Lúkaasə 9
9
Yěsô twɔ́ ŋgíŋgye pé ntsɔ̌bpáá
(Mat 10:1-9; 10:11-14; Máá 6:6-13)
1Njʉ́ Yěsô kɛ téré ŋgíŋgye pé ntsɔ̌bpáá nɛ́, a fɛ́ tʉ̌ŋ pwɛ sáʼne ŋkɔŋɔ zhʉye kəpɔŋ pwɛ mbɛ́dne ŋkɔŋɔ ghɔŋ náá ne pɔ́b. 2Á twɔ́ wɔ́b ŋgâ pɔ́b ghú cʉrí Nofɔŋ Mboʼmvé mbó mbɛ́d pɛ ghɔŋ. 3Pɔ́b kɛ ghɛ́ ŋgú, a ntʉ́ʉ́ tó yɔ́b ŋgâ: «Puŋ ndɛ ndɔ́ɔ́ yɔ́b. Kii pab. Kii ŋkəmbaŋ, kii mbré, kii mbób. Kii ŋɔŋ ndɛ tséʼé ndzwé yípáá. 4Ndáb yɛ́ pé yɔ́ɔ́ wúŋ yóʼó sʉ́ʼʉ nɛ́, puŋ tsó ndzóó tɛ mbáŋ zhyémvé yɛ́ puŋ ŋǎ nɛ́. 5Ywoʼ yɛ́ pé yɔ́ɔ́ wúŋ sʉ́ʼʉ nɛ́ pó, puŋ ghɛ́ twɔ́ ndzó mbɛ́lʉ́ŋ yéré, tsěd pfúbɔ tɔ́kpee múŋ ne nyǒʼne ŋgâ pɔ́b zhyɛ́ a pé pú pó.» 6Pɔ́b ghú, kɛ́rɛ́ ndzó pɛ yáʼ ncʉ́rí no sʉ́ʼʉ mbó mbɛ́rɛ́ pɛ ghɔŋ ndzó ŋkɔŋɔ ywoʼ náá.
No yɛ́ a kɛ vaʼa Erodə nɛ́
(Mat 14:1-2; Máá 6:14-16)
7Erodə wɛ́ a kɛ sáʼá pɛ́rɛ́ ŋgɔŋ Galílya nɛ́, kɛ zóʼ ŋkɔŋɔ meno pɛ́ a kɛ záʼ nɛ́, a tsɛ́ɛ́ wé, ŋkyé ŋgâ pecyó pɔŋ kɛ ntsɔ́ ŋgâ: «Zhâŋ zhʉyɛ́ ne vó!» 8Pecyó pɔŋ gháá: «Elya pǒd ndzəb!» Pecyó gháá: «Cyó taʼ ŋgaŋatsɔ́kpaŋató Mboʼmvé wɛ́ a kɛ pé nɛ́, zhʉyɛ́ ne vó!» 9Erodə nsó ŋgâ: «A kɛ zhyɛ́ kpaʼ mo wɔŋ pé tséé tó Zhâŋ. Wɔŋ ŋɔŋ wɔ́ ŋgyɛ́ pɔŋ meno pɛ́ mə ndzóʼó kaʼa nɛ́?» Néré Erodə taʼa ne mbɛ́dne mbzítíí mbəb Yěsô.
Yěsô zhʉyí pɔŋ zááme
(Mat 14:13-21; Máá 6:30-44)
10Ghaŋántɔ́b Yěsô kɛ pǒd ndzəb, sɔ́ŋɔ́ wé ne meno pɛ́ pɔ́b kɛ zhyɛ́ nɛ́. Á yɔ́ɔ́ wɔ́b pú pɔ́b náʼá mbaʼ ŋgú ndzó mbɛ́lʉ́ŋ Betsayida. 11Pɔŋ zóʼ, nzɔŋɔ wɔ́b. Yěsô yɔ́ɔ́ wɔ́b sʉ́ʼʉ, nsó Nofɔŋ Mboʼmvé ne pɔ́b mbó mbɛ́rɛ́ ghaŋághɔŋ pɛ́ pɔ́b kɛ nzɔŋɔ fwôghɔŋ nɛ́.
12Njʉ́ ŋkhoʼfwɔ̂nab kɛ tsé ŋkúʼɔ nɛ́, ŋgíŋgye Yěsô ntsɔ̌bpáá suʼú mbəb yɔ́b mbɛ́rɛ́ wé ntsɔ́ pwó yé ŋgâ: «Zhyɛ́ pɔ́b pǒd ndzəb ndzó pɛ yáʼ pwɛ ndáb piŋ pɛ ne gháá mé nɛ́, yânéré pɔ́b paʼ ntswee wɔ́b mbó njʉ́ ywoʼɔ yáʼá. Ŋkyé ŋgâ piŋi pɛ́ɛ́ fób.» 13Yěsô pɔ́rɔ́ ne pɔ́b ŋgâ: «Tómbəb yúŋ, puŋ fɛ́ mɔ́b pɔ́b zó.» Pɔ́b pó ntsɔ́ pwó yé ŋgâ: «Psi ké ntsɛ́ʼɛ́ ntʉ́ʼ mbré yítaŋ ne ndíí ssó yípáá. Ndaʼ njʉ́ psi ŋgú ne tómbəb zhí nzúŋɔ́ mwɔ̌zó pwó ndɔŋɔ pɔŋ pɔŋ nɛ́?» 14Pɔ́b kɛ pɛ yóʼó yɔ́b ŋkáb mbzíŋi yítaŋ.
Yěsô ntsɔ́ pwó ŋgíŋgye pé ŋgâ: «Puŋ zhyɛ́ pɔ́b ghɔ́rɔ́ syé ne pɛ mvuʼ pɔŋ ghúbmetáŋ.» 15Ŋgíŋgyé pé zóʼ ntswee yé, ŋgyɛ́ pɔ́b ghɔ́rɔ́ syé. 16Yěsô yɔ́ɔ́ ntʉ́ʼ mbré yítaŋ pwɛ ndíí ssó yípáá yéré. Mbuʼu tó yé ndíŋí pépéé, níŋi mbúru ndúŋú, mboʼ fɛ́ pwó ŋgíŋgye pé ŋgâ pɔ́b ghób pwó pɔŋ. 17Pɔ́b ghób, ŋkɔŋɔ pɔŋ náá pfɔ̂ d, ndzód. Pfuʼ yé yɛ́ a kɛ ntsʉʼ nɛ́, pé níŋɛ ndzó tsɔ̌b kékáʼá yípáá.
Pětro pod ŋgâ á Yěsô mbé Kristo wɛ́ Mboʼmvé nuʼ nɛ́
(Mat 16:13-21; Máá 8:27-31)
18Taʼ zhyémvé mve, Yěsô paʼ mbəb yé pwɛ ŋgíŋgye pé tsé ntsɛ́ʼɛ́ Mboʼmvé. Yěsô psirɛ́ wɔ́b ŋgâ: «Pɔŋ tsɔ̂ ŋgâ mə wɔ́?» 19ŋgíŋgye pé pod ŋgâ: «Pecyó pɔŋ gháá wo Zhâŋ Batisə. Pecyó gháá wo Elya. Pecyó ŋkʉ́rʉ́ ntsɔ́ ŋgâ wo ndzuŋ ŋgaŋatsɔ́kpaŋató Mboʼmvé wɛ́ a zhʉyɛ́ ne vó nɛ́.»
20Yěsô pó mvirɛ wɔ́b ŋgâ: «Ŋgɛmbɛ ne puŋ, mə wɔ́?» Pětro pod ŋgâ: «Wo Kristo wɛ́ Mboʼmvé nuʼ nɛ́!» 21Yěsô ntʉ́ʼé təŋé mɔ́b ŋgâ: «Puŋ zhyáŋa kii ntsɔ́ ŋɔŋ!» 22Á pó nsó ŋgâ: «A zɔŋɔ ŋgâ Mɔ́ŋ ŋɔŋ zhʉ́ ŋgəʼo zááme. Pɛ ghəkód, pɛ ntsɛ́ssó ghaŋáshʉ́, pwɛ ghaŋákeʼekaŋ khə́ŋɛ́ wé. Pɔ́b nɔʼ wé. Zhyé pékyéd ghɛ́ ndzáʼá a zhʉyɛ́ ne vó.»
Mbziʼe njʉ́ mbɛ wɔ́ nzɔŋɔ Yěsô nɛ́
(Mat 16:24-28; Máá 8:34–9:1)
23Kɛ́ʼɛ́ Yěsô ntsɔ́ pwó ŋkɔŋɔ wɔ́b náá ŋgâ: «Á pɛ yɛ́ ŋɔŋ zɔŋɔ ntsʉʼɔ ndzəb mo nɛ́, ŋkyé mbəb yé, ŋkyɛ́ ŋgʉŋʉ yé ŋkɔŋɔ zhyémvé náá, ntsʉʼɔ ndzəb mo. 24Ŋɔŋ wɛ́ a taʼa kpê tsómvé yé nɛ́, a ŋkʉ́yó mbzyé. Ŋɔŋ wɛ́ a psyé tsómvé yé ŋkyé ya nɛ́, kʉ́yó ntsɛʼɛ ndzǔne. 25Á yɛ́rɛ́ psíŋi pú ŋɔŋ ne ndzóne mvé náá, mbó kʉ́yó mbwó kii ŋgâ kʉ́yó shʉbɛ? 26Á pɛ yɛ́ ŋɔŋ tséʼé pfɔ̂shʉ́ŋ ŋkyé ya kii ŋkyé nsó ya nɛ́, mbǒ Mɔ́ŋ ŋɔŋ ké náʼ tsɛ́ʼɛ́ pfɔ̂shʉ́ŋ ŋkyé wé ŋkhoʼyɛ́ a kʉ́yó kʉ́yó ndzɔ́ʼɔ́ ŋgúʼune mé, pwɛ yé tɛd yé, pwɛ yé pɛ aŋgere yáŋme nɛ́. 27Kpaʼ sísíŋ, mə ntsɔ́ ne puŋ ŋgâ: tɛ pecyó pɔŋ pɛ́ pɔ́b ghaŋ nɛ́ pé pfɔ̂ kii zhʉ́ Nofɔŋ Mboʼmvé pó.»
Pětro, Zhakə pú Zhâŋ zhʉ́ Yěsô ndzɔ́ʼɔ́ ghɛ́ɛ́ Mboʼmvé
(Mat 17:1-8; Máá 9:2-8)
28Njʉ́ a kɛ ntsɔ́ ne pɔ́b kɛ́ʼɛ́ nɛ́, ywɔ́ zhyémvé mve péfwɔ̂ záʼ, Yěsô yɔ́ɔ́ Pětro, Zhâŋ ne Zhakə pú pɔ́b kɔ́ʼɔ́ ndúŋú ŋkə́ŋ ne ntséʼéne Mboʼmvé. 29Ŋkhoʼyɛ́ Yěsô kɛ ntsɛ́ʼɛ́ Mboʼmvé nɛ́, záŋ yé séd, ndzwé yé séd fʉ́ʉ́ tɛ nyʉ́yí nyʉ́yí. 30Pɔ́b zhʉ́ njʉ́, Yěsô kɛ ntsɔ́ pwɛ pɔŋ pépáá nɛ́. A kɛ pé Mǔsê pú Elya. 31Pɔ́b nyɔʼ mbəb yɔ́b. Ŋgúʼune Mboʼmvé nyʉ́yí nyʉ́yí mbəb pɔ́b. Pɔ́b ntsɔ njʉ́ Yěsô náʼá ŋgú mee faʼ yé Yerʉ́salɛm nɛ́. 32Pětro pwɛ pɛkpee pe zhyémvé tɛ mbúrú. Ŋkhoʼyɛ́ pɔ́b kɛ zebe nɛ́, pɔ́b zhʉ́ Yěsô ndzɔ́ʼɔ́ ŋgúʼune mé pwɛ pɔŋ pépáá pɛ́ pú pɔ́b kɛ pé nɛ́. 33Njʉ́ Mǔsê pú Elya kɛ ŋǎ pfúŋɔ́ Yěsô nɛ́, Pětro ntsɔ́ pwó yé ŋgâ: «Ntsɛ́ssó, á pú ŋgâ piŋi ntsʉʼɔ ghaŋ. Piŋi ŋkwód ntab pékyéd: taʼ yé pwó wo, taʼ yé pwó Mǔsê, ne taʼ yé pwó Elya.» Pětro kɛ zɛ́ no yɛ́ a kɛ ntsɔ́ kɛ́ʼɛ́ nɛ́ pó.
34Ŋkhoʼyɛ́ Pětro kɛ tsé ntsɔ́ nɛ́, taʼ pfuŋ twɔ́ kʉ́yó ne kúbune wɔ́b. Njʉ́ pɔ́b kɛ ŋkúŋɔ ndzɔ́ʼɔ́ pfuŋ yéré nɛ́, pɔ́ɔ́ gbáá wɔ́b. 35Taʼ ndzəb twɔ́ ndzɔ́ʼɔ́ pfuŋ yéré, nsó ŋgâ: «Yɔŋ Mɔ́ŋ ya wɛ́ mə ntsɔ́ʼ nɛ́. Puŋ zóʼ wé!» 36Ŋkhoʼyɛ́ pɔ́b kɛ zóʼ ndzəb yéré nɛ́, pɔ́b ké njʉ̌ ndaʼ Yěsô. Ŋgíŋgye pé ŋgʉʼɔ pfɔ̂ pɔ́b, mbé nsó no yɛ́ pɔ́b kɛ zhʉ́ nɛ́ pwó ŋɔŋ ŋkhoʼyéré pó.
Yěsô zú zhʉye kəpɔŋ mbəb taʼ Mɔ́ŋ
(Mat 17:14-18; Máá 9:14-27)
37Keemvé, njʉ́ Yěsô pwɛ ŋgíŋgye pé kɛ shʉ́yí ndúŋú ŋkə́ŋ nɛ́, pɔŋ zááme kʉ́yó ntsɛ́rɛ́ wé. 38Á ndzɔ́ʼɔ́ pɔŋ péré, taʼ ŋɔŋ ghéʼ ŋgâ: «Kéʼeyáŋ, mə mbóʼmbwó, yɔ́ɔ́ ŋgəʼo mbəb Mɔ́ŋ ya wɔŋ! Á ŋkʉyé Mɔ́ŋ ya nɛ́! 39Taʼ zhʉye kəpɔŋ ndɛ gbáá wé, ŋgyɛ́ a fɛ́ɛ́ ŋgéʼ, ntʉ́ʼ, kyɛ twɔ́ ntswee yé. Mbɔ́rɔ́ ntee wé a pé zyaŋa pó, ŋgɛ́ɛ́ nyʉʼɛ́ wé náá. 40Mə mbóʼmbwó pwó ŋgíŋgye pe wo ŋgâ pɔ́b zú zhʉye kəpɔŋ wéré, a tsɛ́ɛ́ wɔ́b.» 41Yěsô nsó ŋgâ: «Puŋ, ŋgɔbɔ ŋumesɔŋ ndzebé, kii tséʼé psyɛ́ndzɔʼ, mbó ŋgyɛ́ no kəpɔŋ. Piŋi mbɔ́rɔ́ ntsó fuʼ níŋ, mə mbó gbáá ndzɔʼ ŋkyé wúŋ kɛɛ yíkɔ́ puŋ pɔ́rɔ́ mbzyɛ́ ya mo? Kʉ́yó ne Mɔ́ŋ wo ghaŋ.» 42Ŋkhoʼyɛ́ Mɔ́ŋ kɛ suʼú mbəb yé fɛ́ pfúŋɔ́ Yěsô nɛ́, zhʉye kəpɔŋ máʼ wé syé, mbó nyʉ́ wé a ntʉʼ. Yěsô mǐ zhʉye kəpɔŋ, ndzú wé mbəb mɔ́ŋ, núʼɔ́ wé pwó tɛd yé. 43Ghɛ́ɛ́ Mboʼmvé muʼɔ wɔ́b náá.
Yěsô ké mbó nsó ŋkyé vó yé
(Mat 17:22-23; Máá 9:30-32)
Njʉ́ ŋkɔŋɔ pɔŋ náá kɛ ghoʼó ŋkɔŋɔ meno pɛ́ Yěsô kɛ zhyɛ́ nɛ́, a ntsɔ́ pwó ŋgíŋgye pé ŋgâ: 44«Puŋ psyé təŋé múŋ ndzóʼ no yɛ́ mə ntsɛ́ʼɛ́ ne ntsóne ne puŋ nɛ́. Pé kʉ́yó fí Mɔ́ŋ ŋɔŋ pwó pumésɔŋ.» 45Ntsʉʼmbé, tó ŋgíŋgye pé pe yáŋ ne wéré nsó pó. Ŋkyé ŋgâ a kɛ pɛ́ ne pɔ́b pe kwódme. Kɛ́ʼɛ́ ŋgâ pɔ́b ndɛ ndzóʼ kéétsi nsó wéré. Pɔ́b pó mbɔ́ɔ́ pɔ́ɔ́ ne mbzírine Yěsô núŋ.
Á wɔ mbé ŋɔŋ kəkwéʼe
(Mat 18:1-5; Máá 9:33-37)
46Taʼ kpaŋ kʉ́yó tó pɔ́b ŋgâ: «A kaʼa ndzɔ́ʼɔ́ piŋi, á kɛ́ʼɛ́ tsɛ́ɛ́ wɔ́ tsɛ́ɛ́ wíŋi náá?» 47Yěsô zí no yɛ́ pɔ́b kɛ kpáŋa nɛ́. Fú taʼ Mɔ́ŋ fɛ́ pfúŋɔ́ yé. 48Ntsɔ́ ŋgíŋgye pé ŋgâ: «Á pɛ yɛ́ ŋɔŋ yɔ́ɔ́ Mɔ́ŋ wɔŋ sʉ́ʼʉ ŋkyé ya nɛ́, mbǒ a yɔ́ɔ́ pe ya nɛ́ sʉ́ʼʉ. Ŋɔŋ wé a yɔ́ɔ́ ya sʉ́ʼʉ nɛ́ mbǒ a yɔ́ɔ́ Ŋɔŋ wɛ́ a kɛ twɔ́ ya nɛ́. Ŋkyé ŋgâ ŋɔŋ wɛ́ a menzyaŋándzɔ́rɔ́ tsetsɛrɛ puŋ náá nɛ́, a tsɛ̌ yé tsɛ́ wúŋ.»
Ŋɔŋ wɛ́ a mbáŋ wúŋ nɛ́ pó, a puŋ pɔ́b
(Máá 9:38-41)
49Néré Zhâŋ mékhó Yěsô ntsɔ́ pwó yé ŋgâ: «Ntsɛ́ssó, psi zhʉ́ cyó ŋɔŋ a yɔ́ɔ́ tíí wo ndzú zhʉye kəpɔŋ núŋ. Psi ntáʼá ne nǎŋne wé, ŋkyé ŋgâ a psi pɔ́b mbé ŋgíŋgye pe wo pó.» 50Yěsô pɔ́rɔ́ ne pɔ́b ŋgâ: «Puŋ tee wé, ŋkyé ŋgâ ŋɔŋ wɛ́ a mbáŋ wúŋ nɛ́ pó, a puŋ pɔ́b.»
Yěsô yɔ́ɔ́ mɛndɔ́b Yerʉ́salɛm
51Ŋkhoʼyɛ́ Yěsô kɛ ghɛ́ ntee mvé yɔŋ nɛ́, kpáŋa tó yé zhʉyí ŋgâ a yɔ́ɔ́ mɛndɔ́b Yerʉ́salɛm. 52Á twɔ́ pɔŋ síŋ yé. Ghaŋántɔ́b péré ghú ŋkúŋɔ ndzó taʼ yáʼ ndzó pɛ́rɛ́ ŋgɔŋ Samari ne ntsuŋúne kʉ́yóne Yěsô. 53Mbe yáʼ yéré pe ghəyɛ́ wé pó ŋkyé ŋgâ a kɛ ghǔ Yerʉ́salɛm. 54Njʉ́ a kɛ pe néré nɛ́, Zhakə pú Zhâŋ, nsó ŋgâ: «Ntsɛɛpɔŋ, a pɛ yɛ́ wo kʉyě nɛ́, psi kaʼ mɔ́ɔ́ pépéé a kpíí wɔ́b!» 55Yěsô séd mbəb yé sáʼá wɔ́b. 56Pɔ́b ŋǎ yóʼó ŋgú ndzó cyó yáʼ ndúŋ.
Tɛɛmbɛ ŋɔŋ zhyɛ́ níŋ cʉ́ʼɔ́ ndzəb Yěsô?
(Mat 8:19-22)
57Ŋkhoʼyɛ́ pɔ́b kɛ pɛ mɛndɔ́b nɛ́, cyó ŋɔŋ ntsɔ́ pwó Yěsô ŋgâ: «Mə nzɔŋɔ wo ndzó ŋkɔŋɔ ywoʼ pɛ wo náʼá ŋgú náá nɛ́.» 58Yěsô pɔ́rɔ́ pwó yé ŋgâ: «Pɛ səb tséʼé mbéé mɔ́b, mbɛ péshʉŋ pépéé tséʼé yáʼ mɔ́b. Ntsʉʼmbé zé nɛ́ ŋgâ Mɔ́ŋ ŋɔŋ tséʼé ywoʼ núŋɔ́ tó yé pó.» 59Yěsô pó ntsɔ́ cyó ŋɔŋ ŋgâ: «Tsʉʼɔ́ ndzəb mo!» Á gháá: «Zwəʼɛ mə ŋgú, ntsʉ tɛd ya ŋkɔ́ŋ.» 60Yěsô pod ŋgâ: «Puŋ tee pfɔ̂pɔŋ, tsʉ́ pfɔ̂pɔŋ pɔ́b! Ŋgɛmbɛ ne wo, ghú ncʉ́rí Nofɔŋ Mboʼmvé!» 61Cyó ŋkʉ́rʉ́ nsó ŋgâ: «Mə ntsʉʼɔ ndzəb kɛ Ntsɛɛpɔŋ, ntsʉʼmbé ndzwəʼɛ mə ŋgú, ndíʼé ndǎ ya.» 62Yěsô ntsɔ́ pwó yé ŋgâ: «Á pɛ yɛ́ ŋɔŋ ghú ssó ŋkhu ndzəb nɛ́, mbǒ a tséʼé ywoʼɔ ghɔ́rɔ́ ndzó Nofɔŋ Mboʼmvé pó.»
ទើបបានជ្រើសរើសហើយ៖
Lúkaasə 9: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 9
9
Yěsô twɔ́ ŋgíŋgye pé ntsɔ̌bpáá
(Mat 10:1-9; 10:11-14; Máá 6:6-13)
1Njʉ́ Yěsô kɛ téré ŋgíŋgye pé ntsɔ̌bpáá nɛ́, a fɛ́ tʉ̌ŋ pwɛ sáʼne ŋkɔŋɔ zhʉye kəpɔŋ pwɛ mbɛ́dne ŋkɔŋɔ ghɔŋ náá ne pɔ́b. 2Á twɔ́ wɔ́b ŋgâ pɔ́b ghú cʉrí Nofɔŋ Mboʼmvé mbó mbɛ́d pɛ ghɔŋ. 3Pɔ́b kɛ ghɛ́ ŋgú, a ntʉ́ʉ́ tó yɔ́b ŋgâ: «Puŋ ndɛ ndɔ́ɔ́ yɔ́b. Kii pab. Kii ŋkəmbaŋ, kii mbré, kii mbób. Kii ŋɔŋ ndɛ tséʼé ndzwé yípáá. 4Ndáb yɛ́ pé yɔ́ɔ́ wúŋ yóʼó sʉ́ʼʉ nɛ́, puŋ tsó ndzóó tɛ mbáŋ zhyémvé yɛ́ puŋ ŋǎ nɛ́. 5Ywoʼ yɛ́ pé yɔ́ɔ́ wúŋ sʉ́ʼʉ nɛ́ pó, puŋ ghɛ́ twɔ́ ndzó mbɛ́lʉ́ŋ yéré, tsěd pfúbɔ tɔ́kpee múŋ ne nyǒʼne ŋgâ pɔ́b zhyɛ́ a pé pú pó.» 6Pɔ́b ghú, kɛ́rɛ́ ndzó pɛ yáʼ ncʉ́rí no sʉ́ʼʉ mbó mbɛ́rɛ́ pɛ ghɔŋ ndzó ŋkɔŋɔ ywoʼ náá.
No yɛ́ a kɛ vaʼa Erodə nɛ́
(Mat 14:1-2; Máá 6:14-16)
7Erodə wɛ́ a kɛ sáʼá pɛ́rɛ́ ŋgɔŋ Galílya nɛ́, kɛ zóʼ ŋkɔŋɔ meno pɛ́ a kɛ záʼ nɛ́, a tsɛ́ɛ́ wé, ŋkyé ŋgâ pecyó pɔŋ kɛ ntsɔ́ ŋgâ: «Zhâŋ zhʉyɛ́ ne vó!» 8Pecyó pɔŋ gháá: «Elya pǒd ndzəb!» Pecyó gháá: «Cyó taʼ ŋgaŋatsɔ́kpaŋató Mboʼmvé wɛ́ a kɛ pé nɛ́, zhʉyɛ́ ne vó!» 9Erodə nsó ŋgâ: «A kɛ zhyɛ́ kpaʼ mo wɔŋ pé tséé tó Zhâŋ. Wɔŋ ŋɔŋ wɔ́ ŋgyɛ́ pɔŋ meno pɛ́ mə ndzóʼó kaʼa nɛ́?» Néré Erodə taʼa ne mbɛ́dne mbzítíí mbəb Yěsô.
Yěsô zhʉyí pɔŋ zááme
(Mat 14:13-21; Máá 6:30-44)
10Ghaŋántɔ́b Yěsô kɛ pǒd ndzəb, sɔ́ŋɔ́ wé ne meno pɛ́ pɔ́b kɛ zhyɛ́ nɛ́. Á yɔ́ɔ́ wɔ́b pú pɔ́b náʼá mbaʼ ŋgú ndzó mbɛ́lʉ́ŋ Betsayida. 11Pɔŋ zóʼ, nzɔŋɔ wɔ́b. Yěsô yɔ́ɔ́ wɔ́b sʉ́ʼʉ, nsó Nofɔŋ Mboʼmvé ne pɔ́b mbó mbɛ́rɛ́ ghaŋághɔŋ pɛ́ pɔ́b kɛ nzɔŋɔ fwôghɔŋ nɛ́.
12Njʉ́ ŋkhoʼfwɔ̂nab kɛ tsé ŋkúʼɔ nɛ́, ŋgíŋgye Yěsô ntsɔ̌bpáá suʼú mbəb yɔ́b mbɛ́rɛ́ wé ntsɔ́ pwó yé ŋgâ: «Zhyɛ́ pɔ́b pǒd ndzəb ndzó pɛ yáʼ pwɛ ndáb piŋ pɛ ne gháá mé nɛ́, yânéré pɔ́b paʼ ntswee wɔ́b mbó njʉ́ ywoʼɔ yáʼá. Ŋkyé ŋgâ piŋi pɛ́ɛ́ fób.» 13Yěsô pɔ́rɔ́ ne pɔ́b ŋgâ: «Tómbəb yúŋ, puŋ fɛ́ mɔ́b pɔ́b zó.» Pɔ́b pó ntsɔ́ pwó yé ŋgâ: «Psi ké ntsɛ́ʼɛ́ ntʉ́ʼ mbré yítaŋ ne ndíí ssó yípáá. Ndaʼ njʉ́ psi ŋgú ne tómbəb zhí nzúŋɔ́ mwɔ̌zó pwó ndɔŋɔ pɔŋ pɔŋ nɛ́?» 14Pɔ́b kɛ pɛ yóʼó yɔ́b ŋkáb mbzíŋi yítaŋ.
Yěsô ntsɔ́ pwó ŋgíŋgye pé ŋgâ: «Puŋ zhyɛ́ pɔ́b ghɔ́rɔ́ syé ne pɛ mvuʼ pɔŋ ghúbmetáŋ.» 15Ŋgíŋgyé pé zóʼ ntswee yé, ŋgyɛ́ pɔ́b ghɔ́rɔ́ syé. 16Yěsô yɔ́ɔ́ ntʉ́ʼ mbré yítaŋ pwɛ ndíí ssó yípáá yéré. Mbuʼu tó yé ndíŋí pépéé, níŋi mbúru ndúŋú, mboʼ fɛ́ pwó ŋgíŋgye pé ŋgâ pɔ́b ghób pwó pɔŋ. 17Pɔ́b ghób, ŋkɔŋɔ pɔŋ náá pfɔ̂ d, ndzód. Pfuʼ yé yɛ́ a kɛ ntsʉʼ nɛ́, pé níŋɛ ndzó tsɔ̌b kékáʼá yípáá.
Pětro pod ŋgâ á Yěsô mbé Kristo wɛ́ Mboʼmvé nuʼ nɛ́
(Mat 16:13-21; Máá 8:27-31)
18Taʼ zhyémvé mve, Yěsô paʼ mbəb yé pwɛ ŋgíŋgye pé tsé ntsɛ́ʼɛ́ Mboʼmvé. Yěsô psirɛ́ wɔ́b ŋgâ: «Pɔŋ tsɔ̂ ŋgâ mə wɔ́?» 19ŋgíŋgye pé pod ŋgâ: «Pecyó pɔŋ gháá wo Zhâŋ Batisə. Pecyó gháá wo Elya. Pecyó ŋkʉ́rʉ́ ntsɔ́ ŋgâ wo ndzuŋ ŋgaŋatsɔ́kpaŋató Mboʼmvé wɛ́ a zhʉyɛ́ ne vó nɛ́.»
20Yěsô pó mvirɛ wɔ́b ŋgâ: «Ŋgɛmbɛ ne puŋ, mə wɔ́?» Pětro pod ŋgâ: «Wo Kristo wɛ́ Mboʼmvé nuʼ nɛ́!» 21Yěsô ntʉ́ʼé təŋé mɔ́b ŋgâ: «Puŋ zhyáŋa kii ntsɔ́ ŋɔŋ!» 22Á pó nsó ŋgâ: «A zɔŋɔ ŋgâ Mɔ́ŋ ŋɔŋ zhʉ́ ŋgəʼo zááme. Pɛ ghəkód, pɛ ntsɛ́ssó ghaŋáshʉ́, pwɛ ghaŋákeʼekaŋ khə́ŋɛ́ wé. Pɔ́b nɔʼ wé. Zhyé pékyéd ghɛ́ ndzáʼá a zhʉyɛ́ ne vó.»
Mbziʼe njʉ́ mbɛ wɔ́ nzɔŋɔ Yěsô nɛ́
(Mat 16:24-28; Máá 8:34–9:1)
23Kɛ́ʼɛ́ Yěsô ntsɔ́ pwó ŋkɔŋɔ wɔ́b náá ŋgâ: «Á pɛ yɛ́ ŋɔŋ zɔŋɔ ntsʉʼɔ ndzəb mo nɛ́, ŋkyé mbəb yé, ŋkyɛ́ ŋgʉŋʉ yé ŋkɔŋɔ zhyémvé náá, ntsʉʼɔ ndzəb mo. 24Ŋɔŋ wɛ́ a taʼa kpê tsómvé yé nɛ́, a ŋkʉ́yó mbzyé. Ŋɔŋ wɛ́ a psyé tsómvé yé ŋkyé ya nɛ́, kʉ́yó ntsɛʼɛ ndzǔne. 25Á yɛ́rɛ́ psíŋi pú ŋɔŋ ne ndzóne mvé náá, mbó kʉ́yó mbwó kii ŋgâ kʉ́yó shʉbɛ? 26Á pɛ yɛ́ ŋɔŋ tséʼé pfɔ̂shʉ́ŋ ŋkyé ya kii ŋkyé nsó ya nɛ́, mbǒ Mɔ́ŋ ŋɔŋ ké náʼ tsɛ́ʼɛ́ pfɔ̂shʉ́ŋ ŋkyé wé ŋkhoʼyɛ́ a kʉ́yó kʉ́yó ndzɔ́ʼɔ́ ŋgúʼune mé, pwɛ yé tɛd yé, pwɛ yé pɛ aŋgere yáŋme nɛ́. 27Kpaʼ sísíŋ, mə ntsɔ́ ne puŋ ŋgâ: tɛ pecyó pɔŋ pɛ́ pɔ́b ghaŋ nɛ́ pé pfɔ̂ kii zhʉ́ Nofɔŋ Mboʼmvé pó.»
Pětro, Zhakə pú Zhâŋ zhʉ́ Yěsô ndzɔ́ʼɔ́ ghɛ́ɛ́ Mboʼmvé
(Mat 17:1-8; Máá 9:2-8)
28Njʉ́ a kɛ ntsɔ́ ne pɔ́b kɛ́ʼɛ́ nɛ́, ywɔ́ zhyémvé mve péfwɔ̂ záʼ, Yěsô yɔ́ɔ́ Pětro, Zhâŋ ne Zhakə pú pɔ́b kɔ́ʼɔ́ ndúŋú ŋkə́ŋ ne ntséʼéne Mboʼmvé. 29Ŋkhoʼyɛ́ Yěsô kɛ ntsɛ́ʼɛ́ Mboʼmvé nɛ́, záŋ yé séd, ndzwé yé séd fʉ́ʉ́ tɛ nyʉ́yí nyʉ́yí. 30Pɔ́b zhʉ́ njʉ́, Yěsô kɛ ntsɔ́ pwɛ pɔŋ pépáá nɛ́. A kɛ pé Mǔsê pú Elya. 31Pɔ́b nyɔʼ mbəb yɔ́b. Ŋgúʼune Mboʼmvé nyʉ́yí nyʉ́yí mbəb pɔ́b. Pɔ́b ntsɔ njʉ́ Yěsô náʼá ŋgú mee faʼ yé Yerʉ́salɛm nɛ́. 32Pětro pwɛ pɛkpee pe zhyémvé tɛ mbúrú. Ŋkhoʼyɛ́ pɔ́b kɛ zebe nɛ́, pɔ́b zhʉ́ Yěsô ndzɔ́ʼɔ́ ŋgúʼune mé pwɛ pɔŋ pépáá pɛ́ pú pɔ́b kɛ pé nɛ́. 33Njʉ́ Mǔsê pú Elya kɛ ŋǎ pfúŋɔ́ Yěsô nɛ́, Pětro ntsɔ́ pwó yé ŋgâ: «Ntsɛ́ssó, á pú ŋgâ piŋi ntsʉʼɔ ghaŋ. Piŋi ŋkwód ntab pékyéd: taʼ yé pwó wo, taʼ yé pwó Mǔsê, ne taʼ yé pwó Elya.» Pětro kɛ zɛ́ no yɛ́ a kɛ ntsɔ́ kɛ́ʼɛ́ nɛ́ pó.
34Ŋkhoʼyɛ́ Pětro kɛ tsé ntsɔ́ nɛ́, taʼ pfuŋ twɔ́ kʉ́yó ne kúbune wɔ́b. Njʉ́ pɔ́b kɛ ŋkúŋɔ ndzɔ́ʼɔ́ pfuŋ yéré nɛ́, pɔ́ɔ́ gbáá wɔ́b. 35Taʼ ndzəb twɔ́ ndzɔ́ʼɔ́ pfuŋ yéré, nsó ŋgâ: «Yɔŋ Mɔ́ŋ ya wɛ́ mə ntsɔ́ʼ nɛ́. Puŋ zóʼ wé!» 36Ŋkhoʼyɛ́ pɔ́b kɛ zóʼ ndzəb yéré nɛ́, pɔ́b ké njʉ̌ ndaʼ Yěsô. Ŋgíŋgye pé ŋgʉʼɔ pfɔ̂ pɔ́b, mbé nsó no yɛ́ pɔ́b kɛ zhʉ́ nɛ́ pwó ŋɔŋ ŋkhoʼyéré pó.
Yěsô zú zhʉye kəpɔŋ mbəb taʼ Mɔ́ŋ
(Mat 17:14-18; Máá 9:14-27)
37Keemvé, njʉ́ Yěsô pwɛ ŋgíŋgye pé kɛ shʉ́yí ndúŋú ŋkə́ŋ nɛ́, pɔŋ zááme kʉ́yó ntsɛ́rɛ́ wé. 38Á ndzɔ́ʼɔ́ pɔŋ péré, taʼ ŋɔŋ ghéʼ ŋgâ: «Kéʼeyáŋ, mə mbóʼmbwó, yɔ́ɔ́ ŋgəʼo mbəb Mɔ́ŋ ya wɔŋ! Á ŋkʉyé Mɔ́ŋ ya nɛ́! 39Taʼ zhʉye kəpɔŋ ndɛ gbáá wé, ŋgyɛ́ a fɛ́ɛ́ ŋgéʼ, ntʉ́ʼ, kyɛ twɔ́ ntswee yé. Mbɔ́rɔ́ ntee wé a pé zyaŋa pó, ŋgɛ́ɛ́ nyʉʼɛ́ wé náá. 40Mə mbóʼmbwó pwó ŋgíŋgye pe wo ŋgâ pɔ́b zú zhʉye kəpɔŋ wéré, a tsɛ́ɛ́ wɔ́b.» 41Yěsô nsó ŋgâ: «Puŋ, ŋgɔbɔ ŋumesɔŋ ndzebé, kii tséʼé psyɛ́ndzɔʼ, mbó ŋgyɛ́ no kəpɔŋ. Piŋi mbɔ́rɔ́ ntsó fuʼ níŋ, mə mbó gbáá ndzɔʼ ŋkyé wúŋ kɛɛ yíkɔ́ puŋ pɔ́rɔ́ mbzyɛ́ ya mo? Kʉ́yó ne Mɔ́ŋ wo ghaŋ.» 42Ŋkhoʼyɛ́ Mɔ́ŋ kɛ suʼú mbəb yé fɛ́ pfúŋɔ́ Yěsô nɛ́, zhʉye kəpɔŋ máʼ wé syé, mbó nyʉ́ wé a ntʉʼ. Yěsô mǐ zhʉye kəpɔŋ, ndzú wé mbəb mɔ́ŋ, núʼɔ́ wé pwó tɛd yé. 43Ghɛ́ɛ́ Mboʼmvé muʼɔ wɔ́b náá.
Yěsô ké mbó nsó ŋkyé vó yé
(Mat 17:22-23; Máá 9:30-32)
Njʉ́ ŋkɔŋɔ pɔŋ náá kɛ ghoʼó ŋkɔŋɔ meno pɛ́ Yěsô kɛ zhyɛ́ nɛ́, a ntsɔ́ pwó ŋgíŋgye pé ŋgâ: 44«Puŋ psyé təŋé múŋ ndzóʼ no yɛ́ mə ntsɛ́ʼɛ́ ne ntsóne ne puŋ nɛ́. Pé kʉ́yó fí Mɔ́ŋ ŋɔŋ pwó pumésɔŋ.» 45Ntsʉʼmbé, tó ŋgíŋgye pé pe yáŋ ne wéré nsó pó. Ŋkyé ŋgâ a kɛ pɛ́ ne pɔ́b pe kwódme. Kɛ́ʼɛ́ ŋgâ pɔ́b ndɛ ndzóʼ kéétsi nsó wéré. Pɔ́b pó mbɔ́ɔ́ pɔ́ɔ́ ne mbzírine Yěsô núŋ.
Á wɔ mbé ŋɔŋ kəkwéʼe
(Mat 18:1-5; Máá 9:33-37)
46Taʼ kpaŋ kʉ́yó tó pɔ́b ŋgâ: «A kaʼa ndzɔ́ʼɔ́ piŋi, á kɛ́ʼɛ́ tsɛ́ɛ́ wɔ́ tsɛ́ɛ́ wíŋi náá?» 47Yěsô zí no yɛ́ pɔ́b kɛ kpáŋa nɛ́. Fú taʼ Mɔ́ŋ fɛ́ pfúŋɔ́ yé. 48Ntsɔ́ ŋgíŋgye pé ŋgâ: «Á pɛ yɛ́ ŋɔŋ yɔ́ɔ́ Mɔ́ŋ wɔŋ sʉ́ʼʉ ŋkyé ya nɛ́, mbǒ a yɔ́ɔ́ pe ya nɛ́ sʉ́ʼʉ. Ŋɔŋ wé a yɔ́ɔ́ ya sʉ́ʼʉ nɛ́ mbǒ a yɔ́ɔ́ Ŋɔŋ wɛ́ a kɛ twɔ́ ya nɛ́. Ŋkyé ŋgâ ŋɔŋ wɛ́ a menzyaŋándzɔ́rɔ́ tsetsɛrɛ puŋ náá nɛ́, a tsɛ̌ yé tsɛ́ wúŋ.»
Ŋɔŋ wɛ́ a mbáŋ wúŋ nɛ́ pó, a puŋ pɔ́b
(Máá 9:38-41)
49Néré Zhâŋ mékhó Yěsô ntsɔ́ pwó yé ŋgâ: «Ntsɛ́ssó, psi zhʉ́ cyó ŋɔŋ a yɔ́ɔ́ tíí wo ndzú zhʉye kəpɔŋ núŋ. Psi ntáʼá ne nǎŋne wé, ŋkyé ŋgâ a psi pɔ́b mbé ŋgíŋgye pe wo pó.» 50Yěsô pɔ́rɔ́ ne pɔ́b ŋgâ: «Puŋ tee wé, ŋkyé ŋgâ ŋɔŋ wɛ́ a mbáŋ wúŋ nɛ́ pó, a puŋ pɔ́b.»
Yěsô yɔ́ɔ́ mɛndɔ́b Yerʉ́salɛm
51Ŋkhoʼyɛ́ Yěsô kɛ ghɛ́ ntee mvé yɔŋ nɛ́, kpáŋa tó yé zhʉyí ŋgâ a yɔ́ɔ́ mɛndɔ́b Yerʉ́salɛm. 52Á twɔ́ pɔŋ síŋ yé. Ghaŋántɔ́b péré ghú ŋkúŋɔ ndzó taʼ yáʼ ndzó pɛ́rɛ́ ŋgɔŋ Samari ne ntsuŋúne kʉ́yóne Yěsô. 53Mbe yáʼ yéré pe ghəyɛ́ wé pó ŋkyé ŋgâ a kɛ ghǔ Yerʉ́salɛm. 54Njʉ́ a kɛ pe néré nɛ́, Zhakə pú Zhâŋ, nsó ŋgâ: «Ntsɛɛpɔŋ, a pɛ yɛ́ wo kʉyě nɛ́, psi kaʼ mɔ́ɔ́ pépéé a kpíí wɔ́b!» 55Yěsô séd mbəb yé sáʼá wɔ́b. 56Pɔ́b ŋǎ yóʼó ŋgú ndzó cyó yáʼ ndúŋ.
Tɛɛmbɛ ŋɔŋ zhyɛ́ níŋ cʉ́ʼɔ́ ndzəb Yěsô?
(Mat 8:19-22)
57Ŋkhoʼyɛ́ pɔ́b kɛ pɛ mɛndɔ́b nɛ́, cyó ŋɔŋ ntsɔ́ pwó Yěsô ŋgâ: «Mə nzɔŋɔ wo ndzó ŋkɔŋɔ ywoʼ pɛ wo náʼá ŋgú náá nɛ́.» 58Yěsô pɔ́rɔ́ pwó yé ŋgâ: «Pɛ səb tséʼé mbéé mɔ́b, mbɛ péshʉŋ pépéé tséʼé yáʼ mɔ́b. Ntsʉʼmbé zé nɛ́ ŋgâ Mɔ́ŋ ŋɔŋ tséʼé ywoʼ núŋɔ́ tó yé pó.» 59Yěsô pó ntsɔ́ cyó ŋɔŋ ŋgâ: «Tsʉʼɔ́ ndzəb mo!» Á gháá: «Zwəʼɛ mə ŋgú, ntsʉ tɛd ya ŋkɔ́ŋ.» 60Yěsô pod ŋgâ: «Puŋ tee pfɔ̂pɔŋ, tsʉ́ pfɔ̂pɔŋ pɔ́b! Ŋgɛmbɛ ne wo, ghú ncʉ́rí Nofɔŋ Mboʼmvé!» 61Cyó ŋkʉ́rʉ́ nsó ŋgâ: «Mə ntsʉʼɔ ndzəb kɛ Ntsɛɛpɔŋ, ntsʉʼmbé ndzwəʼɛ mə ŋgú, ndíʼé ndǎ ya.» 62Yěsô ntsɔ́ pwó yé ŋgâ: «Á pɛ yɛ́ ŋɔŋ ghú ssó ŋkhu ndzəb nɛ́, mbǒ a tséʼé ywoʼɔ ghɔ́rɔ́ ndzó Nofɔŋ Mboʼmvé pó.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល