Isáaŋ 4
4
Yésuse nɛɛyɛ́ na akáandɔ́ u Pásamalí
1Aká Ɔkɔ́n mɛɛ́lɛ́ úméemeny ɛ́ɛ́ Pafalisiɛ́ŋ ɔ́ɔ́p ɛ́ɛ́ wɔ́ Yésuse ukanyi no popíónyí táásɛ kutápɔk Isáaŋɛ woond utuenen pɔ́, 2(maná, é kémuémue, Yésuse wɔ́ muɛ́t timetuenin, popíónyí pɛ́ɛ́yɛ́ pɔ́ pamaápá pétuenin) 3waatɔk Yuté, woond Kalilée. 4Iŋilí imaátúkán Yuté iyuukan Kalilée mɛɛndɛ́n Samalí. 5Waanyaám á pálɛ́k omotí u Samalí kisiɛ́n ɛ́ɛ́ Sikáal, mekúye ne kúúsí Yákɔp meékí kinɔ́k kíɛ́yɛ́ Yúsipɛ; 6kɔ́ɔ́kɔ́ itam í Yákɔp maápá. Na kuánd kú ɛŋɛnd, Yésuse wɔɔnyɔ́mbɛt á kiŋɛndɛŋɛnd kí itam. Púmapá púkanyí puandá pú ɔtɛ́m ú puɔ́s. 7Akáandɔ́ omotí u Pásamalí woól é kuesinuú. Yésuse kɛ́ɛ́yɛ́ ɛ́ɛ́: «Imfá moomb má kupuwa.» 8Popíónyí pɛ́ɛ́yɛ́ mapá payɔɔ́kán á pálɛ́k ɔ́ kuɔ́nd múkunya. 9Akáandɔ́ u Pásamalí ukáánɛ́ ɛ́ɛ́pí é Yésus ɛ́ɛ́: «Ɛɛ́pí ɛ́ɛ́ kiákɛ́? Aŋú Yúútɛn, ɔɔ́kɔŋɔn moomb má kupíwá káámɛ, iŋúɛ akáandɔ́ u Pásamalí.» Púnyɛ ɛ́ɛ́ Pɛyúútɛn na Pásamalí, yiik no moomb. 10Yésuse woondinyi wɔ́ ɛ́ɛ́: «Esíékémenyén nupoo nú Támbák ne epú ewú ukuɔŋɔnɛ́ moomb nyɛɛ́, aŋúɛ ɔsíɔŋɔnɛ́ wɔ́ moomb, woond ukufá moomb méékenyé kusɔ́t.» 11Akáandɔ́ kɛ́ɛ́yɛ́ ɛ́ɛ́: «Ɔkɔ́n, itam eye kuyuum, atipá tɛ nɔ ɔluŋɔ́; mááwɔ moomb makáánɛ́ méékenyé kusɔ́t naánɛ́ akaná ɔkɔ́lɔnɛ́ mɔ? 12Aápítááka ɛ́ɛ́ aátápukan síí ɔkúnɛ́ waasɔ́ Yákɔpɛ ewú umaátúyapɛ́n itam eye, waapúwá á yíi wɔ́ muɛ́t, na paán pɛ́ɛ́yɛ́ ne melúk mɛ́ɛ́yɛ́ á?» 13Yésuse woondinyi wɔ́ ɛ́ɛ́: «Ewú ne ewú úmányipúwá moomb eme, niíta kaand kuɛl wɔ; 14maná, ewú ukaányipúwá moomb iŋaányífá wɔ́, niíta tiányaandá kuɛl wɔ́ tɛ puɔ́s; moomb emé iŋaányífá wɔ́ kɛɛ́yi yiiy ílílanɛ́ kɛ́ɛ́yɛ́, moomb mɛ́ɛ́yɛ́ éékenyi kusɔ́t kú teeníík.» 15Akáandɔ́ kɛ́ɛ́yɛ́ ɛ́ɛ́: «Ɔkɔ́n, imfá moomb makáanɛ́ ɛ́ɛ́ niíta tiandá kuŋɛl, pútiandá apá ɛ́ɛ́ yeékesinuénén moomb akɛ.» 16Yésuse kɛ́ɛ́yɛ́ ɛ́ɛ́: «Kɔɔkɔ́l ɔnɛ́m aawɔ, núól akɛ.» 17Akáandɔ́ woondinyi wɔ́ ɛ́ɛ́: «Indipá nɔ ɔnɛm.» Yésuse kɛ́ɛ́yɛ́ ɛ́ɛ́: «Púnyɛ nɔ́ ɛ́ɛ́ atipá nɔ ɔnɛm, maná, 18aámán apia pɔ́ɔ pátáan; mɔɔnd ɛnyɛɛ́ nɛɛyɛ́ níinúan tipá ɔnɛ́m aawɔ. Akáánɛ́ ɔmɔ́ɔyɛ́t kémuémue.» 19Akáandɔ́ kanyi kɛ́ɛ́yɛ́ ɛ́ɛ́: «Ɔkɔ́n, anyɛ eŋémímekélíe má Támbák, yɛɛ́kɛ́nɛn nɔ. 20Pesíí pɔɔkúnɛ́ɛ páásɔ́ mapá pékúmesi Támbákɛ́ɛ kɔ́ ɔkɛ́l ewe, panɔ́ Pɛyúútɛn nuɛlɛ ɛ́ɛ́ kɔɔ́mɔ pɛ́ɛsikɛnɛnɛ́ kukúmesi Támbákɛ́ɛ nyɛ Yelúsalɛm.» 21Yésuse kɛ́ɛ́yɛ́ ɛ́ɛ́: «Íya, átáp epú iŋuɔyɔnɛ́ɛ, yɛɛ́pí kááwɔ ɛ́ɛ́ kisikɛl óókoólon ekí nuɛ́nyɛ́ɛlɛɛ́ nutiandá ekúmi Taatɛ́ɛ tɛ kɔ́ ɔkɛ́l ewe, tɛ Yelúsalɛm. 22Panɔ́ Pásamalí, nuékúmesi Támbákɛ́ɛ kati ɛ́ɛ́ numémenyí wɔ́; pasɔ́ Pɛyúútɛn tuékúmesi wɔ́ tuond tumenyen wɔ́, á kiákí ɛ́ɛ́ kisótio kí pɛɛnd óókoólonin ku Pɛyúútɛn. 23Maná, kisikɛl óókoólon, kíiké tukanyɛɛ́ á kɛ́ɛ, ekí pɛɛnd pékúmesié Támbákɛ́ɛ é kémuémue keényíkúmesi Taatɛ́ɛ ɔ́ kuɔyɛt kú Emfúnukufúúmɛ ne é kémuémue; á kiákí ɛ́ɛ́ nunamá nú pɛɛnd pekúmesié Támbákɛ́ɛ, anakáanɛ́ Taatá ambanɛ́ɛ. 24Támbák nyɛ Emfún, púu pukáánɛ́ epé pekúmesíé wɔ́ ɛ́ɛ́sikɛnɛnɛ́ɛ kukúmesi wɔ́ yá aná Emfúnukufúúmɛ tíínyenyé pɔ́, ne é kémuémue.» 25Akáandɔ́ kɛ́ɛ́yɛ́ ɛ́ɛ́: «Yeémenyen ɛ́ɛ́ Waayúúnánɛ́ u Támbák óókoólon, ewú pápílanɛ́ ɛ́ɛ́ Kilíise. Aká ukoónyóol, ukɛtúsɛɛkunɛn maandá kitikit.» 26Yésuse kɛ́ɛ́yɛ́ ɛ́ɛ́: «Iŋúɛ wɛɛ́tɛ ewe iŋálanɛ́ naawɔ.»
27Popíónyí pé Yésus póosiondó á kiátakáánɛ́ kisikɛl. Péésímile aná pɛ́mɛɛ́n Yésus kála na akáandɔ́; maná, tɛ ɛ́ɛ́ mɔɔnd kɔ́ɔ́p kɔ́ ɔlɔŋ pímak ɛ́ɛ́ wóówun wɔ́ ɛ́ɛ́: «kiákí oówoné wɔ́?» 28Akáandɔ́ wayap kɔk iŋínd yɛɛyɛ́ i nima akáánɛ́, woond á pálɛ́k; ukanyi ɛ́ pɛɛnd ɛ́ɛ́: 29«Ɛ́nuɛsiɛ́n mɔɔnd úmányindíán puandá kitikit inyɛɛ́ ɛŋɛlɛ́ káámɛ ɔ́ kusɔ́t. Utiápá Kilíise wɔ́ á?» 30Pɛɛnd páákaám á pálɛ́k á kuyɔɔk ku Yésus. 31Pɛɛnd pá pálɛ́k mɛɛlɛ́ pámanyi pátiipɛ́ kuám, popíónyí písókolonyi Yésuse, pɛ́ɛlɛ kɛ́ɛ́yɛ́ ɛ́ɛ́: «Oŋónyóonyi, nyáá ɛ́ɛ́.» 32Maná, wɔ́ kɔ́ɔ́p ɛ́ɛ́: «Yaápian múámɛ múkunyá emú panɔ́ nutiányípá numenyen.» 33Popíónyí píówon kɔk pɔ́ɔ nɔ pɔ́ɔ, pɔ́ɔ́yɔ ɛ́ɛ́: «Akɛ mɔɔnd máásítááŋ wɔ́ á?» 34Yésuse kɔ́ɔ́p ɛ́ɛ́: «Múámɛ múkunyá nyɛ ɛ́ɛ́ íwóónyi kuɔyɛt kú ewú umiíndɔ́m, yóond íyákɔn pusɔ́m umiímfá. 35Tíkɛ panɔ́ muɛ́t nuɔ́kɔɔyɔ ɛ́ɛ́: “Niok mésíén siólí íni á”? Maná, iŋúɛ yɛɛ́pí káánɔ́ ɛ́ɛ́: ánutámb mɛtiɛ́púlɛ́ eŋis; múkunyá áámaná akálakatan, múkanyi mukúnínán, muɛsíkɛ́nɛ́n no niok! 36Mɔɔnd wookoné kanyɛɛ́ apákuna pinamá píɛ́yɛ́ woond uline múkunyá ó pusíó pú kusɔ́t kú teeníík, ɛ́ɛ́ ewú unyimanɛ́ ne ewú wookoné yayapa ɔlɔŋ. 37Á kiákí ɛ́ɛ́ insap eye yɔɔyɔnɛ́ ɛ́ɛ́: “Ewe nyima, olotí óoko” nyɛ kémuémue. 38Insianútɔ́m ɛ́ɛ́ núókó é kisíén núɛ́nyɛ́ɛ́lɛ́ nutikɔtɛ́t á kɛ́ɛ; pɔsɔ́k pólotí pɔ́ɔ́nyikɔtɔ́ á kɛ́ɛ, panɔ́ numáasínyɛ́ɛ́n kɔ́ɔ́p ɔ́ mukɔt.»
39Pásamalí kutek pá pálɛ́k ukáánɛ́ póond ó kupíóndonyi ɔ́tɛ́m ne Yésus ó pusíó pú nukál nú akáandɔ́ umeététúnyí ɛ́ɛ́: «Umíndían puandá kitikit yɛ́ɛ́nyɛ́ɛ́lɛ́ káámɛ ɔ́ kusɔ́t.» 40Púúpɔ́ Pásamalí moópísókólítí Yésuse, aká pɛ́mɛɛ́lɛ́ páasiámán kɛ́ɛ́yɛ́ á masia, ɛ́ɛ́ úlɔp nɔɔpɔ́. Wɔɔlɔp kɔ́ɔk metúk máandɛ́. 41Epé pómoópíóndónyí ɔ́tɛ́m ne Yésus ó pusíó pú mekélíe mɛ́ɛ́yɛ́ mapá andíkɛ́k kutek kutápɔk epé pɔ́mɔɔ́p nukál nú akáandɔ́; 42pɔ́ɔ́yɔn akáandɔ́ ɛ́ɛ́: «Nínúan, tutikápá tuand opíóndonyi ɔtɛ́m é mekélíe mááwɔ mɔ́ɔ nɔ mɔ́ɔ; maná á kiákí ɛ́ɛ́ pasɔ́ muɛ́t tumɔ́pítɔ́líkɛ́n wɔ́, tuémenyen ɛ́ɛ́ kémuémue wɔ́ unyɛɛ́ Osótí pɛɛnd pé kúúsí kitikit.»
Yésus mééŋúkí kinɔ́k síí wɛɛyɛ́ maápá kiandá kí mɔɔnd
(Mat 8.5-13; Lúk 7.1-10)
43É kélém kú metúk mándɛ́ umɔɔ́lɔpɔ́ na Pásamalí, Yésuse waatɔk kɔ́ɔk, waayɔɔk Kalilée. 44wɔ́ muɛ́t umɛɛ́lɛ́ ɛ́ɛ́: «Patipá péékenyi eŋémímekélíe má Támbák nukany kɛ́ɛ́yɛ́ ɔ́ kitɔŋ kíí muɛ́t.» 45Maná, umɛɛlɛ́ waámán Kalilée, pɛɛnd pé kiénsi kí kúúsí kikáánɛ́ póókóli wɔ́ peseé, á kiákí ɛ́ɛ́ pámapá Yelúsalɛm kɔ́kɔ́ɔ́p ɔ́ putɔ́mbí pú Pásíka u Pɛyúútɛn, póond pɛ́ɛkɛɛ́n puandá kitikit Yésus mɛɛ́lɛ́ ɔ́ putɔ́mbí pukáánɛ́.
46Yésuse waand kuól Kána, pálɛ́k u kiénsi kí kúúsí kí Kalilée, kɔɔ́mɔ umeéyí moomb makɛ́p. Kimfuŋáfuŋa kí mɔɔnd mapá kɔ́ɔk, eŋelípuólí u efuŋ, kinɔ́k kíɛ́yɛ́ núma á pálɛ́k kisiɛ́n ɛ́ɛ́ Kapɛlɛnawúum. 47Umɛɛlɛ́ úmɔ́ɔp pɔ́ɔ́yɔ ɛ́ɛ́ Yésus óólín Yuté unyɛ Kalilée, waayɔɔk ɛ́ kuɛ́n wɔ́; waámána, woopísókoliti Yésuse ɛ́ɛ́ úyɔɔk Kapɛlɛnawúum wééŋúkí kinɔ́k kíɛ́yɛ́ kímaánúma mekúye ne niku. 48Yésuse kɛ́ɛ́yɛ́ ɛ́ɛ́: «Nusíɛ́kɛ́l nutiɛ́n pisey ne pisíme nutisíápiá pipíóndínyí ɔ́tɛ́m naamɛ!» 49Kiandá kí mɔɔnd kikáánɛ́ kíóndinyi wɔ́ ɛ́ɛ́: «Ɔkɔ́n, síkoli asíám á nuyá muɔ́nɔ́ áámɛ ɛ́ɛl umanyi utikú!» 50Yésus ɛ́ɛ́pí kɛ́ɛ́yɛ́ ɛ́ɛ́: «Ondó á nuyá, muɔ́nɔ ááwɔ mééŋúk.» Mɔɔnd ukáánɛ́ waátap nukál enú Yésus mɔɔ́yítɛ́n wɔ́; wɔɔkɔ́l iŋilí, woond kuɛyɛ́. 51Umɛɛlɛ́ umanyi kí iŋilí weelumen ne peelímoólí pɛ́ɛ́yɛ́. pákanyi kɛ́ɛ́yɛ́ ɛ́ɛ́: «Muɔ́nɔ́ ááwɔ mééŋúk!» 52Woówun pɔ́ kikulɛ́ kinɔ́k kíɛ́yɛ́ meéŋúk á kɛ́ɛ, póondinyi wɔ́ ɛ́ɛ́: «Púúyó, á kikulɛ́ kímoómí kí kélém kú ɔtɛ́m ú puɔ́s, kááká ɔsɔ́l ányáátɔ́k kɛ́ɛ́yɛ́ ɔ́ nuɔ́l.» 53Síí muúŋayɔ́ wɛɛ́n ɛ́ɛ́ yá á kiátakáánɛ́ kikulɛ́ Yésus mɛɛ́l kɛ́ɛ́yɛ́ ɛ́ɛ́: «Kinɔ́k kíáwɔ mééŋúk.» Kutúm puɔ́s pukáánɛ́ wɔ́ ne nikúli níɛ́yɛ́ kitikit moónd ó kupíóndonyi ɔtɛ́m ne Yésus. 54Índí, kisey kíkáandíɛ kí Yésus kikáánɛ́ umɛɛ́lɛ́ Kalilée, kúɛ́yɛ́ kuólín Yuté.
ទើបបានជ្រើសរើសហើយ៖
Isáaŋ 4: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Isáaŋ 4
4
Yésuse nɛɛyɛ́ na akáandɔ́ u Pásamalí
1Aká Ɔkɔ́n mɛɛ́lɛ́ úméemeny ɛ́ɛ́ Pafalisiɛ́ŋ ɔ́ɔ́p ɛ́ɛ́ wɔ́ Yésuse ukanyi no popíónyí táásɛ kutápɔk Isáaŋɛ woond utuenen pɔ́, 2(maná, é kémuémue, Yésuse wɔ́ muɛ́t timetuenin, popíónyí pɛ́ɛ́yɛ́ pɔ́ pamaápá pétuenin) 3waatɔk Yuté, woond Kalilée. 4Iŋilí imaátúkán Yuté iyuukan Kalilée mɛɛndɛ́n Samalí. 5Waanyaám á pálɛ́k omotí u Samalí kisiɛ́n ɛ́ɛ́ Sikáal, mekúye ne kúúsí Yákɔp meékí kinɔ́k kíɛ́yɛ́ Yúsipɛ; 6kɔ́ɔ́kɔ́ itam í Yákɔp maápá. Na kuánd kú ɛŋɛnd, Yésuse wɔɔnyɔ́mbɛt á kiŋɛndɛŋɛnd kí itam. Púmapá púkanyí puandá pú ɔtɛ́m ú puɔ́s. 7Akáandɔ́ omotí u Pásamalí woól é kuesinuú. Yésuse kɛ́ɛ́yɛ́ ɛ́ɛ́: «Imfá moomb má kupuwa.» 8Popíónyí pɛ́ɛ́yɛ́ mapá payɔɔ́kán á pálɛ́k ɔ́ kuɔ́nd múkunya. 9Akáandɔ́ u Pásamalí ukáánɛ́ ɛ́ɛ́pí é Yésus ɛ́ɛ́: «Ɛɛ́pí ɛ́ɛ́ kiákɛ́? Aŋú Yúútɛn, ɔɔ́kɔŋɔn moomb má kupíwá káámɛ, iŋúɛ akáandɔ́ u Pásamalí.» Púnyɛ ɛ́ɛ́ Pɛyúútɛn na Pásamalí, yiik no moomb. 10Yésuse woondinyi wɔ́ ɛ́ɛ́: «Esíékémenyén nupoo nú Támbák ne epú ewú ukuɔŋɔnɛ́ moomb nyɛɛ́, aŋúɛ ɔsíɔŋɔnɛ́ wɔ́ moomb, woond ukufá moomb méékenyé kusɔ́t.» 11Akáandɔ́ kɛ́ɛ́yɛ́ ɛ́ɛ́: «Ɔkɔ́n, itam eye kuyuum, atipá tɛ nɔ ɔluŋɔ́; mááwɔ moomb makáánɛ́ méékenyé kusɔ́t naánɛ́ akaná ɔkɔ́lɔnɛ́ mɔ? 12Aápítááka ɛ́ɛ́ aátápukan síí ɔkúnɛ́ waasɔ́ Yákɔpɛ ewú umaátúyapɛ́n itam eye, waapúwá á yíi wɔ́ muɛ́t, na paán pɛ́ɛ́yɛ́ ne melúk mɛ́ɛ́yɛ́ á?» 13Yésuse woondinyi wɔ́ ɛ́ɛ́: «Ewú ne ewú úmányipúwá moomb eme, niíta kaand kuɛl wɔ; 14maná, ewú ukaányipúwá moomb iŋaányífá wɔ́, niíta tiányaandá kuɛl wɔ́ tɛ puɔ́s; moomb emé iŋaányífá wɔ́ kɛɛ́yi yiiy ílílanɛ́ kɛ́ɛ́yɛ́, moomb mɛ́ɛ́yɛ́ éékenyi kusɔ́t kú teeníík.» 15Akáandɔ́ kɛ́ɛ́yɛ́ ɛ́ɛ́: «Ɔkɔ́n, imfá moomb makáanɛ́ ɛ́ɛ́ niíta tiandá kuŋɛl, pútiandá apá ɛ́ɛ́ yeékesinuénén moomb akɛ.» 16Yésuse kɛ́ɛ́yɛ́ ɛ́ɛ́: «Kɔɔkɔ́l ɔnɛ́m aawɔ, núól akɛ.» 17Akáandɔ́ woondinyi wɔ́ ɛ́ɛ́: «Indipá nɔ ɔnɛm.» Yésuse kɛ́ɛ́yɛ́ ɛ́ɛ́: «Púnyɛ nɔ́ ɛ́ɛ́ atipá nɔ ɔnɛm, maná, 18aámán apia pɔ́ɔ pátáan; mɔɔnd ɛnyɛɛ́ nɛɛyɛ́ níinúan tipá ɔnɛ́m aawɔ. Akáánɛ́ ɔmɔ́ɔyɛ́t kémuémue.» 19Akáandɔ́ kanyi kɛ́ɛ́yɛ́ ɛ́ɛ́: «Ɔkɔ́n, anyɛ eŋémímekélíe má Támbák, yɛɛ́kɛ́nɛn nɔ. 20Pesíí pɔɔkúnɛ́ɛ páásɔ́ mapá pékúmesi Támbákɛ́ɛ kɔ́ ɔkɛ́l ewe, panɔ́ Pɛyúútɛn nuɛlɛ ɛ́ɛ́ kɔɔ́mɔ pɛ́ɛsikɛnɛnɛ́ kukúmesi Támbákɛ́ɛ nyɛ Yelúsalɛm.» 21Yésuse kɛ́ɛ́yɛ́ ɛ́ɛ́: «Íya, átáp epú iŋuɔyɔnɛ́ɛ, yɛɛ́pí kááwɔ ɛ́ɛ́ kisikɛl óókoólon ekí nuɛ́nyɛ́ɛlɛɛ́ nutiandá ekúmi Taatɛ́ɛ tɛ kɔ́ ɔkɛ́l ewe, tɛ Yelúsalɛm. 22Panɔ́ Pásamalí, nuékúmesi Támbákɛ́ɛ kati ɛ́ɛ́ numémenyí wɔ́; pasɔ́ Pɛyúútɛn tuékúmesi wɔ́ tuond tumenyen wɔ́, á kiákí ɛ́ɛ́ kisótio kí pɛɛnd óókoólonin ku Pɛyúútɛn. 23Maná, kisikɛl óókoólon, kíiké tukanyɛɛ́ á kɛ́ɛ, ekí pɛɛnd pékúmesié Támbákɛ́ɛ é kémuémue keényíkúmesi Taatɛ́ɛ ɔ́ kuɔyɛt kú Emfúnukufúúmɛ ne é kémuémue; á kiákí ɛ́ɛ́ nunamá nú pɛɛnd pekúmesié Támbákɛ́ɛ, anakáanɛ́ Taatá ambanɛ́ɛ. 24Támbák nyɛ Emfún, púu pukáánɛ́ epé pekúmesíé wɔ́ ɛ́ɛ́sikɛnɛnɛ́ɛ kukúmesi wɔ́ yá aná Emfúnukufúúmɛ tíínyenyé pɔ́, ne é kémuémue.» 25Akáandɔ́ kɛ́ɛ́yɛ́ ɛ́ɛ́: «Yeémenyen ɛ́ɛ́ Waayúúnánɛ́ u Támbák óókoólon, ewú pápílanɛ́ ɛ́ɛ́ Kilíise. Aká ukoónyóol, ukɛtúsɛɛkunɛn maandá kitikit.» 26Yésuse kɛ́ɛ́yɛ́ ɛ́ɛ́: «Iŋúɛ wɛɛ́tɛ ewe iŋálanɛ́ naawɔ.»
27Popíónyí pé Yésus póosiondó á kiátakáánɛ́ kisikɛl. Péésímile aná pɛ́mɛɛ́n Yésus kála na akáandɔ́; maná, tɛ ɛ́ɛ́ mɔɔnd kɔ́ɔ́p kɔ́ ɔlɔŋ pímak ɛ́ɛ́ wóówun wɔ́ ɛ́ɛ́: «kiákí oówoné wɔ́?» 28Akáandɔ́ wayap kɔk iŋínd yɛɛyɛ́ i nima akáánɛ́, woond á pálɛ́k; ukanyi ɛ́ pɛɛnd ɛ́ɛ́: 29«Ɛ́nuɛsiɛ́n mɔɔnd úmányindíán puandá kitikit inyɛɛ́ ɛŋɛlɛ́ káámɛ ɔ́ kusɔ́t. Utiápá Kilíise wɔ́ á?» 30Pɛɛnd páákaám á pálɛ́k á kuyɔɔk ku Yésus. 31Pɛɛnd pá pálɛ́k mɛɛlɛ́ pámanyi pátiipɛ́ kuám, popíónyí písókolonyi Yésuse, pɛ́ɛlɛ kɛ́ɛ́yɛ́ ɛ́ɛ́: «Oŋónyóonyi, nyáá ɛ́ɛ́.» 32Maná, wɔ́ kɔ́ɔ́p ɛ́ɛ́: «Yaápian múámɛ múkunyá emú panɔ́ nutiányípá numenyen.» 33Popíónyí píówon kɔk pɔ́ɔ nɔ pɔ́ɔ, pɔ́ɔ́yɔ ɛ́ɛ́: «Akɛ mɔɔnd máásítááŋ wɔ́ á?» 34Yésuse kɔ́ɔ́p ɛ́ɛ́: «Múámɛ múkunyá nyɛ ɛ́ɛ́ íwóónyi kuɔyɛt kú ewú umiíndɔ́m, yóond íyákɔn pusɔ́m umiímfá. 35Tíkɛ panɔ́ muɛ́t nuɔ́kɔɔyɔ ɛ́ɛ́: “Niok mésíén siólí íni á”? Maná, iŋúɛ yɛɛ́pí káánɔ́ ɛ́ɛ́: ánutámb mɛtiɛ́púlɛ́ eŋis; múkunyá áámaná akálakatan, múkanyi mukúnínán, muɛsíkɛ́nɛ́n no niok! 36Mɔɔnd wookoné kanyɛɛ́ apákuna pinamá píɛ́yɛ́ woond uline múkunyá ó pusíó pú kusɔ́t kú teeníík, ɛ́ɛ́ ewú unyimanɛ́ ne ewú wookoné yayapa ɔlɔŋ. 37Á kiákí ɛ́ɛ́ insap eye yɔɔyɔnɛ́ ɛ́ɛ́: “Ewe nyima, olotí óoko” nyɛ kémuémue. 38Insianútɔ́m ɛ́ɛ́ núókó é kisíén núɛ́nyɛ́ɛ́lɛ́ nutikɔtɛ́t á kɛ́ɛ; pɔsɔ́k pólotí pɔ́ɔ́nyikɔtɔ́ á kɛ́ɛ, panɔ́ numáasínyɛ́ɛ́n kɔ́ɔ́p ɔ́ mukɔt.»
39Pásamalí kutek pá pálɛ́k ukáánɛ́ póond ó kupíóndonyi ɔ́tɛ́m ne Yésus ó pusíó pú nukál nú akáandɔ́ umeététúnyí ɛ́ɛ́: «Umíndían puandá kitikit yɛ́ɛ́nyɛ́ɛ́lɛ́ káámɛ ɔ́ kusɔ́t.» 40Púúpɔ́ Pásamalí moópísókólítí Yésuse, aká pɛ́mɛɛ́lɛ́ páasiámán kɛ́ɛ́yɛ́ á masia, ɛ́ɛ́ úlɔp nɔɔpɔ́. Wɔɔlɔp kɔ́ɔk metúk máandɛ́. 41Epé pómoópíóndónyí ɔ́tɛ́m ne Yésus ó pusíó pú mekélíe mɛ́ɛ́yɛ́ mapá andíkɛ́k kutek kutápɔk epé pɔ́mɔɔ́p nukál nú akáandɔ́; 42pɔ́ɔ́yɔn akáandɔ́ ɛ́ɛ́: «Nínúan, tutikápá tuand opíóndonyi ɔtɛ́m é mekélíe mááwɔ mɔ́ɔ nɔ mɔ́ɔ; maná á kiákí ɛ́ɛ́ pasɔ́ muɛ́t tumɔ́pítɔ́líkɛ́n wɔ́, tuémenyen ɛ́ɛ́ kémuémue wɔ́ unyɛɛ́ Osótí pɛɛnd pé kúúsí kitikit.»
Yésus mééŋúkí kinɔ́k síí wɛɛyɛ́ maápá kiandá kí mɔɔnd
(Mat 8.5-13; Lúk 7.1-10)
43É kélém kú metúk mándɛ́ umɔɔ́lɔpɔ́ na Pásamalí, Yésuse waatɔk kɔ́ɔk, waayɔɔk Kalilée. 44wɔ́ muɛ́t umɛɛ́lɛ́ ɛ́ɛ́: «Patipá péékenyi eŋémímekélíe má Támbák nukany kɛ́ɛ́yɛ́ ɔ́ kitɔŋ kíí muɛ́t.» 45Maná, umɛɛlɛ́ waámán Kalilée, pɛɛnd pé kiénsi kí kúúsí kikáánɛ́ póókóli wɔ́ peseé, á kiákí ɛ́ɛ́ pámapá Yelúsalɛm kɔ́kɔ́ɔ́p ɔ́ putɔ́mbí pú Pásíka u Pɛyúútɛn, póond pɛ́ɛkɛɛ́n puandá kitikit Yésus mɛɛ́lɛ́ ɔ́ putɔ́mbí pukáánɛ́.
46Yésuse waand kuól Kána, pálɛ́k u kiénsi kí kúúsí kí Kalilée, kɔɔ́mɔ umeéyí moomb makɛ́p. Kimfuŋáfuŋa kí mɔɔnd mapá kɔ́ɔk, eŋelípuólí u efuŋ, kinɔ́k kíɛ́yɛ́ núma á pálɛ́k kisiɛ́n ɛ́ɛ́ Kapɛlɛnawúum. 47Umɛɛlɛ́ úmɔ́ɔp pɔ́ɔ́yɔ ɛ́ɛ́ Yésus óólín Yuté unyɛ Kalilée, waayɔɔk ɛ́ kuɛ́n wɔ́; waámána, woopísókoliti Yésuse ɛ́ɛ́ úyɔɔk Kapɛlɛnawúum wééŋúkí kinɔ́k kíɛ́yɛ́ kímaánúma mekúye ne niku. 48Yésuse kɛ́ɛ́yɛ́ ɛ́ɛ́: «Nusíɛ́kɛ́l nutiɛ́n pisey ne pisíme nutisíápiá pipíóndínyí ɔ́tɛ́m naamɛ!» 49Kiandá kí mɔɔnd kikáánɛ́ kíóndinyi wɔ́ ɛ́ɛ́: «Ɔkɔ́n, síkoli asíám á nuyá muɔ́nɔ́ áámɛ ɛ́ɛl umanyi utikú!» 50Yésus ɛ́ɛ́pí kɛ́ɛ́yɛ́ ɛ́ɛ́: «Ondó á nuyá, muɔ́nɔ ááwɔ mééŋúk.» Mɔɔnd ukáánɛ́ waátap nukál enú Yésus mɔɔ́yítɛ́n wɔ́; wɔɔkɔ́l iŋilí, woond kuɛyɛ́. 51Umɛɛlɛ́ umanyi kí iŋilí weelumen ne peelímoólí pɛ́ɛ́yɛ́. pákanyi kɛ́ɛ́yɛ́ ɛ́ɛ́: «Muɔ́nɔ́ ááwɔ mééŋúk!» 52Woówun pɔ́ kikulɛ́ kinɔ́k kíɛ́yɛ́ meéŋúk á kɛ́ɛ, póondinyi wɔ́ ɛ́ɛ́: «Púúyó, á kikulɛ́ kímoómí kí kélém kú ɔtɛ́m ú puɔ́s, kááká ɔsɔ́l ányáátɔ́k kɛ́ɛ́yɛ́ ɔ́ nuɔ́l.» 53Síí muúŋayɔ́ wɛɛ́n ɛ́ɛ́ yá á kiátakáánɛ́ kikulɛ́ Yésus mɛɛ́l kɛ́ɛ́yɛ́ ɛ́ɛ́: «Kinɔ́k kíáwɔ mééŋúk.» Kutúm puɔ́s pukáánɛ́ wɔ́ ne nikúli níɛ́yɛ́ kitikit moónd ó kupíóndonyi ɔtɛ́m ne Yésus. 54Índí, kisey kíkáandíɛ kí Yésus kikáánɛ́ umɛɛ́lɛ́ Kalilée, kúɛ́yɛ́ kuólín Yuté.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL