ́kɔnɔkɔnɛ́ ɔ́ kuɔ́p ɔmbɔp ú Isáaŋ
Isáaŋ mɔɔŋɔ ɔmbɔp ewe ɛ́ɛ́ ewu wanunanɛ menyi ɛ́ɛ́ Yésus nyɛ Kilíis, muɔ́nɔ́ u Támbák, indɛ usiatap upia kusɔ́t ku teenik kɛ́ɛ́yɛ́ ɛ́ɛ́ kisiɛ́n (ɛnɛ 20.31). Wond wetini ɛ́ɛ́ Yésus nyɛ Támbákɛ́ɛ, maná wanda etini wɔ ɛlɛɛ́ mɔɔnd umɛsikɛnɛn kuuku á nuak ɛ́ɛ́ pafalfal pia kusɔ́t ku tenik. Isáaŋ mapá ke embul u popíónyí paatanapaandɛ, umɛɛ́nɛ́n maandá umɔŋɔ kɔ ɔmbɔp ewe. Umɔpɔkɔ mɔ ɛ́ɛ́ nuɛyi nunamá nyaŋunɛ kí imbɔp itatuɛ siloti siɔyɔnɛ kusɔ́t kú Yésus. Isɛ́ɛŋ yɔɔŋ pisime pitindatɔnemue pí Yésus na tukál umeemi piyɔn pitindandɔnemue umetini ɛ́ɛ́ unyi Támbákɛ́ɛ. Yésus kaniɛ «íní imbuŋɛ i kusɔ́t (6.35, 48) … Kisie kí kúúsí (8.12; 9.5) … Niiti ni kiansi (10.7, 9) … Kinɔk kí ekik pitumbɛ (10.11, 14) … Kuam á pilɔŋ nɔ kusɔ́t (11.25) … (Iŋili ne kémuémue nɔ kusɔ́t 14.6) … Kemuemue u Putɛ (15.1,5)». Isáaŋ metumene ɔmbɔp wɛ́ɛ́yɛ́ wɔyɔ ɛ́ɛ́ nukal anakanɛ kunyɛ ɛ́ɛ́ Yésuse mapá na Támbák enitumin, Támbákɛ́ɛ woond wapɔnd puandá kitikit na núɔ. Nkal nukanɛ nuɛsiɛyi mɔɔnd. E piénsi pikusukin pí ɔmbɔp Isáaŋɛ wɛsɛkun peseé niku na kuam á pilóŋ ku Yésus, naana umepitini popíónyí pɛ́ɛ́yɛ́ kɔk umama á pilɔ́ŋ.
ទើបបានជ្រើសរើសហើយ៖
Isáaŋ Monyí mɔ́túɔ́kɔnɔkɔnɛ́ ɔ́ kuɔ́p ɔmbɔp ú Isáaŋ: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL