Lúkaasə Tónsó cʉrí sʉ́ʼʉ Yěsô Kristo yɛ́ Lúkaasə kɛ ŋwéʼe nɛ́
Tónsó cʉrí sʉ́ʼʉ Yěsô Kristo yɛ́ Lúkaasə kɛ ŋwéʼe nɛ́
Fûne cʉrí sʉ́ʼʉ yɛ́ Lúkaasə kɛ ŋwéʼe nɛ́, ndâ no sʉ́ʼʉ yɛ́ piŋi záʼá ndúŋú ndzɛ́ meno pɛ Yěsô Kristo kɛ zhyɛ́ ndúŋú tsetsáʼ nɛ́. Meno péré ŋgyɛ́ ŋgâ ŋukristo fú Yěsô ne: «Ŋgaŋákpê ya mbó mbé Ntsɛɛpɔŋ ya.»
Pecyó ywoʼ ŋwéʼe Lúkaasə fwɛ́ɛ́ pwɛ yé Matʉyo pú Máákuusə tɛ. A ŋgyɛ́ yéré ŋkɔŋɔ wɔ́b náá kpaʼ ntsɔ́ taʼ no ndzó pecyó ywoʼ. Mbɛnéré pe ké njʉ́ pecyó ŋkaŋ ŋwéʼe pe ndaʼ ndzó ŋwéʼe Lúkaasə. Njʉ́ ywoʼ yɛ́ Yěsô kɛ ghaŋá Máátaa pú Malya nɛ́ (Lúk 10:38-42), no yɛ́ ŋu ŋgɔŋ Samari kɛ ŋgyɛ́ nɛ́ (Lúk 10:29-37) ne yɛ́ tɛd wɛ́ a kɛ zhʉ́ Mɔ́ŋ yé wɛ́ a kɛ pwó nɛ́ (Lúk 15:11-32) ne pecyó ŋkʉ́rʉ́.
Pe záá njʉ́ ndzó cʉrí sʉ́ʼʉ yɛ́ Lúkaasə kɛ ŋwéʼe nɛ́ pɛ shʉrɛ́meno pwɛ pɛ́rɛ́ ghaŋághɔŋ. A pe pɛ kiŋi kəŋe yɛ́ Mboʼmvé tséʼé ŋkyé pɔŋ pɛ́ a tsaa wɔ́b nɛ́. Pe fú ŋwéʼe Lúkaasə ndzóʼó ŋgâ, a tséʼé Yěsô tséʼé tsómvé pwɛ ŋkɔŋɔ ŋkaŋ mé náá, mbɛ ŋgəyǐne pɔŋ pwɛ foʼ ndzəndzóʼ yɛ́ a tséʼé nɛ́.
A kɛ ŋwéʼé wɔ̂ ŋwéʼe cʉrí sʉ́ʼʉ yɔŋ?
A Lúkaasə mbé ŋɔŋ wɛ́ a kɛ ŋwéʼé cʉrí sʉ́ʼʉ yɔŋ yɛ́ piŋi fú nɛ́. A kɛ ŋwéʼɛ́ ndzɔ́ʼɔ́ yɔ́b ŋgǒʼmvé ghúbméntóó ne yípáá pú ŋgǒʼmvé ghúbmétóó ne yítaŋ. A taʼ ŋwéʼe ŋkhii yɛ́ a kɛ yɔ́ɔ́ ŋgəʼo ntaʼ tsi meno péré njʉ́ a kɛ ndzyě nɛ́ ntɛ́ŋɛ́ wɔ́b ntíí ŋkɔ́ŋ mbɔ́rɔ́ ŋwéʼɛ. A kɛ poʼ mbé taʼ ndɔŋta kəkwéʼe wɛ́ a kɛ pé ŋu Yuda nɛ́ pó.
A kɛ ŋwéʼɛ́ pwó wɔ̂? A kɛ ŋwéʼe ŋkyé kɔ́?
Lúkaasə kɛ ŋwéʼɛ́ pwó cyó taʼ ŋgəkod wɛ́ tíí kɛ pé Tyofilə nɛ́. Ntsʉ́ʼŋgɛ́mbɛ néré, Lúkaasə ghaŋásyé ntsɔ́ pwó ŋkɔŋɔ pǔkristo pɛ́ pɔ́b sáʼá syé pɛ Yuda nɛ́ pó. Kɛ́ʼɛ́ ŋgâ ŋkɔŋɔ mvémvé pɛ pɔ́b pɛ Yuda nɛ́ pó, pɛ kii zɛ́ mboʼmvé, ne ŋgǒʼ ne ŋgôʼ zóʼ ŋgâ Yěsô Kristo ŋgaŋákpê wɔ́b, Mbéyɛ́ pɔ́b kʉyě ne mbzyɛ́ne wé mbó séd tsómvé yɔ́b nɛ́. Pɔ́b ndzáʼá ne ŋwéʼé Lúkaasə ndzɛ́ ŋgâ Mboʼmvé tséʼé tsaa ghəghəŋ mbó kʉyě ŋkɔŋɔ pumésɔŋ náá.
Pé ntsɔ́ ŋgâ kɔ́ ndzó ŋwéʼe Lúkaasə?
Lúkaasə ŋwéʼé no yɛ́ a tséʼé kpaʼ ghebe ndzɔ́ʼɔ́ nsó pú tsómvé Yěsô nɛ́. Nsó wéré pɛ́ɛ́ ŋgâ: Mboʼmvé kɛ twɔ́ Yěsô Kristo ŋgâ a taʼ kpê pɔŋ pɛ́ pɔ́b kɛ pwó nɛ́, Mbéyɛ́ pɔ́b psyɛ́ wé nɛ́. Lúkaasə záʼá ndúŋú ŋwéʼé yé nyoʼ ŋgâ Yěsô ywɛ́ ntíí míí mé pe mbəb pɔŋ pɛ́ pe khəŋɛ wɔ́b nɛ́: pɛ mvɔ̌no, pěŋgyé, pɛ Mɔ́ŋ, pɛ mbɔ́ŋmbɔŋ, ghaŋághɔŋ, ghaŋáŋgəʼó pwɛ pɔŋ shʉyɛ́. Ŋkyé ŋgâ Mboʼmvé kɛ zhʉyɛ́ Yěsô ne vó mbó fɛ́ ntʉŋ sáʼne pwó yé ndúŋú ŋkɔŋɔ yɔ́b náá. A zhyɛ́ yéré a ndzó yɔŋ cʉrí sʉ́ʼʉ, pe záá fú Yěsô ne «Ntsɛ́ɛ́pɔŋ» kaʼatɛ ntsɛ́ɛ́ njʉ́ pé fú ndzó pecyó nɛ́.
Mbziʼe njʉ́ Lúkaasə kɛ nteŋe ŋwéʼe yé ntíí nɛ́
Ŋwéʼe yé ntsuŋume pe kaʼa:
Lúkaasə keʼ no yɛ́ a ŋgyɛ́ a ŋwéʼɛ nɛ́: 1:1-4
Ndzyěne njʉ́ pe kɛ pfɛ́ Yěsô nɛ́, tɛ mbáŋ zhyémvé yɛ́ a kɛ kpênse, Sátaŋ pó mwɔ́ wé nɛ́: 1:5–4:13
Faʼ yɛ́ Yěsô kɛ fáʼa ndzó pɛ́rɛ́ ŋgɔŋ Galílya nɛ́: 4:14–9:50
Faʼ yɛ́ Yěsô kɛ fáʼa ndzó mbɛ́lʉ́ŋ Yerʉ́salɛm nɛ́: 9:51–19:28
Yuŋɔ tó no yɛ́ Yěsô kɛ kʉ́yó ndúŋú nɛ́, ndzó mbɛ́lʉ́ŋ Yerʉ́salɛm ndzáʼá ndzɔ́ʼɔ́ ŋgəʼo ne njʉyɛ́ne mé ne vó: 19:29–24:53.
ទើបបានជ្រើសរើសហើយ៖
Lúkaasə Tónsó cʉrí sʉ́ʼʉ Yěsô Kristo yɛ́ Lúkaasə kɛ ŋwéʼe nɛ́: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə Tónsó cʉrí sʉ́ʼʉ Yěsô Kristo yɛ́ Lúkaasə kɛ ŋwéʼe nɛ́
Tónsó cʉrí sʉ́ʼʉ Yěsô Kristo yɛ́ Lúkaasə kɛ ŋwéʼe nɛ́
Fûne cʉrí sʉ́ʼʉ yɛ́ Lúkaasə kɛ ŋwéʼe nɛ́, ndâ no sʉ́ʼʉ yɛ́ piŋi záʼá ndúŋú ndzɛ́ meno pɛ Yěsô Kristo kɛ zhyɛ́ ndúŋú tsetsáʼ nɛ́. Meno péré ŋgyɛ́ ŋgâ ŋukristo fú Yěsô ne: «Ŋgaŋákpê ya mbó mbé Ntsɛɛpɔŋ ya.»
Pecyó ywoʼ ŋwéʼe Lúkaasə fwɛ́ɛ́ pwɛ yé Matʉyo pú Máákuusə tɛ. A ŋgyɛ́ yéré ŋkɔŋɔ wɔ́b náá kpaʼ ntsɔ́ taʼ no ndzó pecyó ywoʼ. Mbɛnéré pe ké njʉ́ pecyó ŋkaŋ ŋwéʼe pe ndaʼ ndzó ŋwéʼe Lúkaasə. Njʉ́ ywoʼ yɛ́ Yěsô kɛ ghaŋá Máátaa pú Malya nɛ́ (Lúk 10:38-42), no yɛ́ ŋu ŋgɔŋ Samari kɛ ŋgyɛ́ nɛ́ (Lúk 10:29-37) ne yɛ́ tɛd wɛ́ a kɛ zhʉ́ Mɔ́ŋ yé wɛ́ a kɛ pwó nɛ́ (Lúk 15:11-32) ne pecyó ŋkʉ́rʉ́.
Pe záá njʉ́ ndzó cʉrí sʉ́ʼʉ yɛ́ Lúkaasə kɛ ŋwéʼe nɛ́ pɛ shʉrɛ́meno pwɛ pɛ́rɛ́ ghaŋághɔŋ. A pe pɛ kiŋi kəŋe yɛ́ Mboʼmvé tséʼé ŋkyé pɔŋ pɛ́ a tsaa wɔ́b nɛ́. Pe fú ŋwéʼe Lúkaasə ndzóʼó ŋgâ, a tséʼé Yěsô tséʼé tsómvé pwɛ ŋkɔŋɔ ŋkaŋ mé náá, mbɛ ŋgəyǐne pɔŋ pwɛ foʼ ndzəndzóʼ yɛ́ a tséʼé nɛ́.
A kɛ ŋwéʼé wɔ̂ ŋwéʼe cʉrí sʉ́ʼʉ yɔŋ?
A Lúkaasə mbé ŋɔŋ wɛ́ a kɛ ŋwéʼé cʉrí sʉ́ʼʉ yɔŋ yɛ́ piŋi fú nɛ́. A kɛ ŋwéʼɛ́ ndzɔ́ʼɔ́ yɔ́b ŋgǒʼmvé ghúbméntóó ne yípáá pú ŋgǒʼmvé ghúbmétóó ne yítaŋ. A taʼ ŋwéʼe ŋkhii yɛ́ a kɛ yɔ́ɔ́ ŋgəʼo ntaʼ tsi meno péré njʉ́ a kɛ ndzyě nɛ́ ntɛ́ŋɛ́ wɔ́b ntíí ŋkɔ́ŋ mbɔ́rɔ́ ŋwéʼɛ. A kɛ poʼ mbé taʼ ndɔŋta kəkwéʼe wɛ́ a kɛ pé ŋu Yuda nɛ́ pó.
A kɛ ŋwéʼɛ́ pwó wɔ̂? A kɛ ŋwéʼe ŋkyé kɔ́?
Lúkaasə kɛ ŋwéʼɛ́ pwó cyó taʼ ŋgəkod wɛ́ tíí kɛ pé Tyofilə nɛ́. Ntsʉ́ʼŋgɛ́mbɛ néré, Lúkaasə ghaŋásyé ntsɔ́ pwó ŋkɔŋɔ pǔkristo pɛ́ pɔ́b sáʼá syé pɛ Yuda nɛ́ pó. Kɛ́ʼɛ́ ŋgâ ŋkɔŋɔ mvémvé pɛ pɔ́b pɛ Yuda nɛ́ pó, pɛ kii zɛ́ mboʼmvé, ne ŋgǒʼ ne ŋgôʼ zóʼ ŋgâ Yěsô Kristo ŋgaŋákpê wɔ́b, Mbéyɛ́ pɔ́b kʉyě ne mbzyɛ́ne wé mbó séd tsómvé yɔ́b nɛ́. Pɔ́b ndzáʼá ne ŋwéʼé Lúkaasə ndzɛ́ ŋgâ Mboʼmvé tséʼé tsaa ghəghəŋ mbó kʉyě ŋkɔŋɔ pumésɔŋ náá.
Pé ntsɔ́ ŋgâ kɔ́ ndzó ŋwéʼe Lúkaasə?
Lúkaasə ŋwéʼé no yɛ́ a tséʼé kpaʼ ghebe ndzɔ́ʼɔ́ nsó pú tsómvé Yěsô nɛ́. Nsó wéré pɛ́ɛ́ ŋgâ: Mboʼmvé kɛ twɔ́ Yěsô Kristo ŋgâ a taʼ kpê pɔŋ pɛ́ pɔ́b kɛ pwó nɛ́, Mbéyɛ́ pɔ́b psyɛ́ wé nɛ́. Lúkaasə záʼá ndúŋú ŋwéʼé yé nyoʼ ŋgâ Yěsô ywɛ́ ntíí míí mé pe mbəb pɔŋ pɛ́ pe khəŋɛ wɔ́b nɛ́: pɛ mvɔ̌no, pěŋgyé, pɛ Mɔ́ŋ, pɛ mbɔ́ŋmbɔŋ, ghaŋághɔŋ, ghaŋáŋgəʼó pwɛ pɔŋ shʉyɛ́. Ŋkyé ŋgâ Mboʼmvé kɛ zhʉyɛ́ Yěsô ne vó mbó fɛ́ ntʉŋ sáʼne pwó yé ndúŋú ŋkɔŋɔ yɔ́b náá. A zhyɛ́ yéré a ndzó yɔŋ cʉrí sʉ́ʼʉ, pe záá fú Yěsô ne «Ntsɛ́ɛ́pɔŋ» kaʼatɛ ntsɛ́ɛ́ njʉ́ pé fú ndzó pecyó nɛ́.
Mbziʼe njʉ́ Lúkaasə kɛ nteŋe ŋwéʼe yé ntíí nɛ́
Ŋwéʼe yé ntsuŋume pe kaʼa:
Lúkaasə keʼ no yɛ́ a ŋgyɛ́ a ŋwéʼɛ nɛ́: 1:1-4
Ndzyěne njʉ́ pe kɛ pfɛ́ Yěsô nɛ́, tɛ mbáŋ zhyémvé yɛ́ a kɛ kpênse, Sátaŋ pó mwɔ́ wé nɛ́: 1:5–4:13
Faʼ yɛ́ Yěsô kɛ fáʼa ndzó pɛ́rɛ́ ŋgɔŋ Galílya nɛ́: 4:14–9:50
Faʼ yɛ́ Yěsô kɛ fáʼa ndzó mbɛ́lʉ́ŋ Yerʉ́salɛm nɛ́: 9:51–19:28
Yuŋɔ tó no yɛ́ Yěsô kɛ kʉ́yó ndúŋú nɛ́, ndzó mbɛ́lʉ́ŋ Yerʉ́salɛm ndzáʼá ndzɔ́ʼɔ́ ŋgəʼo ne njʉyɛ́ne mé ne vó: 19:29–24:53.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល