Máákuusə 4
4
Fuʼno mbəb ŋgaŋapfɛ́mɔ́b
(Mat 13:1-9; Lúk 8:4-8)
1Yěsô pó fɛ́ ntʉ́ʉ́ ŋkʉ́rʉ́ ne gháá lepaanse Galílya. Mvúʼ pɔŋ zááme nterɛ́ pfuŋ ye. A kɔ́ʼ ŋgɔ́rɔ́ ndzó páŋ. Pɔŋ cʉ́ʼɔ́ ne gháánse. 2Yěsô yɔ́ɔ́ pɛ fuʼno zááme ntʉ́ʉ́ wɔ́b núŋ. A kɛ fɛ́ ntʉ́ʉ́ ne pɔ́b tsɔ́ ŋgâ: 3«Puŋ zoʼ, ŋgaŋapfɛ́mɔ́b kɛ twɔ́ ne mǎʼne mvə̌mɔ́b. 4Njʉ́ a kɛ tse máʼá nɛ́, pecyó míí mé pfed, ŋgú ne gháá mɛndɔ́b, péshʉŋ ŋkʉ́yó ntsóó náá. 5Pecyó vɔ́ ndzɔʼɔ́ pɛ méŋkáb ŋgɔʼ kii mbəbə tsetsáʼ. Njʉ́ tsetsáʼ kɛ záá nɛ́ pó, a fɛ́d sáʼ. 6Ménab tɛ́ ne tʉ̌ŋ, kpii wé, a zwɔ́ ŋkyé ŋgâ ŋaŋ mé kɛ pé pó. 7Pecyó vɔ́ ndzɔ́ʼɔ́ mɛ́kɔb, sáʼ. Mɛkɔb ghóʼ, fóó wé, a pe zwɔ́ ntáá pó. 8Pecyó vɔ́ ndzó ywoʼ tsetsáʼ sʉ́ʼʉ, ŋgóʼ, sáŋ mbwó mé, ndzwɔ́ ntáá. Taʼ tsóʼ fɛ́ ghúbmekyéd, cyó fɛ́ ghúbméntóó, cyó fɛ́ kpii.» 9Yěsô ŋkwód tónsó yé ŋgâ: «Ŋɔŋ wɛ́ a tséʼé ntəŋə́ zoʼo no nɛ́, a zóʼ.»
A zhyɛ́ kɔ́ Yěsô máʼá pɛ fuʼno?
(Mat 13:10-15; Lúk 8:9-10)
10Ŋkhoʼyɛ́ Yěsô kɛ pɛ́ ne mbaʼá nɛ́, pɔŋ pɛ́ pɔ́b kɛ pɛ́ pfuŋ ye nɛ́, pwɛ ŋgíŋgyé pe ntsɔ̌bpáá psirɛ́ wé ŋgâ: «A zhyɛ́ kɔ́ wo ké máʼá pɛ fuʼno?» 11Yěsô pɔ́rɔ́ ne pɔ́b ŋgâ: «Mboʼmvé zhyɛ́ ŋgâ puŋ zé meno ywʉ̂me ne Nofɔŋ ye. Ŋgɛ́ ŋkhú ne pɔŋ mvé, a pɛ ne pɔ́b mbɛ ghéréme. 12Yânéré ŋgâ
Pɔ́b ntiŋɛ, mbé zhʉ́ pó,
Pɔ́b zoʼo mbé zɛ́ pó.
Kɛ́ʼɛ́ ŋgâ, pɔ́b ndɛ séd mbziʼe yɔ́b, Mboʼmvé máʼ vɔ̌no ndɔ́ɔ́ wɔ́b.»
13Néré, Yěsô tsɔ́ ne pɔ́b ŋgâ: «Puŋ tsé mbé zoʼo fuʼno yɔŋ pɔɔ? Tɛ puŋ ndzóʼó pecyó fuʼno náá pe níŋ?
Yěsô kě fuʼno ŋgaŋapfɛ́mɔ́b
(Mat 13:18-23; Lúk 8:11-15)
14“Ŋgaŋapfɛ́mɔ́b”, pfɛ̂ Nsó Mboʼmvé. 15“Gháá mɛndɔ́b”, a pɔŋ pɛ́ pe pfé Nsó Mboʼmvé ndzó ndzɔʼ yɔ́b, pɔ́b zoʼ, ntsʉʼmbé Sátaŋ kʉ́yó kpaʼ ŋkhoʼyéré ntúbú Nsó wɛ́ pe pfé nɛ́ ndzó nzɔʼ yɔ́b. 16A ké mbé nɛ́ njʉ́ yɛ́ pe pfɛ́ ndzɔ́ʼɔ́ “méŋkáb ŋgɔʼ” nɛ́. A pɔŋ pɛ́ pɔ́b zoʼ Nsó Mboʼmvé, kpéé ne ndebéne. 17Ntsʉʼmbé Nsó Mboʼmvé pe tséʼé ŋaŋ mé ndzó ndzɔʼ yɔ́b nɛ́ pó. Pɔ́b ndáá ghaŋántére. Ŋgəʼo kii tsɛ̌no ké ŋgɛ́ ŋkuŋɔ wɔ́b ŋkyé Nsó Mboʼmvé, pɔ́b psyé psyɛ́ndzɔʼ yɔ́b. 18Pɛ “ndzɔ́ʼɔ́ mɛ́kɔb”, a pɔŋ pɛ́ pɔ́b zoʼ Nsó Mboʼmvé, 19pɛ kpaŋató, pɛ foʼ pwɛ pɛ mɔ́b mvé naŋ ŋgâ Nsó Mboʼmvé ndɛ ndzwɔ́ ntáá ndzó ndzɔʼ yɔ́b. 20Pɛ́ a vɔ́ ndzó “ywoʼ sʉ́ʼʉ” nɛ́, a pɔŋ pɛ pɔ́b zóʼó Nsó Mboʼmvé, mbzyɛ́. A zwɔ́ ntáá, tóó, taʼ tsóʼ fɛ́ ghúbmekyéd, cyó fɛ́ ghúbmétóó, cyó fɛ́ kpii.»
Fuʼno ndúŋú lámbo
(Mat 5:15; 10:26; Lúk 8:16-18; 11:33; 6:38)
21Yěsô pó ntsɔ́ ne pɔ́b ŋkʉ́rʉ́ ŋgâ: «Pe ndɛ ŋkʉ́yó ne lámbo ntíí tsi kəkɔŋ kii tsi kúŋ? Ŋgâ pe ndɛ ntíí ndúŋú tswéd? 22ŋkyé ŋgâ cyó yɔ́b yɛ́ a ywʉ̂me kii pe ghɛ́ náʼá njʉ́ ne zhyaŋa nɛ́, ghú pó. Cyó yɔ́b yɛ́ tɛɛmbɛ́ pe nyáʼá kii pe náʼá ndzé nɛ́ ghú pó. 23Ŋɔŋ wɛ́ a tséʼé ntəŋə́ zóʼó no nɛ́, a zóʼ!» 24Yěsô pó ntsɔ́ ne pɔ́b ŋgâ: «Puŋ máʼ fǐ ndzó ntəŋé múŋ ne meno pɛ́ puŋ zóʼó nɛ́. Yɔ́b yɛ́ puŋ fúʼɔ ye pecyó pɔŋ núŋ nɛ́, pe ŋkʉ́yó ké fúʼɔ yuŋ pe núŋ, mbɔ́rɔ́ mvíí. 25Pe ŋkʉ́yó mvíí pwó ŋɔŋ wɛ́ a tséʼé nɛ́. Ntsʉʼmbé ŋɔŋ wɛ́ a tséʼé nɛ́ pó, pe kpéé mɔ́ŋtiʼe yɛ́ a tséʼé nɛ́.»
A zhyɛ́ tsetsáʼ mɔ́b ghoʼó
26Yěsô nsó ŋkʉ́rʉ́ ŋgâ: «Nofɔŋ Mboʼmvé fwɛ́ɛ́ ŋɔŋ wɛ́ a pfé mɔ́b faʼ ye, 27kii a zhyé zhyé, kii a yáʼá saŋ, netsúʼ pú nwɔ̂tsó, mvěmɔ́b ké sáʼá ye sáʼ, ŋgoʼo kii a zé mbziʼe yɛ́ a zhyɛ́ nɛ́. 28Tsetsáʼ zhyɛ́ ne tómbəb ye yɔ́b sáʼá, mbɛ́ njʉ́ gháŋ nɛ́, tóó tsóʼ ye, mbɔ́rɔ́ ŋgyɛ́ ndíímé ndzó tsoʼ ye. 29Ŋkhoʼyɛ́ tsóʼ pe zwɔ́ nɛ́, pe ŋkʉ́yó ne káb ŋkyé ŋgâ ŋkhoʼ kábá mɔ́b kuʼú.»
Fuʼno ndúŋú Nofɔŋ Mboʼmvé
(Mat 13:31-32; Lúk 13:18-19)
30Yěsô nsó ŋkʉ́rʉ́ ŋgâ: «Nofɔŋ Mboʼmvé fwɛ́ɛ́ kɔ́? Tɛ piŋi yɔ́ɔ́ kɔ́ máʼ fuʼ ye núŋ? 31Nofɔŋ Mboʼmvé fwɛ́ɛ́ míí mbɛrɛ̂tɛ́ yɛ́ pe máʼ nɛ́. Míí mbɛrɛ̂tɛ́ khóó ntsɛ́ɛ́ ŋkɔŋɔ mvə̌mɔ́b náá. 32Ntsʉʼmbé, ŋkhoʼyɛ́ pe máʼ, kaʼatɛ a sáʼ nɛ́, a ghóʼ ntsɛ́ɛ́ ŋkɔŋɔ pɛ́ tsí mɔ́b pɛ́, pe fáʼa náá nɛ́. Ntâmbwó mé ghɛ́ɛ́ mbó swɔ́, tɛ mbɛ́ɛ́ péshʉŋ ŋkwód yáʼ mɔ́b ndúŋú.»
Yěsô yɔ́ɔ́ fuʼno ntʉ́ʉ́ pɔŋ núŋ
(Mat 13:34-35)
33Yěsô kɛ yɔ́ɔ́ pɛ fuʼno zááme njʉ́ yɔŋ nɛ́, ncʉ́rɛ Nsó Mboʼmvé ne pɔ́b njʉ́, tɛɛmbɛ pɔ́b zoʼ nɛ́. 34Yěsô kɛ ké ndɔ́ɔ́ pɛ fuʼno ntsɔ́ no núŋ ne pɔ́b. Ntsʉʼmbé ŋkhoʼyɛ́ a kɛ pɛ pwɛ ŋgíŋgye pe nɛ́, a kee ŋkɔŋɔ ye náá ne pɔ́b.
Yěsô púrú fəfod ntʉ̌ŋme
(Mat 8:18, 23-27; Lúk 8:22-25)
35Zhyé yéré ne fwɔ̌nab, Yěsô tsɔ̌ ŋgíŋgyé pe ŋgâ: «Piŋi siʼá ne yiŋ ndzaʼa nse!» 36Pɔ́b ŋáá ndzɔ́ʼɔ́ pɔŋ, ŋkuŋɔ ndzó páŋ yɛ́ Yěsô kɛ pɛ nzǒ nɛ́. A kɛ ghɛmbɛ pecyó páŋ pɛ́ yóʼó, pwɛ pɔ́b ghú. 37Taʼ fəfod tʉ̌ŋme tsé ndzáʼa. Mbaʼ nse kúŋɔ́ ndzó páŋ kaʼatɛ páŋ zɔŋɔ nɔ́ɔ́. 38Yěsô pɛ́ yé ndzəb, núŋu tó ye ndúŋ kɛ́d tsé ŋgyé. Ŋgíŋgyé pe zhʉ́ wé ntsɔ́ pwó ye ŋgâ: «Kéʼeyáŋ, piŋi pfɔ́ náá kaʼa wo pe zhʉ́ pɔɔ?» 39Yěsô zébe, ŋáá syé mǐ fəfod, ntsɔ́ pwó nse ŋgâ: «Zhírɛ́! Ntsébɛ́!» A zhírí. Fəfod pɔ́d. Ywoʼ púrú kaʼatɛ. 40Yěsô ntsɔ̌ ŋgíŋgyé pe ŋgâ: «A zhyɛ́ kɔ́ pǔŋ tséʼé pɔ́ɔ́ kaʼa? Puŋ kɛ tséʼé psyɛ́ndzɔʼ pó?» 41Ntsʉʼmbé, ŋgíŋgyé pe pɔ́ɔ́ kaʼatɛ, ntsɔ́ tsetsɛrɛ pɔ́b ŋgâ: «Yɔŋ zhí ŋɔŋ pɛ́ɛ́ níŋ! Mbɛ fəfod pwɛ nse zóʼó pwó ye kaʼa?»
ទើបបានជ្រើសរើសហើយ៖
Máákuusə 4: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Máákuusə 4
4
Fuʼno mbəb ŋgaŋapfɛ́mɔ́b
(Mat 13:1-9; Lúk 8:4-8)
1Yěsô pó fɛ́ ntʉ́ʉ́ ŋkʉ́rʉ́ ne gháá lepaanse Galílya. Mvúʼ pɔŋ zááme nterɛ́ pfuŋ ye. A kɔ́ʼ ŋgɔ́rɔ́ ndzó páŋ. Pɔŋ cʉ́ʼɔ́ ne gháánse. 2Yěsô yɔ́ɔ́ pɛ fuʼno zááme ntʉ́ʉ́ wɔ́b núŋ. A kɛ fɛ́ ntʉ́ʉ́ ne pɔ́b tsɔ́ ŋgâ: 3«Puŋ zoʼ, ŋgaŋapfɛ́mɔ́b kɛ twɔ́ ne mǎʼne mvə̌mɔ́b. 4Njʉ́ a kɛ tse máʼá nɛ́, pecyó míí mé pfed, ŋgú ne gháá mɛndɔ́b, péshʉŋ ŋkʉ́yó ntsóó náá. 5Pecyó vɔ́ ndzɔʼɔ́ pɛ méŋkáb ŋgɔʼ kii mbəbə tsetsáʼ. Njʉ́ tsetsáʼ kɛ záá nɛ́ pó, a fɛ́d sáʼ. 6Ménab tɛ́ ne tʉ̌ŋ, kpii wé, a zwɔ́ ŋkyé ŋgâ ŋaŋ mé kɛ pé pó. 7Pecyó vɔ́ ndzɔ́ʼɔ́ mɛ́kɔb, sáʼ. Mɛkɔb ghóʼ, fóó wé, a pe zwɔ́ ntáá pó. 8Pecyó vɔ́ ndzó ywoʼ tsetsáʼ sʉ́ʼʉ, ŋgóʼ, sáŋ mbwó mé, ndzwɔ́ ntáá. Taʼ tsóʼ fɛ́ ghúbmekyéd, cyó fɛ́ ghúbméntóó, cyó fɛ́ kpii.» 9Yěsô ŋkwód tónsó yé ŋgâ: «Ŋɔŋ wɛ́ a tséʼé ntəŋə́ zoʼo no nɛ́, a zóʼ.»
A zhyɛ́ kɔ́ Yěsô máʼá pɛ fuʼno?
(Mat 13:10-15; Lúk 8:9-10)
10Ŋkhoʼyɛ́ Yěsô kɛ pɛ́ ne mbaʼá nɛ́, pɔŋ pɛ́ pɔ́b kɛ pɛ́ pfuŋ ye nɛ́, pwɛ ŋgíŋgyé pe ntsɔ̌bpáá psirɛ́ wé ŋgâ: «A zhyɛ́ kɔ́ wo ké máʼá pɛ fuʼno?» 11Yěsô pɔ́rɔ́ ne pɔ́b ŋgâ: «Mboʼmvé zhyɛ́ ŋgâ puŋ zé meno ywʉ̂me ne Nofɔŋ ye. Ŋgɛ́ ŋkhú ne pɔŋ mvé, a pɛ ne pɔ́b mbɛ ghéréme. 12Yânéré ŋgâ
Pɔ́b ntiŋɛ, mbé zhʉ́ pó,
Pɔ́b zoʼo mbé zɛ́ pó.
Kɛ́ʼɛ́ ŋgâ, pɔ́b ndɛ séd mbziʼe yɔ́b, Mboʼmvé máʼ vɔ̌no ndɔ́ɔ́ wɔ́b.»
13Néré, Yěsô tsɔ́ ne pɔ́b ŋgâ: «Puŋ tsé mbé zoʼo fuʼno yɔŋ pɔɔ? Tɛ puŋ ndzóʼó pecyó fuʼno náá pe níŋ?
Yěsô kě fuʼno ŋgaŋapfɛ́mɔ́b
(Mat 13:18-23; Lúk 8:11-15)
14“Ŋgaŋapfɛ́mɔ́b”, pfɛ̂ Nsó Mboʼmvé. 15“Gháá mɛndɔ́b”, a pɔŋ pɛ́ pe pfé Nsó Mboʼmvé ndzó ndzɔʼ yɔ́b, pɔ́b zoʼ, ntsʉʼmbé Sátaŋ kʉ́yó kpaʼ ŋkhoʼyéré ntúbú Nsó wɛ́ pe pfé nɛ́ ndzó nzɔʼ yɔ́b. 16A ké mbé nɛ́ njʉ́ yɛ́ pe pfɛ́ ndzɔ́ʼɔ́ “méŋkáb ŋgɔʼ” nɛ́. A pɔŋ pɛ́ pɔ́b zoʼ Nsó Mboʼmvé, kpéé ne ndebéne. 17Ntsʉʼmbé Nsó Mboʼmvé pe tséʼé ŋaŋ mé ndzó ndzɔʼ yɔ́b nɛ́ pó. Pɔ́b ndáá ghaŋántére. Ŋgəʼo kii tsɛ̌no ké ŋgɛ́ ŋkuŋɔ wɔ́b ŋkyé Nsó Mboʼmvé, pɔ́b psyé psyɛ́ndzɔʼ yɔ́b. 18Pɛ “ndzɔ́ʼɔ́ mɛ́kɔb”, a pɔŋ pɛ́ pɔ́b zoʼ Nsó Mboʼmvé, 19pɛ kpaŋató, pɛ foʼ pwɛ pɛ mɔ́b mvé naŋ ŋgâ Nsó Mboʼmvé ndɛ ndzwɔ́ ntáá ndzó ndzɔʼ yɔ́b. 20Pɛ́ a vɔ́ ndzó “ywoʼ sʉ́ʼʉ” nɛ́, a pɔŋ pɛ pɔ́b zóʼó Nsó Mboʼmvé, mbzyɛ́. A zwɔ́ ntáá, tóó, taʼ tsóʼ fɛ́ ghúbmekyéd, cyó fɛ́ ghúbmétóó, cyó fɛ́ kpii.»
Fuʼno ndúŋú lámbo
(Mat 5:15; 10:26; Lúk 8:16-18; 11:33; 6:38)
21Yěsô pó ntsɔ́ ne pɔ́b ŋkʉ́rʉ́ ŋgâ: «Pe ndɛ ŋkʉ́yó ne lámbo ntíí tsi kəkɔŋ kii tsi kúŋ? Ŋgâ pe ndɛ ntíí ndúŋú tswéd? 22ŋkyé ŋgâ cyó yɔ́b yɛ́ a ywʉ̂me kii pe ghɛ́ náʼá njʉ́ ne zhyaŋa nɛ́, ghú pó. Cyó yɔ́b yɛ́ tɛɛmbɛ́ pe nyáʼá kii pe náʼá ndzé nɛ́ ghú pó. 23Ŋɔŋ wɛ́ a tséʼé ntəŋə́ zóʼó no nɛ́, a zóʼ!» 24Yěsô pó ntsɔ́ ne pɔ́b ŋgâ: «Puŋ máʼ fǐ ndzó ntəŋé múŋ ne meno pɛ́ puŋ zóʼó nɛ́. Yɔ́b yɛ́ puŋ fúʼɔ ye pecyó pɔŋ núŋ nɛ́, pe ŋkʉ́yó ké fúʼɔ yuŋ pe núŋ, mbɔ́rɔ́ mvíí. 25Pe ŋkʉ́yó mvíí pwó ŋɔŋ wɛ́ a tséʼé nɛ́. Ntsʉʼmbé ŋɔŋ wɛ́ a tséʼé nɛ́ pó, pe kpéé mɔ́ŋtiʼe yɛ́ a tséʼé nɛ́.»
A zhyɛ́ tsetsáʼ mɔ́b ghoʼó
26Yěsô nsó ŋkʉ́rʉ́ ŋgâ: «Nofɔŋ Mboʼmvé fwɛ́ɛ́ ŋɔŋ wɛ́ a pfé mɔ́b faʼ ye, 27kii a zhyé zhyé, kii a yáʼá saŋ, netsúʼ pú nwɔ̂tsó, mvěmɔ́b ké sáʼá ye sáʼ, ŋgoʼo kii a zé mbziʼe yɛ́ a zhyɛ́ nɛ́. 28Tsetsáʼ zhyɛ́ ne tómbəb ye yɔ́b sáʼá, mbɛ́ njʉ́ gháŋ nɛ́, tóó tsóʼ ye, mbɔ́rɔ́ ŋgyɛ́ ndíímé ndzó tsoʼ ye. 29Ŋkhoʼyɛ́ tsóʼ pe zwɔ́ nɛ́, pe ŋkʉ́yó ne káb ŋkyé ŋgâ ŋkhoʼ kábá mɔ́b kuʼú.»
Fuʼno ndúŋú Nofɔŋ Mboʼmvé
(Mat 13:31-32; Lúk 13:18-19)
30Yěsô nsó ŋkʉ́rʉ́ ŋgâ: «Nofɔŋ Mboʼmvé fwɛ́ɛ́ kɔ́? Tɛ piŋi yɔ́ɔ́ kɔ́ máʼ fuʼ ye núŋ? 31Nofɔŋ Mboʼmvé fwɛ́ɛ́ míí mbɛrɛ̂tɛ́ yɛ́ pe máʼ nɛ́. Míí mbɛrɛ̂tɛ́ khóó ntsɛ́ɛ́ ŋkɔŋɔ mvə̌mɔ́b náá. 32Ntsʉʼmbé, ŋkhoʼyɛ́ pe máʼ, kaʼatɛ a sáʼ nɛ́, a ghóʼ ntsɛ́ɛ́ ŋkɔŋɔ pɛ́ tsí mɔ́b pɛ́, pe fáʼa náá nɛ́. Ntâmbwó mé ghɛ́ɛ́ mbó swɔ́, tɛ mbɛ́ɛ́ péshʉŋ ŋkwód yáʼ mɔ́b ndúŋú.»
Yěsô yɔ́ɔ́ fuʼno ntʉ́ʉ́ pɔŋ núŋ
(Mat 13:34-35)
33Yěsô kɛ yɔ́ɔ́ pɛ fuʼno zááme njʉ́ yɔŋ nɛ́, ncʉ́rɛ Nsó Mboʼmvé ne pɔ́b njʉ́, tɛɛmbɛ pɔ́b zoʼ nɛ́. 34Yěsô kɛ ké ndɔ́ɔ́ pɛ fuʼno ntsɔ́ no núŋ ne pɔ́b. Ntsʉʼmbé ŋkhoʼyɛ́ a kɛ pɛ pwɛ ŋgíŋgye pe nɛ́, a kee ŋkɔŋɔ ye náá ne pɔ́b.
Yěsô púrú fəfod ntʉ̌ŋme
(Mat 8:18, 23-27; Lúk 8:22-25)
35Zhyé yéré ne fwɔ̌nab, Yěsô tsɔ̌ ŋgíŋgyé pe ŋgâ: «Piŋi siʼá ne yiŋ ndzaʼa nse!» 36Pɔ́b ŋáá ndzɔ́ʼɔ́ pɔŋ, ŋkuŋɔ ndzó páŋ yɛ́ Yěsô kɛ pɛ nzǒ nɛ́. A kɛ ghɛmbɛ pecyó páŋ pɛ́ yóʼó, pwɛ pɔ́b ghú. 37Taʼ fəfod tʉ̌ŋme tsé ndzáʼa. Mbaʼ nse kúŋɔ́ ndzó páŋ kaʼatɛ páŋ zɔŋɔ nɔ́ɔ́. 38Yěsô pɛ́ yé ndzəb, núŋu tó ye ndúŋ kɛ́d tsé ŋgyé. Ŋgíŋgyé pe zhʉ́ wé ntsɔ́ pwó ye ŋgâ: «Kéʼeyáŋ, piŋi pfɔ́ náá kaʼa wo pe zhʉ́ pɔɔ?» 39Yěsô zébe, ŋáá syé mǐ fəfod, ntsɔ́ pwó nse ŋgâ: «Zhírɛ́! Ntsébɛ́!» A zhírí. Fəfod pɔ́d. Ywoʼ púrú kaʼatɛ. 40Yěsô ntsɔ̌ ŋgíŋgyé pe ŋgâ: «A zhyɛ́ kɔ́ pǔŋ tséʼé pɔ́ɔ́ kaʼa? Puŋ kɛ tséʼé psyɛ́ndzɔʼ pó?» 41Ntsʉʼmbé, ŋgíŋgyé pe pɔ́ɔ́ kaʼatɛ, ntsɔ́ tsetsɛrɛ pɔ́b ŋgâ: «Yɔŋ zhí ŋɔŋ pɛ́ɛ́ níŋ! Mbɛ fəfod pwɛ nse zóʼó pwó ye kaʼa?»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល