Máákuusə 5
5
Yěsô pɛ́d taʼ ŋɔŋ wɛ́ zhʉye kəpɔŋ mbəb ye nɛ́
(Mat 8:28-34; Lúk 8:26-39)
1Yěsô pwɛ ŋgíŋgyé pe páŋa ne yiŋ ndzáʼánse tsɛ́muŋɛ́, ndzó ŋgɔŋ pɛ Zheraseniyɛŋ. 2Njʉ́ Yěsô kɛ shíí ndzó páŋ nɛ́, kpaʼ ŋkhoʼyéré, taʼ ŋɔŋ wɛ́ zhʉye kəpɔŋ kɛ pɛ mbəb ye nɛ́, twɔ́ ndzɔ́ʼɔ́ pɛ ŋgoʼ yɛ́ pé cʉ́ pɔŋ yóʼó nɛ́, ŋkʉ́yó pfúŋɔ́ ye. 3A kɛ ghɛ́mbɛ tɛ́ɛ́mbɛ ŋɔŋ pó mbé kuʼɔ ne ŋkwódne wé pó, mbɛ ne tsáŋ. A kɛ ntsó ye pe ndzó pɛ sye. 4ŋkyé ŋgâ, pe kɛ záá máʼá kapoʼ ndzó kpee mé, mbó ŋkwód wé ne tsáŋ, ntsʉʼmbé, a ké ntséé ntsáŋ tséé mbó mboʼo kapoʼ péré. Ndíí ŋɔŋ pó mbé kuʼɔ ne fědne wé pó. 5Netsúʼ pwɛ nwɔ̌nsó, a kɛ ké mbɛ̌ ndzó pɛ sye pwɛ pɛ ŋkə́ŋ kii fúrú. Ngéʼé mbó gbɛ́rɛ mbəb ye ne pɛ ŋgɔʼ. 6Njʉ́ a kɛ zhʉ́ Yěsô taŋa sesɛ nɛ́, a khí ndéé ŋkʉ́yó ntəd kweʼé mé síŋ ye. 7Ŋɔŋ wéré ghéʼ, nsó ne ntʉŋ ŋgâ: «Yěsô, Mɔ́ŋ Mboʼmvé wɛ́ kpaʼ pépéé nɛ́, wo zɔŋɔ kɔ́ ne mo? Mə mbóʼómbwó pwó wo, ne ntii Mboʼmvé, ndɛ níŋ ya nzɔ́ʼɔ́ ŋgəʼo!» 8ŋkyé ŋgâ Yěsô kɛ tsɔ́ pwó ye ŋgâ: «Zhʉye kəpɔŋ, twɔ́ mbəb ŋɔŋ wɔŋ!» 9Yěsô psirɛ́ wé ŋgâ: «Tíí wo kɔ́?» A pɔ́rɔ́ pwó ye ŋgâ: «Tíí ya Záá ŋgáʼ, ŋkyé ŋgâ psi zááme.» 10Zhʉye kəpɔŋ póʼmbwó pwó Yěsô ŋgâ a ndɛ ndzú wé ndzó ŋgɔŋ wɔŋ! 11A kɛ ghɛmbɛ kɛrɛ ŋkhúnab pɛ́ zó tsi ŋkə́ŋ. 12Pɛ zhʉye kəpɔŋ póʼmbwó pwó Yěsô ŋgâ: «Zhyɛ́ psi ŋkuŋɔ mbəb pɛ ŋkhúnab piŋ!» 13Yěsô psyɛ́ néré fɛ́ ne pɔ́b. Pɔ́b twɔ́ mbəb ŋɔŋ wɛ́, ŋkuŋɔ mbəb pɛ ŋkhúnab. Pɔ́b yɔ́ɔ́ ndéé twɔ́ ne gháá pɛ́rɛ́ paŋ mvɔ́ nse pfó. Pɔ́b kɛ pe yɔ́b ŋkáb yípáá. 14Pɔŋ pɛ́ pɔ́b kɛ psyɛ́bɛ ŋkhúnab nɛ́ yɔ́ɔ́ ndéé, ŋgú, ndaʼ no yɛ́ a kɛ záʼ náá nɛ́ pwó pɔŋ ndzó mbɛ́lʉ́ŋ pwɛ pɛ yaʼ. Pɔŋ ŋkʉ́yó njʉ́ no yɛ́ a kɛ záʼ nɛ́. 15Pɔ́b ŋkʉ́yó mbáŋa pfúŋɔ́ Yěsô. Ŋɔŋ wɛ́ zhʉye kəpɔŋ Záá ŋgáʼ kɛ twɔ́ mbəb ye nɛ́, kɛ gbéé ndzwé pé, ŋgɔ́rɔ́ ne kpee Yěsô, ŋgɛmbɛ zé tó ye kɛ khú. Vod gbáá wɔ́b. 16Pɔŋ pɛ́ pɔ́b kɛ zhʉ́ nɛ́, sə́ŋɛ́ wɔ́b ne no yɛ́ a kɛ záʼ mbəb ŋɔŋ wɛ́ zhʉye kəpɔŋ kɛ pɛ mbəb ye nɛ́, mbɛ ne yɛ́ a kɛ zaʼa mbəb pɛ ŋkhúnab nɛ́. 17Néré pɔŋ zyé póʼómbwó pwó Yěsô ŋgâ a ŋáá ŋgɔŋ pɔ́b ŋgú ntaŋa sesɛ. 18Ŋkhoʼyɛ́ Yěsô kɛ ŋkuŋɔ ndzó páŋ nɛ́, ŋɔŋ wɛ́ zhʉye kəpɔŋ kɛ twɔ́ mbəb ye nɛ́ tsɔ́ pwó ye ŋgâ: «Mə mbóʼómbwó, tee paʼa ghú!» 19Ntsʉʼmbé Yěsô pe psyɛ pó. Mbó ntsɔ́ pwó ye pe ŋgâ: «Ghǔ ywoʼ wo, pfúŋɔ́ pɔŋ pɛ́ pɔ́b zɛ́ wo nɛ́. Ntsɔ́ njʉ́ Ntsɛɛpɔŋ máʼ vɔ̌no ndɔ́ɔ́ wo, mbó nsó no yɛ́ a zhyɛ́ mbəb wo nɛ́.» 20Ŋɔŋ wéré ghú ndzó pɛ́rɛ́ ŋgɔŋ yɛ́ pe kɛ fú ŋgâ Vwɔ́ mbɛ́lʉ́ŋ nɛ́. Ncʉ́rí no yɛ́ Yěsô kɛ zhyɛ́ mbəb náá nɛ́. No ntsɛ́ɛ́ pɔŋ pɛ́ pɔ́b kɛ zoʼ nɛ́.
Yěsô tʉ́ŋ ntsɛ́ɛ́ ghɔŋ pú vó
(Mat 9:18-26; Lúk 8:40-56)
21Njʉ́ Yěsô kɛ yɔ́ɔ́ páŋ pód ndzəb ne yiŋ ndzaʼa nse nɛ́, pɔŋ zááme nterɛ́ pfúŋɔ́ ye ne gháánse. 22Njʉ́ a kɛ ghɛmbɛ a kɛ kɛrɛ ne gháánse nɛ́, taʼ ntsɛ́ssó ndántéré pɛ Yúda wɛ́ tíí mbé Zharʉsə nɛ́, páŋ. A zhʉ́ Yěsô, mvɔ́ ne kpee mé. 23Mbóʼmbwó pwó ye kaʼatɛ ŋgâ: «Mɔ́ŋ ya wé məŋgʉ́yé ntsɛ́ɛ́ mésɔ vó! Ŋkʉ́yó nzáb mbwó mo mbəb ye, a zú, ntsó mvé!» 24Pú Yěsô ghɛ́ ŋgû, pɔŋ zááme zɔŋɔ wé, mbó fɛrɛ wé. 25Taʼ məŋgʉ́yé pɛ yóʼó nsə cʉ̌yi mbəb ye féré ŋkhoʼyɔŋ ne ntsɔ̌b ŋgǒʼmvé yípáá. 26A kɛ zhʉ́ ŋgəʼo ndzó mbwó pɛ ndɔŋta zááme. Mbúbú ŋkɔŋɔ ye yɔ́b náá ndúŋú ntsʉʼ ké mbé fwó pó. Ntsʉʼmbé, ghɔŋ ké mêmě mvii. 27Məŋgʉyé wéré kɛ zoʼ no yɛ́ pe kɛ tsɔ́ ŋkyé Yěsô nɛ́, nyáʼá ŋkʉ́yó ndzɔ́ʼɔ́ pɔŋ ndzəb Yěsô ŋkébé ndzwé ye. 28A kɛ ntsɔ́ ndzó ndzɔʼ ye ŋgâ: «A pɛ́ɛ́ yɛ́ mə ŋkébé ndaʼ ndzwé nɛ́, mbǒ mə ndzú.» 29Fǐme nɛ́, tsə yɛ́ a kɛ cʉ̌yi mbəb ye nɛ́ tsébé, a pó ndzoʼo mbəb ye njʉ́ ghɔŋ ye kɛ fwó nɛ́. 30Ŋkhoʼyéré, Yěsô zoʼ ŋgâ taʼ tʉ̌ŋ twɔ́ mbəb ye. A séd mbəb ye tsetsɛrɛ pɔŋ, mbzírí ŋgâ: «A ŋkébé wɔ́, ŋkébé ndzwé ya?» 31ŋgíŋgye pe pɔ́rɔ́ pwó ye ŋgâ: «Wo kɛ́ʼɛ́ njʉ́ pɔŋ fɛ́rɛ wo, wo psirɛ́ ŋgâ: “A ŋkébé wɔ́ ŋkébé ya?”» 32Ntsʉʼmbé, Yěsô ntíŋí wɔ́b ndzyɛ̂ ne njʉ́ne ŋɔŋ wɛ́ a zhyɛ́ yéré no nɛ́. 33Njʉ́ məŋgʉ́yé wéré kɛ pɔ́ɔ́ mbó mvɔ́rɔ́ ŋkyé no yɛ́ a kɛ záʼá mbəb ye nɛ́, a suʼú mbəb ye, mvɔ́ ne kpee Yěsô, nsó ŋkɔŋɔ no sísíŋ náá pwó ye. 34Yěsô ntsɔ́ pwó ye ŋgâ: «Mɔ́ŋ ya, psyɛ́ndzɔʼ yo kpéé wo. Njʉ́ mbəb wo fwó nɛ́, ghú ne mbúru, ntséʼé fwó ghɔŋ.» 35Ŋkhoʼyɛ́ Yěsô kɛ ntsɔ́ néré nɛ́, pɔŋ twɔ́ yóʼó ntsɛ́ssó ndántéré pɛ Yúda ŋkʉ́yó, ntsɔ́ pwó ye ŋgâ: «Mɔ́ŋ wo wé məŋgʉ́yé wɛ́ pfó, Wo pó mváʼá Kéʼeyáŋ pe ne kɔ́?» 36Ntsʉʼmbé, Yěsô pó psyé ntəŋé ne no yɛ́ pɔ́b kɛ tsɔ́ nɛ́ pó, mbó ntsɔ́ pwó ntsɛ́ssó ndántéré pɛ Yúda ŋgâ: «Ndɛ mbɔ́ɔ́! Ké ntséʼɛ́ ndaʼ psyɛ́ndzɔʼ!» 37A kɛ psyɛ́ ŋgâ ŋɔŋ tyáŋa wé fáá ndaʼ Pětro, Zhakə ne mɔ́ŋmɛ́ ye Zhâŋ pó. 38Pɔ́b paŋa ndáb Zharʉsə. Yěsô zhʉ́ njʉ́ pɔŋ gbíí mbəb yɔ́b, ŋkhɔ́ ŋgéʼé ne tʉ̌ŋ nɛ́. 39A ŋkuŋɔ ndáb, ntsɔ́ ne pɔ́b ŋgâ: «Puŋ gbíí mbəb yúŋ mbó ŋkhɔ̌ kɔ́? Mɔ́ŋ pfó pó, a zhyé zhyé.» 40Pɔŋ pó ntuŋɔ́ wé túŋú. Ghɛmbɛ́ néré, a túbú ŋkɔŋɔ wɔ́b náá. Ndɔ́ɔ́ tɛd Mɔ́ŋ pú mɛ́ Mɔ́ŋ pwɛ pɛkpee pe, pú pɔ́b kúŋɔ́ ndzó ywoʼ yɛ́ Mɔ́ŋ kɛ nu nɛ́. 41A gbáá pwó Mɔ́ŋ nsó ŋgâ: «Talita kúmi!» Kee tsi nsó wéré pɛ́ɛ́ ŋgâ: «A ntsɔ́ mo pwó wo! Mɔ́ŋ məŋgʉ́yé, zɛ́bɛ!» 42Kpaʼ ŋkhoʼyéré, Mɔ́ŋ məŋgʉ́yé wéré ŋáá syé, nyi, ŋkyé ŋgâ a kɛ ntséʼé ntsɔ̌b ŋgǒʼmvé yípáá. Néré tó ŋkɔŋɔ wɔ́b náá vaʼ. 43Yěsô tʉ́ʼe ntəŋé mɔ́b ŋgâ kii pɔ́b zhyɛ́ ŋɔŋ zé, ké mbó ntsɔ́ ne pɔ́b ŋgâ pɔ́b fɛ́ mwɔ̌zó pwó Mɔ́ŋ məŋgʉ́yé wéré.
ទើបបានជ្រើសរើសហើយ៖
Máákuusə 5: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Máákuusə 5
5
Yěsô pɛ́d taʼ ŋɔŋ wɛ́ zhʉye kəpɔŋ mbəb ye nɛ́
(Mat 8:28-34; Lúk 8:26-39)
1Yěsô pwɛ ŋgíŋgyé pe páŋa ne yiŋ ndzáʼánse tsɛ́muŋɛ́, ndzó ŋgɔŋ pɛ Zheraseniyɛŋ. 2Njʉ́ Yěsô kɛ shíí ndzó páŋ nɛ́, kpaʼ ŋkhoʼyéré, taʼ ŋɔŋ wɛ́ zhʉye kəpɔŋ kɛ pɛ mbəb ye nɛ́, twɔ́ ndzɔ́ʼɔ́ pɛ ŋgoʼ yɛ́ pé cʉ́ pɔŋ yóʼó nɛ́, ŋkʉ́yó pfúŋɔ́ ye. 3A kɛ ghɛ́mbɛ tɛ́ɛ́mbɛ ŋɔŋ pó mbé kuʼɔ ne ŋkwódne wé pó, mbɛ ne tsáŋ. A kɛ ntsó ye pe ndzó pɛ sye. 4ŋkyé ŋgâ, pe kɛ záá máʼá kapoʼ ndzó kpee mé, mbó ŋkwód wé ne tsáŋ, ntsʉʼmbé, a ké ntséé ntsáŋ tséé mbó mboʼo kapoʼ péré. Ndíí ŋɔŋ pó mbé kuʼɔ ne fědne wé pó. 5Netsúʼ pwɛ nwɔ̌nsó, a kɛ ké mbɛ̌ ndzó pɛ sye pwɛ pɛ ŋkə́ŋ kii fúrú. Ngéʼé mbó gbɛ́rɛ mbəb ye ne pɛ ŋgɔʼ. 6Njʉ́ a kɛ zhʉ́ Yěsô taŋa sesɛ nɛ́, a khí ndéé ŋkʉ́yó ntəd kweʼé mé síŋ ye. 7Ŋɔŋ wéré ghéʼ, nsó ne ntʉŋ ŋgâ: «Yěsô, Mɔ́ŋ Mboʼmvé wɛ́ kpaʼ pépéé nɛ́, wo zɔŋɔ kɔ́ ne mo? Mə mbóʼómbwó pwó wo, ne ntii Mboʼmvé, ndɛ níŋ ya nzɔ́ʼɔ́ ŋgəʼo!» 8ŋkyé ŋgâ Yěsô kɛ tsɔ́ pwó ye ŋgâ: «Zhʉye kəpɔŋ, twɔ́ mbəb ŋɔŋ wɔŋ!» 9Yěsô psirɛ́ wé ŋgâ: «Tíí wo kɔ́?» A pɔ́rɔ́ pwó ye ŋgâ: «Tíí ya Záá ŋgáʼ, ŋkyé ŋgâ psi zááme.» 10Zhʉye kəpɔŋ póʼmbwó pwó Yěsô ŋgâ a ndɛ ndzú wé ndzó ŋgɔŋ wɔŋ! 11A kɛ ghɛmbɛ kɛrɛ ŋkhúnab pɛ́ zó tsi ŋkə́ŋ. 12Pɛ zhʉye kəpɔŋ póʼmbwó pwó Yěsô ŋgâ: «Zhyɛ́ psi ŋkuŋɔ mbəb pɛ ŋkhúnab piŋ!» 13Yěsô psyɛ́ néré fɛ́ ne pɔ́b. Pɔ́b twɔ́ mbəb ŋɔŋ wɛ́, ŋkuŋɔ mbəb pɛ ŋkhúnab. Pɔ́b yɔ́ɔ́ ndéé twɔ́ ne gháá pɛ́rɛ́ paŋ mvɔ́ nse pfó. Pɔ́b kɛ pe yɔ́b ŋkáb yípáá. 14Pɔŋ pɛ́ pɔ́b kɛ psyɛ́bɛ ŋkhúnab nɛ́ yɔ́ɔ́ ndéé, ŋgú, ndaʼ no yɛ́ a kɛ záʼ náá nɛ́ pwó pɔŋ ndzó mbɛ́lʉ́ŋ pwɛ pɛ yaʼ. Pɔŋ ŋkʉ́yó njʉ́ no yɛ́ a kɛ záʼ nɛ́. 15Pɔ́b ŋkʉ́yó mbáŋa pfúŋɔ́ Yěsô. Ŋɔŋ wɛ́ zhʉye kəpɔŋ Záá ŋgáʼ kɛ twɔ́ mbəb ye nɛ́, kɛ gbéé ndzwé pé, ŋgɔ́rɔ́ ne kpee Yěsô, ŋgɛmbɛ zé tó ye kɛ khú. Vod gbáá wɔ́b. 16Pɔŋ pɛ́ pɔ́b kɛ zhʉ́ nɛ́, sə́ŋɛ́ wɔ́b ne no yɛ́ a kɛ záʼ mbəb ŋɔŋ wɛ́ zhʉye kəpɔŋ kɛ pɛ mbəb ye nɛ́, mbɛ ne yɛ́ a kɛ zaʼa mbəb pɛ ŋkhúnab nɛ́. 17Néré pɔŋ zyé póʼómbwó pwó Yěsô ŋgâ a ŋáá ŋgɔŋ pɔ́b ŋgú ntaŋa sesɛ. 18Ŋkhoʼyɛ́ Yěsô kɛ ŋkuŋɔ ndzó páŋ nɛ́, ŋɔŋ wɛ́ zhʉye kəpɔŋ kɛ twɔ́ mbəb ye nɛ́ tsɔ́ pwó ye ŋgâ: «Mə mbóʼómbwó, tee paʼa ghú!» 19Ntsʉʼmbé Yěsô pe psyɛ pó. Mbó ntsɔ́ pwó ye pe ŋgâ: «Ghǔ ywoʼ wo, pfúŋɔ́ pɔŋ pɛ́ pɔ́b zɛ́ wo nɛ́. Ntsɔ́ njʉ́ Ntsɛɛpɔŋ máʼ vɔ̌no ndɔ́ɔ́ wo, mbó nsó no yɛ́ a zhyɛ́ mbəb wo nɛ́.» 20Ŋɔŋ wéré ghú ndzó pɛ́rɛ́ ŋgɔŋ yɛ́ pe kɛ fú ŋgâ Vwɔ́ mbɛ́lʉ́ŋ nɛ́. Ncʉ́rí no yɛ́ Yěsô kɛ zhyɛ́ mbəb náá nɛ́. No ntsɛ́ɛ́ pɔŋ pɛ́ pɔ́b kɛ zoʼ nɛ́.
Yěsô tʉ́ŋ ntsɛ́ɛ́ ghɔŋ pú vó
(Mat 9:18-26; Lúk 8:40-56)
21Njʉ́ Yěsô kɛ yɔ́ɔ́ páŋ pód ndzəb ne yiŋ ndzaʼa nse nɛ́, pɔŋ zááme nterɛ́ pfúŋɔ́ ye ne gháánse. 22Njʉ́ a kɛ ghɛmbɛ a kɛ kɛrɛ ne gháánse nɛ́, taʼ ntsɛ́ssó ndántéré pɛ Yúda wɛ́ tíí mbé Zharʉsə nɛ́, páŋ. A zhʉ́ Yěsô, mvɔ́ ne kpee mé. 23Mbóʼmbwó pwó ye kaʼatɛ ŋgâ: «Mɔ́ŋ ya wé məŋgʉ́yé ntsɛ́ɛ́ mésɔ vó! Ŋkʉ́yó nzáb mbwó mo mbəb ye, a zú, ntsó mvé!» 24Pú Yěsô ghɛ́ ŋgû, pɔŋ zááme zɔŋɔ wé, mbó fɛrɛ wé. 25Taʼ məŋgʉ́yé pɛ yóʼó nsə cʉ̌yi mbəb ye féré ŋkhoʼyɔŋ ne ntsɔ̌b ŋgǒʼmvé yípáá. 26A kɛ zhʉ́ ŋgəʼo ndzó mbwó pɛ ndɔŋta zááme. Mbúbú ŋkɔŋɔ ye yɔ́b náá ndúŋú ntsʉʼ ké mbé fwó pó. Ntsʉʼmbé, ghɔŋ ké mêmě mvii. 27Məŋgʉyé wéré kɛ zoʼ no yɛ́ pe kɛ tsɔ́ ŋkyé Yěsô nɛ́, nyáʼá ŋkʉ́yó ndzɔ́ʼɔ́ pɔŋ ndzəb Yěsô ŋkébé ndzwé ye. 28A kɛ ntsɔ́ ndzó ndzɔʼ ye ŋgâ: «A pɛ́ɛ́ yɛ́ mə ŋkébé ndaʼ ndzwé nɛ́, mbǒ mə ndzú.» 29Fǐme nɛ́, tsə yɛ́ a kɛ cʉ̌yi mbəb ye nɛ́ tsébé, a pó ndzoʼo mbəb ye njʉ́ ghɔŋ ye kɛ fwó nɛ́. 30Ŋkhoʼyéré, Yěsô zoʼ ŋgâ taʼ tʉ̌ŋ twɔ́ mbəb ye. A séd mbəb ye tsetsɛrɛ pɔŋ, mbzírí ŋgâ: «A ŋkébé wɔ́, ŋkébé ndzwé ya?» 31ŋgíŋgye pe pɔ́rɔ́ pwó ye ŋgâ: «Wo kɛ́ʼɛ́ njʉ́ pɔŋ fɛ́rɛ wo, wo psirɛ́ ŋgâ: “A ŋkébé wɔ́ ŋkébé ya?”» 32Ntsʉʼmbé, Yěsô ntíŋí wɔ́b ndzyɛ̂ ne njʉ́ne ŋɔŋ wɛ́ a zhyɛ́ yéré no nɛ́. 33Njʉ́ məŋgʉ́yé wéré kɛ pɔ́ɔ́ mbó mvɔ́rɔ́ ŋkyé no yɛ́ a kɛ záʼá mbəb ye nɛ́, a suʼú mbəb ye, mvɔ́ ne kpee Yěsô, nsó ŋkɔŋɔ no sísíŋ náá pwó ye. 34Yěsô ntsɔ́ pwó ye ŋgâ: «Mɔ́ŋ ya, psyɛ́ndzɔʼ yo kpéé wo. Njʉ́ mbəb wo fwó nɛ́, ghú ne mbúru, ntséʼé fwó ghɔŋ.» 35Ŋkhoʼyɛ́ Yěsô kɛ ntsɔ́ néré nɛ́, pɔŋ twɔ́ yóʼó ntsɛ́ssó ndántéré pɛ Yúda ŋkʉ́yó, ntsɔ́ pwó ye ŋgâ: «Mɔ́ŋ wo wé məŋgʉ́yé wɛ́ pfó, Wo pó mváʼá Kéʼeyáŋ pe ne kɔ́?» 36Ntsʉʼmbé, Yěsô pó psyé ntəŋé ne no yɛ́ pɔ́b kɛ tsɔ́ nɛ́ pó, mbó ntsɔ́ pwó ntsɛ́ssó ndántéré pɛ Yúda ŋgâ: «Ndɛ mbɔ́ɔ́! Ké ntséʼɛ́ ndaʼ psyɛ́ndzɔʼ!» 37A kɛ psyɛ́ ŋgâ ŋɔŋ tyáŋa wé fáá ndaʼ Pětro, Zhakə ne mɔ́ŋmɛ́ ye Zhâŋ pó. 38Pɔ́b paŋa ndáb Zharʉsə. Yěsô zhʉ́ njʉ́ pɔŋ gbíí mbəb yɔ́b, ŋkhɔ́ ŋgéʼé ne tʉ̌ŋ nɛ́. 39A ŋkuŋɔ ndáb, ntsɔ́ ne pɔ́b ŋgâ: «Puŋ gbíí mbəb yúŋ mbó ŋkhɔ̌ kɔ́? Mɔ́ŋ pfó pó, a zhyé zhyé.» 40Pɔŋ pó ntuŋɔ́ wé túŋú. Ghɛmbɛ́ néré, a túbú ŋkɔŋɔ wɔ́b náá. Ndɔ́ɔ́ tɛd Mɔ́ŋ pú mɛ́ Mɔ́ŋ pwɛ pɛkpee pe, pú pɔ́b kúŋɔ́ ndzó ywoʼ yɛ́ Mɔ́ŋ kɛ nu nɛ́. 41A gbáá pwó Mɔ́ŋ nsó ŋgâ: «Talita kúmi!» Kee tsi nsó wéré pɛ́ɛ́ ŋgâ: «A ntsɔ́ mo pwó wo! Mɔ́ŋ məŋgʉ́yé, zɛ́bɛ!» 42Kpaʼ ŋkhoʼyéré, Mɔ́ŋ məŋgʉ́yé wéré ŋáá syé, nyi, ŋkyé ŋgâ a kɛ ntséʼé ntsɔ̌b ŋgǒʼmvé yípáá. Néré tó ŋkɔŋɔ wɔ́b náá vaʼ. 43Yěsô tʉ́ʼe ntəŋé mɔ́b ŋgâ kii pɔ́b zhyɛ́ ŋɔŋ zé, ké mbó ntsɔ́ ne pɔ́b ŋgâ pɔ́b fɛ́ mwɔ̌zó pwó Mɔ́ŋ məŋgʉ́yé wéré.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល