Lúkaasə 8
8
Pɔŋ pɛ́ pwɛ Yěsô kɛ nyí nɛ́
1Njʉ́ yéré no kɛ záʼ nɛ́, Yěsô pwɛ ntsɔ̌b ŋgíŋgye pé pépáá ke ghú ndzó pɛ mbɛ́lʉ́ŋ pwɛ yáʼ ntsɔ́ mbó ncʉ́rɛ meno sʉ́ʼʉ ne Nofɔŋ Mboʼmvé. 2Mbɛ pěŋgyé pɛ́ Yěsô kɛ pɛ́d ghɔŋ yɔ́b mbó túbú pɛ zhʉye kəpɔŋ mbəb pɔ́b nɛ́, kɛ ké ghɛmbɛ́ ndzəb yé. Tíí yɔ́b kɛ pé: Malya wɛ́ pé kɛ fú wé ne Matali nɛ́. Yěsô kɛ túbú zhʉye kəpɔŋ yísambáá mbəb yé. 3Zhânə ŋgʉyé Shuza, Ŋgaŋafaʼ Erodə, Sesana pwɛ pecyó pěŋgyé zááme. Pɔ́b tuʼɔ faʼ ne mɔ́b pɔ́b.
Fuʼno ndúŋú mvěmɔ́b
(Mat 13:1-9; Máá 4:1-9)
4Mvúʼ pɔŋ kɛ twɔ́ ndzó ŋkɔŋɔ pɛ mbɛ́lʉ́ŋ náá tɛ́rɛ pfúŋɔ́ Yěsô, a yɔ́ɔ́ fuʼno nsó ŋgâ: 5«Taʼ Ŋgaŋafaʼ kɛ ghú máʼá mvěmɔ́b pé. Njʉ́ a kɛ tsé máʼá nɛ́, pecyó míí mé pfed ŋgú ne gháá mɛndɔ́b. Pɔŋ záʼ nébe, péshʉŋ tsóó náá. 6Pecyó míí mé vɔ́ ndzɔ́ʼɔ́ méŋkáb ŋgoʼ, sáʼ ndzwɔ́ náá tó kâ nse. 7Pecyó míí mé vɔ́ ndzɔʼ mɛkɔb, sáʼ, pú yé ghɛ́ ŋgóʼó, mɛ́kɔb fóó wé. 8Pecyó míí mé vɔ́ ndzó ywoʼ sʉ́ʼʉ, sáʼ ndzwɔ́ ntáá sʉ́ʼʉ: Taʼ tsóʼ fɛ́ kpǐ ndíí.» Yěsô nsó, ŋkʉ́rʉ́ ndzəb yé fɛ́ nsó ŋgâ: «Ŋɔŋ wɛ́ a tséʼé təŋé zóʼó no nɛ́, a zóʼ!»
Yěsô kɛ yɔ́ɔ́ yɔŋ fuʼno ŋkyé kɔ́?
(Mat 13:10-13; Máá 4:10-12)
9Ŋgíŋgye Yěsô psirɛ́ wé ŋgâ: «Yɔŋ fuʼno pɛ́ ntsɔ́ ŋgâ kɔ́?» 10A pɔ́rɔ́ ne pɔ́b ŋgâ: «Mboʼmvé zhyɛ́ ŋgâ puŋ zé meno ywʉme ne Nofɔŋ yé. Ntsʉʼmbé ne pecyó pɔŋ, pé máʼá fuʼ yé ne pɔ́b. Yânéré, pɔ́b tíŋí mbé zhʉ́ pó, pɔ́b ndzóʼó mbé zɛ́ pó.»
Yěsô keʼtsi fuʼno mvěmɔ́b
(Mat 13:10-23; Máá 4:13-20)
11Yěsô ntsɔ́ pwó ŋgíŋgye pé ŋgâ: «Kéétsi fuʼno yɔŋ tsɔ̌ ŋgâ: mvěmɔ́b, a nsó Mboʼmvé. 12Pɔŋ pɛ́ pɔ́b ne gháá mɛndɔ́b nɛ́, a pɔŋ pɛ́ pɔ́b zóʼ nsó Mboʼmvé, ntsʉʼmbé Sátaŋ, ŋgaŋákəpeŋé kʉ́yó ndzó ndzɔʼ yɔ́b tubú nɛ́, yânéré ŋgâ kii pɔ́b ndɛ mbzyɛ́, tséʼé ndzǔne. 13Pɔŋ pɛ́ pɔ́b ndzɔ́ʼɔ́ méŋkáb ŋgɔʼ nɛ́, pɔŋ pɛ pɔ́b zóʼ nsó Mboʼmvé ne ndebéne, ntsʉʼmbé a pé tséʼé ŋaŋ mé ndzó ndzɔʼ yɔ́b nɛ́ pó. Pɔ́b ké mbzyɛ́ nsó Mboʼmvé pé ne mɔ́ŋtiʼa ŋkhoʼ. Kpeʼe ké ŋgɛ ntsɛ́ɛ́ síŋ pɔ́b, pɔ́b myé ndúŋú. 14Mvěmɔ́b pɛ́ a vɔ́ ndzɔ́ʼɔ́ mɛ́kɔb nɛ́, a pɔŋ pɛ́ pɔ́b zóʼ nsó Mboʼmvé, pɛ kpáŋa tó, pɛ foʼ pwɛ pɛ mɔ́b mvé naŋ ŋgâ nsó Mboʼmvé ndɛ ndzwɔ́ ntáá sʉ́ʼʉ ndzó ndzɔʼ yɔ́b nɛ́. 15Mvěmɔ́b pɛ a vɔ́ ndzó ywoʼ sʉ́ʼʉ nɛ́, a pɔŋ pɛ́ pɔ́b zóʼ nsó Mboʼmvé ne ndáá ndzɔʼ sʉ́ʼʉ, ŋgʉʼɔ nɛ́. A zwɔ́ ntáá sʉ́ʼʉ ŋkyé shʉ̌ndzɔʼ yɔ́b.»
Fuʼno ndúŋú lámbo
(Máá 4:21-25)
16«Pé ndɛ mbé nə́bɛ́ lámbo ŋkubú ne túŋ kii ŋgâ ntii ntsí kúŋ pó. Ntsʉʼmbé, pé ndɛ ntǐ ndúŋú tswə́d, kɛ́ʼɛ́ ŋgâ ŋkɔŋɔ pɔŋ pɛ́ pɔ́b ŋkúŋɔ ndáb náá nɛ́, zhʉ́ ndáŋne mé. 17Ŋkyé ŋgâ, cyó yɔ́b yɛ́ tɛ pé ywʉ́ kii pé náʼá njʉ́ ne zhyaŋa nɛ́ ghú pó, cyó yɔ́b yɛ́ tɛ pé nyáʼá kii pé náʼá ndzé nɛ́ ghú pó. Ŋkɔŋɔ yé náá kʉ́yó twɔ́ tétáá. 18Pǔŋ máʼ fǐ ndzó təŋé múŋ ne mbziʼe yɛ́ puŋ zóʼó no nɛ́. Ŋkyé ŋgâ pé kʉ́yó mvíí pwó ŋɔŋ wɛ́ a tséʼé nɛ́! Ntsʉʼmbé ŋɔŋ wɛ́ a tséʼé nɛ́ pó, pé kpê mɔ́ŋtiʼe yɛ́ a kpáŋa ŋgâ a tséʼé nɛ́!»
Kpaʼ ndǎ Yěsô
(Mat 12:46-50; Máá 3:31-35)
19Pumésɔŋ kɛ zhyɛ̂ Yěsô kaʼatɛ, mɛ́ yé pwɛ pɔ́ŋmɛ́ pé kʉ́yó, mbe kúʼɔ́ ne mbáŋne pfúŋɔ́ yé pó. 20Néré, pé ntsɔ́ pwó Yěsô ŋgâ: «Mɛ́ wo pwɛ pɔ́ŋmɛ́ pó tsé náá wo mvé.» 21A pɔ́rɔ́ ne pɔ́b ŋgâ: «Mɛ́ ya pwɛ pɔ́ŋmɛ́ pe ya, a pɔ́ŋ pɛ pɔ́b zóʼó nsó Mboʼmvé ntsɛ́ ndúŋú nɛ́.»
Yěsô púrú fəfod ntʉ̌ŋme
(Mat 8:18; 8:23-27; Máá 4:35-41)
22Á kɛ pé taʼ zhyémvé mvé, Yěsô pwɛ ŋgíŋgye pé kɔ́ʼɔ́ ndzó páŋ. A ntsɔ́ ne pɔ́b ŋgâ: «Piŋi sáʼá ne yiŋ ndzáʼ nse.» Pɔ́b ndzyě ntswɛ́ páŋ. 23Njʉ́ pɔ́b kɛ ntswɛ́ páŋ nɛ́, yɔ́ɔ́ nzwəə Yěsô. Fǐme nɛ́, taʼ fəfod ntʉ̌ŋme tsé ndzáʼá ndúŋú nse, nse ŋkúŋ tɛ tsé ndúŋɔ páŋ. A kɛ ghɛ́ɛ́ pɔ́b kɛ tsɛ́ɛ́ mésɔvó. 24Ŋgíŋgye Yěsô suʼú mbəb yɔ́b mbɛ́rɛ́ wé, njʉ̌ wé ne yɔ́ɔ́, ntsɔ́ pwó yé ŋgâ: «Ntsɛ́ssó, ntsɛ́ssó! Piŋi kɛ pfɔ̂ nɛ́ náá.» Yěsô zɛ́ bɛ ne yɔ́ɔ́, ŋǎ syé mǐ fəfod pwɛ mbaʼ nse ntʉ̌ŋme. Pɔ́b kɔɔ, ywoʼ zhírí. 25Yěsô psirɛ́ wɔ́b ŋgâ: «Psyɛ́ndzɔʼ yuŋ yɛ́?» Njʉ́ a kɛ pé néré nɛ́, pɔ́b pɔ́ɔ́ kaʼatɛ, tó yɔ́b vaʼ. Pɔ́b ntsɔ́ tsetsɛrɛ pɔ́b ŋgâ: «Yɔŋ zhí ŋɔŋ pɛ́ɛ́ níŋ tɛ sáʼá nse pwɛ fəfod, pɔ́b ké ndzóʼó néré?»
Yěsô pɛ́d taʼ ŋɔŋ wɛ́ zhʉye kəpɔŋ kɛ pɛ mbəb yé nɛ́
(Mat 8:28-34; Máá 5:1-20)
26Yěsô pwɛ ŋgíŋgye pé tsyɛ́ páŋ yɔ́b ndzó ŋgɔŋ Zheraseniyɛŋ. Ŋgɔŋ yɛ́ ne yiŋ ndzáʼ nse Galílya nɛ́. 27Ŋkhoʼyɛ́ pɔ́b kɛ tsé shíí ndzó páŋ nɛ́, taʼ ŋɔŋ mbɛ́lʉ́ŋ wéré kʉ́yó pfúŋɔ́ yé. Ŋɔŋ wéré kɛ tséʼé pɛ zhʉye kəpɔŋ mbəb yé. Féré néré, ŋɔŋ wéré tsé mbé gbéé ndzwé pó. A kɛ tsé mbé yáʼa ndáb pó kaʼatɛ ndaʼa ndzɔ́ʼɔ́ pɛ sye. 28-29Zhʉye kəpɔŋ wéré kɛ záá nyʉ́ wé, pé kwórɔ́ wé ne ŋkɔŋɔ mbziʼe tsáŋ pwɛ kapoʼ náá, a ké ntsê tséé. Á tíŋɛ wé fɛ́ ndzó ywoʼ yɛ́ pɔŋ yóʼó nɛ́ pó. Ŋkhoʼyɛ́ zhʉye kəpɔŋ kɛ zhʉ́ Yěsô nɛ́, a vɔ́ ne kpee mé, ŋgéʼ, ntsɔ́ ne tʉ̌ŋ ŋgâ: «Wo zɔŋɔ kɔ́ ne mo, Yěsô, Mɔ́ŋ Mboʼmvé wɛ́ kpaʼ pépéé nɛ́? Mə Póʼmbwó! Ndɛ ŋgyɛ́ no kəpɔŋ mbəb mo.» Yěsô sáʼ wé ŋgâ a twɔ́ mbəb yé. 30Yěsô psirɛ́ wé ŋgâ: «Tíí wo kɔ́?» A pod ŋgâ: «Záá ŋgáʼ» ŋkyé ŋgâ zhʉye kəpɔŋ zááme kɛ pɛ mbəb yé. 31Pɛ zhʉye kəpɔŋ mbóʼmbwó pwó Yěsô ŋgâ: «Ndɛ máʼá ywí ndzó ndzyě ghəghód ŋgəʼo.»
32A kɛ ghɛ́ kɛrɛ ŋkhúnab pɛ zóó ndúŋú ŋkə́ŋ. Pɔ́b póʼmbwó, ntsɔ́ pwó Yěsô ŋgâ: «Tee ywí, psi ŋkúŋɔ mbəb pɛ ŋkhúnab piŋ.» Yěsô psyɛ́ néré fɛ́ ne pɔ́b. 33Néré pɔ́b twɔ́ ŋkúŋɔ mbəb pɛ ŋkhúnab, pɔ́b yɔ́ɔ́ ndéé, twɔ́ ne gháá pɛ́rɛ́ paŋ mvɔ́ nse, pfɔ̂.
34Ŋkhoʼyɛ́ pɛ mvyébkɛd kɛ zhʉ́ yéré no nɛ́, pɔ́b yɔ́ɔ́ ndéé, ŋgú ndáʼ ndzó mbɛ́lʉ́ŋ pwɛ pɛ yáʼ. 35Njʉ́ pɔŋ kɛ zóʼ yéré no nɛ́, mbɛwɔ̂ ghú ne njʉ́ne no sísíŋ. Ŋgɛ mbáŋá, ŋɔŋ wéré ghɔ́rɔ́ ne kpê Yěsô ne ndzwé mbəb yé, ŋgɛ̂ zé tó yé kɛ khú, pɔ́ɔ́ gbáá wɔ́b. 36Pɔŋ pɛ́ pɔ́b kɛ zhʉ́ nɛ́ sə́ŋɛ wɔ́b ne no yɛ́ a kɛ záʼ ŋkɔ́ŋ a pɔ́rɔ́ ntsɛ́ʼɛ́ ndzǔne nɛ́.
37Néré, ŋkɔŋɔ pɔŋ náá ndzó ndzyě ŋgɔŋ Zheraseniyɛŋ gháá: «Yěsô twɔ́ ŋgú taŋasesɛ» ŋkyé ŋgâ pɔ́b kɛ pɔ́ɔ́ yéré no. Yěsô kɔ́ʼɔ́ ndzó páŋ, mbód ndzəb.
38Ŋɔŋ wɛ́ zhʉye kəpɔŋ kɛ twɔ́ mbəb yé nɛ́ kɛ psirɛ́ Yěsô ŋgâ: «Mə mbóʼmbwó, tee paʼa ghú!» Yěsô nuʼɔ́ wé nsó ŋgâ: 39«Pɔ́rɔ́ ywoʼ wo nsó ŋkɔŋɔ meno pɛ Mboʼmvé zhyɛ́ mbəb wo náá nɛ́.» Ŋɔŋ wéré ghú ncʉ́rí ŋkɔŋɔ meno pɛ Yěsô kɛ zhyɛ́ mbəb yé náá nɛ́ ndzó ŋkɔŋɔ ndzyě mbɛ́lʉ́ŋ yéré náá.
Yěsô pɛ́d taʼ məŋgʉ́yé mbó njʉyɛ́ Mɔ́ŋ Zharʉsə
(Mat 9:18-26; Máá 5:21-43)
40Ŋkɔŋɔ pɔŋ náá kɛ pɛ́ ne yiŋ ndzáʼ nse ndzwəʼɛ Yěsô. Ŋkhoʼyɛ́ a kɛ pod ndzəb nɛ́, pɔ́b ghəhɛ́ wé. 41Ŋkhoʼyéré, taʼ ŋɔŋ páŋ pé fú wé ne Zharʉsə. A kɛ pé ntsɛ́ssó ndántéré pɛ Yuda yóʼó. A vɔ́ ne kpee Yěsô, mbóʼmbwó pwó yé ŋgâ a kʉ́yó ndáb yé, 42ŋkyé ŋgâ ŋkʉ́yé Mɔ́ŋ yé wé məŋgʉ́yé yimɔʼɔ wɛ́ a kɛ tséʼé ŋgǒʼmvé ntsɔ̌bpáá nɛ́ kɛ ntsɛ́ɛ́ mésɔvó. Njʉ́ Yěsô kɛ yɔ́ɔ́ mɛndɔ́b ywoʼ ŋɔŋ wéré nɛ́, pɔŋ fɛʼɛ́ mɛndɔ́b tɛ fɛrɛ wé fɛ́d.
43Taʼ məŋgʉ́yé pɛ yóʼó wɛ́ nsə kɛ cʉ̌yi mbəb yé fféré ŋkhoʼyɔŋ ndúŋú ŋgǒʼmvé ntsɔ̌b yípáá nɛ́. A kɛ tɔ́ŋ ŋkɔŋɔ yé mbób náá ndɔŋta. Ntsʉʼmbé ŋɔŋ pé kúʼɔ́ ne mbɛ́dne wé pó. 44Məŋgʉ́yé wéré paŋa ndzəb Yěsô, ŋkébe sáŋ ndzwé yé. Kpaʼ ŋkhoʼyéré, nsə yɛ́ a kɛ ŋkhú nɛ́ tséé. 45Yěsô psírí ŋgâ: «A ŋkébe wɔ́ ŋkébe ya mo?» Mbɛwɔ̂ ŋgâ: «Záŋ ya!» Pětro ntsɔ́ pwó yé ŋgâ: «Ntsɛ́ssó, a pɔŋ pɛ́ pɔ́b pfúŋɔ́ wo nɛ́ fɛ́d wo!» 46Ntsʉʼmbé Yěsô gháá: «Ŋɔŋ ŋkébe ya. Mə ndzóʼ njʉ́ taʼ tʉ̌ŋ twɔ́ mbəb mo nɛ́.» 47Məŋgʉ́yé wéré zhʉ́ ŋgâ mbɛ́ɛ́ a pó mbé zhíbí ŋkʉ́rʉ́ pó. A kʉ́yó pfúŋɔ́ Yěsô mvɔ́rɔ́, mvɔ́ ne kpee mé, ntsɔ́ síŋ ŋkɔŋɔ pɔŋ náá yɔ́b yɛ́ zhyɛ́ ŋgâ a ŋkébé ndzwé yé nɛ́. Mbó ntsɔ́ njʉ́ mbəb yé ké fwóó kpaʼ ŋkhoʼyéré nɛ́. 48Yěsô ntsɔ́ pwó məŋgʉ́yé wéré ŋgâ: «Mɔ́ŋ ya, psyɛ́ndzɔʼ yo mkpéé wo! Ghú ne mbúru!»
49Njʉ́ Yěsô kɛ ntsɔ́ yɔŋ no nɛ́, taʼ ŋɔŋ twɔ́ ywoʼ Zharʉsə, ntsɔ́ pwó yé ŋgâ: «Mɔ́ŋ wo wé məŋgʉ́yé wɛ́ a ghɛmbɛ a ghɔŋɔ nɛ́, pfɔ̂, ndě mbó mváʼá Kéʼeyáŋ!» 50Yěsô zóʼ, ntsɔ́ pwó Zharʉsə ŋgâ: «Ndɛ mbɔ́ɔ́! Ké tsɛ́ʼɛ́ ndaʼ psyɛ́ndzɔʼ, mbǒ a nzú.» 51Yěsô paŋa yóʼó. Pwɛ ndaʼ Pětro, ne Zhâŋ, ne Zhakə, ne tɛd Mɔ́ŋ, ne mɛ́ Mɔ́ŋ ŋkúŋɔ ndáb. 52Ŋkɔŋɔ pɔŋ náá ké ŋkhɔ mbó tsuŋɔ ŋkyé yé. Néré Yěsô ntsɔ́ ne pɔ́b ŋgâ: «Puŋ ndɛ khó! Á pfɔ̂ pó, a zhyé zhyé.» 53Pɔŋ ntúŋɔ wé ŋkyé ŋgâ, pɔ́b kɛ zé ŋgâ a kɛ pfɔ̂. 54Yěsô gbáá pwó Mɔ́ŋ məŋgʉ́yé, ntsɔ́ pwó yé ŋgâ: «Mɔ́ŋ ya, zɛ́bɛ!» 55Zhʉye yé khú, a ŋǎ syé kpaʼ ŋkhoʼyéré, Yěsô gháá pé fɛ́ mɔ́b pwó yé, a nzó. 56No tsɛ́ɛ́ tɛd pé, ntsʉʼmbé Yěsô ntsɔ́ ne pɔ́b ŋgâ: «Kii puŋ nsó no yɛ́ a záʼ nɛ́ pwó ŋɔŋ!»
ទើបបានជ្រើសរើសហើយ៖
Lúkaasə 8: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkaasə 8
8
Pɔŋ pɛ́ pwɛ Yěsô kɛ nyí nɛ́
1Njʉ́ yéré no kɛ záʼ nɛ́, Yěsô pwɛ ntsɔ̌b ŋgíŋgye pé pépáá ke ghú ndzó pɛ mbɛ́lʉ́ŋ pwɛ yáʼ ntsɔ́ mbó ncʉ́rɛ meno sʉ́ʼʉ ne Nofɔŋ Mboʼmvé. 2Mbɛ pěŋgyé pɛ́ Yěsô kɛ pɛ́d ghɔŋ yɔ́b mbó túbú pɛ zhʉye kəpɔŋ mbəb pɔ́b nɛ́, kɛ ké ghɛmbɛ́ ndzəb yé. Tíí yɔ́b kɛ pé: Malya wɛ́ pé kɛ fú wé ne Matali nɛ́. Yěsô kɛ túbú zhʉye kəpɔŋ yísambáá mbəb yé. 3Zhânə ŋgʉyé Shuza, Ŋgaŋafaʼ Erodə, Sesana pwɛ pecyó pěŋgyé zááme. Pɔ́b tuʼɔ faʼ ne mɔ́b pɔ́b.
Fuʼno ndúŋú mvěmɔ́b
(Mat 13:1-9; Máá 4:1-9)
4Mvúʼ pɔŋ kɛ twɔ́ ndzó ŋkɔŋɔ pɛ mbɛ́lʉ́ŋ náá tɛ́rɛ pfúŋɔ́ Yěsô, a yɔ́ɔ́ fuʼno nsó ŋgâ: 5«Taʼ Ŋgaŋafaʼ kɛ ghú máʼá mvěmɔ́b pé. Njʉ́ a kɛ tsé máʼá nɛ́, pecyó míí mé pfed ŋgú ne gháá mɛndɔ́b. Pɔŋ záʼ nébe, péshʉŋ tsóó náá. 6Pecyó míí mé vɔ́ ndzɔ́ʼɔ́ méŋkáb ŋgoʼ, sáʼ ndzwɔ́ náá tó kâ nse. 7Pecyó míí mé vɔ́ ndzɔʼ mɛkɔb, sáʼ, pú yé ghɛ́ ŋgóʼó, mɛ́kɔb fóó wé. 8Pecyó míí mé vɔ́ ndzó ywoʼ sʉ́ʼʉ, sáʼ ndzwɔ́ ntáá sʉ́ʼʉ: Taʼ tsóʼ fɛ́ kpǐ ndíí.» Yěsô nsó, ŋkʉ́rʉ́ ndzəb yé fɛ́ nsó ŋgâ: «Ŋɔŋ wɛ́ a tséʼé təŋé zóʼó no nɛ́, a zóʼ!»
Yěsô kɛ yɔ́ɔ́ yɔŋ fuʼno ŋkyé kɔ́?
(Mat 13:10-13; Máá 4:10-12)
9Ŋgíŋgye Yěsô psirɛ́ wé ŋgâ: «Yɔŋ fuʼno pɛ́ ntsɔ́ ŋgâ kɔ́?» 10A pɔ́rɔ́ ne pɔ́b ŋgâ: «Mboʼmvé zhyɛ́ ŋgâ puŋ zé meno ywʉme ne Nofɔŋ yé. Ntsʉʼmbé ne pecyó pɔŋ, pé máʼá fuʼ yé ne pɔ́b. Yânéré, pɔ́b tíŋí mbé zhʉ́ pó, pɔ́b ndzóʼó mbé zɛ́ pó.»
Yěsô keʼtsi fuʼno mvěmɔ́b
(Mat 13:10-23; Máá 4:13-20)
11Yěsô ntsɔ́ pwó ŋgíŋgye pé ŋgâ: «Kéétsi fuʼno yɔŋ tsɔ̌ ŋgâ: mvěmɔ́b, a nsó Mboʼmvé. 12Pɔŋ pɛ́ pɔ́b ne gháá mɛndɔ́b nɛ́, a pɔŋ pɛ́ pɔ́b zóʼ nsó Mboʼmvé, ntsʉʼmbé Sátaŋ, ŋgaŋákəpeŋé kʉ́yó ndzó ndzɔʼ yɔ́b tubú nɛ́, yânéré ŋgâ kii pɔ́b ndɛ mbzyɛ́, tséʼé ndzǔne. 13Pɔŋ pɛ́ pɔ́b ndzɔ́ʼɔ́ méŋkáb ŋgɔʼ nɛ́, pɔŋ pɛ pɔ́b zóʼ nsó Mboʼmvé ne ndebéne, ntsʉʼmbé a pé tséʼé ŋaŋ mé ndzó ndzɔʼ yɔ́b nɛ́ pó. Pɔ́b ké mbzyɛ́ nsó Mboʼmvé pé ne mɔ́ŋtiʼa ŋkhoʼ. Kpeʼe ké ŋgɛ ntsɛ́ɛ́ síŋ pɔ́b, pɔ́b myé ndúŋú. 14Mvěmɔ́b pɛ́ a vɔ́ ndzɔ́ʼɔ́ mɛ́kɔb nɛ́, a pɔŋ pɛ́ pɔ́b zóʼ nsó Mboʼmvé, pɛ kpáŋa tó, pɛ foʼ pwɛ pɛ mɔ́b mvé naŋ ŋgâ nsó Mboʼmvé ndɛ ndzwɔ́ ntáá sʉ́ʼʉ ndzó ndzɔʼ yɔ́b nɛ́. 15Mvěmɔ́b pɛ a vɔ́ ndzó ywoʼ sʉ́ʼʉ nɛ́, a pɔŋ pɛ́ pɔ́b zóʼ nsó Mboʼmvé ne ndáá ndzɔʼ sʉ́ʼʉ, ŋgʉʼɔ nɛ́. A zwɔ́ ntáá sʉ́ʼʉ ŋkyé shʉ̌ndzɔʼ yɔ́b.»
Fuʼno ndúŋú lámbo
(Máá 4:21-25)
16«Pé ndɛ mbé nə́bɛ́ lámbo ŋkubú ne túŋ kii ŋgâ ntii ntsí kúŋ pó. Ntsʉʼmbé, pé ndɛ ntǐ ndúŋú tswə́d, kɛ́ʼɛ́ ŋgâ ŋkɔŋɔ pɔŋ pɛ́ pɔ́b ŋkúŋɔ ndáb náá nɛ́, zhʉ́ ndáŋne mé. 17Ŋkyé ŋgâ, cyó yɔ́b yɛ́ tɛ pé ywʉ́ kii pé náʼá njʉ́ ne zhyaŋa nɛ́ ghú pó, cyó yɔ́b yɛ́ tɛ pé nyáʼá kii pé náʼá ndzé nɛ́ ghú pó. Ŋkɔŋɔ yé náá kʉ́yó twɔ́ tétáá. 18Pǔŋ máʼ fǐ ndzó təŋé múŋ ne mbziʼe yɛ́ puŋ zóʼó no nɛ́. Ŋkyé ŋgâ pé kʉ́yó mvíí pwó ŋɔŋ wɛ́ a tséʼé nɛ́! Ntsʉʼmbé ŋɔŋ wɛ́ a tséʼé nɛ́ pó, pé kpê mɔ́ŋtiʼe yɛ́ a kpáŋa ŋgâ a tséʼé nɛ́!»
Kpaʼ ndǎ Yěsô
(Mat 12:46-50; Máá 3:31-35)
19Pumésɔŋ kɛ zhyɛ̂ Yěsô kaʼatɛ, mɛ́ yé pwɛ pɔ́ŋmɛ́ pé kʉ́yó, mbe kúʼɔ́ ne mbáŋne pfúŋɔ́ yé pó. 20Néré, pé ntsɔ́ pwó Yěsô ŋgâ: «Mɛ́ wo pwɛ pɔ́ŋmɛ́ pó tsé náá wo mvé.» 21A pɔ́rɔ́ ne pɔ́b ŋgâ: «Mɛ́ ya pwɛ pɔ́ŋmɛ́ pe ya, a pɔ́ŋ pɛ pɔ́b zóʼó nsó Mboʼmvé ntsɛ́ ndúŋú nɛ́.»
Yěsô púrú fəfod ntʉ̌ŋme
(Mat 8:18; 8:23-27; Máá 4:35-41)
22Á kɛ pé taʼ zhyémvé mvé, Yěsô pwɛ ŋgíŋgye pé kɔ́ʼɔ́ ndzó páŋ. A ntsɔ́ ne pɔ́b ŋgâ: «Piŋi sáʼá ne yiŋ ndzáʼ nse.» Pɔ́b ndzyě ntswɛ́ páŋ. 23Njʉ́ pɔ́b kɛ ntswɛ́ páŋ nɛ́, yɔ́ɔ́ nzwəə Yěsô. Fǐme nɛ́, taʼ fəfod ntʉ̌ŋme tsé ndzáʼá ndúŋú nse, nse ŋkúŋ tɛ tsé ndúŋɔ páŋ. A kɛ ghɛ́ɛ́ pɔ́b kɛ tsɛ́ɛ́ mésɔvó. 24Ŋgíŋgye Yěsô suʼú mbəb yɔ́b mbɛ́rɛ́ wé, njʉ̌ wé ne yɔ́ɔ́, ntsɔ́ pwó yé ŋgâ: «Ntsɛ́ssó, ntsɛ́ssó! Piŋi kɛ pfɔ̂ nɛ́ náá.» Yěsô zɛ́ bɛ ne yɔ́ɔ́, ŋǎ syé mǐ fəfod pwɛ mbaʼ nse ntʉ̌ŋme. Pɔ́b kɔɔ, ywoʼ zhírí. 25Yěsô psirɛ́ wɔ́b ŋgâ: «Psyɛ́ndzɔʼ yuŋ yɛ́?» Njʉ́ a kɛ pé néré nɛ́, pɔ́b pɔ́ɔ́ kaʼatɛ, tó yɔ́b vaʼ. Pɔ́b ntsɔ́ tsetsɛrɛ pɔ́b ŋgâ: «Yɔŋ zhí ŋɔŋ pɛ́ɛ́ níŋ tɛ sáʼá nse pwɛ fəfod, pɔ́b ké ndzóʼó néré?»
Yěsô pɛ́d taʼ ŋɔŋ wɛ́ zhʉye kəpɔŋ kɛ pɛ mbəb yé nɛ́
(Mat 8:28-34; Máá 5:1-20)
26Yěsô pwɛ ŋgíŋgye pé tsyɛ́ páŋ yɔ́b ndzó ŋgɔŋ Zheraseniyɛŋ. Ŋgɔŋ yɛ́ ne yiŋ ndzáʼ nse Galílya nɛ́. 27Ŋkhoʼyɛ́ pɔ́b kɛ tsé shíí ndzó páŋ nɛ́, taʼ ŋɔŋ mbɛ́lʉ́ŋ wéré kʉ́yó pfúŋɔ́ yé. Ŋɔŋ wéré kɛ tséʼé pɛ zhʉye kəpɔŋ mbəb yé. Féré néré, ŋɔŋ wéré tsé mbé gbéé ndzwé pó. A kɛ tsé mbé yáʼa ndáb pó kaʼatɛ ndaʼa ndzɔ́ʼɔ́ pɛ sye. 28-29Zhʉye kəpɔŋ wéré kɛ záá nyʉ́ wé, pé kwórɔ́ wé ne ŋkɔŋɔ mbziʼe tsáŋ pwɛ kapoʼ náá, a ké ntsê tséé. Á tíŋɛ wé fɛ́ ndzó ywoʼ yɛ́ pɔŋ yóʼó nɛ́ pó. Ŋkhoʼyɛ́ zhʉye kəpɔŋ kɛ zhʉ́ Yěsô nɛ́, a vɔ́ ne kpee mé, ŋgéʼ, ntsɔ́ ne tʉ̌ŋ ŋgâ: «Wo zɔŋɔ kɔ́ ne mo, Yěsô, Mɔ́ŋ Mboʼmvé wɛ́ kpaʼ pépéé nɛ́? Mə Póʼmbwó! Ndɛ ŋgyɛ́ no kəpɔŋ mbəb mo.» Yěsô sáʼ wé ŋgâ a twɔ́ mbəb yé. 30Yěsô psirɛ́ wé ŋgâ: «Tíí wo kɔ́?» A pod ŋgâ: «Záá ŋgáʼ» ŋkyé ŋgâ zhʉye kəpɔŋ zááme kɛ pɛ mbəb yé. 31Pɛ zhʉye kəpɔŋ mbóʼmbwó pwó Yěsô ŋgâ: «Ndɛ máʼá ywí ndzó ndzyě ghəghód ŋgəʼo.»
32A kɛ ghɛ́ kɛrɛ ŋkhúnab pɛ zóó ndúŋú ŋkə́ŋ. Pɔ́b póʼmbwó, ntsɔ́ pwó Yěsô ŋgâ: «Tee ywí, psi ŋkúŋɔ mbəb pɛ ŋkhúnab piŋ.» Yěsô psyɛ́ néré fɛ́ ne pɔ́b. 33Néré pɔ́b twɔ́ ŋkúŋɔ mbəb pɛ ŋkhúnab, pɔ́b yɔ́ɔ́ ndéé, twɔ́ ne gháá pɛ́rɛ́ paŋ mvɔ́ nse, pfɔ̂.
34Ŋkhoʼyɛ́ pɛ mvyébkɛd kɛ zhʉ́ yéré no nɛ́, pɔ́b yɔ́ɔ́ ndéé, ŋgú ndáʼ ndzó mbɛ́lʉ́ŋ pwɛ pɛ yáʼ. 35Njʉ́ pɔŋ kɛ zóʼ yéré no nɛ́, mbɛwɔ̂ ghú ne njʉ́ne no sísíŋ. Ŋgɛ mbáŋá, ŋɔŋ wéré ghɔ́rɔ́ ne kpê Yěsô ne ndzwé mbəb yé, ŋgɛ̂ zé tó yé kɛ khú, pɔ́ɔ́ gbáá wɔ́b. 36Pɔŋ pɛ́ pɔ́b kɛ zhʉ́ nɛ́ sə́ŋɛ wɔ́b ne no yɛ́ a kɛ záʼ ŋkɔ́ŋ a pɔ́rɔ́ ntsɛ́ʼɛ́ ndzǔne nɛ́.
37Néré, ŋkɔŋɔ pɔŋ náá ndzó ndzyě ŋgɔŋ Zheraseniyɛŋ gháá: «Yěsô twɔ́ ŋgú taŋasesɛ» ŋkyé ŋgâ pɔ́b kɛ pɔ́ɔ́ yéré no. Yěsô kɔ́ʼɔ́ ndzó páŋ, mbód ndzəb.
38Ŋɔŋ wɛ́ zhʉye kəpɔŋ kɛ twɔ́ mbəb yé nɛ́ kɛ psirɛ́ Yěsô ŋgâ: «Mə mbóʼmbwó, tee paʼa ghú!» Yěsô nuʼɔ́ wé nsó ŋgâ: 39«Pɔ́rɔ́ ywoʼ wo nsó ŋkɔŋɔ meno pɛ Mboʼmvé zhyɛ́ mbəb wo náá nɛ́.» Ŋɔŋ wéré ghú ncʉ́rí ŋkɔŋɔ meno pɛ Yěsô kɛ zhyɛ́ mbəb yé náá nɛ́ ndzó ŋkɔŋɔ ndzyě mbɛ́lʉ́ŋ yéré náá.
Yěsô pɛ́d taʼ məŋgʉ́yé mbó njʉyɛ́ Mɔ́ŋ Zharʉsə
(Mat 9:18-26; Máá 5:21-43)
40Ŋkɔŋɔ pɔŋ náá kɛ pɛ́ ne yiŋ ndzáʼ nse ndzwəʼɛ Yěsô. Ŋkhoʼyɛ́ a kɛ pod ndzəb nɛ́, pɔ́b ghəhɛ́ wé. 41Ŋkhoʼyéré, taʼ ŋɔŋ páŋ pé fú wé ne Zharʉsə. A kɛ pé ntsɛ́ssó ndántéré pɛ Yuda yóʼó. A vɔ́ ne kpee Yěsô, mbóʼmbwó pwó yé ŋgâ a kʉ́yó ndáb yé, 42ŋkyé ŋgâ ŋkʉ́yé Mɔ́ŋ yé wé məŋgʉ́yé yimɔʼɔ wɛ́ a kɛ tséʼé ŋgǒʼmvé ntsɔ̌bpáá nɛ́ kɛ ntsɛ́ɛ́ mésɔvó. Njʉ́ Yěsô kɛ yɔ́ɔ́ mɛndɔ́b ywoʼ ŋɔŋ wéré nɛ́, pɔŋ fɛʼɛ́ mɛndɔ́b tɛ fɛrɛ wé fɛ́d.
43Taʼ məŋgʉ́yé pɛ yóʼó wɛ́ nsə kɛ cʉ̌yi mbəb yé fféré ŋkhoʼyɔŋ ndúŋú ŋgǒʼmvé ntsɔ̌b yípáá nɛ́. A kɛ tɔ́ŋ ŋkɔŋɔ yé mbób náá ndɔŋta. Ntsʉʼmbé ŋɔŋ pé kúʼɔ́ ne mbɛ́dne wé pó. 44Məŋgʉ́yé wéré paŋa ndzəb Yěsô, ŋkébe sáŋ ndzwé yé. Kpaʼ ŋkhoʼyéré, nsə yɛ́ a kɛ ŋkhú nɛ́ tséé. 45Yěsô psírí ŋgâ: «A ŋkébe wɔ́ ŋkébe ya mo?» Mbɛwɔ̂ ŋgâ: «Záŋ ya!» Pětro ntsɔ́ pwó yé ŋgâ: «Ntsɛ́ssó, a pɔŋ pɛ́ pɔ́b pfúŋɔ́ wo nɛ́ fɛ́d wo!» 46Ntsʉʼmbé Yěsô gháá: «Ŋɔŋ ŋkébe ya. Mə ndzóʼ njʉ́ taʼ tʉ̌ŋ twɔ́ mbəb mo nɛ́.» 47Məŋgʉ́yé wéré zhʉ́ ŋgâ mbɛ́ɛ́ a pó mbé zhíbí ŋkʉ́rʉ́ pó. A kʉ́yó pfúŋɔ́ Yěsô mvɔ́rɔ́, mvɔ́ ne kpee mé, ntsɔ́ síŋ ŋkɔŋɔ pɔŋ náá yɔ́b yɛ́ zhyɛ́ ŋgâ a ŋkébé ndzwé yé nɛ́. Mbó ntsɔ́ njʉ́ mbəb yé ké fwóó kpaʼ ŋkhoʼyéré nɛ́. 48Yěsô ntsɔ́ pwó məŋgʉ́yé wéré ŋgâ: «Mɔ́ŋ ya, psyɛ́ndzɔʼ yo mkpéé wo! Ghú ne mbúru!»
49Njʉ́ Yěsô kɛ ntsɔ́ yɔŋ no nɛ́, taʼ ŋɔŋ twɔ́ ywoʼ Zharʉsə, ntsɔ́ pwó yé ŋgâ: «Mɔ́ŋ wo wé məŋgʉ́yé wɛ́ a ghɛmbɛ a ghɔŋɔ nɛ́, pfɔ̂, ndě mbó mváʼá Kéʼeyáŋ!» 50Yěsô zóʼ, ntsɔ́ pwó Zharʉsə ŋgâ: «Ndɛ mbɔ́ɔ́! Ké tsɛ́ʼɛ́ ndaʼ psyɛ́ndzɔʼ, mbǒ a nzú.» 51Yěsô paŋa yóʼó. Pwɛ ndaʼ Pětro, ne Zhâŋ, ne Zhakə, ne tɛd Mɔ́ŋ, ne mɛ́ Mɔ́ŋ ŋkúŋɔ ndáb. 52Ŋkɔŋɔ pɔŋ náá ké ŋkhɔ mbó tsuŋɔ ŋkyé yé. Néré Yěsô ntsɔ́ ne pɔ́b ŋgâ: «Puŋ ndɛ khó! Á pfɔ̂ pó, a zhyé zhyé.» 53Pɔŋ ntúŋɔ wé ŋkyé ŋgâ, pɔ́b kɛ zé ŋgâ a kɛ pfɔ̂. 54Yěsô gbáá pwó Mɔ́ŋ məŋgʉ́yé, ntsɔ́ pwó yé ŋgâ: «Mɔ́ŋ ya, zɛ́bɛ!» 55Zhʉye yé khú, a ŋǎ syé kpaʼ ŋkhoʼyéré, Yěsô gháá pé fɛ́ mɔ́b pwó yé, a nzó. 56No tsɛ́ɛ́ tɛd pé, ntsʉʼmbé Yěsô ntsɔ́ ne pɔ́b ŋgâ: «Kii puŋ nsó no yɛ́ a záʼ nɛ́ pwó ŋɔŋ!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល