Meelie mé Petúmí 18
18
Nitúmíní ní ɔlɔŋ ú peétépí pɔ́ Kɔlɛ́ŋte
1Watukana Atɛ́ɛn, Póole wayukɔ Kɔlɛ́ŋte. 2Welumene kɔ́ɔkɔ nɔ mɔnɔ́ Yúútɛn kisiɛ́nɛ́ ɛ́ɛ́ Akiláasɛ ɔ́ kitɔŋ pápílanɛ́ ɛ́ɛ́ Pɔ́ŋut, ɛŋɛ́kɛ́tɛ́ kuólini Itɛ́liɛn na akányí wɛɛyɛ́, Pilisíl, á kiákí ɛ́ɛ́ Kolóote u maápá efuŋ wɔɔkɔn meekí pukaaka ɛ́ɛ́ Pɛyúútɛn kitikit áatukana Lóma. Póole wɔnyɔwɔ́kin pɔ́; 3andíkɛk, aná pámaápiána puólí pumoómí, kuwáka musúŋ, wonyondó kuɔpɔ́. Ukɔtɔ na Akilas. 4É siki sáápatɛ, póol mapá ukɔ́lɔn nukála á kiansi kí imbísókólí kí Pɛyúútɛn umakálá é kupíísinyi pɔ́ nɛ pɛ kilɛ́k. 5Maná kisikɛl ekí Sílasɛ ne Timoté maányatúkɔ Masetuána pásiáma Kɔlɛ́ŋte, Póole wepieki kitikit wɛɛyɛ́ é kuyukesi isɔ́m yi indámb. Wɔyɔ ké eŋis yé Pɛyúútɛn ɛ́ɛ́ etúkúnú wɔ́ unyɛ́ Yésuse. 6Maná Pɛyúútɛn nuenesi póole, pásikana wɔ. Póole wekititi kiiné kí pikɔ́ndɔ́ píɛ́yɛ́ ukanyi kɔ́ɔ́p ɛ́ɛ́: «epú púkaányínuámini, púkapá kipínanú kíánɔ́. Pútipá púúyoson! Kutúmu níinuana iŋayukɔ ku pepé pátiánípá péyúútɛn.» 7Póol átukana ɔ́ kɔɔ́mɔ akáánɛ́, wayuukɔ ku mɔɔnd omotí kisiɛ́nɛ́ ɛ́ɛ́ Titús yuustús, umapá nulátat na Támbák, kiansi kíɛ́yɛ́ mapá masiá na kiansi kí imbísólí kí Pɛyúútɛn. 8Kílísípuse, ɔkɔ́n u kiansi kí imbísókólí wakaátapa Ɔkɔ́n na kiansi kiɛyí kitikit. Pɔ Kɔlɛŋtiɛ́ŋ kuteke pɔ́mɔɔ́pítlíkɔ́nɔ Póole páakaátapa pɛ́ɛkɛɛ́yi peétépí, péetu pɔ. 9Epué Putúkú, Ɔkɔ́n kanyi ó Póol kí ilimí ɛ́ɛ́, «etitíini, kálákukála, etilúŋú. 10Inyi naawɔ tɛ mɔɔnd utipá kukutála ɔmbɔk ɛ́ɛ́ úkusésitenyi, á kiákí ɛ́ɛ́, á pálɛk ewe pɛɛnd kuteke ɔ́kiŋɔ́pinɔn.» 11Póole wɔlɔpɔ kɔ́ɔkɔ yɔɔŋɔ ne kiénsi, woónyonyi mekélié má Támbák.
Pémétényíkényi Póole kí isɔ́ɔ́sɔ
12Á kisikɛl ekí Kaliɔ́ŋ maápá ɔŋgɔ́munɛ ɔ́ kitɔŋ kí Akayí, Pɛyúútɛn kitikit pákaámini ekelú ɛ́ɛ́ pɛ́ɛtikini Póole. Pɔ́ɔnyɔsɔ́ɔmíni wɔ́ ku ɔŋgɔ́mun. 13Pákanyi ɛ́ɛ́: «Mɔɔnd ewe etítikene pɛɛnd ɛ́ɛ́ pɛ́ɛlɛn Támbákɛ́ɛ puólí aná pútiányípá púɔyɔ ó kikotí.» 14Póol mɛɛlɛ́ úkáliti ɛ́ɛ́, Kaliɔ́ŋɛ wodinyi Pɛyúútɛn ɛ́ɛ́: «Púsiákápá nuɔ́nɔnɔ kúnyiánɛɛ́ puandá pú kilɔk púlotí, insiɔ́núpítɔ́likɛn panɔ́ Pɛyúútɛn. 15Maná, aná pitulu piánɔ́ yosoneé ni iŋónyitónyí nɛ pisiɛ́n no pikotí piánɔ, pukáani ó nuyoson! Imásáŋúnɔ ɛ́ɛ́ imbá esúmbí u pilɔŋ pí maandá pikáaní.» 16Káliɔŋɛ wekeémi pɔ ké etúl 17Páamana, Pɛɛnd peem páapikunu Sostɛ́ɛnɛ ɔkɔ́n u kiansi kí imbísókólí; Pókondó ékukite wu yáakáni kɔ́ɔndɔ u etúl; Maná Kaliɔ́ŋɛ tɛ ɛ́ɛ́ úpikɔmbitɛ.
Póol mepítúnúkíni Antiós
18Póole wanda ɔsiɔ́lɔpɔ́ kinɔ́kɔ́ kí kisikilí kɔlɛ́ŋt. É kélém akáánɛ́ wakaátukana ne peétépí, wɔkɔ́lɔ kitóóŋó á kuyɔɔk Silí ɔlɔŋɔ́ ne Pilisíli na Akiláas. Umɛlɛ́ umanyi á pálɛk u Sankélɛ́s, wapimua ɛtɔ ɛ́kuɛlɛɛ́, umapíyapá tuúnye á kiákí ɛ́ɛ́ umapíliíni Támbákɛ́ɛ. 19Páamana Efɛ́ɛs, Póole wakaátukana ne Pilisíli na Akílas. wɔ́ wayukɔ á kiansi kí imbísókólí kí peyúúutɛn, woondo ékuepenyípékényí nɔɔpɔ́. 20Pákanyi kɛ́ɛ́yɛ́ ɛ́ɛ́, úlɔpɔ́ metúkú nɔɔpɔ́, wekeen. 21Umɛlɛ́ úkaatukɔ́ ukanyi kɔ́ɔpɔ́ ɛ́ɛ́: «Yaányianda kuólo kuanɔ á kisikɛl kílotí índɛ Támbák ɔ́kɔyɔ.» Wɔkɔ́l sitíme wakaatuku Éfɛ́ɛs. 22Waámána á pálɛ́k u Sesalée, wesel é sitíme, wayukɔ Yelúsalɛm ékuepíkélítí peétépí, ékélémé akáánɛ́ waayɔɔk Antíos, 23umɔlɔpɔ́ kɔ́ɔkɔ paán pé metúkú. Wakanda ayukɔ, wasapini kitɔŋ kí pa Kaláát ne kí Filisí, wekenyi peétépí peem ilúndɛ.
Apolós mányiáma Efɛ́ɛs na Kɔlɛ́ŋte
24Mɔnɔ́ Yúútɛn kisiɛ́nɛ́ ɛ́ɛ́ Apolós pémeépiéné wɔ́ á palɛk u Alɛkɛsandilíi wanyiámá Efɛ́ɛs. Umapá itɔŋ, umenyene nukála nú Támbák peseé kese. 25Pómoónyítónyí wɔ́ iŋilí i Ɔkɔ́n. Utáama tɛ pɔ́kuɔyɔ, umiipí úkémé woond woónyonyi é kémuémue epú puyosoné Yésuse. Maná umenyene yá induéné eyí Isáaŋ maápá utuenin. 26Apolóse wookoond á kukála no pipióndínyí ɔtɛ́m á kiansi kí imbísókólí kí Pɛyúútɛn. Pɛ́mɛɛ́lɛ pámáamana ɔpítɔ́likɔnɔ wɔ́, Pilisile na Akiláas pɔkɔlɔ wɔ kuɔpɔ́ ákuanda kuónyonyi wu iŋilí i Támbák peseé. 27Aná Apolós maámbá kuyukɔ ɔ́ kitɔŋ kí Akayí peétépí pákaák wɔ́ ilúndɛ pond pɔ́kɔɔ́ŋɛn popiónyi pɔ́ kɔɔ́mɔ kakáaní ɛ́ɛ́ pókóli wɔ́ peseé. Umɛɛlɛ́ wámána, wɛkɛ́yi kiandá kí iŋɔ́yikinɔ kí peétepí ɛ́kuɛlɛɛ́ Támbák mapá nɛɛyɛ́. 28Á kiákí umɔyɔ́n Pɛyúútɛn talútalú ké iŋísi yɛ́ pɛɛnd ɛ́ɛ́ iŋanúníní síɔ́p tipá indɛ́ndɛnɛ, utíínyenyi kí ifíɔ́ŋ ɛ́ɛ́ etúkúnú wɔ́ unyɛɛ́ Yésuse.
ទើបបានជ្រើសរើសហើយ៖
Meelie mé Petúmí 18: yav
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2026, CABTAL
