Máákuusə 16
16
Pěŋgyé ghú tswee sye Yěsô
(Mat 28:1-8; Lúk 24:1-11; Zhâ 20:1)
1Njʉ́ zhyéze pɛ Yúda kɛ záʼ nɛ́, Malya wɛ́ pe kɛ fú ne Matali nɛ́, Malya mɛ́ Zhakə pú Salome zúŋ vód tswɔtwɔ́ ŋgú ne núʼne pfɔ́ Yěsô núŋ. 2Sɔ́ zhyémvé ne ŋgabtáŋ pɛ Yúda, kpaʼ ne fʉ́ʉ́ wáá, ŋkhoʼyɛ́ ménab kɛ ke kɛ sáʼá sáʼá nɛ́, pɔ́b ghú ntswee sye. 3Pɔ́b kɛ nyí mvirɛ mbəb yɔ́b ŋgâ: «A sǔʼɔ́ wɔ́ sǔʼɔ́ ŋgɔʼ yɛ́ pé fuŋ ntswěsye núŋ nɛ́ fɛ́ ne piŋi?» 4Njʉ́ pɔ́b kɛ tsɔ́ néré nɛ́, pɔ́b ghɛ́ mbuʼɔ tó yɔ́b, njʉ́ ntswee yé, mbǒ pe kɛ suʼú ŋgɔʼ. Ŋgɔʼ yéré tsʉʼ kɛ ghɛ́ɛ́ kaʼatɛ. 5Pɔ́b kuŋɔ ndzó sye, njʉ́ taʼ ŋkɔ́ʼŋɔŋ, a gbéé ndzwé ffə́fó, ŋgɔ́rɔ́ ne ndzaʼ pwó yɔ́b yé maʼ. Vod gbáá wɔ́b. 6Ŋɔŋ wéré tsɔ́ ne pɔ́b ŋgâ: «Kii puŋ ndɛ mbɔ́ɔ́. Puŋ táʼá Yěsô ŋɔŋ Nǎzarɛd wɛ́ pe kpǐ wé ndúŋ ŋgʉŋʉ nɛ́! A zhʉyɛ́ ne vó. A ghaŋ ŋkʉ́rʉ́ pó. Puŋ zhʉ́ ywoʼ yɛ́ pe pě núŋɔ́ wé nɛ́. 7Ntsʉʼmbé, puŋ ghú ntsɔ́ pwó ŋgíŋgye pe pú Pětro ŋgâ: “A kpɛ́ɛ́ síŋ puŋ ndzwə́ʼɛ́ wuŋ Galílya. A ywoʼ yɛ́ puŋ njʉ́ wé, njʉ́ a kɛ ntsɔ́ ne puŋ nɛ́.”» 8Pɔ́b twɔ́ ŋkhí, ŋgú taŋa yɔ́b sáá, ŋkyé ŋgâ yéré no kɛ ntsɛ́ɛ́ wɔ́b, vod po gbáá wɔ́b. Pɔ́b kɛ pe nsó no pwó ŋɔŋ pó, ŋkyé pɔ́ɔ́.
Yěsô nyoʼ mbəb ye pwó Malya wɛ́ pe kɛ fú ne Matali nɛ́
9Sɔ́ zhyémvé ne ŋgabtáŋ pɛ Yúda, ne ndzɔʼɔwáá, Yěsô zhʉyɛ́ ne vó, mbéé nyoʼ mbəb ye pwó Malya wɛ́ pe kɛ fú ne Matali nɛ́, məŋgʉ́yé wɛ́ a kɛ tubu zhʉye kəpɔŋ pesambáá mbəb yé nɛ́. 10Njʉ́ pɔŋ pɛ pwɛ Yěsô kɛ pɛ nɛ́, kɛ pɛ ndzɔ́ʼɔ́ vó pwɛ yaŋ nɛ́, Malya wéré kʉ́yó sɔ́ŋɔ́ wɔ́b ne no yɛ́ a kɛ zhʉ́ nɛ́. 11Ŋkhoʼyɛ́ pɔ́b kɛ zoʼ ŋgâ Yěsô zhʉyɛ́ ne vó kaʼatɛ Malya zhʉ́ wé nɛ́, pɔ́b pé psyɛ́ pó. 12Néré, Yěsô nyoʼ mbəb yé ne cyó mbziʼe pwó ŋgíŋgyé pé pepáá pɛ pɔ́b kɛ ghú yáʼ nɛ́. 13Pɔ́b pód ndzəb ntsɔ́ pwó pecyó ŋgíŋgyé Yěsô. Ŋgɛmbɛ, pɔ́b ké mbé psyɛ́ wɔ́b pó. 14Yěsô nyoʼ mbəb ye ŋkʉ́rʉ́ pwó ntsɔ̌b taʼ ŋgíŋgyé pé ŋkhoʼyɛ́ pɔ́b kɛ zɔ mɔ́b nɛ́. A fiʼ fiʼ tó pɔ́b ŋkyé ndzɛ̌ne mɔ́b pwɛ tʉŋɔ ndzɔʼ yɔ́b. Njʉ́ pɔ́b kɛ psyɛ́ nsó pɔŋ pɛ, pɔ́b kɛ zhʉ́ wé ŋkhoʼyɛ́ a kɛ zhʉyɛ́ ne vó nɛ́ pó! 15Yěsô ké mbó ntsɔ́ ne pɔ́b ŋgâ: «Puŋ ghú ndzó pɛ mbǎʼmvé ncʉri Ŋkəŋ sʉ́ʼʉ pwó ŋkɔŋɔ pɔŋ náá. 16Ŋɔŋ wɛ́ a psyɛ́ mbó kpênse nɛ́, ndzú. Ntsʉʼmbé, ŋɔŋ wɛ́ a psyɛ nɛ́ pó Mboʼmvé náʼá fúŋɔ́ wé. 17Kiŋi yɛ́ a tyáŋa pɔŋ pɛ pɔ́b psyɛ́ nɛ́ pe nɔŋ: pɔ́b ndzú pɛ zhʉye kəpɔŋ ne tíí ya, ntsɔ́ pɛ́ nsó pɛ pɔ́b zéʼ nɛ́ pó. 18A pɛ́ɛ́ yɛ́ pɔ́b gbáá pɛ nɔ́ ne mbwó mɔ́b nɛ́, a pɛ́ɛ́ yɛ́ pɔ́b nɔ́ mbɛ cyó tíʼ nɛ́, mbǒ cyó yɔ́b ŋgyɛ́ wɔ́b pó. Pɔ́b ŋkʉ́yó ndzaba mbwó mɔ́b mbəb ghaŋághɔŋ, pɔ́b fwó.» 19Ŋkhoʼyɛ́ Ntsɛɛpɔŋ Yěsô kɛ nsó kɛ́ʼɛ́ nɛ́, Mboʼmvé kuʼɔ wé, a kɔ́ʼɔ́ pépéé, ŋgɔ́rɔ́ ne ndzaʼ pwó yé, yé maʼ. 20Ŋgɛmbɛ ne ŋgíŋgyé Yěsô, pɔ́b ghú ndzó ŋkɔŋɔ ywoʼ náá ncʉrɛ Ŋkəŋ sʉ́ʼʉ. Pwɛ Ntsɛɛpɔŋ fáʼa, a ghɛbɛ́ wɔ́b, ntuʼɔ́ wɔ́b, pɔ́b zhyɛ́ meno shʉyédme, mɛ́ a kɛ nyóʼó ŋgâ nsó wɔ́b kɛ twɔ̌ pwó Mboʼmvé nɛ́.
ទើបបានជ្រើសរើសហើយ៖
Máákuusə 16: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Máákuusə 16
16
Pěŋgyé ghú tswee sye Yěsô
(Mat 28:1-8; Lúk 24:1-11; Zhâ 20:1)
1Njʉ́ zhyéze pɛ Yúda kɛ záʼ nɛ́, Malya wɛ́ pe kɛ fú ne Matali nɛ́, Malya mɛ́ Zhakə pú Salome zúŋ vód tswɔtwɔ́ ŋgú ne núʼne pfɔ́ Yěsô núŋ. 2Sɔ́ zhyémvé ne ŋgabtáŋ pɛ Yúda, kpaʼ ne fʉ́ʉ́ wáá, ŋkhoʼyɛ́ ménab kɛ ke kɛ sáʼá sáʼá nɛ́, pɔ́b ghú ntswee sye. 3Pɔ́b kɛ nyí mvirɛ mbəb yɔ́b ŋgâ: «A sǔʼɔ́ wɔ́ sǔʼɔ́ ŋgɔʼ yɛ́ pé fuŋ ntswěsye núŋ nɛ́ fɛ́ ne piŋi?» 4Njʉ́ pɔ́b kɛ tsɔ́ néré nɛ́, pɔ́b ghɛ́ mbuʼɔ tó yɔ́b, njʉ́ ntswee yé, mbǒ pe kɛ suʼú ŋgɔʼ. Ŋgɔʼ yéré tsʉʼ kɛ ghɛ́ɛ́ kaʼatɛ. 5Pɔ́b kuŋɔ ndzó sye, njʉ́ taʼ ŋkɔ́ʼŋɔŋ, a gbéé ndzwé ffə́fó, ŋgɔ́rɔ́ ne ndzaʼ pwó yɔ́b yé maʼ. Vod gbáá wɔ́b. 6Ŋɔŋ wéré tsɔ́ ne pɔ́b ŋgâ: «Kii puŋ ndɛ mbɔ́ɔ́. Puŋ táʼá Yěsô ŋɔŋ Nǎzarɛd wɛ́ pe kpǐ wé ndúŋ ŋgʉŋʉ nɛ́! A zhʉyɛ́ ne vó. A ghaŋ ŋkʉ́rʉ́ pó. Puŋ zhʉ́ ywoʼ yɛ́ pe pě núŋɔ́ wé nɛ́. 7Ntsʉʼmbé, puŋ ghú ntsɔ́ pwó ŋgíŋgye pe pú Pětro ŋgâ: “A kpɛ́ɛ́ síŋ puŋ ndzwə́ʼɛ́ wuŋ Galílya. A ywoʼ yɛ́ puŋ njʉ́ wé, njʉ́ a kɛ ntsɔ́ ne puŋ nɛ́.”» 8Pɔ́b twɔ́ ŋkhí, ŋgú taŋa yɔ́b sáá, ŋkyé ŋgâ yéré no kɛ ntsɛ́ɛ́ wɔ́b, vod po gbáá wɔ́b. Pɔ́b kɛ pe nsó no pwó ŋɔŋ pó, ŋkyé pɔ́ɔ́.
Yěsô nyoʼ mbəb ye pwó Malya wɛ́ pe kɛ fú ne Matali nɛ́
9Sɔ́ zhyémvé ne ŋgabtáŋ pɛ Yúda, ne ndzɔʼɔwáá, Yěsô zhʉyɛ́ ne vó, mbéé nyoʼ mbəb ye pwó Malya wɛ́ pe kɛ fú ne Matali nɛ́, məŋgʉ́yé wɛ́ a kɛ tubu zhʉye kəpɔŋ pesambáá mbəb yé nɛ́. 10Njʉ́ pɔŋ pɛ pwɛ Yěsô kɛ pɛ nɛ́, kɛ pɛ ndzɔ́ʼɔ́ vó pwɛ yaŋ nɛ́, Malya wéré kʉ́yó sɔ́ŋɔ́ wɔ́b ne no yɛ́ a kɛ zhʉ́ nɛ́. 11Ŋkhoʼyɛ́ pɔ́b kɛ zoʼ ŋgâ Yěsô zhʉyɛ́ ne vó kaʼatɛ Malya zhʉ́ wé nɛ́, pɔ́b pé psyɛ́ pó. 12Néré, Yěsô nyoʼ mbəb yé ne cyó mbziʼe pwó ŋgíŋgyé pé pepáá pɛ pɔ́b kɛ ghú yáʼ nɛ́. 13Pɔ́b pód ndzəb ntsɔ́ pwó pecyó ŋgíŋgyé Yěsô. Ŋgɛmbɛ, pɔ́b ké mbé psyɛ́ wɔ́b pó. 14Yěsô nyoʼ mbəb ye ŋkʉ́rʉ́ pwó ntsɔ̌b taʼ ŋgíŋgyé pé ŋkhoʼyɛ́ pɔ́b kɛ zɔ mɔ́b nɛ́. A fiʼ fiʼ tó pɔ́b ŋkyé ndzɛ̌ne mɔ́b pwɛ tʉŋɔ ndzɔʼ yɔ́b. Njʉ́ pɔ́b kɛ psyɛ́ nsó pɔŋ pɛ, pɔ́b kɛ zhʉ́ wé ŋkhoʼyɛ́ a kɛ zhʉyɛ́ ne vó nɛ́ pó! 15Yěsô ké mbó ntsɔ́ ne pɔ́b ŋgâ: «Puŋ ghú ndzó pɛ mbǎʼmvé ncʉri Ŋkəŋ sʉ́ʼʉ pwó ŋkɔŋɔ pɔŋ náá. 16Ŋɔŋ wɛ́ a psyɛ́ mbó kpênse nɛ́, ndzú. Ntsʉʼmbé, ŋɔŋ wɛ́ a psyɛ nɛ́ pó Mboʼmvé náʼá fúŋɔ́ wé. 17Kiŋi yɛ́ a tyáŋa pɔŋ pɛ pɔ́b psyɛ́ nɛ́ pe nɔŋ: pɔ́b ndzú pɛ zhʉye kəpɔŋ ne tíí ya, ntsɔ́ pɛ́ nsó pɛ pɔ́b zéʼ nɛ́ pó. 18A pɛ́ɛ́ yɛ́ pɔ́b gbáá pɛ nɔ́ ne mbwó mɔ́b nɛ́, a pɛ́ɛ́ yɛ́ pɔ́b nɔ́ mbɛ cyó tíʼ nɛ́, mbǒ cyó yɔ́b ŋgyɛ́ wɔ́b pó. Pɔ́b ŋkʉ́yó ndzaba mbwó mɔ́b mbəb ghaŋághɔŋ, pɔ́b fwó.» 19Ŋkhoʼyɛ́ Ntsɛɛpɔŋ Yěsô kɛ nsó kɛ́ʼɛ́ nɛ́, Mboʼmvé kuʼɔ wé, a kɔ́ʼɔ́ pépéé, ŋgɔ́rɔ́ ne ndzaʼ pwó yé, yé maʼ. 20Ŋgɛmbɛ ne ŋgíŋgyé Yěsô, pɔ́b ghú ndzó ŋkɔŋɔ ywoʼ náá ncʉrɛ Ŋkəŋ sʉ́ʼʉ. Pwɛ Ntsɛɛpɔŋ fáʼa, a ghɛbɛ́ wɔ́b, ntuʼɔ́ wɔ́b, pɔ́b zhyɛ́ meno shʉyédme, mɛ́ a kɛ nyóʼó ŋgâ nsó wɔ́b kɛ twɔ̌ pwó Mboʼmvé nɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល