Isáaŋ 6
6
Yésus móoyi kiandá kí kiɔp
(Mat 14.13-21; Mál 6.30-44; Lúk 9.10-17)
1É kélém akáánɛ́, Yésuse waatápɔk nakúnɛ u asaá ú Kalilée pápílanɛ́ andíkɛ́k ɛ́ɛ́ asaá ú Tipeliyáat. 2Pɛɛnd puólíkóoli ɔ́ɔ́ŋɔn kɛ́ɛ́yɛ́, é melinsí mé pisey aná weéŋukesíe. 3Yésuse waamákat kí imbɔ́l imotí no popíónyí pɛ́ɛ́yɛ́. 4Kɔ́ɔk ɛ́ɛ́ Pásíka, putɔ́mbí pú Pɛyúútɛn kanyi mekúye. 5Úpípúluminɛ, Yésuse wɛɛ́n kiandá kí embúl ú pɛɛnd óólonin wɔ́. Wɔ́ é Fílip ɛ́ɛ́: «Naánɛ́ tunyɛɛ́ pɔ́kuɔ́nd pilɛ́ɛt pí kuoyi pɛɛnd epe?» 6Ukála anakáánɛ́ ɔ́ kusɔkɛt Fílipe. Maná Yésus meményén puandá ukaáná kuɛl. 7Fílipe kɛ́ɛ́yɛ́ ɛ́ɛ́: «Pilɛ́ɛt pí pikɔ́ŋ pínɛk pínyɛɛ́ kuɛsikɛn ɛ́ɛ́ siki mɔɔndɛ úpia yeénseénsí.» #6.7 Tenié mapá á kisikɛl kí Yésus pinamá pí eŋelípuólí pí puɔ́s púmoómí.Tɛ ɔkɔ́lɔkukɔ́l pinamá pí siólí ítíndatɔ́ neémue sí puólí ɔ́ kuɔ́ndɛn pɔ́ pilɛ́ɛt, pítíɛ́kɛɛsíkɛ́n ɛ́ɛ́ siki mɔɔndɛ úpia yeénseénsí. 8Endelée, opíónyí wɛɛyɛ́ omotí, andimán Símun Píɛl, kanyi kɛ́ɛ́yɛ́ ɛ́ɛ́: 9«Muúŋayɔ́ nyɛ akɛ nɛ pilɛ́ɛt pítáan nɔ muɔpɔ́ múandɛ́. Maná kiákí pínyɛɛ́ kuɛl á kiandá kí embúl asi ewe?» 10Yésus kanyi ɛ́ɛ́: «Ónunyómbítí pɔ́.» Pikuti mapá táásɛ ɔ́ kɔɔ́mɔ kakáánɛ́. Pɔ́ɔnyɔ́mbɛt; pámapá puandá aan tukɔ́n tútáan. 11Yésuse wɔɔkɔ́l pilɛ́ɛt, weelémbi Támbákɛ́ɛ maná woond á kuapan pɔ́. Wɛɛl pilɔŋ pímoómí nɔ muɔpɔ́, weekeekenyi pɔ́ kitáám kitikit ɔtɛ́m mɔɔ́lɔ́ŋɔ. 12Aká pómoóy, Yésus kanyi ó popíónyí ɛ́ɛ́: «Ánukúsá piénsi píményisíén ɛ́ɛ́ puandá tinyím.» 13Páákúsikan piénsi pí meésíén, póowónyi musááŋ muát na múandɛ́ ɛ́ pilɛ́ɛt pí pítáanuɛ pámaápan pɛɛnd. 14Aná pɛɛnd mɛɛ́n kisey Yésus mɛɛ́lɛ́, póond ɔ́ kuɔyɔ ɛ́ɛ́: «Kémuémue sɔ́k ewe nyɛ Eŋémímekélíé má Támbák wɛɛsikɛnɛnɛ́ kuól e kúúsí!» 15Aná Yésus meémenyen ɛ́ɛ́ pɔ́ɔ́kɔsikɔ́lɔ́n wɔ́ ɛ́ kutɛ́k wɔ́ efuŋ, waand kuond kɔ́ ɔkɛ́l wééŋényí.
Yésus ɛ́ɛ́kɛndɛ ó moomb mɛnɛ́mɛnɛ́ɛ
(Mat 14.22-27; Mál 6.45-52)
16Kuɔ́m sɛ́ndɛn, popíónyí pé Yésus péetúnuk kuám ká asaá. 17Páámákat ó kitóóŋ, póondin kiáyí kí Kapɛlɛnawúum, asaá nakúnɛ. Imbíne mapá imámaná akua, Yésus manyi utiipɛ́ kuɔwɔɔ́kɛ́n pɔ́. 18Kiandá kí emfún kíond é kufúke kínyɛ́lunɛ moomb má asaá. 19Popíónyí mɛɛlɛ́ pákanyi papínyáŋítán puandá asi pokílomítɛ pátíndatɔ́, pɛ́ɛ́n Yésuse wɛɛndɛ ó moomb, upísíítenin kitóóŋ. Puwaá puɛ́tikɛn pɔ́. 20Yésuse kɔ́ɔ́p ɛ́ɛ́: «Nutitíín, niŋúɛ wɔ́.» 21Popíónyí pɛ́ɛkɛl pɔ́ɔkɔ́l wɔ́ ó kitóóŋ, nɔ niɔ́kɔ́tɔ́n páanyaám kɔɔ́mɔ pámaáyuukan.
Yésuse, púkunyá púekenyé kusɔ́t
22Kuépéli, pɛɛnd pé embúl úmeésíén taapukɛ u asaá, páapítáákɛt ɛ́ɛ́ kitóóŋ táŋ kímoómí kímaápá akáánɛ́, kí kiɛ́tɛ popíónyí maáyɔ́ɔ́k na kíi pɔ́ɔ nɔ pɔ́ɔ; Yésus timamákat á kɛ́ɛ. 23Maná, pitóóŋ pílotí píónyoólín Tipeliyáat píesisukú masíá nɔ kɔɔ́mɔ pámaányáán pilɛ́ɛt Ɔkɔ́n meékí pɔ́ kɔ́ɔk umélémbí Támbákɛ́ɛ. 24Pɛɛnd mɛɛlɛ́ nɛ kuɛ́n ɛ́ɛ́ tɛ Yésuse tɛ popíónyí pɛ́ɛ́yɛ́ tipá kɔ́ɔk, páamákat ó pitóóŋ pikáánɛ́, páayɔɔk Kapɛlɛnawúum ó kuól kuambá Yésuse. 25Pɛ́ɛ́nɛn wɔ́ taapukɛ u asaá, pɔ́ kɛ́ɛ́yɛ́ ɛ́ɛ́: «Oŋónyóonyi, níík asiákasiám akɛ?» 26Yésuse kɔ́ɔ́p ɛ́ɛ́: «Kémuémue kémuémue yɔɔ́núɔ́yɔn ɛ́ɛ́: pútipá ó pusíó pú pisey núɛ́nyíɛ́n nuŋambanɛ́ɛ, púnyɛ ó pusíó pú pilɛ́ɛt nuányínyáá nuokooy tikɔ. 27Nutikɔtɔ́ ó kupíóyosi na múkunyá múkɔɔ́nyípílɔk nakinyám. Maná ɔ́nukɔtɔ́ ó pusíó pú múkunyá mútiányípá múpílɔkɔ múekenyé kusɔ́t kú teeníík; múu Muɔ́nɔ́ u mɔɔnd kaányínufá; á kiákí ɛ́ɛ́ wɔ́, Muɔ́nɔ́ u mɔɔnd, Taatɛ́ɛ unyɛɛ́ Támbákɛ́ɛ, maáyɔ́ɔ́n.» 28Pɔ́ kɛ́ɛ́yɛ́ ɛ́ɛ́: «kiákí tuɛsikɛnɛnɛ́ɛ kuɛl, ɛ́ɛ́ túɛlɛ maandá Támbák ɔ́ɔ́yɔɔnɛ́ɛ?» 29Yésuse woondinyi pɔ́ ɛ́ɛ́: «Epú Támbák ɔ́ɔ́yɔɔnɛ́ɛ nyɛ ɛ́ɛ́ núpíóndonyi ɔtɛ́m ne ewú umaátɔ́m.» 30Pɔ́ kɛ́ɛ́yɛ́ ɛ́ɛ́: «Kasí kiseye akaná etútíínyeé ɛ́ɛ́ túɛ́n túond túátap epú ɔtúɔ́yɔnɛ́ɛ? Kayí puandɛ́ɛ ɛlɛnɛ́ɛ? 31Pataatɛ́ɛ manyáán máan e kúúsí kú kiándɔ́l, aná Imfíɔ́ŋ ɔ́ɔ́yɔɔnɛ́ɛ: “Watáaŋ pɔ́ púkunyá, kilɛ́ɛt kíólinóné mɛnɛ́mɛnɛ́ɛ.”» 32Yésuse kɔ́ɔ́p ɛ́ɛ́: «Yɔɔ́núɔ́yɔn kémuémue: utipá Moyíise umaánúfáán púkunyá púmoólín mɛnɛ́mɛnɛ́ɛ, maná Taatɛ́ɛ unúfáánɛ́ kilɛ́ɛt kí kémuémue kínyɛ́ mɛnɛ́mɛnɛ́ɛ. 33Á kiákí ɛ́ɛ́ púkunyá pú Támbák nyɛ epú púólinoné mɛnɛ́mɛnɛ́ɛ púond púékenyi pɛɛnd kusɔ́t.»
34Pɔ́ kɔk kɛ́ɛ́yɛ́ ɛ́ɛ́: «Ɔkɔ́n, túfáan púkunyá pukáánɛ́ mɔɔ́sí meem.» 35Yésuse kɔ́ɔ́p ɛ́ɛ́: «Niŋúɛ inyɛɛ́ kilɛ́ɛt kí kusɔ́t; ewú úmónyoól kuamɛ tiányipaŋɛ́t insaná; ewú upíóndonyé ɔtɛ́m naamɛ tiányinúmát niíta tɛ puɔ́s. 36Imɔ́núɔ́yítɛ́n nɔ́, nuŋɛ́nɛn, tɛ nɔ́ nutipá nuátapan. 37Pɛɛnd peem epé Taatá ímfáanɛ́ɛ, koól kuamɛ, indiákúŋɛ́t ewú woóloné kuamɛ. 38Á kiákí ɛ́ɛ́ imanyaátɔ́k mɛnɛ́mɛnɛ́ɛ ɛ́ kuɛsiɛlɛ́ kuɔyɛt kú sɔ́k umiíndɔ́m, kati kúámɛ. 39Kuɔyɛt kú ewú umiíndúm nyɛ́ ɛ́ɛ́ indinyímí tɛ omoómí é péépé úmányimfá, yéenyi pɔ́ puɔ́s púkusúkin. 40Ɛ́ɛ́ɛ, kuɔyɛt kú Taatá kúnyɛ ɛ́ɛ́: ewú ne ewú úmɛ́nyɛɛ́n Muɔ́nɔ́ woond upíóndi ɔtɛ́m nɛɛyɛ́ pia kusɔ́t kú teeníík, niŋúɛ yeényéenyi wɔ́ á pilɔ́ŋ puɔ́s púkusúkin.» 41Kákáánɛ́ Pɛyúútɛn meétúm epííŋunye kɛ́ɛ́yɛ́ ó pusíó á kiákí ɛ́ɛ́ umɔɔyɛ́t ɛ́ɛ́: «Inyɛ kilɛ́ɛt kíselinené mɛnɛ́mɛnɛ́ɛ.» 42Páand ɔsɔɔsitɛn ɛ́ɛ́: «Utipá Yésuse muɔ́nɔ́ u Yúsɛp á? Tuéleeme síí no yóótí á? Tiɛkíɛ́ utusánanɛ́ itú nínúan ɛ́ɛ́: “Yoókoólinon mɛnɛ́mɛnɛ́ɛ”?» 43Yésuse waand etúm kukála, wɔ kɔ́ɔ́p ɛ́ɛ́: «Ánuyapá kupííŋunye panúɛ na panúɛ! 44Mɔɔnd na mɔɔnd tipá ukuól kuamɛ kati ɛ́ɛ́ Taatɛ́ɛ umiíndɔ́m mɔ́píkɔ́ɔ́kítɛ́n wɔ́, niŋúɛ yoónyóond yeenyi wɔ́ á pilɔ́ŋ puɔ́s púkusúkin. 45Imfiɔ́ŋ sí peémímekélíé má Támbák ɔ́ɔ́kɔɔyɔ ɛ́ɛ́: Támbák óónyóónyonyi pɔ́ peem. Ewú kitikit úmɔ́nyipitɔ́líkɛ́n epú púólinonée ku Taatá woond waátap iŋónyítónyí yɛɛyɛ́ óókoólon kuamɛ. 46Mɔɔnd mapása utiɛ́n Taatɛ́ɛ, ɛsiɛ́ ewú woólinoné ku Támbák; wɔ́, umɛɛ́n Taatɛ́ɛ. 47Kémuémue, kémuémue, yɛɛ́pí káánɔ́ ɛ́ɛ́ ewú waátapanɛ́ nyɛ nɔ kusɔ́t kú teeníík. 48Inyɛ kilɛ́ɛt kí kusɔ́t. 49É kúúsí kú kiándɔ́l, pesí páánɔ́ manyáan máan, tɛ nɔ́ páaman ekúen. 50Maná kilɛ́ɛt kíólinoné mɛnɛ́mɛnɛ́ɛ nyɛ kúɛ́yɛ́ kupá ɛ́ɛ́ ewú úmányinyáá kíi tiényikú.» 51«Niŋúɛ inyɛɛ́ kilɛ́ɛt kíekenyé kusɔ́t, kímoólín mɛnɛ́mɛnɛ́ɛ. Ewú waánínyáanɛ́ kilɛ́ɛt kikáánɛ́ ɔ́ɔ́nyísɔ́tɔn é teeníík ne níík. Kilɛ́ɛt yeényéékenyé nyɛ nuɔ́l núámɛ, ɛ́ɛ́ núékényí pɛɛnd kusɔ́t.» 52Pɛyúútɛn póond é kupekenyipekenyi na pukaaka pɔ́ɔ nɔ pɔ́ɔ pɔ́ɔyɔ ɛ́ɛ́: «Tiɛkíɛ́ mɔɔnd ewe nyiɛ́ kutúfá nuɔ́l núɛ́yɛ́ ɛ́ɛ́ túnyáan?» 53Yésuse kɔ́ɔ́p ɛ́ɛ́: «Kémuémue, kémuémue, yɔɔ́núɔ́yɔn ɛ́ɛ́, índɛ nusiɛl nutinyáá nuɔ́l nú Muɔ́nɔ́ u mɔɔnd nutipúwá manɔ́ŋ mɛ́ɛ́yɛ́, kusɔ́t tipá káánɔ́. 54Ewú unyáanɛ́ nuɔ́l núámɛ woond upúwá manɔ́ŋ máámɛ nyɛ nɔ kusɔ́t kú teeníík, yeényéényi wɔ́ á pilɔ́ŋ puɔ́s púkusúkin. 55Á kiákí ɛ́ɛ́ nuɔ́l núámɛ nyɛ kitákakátak kí púkunya, manɔ́ŋ máámɛ nyɛ kisúmbɔ niíta. 56Ewú unyáánɛ́ɛ nuɔ́l núámɛ woond upúwá manɔ́ŋ máámɛ ákimbílata, yoond imbílat wɔ́. 57Aná Taatɛ́ɛ unyɛɛ́ ɔkɔ́si miíndɔ́m, yoond insɔ́tɔnɛn á Taatá, yá aná sɔ́k wunyáánɛ́ɛ ɔ́ɔ́nyísɔ́tinɛ́ɛ káámɛ. 58Índɛ́ kilɛ́ɛt kíólinoné mɛnɛ́mɛnɛ́ɛ ekie. Kítipá ɛlɛɛ́ ekí pesíí páánɔ́ maányáan; tɛ nɔ́, pɔ́ péeku. Maná, ewú unyáanɛ́ kilɛ́ɛt ekie ɔ́ɔ́nyísɔ́tɔn é teeníík ne níík.» 59Mekélíe mé Yésus eme aká umoónyónyí Kapɛlɛnawúum, á kiansi kí imbísókólí kí Pɛyúútɛn.
Kiansɛ́ kí kuátapan
60Popíónyí pé Yésus mɛɛlɛ́ pɔ́ɔ́pɔn nɔ, puólíkóoli kanyi ɛ́ɛ́: «Mekélíe eme nyɛ imfɛ́l, ɛnyɛ́ unyɛɛ́ kuɔ́t kupítɔ́likɛn mɔ?» 61Aná Yésus meémenyí ɛ́ɛ́ popíónyí pɛ́ɛ́yɛ́ épííŋunye kɛ́ɛ́yɛ́ é mekélié, wɔ́ kɔ́ɔ́p ɛ́ɛ́: «Púénúséésenyi á? 62Tiɛkíɛ́ púsíápáanɛ́ɛ nusɔ́tɔ nuɛ́n Muɔ́nɔ́ u mɔɔnd umákatan kɔɔ́mɔ umoólín? 63Emfúnukufúúmɛ wéekenyé kusɔ́t. Nuɔ́l nyɛ náánáanɛ. Mekélíe ímányinukálan óókoólinon ké Emfúnukufúúmɛ, mɔ́ méekenyé kusɔ́t. 64Pómotí nyɛ káánɔ́ kɔ́ ɔlɔŋ pátiányípá páátapan.» Púnyɛ ɛ́ɛ́, é kutúm ne kutúm, Yésus memenyén pɔsɔ́k pɛ́mɛɛ́lɛ́ pátiátápán nɔ sɔ́k umɛɛ́síkɛ́nɛ́n kusɛm wɔ́. 65Wɔɔ́yikɛn ɛ́ɛ́: «púúpɔ́ imɛɛ́lɛ́ káánɔ́ ɛ́ɛ́: “Mɔɔnd na mɔɔnd tipá ukuól kuamɛ kati ɛ́ɛ́ Taatá méekí wɔ́ niólín.”» 66Kákáánɛ́ popíónyí pɛ́ɛ́yɛ́ puólíkóoli moóndón ni inúú tɛ kuand asuŋɔn nɛɛyɛ́. 67Yésuse woówun Pápáát na páandɛ́ ɛ́ɛ́: «Panúɛ nutipá nuyuukan kákáánɔ́ á?» 68Símun Píɛ́lɛ kɛ́ɛ́yɛ́ ɛ́ɛ́: «Ɔkɔ́n, túákɔɔ́n ɛ́nyɛ é? Aŋúɛ ɛnyɛɛ́ ne mekélíe mɔ́ kusɔ́t kú teeníík. 69Pasɔ́ tuákaátapan tuond tumenyen ɛ́ɛ́ aŋúɛ ɛnyɛɛ́ Kilíise, ewú Támbák maáyɔ́ɔ́n.» 70Yésuse woondinyi pɔ́ ɛ́ɛ́: «Tíkɛ niŋúɛ imɔɔ́nutɔ́pɔ́n, panúɛ Pápáát na páandɛ́ á? Káánɔ́ kɔ́ ɔlɔŋ kɔk omoómí nyɛ okóyikoyi!» 71Umɛtɛɛ́tɛ́n Yútasɛ, muɔ́nɔ́ u Símun Isikaliyót, á kiákí ɛ́ɛ́ wɔ́ ukɛɛ́nyísɛm Yésuse, wɔ́, yútasɛ, kɔ́ ɔlɔŋ ú Pápáát na páandɛ́.
ទើបបានជ្រើសរើសហើយ៖
Isáaŋ 6: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
Isáaŋ 6
6
Yésus móoyi kiandá kí kiɔp
(Mat 14.13-21; Mál 6.30-44; Lúk 9.10-17)
1É kélém akáánɛ́, Yésuse waatápɔk nakúnɛ u asaá ú Kalilée pápílanɛ́ andíkɛ́k ɛ́ɛ́ asaá ú Tipeliyáat. 2Pɛɛnd puólíkóoli ɔ́ɔ́ŋɔn kɛ́ɛ́yɛ́, é melinsí mé pisey aná weéŋukesíe. 3Yésuse waamákat kí imbɔ́l imotí no popíónyí pɛ́ɛ́yɛ́. 4Kɔ́ɔk ɛ́ɛ́ Pásíka, putɔ́mbí pú Pɛyúútɛn kanyi mekúye. 5Úpípúluminɛ, Yésuse wɛɛ́n kiandá kí embúl ú pɛɛnd óólonin wɔ́. Wɔ́ é Fílip ɛ́ɛ́: «Naánɛ́ tunyɛɛ́ pɔ́kuɔ́nd pilɛ́ɛt pí kuoyi pɛɛnd epe?» 6Ukála anakáánɛ́ ɔ́ kusɔkɛt Fílipe. Maná Yésus meményén puandá ukaáná kuɛl. 7Fílipe kɛ́ɛ́yɛ́ ɛ́ɛ́: «Pilɛ́ɛt pí pikɔ́ŋ pínɛk pínyɛɛ́ kuɛsikɛn ɛ́ɛ́ siki mɔɔndɛ úpia yeénseénsí.» #6.7 Tenié mapá á kisikɛl kí Yésus pinamá pí eŋelípuólí pí puɔ́s púmoómí.Tɛ ɔkɔ́lɔkukɔ́l pinamá pí siólí ítíndatɔ́ neémue sí puólí ɔ́ kuɔ́ndɛn pɔ́ pilɛ́ɛt, pítíɛ́kɛɛsíkɛ́n ɛ́ɛ́ siki mɔɔndɛ úpia yeénseénsí. 8Endelée, opíónyí wɛɛyɛ́ omotí, andimán Símun Píɛl, kanyi kɛ́ɛ́yɛ́ ɛ́ɛ́: 9«Muúŋayɔ́ nyɛ akɛ nɛ pilɛ́ɛt pítáan nɔ muɔpɔ́ múandɛ́. Maná kiákí pínyɛɛ́ kuɛl á kiandá kí embúl asi ewe?» 10Yésus kanyi ɛ́ɛ́: «Ónunyómbítí pɔ́.» Pikuti mapá táásɛ ɔ́ kɔɔ́mɔ kakáánɛ́. Pɔ́ɔnyɔ́mbɛt; pámapá puandá aan tukɔ́n tútáan. 11Yésuse wɔɔkɔ́l pilɛ́ɛt, weelémbi Támbákɛ́ɛ maná woond á kuapan pɔ́. Wɛɛl pilɔŋ pímoómí nɔ muɔpɔ́, weekeekenyi pɔ́ kitáám kitikit ɔtɛ́m mɔɔ́lɔ́ŋɔ. 12Aká pómoóy, Yésus kanyi ó popíónyí ɛ́ɛ́: «Ánukúsá piénsi píményisíén ɛ́ɛ́ puandá tinyím.» 13Páákúsikan piénsi pí meésíén, póowónyi musááŋ muát na múandɛ́ ɛ́ pilɛ́ɛt pí pítáanuɛ pámaápan pɛɛnd. 14Aná pɛɛnd mɛɛ́n kisey Yésus mɛɛ́lɛ́, póond ɔ́ kuɔyɔ ɛ́ɛ́: «Kémuémue sɔ́k ewe nyɛ Eŋémímekélíé má Támbák wɛɛsikɛnɛnɛ́ kuól e kúúsí!» 15Aná Yésus meémenyen ɛ́ɛ́ pɔ́ɔ́kɔsikɔ́lɔ́n wɔ́ ɛ́ kutɛ́k wɔ́ efuŋ, waand kuond kɔ́ ɔkɛ́l wééŋényí.
Yésus ɛ́ɛ́kɛndɛ ó moomb mɛnɛ́mɛnɛ́ɛ
(Mat 14.22-27; Mál 6.45-52)
16Kuɔ́m sɛ́ndɛn, popíónyí pé Yésus péetúnuk kuám ká asaá. 17Páámákat ó kitóóŋ, póondin kiáyí kí Kapɛlɛnawúum, asaá nakúnɛ. Imbíne mapá imámaná akua, Yésus manyi utiipɛ́ kuɔwɔɔ́kɛ́n pɔ́. 18Kiandá kí emfún kíond é kufúke kínyɛ́lunɛ moomb má asaá. 19Popíónyí mɛɛlɛ́ pákanyi papínyáŋítán puandá asi pokílomítɛ pátíndatɔ́, pɛ́ɛ́n Yésuse wɛɛndɛ ó moomb, upísíítenin kitóóŋ. Puwaá puɛ́tikɛn pɔ́. 20Yésuse kɔ́ɔ́p ɛ́ɛ́: «Nutitíín, niŋúɛ wɔ́.» 21Popíónyí pɛ́ɛkɛl pɔ́ɔkɔ́l wɔ́ ó kitóóŋ, nɔ niɔ́kɔ́tɔ́n páanyaám kɔɔ́mɔ pámaáyuukan.
Yésuse, púkunyá púekenyé kusɔ́t
22Kuépéli, pɛɛnd pé embúl úmeésíén taapukɛ u asaá, páapítáákɛt ɛ́ɛ́ kitóóŋ táŋ kímoómí kímaápá akáánɛ́, kí kiɛ́tɛ popíónyí maáyɔ́ɔ́k na kíi pɔ́ɔ nɔ pɔ́ɔ; Yésus timamákat á kɛ́ɛ. 23Maná, pitóóŋ pílotí píónyoólín Tipeliyáat píesisukú masíá nɔ kɔɔ́mɔ pámaányáán pilɛ́ɛt Ɔkɔ́n meékí pɔ́ kɔ́ɔk umélémbí Támbákɛ́ɛ. 24Pɛɛnd mɛɛlɛ́ nɛ kuɛ́n ɛ́ɛ́ tɛ Yésuse tɛ popíónyí pɛ́ɛ́yɛ́ tipá kɔ́ɔk, páamákat ó pitóóŋ pikáánɛ́, páayɔɔk Kapɛlɛnawúum ó kuól kuambá Yésuse. 25Pɛ́ɛ́nɛn wɔ́ taapukɛ u asaá, pɔ́ kɛ́ɛ́yɛ́ ɛ́ɛ́: «Oŋónyóonyi, níík asiákasiám akɛ?» 26Yésuse kɔ́ɔ́p ɛ́ɛ́: «Kémuémue kémuémue yɔɔ́núɔ́yɔn ɛ́ɛ́: pútipá ó pusíó pú pisey núɛ́nyíɛ́n nuŋambanɛ́ɛ, púnyɛ ó pusíó pú pilɛ́ɛt nuányínyáá nuokooy tikɔ. 27Nutikɔtɔ́ ó kupíóyosi na múkunyá múkɔɔ́nyípílɔk nakinyám. Maná ɔ́nukɔtɔ́ ó pusíó pú múkunyá mútiányípá múpílɔkɔ múekenyé kusɔ́t kú teeníík; múu Muɔ́nɔ́ u mɔɔnd kaányínufá; á kiákí ɛ́ɛ́ wɔ́, Muɔ́nɔ́ u mɔɔnd, Taatɛ́ɛ unyɛɛ́ Támbákɛ́ɛ, maáyɔ́ɔ́n.» 28Pɔ́ kɛ́ɛ́yɛ́ ɛ́ɛ́: «kiákí tuɛsikɛnɛnɛ́ɛ kuɛl, ɛ́ɛ́ túɛlɛ maandá Támbák ɔ́ɔ́yɔɔnɛ́ɛ?» 29Yésuse woondinyi pɔ́ ɛ́ɛ́: «Epú Támbák ɔ́ɔ́yɔɔnɛ́ɛ nyɛ ɛ́ɛ́ núpíóndonyi ɔtɛ́m ne ewú umaátɔ́m.» 30Pɔ́ kɛ́ɛ́yɛ́ ɛ́ɛ́: «Kasí kiseye akaná etútíínyeé ɛ́ɛ́ túɛ́n túond túátap epú ɔtúɔ́yɔnɛ́ɛ? Kayí puandɛ́ɛ ɛlɛnɛ́ɛ? 31Pataatɛ́ɛ manyáán máan e kúúsí kú kiándɔ́l, aná Imfíɔ́ŋ ɔ́ɔ́yɔɔnɛ́ɛ: “Watáaŋ pɔ́ púkunyá, kilɛ́ɛt kíólinóné mɛnɛ́mɛnɛ́ɛ.”» 32Yésuse kɔ́ɔ́p ɛ́ɛ́: «Yɔɔ́núɔ́yɔn kémuémue: utipá Moyíise umaánúfáán púkunyá púmoólín mɛnɛ́mɛnɛ́ɛ, maná Taatɛ́ɛ unúfáánɛ́ kilɛ́ɛt kí kémuémue kínyɛ́ mɛnɛ́mɛnɛ́ɛ. 33Á kiákí ɛ́ɛ́ púkunyá pú Támbák nyɛ epú púólinoné mɛnɛ́mɛnɛ́ɛ púond púékenyi pɛɛnd kusɔ́t.»
34Pɔ́ kɔk kɛ́ɛ́yɛ́ ɛ́ɛ́: «Ɔkɔ́n, túfáan púkunyá pukáánɛ́ mɔɔ́sí meem.» 35Yésuse kɔ́ɔ́p ɛ́ɛ́: «Niŋúɛ inyɛɛ́ kilɛ́ɛt kí kusɔ́t; ewú úmónyoól kuamɛ tiányipaŋɛ́t insaná; ewú upíóndonyé ɔtɛ́m naamɛ tiányinúmát niíta tɛ puɔ́s. 36Imɔ́núɔ́yítɛ́n nɔ́, nuŋɛ́nɛn, tɛ nɔ́ nutipá nuátapan. 37Pɛɛnd peem epé Taatá ímfáanɛ́ɛ, koól kuamɛ, indiákúŋɛ́t ewú woóloné kuamɛ. 38Á kiákí ɛ́ɛ́ imanyaátɔ́k mɛnɛ́mɛnɛ́ɛ ɛ́ kuɛsiɛlɛ́ kuɔyɛt kú sɔ́k umiíndɔ́m, kati kúámɛ. 39Kuɔyɛt kú ewú umiíndúm nyɛ́ ɛ́ɛ́ indinyímí tɛ omoómí é péépé úmányimfá, yéenyi pɔ́ puɔ́s púkusúkin. 40Ɛ́ɛ́ɛ, kuɔyɛt kú Taatá kúnyɛ ɛ́ɛ́: ewú ne ewú úmɛ́nyɛɛ́n Muɔ́nɔ́ woond upíóndi ɔtɛ́m nɛɛyɛ́ pia kusɔ́t kú teeníík, niŋúɛ yeényéenyi wɔ́ á pilɔ́ŋ puɔ́s púkusúkin.» 41Kákáánɛ́ Pɛyúútɛn meétúm epííŋunye kɛ́ɛ́yɛ́ ó pusíó á kiákí ɛ́ɛ́ umɔɔyɛ́t ɛ́ɛ́: «Inyɛ kilɛ́ɛt kíselinené mɛnɛ́mɛnɛ́ɛ.» 42Páand ɔsɔɔsitɛn ɛ́ɛ́: «Utipá Yésuse muɔ́nɔ́ u Yúsɛp á? Tuéleeme síí no yóótí á? Tiɛkíɛ́ utusánanɛ́ itú nínúan ɛ́ɛ́: “Yoókoólinon mɛnɛ́mɛnɛ́ɛ”?» 43Yésuse waand etúm kukála, wɔ kɔ́ɔ́p ɛ́ɛ́: «Ánuyapá kupííŋunye panúɛ na panúɛ! 44Mɔɔnd na mɔɔnd tipá ukuól kuamɛ kati ɛ́ɛ́ Taatɛ́ɛ umiíndɔ́m mɔ́píkɔ́ɔ́kítɛ́n wɔ́, niŋúɛ yoónyóond yeenyi wɔ́ á pilɔ́ŋ puɔ́s púkusúkin. 45Imfiɔ́ŋ sí peémímekélíé má Támbák ɔ́ɔ́kɔɔyɔ ɛ́ɛ́: Támbák óónyóónyonyi pɔ́ peem. Ewú kitikit úmɔ́nyipitɔ́líkɛ́n epú púólinonée ku Taatá woond waátap iŋónyítónyí yɛɛyɛ́ óókoólon kuamɛ. 46Mɔɔnd mapása utiɛ́n Taatɛ́ɛ, ɛsiɛ́ ewú woólinoné ku Támbák; wɔ́, umɛɛ́n Taatɛ́ɛ. 47Kémuémue, kémuémue, yɛɛ́pí káánɔ́ ɛ́ɛ́ ewú waátapanɛ́ nyɛ nɔ kusɔ́t kú teeníík. 48Inyɛ kilɛ́ɛt kí kusɔ́t. 49É kúúsí kú kiándɔ́l, pesí páánɔ́ manyáan máan, tɛ nɔ́ páaman ekúen. 50Maná kilɛ́ɛt kíólinoné mɛnɛ́mɛnɛ́ɛ nyɛ kúɛ́yɛ́ kupá ɛ́ɛ́ ewú úmányinyáá kíi tiényikú.» 51«Niŋúɛ inyɛɛ́ kilɛ́ɛt kíekenyé kusɔ́t, kímoólín mɛnɛ́mɛnɛ́ɛ. Ewú waánínyáanɛ́ kilɛ́ɛt kikáánɛ́ ɔ́ɔ́nyísɔ́tɔn é teeníík ne níík. Kilɛ́ɛt yeényéékenyé nyɛ nuɔ́l núámɛ, ɛ́ɛ́ núékényí pɛɛnd kusɔ́t.» 52Pɛyúútɛn póond é kupekenyipekenyi na pukaaka pɔ́ɔ nɔ pɔ́ɔ pɔ́ɔyɔ ɛ́ɛ́: «Tiɛkíɛ́ mɔɔnd ewe nyiɛ́ kutúfá nuɔ́l núɛ́yɛ́ ɛ́ɛ́ túnyáan?» 53Yésuse kɔ́ɔ́p ɛ́ɛ́: «Kémuémue, kémuémue, yɔɔ́núɔ́yɔn ɛ́ɛ́, índɛ nusiɛl nutinyáá nuɔ́l nú Muɔ́nɔ́ u mɔɔnd nutipúwá manɔ́ŋ mɛ́ɛ́yɛ́, kusɔ́t tipá káánɔ́. 54Ewú unyáanɛ́ nuɔ́l núámɛ woond upúwá manɔ́ŋ máámɛ nyɛ nɔ kusɔ́t kú teeníík, yeényéényi wɔ́ á pilɔ́ŋ puɔ́s púkusúkin. 55Á kiákí ɛ́ɛ́ nuɔ́l núámɛ nyɛ kitákakátak kí púkunya, manɔ́ŋ máámɛ nyɛ kisúmbɔ niíta. 56Ewú unyáánɛ́ɛ nuɔ́l núámɛ woond upúwá manɔ́ŋ máámɛ ákimbílata, yoond imbílat wɔ́. 57Aná Taatɛ́ɛ unyɛɛ́ ɔkɔ́si miíndɔ́m, yoond insɔ́tɔnɛn á Taatá, yá aná sɔ́k wunyáánɛ́ɛ ɔ́ɔ́nyísɔ́tinɛ́ɛ káámɛ. 58Índɛ́ kilɛ́ɛt kíólinoné mɛnɛ́mɛnɛ́ɛ ekie. Kítipá ɛlɛɛ́ ekí pesíí páánɔ́ maányáan; tɛ nɔ́, pɔ́ péeku. Maná, ewú unyáanɛ́ kilɛ́ɛt ekie ɔ́ɔ́nyísɔ́tɔn é teeníík ne níík.» 59Mekélíe mé Yésus eme aká umoónyónyí Kapɛlɛnawúum, á kiansi kí imbísókólí kí Pɛyúútɛn.
Kiansɛ́ kí kuátapan
60Popíónyí pé Yésus mɛɛlɛ́ pɔ́ɔ́pɔn nɔ, puólíkóoli kanyi ɛ́ɛ́: «Mekélíe eme nyɛ imfɛ́l, ɛnyɛ́ unyɛɛ́ kuɔ́t kupítɔ́likɛn mɔ?» 61Aná Yésus meémenyí ɛ́ɛ́ popíónyí pɛ́ɛ́yɛ́ épííŋunye kɛ́ɛ́yɛ́ é mekélié, wɔ́ kɔ́ɔ́p ɛ́ɛ́: «Púénúséésenyi á? 62Tiɛkíɛ́ púsíápáanɛ́ɛ nusɔ́tɔ nuɛ́n Muɔ́nɔ́ u mɔɔnd umákatan kɔɔ́mɔ umoólín? 63Emfúnukufúúmɛ wéekenyé kusɔ́t. Nuɔ́l nyɛ náánáanɛ. Mekélíe ímányinukálan óókoólinon ké Emfúnukufúúmɛ, mɔ́ méekenyé kusɔ́t. 64Pómotí nyɛ káánɔ́ kɔ́ ɔlɔŋ pátiányípá páátapan.» Púnyɛ ɛ́ɛ́, é kutúm ne kutúm, Yésus memenyén pɔsɔ́k pɛ́mɛɛ́lɛ́ pátiátápán nɔ sɔ́k umɛɛ́síkɛ́nɛ́n kusɛm wɔ́. 65Wɔɔ́yikɛn ɛ́ɛ́: «púúpɔ́ imɛɛ́lɛ́ káánɔ́ ɛ́ɛ́: “Mɔɔnd na mɔɔnd tipá ukuól kuamɛ kati ɛ́ɛ́ Taatá méekí wɔ́ niólín.”» 66Kákáánɛ́ popíónyí pɛ́ɛ́yɛ́ puólíkóoli moóndón ni inúú tɛ kuand asuŋɔn nɛɛyɛ́. 67Yésuse woówun Pápáát na páandɛ́ ɛ́ɛ́: «Panúɛ nutipá nuyuukan kákáánɔ́ á?» 68Símun Píɛ́lɛ kɛ́ɛ́yɛ́ ɛ́ɛ́: «Ɔkɔ́n, túákɔɔ́n ɛ́nyɛ é? Aŋúɛ ɛnyɛɛ́ ne mekélíe mɔ́ kusɔ́t kú teeníík. 69Pasɔ́ tuákaátapan tuond tumenyen ɛ́ɛ́ aŋúɛ ɛnyɛɛ́ Kilíise, ewú Támbák maáyɔ́ɔ́n.» 70Yésuse woondinyi pɔ́ ɛ́ɛ́: «Tíkɛ niŋúɛ imɔɔ́nutɔ́pɔ́n, panúɛ Pápáát na páandɛ́ á? Káánɔ́ kɔ́ ɔlɔŋ kɔk omoómí nyɛ okóyikoyi!» 71Umɛtɛɛ́tɛ́n Yútasɛ, muɔ́nɔ́ u Símun Isikaliyót, á kiákí ɛ́ɛ́ wɔ́ ukɛɛ́nyísɛm Yésuse, wɔ́, yútasɛ, kɔ́ ɔlɔŋ ú Pápáát na páandɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL