Máákuusə 3
3
Yěsô pɛ́d ŋɔŋ zhyéze pɛ Yúda
(Mat 12:9-14; Lúk 6:6-11)
1Yěsô pó mbód ndzəb ndántéré pɛ Yúda, taʼ ŋɔŋ pɛ ndzǒ, mbǒ pwó ye kɛ́rɛ́ pfó. 2Pecyó pɔŋ kpɛ́ʼɛ́ Yěsô njʉ́ Mbéyɛ́ a mbɛ́rɛ́ pfɔ́pwó wéré zhyéze nɛ́. Kɛ́ʼɛ́, ntáʼá ŋkɔʼ yɛɛ ne sɔ́bne wé. 3Néré, Yěsô tsɔ́ ŋɔŋ wɛ́ pwó ye kɛ pe pfôme nɛ́ ŋgâ: «Ŋǎ ŋkʉ́yó síŋ ŋkɔŋɔ pɔŋ náá!» 4A pó séd mbəb ye, ntsɔ̌ pɔŋ pɛ́, pɔ́b kɛ pɛ yóʼó nɛ́ ŋgâ: «Kaŋ miŋi psyɛ ŋgâ tɛɛmbɛ pé zhyɛ́ kɔ́ zhyéze? No sʉ́ʼʉ, kii no kəpɔŋ? Mkpěne ŋɔŋ, kii nɔ̌ʼne wé?» Pɔ́b zhírí zhírí. 5Yěsô yéé wɔ́b, ne zúʼɔŋgyé, ŋkyé ŋgâ pɔ́b kɛ tsé mbé zɔŋɔ ndzóʼó pó. Tsɔ̌ pfɔ́pwó wéré ŋgâ: «Sǐ pwó wo.» A sǐ, pwó yé fwó! 6Néré, pɛ Farízya twɔ́ ndántéré, ŋgú ndzəb pɔŋ pɛ́, pwɛ Erodə kɛ tsɔ́ ndzóʼó nɛ́, ne ntáʼne ndzeʼe mbziʼe yɛ́ pɔ́b kɛ ghɛ́ ŋgyɛ́ nɔ́ʼɔ́ Yěsô nɛ́.
Pɔŋ zááme kʉ́yó njʉ́ Yěsô
(Mat 4:25; 12:15-16; Lúk 6:17-19)
7Yěsô ŋáá pwɛ ŋgíŋgye pe ŋgú ne gháánse Galílya. Kɛrɛ pɔŋ zááme cʉ́ʼɔ́ ndzəb ye, twɔ́ ndzó pɛ́rɛ́ ŋgɔŋ Galílya, ndzó ŋgɔŋ Zhʉde, 8ndzó mbɛ́lʉ́ŋ Yerʉ́salɛm, ne ndzáʼa Idʉme, mbɛ ne yiŋ ndzáʼa nse Zhuudɛŋ, pecyó pó ntwɔ́ ne ndzáʼa mbɛ́lʉ́ŋ Tii pú Sidɔŋ, ŋkʉ́yó ne njʉ́ne Yěsô ŋkyé ŋgâ pɔ́b kɛ zóʼ ŋkɔŋɔ meno pɛ Yěsô kɛ zhyɛ́ náá nɛ́. 9Néré, Yěsô tsɔ̂ ŋgíŋgye pe ŋgâ: «Puŋ tsúŋu mɔ́ŋtiʼa páŋ ghɛ́ ne mo, kɛ́ʼɛ́ ŋgâ pɔ́ŋ pɔŋ ndɛ nebe ya.» 10A kɛ ghɛmbɛ néré, mbǒ Yěsô pɛ́rɛ́ pɔŋ zááme. Ŋkɔŋɔ pɔŋ pɛ pɔ́b kɛ tséʼé pɛ mbziʼe mbziʼe ghɔŋ náá nɛ́, ntsé fɛ́rɛ́ Yěsô ne kébene wé. 11Ŋkhoʼyɛ́ pɔŋ pɛ́ zhʉye kəpɔŋ kɛ pɛ́ mbəb pɔ́b nɛ́, kɛ zhʉ́ Yěsô nɛ́, pɔ́b vɔ́ ne kpee mé, ŋgeʼe ŋgâ: «Wo Mɔ́ŋ Mboʼmvé.» 12Ntsʉʼmbé, Yěsô mǐ wɔ́b ne tʉ̌ŋ, ntsɔ́ ne pɔ́b ŋgâ: «Kii puŋ zhyɛ́ pɔŋ zé ŋɔŋ wɛ́ Mə ye nɛ́.»
Yěsô ntsɔ́ʼ ŋgíŋgyé pe ntsɔ̌bpáá
(Mat 10:1-4; Lúk 6:12-16)
13Yěsô ŋáá yóʼó ŋkɔ́ʼɔ́ ndúŋú ŋkə́ŋ, fú pecyó pɔŋ pɛ́ a kɛ kʉyě nɛ́, pɔ́b ŋkʉ́yó pfuŋ ye. 14A tsɔʼ ntsɔ̌bpáá ŋgâ pú pɔ́b ntyɛ́ kpee, a pó twɔ́ wɔ́b ne ŋgǔne cʉrí Nofɔŋ Mboʼmvé. 15Yěsô pó fɛ́ tʉ̌ŋ ne pɔ́b ne ndzǔne zhʉye kəpɔŋ. 16Yɔŋ tíí ntsɔ̌bpáá péré: Símo wɛ́ Yěsô kɛ tswé tíí ye ŋgâ Pětro nɛ́. 17Zhakə Mɔ́ŋ Zebede, Zhâŋ mɔ́ŋmɛ́ Zhakə: Yěsô kɛ fú wɔ́b ne Bowanɛ́zhɛsə, kéʼé tsi pɛ́ɛ́ ŋgâ: Pɔ́ŋ faŋ mbuŋ. 18Andéré, Filipo, Batelemi, Matʉyo, Tomâsə, Zhakə Mɔ́ŋ Áləfe, Tádé, Símo wɛ́ pé kɛ fú wé ne mwɔ́tsɛpěŋgɔŋ nɛ́, 19Zhʉ́da Iskaryotə, wɛ́ a kɛ ghɛ́ fi Yěsô nɛ́.
Ndǎ Yěsô zɔŋɔ gbaa wé
(Mat 12:24-32; Lúk 11:15-23; 12:10)
20Njʉ́ yéré no kɛ záʼ nɛ́, Yěsô pɔ́rɔ́ ndáb. Mvúʼ pɔŋ ké mbó nterɛ́ yóʼó féd tɛ Yěsô pwɛ ŋgíŋgyé pe pó ntséʼé saŋ ne ndzône mɔ́b pó! 21Ndǎ Yěsô zoʼ ŋgâ a ndáb, ŋkʉ́yó ne gbǎne wé. Ŋkyé ŋgâ pɔ́b kɛ tsɔ́ ŋgâ: «Tó ye vaʼ!»
Yěsô pɔ́rɔ́ pwó pɔŋ pɛ́ pɔ́b sɔbɔ wé nɛ́
22Ghaŋákeʼekaŋ pɛ́ pɔ́b kɛ shʉyí Yerʉ́salɛm, ŋkʉ́yó nɛ́, nsó ŋgâ: «Bɛɛzebʉlə mbəb ye. A Bɛɛzebʉlə wéré, ntsɛ́ssó pɛ zhʉye kəpɔŋ, fɛ́ tʉ̌ŋ pwó ye ŋgâ a zú pɛ zhʉye kəpɔŋ núŋ.» 23Mbénére, Yěsô fú ghaŋákeʼekaŋ máʼ pɛ fuʼno ne pɔ́b ŋgâ: «Tɛɛmbɛ Sátaŋ zhyɛ́ níŋ ndzú Sátaŋ? 24Ŋkhoʼyɛ́ pɔ́ŋ taʼ ŋgɔŋ tse máʼá ntsɔ tsetsɛrɛ pɔ́b nɛ́, mbǒ ŋgɔŋ wéré ntsó pó. 25Mbéyɛ́ pɔ́ŋ taʼ ndǎ tsé gbíí ŋkɔd tsetsɛrɛ pɔ́b nɛ́, mbǒ ndǎ yéré ntsó pó. 26A pɛ́ɛ́ yɛ́ Sátaŋ máʼ ntsɔ pú Sátaŋ nɛ́, kii Sátaŋ pú Sátaŋ tséʼé taʼ ntswée nɛ́ pó, mbǒ a ntsó pó. Mbǒ yé myé. 27Tɛɛmbɛ ŋɔŋ pe kúŋɔ́ ndáb ŋɔŋ wɛ́ a tséʼé tʉ̌ŋ nɛ́, mvú mɔ́b pé kii pee ŋkwɔrɔ wé pó. A pɛ́ɛ́ yɛ́ a kwɔ́rɔ́ wé nɛ́, mbǒ a tsáʼá ŋkɔŋɔ ndáb yé náá. 28Mə sɔ́ŋɔ́ wúŋ kpaʼ sísíŋ, vɔ̌no puŋ pwɛ ntóne Mboʼmvé záá níŋ, mbǒ Mboʼmvé ŋkʉ́yó ké máʼá ŋkɔŋɔ ye náá máʼ. 29Ntsʉʼmbé, a pɛ́ɛ́ yɛ́ ŋɔŋ síŋ Zhʉye Yáŋme nɛ́, mbǒ Mboʼmvé ŋkʉ́yó máʼ vɔ̌no yé pó. Mbǒ a naʼ ké mbɛ̌ mvɔno síŋ Mboʼmvé.» 30Yěsô kɛ nsó kɛ́ʼɛ́ ŋkyé ŋgâ pɔ́b kɛ tsɔ́ ŋgâ: «Taʼ zhʉye kəpɔŋ mbəb ye.»
Kpaʼ ndǎ Yěsô?
(Mat 12:46-50; Lúk 8:19-21)
31Mɛ́ Yěsô pwɛ pɔ́ŋmɛ́ pe kɛ paŋ, tsɛ́ mvé, ŋgyɛ́ ŋgâ pe fú wé. 32Pɔŋ zááme ghód ndzyɛ̂ Yěsô. Pe tsɔ́ pwó ye ŋgâ: «Zhʉ́ njʉ́! Mɛ́ wo pwɛ pɔ́ŋmɛ́ pó mvé nɛ́. Pɔ́b tsé ntáʼá wo!» 33Yěsô pɔ́rɔ́ ne pɔ́b ŋgâ: «A wɔ́ mbé mɛ́ ya? A pé wɔ́ mbé pɔ́ŋmɛ́ páá?» 34A tsiŋɛ pɔŋ pɛ pɔ́b kɛ ghód, ndzyɛ̂ wé nɛ́, mbód ŋgâ: «Mɛ́ ya pwɛ pɔ́ŋmɛ́ páá pe nɔŋ. 35Ŋɔŋ wɛ́ a zhyɛ́ no yɛ́ Mboʼmvé zɔŋɔ nɛ́, mbǒ a ye mbé mɛ́ ya, a ye mbé mɔ́ŋmɛ́ ya wé ŋumbzí, a ye mbé mɔ́ŋmɛ́ ya wé məŋgʉ́yé.»
ទើបបានជ្រើសរើសហើយ៖
Máákuusə 3: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Máákuusə 3
3
Yěsô pɛ́d ŋɔŋ zhyéze pɛ Yúda
(Mat 12:9-14; Lúk 6:6-11)
1Yěsô pó mbód ndzəb ndántéré pɛ Yúda, taʼ ŋɔŋ pɛ ndzǒ, mbǒ pwó ye kɛ́rɛ́ pfó. 2Pecyó pɔŋ kpɛ́ʼɛ́ Yěsô njʉ́ Mbéyɛ́ a mbɛ́rɛ́ pfɔ́pwó wéré zhyéze nɛ́. Kɛ́ʼɛ́, ntáʼá ŋkɔʼ yɛɛ ne sɔ́bne wé. 3Néré, Yěsô tsɔ́ ŋɔŋ wɛ́ pwó ye kɛ pe pfôme nɛ́ ŋgâ: «Ŋǎ ŋkʉ́yó síŋ ŋkɔŋɔ pɔŋ náá!» 4A pó séd mbəb ye, ntsɔ̌ pɔŋ pɛ́, pɔ́b kɛ pɛ yóʼó nɛ́ ŋgâ: «Kaŋ miŋi psyɛ ŋgâ tɛɛmbɛ pé zhyɛ́ kɔ́ zhyéze? No sʉ́ʼʉ, kii no kəpɔŋ? Mkpěne ŋɔŋ, kii nɔ̌ʼne wé?» Pɔ́b zhírí zhírí. 5Yěsô yéé wɔ́b, ne zúʼɔŋgyé, ŋkyé ŋgâ pɔ́b kɛ tsé mbé zɔŋɔ ndzóʼó pó. Tsɔ̌ pfɔ́pwó wéré ŋgâ: «Sǐ pwó wo.» A sǐ, pwó yé fwó! 6Néré, pɛ Farízya twɔ́ ndántéré, ŋgú ndzəb pɔŋ pɛ́, pwɛ Erodə kɛ tsɔ́ ndzóʼó nɛ́, ne ntáʼne ndzeʼe mbziʼe yɛ́ pɔ́b kɛ ghɛ́ ŋgyɛ́ nɔ́ʼɔ́ Yěsô nɛ́.
Pɔŋ zááme kʉ́yó njʉ́ Yěsô
(Mat 4:25; 12:15-16; Lúk 6:17-19)
7Yěsô ŋáá pwɛ ŋgíŋgye pe ŋgú ne gháánse Galílya. Kɛrɛ pɔŋ zááme cʉ́ʼɔ́ ndzəb ye, twɔ́ ndzó pɛ́rɛ́ ŋgɔŋ Galílya, ndzó ŋgɔŋ Zhʉde, 8ndzó mbɛ́lʉ́ŋ Yerʉ́salɛm, ne ndzáʼa Idʉme, mbɛ ne yiŋ ndzáʼa nse Zhuudɛŋ, pecyó pó ntwɔ́ ne ndzáʼa mbɛ́lʉ́ŋ Tii pú Sidɔŋ, ŋkʉ́yó ne njʉ́ne Yěsô ŋkyé ŋgâ pɔ́b kɛ zóʼ ŋkɔŋɔ meno pɛ Yěsô kɛ zhyɛ́ náá nɛ́. 9Néré, Yěsô tsɔ̂ ŋgíŋgye pe ŋgâ: «Puŋ tsúŋu mɔ́ŋtiʼa páŋ ghɛ́ ne mo, kɛ́ʼɛ́ ŋgâ pɔ́ŋ pɔŋ ndɛ nebe ya.» 10A kɛ ghɛmbɛ néré, mbǒ Yěsô pɛ́rɛ́ pɔŋ zááme. Ŋkɔŋɔ pɔŋ pɛ pɔ́b kɛ tséʼé pɛ mbziʼe mbziʼe ghɔŋ náá nɛ́, ntsé fɛ́rɛ́ Yěsô ne kébene wé. 11Ŋkhoʼyɛ́ pɔŋ pɛ́ zhʉye kəpɔŋ kɛ pɛ́ mbəb pɔ́b nɛ́, kɛ zhʉ́ Yěsô nɛ́, pɔ́b vɔ́ ne kpee mé, ŋgeʼe ŋgâ: «Wo Mɔ́ŋ Mboʼmvé.» 12Ntsʉʼmbé, Yěsô mǐ wɔ́b ne tʉ̌ŋ, ntsɔ́ ne pɔ́b ŋgâ: «Kii puŋ zhyɛ́ pɔŋ zé ŋɔŋ wɛ́ Mə ye nɛ́.»
Yěsô ntsɔ́ʼ ŋgíŋgyé pe ntsɔ̌bpáá
(Mat 10:1-4; Lúk 6:12-16)
13Yěsô ŋáá yóʼó ŋkɔ́ʼɔ́ ndúŋú ŋkə́ŋ, fú pecyó pɔŋ pɛ́ a kɛ kʉyě nɛ́, pɔ́b ŋkʉ́yó pfuŋ ye. 14A tsɔʼ ntsɔ̌bpáá ŋgâ pú pɔ́b ntyɛ́ kpee, a pó twɔ́ wɔ́b ne ŋgǔne cʉrí Nofɔŋ Mboʼmvé. 15Yěsô pó fɛ́ tʉ̌ŋ ne pɔ́b ne ndzǔne zhʉye kəpɔŋ. 16Yɔŋ tíí ntsɔ̌bpáá péré: Símo wɛ́ Yěsô kɛ tswé tíí ye ŋgâ Pětro nɛ́. 17Zhakə Mɔ́ŋ Zebede, Zhâŋ mɔ́ŋmɛ́ Zhakə: Yěsô kɛ fú wɔ́b ne Bowanɛ́zhɛsə, kéʼé tsi pɛ́ɛ́ ŋgâ: Pɔ́ŋ faŋ mbuŋ. 18Andéré, Filipo, Batelemi, Matʉyo, Tomâsə, Zhakə Mɔ́ŋ Áləfe, Tádé, Símo wɛ́ pé kɛ fú wé ne mwɔ́tsɛpěŋgɔŋ nɛ́, 19Zhʉ́da Iskaryotə, wɛ́ a kɛ ghɛ́ fi Yěsô nɛ́.
Ndǎ Yěsô zɔŋɔ gbaa wé
(Mat 12:24-32; Lúk 11:15-23; 12:10)
20Njʉ́ yéré no kɛ záʼ nɛ́, Yěsô pɔ́rɔ́ ndáb. Mvúʼ pɔŋ ké mbó nterɛ́ yóʼó féd tɛ Yěsô pwɛ ŋgíŋgyé pe pó ntséʼé saŋ ne ndzône mɔ́b pó! 21Ndǎ Yěsô zoʼ ŋgâ a ndáb, ŋkʉ́yó ne gbǎne wé. Ŋkyé ŋgâ pɔ́b kɛ tsɔ́ ŋgâ: «Tó ye vaʼ!»
Yěsô pɔ́rɔ́ pwó pɔŋ pɛ́ pɔ́b sɔbɔ wé nɛ́
22Ghaŋákeʼekaŋ pɛ́ pɔ́b kɛ shʉyí Yerʉ́salɛm, ŋkʉ́yó nɛ́, nsó ŋgâ: «Bɛɛzebʉlə mbəb ye. A Bɛɛzebʉlə wéré, ntsɛ́ssó pɛ zhʉye kəpɔŋ, fɛ́ tʉ̌ŋ pwó ye ŋgâ a zú pɛ zhʉye kəpɔŋ núŋ.» 23Mbénére, Yěsô fú ghaŋákeʼekaŋ máʼ pɛ fuʼno ne pɔ́b ŋgâ: «Tɛɛmbɛ Sátaŋ zhyɛ́ níŋ ndzú Sátaŋ? 24Ŋkhoʼyɛ́ pɔ́ŋ taʼ ŋgɔŋ tse máʼá ntsɔ tsetsɛrɛ pɔ́b nɛ́, mbǒ ŋgɔŋ wéré ntsó pó. 25Mbéyɛ́ pɔ́ŋ taʼ ndǎ tsé gbíí ŋkɔd tsetsɛrɛ pɔ́b nɛ́, mbǒ ndǎ yéré ntsó pó. 26A pɛ́ɛ́ yɛ́ Sátaŋ máʼ ntsɔ pú Sátaŋ nɛ́, kii Sátaŋ pú Sátaŋ tséʼé taʼ ntswée nɛ́ pó, mbǒ a ntsó pó. Mbǒ yé myé. 27Tɛɛmbɛ ŋɔŋ pe kúŋɔ́ ndáb ŋɔŋ wɛ́ a tséʼé tʉ̌ŋ nɛ́, mvú mɔ́b pé kii pee ŋkwɔrɔ wé pó. A pɛ́ɛ́ yɛ́ a kwɔ́rɔ́ wé nɛ́, mbǒ a tsáʼá ŋkɔŋɔ ndáb yé náá. 28Mə sɔ́ŋɔ́ wúŋ kpaʼ sísíŋ, vɔ̌no puŋ pwɛ ntóne Mboʼmvé záá níŋ, mbǒ Mboʼmvé ŋkʉ́yó ké máʼá ŋkɔŋɔ ye náá máʼ. 29Ntsʉʼmbé, a pɛ́ɛ́ yɛ́ ŋɔŋ síŋ Zhʉye Yáŋme nɛ́, mbǒ Mboʼmvé ŋkʉ́yó máʼ vɔ̌no yé pó. Mbǒ a naʼ ké mbɛ̌ mvɔno síŋ Mboʼmvé.» 30Yěsô kɛ nsó kɛ́ʼɛ́ ŋkyé ŋgâ pɔ́b kɛ tsɔ́ ŋgâ: «Taʼ zhʉye kəpɔŋ mbəb ye.»
Kpaʼ ndǎ Yěsô?
(Mat 12:46-50; Lúk 8:19-21)
31Mɛ́ Yěsô pwɛ pɔ́ŋmɛ́ pe kɛ paŋ, tsɛ́ mvé, ŋgyɛ́ ŋgâ pe fú wé. 32Pɔŋ zááme ghód ndzyɛ̂ Yěsô. Pe tsɔ́ pwó ye ŋgâ: «Zhʉ́ njʉ́! Mɛ́ wo pwɛ pɔ́ŋmɛ́ pó mvé nɛ́. Pɔ́b tsé ntáʼá wo!» 33Yěsô pɔ́rɔ́ ne pɔ́b ŋgâ: «A wɔ́ mbé mɛ́ ya? A pé wɔ́ mbé pɔ́ŋmɛ́ páá?» 34A tsiŋɛ pɔŋ pɛ pɔ́b kɛ ghód, ndzyɛ̂ wé nɛ́, mbód ŋgâ: «Mɛ́ ya pwɛ pɔ́ŋmɛ́ páá pe nɔŋ. 35Ŋɔŋ wɛ́ a zhyɛ́ no yɛ́ Mboʼmvé zɔŋɔ nɛ́, mbǒ a ye mbé mɛ́ ya, a ye mbé mɔ́ŋmɛ́ ya wé ŋumbzí, a ye mbé mɔ́ŋmɛ́ ya wé məŋgʉ́yé.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល