Isáaŋ 5
5
Yésus mééŋúkí kinsɛ́kɛlinɛ Yelúsalɛm
1É kélém akáánɛ́, Yésuse waayɔɔk Yelúsalɛm ɔ́ putɔ́mbí pú Pɛyúútɛn. 2Nipíkínín nímotí nyɛ Yelúsalɛm pápílanɛ́ níí ɛ́ɛ́ nipíkínín ní pitúúmbɛ́ɛ; kiimb nyɛ kɔ́ɔk Éŋele maápá uselen siki kisikilɛ weeyitin moomb, ukutúan kupíómbin ɔ́ mɔ́ɔ ééŋuk, tɛ upian kayɛ́ ɔkɔnɔ́. Pɛyúútɛn malukɔ́ kiimb kikáánɛ́ ɛ́ɛ́ Petesata nɔ nuɔpɛ́ɛ; kínyɛ ni ilɔŋ sí itɛ́n ítáan sitúmené á kɛ́ɛ. 3Pɛɛnd puólíkóoli pánúmanɛ́ ɛ́ɛsipísɛnsɛ́ ké embíkínín yakáánɛ́: Pepútepute, pikóndi, pɔɔtiɔ́t ɛŋɛndɛ. 4#5.4 Ɛŋɛlɛ u Támbák mapa usele upueŋitenyi moomb u kutúan kupiombini eŋuk. 5Mɔɔnd mapá kɔ́ɔk kikóndi tuɔŋ nitín no punyo na tútátɔ́. 6Yésuse wɛɛ́n wɔ́ akáánɛ́ apɛ́t. Aná umeémenyí ɛ́ɛ́ ukanyi kɔ́ɔk metúk kusol apɛ́t, wɔ́ kɛ́ɛ́yɛ́ ɛ́ɛ́: «Aákamba kuéŋuk á?» 7Kikóndi kɛ́ɛ́yɛ́ ɛ́ɛ́: «Ɔkɔ́n, yɛ́ɛ́n naánɛ́ mɔɔnd ukunsɛmb é kuŋémí é kiimb moomb meépíéyen? Yɛ́ɛlɛɛ́ yáámɛ, pɔsɔ́k mátúan káámɛ.» 8Yésuse kɛ́ɛ́yɛ́ ɛ́ɛ́: «Atúkɛn, kɔ́l nuambálɛ́n núáwɔ apá.» 9Yá akáánɛ́ nɔ niɔ́kɔ́tɔ́n mɔɔnd weéŋuk; wɔɔkɔ́l nuambálɛ́n núɛ́yɛ́ woond ɛ́ kuɛndɛ.
Puɛ́tɛ puɔ́s mapá sápat. 10Pɛyúútɛn mɛɛlɛ́ nɛ kuɛ́n mɔɔnd ukáánɛ́ na nuambálɛ́n núɛ́yɛ́, pɔ́ kɛ́ɛ́yɛ́ ɛ́ɛ́: «Atipá ɛɛsikɛnɛn kusɛmb nuambálɛ́n núáwɔ, ínan nyɛ sápat.» 11Wookondinyi pɔ́ ɛ́ɛ́: «Ewú úményiŋéŋúkí mɛ́ɛ́lɛ́ káámɛ ɛ́ɛ́: Kɔ́l nuambálɛ́n núáwɔ, apá.» 12Póond é kupite wɔ́: «Ɛ́nyɛ́ waátakáánɛ́ úmɛ́nyɛɛlɛ́ kááwɔ ɛ́ɛ́: Kɔ́l nuambálɛ́n núáwɔ, apá?» 13Mɔɔnd pémeéŋúkí timemenyi sɔ́k umeéŋúkí wɔ́, á kiákí ɛ́ɛ́ Yésus menyímín wɔ́ é kiimbí kímaápá akáánɛ́. 14É kélém akáánɛ́, Yésuse woonyokóókí wɔ́ á kitamb kí Támbák, wɔ́ kɛ́ɛ́yɛ́ ɛ́ɛ́: «Nínúan emééŋúk. Índɛ atipá amba ɛ́ɛ́ muyú mútápukanɛ́ mukáánɛ́ áand akuámɛn, atiandá kuɛl kifal.» 15Mɔɔnd waanyaatíán pɔkɔ́n pɛ́ Pɛyúútɛn ɛ́ɛ́ Yésuse wóónyísótí wɔ́. 16púúpɔ́ pɔkɔ́n pɛ́ Pɛyúútɛn moónd ɔ́ kupíɔ́ndikɔn Yésuse ɛ́ɛ́ utimaákan sápat wɔɔpɔ́ ɔ́ niɔlɔ́. 17Yésuse kɔ́ɔ́p ɛ́ɛ́: «Taatá mɔɔ́kɔtɔ kuasiám na piínanuɛ, niŋúɛ kákáámɛ inyɛ ɔ́ mukɔt.» 18Kɛ́ɛ́yɛ́ é mekélíe makáánɛ́ pɔkɔ́n pɛ́ Pɛyúútɛn péetúm kuamba ɛ́ɛ́ pɔ́ɔ́n Yésuse ó pusíó ɛ́ɛ́ utimɛnɛkɛn kikotí kí sápat, woond upílan Támbákɛ́ɛ ɛ́ɛ́ Síí wɛɛyɛ́, upíkɔ́lɔn ké etényi ú Támbák.
Pukaaka pú Muɔ́nɔ́ u Támbák
19Yésuse waand ɔkɔ́l nukál, wɔ́ kɔ́ɔ́p ɛ́ɛ́: «Kémuémue, kémuémue, Muɔ́nɔ́ tipá ukupíɛlɛn puandá wɔ́ muɛ́t kati ɛ́ɛ́ umɛ́ɛ́n é Síí, puandá wɛɛ́nɛnɛ́ Síí ɛ́ɛlɛ, púúpɔ́ wɛɛlɛnɛ́ kɛ́kɛ́ɛ́yɛ́. 20Aná Síí ɔ́ɔ́yɔɔnɛ́ɛ Muɔ́nɔ́, woond utíínyenyi wɔ́ maandá kitikit wɛɛlɛnɛ́ɛ, uketíínyi wɔ́ maandá mɛ́kuɛl mátápukan eme, nuényísímile panɔ́ peem. 21Aná Síí éényesié piku, woondonyi pí ɔ́ kusɔ́t, Muɔ́nɔ́ kɛ́kɛ́ɛ́yɛ́ óóndonyi ɔ́ kusɔ́t ewú wɔɔyɔɔnɛ́ɛ kuondi wɔ́. 22Síí tipá usóósosi mɔɔnd; umayapɛ́n Muɔ́nɔ́ pukáánɛ́ kitikit, 23ɛ́ɛ́ pɛɛnd kitikit éékenyi Muɔ́nɔ́ nukany aná péékenyé wɔ́ muɛ́t. Ewú utiányípá weekenyi Muɔ́nɔ́ nukany, tipá weekenyi nukany é Síí ewú umaátɔ́m wɔ́.» 24Yɔɔ́núɔ́yɔn kémuémue ɛ́ɛ́: «Ewú upítɔ́likɔnɛ́ mekélíe máámɛ woond upíóndonyi ɔtɛ́m ne ewú umiíndɔ́m, ukáánɛ́ nyɛ nɔ kusɔ́t kú kati nimanɛ́n; pátipá pósóósosi wɔ́, Umáátɔ́k é nikú umépíkin ɔ́ kusɔ́t. 25Kémuémue kémuemue kisikɛl óókoólon, nínúan kíkanyi kɔ́ɔk, kisikɛl ekí pilɔ́ŋ kɔɔ́nyɔ́ɔ́pɔn ekelú ú Muɔ́nɔ́ u Támbák, epí píkɔɔ́nyɔ́ɔ́p wɔ́ kɔsɔ́t. 26Aná Síí nyɛɛ́ yiíyi í kusɔ́t weeki Muɔ́nɔ́ ɛ́ɛ́ upá yiíyi í kusɔ́t. 27Weekeeki wɔ́ pukaaka pú kusóósosi á kiákí ɛ́ɛ́ unyɛ Muɔ́nɔ́ u Mɔɔnd. 28Nutisímílé maandá makáánɛ́, á kiákí ɛ́ɛ́ kikulɛ́ óókoólon ekí epé pɛ́nyɛɛ́ papɛ́t á pipɛ́l nɛkɛtɛ́ɛ kɔɔ́nyɔ́ɔ́p ekelú wɛ́ɛ́yɛ́. 29Epé pɛmɛɛ́lɛ́ peseé pɛ́ɛnyukɛn á kuyuukan ɔ́ kusɔ́t; epé pɛ́mɛɛ́lɛ́ kilɔk ɛ́ɛnyukɛn á kuyukan kí isɔ́ɔ́sɔ. 30Niŋúɛ na niŋúɛ indipá pɛ́kupíɛlɛn puandá: yoósóósosi aná yɔɔ́pɔnɛ́ɛ, imbakɛ́ yaamɛ nyɛ indɛ́ndɛ́nɛ á kiákí ɛ́ɛ́ indipá yamba kuɔyɛt kúámɛ, maná kuɔyɛt kú sɔ́k umiíndɔ́m.»
Petétúnyí
31«Índɛ niŋúɛ muɛ́t insiɔyɔ mandá mííyoosonée, kuɔyɛt kúámɛ tipá indɛ́ndɛ́nɛ. 32Sɔ́k olotí wɔɔyɔɔnɛ́ɛ epú púúyoosonée, yoond imenyen ɛ́ɛ́ epú wɔɔyɔɔnɛ́ɛ nyɛ kémuémue. 33Nuátúmɛ́n Isáaŋɛ pɛɛnd, puandá umɔɔ́nuɔ́yɔ́n mapá kémuémue. 34Yɔɔ́kɔɔyɔ pú, indipá imbaŋa ɛ́ɛ́ mɔɔnd pá etétúnyí waamɛ, maná yaákála anɛ ɛ́ɛ́ núsɔt. 35Isáaŋ mapá ɛlɛɛ́ ilámba pétúmené é kuteekenyi. Panɔ́ nuakaátap ɛ́ɛ́ núyayapa na kufɔ́ɔm kú kisie kíɛ́yɛ́ ɔ́ mɔnɔ́ kisikɛl. 36Niŋúɛ maandá yɔɔyɔnɛ́ átápukan mí Isáaŋ: á kiákí ɛ́ɛ́ masɔ́m emé Taatá miímfá ɛ́ɛ́ yɛ́ɛlɛ, mɔ́ mɛɛ́tɛ yɛɛlɛnɛ́ɛ mɛ́nyɛɛ́ pulinsí púámɛ ɛ́ɛ́ Taatɛ́ɛ umiíndɔ́m. 37Taatɛ́ɛ umiíndɔ́m utétunyenyé káámɛ ó pusíó wɔ́ muɛ́t. Numapása nutiɔ́p ekelú wɛ́ɛ́yɛ́, tɛ kuɛ́n pusíó púɛ́yɛ́. 38Tɛ mekélíe mɛ́ɛ́yɛ́ nutipá nuákan mɔ́ ɔ́ niɔ́lɔ́, á kiákí ɛ́ɛ́ nutipá nupíóndonyi ɔtɛ́m nɔ sɔ́k umaátɔ́m. 39Nuéfile imfíɔ́ŋ nupítááka ɛ́ɛ́ á sɛ́ nukaányípia kusɔ́t kú teeníík. Naánɛ́ kɔk ɛ́ɛ́ siɛ́tɛ imfíɔ́ŋ sísɛɛkunɛnɛ́ puandá inyɛɛ́ kémuémue. 40Nutipá nuɔyɔ kumbísíítin á kupia kusɔ́t kú teeníík. 41Indipá imbaŋa ɛ́ɛ́ pɛɛnd imfáan nuúmu. 42Maná Yeénúmenyen ɛ́ɛ́ nutipá nuɔyɔ Támbákɛ́ɛ káánɔ́ kí itɛ́m. 43Imoól ɛ́ kisiɛ́n kí Taatɛ́ɛ umiíndɔ́m, nuen kuŋgɔ́l ne peseé. Maná índɛ mɔɔnd olotí siopíólin ɔ́nukɔ́l wɔ́ ne peseé! 44Tiɛkíɛ́ nunyɛɛ́ pákuŋátap, panúɛ epé nuambanɛ́ɛ ɛ́ɛ́ pénúkúmesi panúɛ na panúɛ, nutiambá nuúmu núólinonée ku Támbák wééŋényí? 45Maná nutipítááká ɛ́ɛ́ niŋúɛ yɔɔ́nyínúsɔ́ɔ́minɛ́ ku Taatá, Moyíise ewú nupíóndonyé ɔtɛ́m kɛ́ɛ́yɛ́, wɔ́ ukɔɔ́nyínúsɔ́ɔ́mɛn. 46Nusɔ́tɔ nuátapan epú Moyíis mɔɔ́núɔ́yɔn, nusíŋátap kákáámɛ, á kiákí ɛ́ɛ́ umɔɔ́ŋɔ́ moónyi mííyoosonée. 47Aná nutiányípá nuátapan moónyi umɔɔ́ŋɔ́, tiɛkíɛ́ nunyɛɛ́ pákuátap epú yɔɔyɔnɛ́ɛ?»
ទើបបានជ្រើសរើសហើយ៖
Isáaŋ 5: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Isáaŋ 5
5
Yésus mééŋúkí kinsɛ́kɛlinɛ Yelúsalɛm
1É kélém akáánɛ́, Yésuse waayɔɔk Yelúsalɛm ɔ́ putɔ́mbí pú Pɛyúútɛn. 2Nipíkínín nímotí nyɛ Yelúsalɛm pápílanɛ́ níí ɛ́ɛ́ nipíkínín ní pitúúmbɛ́ɛ; kiimb nyɛ kɔ́ɔk Éŋele maápá uselen siki kisikilɛ weeyitin moomb, ukutúan kupíómbin ɔ́ mɔ́ɔ ééŋuk, tɛ upian kayɛ́ ɔkɔnɔ́. Pɛyúútɛn malukɔ́ kiimb kikáánɛ́ ɛ́ɛ́ Petesata nɔ nuɔpɛ́ɛ; kínyɛ ni ilɔŋ sí itɛ́n ítáan sitúmené á kɛ́ɛ. 3Pɛɛnd puólíkóoli pánúmanɛ́ ɛ́ɛsipísɛnsɛ́ ké embíkínín yakáánɛ́: Pepútepute, pikóndi, pɔɔtiɔ́t ɛŋɛndɛ. 4#5.4 Ɛŋɛlɛ u Támbák mapa usele upueŋitenyi moomb u kutúan kupiombini eŋuk. 5Mɔɔnd mapá kɔ́ɔk kikóndi tuɔŋ nitín no punyo na tútátɔ́. 6Yésuse wɛɛ́n wɔ́ akáánɛ́ apɛ́t. Aná umeémenyí ɛ́ɛ́ ukanyi kɔ́ɔk metúk kusol apɛ́t, wɔ́ kɛ́ɛ́yɛ́ ɛ́ɛ́: «Aákamba kuéŋuk á?» 7Kikóndi kɛ́ɛ́yɛ́ ɛ́ɛ́: «Ɔkɔ́n, yɛ́ɛ́n naánɛ́ mɔɔnd ukunsɛmb é kuŋémí é kiimb moomb meépíéyen? Yɛ́ɛlɛɛ́ yáámɛ, pɔsɔ́k mátúan káámɛ.» 8Yésuse kɛ́ɛ́yɛ́ ɛ́ɛ́: «Atúkɛn, kɔ́l nuambálɛ́n núáwɔ apá.» 9Yá akáánɛ́ nɔ niɔ́kɔ́tɔ́n mɔɔnd weéŋuk; wɔɔkɔ́l nuambálɛ́n núɛ́yɛ́ woond ɛ́ kuɛndɛ.
Puɛ́tɛ puɔ́s mapá sápat. 10Pɛyúútɛn mɛɛlɛ́ nɛ kuɛ́n mɔɔnd ukáánɛ́ na nuambálɛ́n núɛ́yɛ́, pɔ́ kɛ́ɛ́yɛ́ ɛ́ɛ́: «Atipá ɛɛsikɛnɛn kusɛmb nuambálɛ́n núáwɔ, ínan nyɛ sápat.» 11Wookondinyi pɔ́ ɛ́ɛ́: «Ewú úményiŋéŋúkí mɛ́ɛ́lɛ́ káámɛ ɛ́ɛ́: Kɔ́l nuambálɛ́n núáwɔ, apá.» 12Póond é kupite wɔ́: «Ɛ́nyɛ́ waátakáánɛ́ úmɛ́nyɛɛlɛ́ kááwɔ ɛ́ɛ́: Kɔ́l nuambálɛ́n núáwɔ, apá?» 13Mɔɔnd pémeéŋúkí timemenyi sɔ́k umeéŋúkí wɔ́, á kiákí ɛ́ɛ́ Yésus menyímín wɔ́ é kiimbí kímaápá akáánɛ́. 14É kélém akáánɛ́, Yésuse woonyokóókí wɔ́ á kitamb kí Támbák, wɔ́ kɛ́ɛ́yɛ́ ɛ́ɛ́: «Nínúan emééŋúk. Índɛ atipá amba ɛ́ɛ́ muyú mútápukanɛ́ mukáánɛ́ áand akuámɛn, atiandá kuɛl kifal.» 15Mɔɔnd waanyaatíán pɔkɔ́n pɛ́ Pɛyúútɛn ɛ́ɛ́ Yésuse wóónyísótí wɔ́. 16púúpɔ́ pɔkɔ́n pɛ́ Pɛyúútɛn moónd ɔ́ kupíɔ́ndikɔn Yésuse ɛ́ɛ́ utimaákan sápat wɔɔpɔ́ ɔ́ niɔlɔ́. 17Yésuse kɔ́ɔ́p ɛ́ɛ́: «Taatá mɔɔ́kɔtɔ kuasiám na piínanuɛ, niŋúɛ kákáámɛ inyɛ ɔ́ mukɔt.» 18Kɛ́ɛ́yɛ́ é mekélíe makáánɛ́ pɔkɔ́n pɛ́ Pɛyúútɛn péetúm kuamba ɛ́ɛ́ pɔ́ɔ́n Yésuse ó pusíó ɛ́ɛ́ utimɛnɛkɛn kikotí kí sápat, woond upílan Támbákɛ́ɛ ɛ́ɛ́ Síí wɛɛyɛ́, upíkɔ́lɔn ké etényi ú Támbák.
Pukaaka pú Muɔ́nɔ́ u Támbák
19Yésuse waand ɔkɔ́l nukál, wɔ́ kɔ́ɔ́p ɛ́ɛ́: «Kémuémue, kémuémue, Muɔ́nɔ́ tipá ukupíɛlɛn puandá wɔ́ muɛ́t kati ɛ́ɛ́ umɛ́ɛ́n é Síí, puandá wɛɛ́nɛnɛ́ Síí ɛ́ɛlɛ, púúpɔ́ wɛɛlɛnɛ́ kɛ́kɛ́ɛ́yɛ́. 20Aná Síí ɔ́ɔ́yɔɔnɛ́ɛ Muɔ́nɔ́, woond utíínyenyi wɔ́ maandá kitikit wɛɛlɛnɛ́ɛ, uketíínyi wɔ́ maandá mɛ́kuɛl mátápukan eme, nuényísímile panɔ́ peem. 21Aná Síí éényesié piku, woondonyi pí ɔ́ kusɔ́t, Muɔ́nɔ́ kɛ́kɛ́ɛ́yɛ́ óóndonyi ɔ́ kusɔ́t ewú wɔɔyɔɔnɛ́ɛ kuondi wɔ́. 22Síí tipá usóósosi mɔɔnd; umayapɛ́n Muɔ́nɔ́ pukáánɛ́ kitikit, 23ɛ́ɛ́ pɛɛnd kitikit éékenyi Muɔ́nɔ́ nukany aná péékenyé wɔ́ muɛ́t. Ewú utiányípá weekenyi Muɔ́nɔ́ nukany, tipá weekenyi nukany é Síí ewú umaátɔ́m wɔ́.» 24Yɔɔ́núɔ́yɔn kémuémue ɛ́ɛ́: «Ewú upítɔ́likɔnɛ́ mekélíe máámɛ woond upíóndonyi ɔtɛ́m ne ewú umiíndɔ́m, ukáánɛ́ nyɛ nɔ kusɔ́t kú kati nimanɛ́n; pátipá pósóósosi wɔ́, Umáátɔ́k é nikú umépíkin ɔ́ kusɔ́t. 25Kémuémue kémuemue kisikɛl óókoólon, nínúan kíkanyi kɔ́ɔk, kisikɛl ekí pilɔ́ŋ kɔɔ́nyɔ́ɔ́pɔn ekelú ú Muɔ́nɔ́ u Támbák, epí píkɔɔ́nyɔ́ɔ́p wɔ́ kɔsɔ́t. 26Aná Síí nyɛɛ́ yiíyi í kusɔ́t weeki Muɔ́nɔ́ ɛ́ɛ́ upá yiíyi í kusɔ́t. 27Weekeeki wɔ́ pukaaka pú kusóósosi á kiákí ɛ́ɛ́ unyɛ Muɔ́nɔ́ u Mɔɔnd. 28Nutisímílé maandá makáánɛ́, á kiákí ɛ́ɛ́ kikulɛ́ óókoólon ekí epé pɛ́nyɛɛ́ papɛ́t á pipɛ́l nɛkɛtɛ́ɛ kɔɔ́nyɔ́ɔ́p ekelú wɛ́ɛ́yɛ́. 29Epé pɛmɛɛ́lɛ́ peseé pɛ́ɛnyukɛn á kuyuukan ɔ́ kusɔ́t; epé pɛ́mɛɛ́lɛ́ kilɔk ɛ́ɛnyukɛn á kuyukan kí isɔ́ɔ́sɔ. 30Niŋúɛ na niŋúɛ indipá pɛ́kupíɛlɛn puandá: yoósóósosi aná yɔɔ́pɔnɛ́ɛ, imbakɛ́ yaamɛ nyɛ indɛ́ndɛ́nɛ á kiákí ɛ́ɛ́ indipá yamba kuɔyɛt kúámɛ, maná kuɔyɛt kú sɔ́k umiíndɔ́m.»
Petétúnyí
31«Índɛ niŋúɛ muɛ́t insiɔyɔ mandá mííyoosonée, kuɔyɛt kúámɛ tipá indɛ́ndɛ́nɛ. 32Sɔ́k olotí wɔɔyɔɔnɛ́ɛ epú púúyoosonée, yoond imenyen ɛ́ɛ́ epú wɔɔyɔɔnɛ́ɛ nyɛ kémuémue. 33Nuátúmɛ́n Isáaŋɛ pɛɛnd, puandá umɔɔ́nuɔ́yɔ́n mapá kémuémue. 34Yɔɔ́kɔɔyɔ pú, indipá imbaŋa ɛ́ɛ́ mɔɔnd pá etétúnyí waamɛ, maná yaákála anɛ ɛ́ɛ́ núsɔt. 35Isáaŋ mapá ɛlɛɛ́ ilámba pétúmené é kuteekenyi. Panɔ́ nuakaátap ɛ́ɛ́ núyayapa na kufɔ́ɔm kú kisie kíɛ́yɛ́ ɔ́ mɔnɔ́ kisikɛl. 36Niŋúɛ maandá yɔɔyɔnɛ́ átápukan mí Isáaŋ: á kiákí ɛ́ɛ́ masɔ́m emé Taatá miímfá ɛ́ɛ́ yɛ́ɛlɛ, mɔ́ mɛɛ́tɛ yɛɛlɛnɛ́ɛ mɛ́nyɛɛ́ pulinsí púámɛ ɛ́ɛ́ Taatɛ́ɛ umiíndɔ́m. 37Taatɛ́ɛ umiíndɔ́m utétunyenyé káámɛ ó pusíó wɔ́ muɛ́t. Numapása nutiɔ́p ekelú wɛ́ɛ́yɛ́, tɛ kuɛ́n pusíó púɛ́yɛ́. 38Tɛ mekélíe mɛ́ɛ́yɛ́ nutipá nuákan mɔ́ ɔ́ niɔ́lɔ́, á kiákí ɛ́ɛ́ nutipá nupíóndonyi ɔtɛ́m nɔ sɔ́k umaátɔ́m. 39Nuéfile imfíɔ́ŋ nupítááka ɛ́ɛ́ á sɛ́ nukaányípia kusɔ́t kú teeníík. Naánɛ́ kɔk ɛ́ɛ́ siɛ́tɛ imfíɔ́ŋ sísɛɛkunɛnɛ́ puandá inyɛɛ́ kémuémue. 40Nutipá nuɔyɔ kumbísíítin á kupia kusɔ́t kú teeníík. 41Indipá imbaŋa ɛ́ɛ́ pɛɛnd imfáan nuúmu. 42Maná Yeénúmenyen ɛ́ɛ́ nutipá nuɔyɔ Támbákɛ́ɛ káánɔ́ kí itɛ́m. 43Imoól ɛ́ kisiɛ́n kí Taatɛ́ɛ umiíndɔ́m, nuen kuŋgɔ́l ne peseé. Maná índɛ mɔɔnd olotí siopíólin ɔ́nukɔ́l wɔ́ ne peseé! 44Tiɛkíɛ́ nunyɛɛ́ pákuŋátap, panúɛ epé nuambanɛ́ɛ ɛ́ɛ́ pénúkúmesi panúɛ na panúɛ, nutiambá nuúmu núólinonée ku Támbák wééŋényí? 45Maná nutipítááká ɛ́ɛ́ niŋúɛ yɔɔ́nyínúsɔ́ɔ́minɛ́ ku Taatá, Moyíise ewú nupíóndonyé ɔtɛ́m kɛ́ɛ́yɛ́, wɔ́ ukɔɔ́nyínúsɔ́ɔ́mɛn. 46Nusɔ́tɔ nuátapan epú Moyíis mɔɔ́núɔ́yɔn, nusíŋátap kákáámɛ, á kiákí ɛ́ɛ́ umɔɔ́ŋɔ́ moónyi mííyoosonée. 47Aná nutiányípá nuátapan moónyi umɔɔ́ŋɔ́, tiɛkíɛ́ nunyɛɛ́ pákuátap epú yɔɔyɔnɛ́ɛ?»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL