Máákuusə 15
15
Yěsô síŋ Piláto
(Mat 27:1-2, 11-26; Lúk 23:1-5, 13-25; Zhâ 18:28–19:16)
1A kɛ pé ne fʉ́ʉ́ wáá, pɛ ntsɛ́ssó ghaŋáshʉ́ téré pwɛ ghəkód pwɛ ghaŋákeʼekaŋ pwɛ ŋkɔŋɔ ghaŋásábáfiʼ kəkwéʼe náá. Ngyɛ́ pe kurɔ́ Yěsô ŋgú ne yé, fɛ́ wé pwó Piláto. 2Piláto psirɛ́ wé ŋgâ: «Wo fɔŋ pɛ Yúda?» Yěsô pód ŋgâ: «Ŋgaa wo ntsɔ́ nɛ́!» 3Ntsɛ́ssó ghaŋáshʉ́ tíí paŋ zááme tó Yěsô. 4Piláto pó mvirɛ Yěsô ŋgâ: «Wo tse mbé pɔ́rɔ́ no pɔɔ? Zoʼ meno pɛ pɔ́b tsɔ́ ne tíí wo nɛ́!» 5Ntsʉʼmbé Yěsô pe pód no pó, a tsɛ́ɛ́ Piláto.
Pe tséé fiʼ ŋgâ pé nɔ́ʼɔ́ Yěsô
6A kɛ pɛ́ ŋkɔŋɔ ndebéne náá, Piláto tubɔ taʼ ŋɔŋ wɛ́ pɔŋ psírí nɛ́, ndábtsáŋ. 7A kɛ ghɛ́ mbɛ néré, cyó ŋɔŋ pɛ́ ndábtsáŋ pwɛ sɔ́ŋ pé, tíí yé pé Barabasə. A kɛ nɔ́ʼ ŋɔŋ ŋkhoʼyɛ́ vaʼ kɛ vɔ ndzó ŋgɔŋ nɛ́. 8Pɔŋ kɔ́ʼɔ́ yóʼó Piláto, ntsɔ́ pwó yé ŋgâ, a zhyɛ́ no yɛ́ a ndɛ mbéé ŋgyɛ́ nɛ́ ne pɔ́b. 9Piláto psirɛ́ wɔ́b ŋgâ: «Puŋ zɔŋɔ ŋgâ mə fɛ́ fɔŋ pɛ́ Yúda ne puŋ?» 10Piláto kɛ zé ŋgâ ntsɛ́ssó ghaŋáshʉ́ kɛ shaŋa Yěsô shaŋa mbɔ́rɔ́ fí wé. 11Ntsʉʼmbé ntsɛ́ssó ghaŋáshʉ́ tsiŋɛ pɔŋ ŋgâ pɔ́b nsó ŋgâ a ké fɛ́ɛ́ Barabasə ne pɔ́b! 12Piláto pó mvirɛ wɔ́b ŋgâ: «Tɛ mə ŋgyɛ́ níŋ ne ŋɔŋ wɛ́ puŋ fú ne fɔŋ pɛ Yúda nɛ́?» 13Pɔ́b pó ŋgéʼ, nsó ŋgâ: «Kpii wé ndúŋú ŋgʉŋʉ!» 14Piláto pfirɛ wɔ́b ŋgâ: «A zhyɛ́ yɛ́rɛ́ no kəpɔŋ?» Ntsʉʼmbé pɔ́b pó mvíí ŋgéʼne ŋgâ: «Ké kpii wé kpǐ ndúŋú ŋgʉŋʉ.» 15Piláto túbɔ́ Barabasə fɛ́ ne pɔ́b, kɛ́ʼɛ́ ŋgâ ndzɔʼ yɔ́b yáŋ. Ŋgyɛ́ pe mgbíí Yěsô ne fě, mbó fɛ́ wé ŋgâ pe kpii wé ndúŋú ŋgʉŋʉ.
Pɛ kaŋátó túŋɔ Yěsô
(Mat 27:27-31; Zhâ 19:2-3)
16Pɛ kaŋátó ghú ne Yěsô ndzó ywoʼɔ́sábafiʼ yɛ́ a záŋ nɛ́, fú ŋkɔŋɔ pɛkpee pɔ́b náá. 17Pɔ́b gbéé ndzwé psǐpsî yé sʉ́ʼʉ#15:17 Ndzwé psǐpsî yé sʉ́ʼʉ yéré kɛ pé ndzwé péfɔŋ ndzó ŋgɔŋ Issayɛ. mbəb Yěsô. Mbaʼ mézhyɛ ne mwɔ́sɔb ndzɔ́ŋdzɔ́ŋ sɔ́ tó ye, 18kpáʼá mbwó tó yé, ntsɔ́ ŋgâ: «Psi tsɛ́ʼɛ́ nɔŋ, kɛ fɔŋ pɛ Yúda!» 19Pɔ́b gbíí tó yé ne mbeʼe, ntswə́ ntə́ mbəb ye, féd kweʼé mɔ́b síŋ yé, ŋgyɛ́ njʉ́ pɔ́b ghuʼɔ wé ghuʼu nɛ́. 20Ŋkhoʼyɛ́ pɔ́b kɛ túŋɔ wé kaʼatɛ ŋkáŋ nɛ́, pɔ́b sɔ́d ndzwé psǐpsî yɛ́ pɔ́b pě gbéé mbəb yé nɛ́. Gbéé ndáá ndzwé pe mbəb yé, ndɔ́ɔ́ wé ŋgú ne mkpǐne wé ndúŋú ŋgʉŋʉ.
Pe kpii Yěsô ndúŋú ŋgʉ́ŋʉ
(Mat 27:33-44; Lúk 23:36-43; Zhâ 19:16-24)
21Pɔ́b zíʼ taʼ ŋɔŋ wɛ́ a kɛ khú faʼ nɛ́ ŋgâ a kyɛ́ ŋgʉŋʉ yé. Ŋɔŋ wéré kɛ pe ŋɔŋ Sirɛnə tíí pe Símo, tɛd Aleʼzandrə pú Rʉfʉsə. 22Pɔ́b ghú ne Yěsô Gɔləgɔ́ta, kě tsi pe ŋgâ ywoʼ Ghəʼɛtó. 23Pɔ́b zɔŋɔ ŋgyɛ́ a nɔ́ yoʼ feréme ne mii. Tsʉ́ʼmbé a kiri. 24Pɛ kaŋátó kpíí wé ndúŋú ŋgʉŋʉ, máʼ pɛ́d ne ndzéne yɛ́ mbɛwɔ̂ ndɔ́ɔ́ nɛ́. Ŋgyɛ́ náá ŋgób ndzwé pe tsetsɛrɛ pɔ́b. 25Pɔ́b kɛ kpíí wé ndúŋú ŋgʉŋʉ ne nǎb pfuʼɔ ne ndzuhɔmvé. 26Pe kɛ ŋwéʼɛ́ ndúŋú taafrəre no yɛ́ a kɛ zhyɛ́ ŋgâ pe kpíí wé ndúŋú ŋgʉŋʉ nɛ́ ŋgâ: «Fɔŋ pɛ Yúda.» 27Pɛ kaŋátó kpíí pɛ gháŋagháŋ pepáá pfúŋɔ́ Yěsô. Taʼ yé ne ndzaʼ pwó yé, yé máʼ cyó ne ndzaʼ pwó yé, yé ŋkʉbi. [28A kɛ pé néré kɛ́ʼɛ́ ndúŋɔ ywoʼ ŋweʼe yɛ́ a tsɔ́ ŋgâ: «Pe tíí wé ndzɔ́ʼɔ́ ghaŋázhyɛ́ meno kəpɔŋ.»] 29Pɔŋ pɛ pɔ́b kɛ záʼá yóʼó nɛ́, tó wé mbó coʼo tó yɔ́b, ntsɔ́ ŋgâ: «Éee... Wo wɛ́, wo sáʼá ywoʼɔ́ze mbó kurɔ́ ne zhyémvé pekyéd nɛ́! 30Ɔ́ŋɔ́, kpéé mbəb wo ne tómbəb wo, shʉ́yí ndúŋú ŋgʉŋʉ!» 31Ntsɛ́ssó ghaŋáshʉ́ pwɛ ghaŋákeʼekaŋ kɛ ké túŋɔ yɔ́b Yěsô, ntsɔ́ ŋgâ: «A kpéé pecyó pɔŋ mbó mbé kuʼɔ ne kpěne mbəb yé ne tómbəb yé pó! 32Kristo, fɔŋ pɛ Issayɛ, shʉyí ndúŋú ŋgʉŋʉ ŋkhoʼyɔŋ! Kɛ́ʼɛ́ ŋgâ psi zhʉ́, ntséʼé psyɛ́ndzɔʼ!» Pɔŋ pɛ́, pé kɛ kpii wɔ́b ne ŋgə́ Yěsô nɛ́, kɛ ke ntó wé.
Ŋkhoʼyɛ́ Yěsô kɛ pfó nɛ́
(Mat 27:45-56; Lúk 23:44-49; Zhâ 19:28-30)
33A kɛ pe ne ntʉ̌ŋménab, tsúʼ síŋ ndzó ŋkɔŋɔ ywoʼ náá kaʼatɛ nǎb kyéd kuʼu. 34Ŋkhoʼyéré, Yěsô ghéʼ ne tʉ̌ŋ ŋgâ: «Eloyi, Eloyi, Lama sabâtani?» Kětsi nsó wéré tsɔ̌ ŋgâ: «Mboʼmvé ya! Mboʼmvé ya! Wo máʼ ya ŋkyé kɔ́?» 35Pɔ́b zoʼ, pecyó gháá: «Puŋ zhʉ́ njʉ́ a fû Elya nɛ́!» 36Cyó taʼ ŋɔŋ khí, ŋgú ntsób taʼ yɔ́b yɛ́ pe kɛ fû ne epɔ́nzhə ndzɔ́ʼɔ́ yoʼcʉyǒme. Ŋkwɔrɔ́ ndúŋú mbeʼe tyáŋa fɛ́ tswee Yěsô, nsó ŋgâ: «Puŋ zəʼé, piŋi zhʉ́ mbéyɛ́ Elya ŋkʉ́yó shʉʼɛ́ wé ghɛ́ nɛ́!» 37Yěsô ghéʼ ne tʉ̌ŋ, zhʉye yé twɔ́. 38Ndzwé kəkwéʼe yɛ́ pe kɛ cʉ, mbwɔ́ ywoʼɔ́ze núŋu nɛ́ sɛ́ɛ́, ndzyěne nsó mbáŋa syé, twɔ́ pɛ́d pepáá. 39Ntsɛ́ssó kpǐ káŋató pɛ Roma wɛ́ a kɛ tsɛ́ pfúŋɔ́ Yěsô nɛ́ zhʉ́ njʉ́ a kɛ pfó nɛ́, nsó ŋgâ: «Sísíŋ, ŋɔŋ wɔŋ kɛ pe Mɔ́ŋ Mboʼmvé!» 40Pecyó pěŋgyé kɛ tsɛ́ taŋa sesɛ ndiŋɛ́ wé. Malya wɛ́ pe kɛ fú ne Matali nɛ́, Malya mɛ́ Zhose pú Zhakə mɔ́ŋtiʼa ŋɔŋ, pwɛ Salome kɛ pɛ́ ndzɔ́ʼɔ́ pɔ́b. 41Pɔ́b kɛ zɔŋɔ Yěsô, mbó ŋgɛ́bɛ́ faʼ Yěsô pwɛ ŋgíŋgyé pe féré njʉ́ a kɛ pɛ ndzó ŋgɔŋ Galílya nɛ́. Ne pecyó pěŋgyé zááme pɛ pú pɔ́b kɛ kɔ́ʼɔ́ Yerʉ́salɛm nɛ́.
Yesə́b cʉ́ pfɔ́ Yěsô
(Mat 27:57-61; Lúk 23:50-56; Zhâ 19:38-42)
42Njʉ́ ŋkhoʼfwɔ̌nab yɛ́ mvé kɛ ghɛ́ ŋkê a pé zhyéze pɛ Yúda nɛ́ kɛ kuʼu, ŋgɛmbɛ mbé zhyé Ntsuŋɔ mbəb nɛ́, 43Yesə́b, ŋɔŋ mbɛ́lʉ́ŋ Arimate páŋ, mbé ŋɔŋ kəkwéʼe ndzɔ́ʼɔ́ ghaŋásábáfiʼ kəkwéʼe. A kɛ ké ndzwə́ʼɛ́ yé nofɔŋ Mboʼmvé. A gbaa ndzɔʼ yé ŋgú pfúŋɔ́ Piláto mbzírí pfɔ́ Yěsô pwó yé. 44Ŋkhoʼyɛ́ Piláto kɛ zoʼ ŋgâ Yěsô pfó nɛ́, a tsɛ́ɛ́ wé njʉ́ a fɛ́d pfó nɛ́ kaʼatɛ. A fú ntsɛ́ssó kpǐ káŋató pɛ Roma, mvirɛ wé mbéyɛ́ a kyáŋá njʉ́ a pfó nɛ́. 45Ntsɛ́ssó kpǐ káŋató tébɛ́ pwó yé njʉ́ meno kɛ záʼ nɛ́. Piláto psyɛ́ ŋgâ Yesə́b ghú ndɔ́ɔ́ pfɔ́ Yěsô. 46Yesə́b zuŋ taʼ ndzwé, shʉʼí pfɔ́ Yěsô ndúŋú ŋgʉ́ŋʉ, mbúwɛ́ wé ndzóó, níŋɛ wé ndzó sye yɛ́ pe kɛ tsú ndzɔ́ʼɔ́ yɛ́d ŋgɔʼ nɛ́, kəŋi ŋgɔʼ kəkwéʼe fûŋ ntswee yé núŋ. 47Malya wɛ́ pe kɛ fú ne Matali pwɛ Malya mɛ́ Zhose tíŋí ywoʼ yɛ́ pé kɛ ywʉ́ʼʉ́ pfɔ́ Yěsô nɛ́.
ទើបបានជ្រើសរើសហើយ៖
Máákuusə 15: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Máákuusə 15
15
Yěsô síŋ Piláto
(Mat 27:1-2, 11-26; Lúk 23:1-5, 13-25; Zhâ 18:28–19:16)
1A kɛ pé ne fʉ́ʉ́ wáá, pɛ ntsɛ́ssó ghaŋáshʉ́ téré pwɛ ghəkód pwɛ ghaŋákeʼekaŋ pwɛ ŋkɔŋɔ ghaŋásábáfiʼ kəkwéʼe náá. Ngyɛ́ pe kurɔ́ Yěsô ŋgú ne yé, fɛ́ wé pwó Piláto. 2Piláto psirɛ́ wé ŋgâ: «Wo fɔŋ pɛ Yúda?» Yěsô pód ŋgâ: «Ŋgaa wo ntsɔ́ nɛ́!» 3Ntsɛ́ssó ghaŋáshʉ́ tíí paŋ zááme tó Yěsô. 4Piláto pó mvirɛ Yěsô ŋgâ: «Wo tse mbé pɔ́rɔ́ no pɔɔ? Zoʼ meno pɛ pɔ́b tsɔ́ ne tíí wo nɛ́!» 5Ntsʉʼmbé Yěsô pe pód no pó, a tsɛ́ɛ́ Piláto.
Pe tséé fiʼ ŋgâ pé nɔ́ʼɔ́ Yěsô
6A kɛ pɛ́ ŋkɔŋɔ ndebéne náá, Piláto tubɔ taʼ ŋɔŋ wɛ́ pɔŋ psírí nɛ́, ndábtsáŋ. 7A kɛ ghɛ́ mbɛ néré, cyó ŋɔŋ pɛ́ ndábtsáŋ pwɛ sɔ́ŋ pé, tíí yé pé Barabasə. A kɛ nɔ́ʼ ŋɔŋ ŋkhoʼyɛ́ vaʼ kɛ vɔ ndzó ŋgɔŋ nɛ́. 8Pɔŋ kɔ́ʼɔ́ yóʼó Piláto, ntsɔ́ pwó yé ŋgâ, a zhyɛ́ no yɛ́ a ndɛ mbéé ŋgyɛ́ nɛ́ ne pɔ́b. 9Piláto psirɛ́ wɔ́b ŋgâ: «Puŋ zɔŋɔ ŋgâ mə fɛ́ fɔŋ pɛ́ Yúda ne puŋ?» 10Piláto kɛ zé ŋgâ ntsɛ́ssó ghaŋáshʉ́ kɛ shaŋa Yěsô shaŋa mbɔ́rɔ́ fí wé. 11Ntsʉʼmbé ntsɛ́ssó ghaŋáshʉ́ tsiŋɛ pɔŋ ŋgâ pɔ́b nsó ŋgâ a ké fɛ́ɛ́ Barabasə ne pɔ́b! 12Piláto pó mvirɛ wɔ́b ŋgâ: «Tɛ mə ŋgyɛ́ níŋ ne ŋɔŋ wɛ́ puŋ fú ne fɔŋ pɛ Yúda nɛ́?» 13Pɔ́b pó ŋgéʼ, nsó ŋgâ: «Kpii wé ndúŋú ŋgʉŋʉ!» 14Piláto pfirɛ wɔ́b ŋgâ: «A zhyɛ́ yɛ́rɛ́ no kəpɔŋ?» Ntsʉʼmbé pɔ́b pó mvíí ŋgéʼne ŋgâ: «Ké kpii wé kpǐ ndúŋú ŋgʉŋʉ.» 15Piláto túbɔ́ Barabasə fɛ́ ne pɔ́b, kɛ́ʼɛ́ ŋgâ ndzɔʼ yɔ́b yáŋ. Ŋgyɛ́ pe mgbíí Yěsô ne fě, mbó fɛ́ wé ŋgâ pe kpii wé ndúŋú ŋgʉŋʉ.
Pɛ kaŋátó túŋɔ Yěsô
(Mat 27:27-31; Zhâ 19:2-3)
16Pɛ kaŋátó ghú ne Yěsô ndzó ywoʼɔ́sábafiʼ yɛ́ a záŋ nɛ́, fú ŋkɔŋɔ pɛkpee pɔ́b náá. 17Pɔ́b gbéé ndzwé psǐpsî yé sʉ́ʼʉ#15:17 Ndzwé psǐpsî yé sʉ́ʼʉ yéré kɛ pé ndzwé péfɔŋ ndzó ŋgɔŋ Issayɛ. mbəb Yěsô. Mbaʼ mézhyɛ ne mwɔ́sɔb ndzɔ́ŋdzɔ́ŋ sɔ́ tó ye, 18kpáʼá mbwó tó yé, ntsɔ́ ŋgâ: «Psi tsɛ́ʼɛ́ nɔŋ, kɛ fɔŋ pɛ Yúda!» 19Pɔ́b gbíí tó yé ne mbeʼe, ntswə́ ntə́ mbəb ye, féd kweʼé mɔ́b síŋ yé, ŋgyɛ́ njʉ́ pɔ́b ghuʼɔ wé ghuʼu nɛ́. 20Ŋkhoʼyɛ́ pɔ́b kɛ túŋɔ wé kaʼatɛ ŋkáŋ nɛ́, pɔ́b sɔ́d ndzwé psǐpsî yɛ́ pɔ́b pě gbéé mbəb yé nɛ́. Gbéé ndáá ndzwé pe mbəb yé, ndɔ́ɔ́ wé ŋgú ne mkpǐne wé ndúŋú ŋgʉŋʉ.
Pe kpii Yěsô ndúŋú ŋgʉ́ŋʉ
(Mat 27:33-44; Lúk 23:36-43; Zhâ 19:16-24)
21Pɔ́b zíʼ taʼ ŋɔŋ wɛ́ a kɛ khú faʼ nɛ́ ŋgâ a kyɛ́ ŋgʉŋʉ yé. Ŋɔŋ wéré kɛ pe ŋɔŋ Sirɛnə tíí pe Símo, tɛd Aleʼzandrə pú Rʉfʉsə. 22Pɔ́b ghú ne Yěsô Gɔləgɔ́ta, kě tsi pe ŋgâ ywoʼ Ghəʼɛtó. 23Pɔ́b zɔŋɔ ŋgyɛ́ a nɔ́ yoʼ feréme ne mii. Tsʉ́ʼmbé a kiri. 24Pɛ kaŋátó kpíí wé ndúŋú ŋgʉŋʉ, máʼ pɛ́d ne ndzéne yɛ́ mbɛwɔ̂ ndɔ́ɔ́ nɛ́. Ŋgyɛ́ náá ŋgób ndzwé pe tsetsɛrɛ pɔ́b. 25Pɔ́b kɛ kpíí wé ndúŋú ŋgʉŋʉ ne nǎb pfuʼɔ ne ndzuhɔmvé. 26Pe kɛ ŋwéʼɛ́ ndúŋú taafrəre no yɛ́ a kɛ zhyɛ́ ŋgâ pe kpíí wé ndúŋú ŋgʉŋʉ nɛ́ ŋgâ: «Fɔŋ pɛ Yúda.» 27Pɛ kaŋátó kpíí pɛ gháŋagháŋ pepáá pfúŋɔ́ Yěsô. Taʼ yé ne ndzaʼ pwó yé, yé máʼ cyó ne ndzaʼ pwó yé, yé ŋkʉbi. [28A kɛ pé néré kɛ́ʼɛ́ ndúŋɔ ywoʼ ŋweʼe yɛ́ a tsɔ́ ŋgâ: «Pe tíí wé ndzɔ́ʼɔ́ ghaŋázhyɛ́ meno kəpɔŋ.»] 29Pɔŋ pɛ pɔ́b kɛ záʼá yóʼó nɛ́, tó wé mbó coʼo tó yɔ́b, ntsɔ́ ŋgâ: «Éee... Wo wɛ́, wo sáʼá ywoʼɔ́ze mbó kurɔ́ ne zhyémvé pekyéd nɛ́! 30Ɔ́ŋɔ́, kpéé mbəb wo ne tómbəb wo, shʉ́yí ndúŋú ŋgʉŋʉ!» 31Ntsɛ́ssó ghaŋáshʉ́ pwɛ ghaŋákeʼekaŋ kɛ ké túŋɔ yɔ́b Yěsô, ntsɔ́ ŋgâ: «A kpéé pecyó pɔŋ mbó mbé kuʼɔ ne kpěne mbəb yé ne tómbəb yé pó! 32Kristo, fɔŋ pɛ Issayɛ, shʉyí ndúŋú ŋgʉŋʉ ŋkhoʼyɔŋ! Kɛ́ʼɛ́ ŋgâ psi zhʉ́, ntséʼé psyɛ́ndzɔʼ!» Pɔŋ pɛ́, pé kɛ kpii wɔ́b ne ŋgə́ Yěsô nɛ́, kɛ ke ntó wé.
Ŋkhoʼyɛ́ Yěsô kɛ pfó nɛ́
(Mat 27:45-56; Lúk 23:44-49; Zhâ 19:28-30)
33A kɛ pe ne ntʉ̌ŋménab, tsúʼ síŋ ndzó ŋkɔŋɔ ywoʼ náá kaʼatɛ nǎb kyéd kuʼu. 34Ŋkhoʼyéré, Yěsô ghéʼ ne tʉ̌ŋ ŋgâ: «Eloyi, Eloyi, Lama sabâtani?» Kětsi nsó wéré tsɔ̌ ŋgâ: «Mboʼmvé ya! Mboʼmvé ya! Wo máʼ ya ŋkyé kɔ́?» 35Pɔ́b zoʼ, pecyó gháá: «Puŋ zhʉ́ njʉ́ a fû Elya nɛ́!» 36Cyó taʼ ŋɔŋ khí, ŋgú ntsób taʼ yɔ́b yɛ́ pe kɛ fû ne epɔ́nzhə ndzɔ́ʼɔ́ yoʼcʉyǒme. Ŋkwɔrɔ́ ndúŋú mbeʼe tyáŋa fɛ́ tswee Yěsô, nsó ŋgâ: «Puŋ zəʼé, piŋi zhʉ́ mbéyɛ́ Elya ŋkʉ́yó shʉʼɛ́ wé ghɛ́ nɛ́!» 37Yěsô ghéʼ ne tʉ̌ŋ, zhʉye yé twɔ́. 38Ndzwé kəkwéʼe yɛ́ pe kɛ cʉ, mbwɔ́ ywoʼɔ́ze núŋu nɛ́ sɛ́ɛ́, ndzyěne nsó mbáŋa syé, twɔ́ pɛ́d pepáá. 39Ntsɛ́ssó kpǐ káŋató pɛ Roma wɛ́ a kɛ tsɛ́ pfúŋɔ́ Yěsô nɛ́ zhʉ́ njʉ́ a kɛ pfó nɛ́, nsó ŋgâ: «Sísíŋ, ŋɔŋ wɔŋ kɛ pe Mɔ́ŋ Mboʼmvé!» 40Pecyó pěŋgyé kɛ tsɛ́ taŋa sesɛ ndiŋɛ́ wé. Malya wɛ́ pe kɛ fú ne Matali nɛ́, Malya mɛ́ Zhose pú Zhakə mɔ́ŋtiʼa ŋɔŋ, pwɛ Salome kɛ pɛ́ ndzɔ́ʼɔ́ pɔ́b. 41Pɔ́b kɛ zɔŋɔ Yěsô, mbó ŋgɛ́bɛ́ faʼ Yěsô pwɛ ŋgíŋgyé pe féré njʉ́ a kɛ pɛ ndzó ŋgɔŋ Galílya nɛ́. Ne pecyó pěŋgyé zááme pɛ pú pɔ́b kɛ kɔ́ʼɔ́ Yerʉ́salɛm nɛ́.
Yesə́b cʉ́ pfɔ́ Yěsô
(Mat 27:57-61; Lúk 23:50-56; Zhâ 19:38-42)
42Njʉ́ ŋkhoʼfwɔ̌nab yɛ́ mvé kɛ ghɛ́ ŋkê a pé zhyéze pɛ Yúda nɛ́ kɛ kuʼu, ŋgɛmbɛ mbé zhyé Ntsuŋɔ mbəb nɛ́, 43Yesə́b, ŋɔŋ mbɛ́lʉ́ŋ Arimate páŋ, mbé ŋɔŋ kəkwéʼe ndzɔ́ʼɔ́ ghaŋásábáfiʼ kəkwéʼe. A kɛ ké ndzwə́ʼɛ́ yé nofɔŋ Mboʼmvé. A gbaa ndzɔʼ yé ŋgú pfúŋɔ́ Piláto mbzírí pfɔ́ Yěsô pwó yé. 44Ŋkhoʼyɛ́ Piláto kɛ zoʼ ŋgâ Yěsô pfó nɛ́, a tsɛ́ɛ́ wé njʉ́ a fɛ́d pfó nɛ́ kaʼatɛ. A fú ntsɛ́ssó kpǐ káŋató pɛ Roma, mvirɛ wé mbéyɛ́ a kyáŋá njʉ́ a pfó nɛ́. 45Ntsɛ́ssó kpǐ káŋató tébɛ́ pwó yé njʉ́ meno kɛ záʼ nɛ́. Piláto psyɛ́ ŋgâ Yesə́b ghú ndɔ́ɔ́ pfɔ́ Yěsô. 46Yesə́b zuŋ taʼ ndzwé, shʉʼí pfɔ́ Yěsô ndúŋú ŋgʉ́ŋʉ, mbúwɛ́ wé ndzóó, níŋɛ wé ndzó sye yɛ́ pe kɛ tsú ndzɔ́ʼɔ́ yɛ́d ŋgɔʼ nɛ́, kəŋi ŋgɔʼ kəkwéʼe fûŋ ntswee yé núŋ. 47Malya wɛ́ pe kɛ fú ne Matali pwɛ Malya mɛ́ Zhose tíŋí ywoʼ yɛ́ pé kɛ ywʉ́ʼʉ́ pfɔ́ Yěsô nɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល